ភ្នំពេញ៖ សាកសពបុរសម្នាក់ត្រូវបានកម្មកររោងចក្រកាត់ដេរ១ក្រុមប្រទះឃើញក្នុងខណៈពេលធ្វើដំណើរទៅធ្វើការ ឆ្លងកាត់កន្លែងកើតហេតុ ហើយក៏បានរាយការណ៍ជូនអាជ្ញាធរនិងនគរបាលឲ្យចុះទៅពិនិត្យមើលភ្លាមៗដែរ។ ប៉ុន្តែមិនទាន់ដឹងថាជាករណីប្លន់សម្លាប់ឬក៏ជារឿងគំនុំនោះឡើយ គ្រាន់តែដឹងថាជាករណីឃាតកម្មព្រោះសពមានស្នាមអារកនិងចាក់ច្រើនកន្លែង មិនតែប៉ុណ្ណោះជនសង្ស័យបានអូសសពចេញពីកន្លែងកើតហេតុទៅចោលលើដីវាលស្មៅចម្ងាយប្រមាណ២០០ម៉ែត្រទៀតផង។
ហេតុការណ៍នោះបានបង្កឲ្យមានការភ្ញាក់ផ្អើលកាលពីវេលាម៉ោង៦និង៤០នាទីព្រឹកថ្ងៃទី១៤ ខែកញ្ញា ឆ្នាំ២០១៨ នៅតាមផ្លូវបេតុងភូមិកប់គង សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ។
ជនរងគ្រោះខាងលើមិនទាន់ត្រូវបានស្គាល់អត្តសញ្ញាណនៅឡើយទេ មានអាយុប្រហែលជាង៣០ឆ្នាំ ស្លៀកខោខ្លីពណ៍ខៀវនិងពាក់អាវផ្កាដៃវែងពណ៍ប្រផេះហើយមានស្នាមអារកនិងចាក់សម្លាប់ ។ ចំណែកនៅលើផ្លូវត្រង់កន្លែងដែលកើតហេតុដំបូងនានមួកសុវត្ថិភាពរបស់មនុស្សប្រុស១និងស្រី១ព្រមទាំងមានឈាមផងដែរ។
តាមប្រភពព័ត៌មានបានឲ្យដឹងថា មុនពេលមានការភ្ញាក់ផ្អើលមានកម្មករ១ក្រុមបាននាំគ្នាដើរចេញពីផ្ទះជួលនៅក្នុងភូមិកប់គងដើម្បីទៅធ្វើការរោងចក្រ ។ លុះពេលទៅដល់ត្រង់ចំណុចកើតហេតុបានប្រទះឃើញមានឈាមនិងមួកសុវត្ថិភាព២ដ្ថិតនៅរប៉ាត់រប៉ាយនៅលើផ្លូវ។ ដោយមានការសង្ស័យបាននាំគ្នា រកមើលស្រាប់តែបានប្រទះឃើញសាកសពបុរសខាងលើដេកស្លាប់នៅលើវាលស្មៅទើបរាយការណ៍ជូនអាជ្ញាធរភូមិនិងនគរបាលភ្លាមៗតែម្ដង។
បន្ទាប់មកនគរបាលប៉ុស្តិ៍ចុះទៅកាន់ទីនោះភ្លាមៗដែរហើយមិនទាន់ដឹងថាជាករណីអ្វីពិតប្រាកដនៅឡើយ ប៉ុន្តែបើតាមការសន្និដ្ឋានដំបូងសង្ស័យថាជនរងគ្រោះស្លាប់ដោយសារតែអំពើឃាតកម្មព្រោះសពមានស្នាមអារកនិងចាក់សម្លាប់៕
គណៈគម្មការកោលវិសល្បវិច័យ បានរកឃើញថា ដំណើការបូកស្រង់ពិន្ទុតាមប្រព័ន្ធកុំព្យូទ័រ មានបញ្ហាបច្ចេកទេស បានប៉ះពាល់ដល់ពិន្ទុវិញ្ញាសាគណិតវិទ្យារបស់ថ្នាក់វិទ្យាសាស្ត្រ ក្នុងមណ្ឌលមួយចំនួន ដោយសារកម្មវិធីកុំព្យូទ័រ មិនបានបូកស្រង់ពិន្ទុមុខវិជ្ជាគណិតវិទ្យារបស់បេក្ខជនចំនួន ៧៤០ បន្ទប់។
