ខេត្តកែប ៖ ដីអតីតៈព្រលានយន្តហោះវាលវង់នៅខាងក្រោយសាលាស្រុកដំណាក់ចង្អើរ ត្រូវបានគេបោះបង្គោល និងពទ្ធ័ខ្សែលួស យកធ្វើជាកម្មសិទ្ធិជាបន្តបន្ទាប់។
លោក កែន សត្ថា អភិបាលខេត្តកែប បានខឹងសម្បារ និងមន្ត្រីសាលាស្រុកដំណាក់ចង្អើ និងប្រធានការិយាល័យសូរិយោដីស្រុក ដែលធ្វើអោយបាត់បង់ដីព្រលានយន្តហោះវាស់វែងម្ដងណាក៏ឃើញបាត់ដែរ ធ្វើអោយចំនួនដីក្នុងព្រលានស្រពេចស្រពិល។
គួរបញ្ជាក់ថា នៅខែវិច្ចិកា និងខែធ្នូ នេះ ដីនៅទីនោះត្រូវបានគេទៅបោះបង្គោលយកបន្តទៀត។លោកស្រី គឹម ចន្នី អភិបាលស្រុកដំណាក់ចង្អើ បាននិយាយប្រាប់អោយដឹងថា ដីគេបោះបង្គោលនៅព្រលាយន្តហោះនោះជាដីគេមានប្លង់ព្រោះដីគេអាស្រ័យផលទៅហើយ។មន្ត្រីកងរាជអាវុធហត្ថម្នាក់នៅបន្ទាយជាប់សាលាស្រុកដំណាក់ចង្អើបាននិយាយកាលពព្រឹកថ្ងៃទី25ធ្នូ នេះថា ថ្មីៗនេះមានគេទៅបោះបង្គោលយកដីព្រលានយន្តហោះបន្តទៀតដដែល។ មន្ត្រីអាវុធហត្ថរូបនោះនិយាយថា ខាងអាវុធហត្ថមិនដឹងធ្វើម៉េចទេបើខាងស្រុកហៅទៅអន្តរាគមន៍ចេះតែទៅៗ តែបើស្រុកនៅស្ងៀមទៅហើយ យើងធ្វើអីចេញ។មន្ត្រីអាវុធហត្ថនិយាយថា បើយកល្អកុំអោយមានគេនិយាយអាក្រក់ គួរតែដកបង្គោលបោះថ្មីនោះចេញទាំងអស់ ទើបបញ្ចប់រឿងអាស្រូវ កុំឱ្យប៉ះពាល់ដល់អ្នកផ្សេង ព្រោះដីព្រលានដែលគេបោះបង្គោលនេះឆ្នាំ2017 គ្មានអ្នកណាដាំដុះអី ឫបោះបង្គោលអ្វីទេ ទើបតែឥឡូវ ស្រាប់តែមានគេផ្អើលនាំគ្នាទៅបោះយកដីរបស់រដ្ឋហើយបើម្នាក់បោះយកដីបាន អ្នកផ្សេងទៀតក៍គេទៅបោះបានដូចតែគ្នា៕
ភ្នំពេញ ៖ ព្យុះ Tembin នឹងធ្វើដំណើរដល់ឆ្នេរប្រទេសវៀតណាម នាល្ងាចថ្ងៃទី២៥ ខែធ្នូនេះ រួចបន្តដំណើរមកកាន់តំបន់ដីសណ្ដរទន្លេមេគង្គ ក្នុងប្រទេសវៀតណាម។ នេះបើតាមកាឩ្យដឹងពីក្រសួងធនធានទឹក និងឧតុនិយម បានជូនដំណឹងបន្ថែមនៅព្រឹកថ្ងៃទី២៥ នេះ។
ក្រសួងឧតុនិយម ក៏បានអំពាវនាវផងដែរឲ្យអ្នកធ្វើដំណើរតាមសមុទ្រ ឬអ្នកនេសាទ គួរផ្អាកសកម្មភាពចាប់ពីល្ងាចថ្ងៃទី២៥ ខែធ្នូនេះ រហូតដល់ស្ថានភាពអាកាសធាតុបានល្អប្រសើរវិញ។
