ដោយ៖ស សាម
ភ្នំពេញ៖ ប្រភពព័ត៌មានពីមន្ត្រីពន្ធនាគាររាជធានីភ្នំពេញ( PJ ) បានប្រាប់ថា តុលាការក្រុងភ្នំពេញនៅវេលាថ្ងៃត្រង់ទី១១ ខែមីនា នេះ បានសម្រេចដោះលែងស្ត្រីវ័យក្មេងម្នាក់ដែលបានបើករថយន្តម៉ាកកាមេរីឆ្លាមបុកមនុស្សស្លាប់២នាក់ និងរបួស៣នាក់នៅខណ្ឌឬស្សីកែវ កាលពីរំលងអធ្រាត្រថ្ងៃទី១០ ខែធ្នូ ឆ្នាំ២០១៥ ។
ប្រភពបន្តថា ជនត្រូវចោទឈ្មោះ រ៉ូនី សេរីវឌ្ឍនា ភេទស្រីអាយុ២២ឆ្នាំ ជានិស្សិត មានទីលំនៅផ្ទះលេខ៤២P ផ្លូវលេខ១៥ សង្កាត់ភ្នំពេញថ្មីខណ្ឌសែនសុខ ត្រូវបានអនុញ្ញាតឱ្យទៅផ្ទះវិញទាំងកណ្តាលថ្ងៃត្រង់ម៉ោង១២ ថ្ងៃទី១១ ខែមីនា ឆ្នាំ២០១៦នេះ យោងតាមដីកាបង្គាប់ឱ្យដោះលែងរបស់ចៅក្រមនៃសាលាដំបូងក្រុងភ្នំពេញ។
សូមបញ្ជាក់ថា ជនត្រូវចោទឈ្មោះ រ៉ូនី សេរីវឌ្ឍនា ភេទស្រីអាយុ២២ឆ្នាំ មុខរបរនិស្សិតមានទីលំនៅផ្ទះលេខ៤២P ផ្លូវលេខ១៥ សង្កាត់ភ្នំពេញថ្មីខណ្ឌសែនសុខ ត្រូវបានលោក ជូន សុរាសី ចៅក្រមស៊ើបសួរនៃសាលាដំបូងរាជធានីភ្នំពេញសម្រេចឃុំខ្លួនជាបណ្តោះអាសន្ននៅពន្ធនាគារ PJ កាលពីល្ងាចថ្ងៃទី២៣ ខែធ្នូ ឆ្នាំ២០១៥កន្លងទៅក្រោមការចោទប្រកាន់ពីបទ បើកបរដោយធ្វេសប្រហែស ខ្ជីខ្ជា មិនប្រុងប្រយ័ត្ន បណ្តាលអោយស្លាប់អ្នកដទៃ យោងតាមមាត្រា ៨៥ នៃច្បាប់ស្តីពីចរាចរណ៍ផ្លូវគោកថ្មី។
បើយោងតាមមាត្រា៨៥ នៃច្បាប់ចរាចរណ៍ថ្មីនេះជនត្រូវចោទអាចប្រឈមនឹងការផ្តន្ទាទោសដាក់ពន្ធនាគារពី១ឆ្នាំ ទៅ៣ឆ្នាំ និងពិន័យជាប្រាក់ពី៤លានរៀល ទៅ១៥លានរៀល ប៉ុន្តែជាក់ស្តែងគឺជនត្រូវចោទត្រូវបានតុលាការសម្រេចចេញដីកាដោះលែងឱ្យមានសេរីភាព ក្រោយពីឃុំខ្លួនបានត្រឹមតែប្រមាណជាជាង២ខែប៉ុណ្ណោះ ដោយមិនទាន់ទាំងបានបើកសវនការជំនុំជម្រះទោសផងនោះទេ។
គួររំឮកថា មានហេតុការណ៍គ្រោះថ្នាក់ចរាចរណ៍មួយកើតឡើងកាលពីវេលាម៉ោង២៤ និង១៥នាទីយប់រំលងអាធ្រាត្រឈានចូលថ្ងៃទី១០ ខែធ្នូឆ្នាំ ២០១៥ នៅចំណុចផ្លូវជាតិលេខ៥ ក្រុមទី៤ភូមិឃ្លាំងសាំង សង្កាត់ឬស្សីកែវ។ ក្នុងករណីគ្រោះថ្នាក់ចរាចរណ៍នោះ បានបង្កឡើងដោយរថយន្តម៉ាកកាម៉ារីឆ្លាមពណ៌ប្រផេះពាក់ស្លាកលេខភ្នំពេញ2R-8395 អ្នកបើកបរដោយជនត្រូវចោទឈ្មោះ រ៉ូនី សេរីវឌ្ឍនា ភេទស្រីអាយុ២២ឆ្នាំ ជានិស្សិតមានទីលំនៅផ្ទះលេខ៤២P ផ្លូវលេខ១៥ សង្កាត់ភ្នំពេញថ្មីខណ្ឌសែនសុខ។ ចំណែកជនរងគ្រោះបីនាក់ទី១ឈ្មោះ ឡុង ភេទប្រុស(ស្លាប់) និងអ្នករួមដំណើរ២នាក់ (ស្លាប់ម្នាក់ និងរងរបួសធ្ងន់ម្នាក់) បើកបរម៉ូតូម៉ាកឌុកពាក់ស្លាកលេខភ្នំពេញ 1FF-0099។ ជនរងគ្រោះទី៤ឈ្មោះ អ៊ុម ភក្ត្រា ជាមន្ត្រីនគរបាលប៉ុស្តិ៍រដ្ឋបាលឬស្សីកែវ និងទី៥ឈ្មោះ អ៊ុក ចាន់ធីម ជាកម្លាំងប្រជាការពារសង្កាត់ឬស្សីកែវ៕
