ប៉ោយប៉ែត ៖ គោចំនួនពីរក្បាល ដែលដើរតាមផ្លូវជាតិលេខ៥ ត្រូវកម្លាំងនគរបាលផែនសណ្ដាប់ ធ្នាប់ចរាចរណ៏ក្រុងប៉ោយប៉ែត ធ្វើការចាប់ទុកដើម្បីរកមុខម្ចាស់ឲ្យចូលខ្លួនមកទទួលខុសត្រូវ កាលពី ព្រឹកថ្ងៃសុក្រ១១កើតខែជេស្នឆ្នាំច សំរិទ្ធស័ក ព.ស២៥៦២ត្រូវនឹង ថ្ងៃទី២៥ ខែឧសភា ឆ្នាំ២០១៨ នៅតាមបណ្ដោយផ្លូវជាតិលេខ៥នេះ។
ប្រជាពលរដ្ឋដែលធ្វើដំណើរនៅតាមផ្លូវជាតិលេខ៥នៅក្រុងប៉ោយប៉ែត មានក្ដីរីករាយដោយ ឃើញកម្លាំងនគរ បាលផែនសណ្ដាប់ធ្នាប់ចរាចរណ៏ក្រុងប៉ោយប៉ែត បានចាប់គោចំនួនពីរក្បាល ក្នុង ចំណោម៣ក្បាល ដែលតែងតែដើរតាមបណ្ដោយផ្លូវជាតិលេខ៥ ដែលនឹងអាចបង្កគ្រោះថ្នាក់ ចរចរណ៍ ជា យថាហេតុ ខណៈគោទាំងនោះមានភាពផ្អើលរត់ ដោយសារស្នូរសំលេងរំពងលាន់លឺខ្លាំងៗ ម្យ៉ាង ទៀតពួក គាត់ លើកឡើងថា គីវាធ្វើឧ្យបាត់បង់សោភណ័ភាពក្រុង ព្រោះក្រុងប៉ោយប៉ែត គីក្រុងមួយ មានសារៈសំខាន់ ដ៏មានសក្តានុពលទាំងវិស័យសេដ្ឋកិច្ច និងទេសចរណ៍ គឺមានភ្ញៀវជាតិ និងអន្តរជាតិ ធ្វើដំណើរឆ្លង កាត់មកពីប្រទេសថៃ ឆ្ពោះទៅកាន់ទីប្រជុំជននានា និងទៅរាជធានីភ្នំពេញ។
ពួកគាត់បញ្ជាក់ថា សត្វពាហនៈគីជាសត្វចឹញ្ចឹមមានទ្រុង និងមានម្ចាស់មិនគួរបណ្ដោយឧ្យ ដើរ តាមទីសារធារណៈជាន់ដំណាំនិងស៊ីដំណាំប្រជាពលរដ្ឋដែលពួកគាត់ដាំនៅតាមលំនៅដ្ឋាន និងចំការ គួតែសមត្ថកិច្ច ឬអាជ្ងាធរចាត់វិធានការណាមួយឧ្យសមស្របទៅតាមច្បាប់ដែលប្រមុខរាជរដ្ឋាភិបាល បានចែង។ ម្យ៉ាងទៀតគេសង្កេតឃើញសត្វពាហនៈជាច្រើនកំពុងតែដើរលុកលុយ នៅតាមបណ្ដាភូមិ មួយចំនួនទៀតពេញទីក្រុងប៉ោយប៉ែត បើទោះជាកន្លងមក រដ្ឋបាលក្រុងបានធ្វើសេចក្ដីប្រកាស ឬក៏ ហៅម្ចាស់សត្វទាំងនោះ មកអប់រំក៏ដោយតែម្ចាស់សត្វពាហនៈទាំងអស់នោះ បីដូចជាមិនអើពើសោះ។
លោក ឈឿន ប៊ុនថានាយផ្នែកចរាចរណ៍ ក្រុងប៉ោយប៉ែត ប្រាប់ថា គោដែលកម្លាំងលោកចាប់ នោះ ចំនួនពីរក្បាល មេ១ និងកូន១ ហើយការចាប់នោះ យកវាមករក្សារទុកនៅទីស្នាក់ការអធិការក្រុង ប៉ោយប៉ែត ដើម្បីឧ្យម្ចាស់ចេញមុខ និងធ្វើកិច្ចសន្យាជាលើកទីមួយ បើមិនព្រមអនុវត្តន៏តាមមន្ត្រីជំនាញ
លោក និងសុំគោលការពីថ្នាក់លើព្រមាន និងផាកពិន័យម្ចាស់គោទៅតាមផ្លូវច្បាប់។ លោកបន្ត ថាៈ ចំពោះសត្វពាហនៈដែលតែងតែដើរនៅតាមភូមិ និងបង្ករផលប៉ះពាល់ដំណាំអ្នកស្រុកនោះ លោក និងធ្វើបន្តបន្ទាប់នៅថ្ងៃខាងមុខ ព្រោះមិនមែនត្រឹមតែសោភ័ណ្ឌភាពទីក្រុងប៉ុណ្ណោះទេ គឺថែមទាំងរក្សា សុវត្ថិភាព ដែលអាចបង្កឡើងដោយសារគ្រោះថ្នាក់ចរាចរណ៍ផងដែរ៕
