ភ្នំពេញ៖ទីតាំងប្រើប្រាស់គ្រឿ
ក្នុងប្រតិបត្តិការបង្ក្រាបទីតាំងខាងលើដឹកនាំដោយលោក ប៊ន សំអាត ស្នងការរងរាជធានី ភ្នំពេញ លោកសក់ ច័ន្ទកញ្ញារិទ្ធ អភិបាលរងខណ្ឌសែនសុខ និងលោកម៉ក់ ហុង អធិការ ខណ្ឌសែនសុខដោយមានការសំរបសំរួលពីលោក កែវ សុជាតិ ព្រះរាជអាជ្ញរងនៃអយ្យ ការ អមសាលា រាជធានីភ្នំពេញ។
គួរបញ្ជាក់ថា ទីតាំងដែលសមត្ថកិច្ចចុះបង្ក្រាបខាងលើនេះ ប្រមូលផ្តុំដោយក្មេងទំនើង បងតូចបងធំ ដែលតែ
ក្នុងប្រតិបត្តិការណ៍ខាងលើនេះ
បច្ចុប្បន្នក្រុមប្រើប្រាស់គ្រឿ
ភ្នំពេញ៖នេះថ្មីៗនេះលោក ប៉ែន ចំរ៉ុង និងភិន សុដាលីស បានចេញមុខរួមគ្នាបើកសម្ពោធរឿងថ្មីរបស់ផលិតកម្ម មហាហង្សក្រោមចំណងជើងថា«ខ្មោចថតកុន» បើទោះបីជាទំនាក់ទំនងរបស់ភាគីទាំងពីរ គឺលោក អ៊ិន សុភិន ចាងហ្វាងផលិតកម្ម និងតារាសម្តែង ប៉ែន ចំរ៉ុង មិនទាន់មានការផ្សះផ្សាគ្នានៅឡើយ។
អ្នកស្នេហាវិស័យសិល្បះបានកត់សម្គាល់ថា នេះជាលើកទីមួយហើយ ដែលភាគីទំនាស់គឺប៉ែន ចំរ៉ុង និងភិន សុដាលីស និងលោកអ៊ិន សុភិន បានបង្ហាញមុខរួមគ្នាក្នុងកម្មវិធីសម្ពោធខ្សែវីដេអូដ៏ថ្មីសន្លាងមួយរបស់ផលិតកម្មមហាហង្ស បន្ទាប់ពីពួកគេមានការអាក់អន់ស្រពន់នឹងគ្នាពាក់ព័ន្ធទំនាក់ទំនងស្នេហារវាង ប៉ែន ចំរ៉ុង និងភិន សុដាលីស អស់រយះពេលជាច្រើនខែកន្លងមកនេះ។
អ្វីដែលគេកត់សម្គាល់នោះគឺ គូស្នេហ៍មួយគូបង្ហាញខ្លួនកាលពីថ្ងៃទី ១៦ ខែវិច្ឆិកា នេះក្នុងនាមជាតួអង្គឯកក្នុងរឿង ហើយលោកអ៊ិន សុភិន បង្ហាញខ្លួនក្នុងនាមជាម្ចាស់ផលិតកម្ម ប៉ុន្តែពួកគេបែរជាស្ថិតនៅម្ខាងម្នាក់ ហើយអត់សូម្បីតែមើលមុខគ្នា។
នេះជាលើកទី១ ដែលលោក ប៉ែន ចំរ៉ុង កញ្ញា ភិន សុដាលីស និងលោកអ៊ិន សុភិន បានធ្វើការរួមគ្នាជាថ្មីក្រោយពីមានរឿងចម្រូងចម្រាស ប៉ុន្តែភាគីទាំងពីរនៅតែមានសកម្មភាពព្រងើយកន្តើយដាក់គ្នា។ លោក អ៊ិន សុភិន បានឈរនៅម្ខាង ហើយទុកឲ្យលោក ប៉ែន ចំរ៉ុង និងភិន សុដាលីស សម្ដែងឈុតក្នុងរឿងក្រៅឆាកផង និងផ្ដល់បទសម្ភាសន៍ផង បើកសម្ពោធខ្សែរឿងរបស់ខ្លួនដោយលោកបង្ហាញអាកប្បកិរិយាហាក់ដូចជាមិនខ្វល់ពីសកម្មភាពរបស់អ្នកទាំងពីរឡើយ។
លោក អ៊ិន សុភិន បានប្រាប់ឲ្យដឹងថា រឿង «ខ្មោចថតកុន» បានផ្ដល់ឱកាសឲ្យ ប៉ែន ចំរ៉ុង និងភិន សុដាលីស សម្ដែងជាតួឯករួមគ្នា តាំងពីមុនពួកគេផ្ទុះរឿងចម្រូងចម្រាស់ជាមួយលោកម្ល៉េះ។ អ៊ីចឹងហើយទើបលោក ក្នុងនាមផលិតកម្មមហាហង្ស សម្រេចអញ្ជើញតួឯកទាំងពីរបង្ហាញខ្លួនក្នុងថ្ងៃសម្ពោធរឿង ដោយឲ្យពួកគេធ្វើសន្និសីទរួមគ្នាបង្ហាញពីការសម្ដែងរបស់ខ្លួន និងធ្វើសកម្មភាពសម្ដែងក្រៅឆាក ដើម្បីឲ្យអ្នកទស្សនាចាប់អារម្មណ៍ទិញសំបុត្រចូលទស្សនារឿង «ខ្មោចថតកុន»ក្នុងថ្ងៃបន្តបន្ទាប់។
