All posts by មេគង្គ ប៉ុស្តិ៍

ត្រីហែលក្នុងទឹកជំនន់ក្នុងមន្ទីរពេទ្យប្រទេសឥណ្ឌា បន្ទាប់ពីភ្លៀងធ្លាក់ខ្លាំង

July 31, 2018ព័ត៌មានថ្មីចុងក្រោយ, ព័ត៌មានអន្តរជាតិ, ព្រឹត្តិការណ៍កម្ពុជា, សន្តិសុខ/សង្គមមេគង្គ ប៉ុស្តិ៍

ឥណ្ឌា ៖ មន្ត្រីម្នាក់បាននិយាយ ថា ភ្លៀងខ្លាំងបានជន់លិចមន្ទីរពេទ្យក្នុងអគារសង្គ្រោះបន្ទាន់ នៅមន្ទីរពេទ្យ នៅភាគខាងកើតប្រទេសឥណ្ឌា ខណៈ ភ្លៀងមូសុងប្រចាំឆ្នាំបានបំផ្លាញផ្ទះ ជាច្រើនកន្លែងនៅក្នុងប្រទេសនិងបង្ខំឱ្យប្រជាជន រត់ភៀសខ្លួនទៅកាន់ទីទួលខ្ពស់។

ក្រុមវេជ្ជបណ្ឌិតបានដើរកាត់ទឹកត្រឹមជង្គង់ ថែទាំអ្នកជំងឺដេកលើគ្រែ ខណៈមានត្រីហែល ឆ្លងកាត់ទឹកជំនន់នៅ មហាវិទ្យាល័យពេទ្យ ណាឡានដា ម៉េឌីខល ខូឡិច Nalanda Medical College និងមន្ទីរពេទ្យ (NMCH) នៅ តំបន់ ប៉ាណា Patna នៃរដ្ឋធានី រដ្ឋប៊ីហារ។

អ្នកជំងឺមួយចំនួនត្រូវបានផ្លាស់ប្តូរចេញពីបន្ទប់ខណៈដែលបុគ្គលិកបានបូម ទឹកចេញ ដែលទឹកបាន ជ្រាបចូលទៅក្នុងឧបករណ៍វេជ្ជសាស្ត្រ។

មនុស្សជាង 1500 នាក់បាន ស្លាប់នៅឆ្នាំនេះនៅទូទាំងប្រទេសដោយសារព្យុះ ទឹកជំនន់និងការបាក់ដី។ សកម្មភាព របស់រដ្ឋាភិបាលភាគច្រើននៅក្នុងប្រទេសឥណ្ឌា មានគោលដៅផ្តោតលើការ ផ្តល់ជំនួយ សង្គ្រោះបន្ទាន់ដោយប្រព័ន្ធប្រកាសអាសន្នទាបនិងការផ្តោតការយកចិត្តទុកដាក់តិចតួចលើការការពារ។

នៅក្នុងនិងនៅជុំវិញក្រុងញូវឌែលី មនុស្សជាង 10.000 នាក់ ដែល រស់នៅក្បែរច្រាំងទន្លេ យ៉ាមូណា ត្រូវបានផ្លាស់ប្តូរទៅកាន់តង់នៅលើដីទួល ខ្ពស់ ខណៈ កម្រិតទឹកបានឆ្លងកាត់សញ្ញាគ្រោះថ្នាក់៕

ចិនផ្តល់ជំនួយបន្ទាន់ដល់ប្រទេសឡាវ ដែលរងគ្រោះដោយទឹកជំនន់

ឡាវ ៖ រដ្ឋាភិបាលចិន បានផ្តល់ជំនួយសង្គ្រោះបន្ទាន់ ទៅដល់រដ្ឋាភិបាលឡាវ រយៈពេល១ សប្តាហ៏បន្ទាប់ពី ការបាក់ទំនប់វារីអគ្គីសនី បង្ករឲ្យមានទឹកជំនន់ធ្ងន់ធ្ងរ នៅខេត្តអាតាពើ ភាគខាងត្បូងប្រទេស។ ជំនួយត្រូវបានដឹកជញ្ជូនដោយ យន្តហោះដឹកទំនិញ បូអ៊ីញ ៧៤៧ របស់ក្រុមហ៊ុនអាកាសចរណ៏ ភាគខាងកើតប្រទេសចិន ដែលជំនួយរួមមាន តង់ មុង ទូក ភួយ ឧបករណ៏បន្សុតទឹក និងគ្រឿងប្រើប្រាស់ចាំបាច់ប្រចាំថ្ងៃផ្សេងៗទៀត។ ពិធី ប្រគល់ត្រូវបានធ្វើឡើងនៅ ព្រលានយន្តហោះអន្តរជាតិ វៀនទាន វ៉ាត់តាយ ដែលចូលរួម ដោយ ឯកអគ្គរដ្ឋទូតចិន ប្រចាំប្រទេសឡាវ លោក វ៉ាងវ៉េនទៀន និងអនុរដ្ឋមន្ត្រីការងារ និងសុខមាលភាពសង្គម ប្រទេសឡាវ លោក បៃខាម ខាទីយ៉ា។

លោកវ៉ាង និយាយថា ប្រទេស ចិន និងប្រទេសឡាវ ជាបងប្អូនគ្នា តាំងពីយូលង់ណាស់មកហើយ នៅពេល មានការចាំបាច់ តែងតែអាណិតនិងជួយគ្នា ជាក់ស្តែងពេលនេះ ប្រជាជនឡាវជួបការ លំបាកដោយសារទឹកជំនន់ ប្រទេសចិន បានជួយឧបត្ថមគាំទ្រក្នុងការជួយសង្គ្រោះ។ អនុរដ្ឋមន្ត្រីការងារ និងសុខមាលភាពសង្គម ប្រទេសឡាវ បានសំដែងការដឹងគុណ ដល់រដ្ឋាភិបាលចិន សំរាប់ជំនួយរបស់ប្រទេសនេះ។ គួរំលឹកថា ទំនប់វារីអគ្គីសនីហ្សេពាន ហ្សេណាណយ ដែលកំពុងស្ថិតក្រោមការសាងសង់ បានបាក់រលំកាលពីថ្ងៃទី២៣ ខែ កក្កដា ក្នុងស្រុក សាណាមសាយ ខេត្តអាតាពើ ភាគអាគ្នេយ៏ប្រទេសឡាវ បង្ករឲ្យមាន ទឹក ជំនន់ធ្ងន់ធ្ងរ និងមានការបំផ្លាញ ព្រមទាំងធ្វើឲ្យប៉ះពាល់ដល់ ប្រជាជន ប្រមាណ ១៣០០០ នាក់៕

