រាជធានីភ្នំពេញ ៖ អត់មានការពន្យារពេលនោះឡើយនៅវេលាម៉ោង៨ និង៤០នាទីព្រឹកថ្ងៃទី១៦ ខែវិច្ឆិកា ឆ្នាំ២០១៧នេះ តុលាការកំពូលបានដំណើរការបើកសវនាការជាសាធារណៈលើបណ្តឹង រំលាយបក្សសង្គ្រោះជាតិ ខណៈដែលសវនាការនោះស្ថិតក្រោមវត្តមានចៅក្រម៩រូប និងតំណាងមហាអយ្យការមួយរូប ក្រឡាបញ្ជីមួយរូប ។ ជាមួយនោះមេធាវីដើមបណ្តឹងចំនួន៤រូបក៏បានចូលរួមក្នុងសវនាការនេះផងដែរ ។
បើទោះជាក្នុងសវនាការមិនអនុញ្ញាតឲ្យមានការថតរូបភាព និងសំឡេង ប៉ុន្តែមន្ត្រីតុលាការបានថ្លែងឲ្យដឹងថា ដំណើរការជំនុំជម្រះ អាចនឹងប្រើរយៈពេលច្រើន អាចពេញមួយថ្ងៃ ដើម្បីពិនិត្យភស្តុតាងជាច្រើននៅក្នុងសំណុំរឿង។
ដូច្នេះគេអាចនឹងមើលឃើញថា មន្ត្រីតុលាការកំពូលដែល ស្ថិតក្នុងសវនាការគឺជាអ្នកសម្រេចជោគវាសនារបស់គណបក្សសង្គ្រោះជាតិ៕
អឺរ៉ុប ៖ កាលពីថ្ងៃពុធម្សិលមិញសហភាពអឺរ៉ុបបានអំពាវនាវឲ្យមានកិច្ចចរចានៅប្រទេសស៊ីមបាវ៉េ និងអំពាវនាវសុំឲ្យមានដំណោះស្រាយសន្តិភាពចំពោះវិបត្តិដែលបានកើតឡើងទាំងយប់នៅពេលយោធាបានច្បាមយកអំណាច។
មន្ត្រីយោធានៅប្រទេសស៊ីមបាវ៉េបានដណ្ដើមអំណាចកាលពីព្រឹកថ្ងៃពុធដោយនិយាយថា ខ្លួនកំពុងសំដៅកម្ចាត់ក្រុមឧក្រិដ្ឋជននៅជុំវិញប្រធានាធិបតីប្រទេសនេះគឺលោក រ៉ូប៊ឺត មូហ្គាបេ ជាមេដឹកតែមួយគត់ដែលប្រជាពលរដ្ឋនៅប្រទេសនេះបានស្គាល់តាំងពីបានឯករាជរយៈពេល៣៧ឆ្នាំមកនេះ។
មន្ត្រីនាំពាក្យគណៈកម្មការអឺរ៉ុបបាននិយាយប្រាប់ក្រុមអ្នកកាសែតថា មន្ត្រីប្រតិបត្តិនៅសហភាពអឺរ៉ុបមានកង្វល់ពីការវិវឌ្ឍថ្មីៗនេះនៅប្រទេសស៊ីមបាវ៉េ និងបានអំពាវនាវឲ្យគ្រប់តួអង្គពាក់ព័ន្ធទាំងអស់ជួបជជែកពិភាក្សាគ្នាដោយសន្តិភាព៕
រាជធានីភ្នំពេញ ៖ តុលាការកំពូល នៅវេលាម៉ោង៨ព្រឹកថ្ងៃទី១៦ ខែវិច្ឆិកា ឆ្នាំ២០១៧នេះនឹងបើកសវនាការជាសាធារណៈលើបណ្តឹង «រំលាយបក្សសង្គ្រោះជាតិ» ដោយមានចៅក្រម៩រូប និងតំណាងមហាអយ្យការមួយរូប ក្រឡាបញ្ជីមួយរូប និងមានមេធាវីដើមបណ្តឹងមាន៤រូប។ នៅក្នុងអង្គសវនាការ គឺមិនអនុញ្ញាតឲ្យថតសំឡេង និងថតរូបភាពទេ។