យ៉ាងណាក៏ដោយ លោកថាខ្សែរឿង«ខ្មោចថតកុន» បើទទួលបានជោគជ័យខ្លាំងក្លាគឺមិនមែនដោយសារតែអ្នកទស្សនាចង់មើលការសម្ដែងរបស់លោក ប៉ែន ចំរ៉ុង និងភិន សុដាលីស នោះទេ ដោយសារតែសាច់រឿងល្អ និងការជឿជាក់ចំពោះទស្សនិកជនដែលទុកចិត្តចំពោះស្នាដៃរបស់ផលិតកម្មមហាហង្សនោះទឿវិញ។ លោកមានប្រសាសន៍ថា៖ “សម្រាប់ខ្ញុំនិងពួកគាត់គឺជារឿង បុគ្គល អ៊ីចឹងក្នុងនាមគាត់ជាតួអង្គនៅក្នុងរឿងហ្នឹងគឺត្រូវតែមក សម្ពោធ ហើយអាហ្នឹងគឺក្រុមការងាររបស់មហាហង្សជាអ្នកអញ្ជើញពួកគាត់ ទេ!”។ លោកថានៅក្នុងរឿង«ខ្មោចថតកុន» បានរំលេចតួអង្គលោកលឹម រដ្ឋា ពីការសម្ដែងតួកាចមកជាតួភេទទី៣ ដែលលោកបញ្ជាក់ថានឹងធ្វើឲ្យរឿងទាំងមូលផ្ទុះខ្លាំង។ លោកមានប្រសាសន៍ថា៖ “មួយរឿងហ្នឹងខ្ញុំចំណាយច្រើនជាង គេ គឺដល់ជិត៦ម៉ឺនដុល្លារ ប៉ុន្តែជោគជ័យកម្រិតណាខ្ញុំអត់ហ៊ានអួតទេ គឺទុកឲ្យអ្នកទស្សនាវិនិច្ឆ័យវិញ ប៉ុន្តែខ្ញុំនៅតែគិតថានឹងមានអ្នកមើលចូលមើល ច្រើន ព្រោះមួយរឿងហ្នឹង ក្រៅពីសើចតាំងពីដល់ចប់ ក៏មានឈុតឆាកខ្មោច និងសាច់រឿងល្អផងដែរ!”។
លោក ប៉ែន ចំរ៉ុង បើទោះជាមិនត្រូវបានថៅកែផលិតកម្មមហាហង្សស្វាគមន៍នៅ ថ្ងៃសម្ពោធនោះ ក៏លោកប្រឹងប្រែងសម្ដែងក្រៅឆាកធ្វើឲ្យខ្សែរឿង«ខ្មោចថតកុន» ទទួលបានការចាប់អារម្មណ៍ក្នុងចំណោមអ្នកចោមរោមមើលនៅផ្សារ ទំនើបអ៊ីអន។
លោកទទូចឲ្យអ្នកគាំទ្រវិស័យសិល្បៈខ្មែរចូលរួមទស្សនា រឿងនេះឲ្យបានកុះករ នៅបន្ទាប់ពីរឿង«ខ្មោចថតកុន» ដំណើរការដាក់ផ្សាយជាសាធារណៈនៅតាមរោងកុននៅចាប់ពីសប្ដាហ៍នេះ។ លោកជឿថាភាពយន្តនេះនឹងក្លាយជាចំណាប់អារម្មណ៍កាន់តែខ្លាំងចំពោះមហាជនដែលផ្ដោតការចាប់អារម្មណ៍ចំពោះស្នេហារបស់លោក និងភិន សុដាលីស ដែលបានសម្ដែងជាតួឯករួមគ្នា។
លោកចំរ៉ុងបន្តថា រឿង«ខ្មោចថតកុន» គឺជាអនុស្សាវរីយ៍ធំមួយក្នុងការផ្ដើមស្នេហ៍របស់លោក ហើយក៏ធ្វើឲ្យលោក និងភិន សុដាលីស លេចធ្លោរព្រោះតែការតស៊ូស្នេហាឲ្យមហាជនទទួលស្គាល់។ អ៊ីចឹងហើយទើបលោកព្រមទាំងគូស្នេហ៍ដោយផ្ទាល់ មានការរំពឹងថានឹងមានការគាំទ្រចំពោះរឿងនេះយ៉ាងច្រើនកុះករ៕ដោយ៖រដ្ឋា
ភ្នំពេញៈ ជនសង្ស័យ ម្នាក់ត្រូវបានកម្លាំងមន្ទីរប្រឆាំងគ្រឿងញៀនក្រសួងមហាផ្ទៃសហការណ៍ជាមួយកម្លាំងប៉ុស្តិ៍ចោមចៅចាប់ឃាត់ខ្លួនបាន បន្ទាប់ពីសមត្ថកិច្ចធ្វើការស្រាវជ្រាវអស់ជាច្រើនថ្ងៃមក។
ការចុះបង្រ្កាបខាងលើ កាលវេលាម៉ោង៦ព្រលប់ថ្ងៃទី១៧ ខែវិច្ឆកា ឆ្នាំ២០១៥ ស្ថិតនៅបន្ទប់ស្នាក់នៅលេខ២១៦ ជាន់ទី៣ ផ្សារឯរាជ្យ២ ភូមិព្រៃព្រីងជើង សង្កាត់ចោមចៅ ខណ្ឌពោធិ៍សែនជ័យ។ ហើយសមត្ថកិច្ចឆែកឆែរ រកឃើញថ្នាំញៀន អាវុធខ្លី២ដើម និងសម្ភារៈពាក់ព័ន្ធមួយចំនួនទៀត។
ជនសង្ស័យក្នុងករណីខាងលើមានឈ្មោះ ឈូក ចំរើន អាយុ៣៦ឆ្នាំ មានមុខរបរប្រធានសន្តិសុខផ្សារឯករាជ្យ២ ស្នាក់នៅបន្ទប់កើតហេតុខាងលើ និងមានស្រុកកំណើតនៅ ភូមិអូរត្រេះ ឃុំកំពុងរទេះ ស្រុកស្ទឹងសែន ខេត្តកំពុងធំ មានប្រពន្ធឈ្មោះ ប៊ិន សផានី អាយុ ២៤ឆ្នាំ មុខរបរជាងអ៊ុតសក់នៅផ្សារឯរាជ្យ២។
តាមសមត្ថកិច្ចបានអោយដឹងថា បន្ទាប់ពីមានការស្រាវជ្រាវអស់រយៈពេលជាច្រើនថ្ងៃកន្លងមកហើយ រហូតមកដល់ថ្ងៃរសៀល ថ្ងៃទី១៨ ខែវិច្ឆិកា ឆ្នាំ២០១៥នេះ ដោយមានការដឹកនាំបញ្ជាផ្ទាល់ពីលោក ខាំ សុផារី ព្រះរាជអាជ្ញារងអមសាលាដំបូងរាជធានីភ្នំពេញ មានការចូលរួមពីប្រធានមន្ទីរប្រឆាំងគ្រឿងញៀនក្រសួងមហាផ្ទៃ សហការជាមួយកម្លាំងប៉ុស្តិ៍រដ្ឋបាលចោមចៅ ចុះប្រតិបត្តិការច្បាមមុខសញ្ញាចែកចាយ និងប្រើប្រាស់គ្រឿងញៀន ក្នុងការឃាត់ខ្លួនជនសង្ស័យមា្នក់នេះ ហើយសមត្ថកិច្ចឆែកឆេររកឃើញថ្នាំញៀនទម្ងន់១ជី (1g) កាំភ្លើងខ្លី ម៉ាករ៉ូឡូ ចំនួន២ដើម និងសម្ភារៈពាក់ព័ន្ធមួយចំនួនទៀត។