ភ្នំពេញ ៖ ដោយយោងតាមលិខិតស្នើរសុំរបស់ឯកឧត្តម ប្រាក់ សុខុន ទេសរដ្ឋមន្ដ្រី រដ្ឋមន្ដ្រីការបរទេស និងដោយមានចំណារយល់ព្រមពី សម្តេចនាយករដ្ឋមន្ដ្រី ហ៊ុន សែន ចុះថ្ងៃទី ២១ ខែឧសភា ឆ្នាំ២០១៨នេះ គឺ ឯកអគ្គរាជទូត និងមន្ដ្រីការទូតជាន់ខ្ពស់មួយចំនួនត្រូវបានផ្លាស់ និងតែងតាំងដំណែងថ្មី។
សូមអានសំណើររបស់ឯកឧត្តមទេសរដ្ឋមន្ដ្រី ប្រាក់ សុខុន ទៅកាន់សម្តេចនាយករដ្ឋមន្ដ្រី និងដែលត្រូវបានសម្តេចនាយករដ្ឋមន្ដ្រីចារយល់ព្រមដូចខាងក្រោម ៖
ភ្នំពេញ ៖ ក្រសួងព័ត៌មាន នៅថ្ងៃទី២៥ ខែឧសភា ឆ្នាំ២០១៨ នេះ បានជូនដំណឹងដល់ម្ចាស់ ស្ថានីយ វិទ្យុ-ទូរទស្សន៍ ចាងហ្វាងសារព័ត៌មាន និងម្ចាស់គេហទំព័រផ្សព្វផ្សាយទាំងអស់ ចៀសវាង ដក ស្រង់ ខ្លឹមសារ សារជាអក្សរ សំឡេង រូបភាព វីដេអូ ពីប្រភពនានាមកផ្សព្វផ្សាយ ឬផ្សាយបន្ដ ដែលធ្វើ ឱ្យប៉ះពាល់ដល់ ព្រះរាជកិត្ដិយសរបស់ព្រះមហាក្សត្រ និងសន្ដិសុខជាតិរបស់កម្ពុជា។
ក្នុងលិខិតរបស់ក្រសួងព័ត៌មាន ចុះហត្ថលេខាដោយ ឯ.ឧ អ៊ុក ប្រាថ្នា រដ្ឋលេខាធិការក្រសួង ព័ត៌មាន បានក្រើនរំលឹកឲ្យមានការគោរពវិជ្ជាជីវៈ គោរពកិត្តិយស និងសេចក្តីថ្លៃថ្នូររបស់បុគ្គល ជា ពិសេសអង្គព្រះមហាក្សត្រ ដែលត្រូវបានការពារដោយរដ្ឋធម្មនុញ្ញ នៃព្រះរាជាណាចក្រកម្ពុជា។
ក្នុងលិខិតដដែលរបស់ ឯ.ឧ អ៊ុក ប្រាថ្នា បានលើកឡើងថា ៖
កូរ៉េ ៖ ប្រជាជននៅទីក្រុងកំពង់ផែ ប្រទេសចិន ជាប់ព្រំដែន ជាមួយ ប្រទេសកូរ៉េខាងជើង មានប្រតិកម្មដោយវិជ្ជមាន ចំពោះផែនការ របស់ប្រទេសកូរ៉េខាងជើង ដើម្បីបិទ ទីតាំង សាកល្បងនុយក្លេអ៊ែរ របស់ខ្លួន។ ប្រទេសកូរ៉េខាងជើង បានប្រកាសថា និងប្រើប្រាស់ គ្រឿងផ្ទុះ ដើម្បីបិទ ផ្លូវរូងក្រោមដីនៃទីតាំងសាកល្បងនុយក្លេអ៊ែរ។ ទីក្រុងព្យុងយ៉ាង បានអញ្ជើញ ក្រុមអ្នកកាសែតអន្តរជាតិ ដើម្បីអង្កេតពីការបំផ្លាញ ដោយគ្រឿងផ្ទុះ នៃទី តាំង ពុងយេរី ។
នៅលើដងទន្លេរ យ៉ាលូ ក្នុងទីក្រុងដាងដុង ដែលជាគោលដៅទេសចរណ៏ ដ៏មានប្រជាប្រីយសំរាប់អ្នកទាំងឡាយណាដែលមានបំណងទស្សនារដ្ឋនៃប្រទេសកូរ៉េខាង ជើង ពីផ្នែកម្ខាង ដែលប្រជាជនក្នុងតំបន់អាចមើលឃើញការបិទទីតាំងសាកល្បងនុយ ក្លេអ៊ែរ របស់ប្រទេសកូរ៉េខាងជើង។
ក្នុងរយៈពេលប៉ុន្មានថ្ងៃថ្មីៗនេះ ប្រទេសកូរ៉េខាងជើង បានពន្យាពេលកិច្ចពិភាក្សាជាមួយទីក្រុងសេអ៊ូល ប្រទេសកូរ៉េខាងត្បូង ដោយបានឡើង ឡើងពី សកម្មភាពសមយុទ្ធដែនអាកាស រវាងប្រទេសកូរ៉េខាងត្បូង និងសហរដ្ឋអាមេរិក ដែលធ្វើឲ្យប្រទេសកូរ៉េខាងជើងមិនពេញចិត្ត៕