ចំណែកថ្នាក់ដឹកនាំគណបក្សសង្គ្រោះជាតិចំនួន១១៨រូប ក៏ក្រុមមេធាវីជឿជាក់ថា នឹងត្រូវតុលាការកំពូលផ្អាកសកម្មភាពនយោបាយ៥ឆ្នាំផងដែរ ស្របតាមច្បាប់ស្តីពីគណបក្សនយោបាយ។
សូមបញ្ជាក់ថា នៅរសៀលថ្ងៃទី១៥ ខែវិច្ឆិកា ឆ្នាំ២០១៧ម្សិលមិញនេះ ក្រុមមេធាវីតំណាងក្រសួងមហាផ្ទៃ បានដាក់បញ្ជីឈ្មោះថ្នាក់ដឹកនាំ គណបក្សសង្គ្រោះជាតិមួយរូបទៀត ជូនតុលាការកំពូល ដោយស្នើឱ្យផ្អាកសកម្មភាពនយោបាយរយៈពេល៥ឆ្នាំ ដែលពេលនេះបញ្ជីឈ្មោះថ្នាក់ដឹកនាំរបស់បក្សសង្គ្រោះជាតិ បានកើនដល់១១៨រូបហើយ៕
ភ្នំពេញ ៖ ស្ត្រីម្នាក់រងការវាយប្រហារដោយជនដៃដល់ប្រើទឹកអាស៊ីតជះស្រោចលើផ្ទៃមុខនិងដងខ្លួនបណ្តាលអោយរងរបួសធ្ងន់ ហេតុនេះបានកើតឡើងកាលពីវេលាម៉ោង១រសៀលថ្ងៃទី១៤ ខែវិច្ឆិកា ឆ្នាំ២០១៧ ស្ថិតនៅចំមុខផ្ទះជនរងគ្រោះតែម្តង នៅផ្លូវបេតុងភូមិថ្មី សង្កាត់ស្ទឹងមានជ័យ ខណ្ឌមានជ័យ
ប្រភពព័ត័ពីសាក្សីនៅកន្លែងកើតហេតុបានអោយដឹងថា មុនពេលកើតហេតុគេឃើញជនរងគ្រោះជីះម៉ូតូចេញពីផ្ទះហើយក៏បានឈប់ចតមុខផ្ទះស្រាប់តែជនដៃដល់បានធ្វើសកម្មភាពយកដបដាក់ទឹកអាស៊ីតជះស្រោចជនរងគ្រោះបណ្តាលអោយរលេះរលួយពេញផ្ទៃមុខនិងដងខ្លួនហើយត្រូវបានសាច់ញាតិបញ្ជូនទៅសង្គ្រោះបន្ទាន់នៅមន្ទីរពេទ្យព្រះកុសមៈ។
សមត្ថកិច្ចបានអោយដឹងថា ជនរងគ្រោះខាងលើមានឈ្មោះ ឌឿន សុខណារ៉ា ភេទស្រី អាយុ៤៧ឆ្នាំ មុខរបរបុគ្គលិកក្រុមហ៊ុនឯកជនស្នាក់នៅចំណុចកើតហេតុខាងលើ។ ចំណែកជនសង្ស័យមានឈ្មោះខៀវ វិសិដ្ឋ ហៅថៃយ៉ា ភេទប្រុស អាយុ៤៩ឆ្នាំ មុខរបរមិនពិតប្រាកដស្នាក់នៅផ្ទះលេខ១១០ផ្លូវបេតុងភូមិថ្មី សង្កាត់ស្ទឹងមានជ័យ១ ខណ្ឌមានជ័យបន្ទាប់ពីធ្វើសកម្មភាពជះទឹកអាស៊ីតហើយជនសង្ស័យខាងលើបានគេចខ្លួនបាត់ដោយសុវត្ថិភាព។
បើយោងតាមសម្តីកូនស្រីរបស់ស្ត្រូរងគ្រោះបានអោយដឹងថា មូលហេតុដែលឈានដល់ការជះទឹកអាស៊ីដនេះដោយសារជនសង្ស័យសុំស្នេហ៍ជនរងគ្រោះមិនបាន ហើយសមត្ថកិច្ចកំពុងតែស្រាវជ្រាវរកជនសង្ស័យមកផ្តន្ទាទោសតាមផ្លូវច្បាប់៕
