ស្ទឹងត្រែង៖សមិទ្ធផលដ៏ធំជាងគេ និងថ្មីជាងគេមួយទៀតហើយ នៅលើទឹកដីខេត្តស្ទឹងត្រែងគឺទំនប់វារីអគ្គីសនីសេសានក្រោម២ ដែលបច្ចុប្បន្ននេះ សាងសង់បានជិត៧០%ហើយ ដើម្បីឈានទៅដាក់ឲ្យប្រើប្រាស់តួប៊ីនទី១នៅថ្ងៃទី១ខែកញ្ញា២០១៧ខាងមុខ។
លោកលីហ្វីយអគ្គនាយកបច្ចេកទេសក្រុមហ៊ុនសាសង់ទំនប់វារីសេសានក្រោម២ បានឲ្យដឹងថា បច្ចុប្ប ន្នក្រុមបច្ចេកទេស កំពុងធ្វើសកម្មភាពសាងសង់យ៉ាងមមាញឹក ទៅលើហេដ្ឋារចនាសម្ព័ន្ធផ្សេងៗដូចជាតួទំនប់ ទាំងមូល ប្រពន្ធ័សុវត្ថិភាពបង្ហូរទឹក តួប៊ីនទំនប់ដើម្បីពន្លឿនផែនការសំណង់ ឲ្យបានរួចរាល់ទៅតាមកិច្ចសន្យានៅចុងឆ្នាំ២០១៧ខាងមុខនេះ។
លោកបានបញ្ជាក់ថា ដំណើរការសាងសង់ទំនប់ទាំងមូលសំរេចបានជិត៧០%ហើយ គ្រោងនឹងដាក់ឲ្យប្រើប្រាស់នៅចុងឆ្នាំ២០១៧ខាងមុខ ខណៈផ្លូវចូលទៅកាន់ទីតាំងទំនប់ចំងាយ១៧គីឡូម៉ែត្រ និងផ្លូវពង្វាងទឹកសម្រេចបាន១០០%។
លោកឆាយមេងមន្ត្រីទទួលបន្ទុកការងារផ្នែករដ្ឋបាលក្នុងការដ្ឋានក្រុមហ៊ុនវារីអគ្គិសនីនេះ បានអះអាងថាគម្រោងវិនិយោគវារីអគ្គីសនី របស់រដ្ឋាភិបាលនៃសាធារណរដ្ឋប្រជាមានិតចិន ចំពោះព្រះរាជាណាចក្រកម្ពុជានេះមានទំហំឋាមពលរហូតទៅដល់៤០០មេហ្គាវ៉ាត់ ដែលអាចផ្គត់ផ្គង់អគ្គីសនី សម្រាប់ការប្រើប្រាស់នៅតាមលំនៅដ្ឋានប្រជាពលរដ្ឋ និងសម្រាប់ផ្នែកឧស្សាហកម្ម និងកសិឧស្សាហកម្មមួយចំនួនទៀត។
លោកបន្តថា នៅពេលដែលមានការអភិវឌ្ឍទំនប់វារីអគ្គីសនីនេះ រួចរាល់ធ្វើឲ្យខេត្តស្ទឹងត្រែងមានសក្តានុពលសេដ្ឋកិច្ចមួយដ៏ធំ ដោយបានជួយជំរុញវិស័យផលិតកម្ម ការថែរក្សាបរិស្ថាន ធនធានព្រៃឈើ ដែលបានជួយប្រែក្លាយទៅជាទិសដៅបំរើឲ្យ វិស័យទេសចរណ៍នៅក្នុងខេត្តនេះផងដែរ។
លោក ស៊ុយសែម រដ្ឋមន្ត្រី ក្រសួងរ៉ែ និងថាមពល នៅពេលចុះមកជួបប្រជាពលរដ្ឋតំបន់អភិវឌ្ឍន៍វារីអគ្គិសនីនាពេលថ្មីៗនេះ បានមានប្រសាសន៍ថា ប្រជាពលរដ្ឋនឹងទទួលបានផលពីវារីអគ្គិសនីនេះក្នុងតម្លៃទាប ខណៈបច្ចុប្បន្នថាមពលប្រើប្រាស់អគ្គិសនីរដ្ឋនៅខេត្តស្ទឹងត្រែង មានតម្លៃជាង៩០០រៀល ក្នុង១គីឡូវ៉ាត់។
តែទោះជាយ៉ាងណាក្តី រហូតមកដល់ពេលនេះ ប្រជាពលរដ្ឋដែលរស់នៅក្នុងតំបន់ស្ថិតនៅខាងលើអាងទំនប់ទឹកនៅក្រាញមិនទាន់ចាកចេញ២០០គ្រួសារទៀត ហើយក្រុមហ៊ុននិងអាជ្ញាធរបានត្រៀមលក្ខណៈរួចជាស្រេចដើម្បីជួយប្រជាពលរដ្ឋយើងទាំងអស់នោះ។