បន្ទាប់ពីដោះស្រាយបញ្ហាបច្ចេកទេសរួច លទ្ធផលនៃការប្រឡង មានដូចជា បេក្ខ ជនជាប់និទ្ទេស A មានចំនួន ៤០៨នាក់ និទ្ទេស B ចំនួន២.២២២នាក់ និទ្ទេស C ចំនួន ៦.០៥១នាក់ និទ្ទេស D ចំនួន ១៥.១៨០នាក់ និងនិទ្ទេសE ចំនួន ៥២.១៨៣នាក់។
ក្រសួងអប់រំ នឹងចេញលទ្ធផលប្រឡងថ្មី សម្រាប់ថ្នាក់វិទ្យាសាស្ត្រ នៅថ្ងៃទី១៤ ខែកញ្ញា ឆ្នាំ២០១៨ លើទំព័រហ្វេសប៊ុកនៃក្រសួង និងនៅថ្ងៃទី១៥ ខែកញ្ញាឆ្នាំ២០១៨ នៅតាមមន្ទីរអប់រំយុវជននិងកីឡា៕
ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងលោក ថោងលួន ស៊ីសូលីត នាយករដ្ឋ មន្ត្រី ឡាវ បានជួបពិភាក្សាគ្នាកាលពីព្រឹកថ្ងៃទី១៣ ខែកញ្ញា នៅទីក្រុងហាណូយប្រទេសវៀតណាមប្រមាណជា ៣០នាទី ពាក់ព័ន្ធបញ្ហាព្រំដែននៅតំបន់អូរតាង៉ាវ ខេត្តស្ទឹងត្រែង ដែលធ្លាប់មានទំនាស់ជាមួយគ្នា កាល ពីពេលកន្លងទៅ ។
ប្រមុខរាជរដ្ឋាភិបាលកម្ពុជា និង ឡាវ បានឯកភាពគ្នាដាក់តំបន់អូរតាង៉ាវ ជាតំបន់ព្រំដែនដែលមិនទាន់ដោះស្រាយដាច់ស្រេចនៃព្រំដែនរវាងប្រទេសទាំងពីរ។ ប្រមុខនៃប្រទេសទាំងពីបាន ដាក់ចេញនូវលក្ខខណ្ឌរួមគ្នា ៣ ចំណុច ដោយរក្សាតំបន់នេះជាតំបន់ គ្មានកងទ័ព តំបន់គ្មានប្រជា ជនរស់នៅ និងធ្វើអាជីវកម្ម និងបង្កើតឲ្យមានការល្បាតរួមគ្នារវាងកងទ័ពកម្ពុជា និងកងទ័ពឡាវ នៅតំបន់នោះ៕
ក្រសួងធនធានទឹកឧតុនិយម នៅថ្ងៃទី១៣ ខែកញ្ញា នេះ បានប្រកាសពីការព្យាករអាកាស ធាតុថា ឥទ្ធិពលរបស់ព្យុះចំនួនពីរគឺ ព្យះ មង្ឃុត ទី២២ និងព្យុះ បារីចាត ទី២៣ ធ្វើឲ្យមានភ្លៀងបន្តធ្លាក់រាយប៉ាយពីមធ្យម ទៅច្រើន ក្នុងព្រះរាជាណាចក្រកម្ពុជា និងអាចបង្កជាជំនន់ទឹកភ្លៀងនៅតំបន់មួយចំនួន ។
ការព្យាករ បង្ហាញថា ឥទ្ធិពលព្យុះនេះ នឹងធ្វើឲ្យកម្ពុជាមានភ្លៀងធ្លាក់រាយប៉ាយនៅទូទាំង ប្រទេស ចាប់ពីថ្ងៃទី១៣ ដល់ថ្ងៃទី១៩ ខែកញ្ញា ឆ្នាំ២០១៨ ខាងមុខនេះ។ ដូច្នេះ សូមបងប្អូនប្រជា ពលរដ្ឋដែលមានបំណងធ្វើដំណើរផ្លូវឆ្ងាយ ឬតាមផ្លូវទឹក ត្រូវបង្កើនការប្រុងប្រយ័ត្នខ្ពស់៕