រាជធានីភ្នំពេញ ៖ អគ្គិសនីកម្ពុជានឹងផ្អាកផ្គត់ផ្គង់ចរន្ដអគ្គិសនី ចំនួន៣ថ្ងៃ ចាប់ពីថ្ងៃទី១៦ ដល់ថ្ងៃទី១៩ ខែវិច្ឆិកា ឆ្នាំ២០១៧ នៅតាមតំបន់មួយចំនួន ក្នុងរាជធានីភ្នំពេញ និងខេត្តកណ្ដាល ដោយមូលហេតុ ជួសជុល ផ្លាស់ប្ដូរ ដំឡើងបរិក្ខារ និងរុះរើគន្លងខ្សែបណ្ដាញ៕ សម្រាប់ព័ត៌មានលម្អិត សូមអានសេចក្ដីជូនដំណឹង របស់អគ្គិសនីកម្ពុជាទាំងស្រុង៖
ស្ស៊ីមបាវ៉េ ៖ នៅក្នុងសេចក្តីថ្លែងការណ៍មួយដែលផ្សាយនៅលើគេហទំព័ររបស់ខ្លួននៅថ្ងៃពុធនេះ ស្ថានទូតអាមេរិកប្រចាំក្នុងប្រទេសស៊ីមបាវ៉េបានណែនាំបុគ្គលិកទាំងអស់កុំឲ្យចាកចេញពីផ្ទះ ខណៈដែល មានការប៉ាន់ស្មានថា នឹងមានការធ្វើរដ្ឋប្រហារនៅក្នុងប្រទេសអាហ្វ្រិកខាងត្បូងមួយនេះ។
នៅក្នុងសេចក្តីថ្លែងការណ៍នោះបាននិយាយថា ពលរដ្ឋអាមេរិកទាំងអស់នៅក្នុងប្រទេសស៊ីមបាវ៉េត្រូវបានណែនាំឲ្យស្នាក់នៅក្នុងផ្ទះរហូតដល់មានការជូនដំណឹងលម្អិតបន្ថែម ហើយបានបន្ថែមថា ស្ថានទូតអាមេរិកនៅក្នុងប្រទេសនេះក៏នឹងត្រូវបិទទ្វារផងដែរនៅថ្ងៃពុធនេះ។
ការជូនដំណឹងនេះត្រូវបានធ្វើឡើងបន្ទាប់ពីក្រុមទាហានត្រូវបានដាក់ពង្រាយនៅទូទាំងរដ្ឋធានីហារ៉ារ៉េ (Harare) ប្រទេសស៊ីមបាវ៉េ និងមានការរឹបអូសប្រព័ន្ធផ្សព្វផ្សាយរដ្ឋនៅថ្ងៃពុធនេះបន្ទាប់ពីគណបក្សកាន់អំណាចរបស់ប្រធានាធិបតីស៊ីមបាវ៉េលោក រ៉ូបឺត មូហ្គាបេ (Robert Mugabe) បានចោទប្រកាន់មេបញ្ជាការយោធាម្នាក់ពីបទក្បត់ជាតិ។
គួរបញ្ជាក់ថា នេះគឺជាលើកដំបូងដែលប្រទេសអាហ្វ្រិកខាងត្បូងមួយនេះកំពុងមើលឃើញនូវការបែកបាក់ជាចំហរវាងយោធា និងលោក មូហ្គាបេ (Mugabe) ដែលជាមេដឹកនាំរដ្ឋវ័យចំណាស់គេនៅលើពិភពលោកដែលបានកាន់អំណាចចាប់តាំងពីទទួលបានឯករាជ្យពីក្រុមជនជាតិភាគតិចស្បែកសនៅក្នុងឆ្នាំ១៩៨០៕
ហ្ស៊ីមបាវេ ៖ តាមសារព័ត៌មាន Telegraph របស់អង់គ្លេសចេញផ្សាយនាព្រឹកនេះថា កងកម្លាំងយោធា ជាមួយនឹងកងកម្លាំងការពារជាតិហ្ស៊ីមបាវេ (ZDF) បានប្រកាសអំពីការធ្វើរដ្ឋប្រហារយោធា នៅពេលទៀបភ្លឺឈានចូលថ្ងៃពុធ ទី១៥ ខែវិច្ឆិកា នេះដែលគេជឿជាក់ថា ជាចេតនាទម្លាក់មេដឹកនាំកាន់អំណាចយូរបំផុតនៅអាហ្វ្រិក លោក Robert Mugabe ចេញពីអំណាច។