សូមបញ្ជាក់ថាទំនប់វារីអគ្គិសនីសេសានក្រោម២ ដែលស្ថិតក្នុងភូមិសាស្ត្រទឹកដីឃុំកំភុនស្រុកសេសានខេត្តស្ទឹងត្រែងនេះ បានបើកការដ្ឋានសាងសង់កាលពីថ្ងៃទី៧ខែមករាឆ្នាំ២០១៣ ដែលគិតរហូតមកដល់ពេលនេះមានរយៈពេលជាង៣ឆ្នាំហើយ ដោយប្រើប្រាស់កម្មករជិត៣០០០នាក់៕
ព្រៃវែង៖ពលរដ្ឋដែលរស់នៅភូមិព្រៃព្រហ្ម ឃុំពោធិ៍ទី ស្រុកស៊ីធរកណ្ដាល ខេត្តព្រៃវែង បានប្រត្តិកម្មខណៈដីសាធារណៈរួមមួយកន្លែងនៅចំនុច (តាបឹង )ជាប់ថ្ននាលកៅស៊ូ ខាងកើតភូមិព្រៃព្រហ្ម ឃុំពោធិ៍ទី ស្រុកស៊ីធរកណ្ដាល ខេត្តព្រៃវែង។ ដែលត្រូវបានលោក អ៊ាន រឿន យកធ្វើជាកម្មសិទ្ធផ្ទាល់ខ្លួនហើយនោះ។
បើតាមការអះអាងរបស់ពលរដ្ឋ បានឲ្យដឹងថា ដីនេះគឺជាដីសាធារណៈរួម ពុំមែនជាដីកម្មសិទ្ធរបស់នណាម្នាក់ឡើយគឺនៅចំណុះឲ្យ ភូមិព្រៃព្រហ្ម នេះតែម្ដង តែត្រូវបានលោក អ៊ាន រឿន រំលោភយកធ្វើជាកម្មសឹទ្ធផ្ទាល់ខ្លួនដោយកាលមុនបុគ្គលរូបនោះគឺគ្រាន់តែសុំធ្វើអាជីវកម្មឡឥដ្ឋលើដីនោះទេ តែឥលូវបែជាមកអាងយ៉ាងកាន់កាប់ដីនោះទាំងបំពានខណៈ ឡឥដ្ឋរបស់ខ្លួនឈប់ដំណើរការជាយូឆ្នាំ ហើយនោះ។
ពលរដ្ឋបានអស់សង្ឃឹម ខណៈពួកគាត់ផ្ដឹងនិងតវ៉ាជាច្រើនដងហើយតែពុំបានលទ្ធផលសោះដោយលើកឡើងថា ខាងអ្នករំលោភយកដីនោះមានខ្នងជានាក់ធំហើយមើលទៅបានជាពួកគាត់មិនដែលទទួលបានលទ្ធផលនៃការតវ៉ានោះឡើយ ឆ្លើយតបនិងបញ្ហានេះ លោក ញ៉ក់ យ៉េន មេភូមិព្រៃព្រហ្ម បានអះអាងថាដីដែលលោក អ៊ាន រឿន កាន់កាប់នោះពីមុនគឺពិតជាដី សាធារណៈមែន ដោយ ឈ្មោះ អ៊ាន រឿន នោះបានសុំច្បាប់ធ្វើអាជីវកម្មលើដីនោះដើម្បីធ្វើឡឥដ្ឋទេ។ លោកបញ្ជាក់ទៀតថា នាក់សុំធ្វើអាជីវកម្មទាំងនោះមាន3ទៅ4ម្ចាស់ដែរ តែម្ចាស់ផ្សេងទៀតគេមិនយកដីនោះទេគ្រាន់ឈប់គេដើរចេញ ។
ប្រភពពលោក ភត្រា ជាកូនរបស់លោក អ៊ាន រឿន បានអះអាងថា លោក មានផ្លង់កាន់កាប់ត្រឹមត្រូវ ពីរដ្ឋ តែលោកក៏បានទទួលស្លាល់ដែរថា ដីនោះពីមុនជាដីរដ្ឋប្រាកដ មែនតែលោកបានធ្វើអាជីវកម្មយូហើយ លោកបានបញ្ជាក់ទៀតថា បើរដ្ឋត្រូវការយកចោះ តែបើពលរដ្ឋមកទាមទាយកនោះលោកមិនព្រមឲ្យទេ។ រឿងនេះ លោក មេឃុំ ក៏បានទទួលស្លាល់ដែរថាដីនោះគឺជាដីសាធារណៈពីមុន តែលោកបានពាក់ពន្ធ័បន្តិចខ្លះដែរនៅឆ្នាំ2008ដោយចារបញ្ជូនទៅឲ្យជុំនាញ។