នៅរសៀល ថ្ងៃទី១៣ ខែកញ្ញា ឆ្នាំ២០១៨ នេះ តំបន់មួយចំនួនក្នុងក្រុងព្រះសីហនុ បានជន់លិចដោយសារទឹកភ្លៀងបានធ្លាក់ជាបន្តបន្ទាប់នៅខេត្តជាប់មាត់សមុទ្រមួយនេះ ចាប់តាំងពីព្រឹកមក ម្លេះ។
រដ្ឋបាលក្រុងព្រះសីហនុ បានជូនដំណឺង ដល់ប្រជាពលរដ្ឋ ជាពិសេសភ្ញៀវទេសចរដែលមានបំណងចូលទៅកម្សាន្តខេត្តព្រះសីហនុ នៅចុងសប្តាហ៍នេះ ថា ខេត្តព្រះសីហនុ នឹងមានភ្លៀង ធ្លាក់ជាបន្តទៀត ដែលរហូតមកដល់រសៀលថ្ងៃទី១៣ ខែកញ្ញា នេះ មិនទាន់រាំងភ្លៀងនៅឡើយ ទេ ។ ទន្ទឹមនេះ ក៏បានអំពាវនាវឲ្យប្រជាពលរដ្ឋ និងភ្ញៀវទាំងអស់មានការប្រុងប្រយ័ត្នខ្ពស់ផងដែរ៕
ភ្នំពេញ ៖ ចម្លាក់រូបសំណាក លោកវេជ្ជបណ្ឌិត បេអាត រីចឈ្នឺរ ស្ថាបនិកមូលនិធិមន្ទីរពេទ្យគន្ធបុប្ផា ដែលសង់ពីស្ពាន់ នឹងឆ្លាក់ហើយរួចរាល់នៅសប្តាហ៍ក្រោយ។ នេះបើតាមការបញ្ជាក់របស់ ឌីជេ អាចារ្យធំ។លោកបញ្ចាក់ថា លោកនិងមិត្តភ័ត្តិ រួមជាមួយវិចិត្រករសូនរូបម្នាក់ បានផ្តួចផ្តើមសង់រូបសំណាក នេះឡើង នៅក្រោយពេលឮដំណឹងមរណភាពរបស់លោក ប៉ុន្តែមិនទាន់ដឹងថា នឹងយកទៅតម្កល់ នៅទីណានៅឡើយទេ។
គួរជម្រាបថា លោកវេជ្ជបណ្ឌិត បេអាត រីចឈ្នឺរ ដែលត្រូវបានចាត់ទុកជាវីរបុរសរបស់កុមារខ្មែរ ដែលលោកបានរួមចំណែកសង្គ្រោះអាយុជីវិតកុមារខ្មែររាប់លាននាក់ តាមរយៈការរៃអង្គាសថវិកា ជួយដល់ដំណើរការមន្ទីរពេទ្យគន្ធបុប្ឆា ទាំងនៅភ្នំពេញ និងនៅសៀមរាប រយៈពេលជាង២០ឆ្នាំចុងក្រោយ នេះ៕
ថៃ ៖ មហាក្សត្រថៃ Maha Vajiralongkorn បានឡាយព្រះហស្តលើច្បាប់សំខាន់ៗចំនួនពីរដែលចាំបាច់សម្រាប់ការបោះឆ្នោត ដែលធ្លាបបានពន្យារពេលជាញឹកញាប់។ ច្បាប់ស្ដីការជ្រើសតាំងតំណាងរាស្ត្រ និងការតែងតាំងសមាជិកព្រឹទ្ធសភា ក៏ត្រូវបានចុះក្នុងព្រះរាជកិច្ចនៅថ្ងៃទី១២ ខែ កញ្ញា នេះ រួចហើយដែរ ដែលនឹងចូលធរមាននៅរយៈពេល៩០ថ្ងៃបន្ទាប់ពីឡាយព្រះហស្ត គឺក្នុង អំឡុងខែធ្នូចុឆ្នាំនេះ។
គួរជម្រាបថា បើតាមច្បាប់ថៃ ក្រោយការដាក់ឲ្យអនុវត្តជាផ្លូវការរួច ការបោះឆ្នោតទូទៅមួយ ត្រូវរៀបចំក្នុងអំឡុងពេល១៥០ថ្ងៃក្រោយ មានន័យថា គណៈកម្មការរៀបចំការបោះឆ្នោតរបស់ថៃមានពេលយ៉ាងយូរត្រឹមខែឧសភា ឆ្នាំ២០១៩៕