ដោយ ៖ រតនៈ
ភ្នំពេញ៖ តារាសម្តែងស្រីកញ្ញា អ៊ឹម ដាលីស បានរៀបចំពិធីខួបកំណើតគម្រប់អាយុ២៣ឆ្នាំក្រោមវត្តមានអ្នកសិល្បៈជាង១០០នាក់បានចូលរួម។ គេចាប់អារាម្មណ៍ខ្លាំងគឺតារាស្រីរូបនេះបានបង្ហាញពីភាពហ៊ឺហាជាមួយនឹងរថយន្តម៉ាក Prius ពណ៌ក្រហមថ្មីស្រឡាងមួយ គ្រឿង។ មានការលើកឡើងថារយន្តថ្មីដែលនាងកំពុងជិះគឺជាកាដូគូស្នេហ៍ដែលទើបនឹងទិញឲ្យមុនពេលខួបកំណើតមកដល់ ប៉ុន្តែគេនៅមិនទាន់ស្គាល់អំពីអត្តសញ្ញាបុរសនោះនៅឡើយទេ។
តារាស្រីរូបនេះបញ្ជាក់ថា នេះគឺជាលើកទី១ដែលនាងរៀបចំពិធីខួបកំណើតដែលកន្លងមកគឺមានតែកម្មវិធីតិចតួចជាលក្ខណៈគ្រួសារប៉ុណ្ណោះ។ ទាក់ទិននឹងកាដូរថយន្តថ្មីតារាស្រីរូបនេះបញ្ជាក់ថា មិនមានបុរសណាម្នាក់ទិញឲ្យនោះទេគឺជាអ្វីដែលនាងខិតខំសន្សំជាយូមកហើយ។ នាងបញ្ជាក់ទាំងអស់សំណើចថា រថយន្តមិនមែនតម្លៃសាប់សិបម៉ឺនដុល្លារនោះទេគឺត្រឹមជាមួយម៉ឺនដុល្លារប៉ុណ្ណោះ។ នាងថា ការរៀបចំពិធីខួបកំណើតនេះក៏គ្មានបុរសណាម្នាក់រៀបចំឲ្យដែរគឺគ្រាន់តែជាកម្មវិធីជួបជុំអ្នកសិល្បៈ ពិសេសគ្រាន់តែចង់សប្បាយកម្សាន្តជាមួយអ្នករួមអាជីបគ្រាដែលការងារសិល្បៈនាងកាន់តែរីកចម្រើន។ នាងបញ្ជាក់ថាមានតែតារាសម្តែង ពិធីករ ក្រុមផលិតករ និងសាច់ញាតិជិតដិតប៉ុណ្ណោះដែលត្រូវបានអញ្ជើញ ហើយក៏គ្មានបុរសជាគូស្នេហ៍ណាមួយចូលរួមដែរ។ តារាស្រីសម្តីផ្អែមរូបនេះបញ្ជាក់ដែរថា បច្ចុប្បន្ននាងនៅមិនទាន់មានគូកំណាន់ចិត្តនៅឡើយទេ ហើយនាងក៏នៅមិនទាន់គិតគូនៅឡើយដែរព្រោះតែចង់យកពេលវេលាឲ្យបានច្រើនគិតលើរឿងរ៉ាវសិល្បៈវិញព្រោះនាងចង់ជោគជ័យរឿងរ៉ាវសិល្បៈច្រើនជាងរឿងស្នេហា។
ទោះជាយ៉ាងណាប្រភពកៀកកិតជិតនាងលើកឡើងថា រថយន្តថ្មីពណ៌ក្រហមដែលនាងទើបជិះបង្អូតអ្នករួមអាជីពគឺបានមកពីការជួយជ្រោមជ្រែងពីគូស្នេហ៍ជាក់ជាមិនខានហើយការបដិសេធនេះអាចជាការបិទបាំងខណៈស្នេហានាងមិនទាន់បើកចំហ៕
ឱសថជាប្រភេទគ្រាប់ និងទឹក មានប្រសិទ្ធភាពព្យាបាលជំងឺដូចជា៖
• ឫសដូងបាត
• ឫសដូងច្រមុះ
• សក់ជ្រុះដុះឡើងវិញ
• ទឹកនោមផ្អែម
• លើសឈាម
• មហារីកដោះ
• ដុះសាច់បំពង់ក
• រលាកក្រពះ ពោះវៀន
•ខ្សោយក្រលៀន ឈឺចង្កេះ