ប្រភពពីលោក យូ ជឿន ក្រុមព្រឹក្សាស្រុក បានឲ្យដឹងថាពលរដ្ឋផ្ទុះការតវ៉ាខណៈលោក អ៊ាន រឿន យកគ្រឿងចក្រមកឈូសឆាយដីនោះ។ ឆ្លើយតបនិងបញ្ញា នេះផងដែរ លោក ជុំ មោគ មន្ត្រីសូរិយោដីស្រុកស៊ីធរកណ្ដាល បានឲ្យដឹងថា លោក អ៊ាន រឿន កាន់កាប់ដីនោះគឺមិនមានផ្លង់ឬលិខិតអ្វីឲ្យត្រឹមត្រូវនិងស្របច្បាប់ទេ ដោយលោកក៏កំពង់តែស្រាវជ្រាវដែរ ក្រុមពលរដ្ឋបានខកចិត្តជាថ្មីមួយទៀតខណៈ លោក យូ ជឿន ត្រូវបានលោក មាស សុភក្ក័ ព្រះរាជអាជ្ញាអមសាលាដំបូង ខេត្តព្រៃវែង កោះហៅឲ្យចូលខ្លួនទៅបំភ្លឺពីបទបរិហារកេរ្តិ៍ ជាសាធារណៈ ដោយគ្រាន់តែលោកបាន និយាយការពិតប្រាប់អ្នកការសែត សោះបែរជា តុលាការ ហៅបែបនេះទៅវិញ។ អាជ្ញាធរមិនគួរបណ្ដែតបណ្ដោយពេកនោះទេ ខណៈពលរដ្ឋកំពង់ឡើងកំដៅដូចនេះ ពលរដ្ឋចង់ការពារដីខុសអីដែរ ចុះអាជ្ញាធរ ៕
ភ្នំពេញ៖គ្រោះថ្នាក់ចរចរាណ៍មួយរវាងរថយន្តដឹកដីបុករថយន្តតូរីសពេញទំហឹងមានមនុស្សប្រុសស្រីចំនួន១៥នាក់ បានរងរបួសដ៏ដេករណូករណែលនៅលើកំណាត់ផ្លូវជាតិលេខ៣កាលពីវេលាម៉ោង២ និង១៥នាទីសៀលថ្ងៃទី៤ ខែកក្កដា ឆ្នាំ២០១៦ ស្ថិតនៅ ក្បែរវិទ្យាល័យពងទឹក ភូមិស្រែញរសង្កាត់ពងទឹក ខណ្ឌដង្កោ រាធានីភ្នំពេញ។
ប្រភពពីកន្លែងកើតហេតុបានអោយដឹងថាមុនពេលពេលកើតហេតុគេឃើញរថយន្តដឹកដីមួយគ្រឿងស្លាកលេខកោះកុង3A-0427ធ្វើដំណើរដោយបុរសម្នាក់ក្នុងទិដៅពីត្បូងទៅជើង ចំណែករថយន្តតូរីសស្លាកលេខភ្នំពេញ2T-6342ក្នុងទិសដៅពីជើងទៅត្បូងដោយក្នុងរថយន្តមនុស្សចំនួន១៥នាក់។
ភ្លាមៗនោះជនរងគ្រោះចំនួន១៥នាក់ដែលបានរងរបួស ក្នុងនោះមានស្រី៨នាក់ ត្រូវបានកម្លាំងទាហ៊ានលេខ ង៧០ចុះទៅជួយអន្តរាគមន៍លើកអ្នករងរបួសដាក់លើរថយន្តសង្គ្រោះបន្ទាន់ដឹកទៅកាន់មន្ទីរពេទ្យ ហើយសមត្ថកិច្ចមូលដ្ឋាននិងជំនាញចរាចរណ៍បានចុះវាស់វែងនៅកន្លែងកើតហេតុចំណែកតៃកុងរថយន្តដឹកដីរត់បាត់ស្រមោល៕ បញា
រាជធានីភ្នំពេញ៖កម្ពស់ទឹកជំនន់ ប្រចាំថ្ងៃទី០៥ ខែកក្កដា ឆ្នាំ២០១៦នេះ នៅតាមបណ្តាស្ថានីយ ជលសាស្ត្រទាំង៨ រួមមានស្ថានីយ ទន្លេមេគង្គ-ស្ទឹងត្រែង, ស្ថានីយទន្លេមេគង្គ-ក្រចេះ, ស្ថានីយទន្លេ មេគង្គ-កំពង់ចាម, ស្ថានីយបាសាក់-ចតុមុខ, ស្ថានីយមេគង្គ-អ្នកលឿង, ស្ថានីយបាសាក់-កោះខែល, ស្ថានីយទន្លេសាប-ព្រែកក្តាម និងស្ថានីយទន្លេសាប-កំពង់លួង៕ ព័ត៌មានលម្អិតសូមអាន ព្រឹត្តិបត្រព័ត៌មាន របស់ក្រសួងធនធានទឹកទាំងស្រុង៖