កូរ៉េខាងជើងប្រគល់អដ្ឋិធាតុទាហានដែលស្លាប់កាលពីសង្គ្រាមកូរ៉េ ឲ្យសហរដ្ឋអាមេរិក

កូរ៉េ ៖ ក្រសួងការពារជាតិសហរដ្ឋអាមេរិក បានចេញផ្សាយរូបថត ដែលកំពុងបង្ហាញពី ការផ្ទេរ អាដ្ឋិធាតុ ទាហានសហរដ្ឋងាមេរិក ដែលបានស្លាប់នៅក្នុងសង្គ្រាមកូរ៉េ ទៅកាន់ មូលដ្ឋានទ័ពអាកាស អូសាន ក្នុងប្រទេសកូរ៉េខាងត្បូង។ ការប្រគល់នូវអាដ្ឋិធាតុ ទាហាន សហរដ្ឋអាមេរិក ដែលបានស្លាប់ នៅក្នុងជម្លោះ កាលពីឆ្នាំ 1950-1953 គឺជាកិច្ចព្រម ព្រៀងមួយ ដែលបានឈានដល់ អំឡុងកិច្ចប្រជុំកំពូល រវាង ប្រធានាធិបតីសហរដ្ឋអាមេ រិក លោក ដូណាល់ត្រាំ និងមេដឹកនាំ ប្រទេសកូរ៉េខាងជើង លោក គីម ជុងអ៊ុន ក្នុងប្រ ទេស សឹង្ហបុរី កាលពីថ្ងៃទី១២ ខែមិថុនា កន្លងទៅ។ ទាហានស្ថិតក្នុងឯកសណ្ឋាន ពាក់ ស្រោមដៃពណ៌ស ត្រូវបានគេឃើញកំពុងកាន់កេសតូចៗចំនួន 55 កេសដែលគ្រប ដណ្ដប់ដោយសញ្ញារបស់អង្គការសហប្រជាជាតិ មានពណ៌ខៀវនិងស ហើយដាក់ ម្តងមួយៗទៅក្នុងរថយន្ដ រង់ចាំនៅព្រលានយន្តហោះទ័ពអាកាសអូសាន។ ការផ្ទេរអាដ្ឋិ ធាតុនាពេលនេះ ស្របជាមួយនឹង ខួបលើកទី៦៥នៃ កិច្ចព្រមព្រៀងបទឈប់បាញ់ ឆ្នាំ ១៩៥៣ ដែលបានបញ្ចប់ការប្រយុទ្ធគ្នា៕

អាជ្ញាធរបើកការដឺកជញ្ជូនអ្នកដំណើរតាមផ្លូវទឹក ព្រែកព្នៅ ក្រុងតាខ្មៅ ជាផ្លូវការ

July 31, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជា, សន្តិសុខ/សង្គមមេគង្គ ប៉ុស្តិ៍

ភ្នំពេញ ៖ សម្តេច ហ៊ុន សែន នឹងអញ្ជើញជាអធិបតីក្នុងពិធីបើកសេវាកាណូតដឹកអ្នកដំណើរពីចំណតឫស្សីកែវ ទៅក្រុងតាខ្មៅ នៅចំណតឫស្សីកែវ នាព្រឹកថ្ងៃទី០១ ខែសីហា ឆ្នាំ២០១៨ ស្អែកនេះ។

លោករដ្ឋមន្ត្រីឲ្យដឹងដែរថាកាណូតដឹកអ្នកដំណើរនេះមានចំណតចំនួន៥ គឺចំណតព្រែកព្នៅ ,ចំណតទីលានប្រជាធិបតេយ្យថ្មី ,ផែអណ្តែត ផ្សាររាត្រី, នៅកំពង់ចម្លងកោះពេជ្រ-អារីយ៍ក្សត្រ និង ក្រុងតាខ្មៅ។

សូមបញ្ជាក់ថា កាណូតល្បឿនលឿនដឹកអ្នកដំណើរមានចំនួន ២០គ្រឿង ដោយក្នុងមួយគ្រឿង តម្លៃជាង ២០ម៉ឺនដុល្លារ ហើយកាណូតមួយគ្រឿងអាចដឹកអ្នកដំណើរបានចំនួន ៩៩នាក់ និងមានពោងសុវត្ថិភាព ដោយប្រតិបត្តិការចាប់ពីម៉ោង ៦ព្រឹក រហូតដល់ម៉ោង ៨យប់។
ទីតាំងកាណូតដឹកអ្នកដំណើរមានចំនួន១៥ទីតាំង មានដូចជា៖
ទី១- គល់ស្ពានព្រែកព្នៅត្រើយខាងកើត (កំពុងពិចារណា)
ទី២- គីឡូម៉ែត្រលេខ៦
ទី៣- ខាងមុខឃ្លាំងសាំងឫស្សីកែវជាប់ នឹងទីលានប្រជាធិបតេយ្យថ្មី
ទី៤- ផែបណ្ដែតមុខផ្សាររាត្រី
ទី៥- កំពង់ចម្លងកោះពេជ្រ-អារិយក្សត្រ
ទី៦- ភូមិដើមចាន់ ឬគល់ស្ពានក្បាលថ្នល់ខាងកើត
ទី៧- ចំណតរថយន្តចាក់អង្រែក្រោម
ទី៨- បាក់ខែង ត្រង់ផ្លូវបំបែកលីយ៉ុងផាត់
ទី៩- ទល់មុខផ្សារព្រែកលៀប (កំពង់ចម្លងព្រែកលៀប)
ទី១០- ជាប់សណ្ឋាគារសុខាភ្នំពេញ
ទី១១- ភូមិកោះនរា
ទី១២- កំពង់ចម្លងក្តីតាកុយ
ទី១៣- កំពង់ចម្លងតាព្រហ្មមាត់ក្រសះ នៅខេត្តកណ្តាលវិញ
ទី១៤-មុខវត្តព្រែកសំរោងក្រុងតាខ្មៅ (កំពុងពិចារណា) និង
ទី១៥-កំពង់ចម្លង រោងចក្រក្តារបន្ទះផ្លូវត្រី៕
គួររំលឹកថា កន្លងមកក្រសួងសាធារណការនិងដឹកជញ្ជូនបានបើកឲ្យដំណើរការគម្រោងកាណូតដឹកអ្នកដំណើរពីព្រែកព្នៅភ្នំពេញ-ក្រុងតាខ្មៅខេត្តកណ្តាល រយៈពេល៣ ខែ ដោយមិនគិតថ្លៃ គឺគិតចាប់ពីខេមេសា ដល់ថ្ងៃទី០១ ខែសីហា ឆ្នាំ ២០១៨ ក្នុងគោលបំណងកាត់បន្ថយការចំណាយរបស់ ប្រជាពលរដ្ឋព្រមទាំងចូលរួមកាត់បន្ថយការកកស្ទះចរាចរនៅតាមដងផ្លូវក្នុងរាជធានីភ្នំពេញផងដែរ ៕