ក្រោយពីចាប់ឃាត់ខ្លួនជនសង្ស័យខាងលើ រួមជាមួយវត្ថុតាង ត្រូវបានបញ្ជូនទៅមន្ទីរប្រឆាំងគ្រឿងញៀនក្រសួងមហាផ្ទៃ ដើម្បីសាកសួរកសាងសំណុំរឿង ចាត់ការទៅតាមនីតិវិធី៕
ភ្នំពេញ៖ លោកឧបនាយករដ្ឋមន្ត្រី ហោ ណាំហុង រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិកម្ពុជា បានជួបពិភាក្សាជាមួយប្រធានបេសកម្មការទូត និងការិយាល័យតំណាងអង្គការសហប្រជាជាតិប្រចាំកម្ពុជា ទាក់ទងទៅនឹងអំពើហិង្សាលើតំណាងរាស្ត្រគណបក្សសង្គ្រោះ ការដកតំណែងលោក កឹម សុខា ពីអនុប្រធានទី១រដ្ឋសភា និង ការដកអភ័យឯកសិទ្ឋិលោក សម រង្ស៊ី។
នៅក្នុងជំនួបដោយបិទទ្វារនៅព្រឹកថ្ងៃទី១៩ វិច្ឆិកា នៅទីស្តីការក្រសួងការបរទេស លោករដ្ឋមន្ត្រីការបរទេសកម្ពុជា បានលើកឡើង ជាអាទិ៍ថា ៖
I.អំពើហឹង្សាលើតំណាងរាស្ត្រគណបក្សសង្គ្រោះជាតិ៖
លោក ហោណាំហុង បានរំលឹកឡើងវិញអំពីករណីអំពើហិង្សា ដែលបានកើតឡើង កាលពីថ្ងៃទី២៦ តុលា ២០១៥ ទៅលើតំណាងរាស្ត្ររបស់គណបក្សសង្គ្រោះជាតិ ២រូប នៅក្បែររដ្ឋសភា ដោយបានគូសបញ្ជាក់ថា នៅពេលនោះ សម្តេចតេជោនាយករដ្ឋមន្ត្រី កំពុងបំពេញ ទស្សនកិច្ចផ្លូវការនៅប្រទេសបារាំង ហើយសម្តេច បានបញ្ជាពីទីក្រុងប៉ារីស អោយអាជ្ញាធរ មានសមត្ថកិច្ចធ្វើការស៊ើបអង្កេតជាបន្ទាន់ និងចាប់ខ្លួនជនដៃដល់មកផ្តន្ទាទោសតាមច្បាប់។
លោកហោណាំហុង បន្តថា សម្តេចហ៊ុនសែន បានអំពាវនាវដល់អ្នកកាសែត និងអ្នកបង្ហោះរូបភាពតាម Facebook អោយសហការជាមួយអាជ្ញាធរមានសមត្ថកិច្ច ក្នុងការស្វែងរកចាប់ខ្លួនជនដៃដល់។
លោក ហោ ណាំហុង បានបញ្ជាក់ថា ក្រសួងមហាផ្ទៃ បានកំណត់មុខសញ្ញាជនសង្ស័យ ហើយបន្ទាប់ មកមានមនុស្ស ៣ នាក់ បានចូលខ្លួន មកសារភាពចំពោះក្រសួងមហាផ្ទៃ ដោយពួកគេដឹងថា ក្រសួងមហាផ្ទៃ បានស្គាល់ពួកគេរួចហើយ។ បច្ចុប្បន្ន ជនដៃដល់ទាំង ៣នាក់នោះ កំពុងជាប់ឃុំនៅពន្ធនាគារ។
II.ការដកតំណែងលោក កឹម សុខា៖
នៅព្រឹកថ្ងៃទី៣០ ខែតុលា ឆ្នាំ២០១៥ សម័យប្រជុំពេញអង្គរដ្ឋសភា បានបោះឆ្នោតដោយសំឡេង ៦៨/៦៨ ដកដំណែងលោក កឹម សុខា ពីអនុប្រធានទី១ រដ្ឋសភា។ លោក កឹម សុខា ត្រូវបានជ្រើសតាំងជាអនុប្រធានទី១ ដោយសំឡេងឆ្នោត ៥០+១ ដូចនេះ ក៏ត្រូវដកតំណែងនេះ ដោយសម្លេងឆ្នោត៥០+១ ដូចគ្នាដែរ។
III. ដីកាចាប់ខ្លួនលោក សម រង្ស៊ី៖
កាលពីថ្ងៃទី១៧ ខែមេសា ឆ្នាំ ២០០៨ នៅសារមន្ទីរជើងឯក លោក សម រង្ស៊ី បានធ្វើការបង្កាច់បង្ខូចកេរ្ដិ៍ឈ្មោះលោកឧបនាយករដ្ឋមន្ត្រី ហោ ណាំហុង ថាជាកម្មាភិបាលខ្មែរក្រហម។
ដើម្បីការពារកិត្តិយស នៅឆ្នាំ២០០៨ លោកឧបនាយករដ្ឋមន្ត្រី ហោ ណាំហុង បានប្រគល់សិទ្ធិទាំងស្រុងអោយមេធាវី ដាក់ពាក្យបណ្ដឹងទៅតុលាការភ្នំពេញ ប្ដឹងលោក សម រង្ស៊ី ពីបទបរិហារកេរ្តិ៍។ សាលារាជធានីភ្នំពេញ បានផ្តន្ទាទោសលោក សម រង្ស៊ី នៅឆ្នាំ២០១១។ បន្ទាប់មក នៅថ្ងៃទី១២ ខែមីនា ឆ្នាំ២០១៣ សាលាឧទ្ធរណ៍ បានផ្តន្ទាទោសលោក សម រង្ស៊ី អោយជាប់ពន្ធនាគារពីរឆ្នាំ និងពិន័យជាទឹកប្រាក់ចំនួន ៨លានរៀល។ សាលក្រមរបស់សាលាឧទ្ធរណ៍ មានសុពលភាពរយៈពេល ៥ឆ្នាំ គឺរាប់ចាប់ពីឆ្នាំ២០១៣ រហូតដល់ឆ្នាំ២០១៨។