លោកអ្នកដែលមានរោគសញ្ញាដូចខាងលើនេះ សូមអញ្ជើញទាក់ទងតាមទូរស័ព្ទលេខ ០១២ ៥៦ ១១ ៤៨ / ០៨៨ ៤៣ ២៣ ១៤៨ / ០៧០ ៧៧ ៤៣ ៦៧ ។
អាសយដ្ឋានលេខ 100Eoz ផ្លូវលេខ 136 សង្កាត់ផ្សារកណ្តាលទី2 ខណ្ឌដូនពេញ រាជធានីភ្នំពេញ ។
សុខភាព៖ម្នាស់គឺជាផ្លែឈើមួយប្រភេទដែលមានរសជាតិផ្អែម ជូរ និងឆ្ងាញ់ ជាងនេះទៀតផ្លែម្នាស់មានជីវជាតិ និងផ្តល់អត្ថប្រយោជន៍យ៉ាងច្រើនចំពោះសុខភាព។ ខាងក្រោមនេះជាអត្ថប្រយោជន៍នៃការញ៉ាំម្នាស់៖
១. សំបូរវីតាមីន និងជាតិរ៉ែ ៖ ម្នាស់មានផ្ទុកវីតាមីន និងសារធាតុរ៉ែជាច្រើនរួមមានវីតាមីន C, កាល់ស្យូម, ផូស្វ័រ និងប៉ូតាស្យូម។ វាក៏សម្បូរជាតិ Fiber និងកាឡូរីផងដែរអត្ថប្រយោជន៍ពិសេសរបស់វាគឺផ្លែឈើនេះមានកំរិតជាតិ ខ្លាញ់ និងកូលេស្តេរ៉ុលទាប។
២. ការពារការក្អកនិងផ្តាសាយ ៖ ដោយសារម្នាស់ គឺសំបូរវីតាមីន C វាអាចប្រយុទ្ធប្រឆាំងមេរោគដែលបណ្តាលអោយក្អក និងផ្តាសាយ។ សូម្បីតែនៅពេលដែលអ្នកត្រូវបានឆ្លងមេរោគនេះរួចហើយក៏ម្នាស់នៅតែ អាចជួយអ្នកបាន។ ផ្លែឈើនេះមានសារធាតុ bromelain ដែលមានប្រសិទ្ធិភាពនៅក្នុងការបង្ក្រាបក្អក និងបន្ថយជាតិស្លេះ។ ការបរិភោគម្នាស់ ខណៈពេលដែលកំពុងលេបថ្នាំតាមវេជ្ជបញ្ជាអាចជួយអ្នកជាបានយ៉ាង ឆាប់រហ័ស។
៣. ជួយពង្រឹងឆ្អឹង ៖ ម្នាស់ ក៏មានសមត្ថភាពពង្រឹង និងថែរក្សាឆ្អឹងអោយរឹងមាំ។ នេះគឺដោយសារតែផ្លែឈើនេះមាន សារធាតុ ម៉ង់ហ្គាណេស (manganese) ដែលជាសារធាតុរ៉ែមួយដែលរាងកាយរបស់យើងត្រូវការដើម្បីកសាងឆ្អឹង និងជាលិកាតភ្ជាប់។ ជាការពិតណាស់ប្រសិនបើអ្នកញ៉ាំម្នាស់មួយពែង អ្នកអាចទទួលបាន ៧៣ ភាគរយនៃតម្រូវការសរុបសម្រាប់ម៉ង់ហ្គាណេស ដែលរាងកាយរបស់យើងត្រូវការ។
៤. ធ្វើអោយអញ្ចាញធ្មេញអោយមានសុខភាពល្អ ៖ មនុស្សគ្រប់គ្នាតែងតែព្រួយបារម្ភណាស់ដែលធ្មេញរបស់ពួកគេមានអញ្ចាញ មិនរឹងមាំ។ ប្រសិនបើមនុស្សម្នាក់មានអញ្ចាញធ្មេញមិនរឹងមាំ ធ្មេញរបស់គាត់នាងនឹងមាននៅក្នុងផប៉ះពាល់ជាច្រើនពិសេសងាយជ្រុះ និងបាក់។ ការបរិភោគម្នាស់ នឹងពង្រឹងអញ្ចាញធ្មេញរបស់អ្នកហើយព្រមទាំងជួយរក្សាធ្មេញរបស់អ្នក មានសុខភាពល្អ និងរឹងមាំ។
៥. បន្ថយហានិភ័យនៃការងងឹតភ្នែក ៖ ម្នាស់ ក៏អាចការពារជម្ងឺជាច្រើនប្រភេទដូចជាការងងឹតភ្នែក ។ ជំងឺនេះដែលជាបុព្វហេតុចំបងនៃការបាត់បង់ចក្ខុ វិញ្ញាណមនុស្សពេញវ័យដែលបង្កឡើងដោយការខូចខាតរេទីន (ផ្នែកមួយនៃភ្នែក)។ ការអាន មើលមុខ និងការធ្វើសកម្មភាពប្រចាំថ្ងៃអាចបណ្តាលអោយជួបញ្ហានេះ។ ការបញ្ចូលម្នាស់ក្នុងរបបអាហាររបស់អ្នកអាចបន្ថយហានិភ័យនៃជំងឺនេះ បាន ៣៦ ភាគរយ ព្រោះដោយសារតែផ្លែឈើនេះមានផ្ទុក ប្រភេទវីតាមីន carotene ដែលល្អសម្រាប់វិញ្ញាណនៃការមើលឃើញរបស់យើង។