ភ្នំពេញ ៖ តាមការគ្រោងទុក សម្តេចតេជោ ហ៊ុន សែន នឹងអញ្ជើញនិវត្តន៍មកដល់មាតុភូមិវិញនៅល្ងាចថ្ងៃទី ១៣ ខែកញ្ញា នេះ បន្ទាប់ពីបានអញ្ជើញទៅចូលរួមក្នុងពីធីតាំងពិព័រណ៌ចិន អាស៊ាន លើទី១៥ នៅទីក្រុងណាន់នីង ប្រទេសចិន និងចូលរួមវេទិកាសេដ្ឋកិច្ចពិភពលោកស្តីពីអាស៊ានលើកទី២៧ ដែលបានប្រារព្ធនៅរដ្ឋធានីហាណូយ ប្រទេសវៀតណាម ។
សូមរំលឹកថា នៅព្រឹកថ្ងៃទី១៣ កញ្ញា មុនពេលធ្វើមាតុនិវត្តន៍មកមាតុប្រទេសវិញ សម្តេចតេជោ ហ៊ុន សែន បានជួបទទួលអាហារការងារពេលព្រឹកជាមួយនាយករដ្ឋមន្ត្រីឡាវ និងនាយករដ្ឋ មន្ត្រី វៀតណាម និងបានជួបពិភាក្សាដោយឡែកជាមួយលោក សាស្ត្រាចារ្យ ក្លូស ស្វប់ ជាស្ថាបនិក និងជានាយកប្រតិបត្តិនៃវេទិកាសេដ្ឋកិច្ចពិភពលោក រួមនិងនាយករដ្ឋមន្ត្រីស្រីលង្កា ផងដែរ៕
យ៉ាងហោចណាស់មានសិស្សដែលបានចូលប្រឡងបាក់ឌុបកាលពីថ្ងៃទី២០/២១ ខែសីហា ចំនួន ៥០០ នាក់ បានប្ដឹងក្នុងរយៈពេល២ថ្ងៃជាប់គ្នា ដើម្បីជំទាស់នឹងលទ្ធផលដែលក្រសួងអប់រំបានប្រកាសនៅក្នុងខែកញ្ញានេះ ខណៈសិស្សមួយចំនួនទៀតកំពុងបន្តដាក់ពាក្យបណ្ដឹងជាបន្តបន្ទាប់។ នេះបើយោងតាមការបញ្ជាក់របស់លោក ឌី ខាំបូលី អ្នកនាំពាក្យក្រសួងអប់រំ។
ការប្រមូលផ្តុំតវ៉ារបស់សិស្សទាំងនេះ បានកើតឡើងតាំងពីរសៀលថ្ងៃចន្ទ ទី១០ ខែកញ្ញាមកម្ល៉េះ។ ដើម្បីដោះស្រាយបញ្ហានេះ ក្រសួងអប់រំកំពុងបន្តទទួលបណ្តឹងតវ៉ារបស់សិស្ស និងបង្កើតគណៈកម្មការកោសល្យវិច័យមួយដឹកនាំដោយ ឯ.ឧ. ហង់ ជួន ណារ៉ុន រដ្ឋមន្ត្រីក្រសួងអប់រំ ដើម្បី ឆ្លើយតបជូនបេក្ខជន និងសាធារណជនឲ្យបានដឹងអំពីអ្វីជាលទ្ធផលដែលគណៈកម្មការរកឃើញ»៕
ក្រសួងបរិស្ថាន នៅថ្ងៃទី ១២ ខែកញ្ញា នេះ បានដាក់ចេញនូវវិធានការព្រមានអ្នកដែលធ្វើសកម្មភាពខុសច្បាប់មានដូចជា ការឈូសឆាយ កាប់ឆ្ការ ដុត រុករាន ទន្ទ្រានដីព្រៃ ការសាងសង់ខ្ទម-រោង ការដាំដំណាំ និងការអាស្រ័យផល លើដីរបស់រដ្ឋ នៅក្នុងតំបន់ការពារធម្មជាតិ ត្រូវតែបញ្ឈប់ជាបន្ទាន់។ ចំណែក អ្នកដែលទិញ-លក់ដីរដ្ឋ និងការបញ្ជាក់ការទិញ-លក់ដីរដ្ឋ ដោយខុស ច្បាប់ នៅក្នុងតំបន់ការពារធម្មជាតិ ត្រូវតែបញ្ឈប់សកម្មភាពជាបន្ទាន់ដូចគ្នាដែរ។