អំពីការដកលោក សម រង្ស៊ី ពីសមាជិករដ្ឋសភា៖
១ – យោងតាមមាត្រា១៤ នៃ“ច្បាប់ស្តីពីលក្ខន្តិកៈតំណាងរាស្ត្រ” ដែលត្រូវបានអនុវត្ត តាំងពីឆ្នាំ២០០៦ បានចែងថា “សមាជិករដ្ឋសភាណាមួយ ដែលជាជនជាប់ទោសដោយសាលក្រម ចុងក្រោយ នឹងត្រូវបាត់បង់អភ័យឯកសិទ្ធិ និងសមាជិកភាពសភា” ។
២ -ជាកំហុសមេធាវីការពារក្តីរបស់លោក សម រង្ស៊ី ដោយបញ្ឈប់ការតវ៉ាត្រឹមសាលាឧទ្ធរណ៍ និង មិនបានដាក់ពាក្យបណ្តឹងបន្តទៅតុលាការកំពូល មានន័យថា ទទួលយកការសំរេចរបស់សាលាឧទ្ធរណ៍។
៣ – គ.ជ.ប មិនបានពិនិត្យមើលជាក់ច្បាស់នូវសាលក្រមរបស់សាលាឧទ្ធរណ៍ ។
៤ – តើសាលក្រមសាលាឧទ្ធរណ៍អនុវត្តបាន ឬមិនបាន?
យោងតាមក្រមព្រហ្មទណ្ឌនៃព្រះរាជាណាចក្រកម្ពុជា ការមិនចាប់ខ្លួនជនជាប់ទោស លុះត្រាតែ ១.សាលក្រមនោះអស់សុពលភាព ២.មានការលើកលែងទោស ឬ ៣.ការលុបចោលនូវ ការផ្តន្ទាទោសដោយតុលាការថ្នាក់លើ។ ដូច្នេះសាលក្រមរបស់សាលាឧទ្ធរណ៍ នៅមានសុពលភាព ៣ឆ្នាំទៀត។
៥ – បច្ចុប្បន្ន ដោយរដ្ឋសភាទើបតែបានដឹងពីសាលក្រមសាលាឧទ្ធរណ៍លើករណីលោក សម រង្ស៊ី នេះ រដ្ឋសភាមានកាតព្វកិច្ចអនុម័តនូវសាលក្រមនេះ ដោយសំលេងឆ្នោត ៥០+១ ស្របតាម មាត្រាទី១៤ នៃ“ច្បាប់ស្តីពីលក្ខន្តិកៈតំណាងរាស្ត្រ”។
លោកហោណាំហុងបន្តថា នៅក្នុងឆ្នាំ២០១៣ តាមសំណើសុំរបស់សម្តេចតេជោ ព្រះករុណា ព្រះមហាក្សត្រ បានចេញព្រះរាជក្រឹត្យប្រទានការលើកលែងទោសដល់លោក សម រង្ស៊ី ពាក់ពន្ធ័នឹងបទល្មើសចំនួនពីរគឺ ទី១ ការដកតម្រុយបង្គោលព្រំដែនលេខ១៨៥ នៅខេត្តស្វាយរៀង ដែលត្រូវបានតុលាការផ្តន្ទាទោស នៅថ្ងៃទី១ ខែមីនា ឆ្នាំ២០១១ និងបទល្មើសទី២ គឺការក្លែងឯកសារសាធារណៈ និងការផ្សព្វផ្សាយព័ត៌មាន មិនពិត ដែលត្រូវបានតុលាការផ្តន្ទាទោស នៅថ្ងៃទី២០ ខែ កញ្ញា ឆ្នាំ២០១១។ ប៉ុន្តែព្រះរាជក្រិត្យលើកលែងទោសនេះ មិនគ្របដណ្តប់លើការផ្តន្ទាទោសក្នុងការបរិហាកេរ្តិ៍ លោកឧបនាយករដ្ឋមន្ត្រី ហោ ណាំហុង ឡើយ៕
បាត់ដំបង៖ ក្របី០១ ក្បាល ត្រូវបានកម្លាំងសមត្ថកិច្ចបាញ់សម្លាប់ហើយកាលពីល្ងាច ថ្ងៃទី១៨ខែវិច្ឆិកា ឆ្នាំ២០១៥ នេះ បន្ទាប់ពីវាបានបង្កគ្រោះថ្នាក់ផ្ទួនៗគ្នាចំនួន០២លើក ដល់ប្រជាពលរដ្ឋរស់នៅក្នុងភូមិ បង្កឲ្យបុរសពីរនាក់ឪពុក និងកូនប្រុស បណ្តាលឲ្យម្នាក់ស្លាប់ និងម្នាក់រងរបួសធ្ងន់កាលពីថ្ងៃទី១៦និង១៧ ខែ វិច្ឆិកា ២០១៥ កន្លងទៅនេះ។
ហេតុការណ៍គ្រោះថ្នាក់ដ៏កម្រនេះ បានកើតឡើងលើគ្រួសារកសិកររស់នៅក្នុង ភូមិបញ្ញា ឃុំកំពង់ព្រះ ស្រុកសង្កែ ខេត្តបាត់ដំបង ចំណែកសត្វក្របីនោះត្រូវប៉ូលីសប៉ុស្តិ៍ ឃុំកំពង់ព្រះ នៃអធិការដ្ឋាននគរបាលស្រុកសង្កែ ខេត្តបាត់ដំបង បានអះអាងថា បានបាញ់សម្លាប់ហើយ ព្រោះបើទុកវានៅរស់ នោះ វានឹងបង្កគ្រោះថ្នាក់ដល់អ្នកស្រុកផ្សេងទៀតជាមិនខាន។