រាជធានីភ្នំពេញ៖សភាស៊ើបសួរសាលាឧទ្ធរណ៍ សម្រេចច្រានចោលបណ្តឹងសុំមោឃភាពនីតិវិធី របស់ មេធាវី៥រូប របស់លោក កឹម សុខា ដែលបានស្នើសុំមោឃភាពនិងនិតិវិធីករណីលោក កឹម សុខា ។
លោក ហែម សុជាតិ មេធាវីមួយរូបរបស់លោក កឹម សុខា បានថ្លែងនៅព្រឹកថ្ងៃទី៤ ខែកក្កដា ឆ្នាំ២០១៦ថា សភាស៊ើបសួរសាលាឧទ្ធរណ៍ សម្រេចច្រានចោលបណ្តឹងសុំមោឃភាព នីតិវិធីរបស់ក្រុមមេធាវី រួចបញ្ជូនសំណុំរឿងនេះ ទៅកាន់ចៅក្រមស៊ើបសួរសាលាដំបូងរាជធានីភ្នំពេញ ដើម្បីបន្តកិច្ចស៊ើបសួរ។
យ៉ាងណាក៏ដោយ លោក កឹម សុខា ពុំបានបង្ហាញវត្តមាននៅក្នុងសវនាការនោះទេ ប៉ុន្តែមេធាវីរបស់លោក កឹម សុខា បានចូលរួមសវនាការដើម្បីតតាំងនីតិវិធីរបស់សាលាឧទ្ធរណ៍៕
បាល់ទាត់៖ក្លិបតោខៀវ Chelsea បានប្រកាសទិញយកខ្សែប្រយុទ្ធសញ្ជាតិបែលហ្ស៊ិកពីក្លិប Marseille គឺកីឡាករ Michy Batshuayi ជាផ្លូវកាតហើយក្នុងតម្លៃពល៣៣លានផោន។
កីឡាករវ័យ២២ឆ្នាំរូបនេះ កាលពីមុនធ្លាប់មានទំនាក់ទំនងក្នុងការផ្លាស់ទៅកាន់ក្លិប Tottenham Hotspur និង Crystal Palace ផងដែរ ប៉ុន្តែឥឡូវនេះ មន្ទិ៩លសង្ស័យទាំងអស់ត្រូវបានរលាយសាបសូន្យទៅវិញបន្ទាប់ ពីកីឡាកររូបនេះបានសម្រេចចិត្ត ចុះកុងត្រា៥ឆ្នាំឲ្យក្លិបតោខៀវ Chelsea កាលថ្ងៃអាទិត្យម្សិលមិញ បន្ទាប់ពីត្រឡប់ពីព្រឹត្តិការណ៍ Euro 2016 វិញ និងក្លាយជាកីឡាករដំបូងគេ ដែលមកចូលរួមជាមួយ Chelsea ក្រោមការដឹកនាំរបស់អ្នកចាត់ការថ្មី Antonio Conte។
Batshuayi បានប្រាប់ដល់វិបសាយក្លឹប Chelsea ថា៖ “ខ្ញុំរីករាយខ្លាំងណាស់ ដែលបានចុះកុងត្រាលេងឲ្យក្លឹបធំ និងល្បីបំផុតនៅអឺរ៉ុប។ ខ្ញុំសង្ឃឹមថា ខ្ញុំអាចជួយ Chelsea ឲ្យឈ្នះពានរង្វាន់ជាច្រើន អំឡុងពេលដែលខ្ញុំនៅ Stamford Bridge។
គួរបញ្ជាក់ដែរថា Batshuayi ស៊ុតបញ្ចូលទីវបានចំនួន២៣គ្រាប់ ក្នុងការបង្ហាញខ្លួន៥០លើក ឲ្យក្លិប Marseille ៕
ប៉េកាំង៖មនុស្សចំនួន៥០នាក់ស្លាប់ ហើយចំនួន១២នាក់ទៀតកំពុងបាត់ខ្លួននៅឡើយព្រមទាំងបានបំផ្លាញផ្ទះសម្បែងរាប់ពាន់កន្លែងផងដែរបន្ទាប់ពីភ្លៀងធ្លាក់ខ្លាំងរយៈពេល៣ថ្ងៃជាប់គ្នានៅផ្នែកមួយចំនួននៅភាគខាងត្បូង និងខាងកើតនៃប្រទេសចិន។ នេះបើមន្ត្រីអាជ្ញាធរមូលដ្ឋាននៅប្រទេសចិនបាននិយាយពីម្សិលមិញ។
យោងតាមទូរទស្សន៍រដ្ឋចិនបានផ្សាយថា ពេលនេះក្រុមកម្មករជួយសង្គ្រោះកំពុងជួយប្រជាពលរដ្ឋមូលដ្ឋាន និងកំពុងយកបាវដីខ្សាច់ដាក់ទប់ទឹកជំនន់នៅក្នុងខេត្តអាន់ហ៊ុយ (Anhui) ដែលស្ថិតនៅភាគខាងកើតនៃប្រទេសចិន។