លោក ឌូតឺតេ បញ្ជាកម្ទេចរថយន្តទំនើបៗតម្លៃរាប់លានដុល្លារ ដើម្បីប្រឆាំងអំពើពុករលួយ

ហ្វីលីពីន ៖ ប្រធានាធិបតីប្រទេសហ្វីលីពីន លោក រ៉ូទ្រីហ្គោ ឌូទឺតេ បានធ្វើជាសាក្សី ក្នុងការបំផ្លាញ រថយន្តទំនើបដែលត្រូវបានរថពន្ធ ជាង៦០គ្រឿង នៅខេត្តកាហ្គាយ៉ាន ជាផ្នែកមួយ នៃ ការជម្រុញការប្រឆាំងអំពើរពុករលួយ។

គ្រឿងចក្រ បានកិនបំផ្លាញ យានយន្តទំនើប មានតម្លៃសរ៉ុបជាង ៥លាន៥សែនដុល្លារ សហរដ្ឋអាមេរិក ដែលរួមមានរថយន្ត ឡាំបហ្គីនី ប៉ឆេរ ម៉ាសេដេស បេននិងម៉ូតូជាច្រើនគ្រឿង។

នៅក្នុងសន្ទរកថា បន្ទាប់ពីពិធីកិនបំផ្លាញ លោក ឌូទឺតេ និយាយថា ការកិនបំផ្លាញយានយន្តនៅពេលនេះគឺក្នុងអត្ថន័យបង្ហាញថាប្រទេសហ្វីលីពីន គឺជាកន្លែងមួយនៃការវិនិយោគ និងបង្ហាញពីជំហរដ៏តឹងរឹងរបស់លោក ប្រយុទ្ធប្រឆាំងនឹង ការនាំចូលរថយន្តនិងម៉ូតូដោយខុសច្បាប់៕

Philippine President Rodrigo Duterte witnesses the destruction of over $5.5 million worth of luxury vehicles as part of an anti-corruption drive. No reporter narration.

កូរ៉េខាងត្បូង កំពុងឃ្លាំមើលសកម្មភាពថ្មីការផលិត មីស៊ីលឆ្លងទ្វិបរបស់កូរ៉េខាងជើង

July 31, 2018បច្ចេកវិទ្យា, ព័ត៌មានថ្មីចុងក្រោយ, ព័ត៌មានអន្តរជាតិ, ព្រឹត្តិការណ៍កម្ពុជា, សន្តិសុខ/សង្គមមេគង្គ ប៉ុស្តិ៍

កូរ៉េ ៖ ក្រសួងការបរទេស កូរ៉េខាងត្បូង និយាយនៅថ្ងៃអង្គារ៏នេះថា ក្រសួងកំពុងឃ្លាំមើល យ៉ាងយកចិត្តទុកដាក់ នូវសកម្មភាពរបស់ ប្រទេសកូរ៉េខាងជើង ខណៈផ្កាយរណប ស៊ើបការណ៏សហរដ្ឋអាមេរិក បានរកឃើញ សកម្មភាពសាជាថ្មី នៅរោងចក្រកូរ៉េខាងជើង ដែលផលិត មីស៊ីលផ្លោងអន្តរទ្វិប ដំបូងរបស់ប្រទេសនេះ។

មន្ត្រីជាន់ខ្ពស់ សហរដ្ឋអាមេ រិក និយាយទៅកាន់សារព័ត៌មានថា រូបថត បង្ហាញពីយានយន្តកំពុងធ្វើសកម្មភាពចេញ ចូល រោងចក្រមួយកន្លែង នៅតំបន់ សានុមដុង ប៉ុន្តែមិនបានបង្ហាញ ថាតើការកសាង មីស៊ីលឈានដល់កំរិតណាមួយនោះទេ។ ក្រសួងការបរទេស បានបន្ថែមថា ប្រទេសកូរ៉េ ខាងត្បូង កំពុងធ្វើការ យ៉ាងយកចិត្តទុកដាក់ ជាមួយសហរដ្ឋងាមេរិក លើបញ្ហានេះ ដោយគ្មានការផ្តល់ព័ត៌មានលំអិតឡើយ។ រោងចក្រ សានុមដុង បានផលិត មីស៊ីលផ្លោង អន្តរទ្វិប វ៉ាសុង ១៥ ចំនួន២គ្រាប់ ដែលជាមីស៊ីលបាញ់បានឆ្ងាយបំផុត របស់កូរ៉េខាងជើង ប៉ុន្តែមន្ត្រីសហរដ្ឋអាមេរិកបានកត់សំគាល់ថាទីក្រុងព្យុងយ៉ាងនៅមិនទាន់សាកល្បងយាន បញ្ចូលសាជាថ្មីដែលជឿទុកចិត្តបាន ដែលមានសមត្ថភាពល្បឿនលឿនជាងសំលេង ឆ្លងកាត់បរិយាកាសផែនដី និងអាចផ្ទុកក្បាលគ្រាប់នុយក្លេអ៊ែរ៕

ភ្លើងឆេះព្រៃនៅកាលីហ្វញ៉ា សម្លាប់មនុស្ស៨នាក់ និងរាប់ពាន់នាក់ត្រូវជម្លៀសចេញ

អាមេរិក ៖ ក្រុមអ្នកពន្លត់អគ្គីសភ័យ កំពុងធ្វើការទាំងយប់ទាំងថ្ងៃ ដើម្បីទប់ទល់ភ្លើងឆេះព្រៃ ដែលកំពុងឆាបឆេះ នៅទូទាំងរដ្ឋការលីហ្វញ៉ាភាគខាងជើង ដែលភ្លើងឆេះព្រៃនេះ បាន សម្លាប់មនុស្ស៨នាក់រួចទៅហើយ និងបានបង្ខំឲ្យមនុស្សរាប់ពាន់នាក់ទៀតរត់ភៀសខ្លួន។ ទោះបីជាក្រុមអ្នកពន្លត់អគ្គីភ័យ បង្កើនកិច្ចប្រឹងប្រែង ខ្យល់បក់ដែឡផ្លាស់ប្តូរទិសដៅ និងចំ ហេះស្ងួត បានបង្កើតលក្ខខណ្ឌដូច សុបិន្តអាក្រក់។