សារព័ត៌មានដដែលរាយការណ៍ថា កងកម្លាំងយោធាជាមួយនឹងកងកម្លាំងការពារជាតិហ្ស៊ីមបាវេ (ZDF) បានធ្វើការគ្រប់គ្រងរាល់បណ្តាញសារព័ត៌មានទាំងអស់ក្នុងស្រុក។ ប៉ុន្តែខាងយោធាដែលស្មោះស្ម័គ្រនឹងមេដឹកនាំវ័យ៩៣ឆ្នាំរូបនេះ បានចេញមុខអះអាងតបវិញថា វាគ្រាន់តែជាពាក្យចចាមអារ៉ាមប៉ុណ្ណោះ ហើយមេដឹកនាំរបស់ពួកគេ គឺនៅតែកាន់អំណាច និងមានសុវត្ថិភាពដដែល។
គួរបញ្ជាក់ថា នេះគឺជាលើកដំបូងដែលប្រទេសអាហ្វ្រិកខាងត្បូងមួយនេះកំពុងមើលឃើញនូវការបែកបាក់ជាចំហរវាងយោធា និងលោក មូហ្គាបេ (Mugabe) ដែលជាមេដឹកនាំរដ្ឋវ័យចំណាស់គេនៅលើពិភពលោកដែលបានកាន់អំណាចចាប់តាំងពីទទួលបានឯករាជ្យពីក្រុមជនជាតិភាគតិចស្បែកសនៅក្នុងឆ្នាំ១៩៨០៕
ខេត្តសៀមរាប ៖ សមត្ថកិច្ចបានឲ្យដឹងថា បុរសជនជាតិព័រទុយកាល់ម្នាក់បានលង់ទឹកស្លាប់ ខណៈទៅលេងកម្សាន្តនៅចំណុចទឹកធ្លាក់ព្រះអង្គធំ (ភ្នំគូលែន) ស្ថិតនៅភូមិអន្លង់ធំ ឃុំខ្នងភ្នំ ស្រុកស្វាយលើ ខេត្តសៀមរាប កាលពីរសៀលថ្ងៃទី១៤ ខែវិច្ឆិកា ឆ្នាំ២០១៧។
សមត្ថកិច្ចបានបញ្ជាក់ថា ជនរងគ្រោះឈ្មោះ luis filip Da silva teixeira ភេទប្រុស អាយុ៥៤ឆ្នាំ ជាភ្ញៀវទេសចរជនជាតិព័រទុយកាល់ ស្នាក់នៅសណ្ឋាគារឡូទុសប្លង្គ រីសត ភូមិគ្រួស សង្កាត់ស្វាងដង្គុំ ក្រុងសៀមរាប ខេត្តសៀមរាប៕
រាជធានីភ្នំពេញ ៖ កម្លាំងសមត្ថកិច្ចបានធ្វើការឃាត់ខ្លួន បុគ្គលិកវិទ្យុអាស៊ីសេរីម្នាក់ គឺលោក អ៊ួន ឈិន ហើយបានបញ្ជូនភ្លាមៗ ទៅកាន់ស្នងការដ្ឋាននគរបាលរាជធានីភ្នំពេញ ដើម្បីធ្វើការសាកសួរ ។
សមត្ថកិច្ចបានឃាត់ខ្លួនបុគ្គលិកវិទ្យុអាស៊ីសេរី លោក អ៊ួន ឈិន នៅចំណុចបន្ទប់E04 ជាន់ទី៧ នៃសណ្ឋាគារម៉ារឌី នៅស្ពានអាកាសស្ទឹងមានជ័យ ស្ថិតក្នុងសង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ កាលពីវេលាម៉ោង៦ និង៣០នាទី នាថ្ងៃទី១៤ ខែវិច្ឆិកា ឆ្នាំ២០១៧នេះ ក្រោមបទសង្ស័យដំឡើងប្រព័ន្ធផ្សព្វផ្សាយដោយខុសច្បាប់។