នាយកដ្ឋានកិច្ចការជនស៊ីវិលនៅខេត្តអាន់ហ៊ុយនៃប្រទេសចិនបាននិយាយថា មនុស្សសរុបចំនួន១៨នាក់បានស្លាប់ ហើយចំនួន៤នាក់ទៀតកំពុងបាត់ខ្លួននៅឡើយដោយសារការធ្លាក់ភ្លៀងខ្លាំងចាប់តាំងពីថ្ងៃទី១៨ខែមិថុនាមកម្ល៉េះ៕
ខេត្តឧត្តរមានជ័យ៖កម្លាំងនគរបាលសង្កាត់កូនគ្រៀងបានធ្វើការឃាត់លោកតាអាយុ៥៧ឆ្នាំម្នាក់បញ្ជូនទៅស្នងការខេត្ត បន្ទាប់ពីចាប់រំលោភចៅស្រីអាយុ៩ឆ្នាំបានសម្រេចជាច្រើនដង។ ការឃាត់ខ្លួននេះធ្វើឡើងតាមពាក្យម្តាយក្មេងស្រីរងរគ្រោះកាលពីថ្ងៃទី៣ ខែកក្កដា ឆ្នាំ២០១៦ម្សិលមិញនេះនៅភូមិផ្អុង សង្កាត់កូនគ្រៀល ក្រុងសំរោង។
ស្នងការនគរបាលខេត្តឧត្តរមានជ័យ លោកឧត្តមសេនីយ៍ត្រី ម៉ែន លី បានប្រាប់នៅព្រឹក ថ្ងៃទី៤ ខែកក្កដា ឆ្នាំ២០១៦នេះថា តាចាស់ល្មោមតណ្ហា ឈ្មោះ ស៊ីញ ចំរើន ហៅ ម៉ូន អាយុ៥៧ឆ្នាំ រំលោភសេពសន្ថវៈលើចៅស្រី របស់ខ្លួនអាយុ៩ឆ្នាំ សម្រេចជាច្រើនដង នៅភូមិផ្អុង សង្កាត់កូនគ្រៀល ក្រុងសំរោង។
លោកស្នងការបន្តថា ជនសង្ស័យបានលួងលោមក្មេងស្រីរងគ្រោះ ដើម្បីរំលោភបាន៥លើកមកហើយ លុះលើកចុងក្រោយ អស់ល័ក្ខ នៅថ្ងៃទី៣ ខែកក្កដា ឆ្នាំ២០១៦ម្សិលមិញនេះ ទើបម្តាយជនរងគ្រោះមានការសង្ស័យ ហើយបានសួរជនរងគ្រោះពេលនោះកូន (ជនរងគ្រោះ) ក៏បានប្រាប់ទៅម្តាយថា ខ្លួនត្រូវបាន តាម៉ូន បានរំលោភខ្លួនជាច្រើនដង ហើយគំរាមមិនប្រាប់អ្នកណាទេ។
លោកបញ្ជាក់ថា ក្រោយពីទទួលបានបណ្តឹង កម្លាំងប៉ុស្តិ៍ក៏បានស្រាវជ្រាវឃាត់ខ្លួន ជនសង្ស័យខាងលើ បាននៅល្ងាចថ្ងៃដដែរ បញ្ជូនមក កាន់អធិការដ្ឋាន បន្ទាប់ពីបានសួរនាំជនសង្ស័យ ជនសង្ស័យបានសារភាពថា ខ្លួនពិតជាបានប្រព្រឹត្តអំពើបែបនេះពិតមែន។
បច្ចុប្បន្នជនសង្ស័យ កំពុងកសាងសំណុំរឿង បញ្ជូនទៅកាន់សាលាដំបូងខេត្ត ដើម្បីចាត់ការតាមផ្លូវច្បាប់៕
បង់ក្លាដែស៖ប្រទេសបង់ក្លាដែសបានប្រកាសកាន់ទុក្ខជាតិ២ថ្ងៃ សម្រាប់មនុស្សដែលត្រូវបានគេសម្លាប់ នៅពេលពួកបះបោររដ្ឋអ៊ីស្លាម បានចាប់មនុស្សនៅក្នុងហាងកាហ្វេមួយកន្លែងនៅទីក្រុងដាកា ធ្វើជាចំណាប់ខ្មាំង រហូតបណ្តាលឲ្យស្លាប់២០នាក់។
យោងតាមសារព័ត៌មាន BBC ចេញផ្សាយថា ចំនួនអ្នកស្លាប់ទាំង២០នាក់ ដោយភាគច្រើនជាជនបរទេសដែលមានជនជាតិអ៊ីតាលី៩នាក់ ជប៉ុន៧នាក់ អាមេរិកម្នាក់ និងឥណ្ឌាម្នាក់ ជាមួយគ្នានោះក៏មានមន្ត្រីប៉ូលិស២នាក់បានស្លាប់ផងដែរ គ្រាដែលមនុស្ស៣០នាក់ផ្សេងទៀតបានរងរបួស។