មេបញ្ជាការនៃក្រសួង បង្ការអគ្គីភ័យ និងព្រៃឈើ រដ្ឋកាលីហ្វញ៉ា បាននិយាយថា យើងកំពុងដោះស្រាយ បញ្ហាអគ្គីភ័យដ៏ខ្លាំង និងខុសប្រក្រតី នាពេលនេះ ដូច្នេះជាមួយខ្យល់បក់ខ្លាំង យើងត្រូវជម្រុញការងារពន្លត់ យ៉ាងសកម្ម និងឲ្យបានឆាប់រហ័ស។ ផ្ទៃដីរាប់ម៉ឺនហិចតា នៅតែឆេះ មិនអាចគ្រប់ គ្រងបាន ពីអគ្គីភ័យមួយកន្លែង ដែលបានឆាបឆេះដំបូង កាលពីថ្ងៃទី២៣ ខែកក្កដា ។ ផ្ទះជាច្រើនខ្នង នៅជិតតំបន់ភ្លើងឆេះព្រៃ ត្រូវបានបំផ្លាញ ទាំងស្រុង ខណៈប្រជាជន បាន គេចចេញពីអណ្តាតភ្លើង ។

កាលពី៣ថ្ងៃមុន ក្រុមគ្រួសារនៅជិតតំបន់ ភ្លើងឆេះ ត្រូវបាន ណែនាំឲ្យ ជន្លៀសចេញ ភ្លាមៗ ហើយនៅពេលពួកគេត្រឡប់មកផ្ទះវិញ ពួកគេមាន អារម្មណ៏ ធូស្បើយ ដោយឃើញផ្ទះរបស់ពួកគេ មិនបានឆាបឆេះ៕

ក្រុងហាណូយនឹងបញ្ឃប់ការប្រើប្រាស់ម៉ូតូត្រឹមឆ្នាំ២០៣០

July 31, 2018ព័ត៌មានថ្មីចុងក្រោយ, ព័ត៌មានអន្តរជាតិ, ព្រឹត្តិការណ៍កម្ពុជាមេគង្គ ប៉ុស្តិ៍

វៀតណាម ៖ អាជ្ញាធរវៀតណាមកំពុងចាត់វិធានការសំខាន់ៗដើម្បីកែលម្អគុណភាពខ្យល់នៅក្នុងទីក្រុងហាណូយ ដែលបានបំពុលបរិយាកាសបំផុតមួយនៅអាស៊ីអាគ្នេយ៍រួមទាំងផែនការមហិច្ឆិតាបញ្ឃប់ការប្រើប្រាស់ម៉ូតូនៅត្រឹមឆ្នាំ ២០៣០ ។នេះបើយោងតាមការចេញផ្សាយរបស់សារព័ត៌មាន Aljazeera ។

កាលពីឆ្នាំ២០១៦ ទីក្រុងហាណូយ បានទទួលរងមានភាពកខ្វក់បរិយាកាសអាក្រក់បំផុតទី២ នៅក្នុងតំបន់អាស៊ាន បន្ទាប់ពីខេត្ត Saraburi ដែលជាតំបន់ឧស្សាហកម្មយ៉ាងមមាញឹករបស់ថៃ។ហើយនៅឆ្នាំ ២០១៧ មានរយៈពេល៣៨ថ្ងៃប៉ុណ្ណោះដែលទីក្រុងហាណូយ ត្រូវបានអង្គការសុខភាពពិភពលោក អាចចាត់ទុកថាមាន ខ្យល់អាកាសល្អបំផុត។

ទីក្រុងនេះមានប្រជាជនសល់នៅប្រមាណ៧,៧ លាននាក់ និងសម្បូរទៅដោយម៉ូតូរាប់ពាន់គ្រឿដែលធ្វើចរចារណ៍ជារៀងរាល់ថ្ងៃនៅលើដងផ្លូវ។ការប្រើប្រាស់ម៉ូតូដ៏ច្រើននេះ ជាប្រភពចម្បងនៃការបំពុលអាកាស គួបផ្សំនឹងការបំពុលដែលបញ្ចេញដោយរោងចក្រថាមពលធ្យូងថ្ម និងឧស្សាហកម្មធុនធ្ងន់ ជាដើម។

កម្រិតខ្ពស់បំផុតនៃការបំពុលគឺចាប់ពីខែធ្នូដល់ខែកុម្ភៈក្នុងអំឡុងរដូវប្រាំងប្រចាំឆ្នាំ។នេះក៏ជាពេលដែលខ្យល់កខ្វក់ចេញពីភាគខាងត្បូងប្រទេសចិន ចូលមកទូទាំងទីក្រុងហាណូយ។ បើតាមការសិក្សាកន្លងទៅ ខ្យល់អាក្រក់ដែលបក់ចូលហាណូយ ភាគច្រើនមកពីទីក្រុងធំៗនៃខេត្ត Chengdu និងខេត្ត Chongqing របស់ចិន។ការសិក្សាបានបង្ហាញថាការបំពុលភាគច្រើនកើតចេញពីទីក្រុងធំ ៗ នៅឆងទូនិងឆុងឈីង។

ដើម្បីទប់ទល់នឹងបញ្ហាគុណភាពខ្យល់អាកាស ក្រុមប្រឹក្សាទីក្រុងហាណូយបានធ្វើការវាស់ស្ទង់យ៉ាងខ្លាំងកាលពីដើមខែនេះ ដោយនឹងបញ្ឃប់ការប្រើប្រាស់ម៉ូតូនៅត្រឹមឆ្នាំ ២០៣០ ដោយជំនួសមកវិញនូវការបង្កើនមធ្យោបាយធ្វើដំណើរសាធារណៈ។

យ៉ាងណាមិញគេសង្ឃឹមថាការផ្លាស់ប្តូរទាំងនេះនឹងនាំមកនូវភាពប្រសើរឡើងយ៉ាងច្បាស់លាស់និងអាចមើលឃើញចំពោះគុណភាពខ្យល់នៅក្នុងរដ្ឋធានីរបស់ប្រទេសវៀតណាម ហើយដូច្នេះការកែលម្អគុណភាពជីវិតរបស់ប្រជាជនក្នុងស្រុកផងដែរ៕