ហេតុកាណ៍កើតឡើងដោយត្រូវក្របីមួយក្បាលវ័ធ រហូតបង្កឲ្យមនុស្សស្លាប់ម្នាក់និងរបួសធ្ងន់ម្នាក់ នេះ គឺបង្កឡើង ដោយក្របីមួយក្បាលក្នុងចំណោមហ្វូងក្របីចំនួន៧-៨ក្បាលរបស់អ្នកភូមិទីនោះ។ជនរងគ្រោះដែលត្រូវក្របីវ័ធ ឲ្យរងរបួស ធ្ងន់ធ្ងរនោះ មានឈ្មោះ ជា តុង អាយុ៥៥ឆ្នាំ រស់នៅក្នុងភូមិបញ្ញា ឃុំកំពង់ព្រះ ស្រុកសង្កែ ខេត្តបាត់ដំបង ខណៈពេលដែល ជនរងគ្រោះ ចែវទូកទៅមើលសន្ទូចនៅចំណុចវាលស្ទឹងត្រប់ ក្នុងឃុំខាងលើ ហើយត្រូវបានក្របីមួយក្បាលដេញវ័ធបណ្តាល ឲ្យរងរបួសធ្ងន់ធ្លាយពោះវៀនដឹកមកសម្រាកព្យាបាលនៅមន្ទីរពេទ្យបង្អែកខេត្ត កាលពីល្ងាចថ្ងៃទី១៦វិច្ឆិកាវេលាម៉ោង៤,១៥ នាទី កន្លងទៅនេះ។
ប្រភពខាងលើបានបន្តឲ្យដឹងទៀតថា៖ បន្ទាប់ពីមានហេតុការណ៍អាក្រក់កើតឡើង០១ថ្ងៃ។ នៅថ្ងៃទី១៧ ខែវិច្ឆិកា ឈ្មោះ ជា តុងទីន ភេទប្រុស អាយុ២០ឆ្នាំ បានប្តឹងសមត្ថកិច្ចប៉ូលីសមូលដ្ឋានដើម្បីចុះទៅមើលកន្លែងកើតហេតុម្តងទៀត កាលពីល្ងាច ថ្ងៃទី១៧វិច្ឆិកា វេលាម៉ោង០៤,២២នាទី ដើម្បីទៅមើលក្របីដែលវ័ធឪពុករបស់ខ្លួន នៅចំណុចកើតហេតុខាង លើ ដើម្បីផ្តល់ព័ត៌មានឲ្យសមត្ថកិច្ច។ ប៉ុន្តែចៃដន្យអាក្រក់ ក្របី០១ក្បាលនោះ បានស្ទុះចេញពីក្នុងគម្ពោតព្រៃដេញវ័ធយ៉ាង កម្រោល បណ្តាលឲ្យ ឈ្មោះ ជា តុងទីន ត្រូវក្របីវ័ធ ត្រូវចំចុងដង្ហើមនិងកណ្តៀតក្អមបណ្តាលដួលប្រកាច់ស្រែកឲ្យគេជួយ។
ក្នុងហេតុការនេះ ប្រភពពីអ្នកទៅជាមួយបានអះអាងថា៖ ពេលជនរងគ្រោះស្រែកឲ្យជួយនិងចុះទៅជួយ ក៏ត្រូវក្របីនេះដេញ វ័ធផងដែរ ទើបបងប្អូនទាំងនោះរត់មកហៅអ្នកភូមិឲ្យចុះទៅជួយជនរងគ្រោះ តែជាអកុសល ជនរងគ្រោះបានដេកស្លាប់បាត់ ទៅហើយ។
សមត្ថកិច្ចប៉ូលីសប៉ុស្តិមូលដ្ឋានក្នុងឃុំកំពង់ព្រះ ស្រុកសង្កែខេត្តបាត់ដំបង បានគូសបញ្ជាក់ឲ្យដឹងថា៖ក្របីមួយក្បាល ដែលបង្កគ្រោះថ្នាក់នេះត្រូវបានសមត្ថកិច្ចបាញ់សម្លាប់កាលពីរសៀលថ្ងៃទី១៨វិច្ឆិកា២០១៥ដោយមានកាអនុញ្ញាតពីគណៈបញ្ជាការឯកភាពស្រុក។
សមត្ថកិច្ចបានអះអាងបញ្ជាក់ទៀតថាប្រសិនទុកឲ្យក្របីនេះនៅរស់វានិងបង្កការភ័យ ខ្លាច និងអាច គ្រោះថ្នាក់ ដល់អាយុជីវិតប្រជាពលរដ្ឋ និងប្រជានេសាទនៅទីនោះបន្តទៀតជាមិនខាន៕ ដោយ៖ប.ប
បាល់ទាត់៖យោងតាមសារព័ត៌មានDaily Express បានផ្សាយថា ក្លិប២នៅ Premier League កំពុងតែចាប់អារម្មណ៍ខ្លាំងលើ Keisuke Honda ដែលជាកីឡាករ playmaker របស់ក្រុម AC Milan ខណៈដែលកីឡាកររូបជប៉ុនរូបនេះបានបង្ហាញការខកចិត្តជាមួយក្រុមយក្សអ៊ីតាលី ហើយអាចនឹងចាកចេញនៅខែមករាខាងមុខនេះ។
តាមប្រភពដដែលបន្តថា កីឡាករវ័យ២៩ឆ្នាំរូបនេះបានជាប់ជម្រើស១១នាក់ដំបូងរបស់ក្រុមលោក Sinisa Mihajlovic តែ៣ប្រកួតប៉ុណ្ណោះនៅក្របខ័ណ្ឌកំពូលអ៊ីតាលី Serie A ក្នុងរដូវកាលនេះ។
ប្រភពបញ្ជាក់ថា ក្រុមមាន់ខ្នាយមាស Tottenham Hotspur គឺជាក្រុមដែលចាប់អារម្មណ៍ខ្សែបម្រើប្រយុទ្ធរូបនេះជាច្រើនលើកច្រើនសាមកហើយ ខណៈដែល Everton ក៏កំពុងតែតាមដានស្ថានការណ៍ តារាឆ្នើមក្រុមសាម៉ូរ៉ៃខៀវជប៉ុនរូបនេះដូចគ្នា។
គួរបញ្ជាក់ថា Honda ដែលធ្លាប់លេងឲ្យក្រុមរុស្សី CSKA Moscow ៤រដូវកាលមុនផ្ទេរទៅ AC Milan និងស៊ុតឲ្យជម្រើសជាតិជប៉ុនបាន៣៤គ្រាប់ ក្នុងការបង្ហាញខ្លួន៧៩ប្រកួត រួមទាំងគ្រាប់បាល់ចុងក្រោយ ដែលតែតចូលក្រុមជម្រើសជាតិកម្ពុជា កាលពីយប់ថ្ងៃអង្គារផងដែរ៕