លីប៊ី ៖ មន្ត្រីមន្ទីរពេទ្យបាននិយាយថា យ៉ាងហោចណាស់ មនុស្ស៧នាក់ស្លាប់ និង១០នាក់ រងរបួស នៅពេលគ្រាប់បែកក្នុង រថយន្ត ត្រូវបានបំផ្ទុះ នៅលើដងផ្លូវដ៏មមាញឹកមួយ នៅ កណ្តាលទីក្រុង បែងហ្គាហ្សី ប្រ ទេស លីប៊ី ភាគខាងកើត។
គ្រាប់បែកត្រូវបានបំផ្ទុះ ខាងក្រោយសណ្ឋាគារ ទីបេសស្ទី ជាសណ្ឋាគារធំបំផុតនៅទីក្រុងនេះ ដែលអាចមើល ឃើញ សមុទ្រម៉េឌីទែរ៉ាណេ ដែលសណ្ឋាគារនេះស្ថិតលើដងផ្លូវ ដែលប្រជាជនកំពុង ដើរ លំហែរ ។
គ្មានព័ត៌មានលំអិត ស្តីពីការបំផ្ទុះគ្រាប់បែក ដែលទទួលបានភ្លាមៗនៅឡើយ ។ នៅក្នុងហេតុការណ៏នេះ រថយន្ត៨គ្រឿង ដែលបានចត នៅលើដងផ្លូវ ត្រូវបានបំផ្លាញ។ បេងហ្គាហ្សី ជាទីក្រុងធំបំផុតទី២របស់ប្រទេសលីប៊ី គ្រប់គ្រងដោយកងទ័ពជាតិលីប៊ី ជា កងកម្លាំង មានអាទិភាព ក្នុងប្រទេសលីប៊ី ភាគខាងកើត ដឹកនាំដោយ មេបញ្ជាការ ខាលីហ្វាហាហ្វតា៕
ចិន ៖ ប្រធានាធិបតីចិន លោក ហ្សី ជីនពីង បានជួបជាមួយ អធិការបតីអាល្លឺម៉ង់ លោក ស្រី អង់ជែឡាមឺគែល នៅសាលប្រជាជនក្នុងទីក្រុងប៉េកាំង ប្រទេសចិន។ មេដឹកនាំ ទាំង ពីរ បានពិភាក្សាពីទំនាក់ទំនងទ្វេរភាគី ពាណិជ្ជកម្មអន្តរជាតិ កិច្ចព្រមព្រៀងនុយក្លេអ៊ែរ អ៊ីរ៉ង់ និងបញ្ហាផ្សេងៗមួយចំនួនទៀត។
ប្រធានាធិបតី ហ្សី ជីនពីង និយាយថា ចាប់តាំងពី ប្រទេសចិន និងអាល្លឺម៉ង់ បានជម្រុញទំនាក់ទំនង ដល់ភាពជាដៃគូ យុទ្ធសាស្ត្រគ្រប់ជ្រុង ជ្រោយ ក្នុងឆ្នាំ២០១៤មក ទំនាក់ទំនងបានឈានដល់កំរិតខ្ពស់ថ្មីមួយ។ លោកហ្សី ជីនពីង បានអំពាវនាវ ដល់ប្រទេសចិន និងអាល្លឺម៉ង់ ក្លាយជាអ្នកបង្ហាញនៃកិច្ចសហប្រតិបត្តិការ និងលទ្ធផលឈ្នះឈ្នះ ជាមេដឹកនាំនៃទំនាក់ទំនងអឺរ៉ុប-ចិន ជាអ្នកជម្រុញនៃ ទំនាក់ទំនង អន្តរជាតិនៃបែបផែនថ្មី ។
លោកស្រី មឺគែល និយាយថា ប្រទេសអាល្លឺម៉ង់ មានឆន្ទះចាប់ យកឱកាសនៃការបើកចំហររបស់ប្រទេសចិន ដើម្បីពង្រីក ពាណិជ្ជកម្ម និងកិច្ចសហ ប្រតិបត្តិការ វិនិយោគ រវាង ប្រទេសអាល្លឺម៉ង់ និងចិន និងពង្រឹងការផ្លាស់ប្តូរប្រជាជន និងប្រជាជន។
លោកស្រី មឺគែល បានអមដំណើរដោយ គណៈប្រតិភូពាណិជ្ជកម្ម មកកាន់ប្រទេសចិន ហើយនេះគឺជាដំណើរទស្សនកិច្ចលើកទី ១១ មកកាន់ប្រទេសចិន ចាប់តាំងពី ឡើងកាន់តំណែងជាអធិការបតី ក្នុងឆ្នាំ២០០៥៕
ភ្នំពេញ ៖ សេចក្តីព្រាងច្បាប់ចំនួន៣ និងសំណើរសងសង់រោងចក្រផលិតអគ្គិសនី នៅខេត្ត ព្រះសីហនុ និងកំពង់ស្ពឺ ត្រូវបានគណៈរដ្ឋមន្ត្រីសម្រេចអនុម័ត និងគាំទ្រអស់ហើយ នៅក្នុងកិច្ចប្រជុំ គណៈ រដ្ឋ មន្ត្រីដឹកនាំដោយសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅព្រឹកថ្ងៃសុក្រ ទី ២៥ ខែឧសភា ឆ្នាំ២០១៨នេះ។