អាជ្ញាធរបើកការដឺកជញ្ជូនអ្នកដំណើរតាមផ្លូវទឹក ព្រែកព្នៅ ក្រុងតាខ្មៅ ជាផ្លូវការ

ទីតាំងកាណូតដឹកអ្នកដំណើរមានចំនួន១៥ទីតាំង មានដូចជា៖
ទី១- គល់ស្ពានព្រែកព្នៅត្រើយខាងកើត (កំពុងពិចារណា)
ទី២- គីឡូម៉ែត្រលេខ៦
ទី៣- ខាងមុខឃ្លាំងសាំងឫស្សីកែវជាប់ នឹងទីលានប្រជាធិបតេយ្យថ្មី
ទី៤- ផែបណ្ដែតមុខផ្សាររាត្រី
ទី៥- កំពង់ចម្លងកោះពេជ្រ-អារិយក្សត្រ
ទី៦- ភូមិដើមចាន់ ឬគល់ស្ពានក្បាលថ្នល់ខាងកើត
ទី៧- ចំណតរថយន្តចាក់អង្រែក្រោម
ទី៨- បាក់ខែង ត្រង់ផ្លូវបំបែកលីយ៉ុងផាត់
ទី៩- ទល់មុខផ្សារព្រែកលៀប (កំពង់ចម្លងព្រែកលៀប)
ទី១០- ជាប់សណ្ឋាគារសុខាភ្នំពេញ
ទី១១- ភូមិកោះនរា
ទី១២- កំពង់ចម្លងក្តីតាកុយ
ទី១៣- កំពង់ចម្លងតាព្រហ្មមាត់ក្រសះ នៅខេត្តកណ្តាលវិញ
ទី១៤-មុខវត្តព្រែកសំរោងក្រុងតាខ្មៅ (កំពុងពិចារណា) និង
ទី១៥-កំពង់ចម្លង រោងចក្រក្តារបន្ទះផ្លូវត្រី៕

គួររំលឹកថា កន្លងមកក្រសួងសាធារណការនិងដឹកជញ្ជូនបានបើកឲ្យដំណើរការគម្រោងកាណូតដឹកអ្នកដំណើរពីព្រែកព្នៅភ្នំពេញ-ក្រុងតាខ្មៅខេត្តកណ្តាល រយៈពេល៣ ខែ ដោយមិនគិតថ្លៃ គឺគិតចាប់ពីខេមេសា ដល់ថ្ងៃទី០១ ខែសីហា ឆ្នាំ ២០១៨ ក្នុងគោលបំណងកាត់បន្ថយការចំណាយរបស់ ប្រជាពលរដ្ឋព្រមទាំងចូលរួមកាត់បន្ថយការកកស្ទះចរាចរនៅតាមដងផ្លូវក្នុងរាជធានីភ្នំពេញផងដែរ ៕

ទិន្នន័យពលរដ្ឋដែលបានបោះឆ្នោតពីឆ្នាំ១៩៩៣-២០១៨

July 31, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ ៖ កម្ពុជា ក្រោយបញ្ចប់សង្គ្រាមផ្ទៃក្នុងដ៏រ៉ាំរ៉ៃអំឡុងទសវត្សរ៍ឆ្នាំ១៩៧០ ដល់ឆ្នាំ ១៩៨០ រដ្ឋាភិបាលមួយត្រូវបានបង្កើតឡើងដែលគ្រប់គ្រង និងដឹកនាំប្រទេសដោយ«រណសិរ្យ សាមគ្គីសង្គ្រោះជាតិកម្ពុជា» ដែលបច្ចុប្បន្នជា «គណបក្សប្រជាជនកម្ពុជា» គឺបន្ទាប់ពីបានផ្តួលរំលំ របបមហាសោកនាដកម្ម និងវាលពិឃាតដែលបានបង្កើតឡើង និងគ្រប់គ្រងដោយ ប៉ុល ពត នៅថ្ងៃ ទី៧ ខែមករា ឆ្នាំ១៩៧៩។

គេនៅចាំបានថា ចាប់តាំងពីថ្ងៃរំដោះ ៧មករា ១៩៧៩ មក កម្ពុជាបានកសាងប្រទេស លើ មាគ៌ាដែលពោរពេញដោយគំនរផេះផង់នៃសង្គ្រាមប្រល័យជាតិសាសន៍ឯង។ជាងនេះទៀត កម្ពុជា ត្រូវរែកពន់សព្វបែបយ៉ាងដែលរបបវាលពិឃាត ប៉ុល ពត បានបន្សល់ទុក រាប់ទាំងវិនាសកម្មនៃការ កាប់សម្លាប់ ទាំងបញ្ហាសង្គម និងហេដ្ខារចនាសម្ព័ន្ធជាតិក្នុងកម្រិតសូន្យ ពិសេសគឺ សោកនាដកម្ម ដ៏ធ្ងន់ធ្ងរនៃការព្រាត់ប្រាស់ ប្រពន្ធព្រាត់ប្តី កូនព្រាត់ឪពុកម្តាយ បងប្អូន ហើយត្រូវប្រឹងរស់នៅ ចិញ្ចឹមជីវិតដោយខ្លួនឯង។

មកដល់ទសវត្យរ៍ទី៩០ កម្ពុជាបានចាប់ផ្តើមរៀបចំរដ្ឋាភិបាលមួយដែលកើតចេញពីការ បោះឆ្នោត ដែលកាលនោះ ក៏មានការចូលរួមដោយអន្តរជាតិផងដែរ។

ខាងក្រោមនេះ ជាទិន្នន័យនៃចំនួនអ្នកបានចុះឈ្មោះបោះឆ្នោតនិងអ្នកចេញទៅបោះឆ្នោត ឆ្នាំ១៩៩៣-២០១៨ ៖

– នីតិកាលទី១ឆ្នាំ១៩៩៣ ចំនួនប្រជាពលរដ្ឋចុះឈ្មោះបោះឆ្នោតមានចំនួន៤,៧៦៤,៤៣០នាក់ និងអ្នកបោះឆ្នោតមានចំនួន ៤,២៦៧,១៩២នាក់ ស្មើនឹង ៨៩.៥៦%។
– នីតិកាលទី២ ឆ្នាំ១៩៩៨ អ្នកចុះឈ្មោះបោះឆ្នោតមានចំនួន ៥,៣៩៥,៥៩៥នាក់ និងអ្នកបោះ ឆ្នោតមានចំនួន ៥,០៥៧,៨៣០នាក់ ស្មើនឹង៩៣.៧៤%។