ក្រសួងបរិស្ថាន ក៏ព្រមានផងដែរថា ក្នុងករណីនៅតែល្មើសនឹងសេចក្តីណែនាំនេះ ក្រសួងបរិស្ថាន ដែលបានសហការជាមួយស្ថាប័នមានសមត្ថកិច្ច និងរដ្ឋបាលថ្នាក់ក្រោមជាតិពាក់ព័ន្ធរួច ហើយនោះ នឹងចាត់វិធានការយ៉ាងម៉ឹងម៉ាត់ទៅតាមផ្លូវច្បាប់៕
គ្រោះថ្នាក់ចរាចរណ៍នៅទូទាំងប្រទេសកាលពីថ្ងៃទី១២ ខែកញ្ញា ឆ្នាំ២០១៨ កើតឡើង ចំនួន១១លើក បណ្តាលឲ្យស្លាប់៦នាក់ រងរបួសធ្ងន់៩នាក់ និងរបួសស្រាល ៣នាក់។
នៅរាជធានី-ខេត្ត ដែលមានគ្រោះថ្នាក់និងរងគ្រោះថ្នាក់ រួមមាន ៖ ខេត្តកំពង់ធំ ១លើក ស្លាប់២នាក់, កណ្តាល ១លើក ស្លាប់១នាក់, បន្ទាយមានជ័យ ២លើក ស្លាប់១នាក់ របួស២នាក់, ព្រះសីហនុ ៣លើក ស្លាប់៤នាក់ និងភ្នំពេញ ២លើក ស្លាប់១នាក់ របួស២នាក់។
តាមរបាយការណ៍គ្រោះថ្នាក់ចរាចរណ៍ទូទាំងប្រទេសរយៈពេល១២ថ្ងៃ គិតចាប់ពីថ្ងៃទី១ ខែកញ្ញា ដល់ថ្ងៃទី១២ ខែកញ្ញា ឆ្នាំ២០១៨ មានចំនួន ៩៦លើក ស្លាប់៤៥នាក់ របួសធ្ងន់ស្រាល សរុប ១៣៥នាក់៕
សម្ដេចនាយករដ្ឋមន្ត្រី ហ៊ុន សែន បានណែនាំឲ្យរដ្ឋមន្ត្រីក្រសួងកសិកម្ម ពិនិត្យឲ្យបានហ្មត់ ចត់ឡើងវិញចំពោះក្រុមហ៊ុនខ្លះដែលគ្មានរោងម៉ាស៊ីនកិនស្រូវទេ ប៉ុន្តេសុំកូតានាំចេញអង្ករ ដែលនាំឲ្យប៉ះពាល់ដល់ក្រុមហ៊ុនដែលកំពុងវិនិយោគពិតប្រាកដ។ នេះបើតាមសេចក្ដីរាយការណ៍នៅលើទំព័រហ្វេសប៊ុករបស់សម្ដេច។
វេង សាខុន រដ្ឋមន្ត្រីក្រសួងកសិកម្ម បានឲ្យដឹងថា ការសុំនាំអង្ករទៅចិន កន្លងមក មាន ក្រុមហ៊ុនចំនួន២៤ប៉ុណ្ណោះ ដែលទទួលការអនុញ្ញាតក្នុងចំណោមក្រុមហ៊ុនដាក់ពាក្យរាប់រយ ហើយ ត្រូវបានវាយតម្លៃតឹងរ៉ឹងពីផ្នែកភូតគាមអនាម័យពីមន្ត្រីជំនាញរបស់ចិន។ ឯ.ឧ វេង សាខុន ថា ការ នាំចេញអង្កររបស់កម្ពុជាទៅចិនមួយចំនួន គឺមិនមែននាំចេញដោយក្រុមហ៊ុនរោងម៉ាស៊ីនកិនស្រូវ ដោយផ្ទាល់នោះទេ៕
ភ្នំពេញ ៖ សាលាឧទ្ធរណ៍នឹងបើកការពិភាក្សាដេញដោលជាថ្មីទៀត នៅថ្ងៃទី១៧ ខែកញ្ញា ឆ្នាំ២០១៨ ខាងមុខនេះ ក្នុងសំណុំរឿងក្បត់ជាតិរបស់លោក កឹម សុខា ប្រធាននៃអតីតគណបក្សសង្គ្រោះជាតិ ។ នេះបើតាមលិខិតអញ្ជើញរបស់តុលាការ ផ្ញើទៅកាន់ក្រុមមេធាវីរបស់លោក កឹម សុខា កាលពីសប្ដាហ៍មុនដែលវិទ្យុវាយោទើបទទួលបាននៅថ្ងៃនេះ។