៦. កាត់បន្ថយជំងឺរលាកសន្លាក់ ៖ ដោយសារផ្លែឈើនេះមានគុណសម្បត្តិប្រឆាំងនឹងការរលាកបរិភោគម្នាស់អាចកាត់បន្ថយការឈឺចាប់នៃការរលាកសន្លាក់នៅខណៈពេលជាមួយគ្នាម្នាស់ក៏ធ្វើអោយឆ្អឹងកាន់តែរឹងមាំ បន្ថែមទៀតក្រៅពីជំងឺរលាកសន្លាក់នោះវាក៏អាចជួយនូវលក្ខខណ្ឌស្រដៀងគ្នាផ្សេងទៀតដូចជារោគសញ្ញាដែលម្រាមដៃឈឺឆៀបៗនៅពេលយប់និងរោគប្រគ្រីវរឺរោគឈឺតាមសន្លាក់ឆ្អឹង ។
៧. ជួយសម្រួលការរំលាយអាហារ ៖ សារធាតុ Bromelain បានរកឃើញនៅក្នុងម្នាស់អាចបន្ថយជាតិអាស៊ីតក្នុងក្រពះ ហើយក៏អាចជួយអោយលំពែងដំណើរការបានល្អក្នុងការរំលាយអាហារ ដែលធ្វើអោយយើងមានសុខភាពល្អ៕
ខេត្តពោធិ៍សាត់៖គូស្នេហ៍ជនជាតិខ្មែរឥស្លាមក្មេងខ្ចីមួយគូបានផឹកថ្នាំពុលសម្លាប់ខ្លួនទាំងពីរនាក់ ក្នុងវិហារឥស្លាមមួយកន្លែងដោយមិនដឹងពីមូលហេតុច្បាស់លាស់។ ហេតុការណ៍ភ្ញាក់ផ្អើលកើតឡើងនៅវេលាម៉ោង៦ព្រឹកថ្ងៃទី១០ ខែមីនា ឆ្នាំ២១០៦ ស្ថិតក្នុងភូមិទួលទទឹង ឃុំកញ្ជរ ស្រុកកណ្ដៀង ខេត្តពោធិ៍សាត់។
អធិការនគរបាលស្រុកកណ្ដៀង លោកវរសេនីយ៍ត្រី លីវ សេងហ៊ីម បានប្រាប់ឲ្យដឹងថា តួឯកប្រុសឈ្មោះ សុះ សល់លី អាយុ ២០ឆ្នាំ រស់នៅភូមិកំពង់ឡ ឃុំកំពង់ពោធិ៍ ស្រុកក្រគរ ចំណែកតួឯកស្រីឈ្មោះ ស្មាន តីណូ អាយុ ១៦ឆ្នាំ រស់នៅភូមិឃុំកើតហេតុខាងលើ។
ប្រភពព័ត៌មានបានឲ្យដឹងថា ពួកគេបានរឹតចំណងស្នេហ៍ ជាមួយគ្នាជាច្រើនខែមកហើយ និងមិនដឹងថា គេធ្លាប់ជួបមុខគ្នាផ្ទាល់ដែរឬអត់ ឬមួយក៏មានឧបសគ្គ ឪពុកម្ដាយខាងណារារាំងនោះទេ។ លោកបញ្ជាក់ថា ផ្ទះរបស់គូរស្នេហ៍ទាំងពីរមានឃុំនៅជាប់គ្នា ប៉ុន្តែម្ខាងស្រុកកណ្ដៀង ម្ខាងស្រុកក្រគរ អ្នកទាំងពីរនាក់ ស្គាល់គ្នាតាមរយៈទូរស័ព្ទ ហើយក៏មានទំនាក់ទំនងស្នេហា ផ្អែមល្ហែមជាមួយគ្នារហូតមក។ នៅយប់ថ្ងៃទី០៩តួប្រុសបានស្កាត់មក ជួបតួស្រីនៅវិហារឥស្លាម ដោយមិនដឹងថា គេបបួលគ្នាស្បថស្បែ ឬមួយក៏គេសារសងភាសាស្នេហា ដោយរបៀបណានោះទេ លុះព្រឹកឡើងថ្ងៃទី១០ម៉ោង០៦ និង៣០នាទីព្រឹក អ្នកស្រុកដើរទៅវិហារ ឃើញដេកស្លាប់ទាំងពីរនាក់ ក៏មានការភ្ញាក់ផ្អើលតែម្ដង៕