MILAN, ITALY – MARCH 07: Keisuke Honda of AC Milan looks on during the Serie A match between AC Milan and Hellas Verona FC at Stadio Giuseppe Meazza on March 7, 2015 in Milan, Italy. (Photo by Marco Luzzani/Getty Images)
ញូវយ៉ក៖ក្រុមឧទ្ទាមរដ្ឋឥស្លាម ISIS បានចេញពីវីដេអូថ្មីមួយទៀតដោយគំរាមវាយប្រហារអគារTime Square ស្ថិតក្នុងទីក្រុងញូវយ៉កសហរដ្ឋអាមេរិក។ នេះបើយោងតាមសារព័ត៌មានFox Newsចេញផ្សាយព្រឹកថ្ងៃព្រហស្បតិ៍ ទី១៨ វិច្ឆិកានេះ។
គួរបញ្ជាក់ថា នេះជាការវីដេអូគំរាមលើកទី២ របស់ ISIS គ្រាដែលលើកទី១ បានគំរាមវាយប្រហារទីក្រុងវ៉ាស៊ីនតោន ក្រោយវាយប្រហារទីក្រុងប៉ារីស៣ថ្ងៃ ហើយក៏បានលើកឡើងថា «ការវាយប្រហារប៉ារីស គឺជាចំណុចចាប់ផ្តើមតែប៉ុណ្ណោះ»។
ទន្ទឹមនោះក្រុមឧទ្ទាម ISIS ក៏បានគំរាមកំហែងវាយប្រហារទីតាំងជាច្រើនទៀតផងដែរ ក្នុងនោះក៏មានអង់គ្លេស ប៊ែលហ្ស៊ិក និងអាល្លឺម៉ង់ផងដែរ ជាពិសេសនៅតាមទីប្រជុំជន មួយចំនួនផ្សេងៗទៀត៕
បារាំង៖ប្រធានាធិបតីបារាំងលោក Francois Hollande បានថ្លែងថា ក្រុមឥស្លាមជ្រុលនិយម ISIS បានកំពុងតែគំរាមកំហែងដល់ពិភពលោកទាំងមូល បន្ទាប់ពីបើកការវាយប្រហារទ្រង់ទ្រាយធំ នៅក្នុងទីក្រុងប៉ារីសកាលពី ថ្ងៃសុក្រ ទី១៣ វិច្ឆិកា ដែលបានបណ្តាលឲ្យមនុស្សស្លាប់១២៩នាក់។
លោក Hollande បានថ្លែងថា បារាំងបាននឹងកំពុងធ្វើសង្គ្រាមប្រឆាំងពួកភេរវកម្ម ISIS នៅ ក្នុងប្រទេសស៊ីរីតាមរយៈការបញ្ជូនយន្តហោះចម្បាំងជាបន្តបន្ទាប់ និងអំពាវនាវឲ្យសម្ព័ន្ធមិត្តជួយជ្រោមជ្រែងក្នុងយុទ្ធនាការនេះផងដែរ។
គួររម្លឹកថា ក្រោយការវាយប្រហារនៅប៉ារីស ក្រុម ISIS បានចេញមកប្រកាសថា ជាអំពើរបស់ពួកគេ។ ទន្ទឹមនោះក្រុមឧទ្ទាមនេះក៏បានប្រកាសផងដែរថា គោលដៅវាយប្រហារបន្ទាប់របស់ពួកគឺទីក្រុងវ៉ាស៊ីងតោន របស់អាមេរិក និងអង់គ្លេសជាគោលដៅបន្ទាប់។ នេះបើតាមសារ និងវីដេអូឃ្លីបជាបន្តបន្ទាប់ នៅលើបណ្តាញសង្គម Facebook ដែលអាចនឹងវាយប្រហារ នៅតាមទីប្រជុំជននានាមានដូចជា ផ្សារទំនើប រោងភាពយន្ត សួនកម្សាន្ត និងពហុកីឡដ្ឋានធំៗមួយចំនួន ៕
ភ្នំពេញៈជនសង្ស័យម្នាក់ត្រូវបា
តាមសម្តីពីជនរងគ្រោះដែលមានឈ្មោះ
សម្ថតកិច្ចបានអោយដឹងថាជនសង្ស័
បច្បបន្ន ជនសង្ស័យខាងលើត្រូវបានឃុំខ្លួនបណ្តោះអាសន្ននៅអធិការដ្ឋានខណ្ខមានជ័យ ដើម្បីកសាងសុំណុំរឿ
រាជធានីភ្នំពេញ៖Facebook លោក សម រង្ស៊ី នៅព្រឹកនេះ បានបង្ហាញសារមួយតាមនៅលើ Facebook របស់លោក ដោយបានរៀបរាប់និងបានចោទប្រកាន់ថា គណបក្សប្រជាជនកម្ពុជា បានធ្វើរដ្ឋប្រហាររដ្ឋធម្មនុញ្ញ និងបានលើកឡើងថា ប្រទេសកម្ពុជាបានវិលត្រឡប់ទៅរកប្រព័ន្ធបក្សតែមួយ មុនថ្ងៃ២៣ តុលា ១៩៩១។
សូមអានសាររបស់លោក សម រង្ស៊ី ដែលបានបង្ហោះនៅលើ Facebook ប៉ុន្មាននាទីមុននេះ ដូចខាងក្រោម៖
