ភ្នំពេញ ៖ យុវជនពីរនាក់ជិះម៉ូតូវាជែងចូលក្រោមរថយន្តគិនស្លាប់ទាំងពីរនាក់នៅកន្លែងកើតហេតុយ៉ាងអណោចអាធម៍ ហេតុការនេះកើតឡើងកាលពីរវេលាម៉ោង១០ និង១៥នាទីព្រឹកថ្ងៃទី៦ ខែកក្កដា ឆ្នាំ២០១៧ នៅតាមបណ្ដោយផ្លូវ៣០ម៉ែត្រ ឋិតនៅក្នុងភូមិដំណាក់ធំ៣ សង្កាត់ស្ទឹងមានជ័យ ខណ្ឌមានជ័យ។
ជនរងគ្រោះទាំងពីរនាក់មានឈ្មោះ អឿន ធាលី ភេទប្រុស អាយុ២២ឆ្នាំ មុខរបរកម្មករសំណង់។ ទី២ ឈ្មោះ ប៉ុន ធឿន ភេទប្រុស អាយុ២២ឆ្នាំ មុខរបរកម្មករសំណង់ដូចគ្នា អ្នកទាំងពីរស្នាក់នៅខណ្ឌសែនសុខជាមួយគ្នា និងមានស្រុកកំណើតនៅភូមិតាងួន ឃុំតាងួន ស្រុកស្ទឹងត្រង់ ខេត្តកំពង់ចាមជាមួយគ្នាដែរ។ ចំណែកតៃកុងរថយន្តមិនបានស្គាលអត្តសញ្ញាណទេ ព្រោះរត់គេចខ្លួនបាត់ស្រមោល។
បើតាមប្រភពព័ត៌មានពីកន្លែងកើតហេតុប្រាប់អោយដឹងថា មុនពេលកើតហេតុគេឃើញយុវជនទាំងពីរជិះម៉ូតូមាកហ្វីណូពណ៌ស លាយក្រហម ពាក់ស្លាកលេខ ភ្នពេញ 1.3832ក្នុងទិសដៅពីជើងទៅរត្បូង ស្រាប់តែមកដល់ចំណុចកើតហេតុម៉ូតូបានជិះវ៉ាឆ្វេង រួចក៏ជ្រុលទៅបុកជាមួយនិងរថយន្តដឹកថ្មរបស់ក្រុមហ៊ុន ណឹម ម៉េង ពណ៌ខៀវពាក់ស្លាកលេខ ភ្នំពេញ 3-B3832 បើពីទិសដៅពីត្បូងទៅជើង បណ្ដាលអោយយុវជនទាំងពីរនាក់ និងម៉ូតូនៅក្រោមរថយន្តកិនស្លាប់ភ្លាមៗនៅកន្លែងកើតហេតុ ចំណែកតៃកុងរថនយ្តបានបើទ្វារថយន្តគិចខ្លួនបាត់ស្រមោល បន្សល់ទុករថយន្តនៅកន្លែកើតហេតុ។
ក្រោយកើតហេតុសមត្ថកិច្ចមូលដ្ឋានបានចុះមកដល់កន្លែងកើតហេតុរួចក៏បានទំនាក់ទំនងទៅសមត្ថកិច្ចជំនាញមកធ្វើការវាស់វែងយករថយន្តបង្ក និងម៉ូតូទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញដើម្បីរងចាំដោះស្រាយនៅពេលនៅក្រោយ។ ចំណែកសពយុវជនទាំងខាងលើត្រូវបានសមត្ថកិច្ចប្រគល់អោយក្រុមគ្រួសារយកទៅធ្វើបុណ្យនៅស្រុកកំណើត៕
ខេត្តកំពង់ស្ពឺ ៖ កម្លាំងនៃអធិការដ្ឋាននគរបាលស្រុកសំរោងទងបានធ្វើការបង្ក្រាបក្រុមចែកចាយគ្រឿងញៀន៣នាក់ ដោយដកហូតបានថ្នាំញៀន២១៥កញ្ចប់ ខណៈដែលប្រតិបត្តិការនេះធ្វើឡើងនៅថ្ងៃទី០៥ ខែកក្កដា ឆ្នាំ២០១៧ នៅភូមិដែកភ្លើង ឃុំរលាំងគ្រើល ស្រុកសំរោងទងក្រោមការបញ្ជាផ្ទាល់ពី លោកឧត្តមសេនីយ៍ត្រី សម សាមួន ស្នងការនគរបាលខេត្តកំពង់ស្ពឹ។