ព្យុះ Tembin នេះ នឹងមានឥទ្ធិពលលើព្រះរាជាណាចក្រកម្ពុជា ដោយបង្កឲ្យមានខ្យល់បក់បោកខ្លាំង លាយឡំជាមួយភ្លៀងខ្លាំងនៅផ្ទៃសមុទ្រ និងតំបន់ឆ្នេរ។ ព្យុះនេះក៏នឹងធ្វើឲ្យមានភ្លៀងធ្លាក់ពីមធ្យមទៅច្រើន ស្ទើរទូទាំងប្រទេសកម្ពុជាផងដែរ។
បើតាមក្រសួងធនធានទឹក បានបង្ហាញថា បន្ទាប់ពីតាមដានលើស្ថានភាពអាកាសធាតុរួចមក ឥទ្ធិពលរបស់ព្យុះទី២៧ ឈ្មោះ តឹម ប៊ិន (TEMBIN) បានវិវត្តខ្លួនទៅជាព្យុះទីហ្វុងកម្រិតទី១។ យោងតាមការណ៍ព្យាករណ៍ បានបង្ហាញថា ព្យុះតឹមប៊ិន នឹងធ្វើដំណើរមកដល់ឆ្នេរប្រទេសវៀតមាននៅល្ងាចថ្ងៃទី២៥ខែធ្នូ រួចមកបន្តដំណើរមកកាន់តំបន់ដីសណ្តរទន្លេមេគង្គ ក្នុងប្រទេសវៀតណាម។ ព្យុះតឹមប៊ិន នឹងមានឥទ្ធិពលមកលើព្រះរាជាណាចក្រកម្ពុជា ដោយបង្កឱ្យមានខ្យល់បក់បោកខ្លាំង លាយឡំជាមួយនឹងភ្លៀងខ្លាំងនៅលើផ្ទៃសមុទ្រ និងតំបន់ឆ្នេរ ព្រមទាំងធ្វើឱ្យមានភ្លៀងធ្លាក់ពីមធ្យមទៅច្រើនក្នុងក្របខ័ណ្ឌស្ទើរទូទាំងប្រទេស ៕
កំពត ៖ ប្រជាកសិករនៅឃុំកំពង់ត្រាចខាងលិច ស្រុកកំពង់ត្រាច នៅតែប្រើឧបករណ៍ប្រមូល ផលស្រូវតាមបែបបូរាណ តាំងពីដូនតារហូតមកទាល់សព្វថ្ងៃ ប៉ុន្តែ គិតមកដល់ខែធ្នូ នេះ ពួកគាត់ បានច្រូតកាត់ និងរៀបចំទុកដាក់ផលស្រូវបានរួចរាល់អស់ហើយ។
បងប្រុស ទូច ភ្លូច អាយុ51ឆ្នាំ នៅភូមិអូច្រនៀង ឃុំកំពង់ត្រាចខាងលិច បានប្រាប់អោយ ដឹងថា ទោះបីជាមានម៉ាសុីនច្រូតស្រូវបែបសម័យទំនើប យ៉ាងណាក៍ដោយ ក៏ ប្រជាពលរដ្ឋនៅ ឃ៉ំកំពង់ត្រាច នៅតែប្រើប្រាស់ឧប្បករណ៍ដែលចាស់ៗបែប បូរាណ គឺនៅតែប្រើពាក្យថា បោកស្រូវ ដាក់ក្នុងលុង។ បងប្រុស ទូច ភ្លូច បានប្រាប់បន្តថា ប្រជាពលរដ្ឋនៅឃ៉ំកំពង់ត្រាច គ្រប់ផ្ទះនៅតែ ប្រើប្រាស់បោកស្រូវដាក់លុង រហូតតាំងពីយូរយារណាស់មកហើយ។
បងប្រុស ទូច ភ្លូច និយាយថា ការច្រូតស្រូវមិនបាច់ចង់ធ្វើកណ្ដាប់ដូចស្រុកទេស គេទេអ្នក ច្រូតគ្រាន់តែច្រូតបានហើយរាយចោលក្នុងស្រែហើយអ្នកប្រមូលយកមកបោកចេះតែប្រមូលបន្ត ហើយរំកិលលុងនោះតាមកន្លែងមានស្រូវដែលច្រូតហើយ។