បន្ទាប់ពីទង្វើយ៉ាងយង់ឃ្នងមួយចំនួនថ្មីៗនេះ ពីសំណាក់គណបក្សប្រជាជនកម្ពុជា មកលើគណបក្សសង្គ្រោះជាតិ ក្នុងនោះមានការចាប់ខ្លួនសមាជិកព្រឹទ្ធសភាលោក ហុង សុខហួរ ដាក់ពន្ធនាគារមកទល់នឹងថ្ងៃនេះ, ការវាយដំយ៉ាងសាហាវមកលើតំណាងរាស្ត្រគណបក្សប្រឆាំង២ រូបគឺលោក ញ៉យ ចំរើន និងលោក គង់ សភា, ការដកលោក កឹម សុខា ចេញពីតំណែងអនុប្រធានទី១ នៃរដ្ឋសភា មានទង្វើបន្ថែមទៀតជាចុងក្រោយ គឺការចេញដីកាឲ្យចាប់រូបខ្ញុំ ក្នុងឋានៈខ្ញុំជាប្រធានគណបក្សសង្គ្រោះជាតិ ទោះជាខ្ញុំមានអភ័យឯកសិទ្ធិសភាយ៉ាងណាក៏ដោយ ហើយនៅទីបញ្ចប់ការបណ្តេញខ្ញុំចេញពីរដ្ឋសភា បន្ទាប់ពីការបោះឆ្នោតសម្រេចបែបនេះ ធ្វើឡើងដោយតំណាងរាស្ត្រមកពីគណបក្សប្រជាជនកម្ពុជា តែប៉ុណ្ណោះក៏ដោយ ។
ទង្វើ ទាំងអស់នេះ ឈានទៅដល់ការបញ្ចប់តួនាទីរបស់គណបក្សប្រឆាំងតែមួយគត់ ដែលមានអសនៈក្នុងរដ្ឋសភា ហើយបង្ហាញថាប្រទេសកម្ពុជា បានវិលត្រឡប់ទៅរកប្រព័ន្ធបក្សតែមួយ ដូចមុនថ្ងៃចុះហត្ថលេខាលើកិច្ចព្រមព្រៀងសន្តិភាពទីក្រុងប៉ារីស ឆ្នាំ ១៩៩១។
ទង្វើ ទាំងអស់នេះ ពីសំណាក់គណបក្សប្រជាជនកម្ពុជា គឺជារដ្ឋប្រហាររដ្ឋធម្មនុញ្ញ ដែលនាំមកនូវផលប៉ះពាល់ផ្លូវច្បាប់ និងផ្លូវនយោបាយ ដូចរដ្ឋប្រហារយោធា ដែលពួកគេបានធ្វើនៅថ្ងៃ ៥-៦ កក្កដា ឆ្នាំ ១៩៩៧ អញ្ចឹងដែរ។ ផលប៉ះពាល់ចម្បង គឺបំផ្លាញដំណើរការប្រជាធិបតេយ្យ ដែលមានធានាក្នុងកិច្ចព្រមព្រៀងសន្តិភាពទីក្រុងប៉ារីស ចុះហត្ថលេខាដោយ ១៨ ប្រទេសជាមិត្ត ដោយមានការគាំទ្រពីអង្គការសហប្រជាជាតិ ផងដែរ។ កិច្ចព្រមព្រៀងទីក្រុងប៉ារីស តម្រូវឲ្យប្រទេសកម្ពុជាប្រកាន់នូវរបបនយោបាយប្រជាធិបតេយ្យ សេរី ពហុបក្ស។
យ៉ាងណាក៏ដោយ យើងមិនទាន់ទទួលបានការបកស្រាយណាមួយទាក់ទងសារនយោបាយប្រកបដោយ ការប្រមាថរបស់លោក សម រង្ស៊ី ពីសំណាក់ថ្នាក់ដឹកនាំឬក៏មន្ត្រីCPPនៅឡើយនោះទេ៕
ផ្លែមៀនជាអាហារដែលផ្តល់ថាមពល និងប្រយោជន៍ច្រើនយ៉ាងចំពោះសុខភាពបើអ្នកយល់ដឹងពីការពិសារវាឲ្យត្រឹមត្រូវ។
ផ្លែមៀនគឺជាផ្លែឈើមួយប្រភេទដែលមានរសជាតិឈ្ងុយ ផ្អែមឆ្ងាញ់ ប្រសិនបើទទួលទានស្រស់ៗក្នុងបរិមាណច្រើន អាចធ្វើអោយអ្នកកើតមានអាការក្តៅក្នុង បានយ៉ាងងាយ ។ ប៉ុន្តែ នៅពេលដែលគេយកវាមកធ្វើជាផ្លែមៀនស្ងួត នោះកម្តៅនឹងបាត់អស់នៅសល់តែជាតិស្ករ និងគ្លុយកូស យ៉ាងច្រើនដែលរាងកាយអាចស្រូបយកទៅប្រើប្រាស់បានភ្លាមៗ ហើយវាជួយឲ្យរាងកាយស្រស់ថ្លា បំបាត់អារម្មណ៍នឿយហត់យ៉ាងស័ក្តិសិទ្ធិ ។
ជាពិសេស ផ្លែមៀន សម្បូរដោយសារធាតុអាហារច្រើនយ៉ាងដូចជា កាល់ស្យូម ផូស្វ័រ ជាតិដែក វីតាមីនB នឹងវីតាមីនC ដែលសារធាតុទាំងអស់នេះមានប្រយោជន៍ដល់ប្រព័ន្ធប្រសាទ ជួយបំប៉នឈាមបន្ថែមភាពរឹងមាំដល់ឆ្អឹង និងធ្មេញ ។
ចំពោះសាច់មៀន មានប្រយោជន៍ដល់លំហូរឈាម ជួយឲ្យស្បែកស្រស់ថ្លា សមស្របសម្រាប់ស្ត្រីដែលមានបញ្ហារដូវ ។ ម្យ៉ាងទៀត វាជួយបំប៉នបេះដូង បំប៉នផាល និងជួយធ្វើឲ្យប្រព័ន្ធប្រសាទមានការធូរស្រាល ។
រីឯគ្រាប់មៀន នៅពេលហាលស្ងូត រួចបុកផ្សំជាមួយទឹកឃ្មុំ ប្រើសម្រាប់បំបាត់ការឈឺចាប់និងព្យាបាលជំងឺស្បែក ។ ដោយឡែកផ្កាមៀនគឺជាថ្នាំបញ្ចុំទឹកនោម និងអាចជួយរំលាយក្រួសក្នុងតម្រងនោមបាន៕