– នីតិកាលទី៣ ឆ្នាំ២០០៣ ចំនួនអ្នកចុះឈ្មោះបោះឆ្នោតមានចំនួន ៦,៣៤១,៨៣៤នាក់ និងអ្នកបោះឆ្នោត មានចំនួន ៥,២៧៧,៤៩៤នាក់ ស្មើនឹង ៨៣.២១%។

– នីតិកាលទី៤ ឆ្នាំ២០០៨ ចំនួនអ្នកចុះឈ្មោះបោះឆ្នោតមានចំនួន ៨,១២៥,៥២៩នាក់ និងអ្នកបោះឆ្នោតមានចំនួន ៦,១១០,៨២៨នាក់ ស្មើនឹង៧៥.២០%។

– នីតិកាលទី៥ ឆ្នាំ២០១៣ ចំនួនអ្នកចុះឈ្មោះបោះឆ្នោតមានចំនួន ៩,៦៧៥,៤៥៣នាក់ និង អ្នកបោះឆ្នោតមានចំនួន៦,៧៣៥,២៤៤នាក់ ស្មើនឹង៦៩.៦១%។

– នីតិកាលទី៦ ឆ្នាំ២០១៨ ចំនួនអ្នកចុះឈ្មោះបោះឆ្នោតមានចំនួន ៨,៣៨០,២១៧នាក់ និងអ្នកបោះឆ្នោតមានចំនួន ៦,៧៥៣,២៤៩នាក់ ស្មើនឹង៨០.៥៩%។
សូមបញ្ជាក់ដែរថា កម្ពុជាបានរៀបចំការបោះឆ្នោតជ្រើសរើសតំណាងរាស្ត្រ នីតិកាលទី៦ កាលពីថ្ងៃទី២៩ ខែកក្កដា ឆ្នាំ២០១៨ នេះ មានគណបក្សនយោបាយចំនួន ២០ចូលរួមប្រកួត ប្រជែង៕

In this comprehensive overview, we will certainly discover everything you require to learn about gambling sites, from the different types of video games offered to how to make certain Stake casino forum a secure and safe and secure experience.

ទឹកទន្លេមេគង្គលើ បន្តកើនឡើងលិចចូលតំបន់មួយចំនួនទៀត ក្នុងខេត្តស្ទឹងត្រែង

July 31, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ស្ទឹងត្រែង ៖ គិតមកដល់ម៉ោង៧ព្រឹកថ្ងៃទី៣១ ខែកក្កដា ឆ្នាំ២០១៨នេះ ទឹកទន្លេមេគង្គលើក្នុងខេត្តស្ទឹងត្រែង បានបន្តកើនឡើងដល់កម្ពស់១០.៨៤ម៉ែត្រ ខណៈកម្ពស់ប្រកាសឱ្យប្រុងប្រយ័ត្ន១០.៧០ម៉ែត្រ ដែលបណ្តាលឲ្យមានការជន់លិចនៅតាមតំបន់មួយចំនួន ក្នុងក្រុងស្ទឹងត្រែង។នេះបើតាមការឲ្យដឹងពីក្រសួងធនធានទឹក។

សូមរំលឹកថា នៅថ្ងៃទី៣០ ខែកក្កដា ម្សិលមិញ ទឹកជំនន់ទន្លេមេគង្គលើ ដែលកំពុងហក់ឡើងខ្លាំង ដោយសារមានការធ្លាក់ភ្លៀង ជាបន្ដបន្ទាប់ ក្នុងកម្រិតពីមធ្យមទៅច្រើន នៅក្នុងតំបន់អាងទន្លេមេគង្គក្នុងប្រទេសថៃ និងឡាវ បានបង្កឲ្យទឹកទន្លេមេគង្គ ក្នុងប្រទេសកម្ពុជា បន្ដកើនឡើង ២-៣ ថ្ងៃបន្ថែមទៀត។ ស្ដីអំពីសេចក្ដីជូនដំណឹងបានបញ្ជាក់ថា យោងតាមការព្យាករ កម្ពស់ទឹកទន្លេមេគង្គលើកម្ពុជា អាចកើនឡើងដល់ ៖

* នៅថ្ងៃទី០៣ ខែសីហា ឆ្នាំ២០១៨ ទន្លេមេគង្គស្ទឹងត្រែង ទឹកអាចនឹងកើនឡើងដល់កម្ពស់ ១១.៤០ ម៉ែត្រ (កម្រិតប្រកាសឲ្យប្រុងប្រយ័ត្ន ១០.៧០ ម៉ែត្រ)។
* នៅថ្ងៃទី០៤ ខែសីហា ឆ្នាំ២០១៨ ទន្លេមេគង្គក្រចេះ ទឹកអាចនឹងកើនឡើងដល់កម្ពស់ ២២.១៥ ម៉ែត្រ (កម្រិតប្រកាសឲ្យប្រុងប្រយ័ត្ន ២២.០០ ម៉ែត្រ)។

* នៅថ្ងៃទី០៥ ខែសីហា ឆ្នាំ២០១៨ ទន្លេមេគង្គកំពង់ចាម ទឹកអាចនឹងកើនឡើងដល់កម្ពស់ ១៥.២៥ ម៉ែត្រ (កម្រិតប្រកាសឲ្យប្រុងប្រយ័ត្ន ១៥.២០ ម៉ែត្រ)។

ក្រសួងធនធានទឹក និងអាជ្ញាធរដែនដី បានអំពាវនាវឲ្យប្រជាពលរដ្ឋបង្កើនការប្រុងប្រយ័ត្នខ្ពស់ ដើម្បីជៀសវាងនូវគ្រោះថា្នក់ផ្សេងៗ ដែលអាចកើតមានឡើងជាយថាហេតុ ដោយឡែក អាជ្ញាធរដែនដី និងស្ថាប័នពាក់ព័ន្ធ ក៏បាន និងកំពុងមមាញឹកក្នុងជួយអន្តរាគមន៍ជម្លៀសពលរដ្ឋទៅកាន់ទីទួលសុវត្ថិភាព៕