បងស្រី ប៊ុយ សាមីន អាយុ45ឆ្នាំ នៅភូមិអូច្រនៀង បានប្រាប់អោយដឹងថា ប្រជាកសិក រនៅ ក្នុងឃ៉ំកំពង់ត្រាច នៅតែបន្តប្រើយកលុងសម្រាប់បោកស្រូវនេះតាំងពីដូនតាមកម្ល៉េះ។បងស្រី ប៊ុយ សាមីន និយាយប្រាប់បន្តថាបើច្រូតម៉ាស៊ីនចំបើង គោមិនស៊ីទេ ព្រោះធំក្លិនប្រេងម៉ាស៊ីន។
លោក ចាន់ រិទ្ធ ប្រធានមន្ទីរកសិកម្មរុក្ខាប្រម៉ាញ់ និងនេសាទ ខេត្តកំពត បានប្រាប់អោយ ដឹងថា ការប្រមូលផលស្រូវរបស់ប្រជាកសិកនៅខេត្តកំពត នៅខែធ្នូនេះ បានប្រមូលផល និងរៀបចំ ទុកដាក់រួចរាល់អស់ហើយ៕
កំពង់ចាម៖ អាវរងារជជុះដែលដាក់លក់នៅផ្សារបឹងកុក ក្រុងកំពង់ចាម នាព្រឹកថ្ងៃទី ២៣ ខែធ្នូ ឆ្នាំ២០១៧ត្រូវបានគេមើលឃើញថា កំពុងតែលក់ដាច់ខ្លាំង ដោយមានប្រជាពលរដ្ឋមកពីគ្រប់ ទិសទី ចូលមកទិញយកទៅពាក់ ដោយសារអាកាសធាតុបានចុះត្រជាក់ពេក។ ហើយជំនាញសុខាភិ បាលវិញ ក៏បានឲ្យពលរដ្ឋត្រូវពាក់អាវដៃវែងនិងខោជើងវែង ការពារកុំឲ្យប្រឈមនឹងជំងឺ ផ្សេងៗផង ដែរ ។ អាជីវកម្នាក់ឈ្មោះ លឹម ឡៃហ៊ាង ភេទស្រី អាយុ៤៩ឆ្នាំ ប្រាប់ឲ្យដឹងថាៈ ក្នុងរយៈពេល៣-៤ថ្ងៃ នេះ គាត់នឹងប្តី បាននាំគ្នាមកលក់អាវវងារជជុះនៅផ្សារបឹងកុក គឺលក់ដាច់រហូតបន្តមកដល់ព្រឹក ថ្ងៃ ទី២៣ ខែធ្នូ នៅតែមានពលរដ្ឋឆ្ងាយជិតមកទិញយកទៅពាក់ ដែលធ្វើឲ្យគាត់ទទួលបានផលចំណេញ គ្រាន់បើដែរ។ជាមួយនោះសូមឲ្យអ្នកផ្សេងដែលមិនទាន់បានទិញអាវរងារទៅពាក់ គឺមកទិញនៅកន្លែង គាត់ ដែលលក់ក្នុងតំលៃធូរថ្លៃមួយ៥.០០០រៀល ។ដោយឡែកកាលពីឆ្នាំ២០១៦កន្លងទៅ ក្នុងខែធ្នូ ដូច គ្នាអាកាសធាតុមិនបានចុះត្រជាក់ដូចបែបនេះទេ ហើយគាត់ក៏មិនបានលក់អាវរងារដែរ ។
អាជីវករឈ្មោះ ស្រេន ម៉ាណី អាយុ៤០ឆ្នាំ ប្រាប់ឲ្យដឹងថាកាលពីមុនគាត់ធ្លាប់តែលក់ក្រណាត់នៅផ្សារបឹងកុកមិនសូវដាច់នោះទេ តែមកដល់ខែធ្នូ ២០១៧ ស្របពេលដែលអាកាស់ធាតុបានចុះត្រជាក់ជាងបណ្តាឆ្នាំមុនៗគាត់ក៏ងាកមកលក់អាវរងារជជុះវិញម្តង ដោយក្នុងអាវ១លក់តំលៃពី៤.០០០រៀលទៅ៥.០០០រៀល ហើយបើអាវណាមិនសូវល្អលក់៣អាវតំលៃ១ម៉ឺនរៀល ។ ក្នុងរយះពេល៤៥ថ្ងៃនេះលក់ ដាច់ពិតជាសប្បាយចិត្ត ហើយក្នុង១ព្រឹកអាចទទួលកំរៃបានជាង១០ម៉ឺនរៀលផងដែរ ។