សេចក្តីព្រាងច្បាប់ដែលគណៈរដ្ឋមន្ត្រីបានអនុម័តនាព្រឹកនេះរួមមាន៖
១៖ សេចក្តីព្រាងច្បាប់ស្តីពីវិសោធនកម្មមាត្រា៨៧ ចំណងជើងចំណុច «គ» នៃផ្នែកទី៣ ជំពូកទី៤ មាត្រា៨៩ មាត្រា៩០ មាត្រា៩១ មាត្រា៩៤ មាត្រា១១០ មាត្រា១២០ និងមាត្រា១២២ នៃច្បាប់ស្តីពីការងារដែលត្រូវប្រកាសឲ្យប្រើដោយព្រះរាជក្រមលេខ ជស/រកម/០៣៩៧/០១ ចុះថ្ងៃទី១៣ ខែមីនា ឆ្នាំ១៩៩៧។ ២៖ សេចក្តីព្រាងច្បាប់ស្តីពីប្រាក់ឈ្នួលអប្បបរមា។
៣៖ សេចក្តីព្រាងច្បាប់ស្តីពីវិសោធនកម្មមាត្រា៣ មាត្រា៦ មាត្រា៧ មាត្រា៨ មាត្រា៩ មាត្រា១១ មាត្រា១២ ចំណងជើងជំពូកទី៤ មាត្រា១៦ មាត្រា១៩ មាត្រា២៦ មាត្រា៥០ មាត្រា៥១ មាត្រា៥២ មាត្រា៥៣ មាត្រា៥៤ មាត្រា៥៥ មាត្រា៥៦ មាត្រា៥៧ មាត្រា៥៨ មាត្រា៥៩ មាត្រា៦៥ មាត្រា៦៦ មាត្រា៦៧ និងមាត្រា៦៨ នៃច្បាប់ស្តីពីស្តង់ដាកម្ពុជា ដែលត្រូវប្រកាសឲ្យប្រើដោយព្រះរាជក្រមលេខ នស/រកម/០៦០៧/០១៣ ចុះថ្ងៃទី២៤ ខែមិថុនា ឆ្នាំ២០០៧។
ក្រៅពីសេចក្តីព្រាងច្បាប់ទាំង៣ខាងលើ គម្រោងវិនិយោគសាងសង រោងចក្រផលិតអគ្គិសនី ដុតធ្យូងថ្ម អានុភាព៧០០ មេហ្គាវ៉ាត់ នៅខេត្តព្រះសីហនុ និងគម្រោងវិនិយោគសាងសងរោងចក្រ ផលិតអគ្គិសនី ដើរដោយពន្លឺព្រះអាទិត្យអានុភាព៦០ មេហ្គាវ៉ាត់ នៅខេត្តកំពង់ស្ពឺ ក៏ត្រូវបានគណៈ រដ្ឋមន្ត្រី អនុម័តយល់ព្រមផងដែរ៕
ជប៉ុន ៖ លោក យូស៊ីហ៊ីត ស៊ូហ្គា Yoshihide Suga ប្រធានរដ្ឋមន្ត្រីគណៈរដ្ឋមន្ត្រីជប៉ុន បានប្រាប់ ក្រុមអ្នកសារព័ត៌មានថា ការបន្តដាក់សម្ពាធ និងការដាក់ទណ្ឌកម្ម ទៅលើប្រទេសកូរ៉េខាងជើង គឺជារឿងចាំបាច់នៅពេលដែលកិច្ចប្រជុំកំពូលនេះ ត្រូវបានលុបចោល។
លោកបាននិយាយថា កិច្ចប្រជុំកំពូល ចាំបាច់ដើម្បីនាំមកនូវការរីកចម្រើន ក្នុងបញ្ហានុយក្លេអ៊ែរ។ ដោយគាំទ្រការលុបចោលកិច្ចប្រជុំកំពូល របស់ប្រធានាធិបតីអាមេរិក លោកដូណាល់ ត្រាំ លោក ស៊ូហ្គា បាននិយាយថា ទណ្ឌកម្មរបស់អង្គការសហប្រជាជាតិ ត្រូវតែបន្តអនុវត្តន៏។
គួរបញ្ជាក់ថា កាលពីម្សិលមិញ លោក ត្រាំ បានសរសេរលិខិត ទៅកាន់លោកគីម ជុងអ៊ុន ដើម្បីប្រកាសដកខ្លួន ពីកិច្ចប្រជុំជាលើកដំបូងរវាងប្រធានាធិបតីអាមេរិក និងមេដឹកនាំកូរ៉េខាងជើង ក្នុងប្រទេសសឹង្ហបុរី នៅថ្
ងៃទី 12 ខែមិថុនា៕
ភ្នំពេញ ៖ ក្នុងចំណោមរបៀបវារៈសំខាន់ៗ ដែលត្រូវបានលើកយកមកពិភាក្សាក្នុងកិច្ចប្រជុំគណៈរដ្ឋ មន្ត្រី នៅព្រឹកថ្ងៃសុក្រនេះ សេចក្តីព្រាងច្បាប់ «ស្តីពីប្រាក់ឈ្នួលអប្បរមា» ត្រូវបាន អនុម័តទាំងស្រុង ដោយមិនមានការកែប្រែនោះឡើយ។