មន្ត្រីនគរបាលបញ្ជាក់ថា ការឃាត់ខ្លួនបុគ្គលិកវិទ្យុអាស៊ីសេរី រូបនេះ ធ្វើឡើងដោយកម្លាំងសមត្ថកិច្ចចម្រុះ ក្រោមការសម្របសម្រួលពីព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ៕
តេហេរ៉ង់ ៖ មកទល់នឹងពេលនេះចំនួនមនុស្សស្លាប់បានកើនដល់៥៤០នាក់ហើយ ខណៈមនុស្សជាង ៨,០០០នាក់ទៀតរងរបួសក្នុងករណីគ្រោះរញ្ជួយដីកម្រិត ៧.៣រ៉ិចទ័រ ដ៏កក្រើកមួយបានវាយប្រហារចំតំបន់ព្រំដែនរវាងអ៊ីរ៉ាក់ និងអ៊ីរ៉ង់។ នេះបើតាមការចេញផ្សាយដោយសារព័ត៌មាន BBC ។
យោងតាមប្រព័ន្ធផ្សព្វផ្សាយក្នុងប្រទេសអ៊ីរ៉ង់បានបញ្ជាក់ថា ចំណុចរំញ័រនៃហេតុការណ៍រញ្ជួយផែនដីខាងលើ បានកើតឡើងកាលពីថ្ងៃអាទិត្យ នៅចម្ងាយប្រមាណ១០៣គីឡូម៉ែត្រ ភាគអាគ្នេយ៍ ទីក្រុង Sulaymaniyah នៃប្រទេសអ៊ីរ៉ាក់ និងជះឥទ្ធិពលយ៉ាងកក្រើកដល់ខេត្តចំនួន១៤ ឯណោះរបស់អ៊ីរ៉ង់ ដែលនៅជាប់ព្រំដែនជាមួយអ៊ីរ៉ាក់។
បើតាមអាជ្ញាធរអ៊ីរ៉ង់បានបញ្ជាក់ឲ្យដឹងថា សម្រាប់មនុស្សស្លាប់ និងរបួសទាំងជាង ៨,០០០នាក់ខាងលើនេះ ភាគច្រើនបំផុត ស្ថិតនៅក្នុងប្រទេសអ៊ីរ៉ង់តែម្តង។ ដោយឡែកក្រៅពីមនុស្សបាត់បង់ជីវិត អគារនិងផ្ទះច្រើនជាង ១២,០០០ខ្នង ក៏បានទទួលរងការបំផ្លិចបំផ្លាញក៏ដូចជាដួលរលំផងដែរ រីឯប្រជាជន ៧០,០០០នាក់ កំពុងត្រូវការជំនួយ និងតង់ស្នាក់នៅបណ្ដោះអាសន្នជាបន្ទាន់។
សូមបញ្ជាក់ថា គ្រោះរញ្ជួយដីខាងលើគឺបានសម្លាប់មនុស្សច្រើនជាងគេបំផុតក្នុងឆ្នាំ២០១៧នេះ បន្ទាប់ពីគ្រោះរញ្ជួយដីនៅម៉ិចស៊ីកូ ផ្ដាច់យកអាយុជីវិតមនុស្ស៣៦៩នាក់ កាលពីខែកញ្ញា៕
ខេត្តសៀមរាប ៖ តាមសេចក្តីរាយការណ៍បានឲ្យដឹងថា នៅព្រឹកថ្ងៃទី១៥ ខែវិច្ឆិកា ឆ្នាំ២០១៧នេះមានករណីគ្រោះថ្នាក់ចរាចរណ៍ ដោយរថយន្តក្រុងដឹកអ្នកដំណើរ មានទាំងភ្ញៀវជាតិ និងបរទេស បុកជាមួយរថយន្តដឹកដី នៅលើផ្លូវជាតិលេខ៦ ក្នុងស្រុកប្រាសាទបាគង ខេត្តសៀមរាប បណ្តាលឲ្យស្លាប់២នាក់ និងមានអ្នករងរបួសមួយចំនួនទៀត។ នេះបើតាមព័ត៌មានបឋមពីសមត្ថកិច្ច។
ប្រភពដដែលបន្តថា បន្ទាប់ពីបុកហើយគេរថយន្តក្រុង ត្រូវបានធ្លាក់ចូលទឹកប្រឡាយ ចំណែករថយន្តដឹកដីខូចខាតយ៉ាងដំណំ៕