នេះជាការសាកសួដេញដោលជាថ្មី ក្រោយក្រោយលោក កឹម សុខា ត្រូវបានដោះលែងឲ្យនៅក្រៅឃុំជាបណ្ដោះអាសន្ន កាលពីថ្ងៃទី១០ ខែកញ្ញា ឆ្នាំ២០១៨ ដែលជាការដោះលែងក្រោមនីតិវិធីត្រួតពិនិត្យយ៉ាងតឹងរ៉ឹង ខណៈលោកកំពុងស្នាក់នៅក្នុងផ្ទះរបស់លោក នៅខណ្ឌទួលគោក៕
ភ្នំពេញ ៖ អគ្គិសនីកម្ពុជា បានប្រកាសជូនដំណឹងពីការផ្អាកការផ្គត់ផ្គង់ភ្លើងនៅតាមតំបន់មួយចំនួន ពីថ្ងៃទី១៣ ដល់១៦កញ្ញា ២០១៨ ដើម្បីជួសជុល ផ្លាស់ប្តូរ និងដំឡើងបរិក្ខារនានា រួមមាន ៖
១. ថ្ងៃទី១៣ ខែកញ្ញា៖ សង្កាត់ភ្នំពេញថ្មី ទឹកថ្លា និងស្រុកកៀនស្វាយ ចាប់ពីម៉ោង ៩ព្រឹក ដល់ម៉ោង ២រសៀល។ ២. ថ្ងៃទី១៤ ខែកញ្ញា៖ សង្កាត់បឹងកេងកងទី១ មនោរម្យ ជ្រោយចង្វារ ក្បាលកោះ ស្ទឹងមានជ័យទី២ ចាប់ពីម៉ោង៩ព្រឹក ដល់ម៉ោង ៤ល្ងាច។ ៣. ថ្ងៃទី១៥ ខែកញ្ញា៖ សង្កាត់ចោមចៅទី១ និងចោមចៅទី២ ចាប់ពីម៉ោង ៩ព្រឹក ដល់ម៉ោង ១២ថ្ងៃត្រង់។ ៤. ថ្ងៃទី១៦ ខែកញ្ញា៖ សង្កាត់ដង្កោ ទួលសង្កែទី២ គីឡូម៉ែត្រលេខ៦ ច្រាំងចំរេះទី២ ក្រាំងធ្នង់ កាកាបទី១ កាកាបទី២ ឃុំបែកចាន ឃុំឆក់ឈើនាង ឃុំពើក តាខ្មៅ និងសង្កាត់កំពង់សំណាញ់ ចាប់ពីម៉ោង ៩ព្រឹក ដល់ម៉ោង ៥ល្ងាច៕
ភ្នំពេញ ៖ ក្រសួងអប់រំ យុវជន និងកីឡា នៅព្រឹកថ្ងៃទី១២ ខែសីហា នេះ បានប្រកាសព័ត៌មានថា ក្រសួងនឹងរៀបចំគណៈកម្មការមួយសម្រាប់ធ្វើកោសល្យវិច័យ ដើម្បីពិនិត្យ និងដោះស្រាយ ឆ្លើយ តបទៅនឹងការមិនពេញចិត្តចំពោះលទ្ធផលប្រឡងបាក់ឌុបឆ្នាំ២០១៨ ជូនដល់បេក្ខជន មាតាបិតា អាណាព្យាបាល និងអ្នកពាក់ព័ន្ធ ប្រកបដោយវិជ្ជាជីវៈ និងស្មារតីទទួលខុសត្រូវ។
យោងតាមសេចក្តីប្រកាសព័ត៌មាននេះ គឺគណៈកម្មការកោសល្យវិច័យ នឹងចាប់ផ្តើមដំណើរ ការ ការងាររបស់ខ្លួនរយៈពេល១សប្តាហ៍ ដោយគិតចាប់ពីថ្ងៃទី១២ ខែសីហា នេះតទៅ ហើយលទ្ធ ផលយ៉ាងណានោះ ក្រសួងនឹងប្រកាសជូនដំណឹងជាបន្តបន្ទាប់ទៀត៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