បាល់ទាត់៖យោងតាមសារព័ត៌មាន BBCបានផ្សាយថា កីឡាករខ្សែប្រយុទ្ធ Sergio Aguero បាននិយាយថា ខ្លួននឹងចាកចេញពី Manchester City នៅពេលចប់កុងត្រានារដូវកាលឆ្នាំ២០១៨-២០១៩ខាងមុខនេះ។
ប្រភពដដែលបន្តថា កិច្ចសន្យាចាស់ ៥ឆ្នាំរបស់ខ្សែប្រយុទ្ធសញ្ជាតិអាហ្សង់ទីន នឹងត្រូវអស់សុពលភាពត្រឹមរដូវកាល ២០១៨-១៩ ខាងមុខ ហើយបន្ទាប់មក នឹងត្រឡប់ទៅក្លឹបចាស់ Independiente នៅអាហ្សង់ទីនវិញ រួចចូលនិវត្តន៍នៅទីនោះតែម្ដង។
គួរបញ្ជាក់ថា Aguero បានផ្ទេរពី Atletico Madrid មកកាន់ទឹកដី Etihad កាលពីឆ្នាំ២០១១ក្នុងតម្លៃខ្លួន ៣៨លានផោន។ ទន្ទឹមនោះក្នុងរយៈពេលជាង៥ឆ្នាំនៅ Man City រូបគេស៊ុតបញ្ចូលទីបាន១២៨គ្រាប់ ជួយក្លឹបឈ្នះពានក្របខ័ណ្ឌកំពូលចំនួន២ និងពានសំខាន់ៗមួយចំនួនទៀត៕
ក្រិក៖បន្ទាប់ពីទទួលបានការបង្ខំឲ្យចាកចេញពីប្រទេសក្រិក កាលពីម្សិលមិញ ជនអន្តោប្រវេសន៍ជនជាតិប៉ាគីស្ថានជាច្រើននាក់ត្រូវបានគេបញ្ជូនតាមរថយន្តក្រុងទៅទីក្រុងអ៊ីបសាឡារបស់ប្រទេសតួកគី។
ទោះជាយ៉ាងណាគេមិនដឹងថា សម្រាប់ជនអន្តោប្រវេសន៍នៅលើរថយន្តក្រុងទាំងនេះ គឺពួកគេមិនទាន់ដឹងច្បាស់ថាតើខ្សែជីវិតរបស់ខ្លួនទៅជាយ៉ាងណានោះទេ។
ជនអន្តប្រវេសន៍ម្នាក់ឈ្មោះ Ali Hasan បាននិយាយថា គាត់គិតថា ប្រទេសតួគីអាចនឹងធ្វើល្អទៅដល់ប្រជាជនដូចជារូបគាត់ ប៉ុន្តែយើងនៅតែមិនដឹងថា តើពួកគេនឹងធ្វើអ្វីមកលើពួកយើងនោះទេ។លោកបញ្ជាក់ថា កាលពីនៅក្នុងប្រទេសក្រិកពួកគាត់ទទួលបានការមើលថែមិនល្អនោះទេដោយក្នុងនោះប៉ូលិសបានយកទាំងទូរស័ព្ទហើយនិងលុយពីពួកគាត់ទៀតផងដែរ៕
រាជធានីភ្នំពេញ៖សាកសពបុរសម្នាក់ត្រូវបានប្រជាពលរដ្ឋប្រទះអណ្ដែតនៅច្រាំងទន្លេ ក្រោយស្ពានជ្រោយចង្វាថ្មី។ ហេតុការណ៍ភ្ញាក់ផ្អើលនេះកើតឡើងកាលពីវេលាម៉ោង៧ និង០០នាទីព្រឹក ថ្ងៃទី១១ ខែមីនា ឆ្នាំ២០១៦នេះ ស្ថិតនៅចំណុចក្រោមស្ពានជ្រោយចង្វាថ្មី ភូមិដើមគរ ខណ្ឌជ្រោយចង្វា។
យោងទៅតាមប្រជាពលរដ្ឋដែលនៅនៅម្ដុំកើតហេតុ បានអោយដឹង ពួកគាត់បានឃើញសពបុរសខាងលើ នៅក្រោមស្ពានជ្រោយចង្វាថ្មី រួចពួកគាត់ក៏ទាក់ទងទៅសមត្ថកិច្ចចុះមកកន្លែងកើតហេតុ។ ទោះបីយ៉ាងណាសមត្ថកិច្ចនៅមិនទាន់ស្គាល់អត្តសញ្ញាសពបុរសខាងលើឡើយ។
ក្រោយកើយហេតុ សមត្ថកិច្ចបាននឹងកំពុងចុះពិនិត្យសាកសពបុរស ដោយជំហានដំបូង សង្ស័យថាលង់ទឹកស្លាប់ ក្រោយកើតហេតុសមត្ថកិច្ច បានហៅរថយន្ដសាមុយដឹក ទៅសពទៅទុកនៅវត្ត ទឹកថ្លា រង់ចាំបងប្អូនមកទទួលទៅធ្វើបុណ្យតាមប្រពៃណី៕