ភ្នំពេញ៖បុរសម្នាក់ត្រូវបានម្ចា
តាមសម្ដីជនសង្ស័យមានឈ្មោះ ចាយ សុភ័ក្ត្រា ភេទប្រុស អាយុ៣៣ឆ្នាំមុខរបរមិនពិតប្រាកដ និងមានទីលំនៅភូមិព្រែកទល សង្កាត់ស្ទឹងមានជ័យ ខណ្ឌស្ទឹងមានជ័យ បានប្រាបអោយដឹងថា នៅថ្ងៃសៅទី១៤ ខែវិច្ឆិកា ឆ្នាំ
បច្ចុប្បន្ន ជនសង្ស័យត្រូវបានប៉ូ
នីហ្សេរីយ៉ា៖មនុស្ស ៣២នាក់បានស្លាប់ និង ៨០នាក់រងរបួស នៅក្នុងហេតុការណ៍បំផ្ទុះ គ្រាប់បែក នៅសួនឧទ្យានម៉ូតូ ចំកណ្តាលទីក្រុង អាដាម៉ាវ៉ា នៃប្រទេសនីហ្សេរីយ៉ា ភាគខាងកើត កាលពីថ្ងៃអង្គារ ទី១៧ ខែវិច្ឆិកា ឆ្នាំ ២០១៥ម្សិលមិញនេះ។បើយោងតាមទីភ្នាក់ងារព័ត៌មានចិនដែលបានចេញផ្សាយនៅថ្ងៃពុធ ទី១៨ ខែវិច្ឆិកា ឆ្នាំ២០១៥នេះ។
ក្រុមសន្តិសុខបានប្រាប់ទីភ្នាក់ងារព័ត៌មានចិនថា ការផ្ទុះគ្រាប់កាំជ្រួចនៅឧទ្យានម៉ូតូ បានកើតឡើងនៅវេលាម៉ោង ៨យប់ ក្នុងខណៈពេលដែល ទីកន្លែងនោះពោរពេញ ដោយ មនុស្សជាច្រើនកុះករ ព្រមទាំងអ្នកលក់ដូររបស់ របរផ្សេងៗនៅទីនោះផងដែរ។
គួរបញ្ជាក់ដែលថា លោក Saadu Bello ដែលជាភ្នាក់ងារសង្គ្រោះបន្ទាន់ជាតិ ( NEMA) បានអះអាងថា មានមនុស្ស៣២នាក់ ស្លាប់ និង ៨០នាក់រងរបួស ព្រមទាំង មនុស្ស៣១នាក់បានបាត់បង់ទីលំនៅហើយអាជ្ញាធរបាននិយាយដថារហូតមក ដល់ពេលនេះ នៅមិនបង្ហាញពី សញ្ញា នៃជនសង្ស័យនៅឡើយទេ៕
អង់គ្លេស៖ជនភៀសស៊ីរីខ្លួន១០០នាក់នៃចំនួនជនភៀសខ្លួនស៊ីរី២ម៉ឺននាក់ ដែលរដ្ឋាភិបាលអង់គ្លេសបានសន្យាឲ្យពួកគេជ្រកកោនរហូតដល់ ឆ្នាំ២០២០បានមកដល់ចក្រភពអង់គ្លេសលើកដំបូងកាលពីម្សិលមិញ។
ក្រុមជនភៀសខ្លួនខាងលើបានមកដល់ចក្រភពអង់គ្លេសម្សិលមិញ តាមរយៈជើងហោះក្នុងព្រលានយន្តហោះ Glasgow ហើយរំពឹងថានឹងតាំងទីលំនៅក្នុងទឹកដីប្រទេសស្កុតឡែន។ ក្រុមជនភៀសទាំងនោះគឺមកពីជំរំជនភៀសខ្លួនក្នុងប្រទេស ស៊ីរិ លីបង់ និង ហ្ស៊កដានី ដើម្បីគេចចេញពីសង្គ្រាម។
ជនភៀសខ្លួនជាច្រើនទៀតនឹងបន្តមកដល់ចក្រភពអង់គ្លេសក្នុង រយៈពេលប៉ុន្មានសប្ដាហ៍ទៀត។ ប្រទេសស្កុតឡែននឹងទទួលពួកគេទាំងនោះ៣៥០នាក់បន្ថែមទៀត។
លោកនាយករដ្ឋមន្ត្រីអង់គ្លេស David Cameron បានថ្លែងកាលពីម្សិលមិញថា ជនភៀសខ្លួនចំនួន១០០០នាក់នឹងមកដល់តាំងលំនៅនៅអង់គ្លេសមុនពិធីបុណ្យគ្រីសម៉ាសមកដល់ ហើយលោកជឿជាក់ថា ជនភៀសខ្លួនដែលរងទុក្ខវេទនាដោយសារសង្គ្រាម រ៉ាំរ៉ៃក្នុងប្រទេសកំណើតខ្លួន នឹងមានសុវត្ថិភាពស្ថិតក្រោមការមើលថែពីសំណាក់រដ្ឋាភិបាលអង់គ្លេស៕
អង់គ្លេស៖ក្រុមឧទ្ទាមរដ្ឋឥស្លាម ISIS បានព្រមានតាមប្រព័ន្ធទំនាក់ទំនងសង្គម Twitters ថា ចក្រភពគឺជាគោលដៅវាយប្រហារបន្ទាប់។ នេះបើយោងតាមសារព័ត៌មាន Express របស់ចក្រភពអង់គ្លេសផ្សាយកាលពីម្សិលមិញ។
ការគំរាមកំហែងតាមរយៈប្រព័ន្ធទំនាក់ទំនងសង្គម Twitter នេះត្រូវបានធ្វើឡើង បន្ទាប់ពីហេតុការណ៍វាយប្រហារនៅទីក្រុងប៉ារីសកាលពីថ្ងៃសុក្រសប្តាហ៍មុនដែលបណ្តាលឲ្យមនុស្ស១៣២នាក់ស្លាប់។
ប្រភពព័ត៌មានដដែលបានបញ្ជាក់ថា មិនតែប៉ុណ្ណោះក្នុងនោះក៏ព្រមាននឹងមានការវាយប្រហារ នៅរដ្ឋធានីធំៗពីរផ្សេងទៀត គឺរដ្ឋធានីវ៉ាស៊ីនតោន និងរ៉ូមក្នុងពេលខាងមុខ៕