សូមបញ្ជាក់ថា នៅតាមភូមិឋាន ស្រុកស្រែចំការ និងសាលារៀនខ្លះ សិស្សនាំគ្នាបង្កាត់ភ្លើង នាំគ្នាអាំងភ្លើង ដើម្បីឲ្យមានភាពកក់ក្តៅកុំឲ្យរងារ ពេកនោះ ។ លោកវេជ្ជបណ្ឌិត គីម សួរភិរុណ ប្រធានមន្ទីរសុខា ភិបាលខេត្តមានប្រសាសន៏ឲ្យដឹងដែរថា ចាប់តាំងពីពេលដែល អាកាសធាតុ បាន ចុះត្រជាក់មកនៅក្នុងចំណោមស្រុក-ក្រុងទាំង១០ មិនទាន់មានសេចក្តីរាយការណ៏ ណាមួយថា មាន លរដ្ឋណាម្នាក់បានឈឺធ្ងន់ ដោយសារតែកត្តាអាកាសធាតុដែរ ។តែសេចក្តី ប្រកាស របស់ក្រសួង សុខភិបាលសូមឲ្យពលរដ្ឋស្លៀកខោជើងវែង និងពាក់អាវរងារ ដើម្បីជាសវាងកុំឲ្យប៉ះពាល់ សុខភាព ក្នុងករណីបើមានឈឺសូមប្រញាប់ទៅកាន់មន្ទីរពេទ្យ៕
ភ្នំពេញ ៖ នាយករដ្ឋមន្ត្រីកម្ពុជា បានប្រកាសថា មន្ត្រីរាជការស៊ីវិល នៅតែចូលនិវត្តន៍ក្នុងអាយុ ៦០ ឆ្នាំដដែល។ ការពន្យារអាយុចូលនិវត្តន៍របស់មន្ត្រីរាជការស៊ីវិល ដល់ ៦៥ ឆ្នាំ អាចនឹងត្រូវលើកមកពិចារណា ក្នុងឆ្នាំ២០១៩។
នាយករដ្ឋមន្ត្រី ហ៊ុន សែន បានបញ្ចាក់យ៉ាងដូច្នេះ ខណៈសម្តេចអញ្ជើញជា អធិបតីដ៏ខ្ពង់ខ្ពស់ក្នុងពិធីសម្ពោធអគារសិក្សា ១ខ្នង នៅវិទ្យាល័យ ប៊ុនរ៉ានី ហ៊ុនសែន ចរិយាវង្ស នៅខេត្តកែប នាព្រឹកថ្ងៃសៅរ៍ ទី២៣ ខែធ្នូ ឆ្នាំ២០១៧ ។
សម្តេច ហ៊ុន សែន បានគូសបញ្ជាក់ថា៖ «គ្រប់ក្របខ័ណ្ឌមន្ត្រីទាំងអស់ នៅពេលដែលច្បាប់ មិនទាន់ត្រូវបានកែទេ គឺអនុវត្តតាមច្បាប់ចាស់ គឺការចូលនិវត្តន៍នៅក្នុងអាយុ ៦០ ឆ្នាំដដែល។ សូមកុំមានការភាន់ច្រឡំ ហើយមានការស្នើសុំពន្យារអាយុចូលនិវត្តន៍ ចំណុចនេះ គឺមិនអាចទៅរួចទេ»។
សម្តេច ហ៊ុន សែន ក៏បានប្រសាសន៍លើកឡើងថា ពិតណាស់ រាជរដ្ឋាភិបាលចំណេញថវិកា ក្នុងការពន្យារអាយុចូលនិវត្តន៍របស់មន្ត្រីរាជការ រហូតដល់អាយុ ៦៥ ឆ្នាំ ព្រោះថា មន្ត្រីរាជការ ចូលនិវត្តន៍ ត្រូវទទួលបានប្រាក់ខែ ៨០ភាគរយ នៃប្រាក់ខែដែលគាត់បានទទួល ហើយធនធានមនុស្ស និងបទពិសោធន៍ការងារ ក៏យើងនៅមានល្អ។ ប៉ុន្តែលំហសម្រាប់យុវជន ដែលត្រូវការធ្វើការងារ នឹងមានការរួមតូច៕