ព្យុងយ៉ាង៖មេដឹកនាំកូរ៉េខាងជើងលោក គីម ជុងអ៊ុន បានបញ្ជាឲ្យក្រុមអ្នកវិទ្យាសាស្ដ្ររបស់ខ្លួនត្រៀមធ្វើតេស្ដអាវុធនុយក្លេអ៊ែរបន្ថែមទៀតក្នុងគោលបំណង ធ្វើឲ្យប្រសើរឡើង នូវសមត្ថភាពវាយ ប្រហារនុយក្លេអ៊ែរ របស់ប្រទេសនេះ។ នេះបើតាមការរាយការណ៍ពីប្រព័ន្ធផ្សព្វផ្សាយរដ្ឋកូរ៉េខាងជើងនៅថ្ងៃទី១១មីនានេះ។
នៅពេលត្រួតពិនិត្យ ការបាញ់មីស៊ីលកាលពីម្សិលមិញ លោកគីម ជុងអ៊ុន បានបញ្ជាក់ថា សារៈសំខាន់នៃការធ្វើតេស្ដនុយក្លេអ៊ែរបន្ថែម គឺដើម្បីប៉ាន់ប្រមាណមើលពីឥទ្ធិពលរបស់ក្បាលគ្រាប់នុយក្លេអ៊ែរដែល ទើបផលិតថ្មី ខ្លាំងកម្រិតណា។
គួរបញ្ជាក់ថា លោក គីម ជុងអ៊ុន បានអះអាងថា ក្រុមអ្នកវិទ្យាសាស្ដ្រកូរ៉េខាងជើងបានកែច្នៃ រួចហើយ សម្រាប់បំពាក់លើមីស៊ីល៕
ខេត្តបន្ទាយមានជ័យ៖កម្លាំងនគរបាលការិយាល័យ ប្រឆាំងការជួញដូរមនុស្ស និងការពារអនីតិជន សហការជាមួយនគរបាល វរៈការពារព្រំដែនគោក ៨១៥ និងនគរបាលប៉ុស្តិ៍បឹងបេង បានឃាត់ខ្លួនពលករប្រុសស្រី ក្មេងចាស់២០នាក់ មានស្រី១១នាក់ ដែលប្រុងឆ្លងដែនខុសច្បាប់ ទៅស្វែងរកការងារធ្វើនៅប្រទេសថៃ។
ស្នងការនគរបាល ខេត្តបន្ទាយមានជ័យ លោកឧត្តមសេនីយ៍ទោ អាត់ ខែម បានឲ្យដឹង ថា ពលករខុសច្បាប់ទាំងនេះ ប្រុងឆ្លងដែនទៅប្រទេសថៃ ដើម្បីកាប់អំពៅ ហើយពួកគេមកពីខេត្តសៀមរាប។ ក្រោយឃាត់ខ្លួន និងធ្វើការអប់រំរួចហើយ ពលករខ្មែរទាំង២០នាក់ នេះត្រូវបានអនុញ្ញាតឲ្យត្រឡប់ទៅវិញនៅថ្ងៃដដែលនេះផងដែរ៕
ខេត្តរតនគិរី៖ស្ត្រីជាជនជាតិដើមភាគតិចម្នាក់ ត្រូវសាឡាងបុកស្លាប់ មុនពេលបញ្ជូនដល់មន្ទីរពេទ្យ។ ហេតុការណ៍នេះកើតឡើងនៅវេលាម៉ោង១១ និង០០នាទី ថ្ងៃត្រង់ ថ្ងៃទី១០ ខែមីនា ឆ្នាំ២០១៦ ស្ថិតក្នុងភូមិលូមចាស់ ឃុំម៉ាលិក ស្រុកអណ្ដូងមាស ខេត្តរតនគិរី ត្រង់ចំណុចកំពង់ចំឡង ឆ្លងទន្លេសាសាន្ត។
ស្ត្រីជនរងគ្រោះក្នុងករណីនេះមានឈ្មោះ រម៉ាម អុញ អាយុ៤៥ ឆ្នាំ ជនជាតិដើមភាគតិចកាចក់ រស់នៅភូមិ តាណង ឃុំតាលាវ ស្រុកអណ្ដូងមាស ខេត្តរតនគិរី មានកូន១០នាក់ ប្រុស៥នាក់ ស្រី៥នាក់ មានប្ដីឈ្មោះ រចំ ផ្លេក អាយុ៥២ឆ្នាំ ជនជាតិដូចគ្នា។
តាមប្រភពព័ត៌មានពីកន្លែងកើតហេតុបានអោយដឹងថា មុនពេលកើតហេតុគេឃើញស្ត្រីរងគ្រោះ ជិះសាឡាងឆ្លងទន្លេសេសាន្តពីត្រើយខាងលិចទៅ ត្រើយខាងកើត គឺពីទីរួមស្រុកអណ្ដូងមាស ទៅភូមិ តាណង ដោយមានមនុស្សជាច្រើនលើនោះ ព្រមទាំងមានរថយន្ត២គ្រឿងផងដែរ ខណៈទៅដល់កៀនច្រាំងទន្លេ ស្រាប់តែជនរងគ្រោះ លោតពីលើសាឡាងទៅច្រាំងទន្លេ ហើយក៏រអិលដីខ្សាច់ចុះមកក្រោមវិញ បណ្ដាលអោយសាឡាងបុកចូលច្រាំង បុកចំជនរងគ្រោះតែម្ដង។