កម្ពុជាផ្តល់ជំនួយ១០ម៉ឺនដុល្លារដល់ឡាវជួយជនរងគ្រោះដោយទឹកជំនន់

July 31, 2018Uncategorizedមេគង្គ ប៉ុស្តិ៍

ភ្នំពេញ៖ រាជរដ្ឋាភិបាលកម្ពុជា តាមរយៈក្រសួងការបរទេស និងសហប្រតិបត្តិការអន្តរជាតិ នៅថ្ងៃទី៣០ ខែកក្កដា ឆ្នាំ២០១៨នេះ បានផ្តល់ជំនួយប្រមាណ ១០ម៉ឺនដុល្លារសហរដ្ឋអាមេរិក ជូនដល់រដ្ឋាភិបាលឡាវ ដើម្បីចូលរួមចំណែកជួយជនរងគ្រោះដោយទឹកជំនន់នាថ្មីៗនេះ។

នៅព្រឹកថ្ងៃទី៣០ ខែកក្កដា ឆ្នាំ២០១៨នេះ ឯកឧត្តម អ៊ុច បូររិទ្ធ រដ្ឋលេខាធិការ តំណាងឲ្យឯកឧត្តមទេសរដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានប្រគល់ជូនឯកឧត្តម ប្រាសិទ្ធ សាយ៉ាសិទ្ធ ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋប្រជាធិបតេយ្យប្រជាមានិតឡាវប្រចាំកម្ពុជា នូវជំនួយមនុស្សធម៌ដែលមានទឹកប្រាក់ ១០០,០០០ដុល្លារ ផ្តល់ជូនដោយរាជរដ្ឋាភិបាលកម្ពុជា ចំពោះរដ្ឋាភិបាលឡាវ សម្រាប់ជនរងគ្រោះដោយមហន្តរាយទឹកជំនន់បង្កឡើងដោយការរលំបាក់ទំនប់វារីអគ្គីសនី សេពៀន សេណាំណូយ (Xepien Xenamnouy) នៅក្នុងខេត្តអាតាពើ នៃសាធារណរដ្ឋប្រជាធិបតេយ្យប្រជាមានិតឡាវ។

ក្នុងឱកាសនោះ ឯកឧត្តម អ៊ុច បូររិទ្ធ បានគូសបញ្ជាក់ថា កម្ពុជាមានការរំជួលចិត្ត និងសោកសៅចំពោះសោកនាដកម្មនេះ ហើយនៅថ្ងៃទី២៦ ខែកក្កដា ឆ្នាំ២០១៨ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានផ្ញើសារលិខិតជូនឯកឧត្តមបណ្ឌិត ថោងលន់ ស៊ីស៊ូលីត នាយករដ្ឋមន្ត្រីនៃសាធារណរដ្ឋប្រជាធិបតេយ្យប្រជាមានិតឡាវ ដោយសម្តែងនូវការចូលរួមរំលែកទុក្ខយ៉ាងជ្រាលជ្រៅ ចំពោះការបាត់បង់នៅក្នុងឧបត្តិហេតុដ៏សោកនាដ កម្ម និងអកុសលនេះ។

ក្នុងពេលជាមួយគ្នានេះដែរ ឯកឧត្តមទេសរដ្ឋមន្ត្រី ប្រាក់ សុខុន ក៏បានផ្ញើលិខិតរំលែកទុក្ខជូនឯកឧត្តម សាលើមសៃ គុំម៉ាស៊ីត រដ្ឋមន្ត្រីការបរទេស នៃសាធារណរដ្ឋប្រជាមានិតប្រជាធិបតេយ្យឡាវ ដោយសម្តែងសមានចិត្ត និងទុក្ខព្រួយយ៉ាងជ្រាលជ្រៅ ជូនចំពោះប្រជាជនដែលរងផលប៉ះពាល់ និងជនរងគ្រោះ សម្រាប់ការឈឺចាប់ និងការបាត់បង់ដ៏សោកនាដកម្មនេះ។

សូមបញ្ជាក់ថា នាថ្មីៗនេះ ប្រទេសឡាវបានជួបនូវគ្រោះជំនន់ទឹកភ្លៀង និងគ្រោះទឹកជំនន់ ដែលបណ្តាលមកពីការបាក់ទំនប់វារីអគ្គីសនី សេពៀន សេណាំណូយ (Xepien Xenamnouy) នៅក្នុងខេត្តអាតាពើ ភាគខាងត្បូងប្រទេសឡាវ ដែលបណ្តាលឱ្យប្រជាជនឡាវជាច្រើននាក់ស្លាប់ បាត់ខ្លួន និងរងគ្រោះ៕

អគ្គីភយ័លេបត្របាក់ផ្ទះឈើប្រក់សង្ក័សី១ខ្នងឆេះម៉ត់អស់រលីង

ភ្នំពេញ៖ផ្ទះលក់ភេសជ្ជះមួយខ្នងត្រូវបានអគ្គីភយ័ឆេះបំផ្លាញអស់រលីងជាស្ថាពរខណះម្ចាស់ផ្ទះបានចាក់សោរទុកចោល
ហេតុការណ៏អគ្គីភយ័ឆេះបំផ្លាញផ្ទះប្រជាពលរដ្ឋខាងលើនេះបានកើតឡើងកាលពីវេលាម៉ោង២និង៣០នាទីរសៀលថ្ងៃទី៣០ខែកក្កដាឆ្នាំ២០១៨ស្ថិតនៅផ្លូវបេតុងភូមិទ្រាសង្កាត់ប្រទះឡាងខណ្ឌដង្កោ
ភ្លាមៗនោះដែរក៏មានរថយន្តពន្លត់អគ្គីភយ័របស់ស្នងការរាជធានីភ្នំពេញចំនួន២គ្រឿងនិងរថយន្តពន្លត់អគ្គីភយ័របស់ក្រុមហ៊ុនស្រាបៀកម្ពុជាចំនួន១គ្រឿងចេញទៅជួយអន្តរាគមន៏បាញ់កុំអោយរាលដាលដល់ផ្ទះប្រជាពលរដ្ឋដែលនៅក្បែរៗកន្លែងកើតហេតុអោយរលត់ជាស្ថាពរទៅវិញនៅម៉ោង៣និង៣០នាទីថ្ងៃដដែល។

សមត្ថកិច្ចបានអោយដឹងថាមូលហេតុនៃការឆាបឆេះផ្ទះខាងលើនេះគឹបណ្តាលមកពីឆ្លងចរន្តអគ្គិសនីទុសេរខ្សែរភ្លើងទើបបណ្តាលអោយឆាបឆេះ
ទំហំនៃការខូចខាតឆេះផ្ទះអស់១ខ្នងនិងសម្ភារះដែលនៅក្នុងផ្ទះអស់ទាំងស្រុង។