ខេត្តបន្ទាយមានជ័យ ៖ ពលករខ្មែរម្នាក់បានស្លាប់នៅមន្ទីរពេទ្យក្នុងខេត្តឆាក់ឆឺនសៅ ប្រទេសថៃ ក្រោយឧប្បត្តិហេតុគ្រោះថ្នាក់ចរាចរ រថយន្តថៃកៀរម៉ូតូ ហើយត្រូវបានគេបញ្ជូនសពប្រគល់ឲ្យសាច់ញាតិតាមច្រកទ្វារអន្តរជាតិប៉ោយប៉ែត កាលពីម៉ោងជាង០៥ល្ងាច ថ្ងៃទី១៣ ខែវិច្ឆិកា ឆ្នាំ២០១៧។
ជនរងគ្រោះឈ្មោះ ស ចន្ថា អាយុ៣៤ឆ្នាំ ភេទស្រី ជាកម្មកររោងចក្រ នៅក្នុងខេត្តកើតហេតុខាងលើ និងមានទីលំនៅភូមិស្ទឹងចាស់ ឃុំគយម៉ែង ស្រុកមង្គលបូរី ខេត្តបន្ទាយមានជ័យ។
តាមសាច់ញាតិប្រាប់ថា ជនរងគ្រោះជួបឧប្បត្តិហេតុជិះម៉ូតូត្រូវរថយន្តថៃកៀរដួលរបួសធ្ងន់ ហើយបញ្ជូនទៅព្យាបាលនៅមន្ទីរពេទ្យក្នុងខេត្តកើតហេតុ តាំងពីព្រឹកថ្ងៃទី០៦ ឆ្នាំវិច្ឆិកា ឆ្នាំ២០១៧ ទើបស្លាប់នៅម៉ោងជាង០៤ទៀបភ្លឺព្រឹក ថ្ងៃទី១៣ ខែឆ្នាំដដែល ។ តាមសាច់បញ្ជាក់ថា ជនរងគ្រោះជាមនុស្សកំព្រាទៅរស់នៅប្រទេសថៃតាំងពីក្មេង ។ សពត្រូវបានសាច់ញាតិដឹកតាមរថយន្តផ្ទាល់ខ្លួនទៅលំនៅដ្ឋាន ដើម្បីធ្វើបុណ្យតាមប្រពៃណី ៕
អូស្ត្រាលី ៖ ក្រុមអ្នកគាំទ្រឲ្យមានមង្គលការសម្រាប់មនុស្សស្រឡាញ់ភេទដូចគ្នាបានប្រមូលផ្ដុំគ្នាក្នុងទឹកចិត្តរីករាយនៅទីក្រុងស៊ីដនី ប្រទេសអូស្ត្រាលីបន្ទាប់ពីប្រជាជនអូស្ត្រាលីបានបោះឆ្នោតគាំទ្រឲ្យដាក់អាពាហ៍ពិពាហ៍ស្រលាញ់ភេទដូចគ្នាស្របច្បាប់នៅក្នុងការបោះឆ្នោតស្ទង់មតិតាមប្រៃសណីយ៍។
ការិយាល័យស្ថិតិប្រទេសអូស្ត្រាលីបាននិយាយថា ការបោះឆ្នោតស្ទង់មតិរយៈពេល២ខែដ៏ចំឡែកនេះបានបង្ហាញថា ចំនួន៦២ភាគក្នុងចំណោមយុវជនដែលបានចុះឈ្មោះបោះឆ្នោតនេះបានបោះឆ្នោតគាំទ្រឲ្យមានអាពាហ៍ពិពាហ៍ស្រឡាញ់ភេទដូចគ្នា។
ជាមួយគ្នានោះរដ្ឋាភិបាលប្រទេសអូស្ត្រាលីបានសន្យាថា នឹងជំរុញឲ្យរដ្ឋសភាជាតិពិចារណាលើសេចក្ដីស្នើច្បាប់នេះដើម្បីបង្កើតសមភាពអាពាហ៍ពិពាហ៍នៅប្រទេសនេះនៅក្នុងសម័យប្រជុំរយៈពេល២សប្ដាហ៍ចុងក្រោយរបស់សភាជាតិដែលគ្រោងនឹងបិទបញ្ចប់នៅថ្ងៃទី៧ខែធ្នូខាងមុខនេះ។