ក្រោយពេលកើតហេតុ ម្ចាស់សាឡាងក៏ប្រញាប់ប្រញាល ដឹកយកជនរងគ្រោះ ទៅសង្គ្រោះបន្ទាន់នៅមន្ទីរពេទ្យស្រុក ពេលទៅដល់ ត្រូវបុគ្គលិកពេទ្យពិនិត្យ ហើយប្រាប់ថា ជនរងគ្រោះស្លាប់បាត់ទៅហើយ៕
ដោយ៖ស សាម
ភ្នំពេញ: មួយរយៈពេលចុងក្រោយនេះរឿងគួរឲ្យភ្ញាក់ផ្អើល និងនឹកស្មានមិនដល់មួយបានកើតឡើងក្នុងពន្ធនាគារកែប្រែទី១ ឬគុកព្រៃស ក្នុងខណ្ឌដង្កោជាយរាជធានីភ្នំពេញពាក់ព័ន្ធនឹងករណីទណ្ឌិតបញ្ជាការជួញដូរគ្រឿងញៀនដ៏ធំចេញពីក្នុងគុក ។
ការភ្ញាក់ផ្អើលនេះ បន្ទាប់ពីមានការសារភាពពីមេខ្លោងជាទណ្ឌិតគ្រឿងញៀនកំពុងអនុវត្តទោសក្នុងពន្ធនាគារអាចបញ្ជាឲ្យបណ្តាញធ្វើសកម្មភាពនៅខាងក្រៅបានយ៉ាងរំភើយ ។
មានការចោទសួរថា បញ្ហាបែបនេះ តើប្រធានគុកព្រៃសគួរទទួលខុសត្រូវកម្រិតណា ឬមិនត្រូវមានទោសអ្វីទាំងអស់ ? ។ប៉ុន្តែទោះជាយ៉ាងនេះក្តី រហូតមកដល់ពេលនេះ គ្មានលេចឮព័ត៌មានណាមួយដែលពាក់ព័ន្ធនឹងលោកប្រធានគុកព្រៃសនោះទេ ។
មជ្ឈដ្ឋានមួយចំនួនបានរិះគន់ថា វាជាគំរូអាក្រក់មួយសម្រាប់ពន្ធនាគារដែលជាទីសម្រាប់អប់រំ កែប្រែមនុស្សធ្លាប់ប្រព្រឹត្តអំពើខុសឆ្គងឲ្យវិលត្រឡប់ចូលក្នុងសង្គមដ៏ល្អប្រពៃវិញដោយត្រឹមត្រូវ ។ តើក្រុមទណ្ឌិតទាំងនោះ អាចនឹងកែប្រែខ្លួនបានដែរឬទេ ប្រសិនបើភាពធូររលុងកើតមានឡើងក្នុងពន្ធនាគារព្រៃស បែបនេះ ។
កន្លងមក អង្គការសង្គមស៊ីវិល និងក្រុមសិទ្ធិមនុស្សក្នុងស្រុកធ្លាប់បានអំពាវនាវដោយសម្តែងក្តីព្រួយបារម្ភយ៉ាងខ្លាំងពីបញ្ហាមានការចរាចរណ៍គ្រឿងញៀនក្នុងពន្ធនាគារ។
ឥឡូវនេះ មិនត្រឹមតែជួញដូរក្នុងគុកប៉ុណ្ណោះទេ ពួកគេនូវបានបញ្ជាការចរាចរណ៍គ្រឿងញៀនដ៏ធំចេញពីពន្ធនាគារថែមទៀតផង ដែលករណីនេះត្រូវគេមើលឃើញថា ពិតជាមានបណ្តាញ និងការចាត់តាំងច្បាស់លាស់ទើបអាចធ្វើទៅបាន៕
ព្យុងយ៉ាង៖យោងតាមការផ្សាយពីសារព័ត៌មានរដ្ឋកូរ៉េខាងជើង KCNA នៅថ្ងៃព្រហស្បតិ៍ ទី១០ ខែមីនា ឆ្នាំ២០១៦នេះ ឲ្យដឹងថា ប្រទេសកូរ៉េខាងជើងបានប្រកាសលុបចោលកិច្ចព្រមព្រៀង ដែលពាក់ព័ន្ធកិច្ចសហប្រតិបត្តិការលើវិស័យសេដ្ឋកិច្ច និងពាណិជ្ជកម្មជាមួយនឹងកូរ៉េខាងត្បូងទាំងអស់ ចាប់ពីពេលនេះតទៅ។