BBC បានឲ្យដឹងបន្ថែមថា កងកុម្ម៉ង់ដូរបង់ក្លាដែស បានរំដោះមនុស្ស១៣នាក់ បន្ទាប់ពីការចាប់ជាចំណាប់ខ្មាំងអស់រយៈពេល១២ម៉ោង ហើយបានសម្លាប់ខ្មាន់កាំភ្លើង៦នាក់ និងចាប់ខ្លួនបានមួយចំនួន។
កម្លាំងសន្តិសុខបង់ក្លាដែស ក្នុងនោះមានទាំងកងកុម្ម៉ង់ដូផងដែរ បានសម្រេចសម្រុកចូលក្នុងភោជនីយដ្ឋាននោះ ដើម្បីបង្ក្រាបលើខ្មាន់កាំភ្លើង ដែលចាប់មនុស្សធ្វើជាចំណាប់ខ្មាំងនៅភោជនីយដ្ឋានមួយកន្លែងនៅក្រុងដាកា៕
រាជធានីភ្នំពេញ៖ជនសង្ស័យ៤នាក់ជិះម៉ូតូ២គ្រឿងមកកាប់ប្រហារលើបុរស២នាក់យ៉ាងសាហាវបណ្តាលឲ្យស្លាប់ម្នាក់ និងរងរបួសស្រាលម្នាក់ ខណៈជនរងគ្រោះកំពុងដើរទៅផ្សារ។ ករណីនេះកើតឡើងកាលពីវេលាម៉ោង១៩ និង៥០នាទីព្រលប់ ថ្ងៃទី០៣ ខែមិថុនា ឆ្នាំ២០១៦ នៅចំណុចក្រោយផ្សារកាណាសីធី ស្ថិតក្នុងភូមិចោមចៅសង្កាត់ចោមចៅ ខណ្ឌពោធិ៍សែនជ័យ។
ជនរងគ្រោះដែលស្លាប់មានឈ្មោះ ជា សុភាព ភេទប្រុស អាយុ២៨ឆ្នាំ មុខរបរកម្មករសំណង់ មានស្រុកកំណើតនៅ ភូមិត្រពាំងកណ្តាល ឃុំមឺនជ័យ ស្រុករំដួល ស្នាក់នៅបន្ទប់ជួលជិតកន្លែងកើតហេតុខាងលើ និងម្នាក់ទៀត ឈ្មោះ សោម ពិស័យ ហៅអេង អាយុជាងសាមសិបឆ្នាំ មានស្រុកកំណើតជាមួយគ្នា (របួសស្រាល) បច្ចុប្បន្នកំពុងសម្រាកព្យាបាលនៅគ្លីនិកអង្គរ។
បើតាមសំដីអ្នកដែលឃើញហេតុការណ៍បានប្រាប់ថា មុនពេលកើតហេតុជនរងគ្រោះទាំងពីរនាក់បានដើរចេញពីបន្ទប់ជួល ក្នុងបំណងមកផ្សារ កាណាសីធី លុះមកដល់កន្លែងកើតហេតុខាងលើក៏ស្រាប់តែមានជនសង្ស័យចំនួន៤នាក់ ជិះម៉ូតូ C125 ពណ៌ខ្មៅ ២គ្រឿង មិនចាំសេរី និងស្លាកលេខមកដល់ក៏កាប់មកលើ ជនរងគ្រោះពីក្រោយចំកញ្ចឹង-ក បណ្តាលឲ្យស្លាប់ពេលបញ្ជូនដល់មន្ទីពេទ្យ និងម្នាក់ទៀត ត្រូវខ្នងបណ្តាលឲ្យរបួសស្រាល។
បច្ចុប្បន្នកម្លាំងអាវុធហត្ថខណ្ឌពោធិសែនជ័យ កំពុងសហការជាមួយកម្លាំងការិយាល័យល័យជំនាញ ដើម្បីស្រាវជ្រាវរកជនដៃដល់មកផ្តន្ទាទោស ទៅតាមផ្លូវច្បាប់។ ក្រោយកើតហេតុ សពត្រូវបានខាងជំនាញចុះមកធ្វើកោសល្យវិច្ច័យ និងប្រគល់ទៅឲ្យក្រុមគ្រួសារយកទៅធ្វើបុណ្យតាមប្រណៃពីនៅស្រុកកំណើត៕