មណ្ឌលបោះឆ្នោតភ្នំពេញមានសន្លឹកឆ្នោតមិនបានការច្រើនជាងគេ

July 30, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ៖ ក្នុងចំណោមណ្ឌលបោះឆ្នោតទាំង២៥ មណ្ឌលភ្នំពេញមានសន្លឹកឆ្នោតមិនបានការច្រើនជាងគេ គឺចំនួន ១០០ ៦១១ សន្លឹក ក្នុងចំណោមសន្លឹកឆ្នោតសរុប ៦៨៩៦៣៨ ។ សន្លឹកឆ្នោតអត់បានការសរុបទូទាំងប្រទេសមានចំនួន ៥៩៦ ៧៧៥ ក្នុងចំណោមសន្លឹកឆ្នោតសរុប ៦ ៩៤៦ ១៦៤ ។

នេះបើតាមលទ្ធផលបឋមនៃការបោះឆ្នោតជ្រើសតាំងតំណាងរាស្ត្រ នីតិកាលទី៦ ដែលចេញផ្សាយដោយគណៈកម្មាធិការជាតិរៀបចំការបោះឆ្នោត (គ.ជ.ប) ។

ការបោះឆ្នោតជ្រើសតាំងតំណាងរាស្ត្រ នីតិកាលទី៦ ដែលប្រព្រឹត្តទៅនៅថ្ងៃទី២៩ខែកក្កដា ដោយមានអ្នកទៅបោះឆ្នោត ៦ ៩៤៦ ១៦៤ នាក់ ស្មើនឹង ៨២,៨៩ភាគរយ ក្នុងអ្នកមានឈ្មោះក្នុងបញ្ជីបោះឆ្នោតចំនួនជាង ៨,៣លាននាក់៕

អាជ្ញាធរប្រកាសឲ្យប្រុងប្រយ័ត្ន ខណៈទឹកទន្លេមេគង្គខេត្តស្ទឹងត្រែង ហក់ឡើងខ្លាំង

July 30, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជា, សន្តិសុខ/សង្គមមេគង្គ ប៉ុស្តិ៍

ភ្នំពេញ ៖ យោងតាមក្រសួងធនធានទឹកបានឲ្យដឹងថា មកដល់ម៉ោង៦ និង៣០ នាទីព្រឹកថ្ងៃទី ៣០ ខែកក្កដា ឆ្នាំ ២០១៨ នេះ ទឹកទន្លេមេគង្គក្នុងខេត្តស្ទឺងត្រែងបានបន្តកើនឡើងដល់កម្ពស់ ១០,៧៥ ម ខណៈកម្រិតកម្ពស់ដែលត្រូវប្រកាសឱ្យប្រុងប្រយ័ត្នត្រឹមតែ ១០,៧០ ម ប៉ុណ្ណោះ ។

ក្រួសងបញ្ជាក់ថា ពេលនេះទឹកទន្លេបានចាប់ផ្តើមលិចចូលតំបន់ទំនាបមួយចំនួនដែលនៅតាមដងទន្លេជាបណ្តើរៗហើយ។
សូមជម្រាបថា ក្រសួងធនធានទឹក និងឧតុនិយម នៅថ្ងៃទី២៩ ខែកក្កដា ឆ្នាំ២០១៨ម្សិលមិញនេះ បានបញ្ជាក់ឲ្យដឹងថា ដោយសារមានភ្លៀងធ្លាក់ជាបន្ដបន្ទាប់នៅតំបន់ផ្ទៃរងទឹកភ្លៀង របស់ទន្លេមេគង្គក្នុងប្រទេសថៃ និងប្រទេសឡាវ បានបង្កឲ្យទឹកទន្លេមេគង្គលើ ក្នុងប្រទេសកម្ពុជា បន្ដកើនឡើងជាបន្ដបន្ទាប់។

តាមសេចក្ដីជូនដំណឹងស្ដីពីស្ថានភាពកម្ពស់ទឹកទន្លេ របស់ក្រសួងធនធានទឹកបានបញ្ជាក់ទៀតថា យោងតាមការព្យាករនៅថ្ងៃទី០២ ខែសីហា ឆ្នាំ២០១៨ ទឹកទន្លេមេគង្គលើអាចកើនឡើងបន្ថែមទៀត។
សេចក្ដីជូនដំណឹង ស្ដីពីស្ថានភាពកម្ពស់ទឹកទន្លេ របស់ក្រសួងធនធានទឹក បានបញ្ជាក់ទៀតថា យោងតាមការព្យាករនៅថ្ងៃទី០២ ខែសីហា ឆ្នាំ២០១៨ ទឹកទន្លេមេគង្គលើអាចកើនឡើងដល់៖

* ទន្លេមេគង្គស្ទឹងត្រែង ទឹកអាចកើនឡើងដល់ ១១.០៥ ម៉ែត្រ (កម្រិតប្រកាសឲ្យប្រុងប្រយ័ត្ន ១០.៧០ ម៉ែត្រ)។

* ទន្លេមេគង្គក្រចេះ ទឹកអាចកើនឡើងដល់ ២១.៦៥ ម៉ែត្រ (កម្រិតប្រកាសឲ្យប្រុងប្រយ័ត្ន ២២.០០ ម៉ែត្រ)។

* ទន្លេមេគង្គកំពង់ចាម ទឹកអាចកើនឡើងដល់ ១៤.៨០ ម៉ែត្រ (កម្រិតប្រកាសឲ្យប្រុងប្រយ័ត្ន ១៥.២០ ម៉ែត្រ)។

ជាមួយគ្នានេះ ក្រសួងធនធានទឹក អំពាវនាវឲ្យក្រសួង-ស្ថាប័ន អាជ្ញាធរដែនដីពាក់ព័ន្ធ និងបងប្អូនប្រជាពលរដ្ឋ ដែលរស់នៅតាមដងទន្លេមេគង្គលើ ជ្រាបជាព័ត៌មាន និងបង្កើនការយកចិត្តទុកដាក់ ប្រុងប្រយ័ត្នខ្ពស់ ដើម្បីជ្រៀសវាងនូវគ្រោះថា្នក់ផ្សេងៗ ដែលអាចកើតមានឡើងជាយថាហេតុ៕