ជាមួយគ្នានោះកូរ៉េខាងជើងក៏បានប្រកាសទៀតថា នឹងលក់ទ្រព្យសម្បត្តិទាំងអស់របស់ក្រុមហ៊ុនកូរ៉េខាងត្បូង ដែលមាននៅកូរ៉េខាងជើង។ ការប្រកាសបែបនេះបានកើតឡើងក្រោយប្រទេសនេះទទួលរងទណ្ឌកម្មធ្ងន់ធ្ងរផ្ទួនៗពីUN និងបន្ទាប់ពីការធ្វើសមយុទ្ធយោធា ទ្រង់ទ្រាយធំរវាងកូរ៉េខាងត្បូង និងសហរដ្ឋអាមេរិក និង ការដាក់ទណ្ឌកម្មជាឯកតោភាគី បន្ថែមទៀតមកលើកូរ៉េខាងជើង ពីសំណាក់អតីតបងប្អូនឈាមជ័រតែមួយគឺកូរ៉េខាងត្បូង៕
ព្យុងយ៉ាង៖មីស៊ីលចម្ងាយខ្លីចំនួនគ្រាប់ទៀតត្រូវបានកូរ៉េខាងជើងបាញ់ចូលទៅក្នុងសមុទ្រ នៃទីក្រុងឆ្នេរ Wonsan ភាគខាងកើតប្រទេស នៅព្រឹកព្រលឹមម៉ោង៥ និង២០នាទី ថ្ងៃព្រហស្បតិ៍នេះគ្រាដែលការបាញ់នេះគឺចេញពីដីគោកចម្ងាយ៥០០គីឡូម៉ែត្រ។ នេះបើតាមការឲ្យដឹងរបស់យោធាកូរ៉េខាងត្បូង។
ការបាញ់មីស៊ីលលើកនេះគ្រាដែលកំពុងកើតមានភាពតានតឹងកាន់ខ្លាំងនៅលើឧបទ្វីបកូរ៉េ ក្រោយកូរ៉េខាងជើងទើបសាកគ្រាប់នុយក្លេអ៊ែរលើទី៤ កាលពីខែមករា និងរ៉ុកកែតឆ្លងទ្វីបកាលពីខែមុន ដែលធ្វើឲ្យក្រុមប្រឹក្សាសន្តិសុខអង្គការសហប្រជាជាតិ និងអាមេរិកបន្ថែមទណ្ឌកម្មធ្ងន់ធ្ងរ បន្ថែមទៀតលើកូរ៉េខាងជើង។ ទន្ទឹមនោះកូរ៉េខាងជើងត្រូវបានគេដឹងថា មានកន្លែងស្តុកគ្រាប់មីស៊ីលរយៈចម្ងាយខ្លីដ៏ធំ ហើយកំពុងវិវឌ្ឍមីស៊ីលចម្ងាយឆ្ងាយ និងឆ្លងទ្វីបជាច្រើនគ្រាប់ទៀត៕
ហ្វីលីពីន៖រដ្ឋាភិបាលក្រុងម៉ានីលគ្រោងជួលយន្ដហោះចម្បាំង៥គ្រឿងពីប្រទេសជប៉ុន ដើម្បីជួយសម្រួលក្នុងត្រួតពិនិត្យនៅដែនជម្លោះក្នុងសមុទ្រចិនខាងត្បូង។នេះបើតាមការចុះផ្សាយព័ត៌មានលើគេហទំព័រChannel News Asia។
លោកប្រធានាធិបតីហ្វីលីពីន លោក Benigno Aquino បានប្រកាសកាលពីម្សិលមិញថា លោកបានធ្វើរឿងជាច្រើនដើម្បីកសាងសមត្ថភាពកងទ័ពជើងអាកាស។ លោកបញ្ជាក់ថា ក្នុងនោះ មានទាំងការបង្កើនចំនួនយន្ដហោះនិងឧទ្ធម្ភាគចក្រ ដើម្បីចល័តទ័ព ផ្គត់ផ្គង់ទ័ព និងការពារព្រំដែនទឹក។ការប្រកាសរបស់លោកប្រធានាធិបតី Aquino ធ្វើឡើងនៅមូលដ្ឋានទ័ពអាកាសភាគខាងត្បូងក្រុងម៉ានីល។
លោកប្រធានាធិបតីហ្វីលីពីនរូបនេះបានឲ្យដឹងទៀតថា ជាមួយការខិតខំកសាងសមត្ថភាពទ័ពអាកាស ក៏មានផងដែរនូវការជួលយន្ដហោះប្រភេទTC-90ចំនួន៥គ្រឿងពីជប៉ុន ដើម្បីជួយសម្រួលដល់កងទ័ពជើងទឹកក្នុងការល្បាតនៅតាមដែនអធិបតេយ្យ ហ្វីលីពីន។ ជាពិសេសគឺការល្បាតនៅសមុទ្រហ្វីលីពីនភាគខាងលិច ដោយសម្ដៅទៅលើប្រជុំកោះស្ព្រាតលីក្នុងសមុទ្រចិនខាងត្បូង៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