រាជធានីភ្នំពេញ៖ព្រឹត្តិបត្រព័ត៌មាន និងការព្យាករណ៍ពីម្ពស់ទឹកជំនន់ ប្រចាំថ្ងៃទី០៤ ខែកក្កដា ឆ្នាំ២០១៦នេះ នៅតាមបណ្តាស្ថានីយ ជលសាស្ត្រទាំង៨ រួមមានស្ថានីយ ទន្លេមេគង្គ-ស្ទឹងត្រែង, ស្ថានីយទន្លេមេគង្គ-ក្រចេះ, ស្ថានីយទន្លេ មេគង្គ-កំពង់ចាម, ស្ថានីយបាសាក់-ចតុមុខ, ស្ថានីយមេគង្គ-អ្នកលឿង, ស្ថានីយបាសាក់-កោះខែល, ស្ថានីយទន្លេសាប-ព្រែកក្តាម និងស្ថានីយទន្លេសាប-កំពង់លួង៕ ព័ត៌មានលម្អិតសូមអាន ព្រឹត្តិបត្រព័ត៌មាន របស់ក្រសួងធនធានទឹកទាំងស្រុង៖
ខេត្តរតនគិរី៖ជនសង្ស័យ២នាក់ពាក់ព័ន្ធប្រើប្រាស់អាវុធខុសច្បាប់និងធ្លាប់ជាប់ពាក់ព័ន្ធពីបទលួចត្រូវសមត្ថកិច្ចប៉ូលិសប៉ុស្ត៍ឡាបានសៀកបញ្ជូនទៅកាន់តុលាការកាលពីរសៀលថ្ងៃទី០៣ ខែកក្កដាឆ្នាំ២០១៦នេះដើម្បីចាត់ការបន្ត ។
លោក ផន ទុំ នាយប៉ុស្ត៍សង្កាត់ឡាបានសៀកបានឲ្យដឹងថាកាលពីថ្ងៃទី០១ ខែកក្កដាឆ្នាំ២០១៦កម្លាំងជំនាញកណ្ដាលព្រហ្មទ័ណ្ឌ សហការណ៍ជាមួយកម្លាំង អធិការក្រុងបានលុង និង កម្លាំងប៉ុស្តិ៍ រដ្ឋបាលសង្កាត់ឡាបានសៀកបាន ចុះអនុវត្តដីកាបង្គាប់ឲ្យចាប់ខ្លួនរបស់តុលាការខេត្តរតនគិរីទៅលើឈ្មោះ ទិត្យ វ៉ាន់អែល ភេទ ប្រុស អាយុ ២៤ ឆ្នាំ ជនជាតិ ខ្មែរឥស្លាម មានទីលំនៅ ភូមិ ថ្មី សង្កាត់ ឡាបាន សៀក ក្រុងបានលុង ខេត្ត រតនគិរី មុខរបរ មិនពិតប្រាកដ ធ្លាប់ជាប់ពាក់ព័ន្ឋ ពីបទ លួច។
លោកបន្តទៀតថា ខណៈពេលចាប់ខ្លួនកម្លាំងរបស់លោកដកហូតបាន អាវុធAKស្វាយបត់ ០១ដើម បង់មួយ គ្រាប់ចំនួន ០៧ គ្រាប់ ម៉ូតូ ០១ គ្រឿង ប្រដាប់កាច់សោករម៉ូតូ ០១ ។
លោកបន្តថា ក្រោយការសាកសួរទៅលើឈ្មោះ ទិត្យ វ៉ាន់អែល រួចមកកម្លាំងបានឈានទៅឃាត់ខ្លួនជនសង្ស័យម្នាក់ទៀតឈ្មោះ ឈីន សាវី ភេទប្រុស អាយុ ៣៦ឆ្នាំ មុខរបរមិនពិតប្រាកដ ជនជាតិខ្មែរជាម្ចាស់អាវុធ រស់នៅភូមិថ្មី សង្កាត់ឡាបានសៀក ក្រុងបានលុង ខេត្តរតនៈគីរី។ លោកនាយប៉ុស្ត៍បានបញ្ជាក់ចុងក្រោយថាក្នុងចម្លើយសារភាពរបស់ជនសង្ស័យនៅមានជនសង្ស័យជាបក្ខពួកម្នាក់ទៀតដែលនិងត្រូវបន្តស្វែងរកចាប់ខ្លួនទៀត។
បច្ចុប្បន្នជនសង្ស័យទាំង២នាក់ត្រូវបានបញ្ចូនទៅកាន់តុលាការខេត្តរតនគិរី ចាត់ការតាមនិតិវិធីនៃច្បាប់៕
រាជធានីភ្នំពេញ៖នៅថ្ងៃទី៣ ខែកក្កដា ឆ្នាំ២០១៦ម្សិលមិញនេះមានករណីគ្រោះថ្នាក់ចរាចរណ៍នៅទូទាំងប្រទេស កើតឡើងចំនួន៧លើក (យប់៥លើក) បណ្តាលឲ្យមនុស្សស្លាប់២នាក់ (ស្រី១នាក់) រងរបួសធ្ងន់៩នាក់ (ប្រុស) និងរបួសស្រាល៣នាក់ (ស្រី១នាក់)។ នេះបើតាមរបាយការណ៍ពីនាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ។