បើទោះជាច្បាប់សម្រាប់អាពាហ៍ពិពាហ៍ស្រឡាញ់ភេទដូចគ្នាហាក់ដូចជាមានពន្លឺនៅប្រទេសអូស្ត្រាលីនៅត្រឹមរង្វង់ពិធីបុណ្យណូអែលក៏ពិតមែន ប៉ុន្តែក៏នៅមានសមាជិកសភាមួយចំនួនបានប្ដេជ្ញាចិត្តថានឹងបោះឆ្នោតជំទាស់នឹងសេចក្ដីស្នើច្បាប់នេះដោយមិនខ្វល់ពីលទ្ធផលបោះឆ្នោតស្ទង់មតិនេះឡើយ៕
អាមេរិក ៖ មនុស្សយ៉ាងតិច៥នាក់បានស្លាប់រួមទាំងខ្មាន់កាំភ្លើងសង្ស័យម្នាក់ដែរក្រោយពីមានការបាញ់ប្រហារជាបន្តបន្ទាប់នៅទីតាំងមួយចំនួននៅតំបន់ជនបទមួយនៅរដ្ឋកាលីហ្វ័រញ៉ាសហរដ្ឋអាមេរិក។
លោក ភីល ចនស្តន់ មន្ត្រីប៉ូលិសមូលដ្ឋានបាននិយាយថា ទីតាំងមួយក្នុងចំណោមទីតាំងទាំងនោះគឺមានសាលាបឋមសិក្សាមួយផងដែរ ហើយមានកូនសិស្សយ៉ាងហោចណាស់ចំនួន២នាក់បានរងនូវការបាញ់ប្រហារនេះ។
លោក ចនស្តន់ បាននិយាយថា ជនសង្ស័យដែលត្រូវបានសម្លាប់នោះ “បានជ្រើសរើសគោលដៅដោយចៃដន្យ” ហើយត្រូវបានគេរាយការណ៍ថា នៅមុនពេលធ្វើការបាញ់ប្រហារនេះគឺជនសង្ស័យបានមានជម្លោះហិង្សាក្នុងគ្រួសាររួចទៅហើយ។
មន្ត្រីប៉ូលិសបានបញ្ជាក់ថា ការបាញ់ប្រហារនេះក៏បានធ្វើឲ្យកូនក្មេងនិងក្មេងជំទង់យ៉ាងហោចណាស់១០នាក់រងរបួសផងដែរ៕
ភ្នំពេញ ៖ ក្រុមមេធាវីតំណាងក្រសួងមហាផ្ទៃ បានដាក់ភស្តុតាង និងឯកសារសំខាន់ៗ៣បន្ថែមទៀតទៅកាន់តុលាការកំពូល ពាក់ព័ន្ធសំណុំរឿងប្តឹងសុំរំលាយគណបក្សសង្គ្រោះជាតិ។ នេះបើតាមលោកមេធាវី គី តិច អះអាងថាភស្តុតាងដែល ក្រុមមេធាវីបានដាក់គឺច្បាស់លាស់ ហើយសង្ឃឹមថាឈ្នះក្តី១០០ភាគរយ។
ឯកសារសំខាន់ៗចំនួន៣ដែលក្រុមមេធាវីតំណាងក្រសួងមហាផ្ទៃលោក គី តិច បានដាក់ទៅតុលាការកំពូលនៅរសៀលថ្ងៃចន្ទ័ទី១៣ ខែវិច្ឆិកានេះរួមមានទី១សេចក្តីថ្លែងការណ៍របស់មេធាវីដែលមានកម្រាស់៦២ទំព័រ ទី២. ឯកសារបញ្ជីរ ឈ្មោះថ្នាក់ដឹកនាំរបស់គណបក្សសង្គ្រោះជាតិចំនួន១១៧រូបដែលខ្លឹមសារធ្វើការ ស្នើសុំផ្អាកសកម្មភាពនយោបាយចំនួន៥ឆ្នាំស្របតាមច្បាប់ស្តីពីបក្សនយោបាយ ត្រង់មាត្រាទី៤៥ថ្មី។ និងទី៣មេធាវីបានដាក់បន្ថែមភស្តុតាង៤កញ្ចប់ទៀត សរុប ចំនួន២៦កញ្ចប់។ លោក គី តិច