ខេត្តកែប ៖ រដ្ឋមន្ត្រីក្រសួងទេសចរណ៍អះអាងថ្ងៃបើកឆាកដំបូងនៃពិធីបុណ្យសមុទ្រ ស្រូបបានភ្ញៀវ ទេសចរចូលរួមប្រមាណជា៥ម៉ឺននាក់។
មានភ្ញៀវជាតិ និងអន្តរជាតិ ប្រមាណជា៥ម៉ឺននាក់ បានមកទស្សនាកំសាន្ត ព្រឹត្តិ ការណ៍ បុណ្យសមុទ្រ ក្នុងថ្ងៃទី១ នៅខេត្តកែប ៥ម៉ឺននាក់។ នេះបើតាមការបញ្ជាក់របស់ លោក ថោង ខុន រដ្ឋមន្ត្រីក្រសួងទេសចរណ៍ក្នុងឱកាសចុះពិនិត្យ ការហាត់សមរបស់ ក្រុមសិល្បៈករ សិល្បៈការិនី ត្រៀមសម្តែងក្នុងពិធីបើកសម្ភោធជាផ្លូវនារាត្រីថ្ងៃទី២៣ខែធ្នូនេះ។ លោកមានប្រសាស ន៍ ថា ពិធីបុណ្យសមុទ្របានដំណើរដោយរលូន ប្រជាពលរដ្ឋមកលេងម្នាក់មានទឹកមុខ សប្បាយ រីករាយ ព្រោះមានទំនុកចិត្តខ្ពស់លើកម្លាំងការពារដែលបានដាក់ពង្រាយនៅតាមកន្លែងកំសាន្ត ។
លោក អះអាងថា នៅថ្ងៃ ទី២ដែលជាថ្ងៃពិធីបើកអាចនិងមានភ្ញៀវជាតិ និងអន្តរជាតិចូលមក លេងកម្សាន្តមានចំនួនច្រើនជាងថ្ងៃទី១ព្រោះមានសិល្បៈសម្តែងជូនទស្សនា ។
ក្នុងឱកាសពិធីបុណ្យសមុទ្រថ្ងៃដំបូងនេះ ប្រជាពលរដ្ឋដែលអញ្ជើមកទស្សនា បានសម្តែងនូវ អារម្មណ៍រំភើប បន្ទាប់ពីពួកគាត់បានឃើញនូវទិដ្ឋភាពដ៏ស្រសស្អាតនៃការរៀបចំ របស់រដ្ឋបាល ខេត្តកែប ដូចជាការតាំងភ្លើងពណ៌លម្អតាមឆ្នេរ តាមដងផ្លូវ និងសួនច្បារ ពិសេសការតាំងពិពរណ៍ ផលិតផលក្នុងស្រុក និងក្រៅស្រុកដ៏សម្បូរបែប។
ដោយឡែកលោក អុល សំបូរ ប្រធានមន្ទីរ ពាណិជ្ជកម្មខេត្តកំពង់ស្ពឺ បានលើកឡើងថា ពិធី បុណ្យសមុទ្រជុំទី២លើកទី៦នេះ ខេត្តកំពង់ស្ពឺបាននាំយកផលិតផលដែលមានសក្តានុពល របស់ ខេត្ត ក្នុងនោះមានដូចជា ផ្លែស្វាយកែវរមៀតនិងថ្នាំដុះធ្មេញ សាប៊ូកក់សក់ និងសាប៊ូដុះខ្លួន ដែល ធ្វើចេញពីផ្លែត្នោត ។
សូមជម្រាបថា ពិធីបុណ្យសមុទ្រលើកទី៦ និងប្រារព្វពិធីបើកជាផ្លូវការ ក្រោមអធិបតីភាពដ៏ ខ្ពង់ខ្ពស់ សម្តេចតេជោ ហ៊ុន សែន នាយកដ្ឋមន្ត្រីនៃព្រះរាជាណាច្រម្ពុជា នៅរាត្រី ថ្ងៃទី២៣ខែធ្នូឆ្នាំ២០១៧ និងមានផ្ទាំងទស្សនីយភាព សិល្បៈករសិល្បៈការិនី នៃក្រសួងវប្បធម៌ និង វិចិត្រសិល្បៈ និងក្រុមសិល្បៈករសិល្បៈការិនី អន្តរជាតិ ផងដែរ ៕