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃប្រទេសកម្ពុជា រួមនិង មន្ត្រី ជាន់ខ្ពស់នៃរាជរដ្ឋាភិបាល បានបើកកិច្ចប្រជុំពេញអង្គគណៈរដ្ឋមន្ត្រី នៅព្រឹកថ្ងៃទី២៥ ខែឧសភា នេះ ដោយកំណត់យករបៀបវារៈសំខាន់ចំនូន៤ រួមនិងបញ្ហាមួយចំនួនទៀត មកពិភាក្សា ដើម្បីកែ សម្រួល និង អនុម័ត ក្នុងនោះ សេចក្តីព្រាងច្បាប់ស្តីពីប្រាក់ឈ្នួលអប្បបរមា។
សូមបញ្ជាក់ថា ក្នុងចំណោមរបៀបវារៈទាំងនេះ សេចក្តីព្រាងច្បាប់ «ស្តីពីប្រាក់ឈ្នួលអប្បរមា» ត្រូវបាន កិច្ចប្រជុំគណៈរដ្ឋមន្ត្រី អនុម័តទាំងស្រុងដោយមិនមានការកែប្រែនោះឡើយ។
បើតាម ឯកឧត្តម ផៃ ស៊ីផាន អ្នកនាំពាក្យរាជរដ្ឋាភិបាលកម្ពុជា បានបញ្ជាក់ថា សេចក្តីព្រាង ច្បាប់ស្តីពីប្រាក់ឈ្នួលអប្បបរមា មានគោលបំណង និងគោលដៅ ដូចជា ៖
– ការលើកកម្ពស់ជីវភាពរស់នៅសមរម្យ ថ្លៃថ្នូរ បង្កើតឱកាសការងារ និងបង្កើនផលិតភាពរបស់ កម្មករនិយោជិត។
– ជម្រុញអោយមានបរិយាកាសវិនិយោគ និងធុរកិច្ចកាន់តែប្រសើរ ប្រកបដោយភាព ទាក់ទាញ។
– ធានាការកំណត់ប្រាក់ឈ្នួលអប្បបរមាសម្រាប់ជនទាំងឡាយ ដែលស្ថិតនៅ ក្រោម បទប្បញ្ញត្តិ នៃច្បាប់ស្តីពីការងារ។
– បង្កើតនីតិវិធីកំណត់ប្រាក់ឈ្នួលអប្បបរមាតាមបែបវិទ្យាសាស្ត្រ ដោយផ្អែកលើ លក្ខណៈវិនិច្ឆ័យ បែបសង្គម និងសេដ្ឋកិច្ច។
– បង្កើតក្រុមប្រឹក្សាជាតិប្រាក់ឈ្នួលអប្បបរមា ដើម្បីជាយន្តការត្រីភាគីសម្រាប់ សិក្សាស្រាវជ្រាវ និងផ្តល់អនុសាសន៍អំពីប្រាក់ឈ្នួលអប្បបរមា និងអត្ថប្រយោជន៍ ផ្សេងៗរបស់ជនទាំងឡាយ ដែល ស្ថិតនៅក្រោមបទប្បញ្ញត្តិ នៃច្បាប់ស្តីពីការងារ។
គួរបញ្ជាក់ថា សេចក្តីព្រាងច្បាប់ស្តីពីប្រាក់ឈ្នួលអប្បបរមា ត្រូវបានរៀបចំតាក់តែងនៅដើម ឆ្នាំ ២០១៦ ដោយសេចក្តីព្រាងច្បាប់នេះ ត្រូវបានដាក់ជូនកិច្ចប្រជុំត្រីភាគីពិភាក្សា ដើម្បីធានា ដំណើរ ការយន្តការកំណត់ប្រាក់ឈ្នួលអប្បបរមា។ ច្បាប់នេះ គឺមានវិសាលភាពគ្របដណ្ដប់លើស សហគ្រាស ឬគ្រឹះស្ថាន និងជនទាំងឡាយដែលស្ថិតនៅក្រោមបទប្បញ្ញត្តិ នៃច្បាប់ស្តីពីការងារ៕
ភ្នំពេញ៖ បង្គោលភ្លើងមួយដើមបានឆ្លងចរន្តអគ្គិសនីបានឆាបឆេះបង្គោលភ្លើងបង្កអោយមានការភ្ញាក់ផ្អើលដល់សមត្ថកិច្ច ទាំងក្នុងក្រសួង និងសមត្ថកិច្ចមូលដ្ឋាន ប្រជាពលរដ្ឋបានរាយការណ៍ទៅ បុគលិកគមនាគមន៍ដើម្បីធ្វើការផ្តាច់ចរន្តប្រព័ន្ធភ្លើងភ្លាមៗ និងបានហៅរថយន្តពន្លត់អគ្គិភយ័របស់អគ្គដ្នងការនគរបាលជាតិធ្វើការបាញ់ពន្លត់ទាន់ពេលវេលា ទើបមិនបង្កអោយមានការរាលដាល ហេតុការណ៍នេះបានកើតឡើងនៅវេលាមុង១៤និង១០នាទីថ្ងៃទី២៥ខែឧសភាឆ្នាំ២០១៨ ជាប់នឹងរបងក្រសួងមហាផ្ទៃ ស្ថិតនៅក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។