បញ្ជាក់ថា ភស្តុតាងទាំងនោះមានជាវីដេអូរូប ភាព ជាសំលេង និងជាលាយលក្ខ័អក្សរដែលក្រុមមេធាវីទទួលបានពីក្រសួង មហាផ្ទៃជាដើមបណ្តឹង។ ភស្តុតាងទាំងនោះមានភាពរឹងមាំ ច្បាស់លាស់ ដូច្នោះ ក្រុមមេធាវីអាចវាយតម្លៃថា ខ្លួននឹងឈ្នះក្តី១០០ភាគរយ ពោលមានន័យថា គណបក្សសង្គ្រោះជាតិនឹងត្រូវរំលាយស្របទៅតាមច្បាប់ស្តីពីគណបក្សនយោ បាយ។
តុលាការកំពូល កាលពីថ្ងៃទី០៩ តុលា បានបង្គាប់ឲ្យប្រធានគណបក្សសង្គ្រោះជាតិលោក កឹម សុខា ដែលកំពុងជាប់ពន្ធនាគារពីបទ “ក្បត់ជាតិ” ដាក់ឯកសារត្រៀមឆ្លើយតបទៅនឹងពាក្យបណ្តឹងសុំរំលាយគណបក្សសង្គ្រោះជាតិ ចុះថ្ងៃទី ០៦ តុលា ឆ្នាំ២០១៧ របស់ក្រសួងមហាផ្ទៃ ក្នុងរយៈពេល២០ថ្ងៃ។ ហើយនៅថ្ងៃអាទិត្យ ទី២៩តុលាចុងសប្តាហ៍នេះ គឺជាថ្ងៃចុងក្រោយនៃឱសានវាទនេះ។ លោក ម៉ៅ មុនីវណ្ណ បានបញ្ជាក់ជំហរថា គណបក្សសង្គ្រោះជាតិមិនបានឲ្យតម្លៃទៅលើបណ្តឹងរបស់ក្រសួងមហាផ្ទៃនោះទេ ហើយមិនត្រឹមតែប៉ុណ្ណោះ គណបក្ស ក៏មិនបានពឹងពាក់មេធាវីដើម្បីការពារក្តីនោះដែរ ដោយទុកឲ្យសំណុំរឿងនេះទៅតាមដំណើរការរបស់វាទៅចុះ។
លោក គី តិច បានចាត់ទុកថាការមិនដាក់មេធាវី និងឯកសារតតាំងគ្នាមកតុលាការកំពូលនាពេលថាគណបក្សសង្គ្រោះជាតិមិនបានធ្វើអ្វីឲ្យត្រូវនឹងច្បាប់ទាល់ តែសោះ។ លោកចង់ឲ្យមានវត្តមានមេធាវី របស់គណបក្សសង្គ្រោះជាតិមកត ទល់គ្នានៅតុលាការ។
គួរបញ្ជាក់ថា ក្រុមមេធាវីតំណាងក្រសួងមហាផ្ទៃដឹកនាំដោយលោក គី តិចបាន ដាក់ពាក្យបណ្តឹងទៅតុលាការកំពូលកាលពីថ្ងៃ ទី០៦ តុលាកន្លងទៅដោយនៅក្នុងពាក្យបណ្តឹងរបស់ក្រសួងមហាផ្ទៃដែលបានដាក់នៅតុលាការកំពូល គឺមានកម្មវត្ថុប្តឹងរំលាយគណបក្សសង្គ្រោះជាតិ ស្របតាមច្បាប់ស្តីពីគណបក្សនយោបាយ នៃព្រះរាជាណាចក្រកម្ពុជា និងស្នើឲ្យតុលាការផ្អាកសិទ្ធិនយោបាយរបស់ថ្នាក់ ដឹកនាំគណបក្សសង្គ្រោះជាតិចំនួន៥ឆ្នាំ ចំនួន១១៧នាក់ផងដែរ។ តុលាការកំ ពូលនឹងបើកសវនាការលើបណ្តឹងមួយនេះនៅថ្ងៃទី១៦ ខែវិច្ឆិកាខាងមុខនេះ៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