បន្ទាយមានជ័យ ៖ ពលករខ្មែរ២ត្រូវបានសកម្លាំងសមត្ថកិច្វថៃចាប់ខ្លួនបន្ទាប់ពីពួនសំងំ ជ្រៀកឈើក្រញូងកាលពីរសៀលថ្ងៃទី ២២ ខែធ្នូ ឆ្នាំ២០១៧ នៅចំណុចក្នុងចំការអំពៅមួយ កន្លែង ស្ថិតនៅជាយភូមិ២ ត្រង់ចំណុច ណូនស្ងារ ស្ថិតក្នុងឃុំសៃថង ស្រុកខ្លងហាតខេត្តស្រះកែវ ប្រទេស ថៃ ។
ពលរដ្ឋខ្មែរទាំង២នាក់ដែលសមត្ថកិច្ចថៃឃាត់ខ្លួននោះមានឈ្មោះ ប្រាក់យ៉ូន ហាមថង និងឈ្មោះ រិទ្ធិផុង សំរោងផល រីឯវត្ថុតាងឈើគ្រញូងដែលជ្រៀករួច ប្រមាណជិត២០០ដុំ ត្រូវបាន កំលាំង ជំនាញ និងតម្រួតថៃ ក្រសោបបាននៅក្នុងចំការអំពៅ ក្បែរខ្សែបន្ទាត់ព្រំដែនថៃ ជាប់ព្រំដែន កម្ពុជា ខណៈដែលឈើទាំងនេះត្រៀមបម្រុងនាំឆ្លងដែនចូលមកកម្ពុជា ។
យោងតាមរបាយការណ៍ពីប្រទេសថៃ បានបញ្ជាក់ថា កិច្ចប្រតិបត្តិការដែលធ្វើឡើងដោយ កំលាំងតម្រួត កំលាំងរដ្ឋបាលព្រៃឈើ និងទាហានឈុតខ្មៅលេខ១៣ បានប្រមូលផ្តុំគ្នា ធ្វើការ ឡោម ព័ទ្ធចំការអំពៅខាងលើនេះ បន្ទាប់ពីទទួលបាននូវព័ត៌មាន ស្តីពីការលបលួចកែច្នៃឈើ គ្រញូង ដើម្បីឆ្លងដែនចេញទៅក្រៅប្រទេស ដែលនៅទីនោះមានមុខសញ្ញាចំនួន៤ នាក់ ដែលកំពុង ធ្វើសកម្មភាពជ្រៀកដុំឈើគ្រញូង នេះ។ ប៉ុន្តែពេលកំលាំងបង្ហាញខ្លួន គឺពួកគេចំនួនពីរនាក់ បានរត់ គេចខ្លួនបាត់ ដោយឡែកពីរនាក់ទៀត ត្រូវបានឃាត់ខ្លួនដើម្បីសាកសួរ ។
នៅក្នុងប្រតិបត្តការនោះដែរ កំលាំងបានធ្វើការដកហូតនូវវត្ថុតាងមួយចំនួនដូចជា រណារយន្ត ចំនួន៣គ្រឿង ឈើគ្រញូងចំនួន១៩០ដុំ សម្ភារៈសម្រាប់ជ្រៀកមួយចំនួន ព្រមទាំងថ្នាំញៀនប្រភេទ យ៉ាម៉ាចំនួន១២គ្រាប់/ ម៉ូតូម៉ាកយ៉ាម៉ាហា ចំនួន ១គ្រឿងផងដែរ ។បច្ចុប្បន្នវត្ថុតាង និងពលករ២ នាក់ ត្រូវបានកំលាំងសមត្ថកិច្ចជំនាញ នាំយកទៅកាន់ខេត្តស្រះកែវ ដើម្បីសាកសួរបន្ត បន្ទាប់ពីពួក គេបានសារភាពថា ឈើទាំងនេះគឺជ្រៀកជាដុំៗ ដើម្បីនាំចេញឆ្លងដែនចូលមកកម្ពុជា៕