ក្រោយពេលភ្លើងបានរលត់ទៅវិញដោយបានបាញ់ទឹកអស់១រថយន្ត សភ្ភារៈដែលរងការខូចខាតប្រអប់ភ្លើងមួយដើម តែមិនបង្ករាលដាល់និងគ្មានអ្នករងរបួសទេ ចំណែកប្រព័ន្ធភ្លើងខាងទូរគមនាគមន៍ជាតិកម្ពុជាបានចុះរៀបចំប្រព័ន្ធភ្លើងអោយដំណើរការឡើងវិញ៕
ម៉ាឡេស៊ី ៖ នាយករដ្ឋមន្ត្រីម៉ាឡេស៊ីដែលត្រូវបណ្តេញពីតំណែង លោក ណាជីពរ៉ាហ្សាក់ បាន និយាយថា លោក បានផ្តល់សេចក្តីថ្លែងការណ៏គ្រប់គ្រាន់ អំពី ការផ្ទេរប្រាក់ ចំនួន 10.6 លានដុល្លារ ដ៏អាថកំបាំងចូលទៅក្នុងគណនេយ្យផ្ទាល់ខ្លួនរបស់លោក បន្ទាប់ពីរយៈពេល ៩ ម៉ោង នៃការសាកសួរ ដែលបានធ្វើឡើងរយៈពេល២ថ្ងៃ។
ចំនួនទឹកប្រាក់នេះ គ្រាន់តែ បង្ហាញ ពីប្រភាគនៃប្រាក់រាប់ពាន់លានដុល្លារដែលតាមការចោទប្រកាន់ ត្រូវបានផ្ទេរមកពី មូលនិធិរដ្ឋ វ័នម៉ាឡេស៊ា ឌីវែលឡុបមឹន បឺហាត (1Malaysia Development Berhad) ឬ 1MDB ដែលជាមូលនិធិរដ្ឋ បង្កើតឡើងដោយ លោក ណាជីពរ៉ាហ្សាក់ ជារឿងអាស្រូវមួយ ហើយក៏ជាហេតុផលដ៏សំខាន់ ដែលអ្នកបោះឆ្នោតបោះបង់លោក ក្នុងការបោះឆ្នោត កាលពីថ្ងៃទី៩ ខែឧសភាកន្លងទៅនេះ។
ការស៊ើបអង្កេត នៅសប្តាហ៏នេះ គឺជាការបន្តការ ស៊ើបអង្កេតមួយ ដែលបានចាប់ផ្តើមត្រឡប់ទៅរកឆ្នាំ ២០១៥។ ការផ្តោតជាសំខាន់នៃការ ស៊ើបអង្កេត គឺលើការផ្ទេរប្រាក់ជាង ១០លានដុល្លារ ពី ក្រុមហ៊ុន SRC International ចូល ទៅគណនេយ្យរបស់លោក ណាជីព។
ក្រុមហ៊ុន SRC ត្រូវបានបង្កើតឡើង ក្នុងឆ្នាំ២០១១ ដោយរដ្ឋាភិបាលលោកណាជីព ដើម្បីស្វែងរក ការវិនិយោគបរទេស ក្នុងវិស័យធនធាន ថាមពល ហើយគឺជា ផ្នែកមួយ នៃ មូលនិធិរដ្ឋ 1MDB រហូតដល់អង្គភាពនេះ ត្រូវបានផ្តូរ ទៅកាន់ ក្រសួងហិរញ្ញវត្ថុ ក្នុងឆ្នាំ២០១២។ ទោះជាយ៉ាងណា លោក ណាជីព បានបដិ សេធ យ៉ាងរឹងប៉ឹង ចំពោះការធ្វើខុសណាមួយ ចំពោះ មូលនិធិរដ្ឋ 1MDB៕
ឥណ្ឌា ៖ តារាភាពយន្តបូលីវូត និងជាអគ្គរដ្ឋទូតសុច្ឆ័ន្ទះអង្គការយូណេសេហ្វ UNICEF នាង ព្រីយ៉ានកាចូប្រា បានអំពាវនាវសុំឲ្យ សហគមន៏អន្តរជាតិ បង្កើនការគាំទ្រ ស្ត្រីនិងកុមារ ជនជាតិរ៉ូហ៊ីនយ៉ា ដែលបានភៀសខ្លួនចូលទៅកាន់ប្រទេសបង់ក្លាដេស គេចចេញពីការ បង្ក្រាបដោយយោធា ក្នុងប្រទេសមីយ៉ាន់ម៉ា។
តារាភាពយន្តឥណ្ឌា នាងចូប្រា ត្រូវបានគេ ស្គាល់ តាមរយៈការសម្តែងភាពយន្តជាច្រើនរឿង បាននិយាយនៅក្នុងសន្និសីទសារព័ត៌ មាន បន្ទាប់ពី ធ្វើដំណើរទស្សនកិច្ចទៅកាន់ ជំរុំជនភៀសខ្លួន គូទូបាឡុង បាលូកហាលី ក្នុងតំបន់ខុកបាសា ប្រទេសបង់ក្លាដេស។