របាយការណ៍ដដែលបន្តថា នៅក្នុងហេតុការណ៍គ្រោះថ្នាក់ចរាចរណ៍ទាំង៧លើកនេះ បណ្តាលឲ្យខូចខាតយានយន្ត សរុបចំនួន១០គ្រឿង រួមមានម៉ូតូចំនួន៥គ្រឿង រថយន្តធុនតូចចំនួន៤គ្រឿង រថយន្តធុនធំ ចំនួន ១គ្រឿង និងអ្នកថ្មើរជើង២នាក់។ របាយការណ៍បញ្ជាក់ថា មូលហេតុដែលបណ្តាលឲ្យកើត មានករណីគ្រោះថ្នាក់ចរាចរណ៍ រួមមាន ល្មើសល្បឿម១លើក, មិនគោរពសិទ្ធិ២លើក, ស្រវឹង២លើក, បត់គ្រោះថ្នាក់១លើក និងប្រជែងគ្រោះថ្នាក់១លើក។ ក្នុងនោះអ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍៤នាក់។
ជាមួយគ្នានោះនៅថ្ងៃទី៣ ខែកក្កដា ឆ្នាំ២០១៦ លទ្ធិផលត្រួតពិនិត្យអនុវត្តច្បាប់ចរាចរណ៍ផ្លូវគោកឃើញថា យានយន្តដែល្មើសសរុបទូទាំងប្រទេសមាន ចំនួន២៥៣២គ្រឿង ក្នុងនោះបានធ្វើការអប់រំចំនួន ១២៣៥គ្រឿង និងពិន័យសរុប ១២៩៧គ្រឿង៕
អ៊ីរ៉ាក់៖ក្រុមសកម្មប្រយុទ្ធរដ្ឋឥស្លាម់ ISIS បានបំផ្ទុះរថយន្តអត្តឃាតនៅទីប្រជុំជន និងទីផ្សារមានចរាចរណ៍មមាញឹកច្រើនដោយមាន២ករណីផ្សេងគ្នានៅទីក្រុងបាដាដបណ្តាលឲ្យមនុស្សចំនួន១២៦នាក់ស្លាប់ ក្នុងនោះ២៥នាក់ក្មេង ព្រមទាំងរងរបួស១៤៧នាក់។
យោងតាមព័ត៌មាន CNN បានផ្សាយថា ករណីបំផ្ទុះគ្រាប់បែកដោយរថយន្តបណ្តាលឲ្យមនុស្សស្លាប់ច្រើននេះ ធ្វើឡើងនៅទីប្រជុំជន និងទីផ្សារមានចរាចរណ៍មមាញឹកច្រើនដោយមាន២ករណីផ្ទុះផ្សេងគ្នា។ សារព័ត៌មានដដែលបន្តថា បន្ទាប់ពីករណីបំផ្ទុះនេះ ក្រុមឧទ្ទាម ISIS ប្រកាសថាជាអ្នកធ្វើទង្វើនេះ៕
រាជធានីភ្នំពេញ៖បើតាមរបាយការណ៍របស់អគ្គស្នងការនគរបាលជាតិបានឲ្យដឹងថា ថ្ងៃទី០៣ ខែកក្កដា ឆ្នាំ២០១៦ម្សិលមិញនេះកម្លាំងនគរបាលជាតិ បានបង្ក្រាបបទល្មើសជួញដូរ រក្សាទុក និងប្រើប្រាស់៥ករណី ឃាត់មនុស្ស៦នាក់ ក្នុងនោះមុខសញ្ញាជួញដូរ៥នាក់ និងមុខសញ្ញាប្រើប្រាស់ម្នាក់ ដកហូត មេតំហ្វេតាមីន (ice) ២០៤.៣៦ក្រាម និង៣កញ្ចប់តូច។
របាយការណ៍ដដែលបញ្ជាក់ថា ជនសង្ស័យទាំងនោះត្រូវបានបង្ក្រាបដោយ៖ មន្ទីរប្រឆាំងគ្រឿង បង្រា្កប២ករណីឃាត់ខ្លួន៣នាក់, ភ្នំពេញ បង្ក្រាប១ករណី ឃាត់ខ្លួនម្នាក់, បាត់ដំបងបង្ក្រាប១ករណី ឃាត់ខ្លួនម្នាក់ និងកំពង់ឆ្នាំងបង្ក្រាប ១ករណីឃាត់ខ្លួនម្នាក់៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