ខេត្តកែប ៖ ក្រសួងមហាផ្ទៃ បានដាក់ចេញលេខទូរស័ព្ទចំនួន៦ខ្សែ ដើម្បីឱ្យប្រជាពលរដ្ឋអាចរាយការណ៍រាយការណ៍ ឬសុំអន្តរាគមន៍បន្ទាន់ក្នុងករណីមានគ្រោះថ្នាក់ផ្សេងៗ ឬមានមុខសញ្ញាដូចជាចោរលួច ឆក់ ដាក់ថ្នាំសណ្តំ ឬករណីផ្សេងៗទៀត ដែលអាចកើតមានឡើង ក្នុងពិធីបុណ្យសមុទ្រនាខេត្តកែប ថ្ងៃទី២៣-២៤-២៥ ខែធ្នូ ឆ្នាំ២០១៦។
លេខទូរស័ព្ទទាំង៦ ខ្សែមាន ៖ ១១៧, ៧៤០, ៧៤១, ៧៤២, ៧៤៣ និង៧៤៤ ។
គណៈកម្មាធិការជាតិរៀបចំការបោះឆ្នោត កាលពីថ្ងៃទី២២ ខែធ្នូ ឆ្នាំ២០១៧ បានចេញសេចក្តិប្រកាសជាផ្លូវការ ទទួលស្គាល់គណបក្សចំនួន៤ ដែលបានចុះបញ្ជីឈ្មោះគណបក្សនយោបាយ និងបញ្ជីបេក្ខជនឈរឈ្មោះបោះឆ្នោតព្រឹទ្ធសភា នីតិកាលទី៤ ឆ្នាំ២០១៨។
គណបក្សដែលបានចុះឈ្មោះរួមមាន ៖
១ . គណបក្សប្រជាជនកម្ពុជា ឈរឈ្មោះ ៤ ភូមិភាគ បេក្ខជនសរុបចំនួន ១១៦រូប
២ . គណបក្សយុជនកម្ពុជា ឈរឈ្មោះ ៣ ភូមិភាគ បេក្ខជនសរុបចំនួន ៣៨រូប
២ . គណបក្សខ្មែររួបរួមជាតិ ឈរឈ្មោះ ៧ ភូមិភាគ បេក្ខជនសរុបចំនួន ១០២រូប
២ . គណបក្សហ្វុនស៊ិនប៉ិច ឈរឈ្មោះ ៨ ភូមិភាគ បេក្ខជនសរុបចំនួន ១១៦រូប
សូមអានព័ត៌មានពិស្តារដូចខាងក្រោម ៖
្នំពេញ ៖ គណៈកម្មាធិការរៀបចំការបោះឆ្នោត ហៅកាត់ថា គ ជ ប បានសម្រេចតែងតាំងលោក ហង្ស ពុទ្ធា សមាជិកគណៈកម្មាធិការរៀបចំការបោះឆ្នោត និងលោក ឌឹម សុវណ្ណារុំ ដែលទើបក្លាយជា សមាជិកនៃស្ថាប័នឯករាជ្យមួយនេះ ធ្វើជាអ្នកនាំពាក្យ ដែល គ ជ ប នឹង មានអ្នកនាំពាក្យចំនួន ២រូប ជាផ្លូវការ។
ក្នុងសេចក្តីសម្រេចតែងតាំងរបស់ គ ជ ប ដែលធ្វើឡើងនៅថ្ងៃទី២២ ខែធ្នូ ឆ្នាំ២០១៧ កន្លងទៅនេះ បានឲ្យដឹងថា គ ជ ប សម្រេចតែងតាំងអ្នកនាំពាក្យចំនួនពីររូប ដែលត្រូវបានជ្រើស រើសពីមន្ត្រីជាសមាជិក គ ជ ប គឺ លោក ហង្ស ពុទ្ធា សមាជិកគណៈកម្មាធិការរៀបចំការបោះឆ្នោត និងលោក ឌឹម សុវណ្ណារុំ សមាជិក គណៈកម្មាធិការរៀបចំការបោះឆ្នោតដែលទើបចូលជា សមាជិក ថ្មី របស់ គ ជ ប ៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