តារាភាពយន្តស្ត្រីវ័យ៣៥ឆ្នាំរូបនេះ បានជំរុញ ឲ្យ សហគមន៏ អន្តរជាតិ ដោះស្រាយបញ្ហាកុមារជនជាតិរ៉ូហ៊ីនយ៉ា ដែលកំពុងរស់នៅគ្មាន សិទ្ធជាមូលដ្ឋានក្នុងការទទួលអាហារ ទឹកស្អាត ទីជម្រក ការសិក្សាអប់រំ និងអនាម័យឲ្យ បានសមរម្យ។ ការឆ្លើយតបរបស់យោធា ទៅនឹងការវាយប្រហារដោយក្រុមប៉ះបោ លើ ប៉ុស្ត៏ប៉ូលីស និងមូលដ្ឋានកងទ័ពមួយកន្លែង នៅរដ្ឋរ៉ាខាញភាគខាងជើង កាលពីខែសីហា ឆ្នាំកន្លងទៅ បានជម្រុញឲ្យ ជនមូស្លីម រ៉ូហ៊ីនយ៉ា ជិត៧សែននាក់ ឆ្លងកាត់ព្រំដែន ចូល ទៅកាន់ប្រទេសបង់ក្លាដេសដែលភាគច្រើន កំពុងចោទប្រកាន់កងកម្លាំងសន្តិសុខ ពីបទ កាប់សម្លាប់ រំលោភ និងដុតផ្ទះនៅក្នុងភូមិ។
កាលពីខែមិនា អង្គការសហប្រជាជាតិ បាន អំពាវសុំថវិកា ចំនួន ៩៥១លានដុល្លារ ដើម្បីជួយ ជនភៀសខ្លួនរ៉ូហ៊ីនយ៉ា រយៈពេលពេញ មួយឆ្នាំ ប៉ុន្តែវានៅតែ តិចជាង២០ភាគរយ ដែលបានផ្តល់មូលនិធិ៕
មណ្ឌលគិរី ៖ សេចក្តីរាយការណ៍បឋមបានឱ្យដឹងថា គិតត្រឹមវេលាម៉ោង១០ព្រឹកថ្ងៃទី២៤ ខែឧសភា ឆ្នាំ២០១៨ នេះ កម្លាំងជំនាញចម្រុះអាវុធហត្ថលើផ្ទៃប្រទេស ក្រសួងបរិស្ថាន ក្រសួងរ៉ែ នឹងថាមពល រួមជាមួយអាជ្ញាធរខេត្ត-ស្រុកប្រមាណជិត១០០នាក់ កំពុងធ្វើដំណើរចុះទៅពិនិត្យស្រាវជ្រាវករណីក្រុមហ៊ុនរ៉ែមាសចិន រ៉ុង ឆេង ស្ថិតនៅភូមិពូទុង ឃុំចុងផ្លាស់ ស្រុកកែវសីមា ។
សេចក្តីរាយការណ៍បន្តថា ការចុះទៅរបស់កម្លាំង គឺបន្ទាប់ពីសង្ស័យថា បានបង្ហូរកាកសំណល់គីមីចូលទៅប្រភពទឹកធម្មជាតិ បង្កឱ្យមានការប៉ះពាល់សុខភាពប្រជាពលដ្ឋ និងពិនិត្យដោះស្រាយលើករណីក្រុមហ៊ុនរំលោភយកដី
សហគមន៍ចុងផ្លាស់ ៕
ព្រៃវែង ៖ ករណីចោរលួចរថយន្តម៉ាក HYBRIDPRIUS ១គ្រឿងពីរាជធានីភ្នំពេញកាលពីថ្ងៃទី២៣ខែឧសភាឆ្នាំ២០១៨ ត្រូវបាននគរបាលស្រុកញ្ជ្រៀច.ខេត្តព្រៃវែង ដាក់កម្លាំងចុះត្រួតពិនិត្យស្រាវជ្រាវនៅក្នុងភូមិសាស្ត្ររបស់ខ្លួនគ្រប់គ្រង រហូតដល់ថ្ងៃទី២៤ ខែឧសភា ឆ្នាំ២០១៨ វេលាម៉ោង១និង៤៥នាទីរសៀល កម្លាំងប៉ុស្តិ៍នគរបាលចុងអំពិល.ស្រុកកញ្ជ្រៀចបានប្រទះឃើញរថយន្តដូចភិនភាគខាងលើនៅផ្ទះរបស់ជនសង្ស័យឈ្មោះ សួង វណ្ណដា ភេទប្រុសអាយុ២៨ឆ្នាំនៅភូមិមានជ័យ.ឃុំចុងអំពិល.ស្រុកកញ្ជ្រៀចកម្លាំងក៍ធ្វើការឃាត់ខ្លួនជនសង្ស័យយកមកប៉ុស្តិ៍ដើម្បីសាកសួរ។
នៅចំពោះមុខសមត្ថកិច្ចជនសង្ស័យបានសារភាពថារថយន្ត១គ្រឿងនេះគឺខ្លួនគេបានលួចមកពីម្តុំក្រោយមន្ទីរពេទ្យរុស្សី.រាជធានីភ្នំពេញ។ យោងតាមចម្លើយសារភាពសមត្ថកិច្ចនគរបាលប៉ុស្តិ៍ក៍បានកសាងសំណុំរឿងបញ្ជូនជនសង្ស័យរួមជាមួយវត្ថុតាងរថយន្តទៅអធិការដ្ឋាននគរបាលស្រុកកញ្ជ្រៀចដើម្បីចាត់ការបន្តតាមនិតិវិធីច្បាប់៕
ភ្នំពេញ ៖ គេហទំព័រដ៏ល្បីល្បាញ TripAdvisor បានផ្តល់ចំណាត់ថ្នាក់លេខ១ដល់ប្រាសាទអង្គរវត្តរបស់កម្ពុជា ជាសំណង់អច្ឆរិយៈដ៏មានសារៈសំខាន់ផ្នែកប្រវត្តិសាស្ត្រអស្ចារ្យបំផុត និងជាគោលដៅទេសចរណ៍ ចំណាត់ថ្នាក់លេខ១៣របស់ពិភពលោកសម្រាប់ឆ្នាំ២០១៨ ។ នេះ បើតាមការបញ្ជាក់ពីអាជ្ញាធរជាតិអប្សរា បានអោយដឹងថាក្រោយការចូលរួមបោះឆ្នោតស្ទង់មតិពីភ្ញៀវទេសចររាប់លាននាក់ជុំវិញពិភពលោក។
នេះគឺជាឆ្នាំទី៥ហើយ ដែលតំបន់អង្គរត្រូវបានភ្ញៀវទេសចរលើពិភពលោកបោះឆ្នោតគាំទ្រ ហើយទទួលបានចំណាត់លេខ១ជាប់ៗគ្នាតាមរយៈគេហទំព័រដ៏ល្បីល្បាញផ្សេងៗគ្នា ក្នុងនោះ កាលពីឆ្នាំ២០១៤ អង្គរបានជាប់ចំណាត់ថ្នាក់លេខ១ នៅលើគេហទំព័រ ArchaeoMadness ដែលបានយកតំបន់បុរាណវិទ្យា និងប្រវត្តិសាស្ត្រទាំងអស់លើពិភពលោកមកប្រៀបធៀបគ្នា ។
បន្ទាប់មកទៀត នៅដើមឆ្នាំ២០១៥ អង្គរទទួលបានចំណាត់ថ្នាក់លេខ១ម្តងទៀត នៅលើគេហទំព័រ TripAdvisor ដែលជាគេហទំព័រដ៏ពេញនិយមលើការផ្សព្វផ្សាយតំបន់ទេសចរណ៍ល្បីៗក្នុងពិភពលោក។ រីឯនៅឆ្នាំ២០១៦ អង្គរបានបន្តជាប់លេខ១ នៅលើគេហទំព័ររបស់ក្រុមហ៊ុន Lonely Planet ដែលជាប្រភពផ្សព្វផ្សាយ និងជាប្រភពព័ត៌មានទេសចរណ៍ដ៏ល្បីមួយលើពិភពលោក ដែលមានទាំងគេហទំព័រ ទស្សនាវដ្តី និងសៀវភៅ ជាដើម។
ចំណែកនៅឆ្នាំ២០១៧ និងឆ្នាំ២០១៨នេះ TripAdvisor ក៏បានបន្តផ្តល់ចំណាត់ថ្នាក់លេខ១ដល់ប្រាសាទអង្គរវត្តរបស់កម្ពុជាក្នុងឋានៈជាសំណង់ ដ៏មានសារៈសំខាន់ផ្នែកប្រវត្តិសាស្ត្រអស្ចារ្យបំផុតក្នុងលោក។ ក្នុងនាមស្ថាប័នគ្រប់គ្រងរមណីយដ្ឋានអង្គរ អាជ្ញាធរជាតិអប្សរា បានចាត់ទុកថា នេះជាមោទនភាពមួយរបស់ជាតិខ្មែរទាំងមូល ដែលអង្គរវត្តរបស់កម្ពុជាទទួលបានការគាំទ្រពីបណ្តាប្រជាជនជុំវិញពិភពលោក។ ទន្ទឹមនេះ អាជ្ញាធរជាតិអប្សរា ក៏បានអំពាវនាវដល់សាធារណជន បន្តចូលរួមថែរក្សា ការពារនូវបេតិកភណ្ឌដ៏មានតម្លៃនេះ ឲ្យបានខ្លាំងក្លាដើម្បីភាពគង់វង្សយូរអង្វែងតទៀត។
សូមបញ្ជាក់ថា ប្រាក់ចំណូលសរុបដែលរមណីយដ្ឋានអង្គរ រកបាន កាលពីក្នុងឆ្នាំ២០១៧ មានចំនួន១០៨លានដុល្លារអាមេរិក ពីការលក់សំបុត្រអោយភ្ញៀវទេសចរណ៌បរទេស ជាង២លាន៥សែននាក់។ ចំពោះតម្លៃសំបុត្រសម្រាប់ភ្ញៀវទេសចរណ៌បរទេសចូលទស្សនារមណីយដ្ឋានអង្គរ រយៈពេលមួយថ្ងៃ មានតម្លៃ៣៧ដុល្លារ! រយៈពេល៣ថ្ងៃមានតម្លៃ៦២ដុល្លារ! និង រយៈពេលមួយអាទិត្យ មានតម្លៃ ៧២ដុល្លារ៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