លោកឧត្តមសេនីយ៍ត្រី សម សាមួន បានឲ្យដឹងថា ដើមឡើយមុខសញ្ញាសង្ស័យ២នាក់ត្រូវបានឃាត់ខ្លួនឈ្មោះ ណុំ វិសាល អាយុ២៣ឆ្នាំ និងឈ្មោះ ស្រួយ គឹមហុង អាយុ៣៣ឆ្នាំ ដោយក្នុងនោះ ដកហូតបានម្ស៉ៅក្រាមព័ណ៌សថ្លា ចំនួន៨កញ្ចប់ ម៉ូតូ១គ្រឿង និងសម្ភារៈមួយចំនួនទៀត។ លោកស្នងការបន្ដថា ក្រោយពីការឃាត់ខ្លួនជនសង្ស័យទាំង២នាក់ បានឆ្លើយសារភាពថា គ្រឿងញៀនខាងលើនេះជារបស់ឈ្មោះ សន ក្រឹម អាយុ៣០ ឆ្នាំ នៅភូមិជាមួយគ្នា ភ្លាមនោះបន្ទាប់ពីមានការឯកភាពពីព្រះរាជអាជ្ញា កម្លាំងរបស់លោកបានបន្ដទៅឃាត់ខ្លួនឈ្មោះ សន ក្រឹម ហើយបានឆែកឆេរនៅក្នុងផ្ទះ ស្រាប់តែរកឃើញគ្រឿងញៀន ចំនួន២០៧កញ្ចប់បន្ថែមទៀត។
លោកឧត្តមសេនីយ៍ត្រី សម សាមួន បញ្ជាក់ថា ក្នុងប្រតិបត្តិការនេះកម្លាំងនគរបាលជំនាញ ដកហូតបានថ្នាំញៀនសរុប២១៥កញ្ចប់ ម៉ូតូ១គ្រឿង និងទូរស័ព្ទ២គ្រឿង។ បច្ចុប្បន្នជនសង្ស័យត្រូវបានបញ្ជូនទៅការិយាល័យជំនាញ ដើម្បីកសាងសំណុំរឿងចាត់ការបន្ដ៕
ខេត្តឧត្តរមានជ័យ ៖ រថយន្តមួយគ្រឿងបើកបរមិនប្រកាន់ស្តាំទៅបុករថយន្តមួយទៀតពេញទំហឹង បណ្តាលឲ្យមនុស្សស្រីប្រុស៦នាក់រងរបួសធ្ងន់ស្រាល ដែលហេតុការណ៍នេះកើតឡើងកាលពីវេលាម៉ោង៧ និង៥០នាទីយប់ ថ្ងៃទី០៥ ខែកក្កដា ឆ្នាំ២០១៧ នៅតាមបណ្តោយផ្លូវជាតិលេខ១៧១ ស្ថិតនៅក្នុងភូមិត្រពាំងតាវ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ ។
តាមប្រភបព័ត៌មានបានឲ្យដឹងថា ជនរងគ្រោះធ្ងន់ និងស្រាលត្រូវបាននគរបាលចរាចរណ៍នាំយកទៅសង្គ្រោះនៅមន្ទីរពេទ្យបង្អែកស្រុកអន្លង់វែង ចំណែករថយន្តទាំង២គ្រឿងរងការខូចខាតផ្នែកខាងមុខទាំងស្រុងត្រូវបានយកទៅរក្សាទុកនៅអធិការដ្ឋានស្រុកអន្លងវែង រង់ចាំធ្វើការដោះស្រាយ៕
ញូយ៉ក ៖ ឯកអគ្គរដ្ឋទូតអាមេរិកប្រចាំអង្គការសហប្រជាជាតិលោក ស្រី Nikki Haley បានថ្លែងនៅក្នុងកិច្ចក្រុមប្រឹក្សាសន្តិសុខ UN ថា សហរដ្ឋអាមេរិកនឹងប្រើប្រាស់កម្លាំងយោធាប្រឆាំងនឹងកូរ៉េខាងជើងនៅក្នុងករណីចាំបាច់ណាមួយ ដោយចាត់ទុកថា សកម្មភាពរបស់កូរ៉េខាងជើងគឺជាការរារាំងឱកាសនៃការស្វែងរកដំណោះស្រាយការទូត។
លោកស្រីបានថ្លែងថា ការបាញ់សាកល្បងមីស៊ីលផ្លោង ICBM របស់កូរ៉េខាងជើង គឺជាការដុតរោលភាពតានតឹងផ្នែកយោធាដ៏ច្បាស់ និងប្រថុយប្រថានជាទីបំផុត។ ម្យ៉ាងវិញទៀត រដ្ឋកុម្មុយនិស្តមួយនេះ បានអួតអាងទាំងបើកចំហចំៗថា មីស៊ីលរបស់ពួកគេត្រូវបានអភិវឌ្ឍន៍ឡើង ក្នុងគោលបំណងបំពាក់ក្បាលគ្រាប់នុយក្លេអ៊ែរ ដើម្បីវាយប្រហារលើបណ្តាទីក្រុងនានា ក្នុងសហរដ្ឋអាមេរិក កូរ៉េខាងត្បូង និងជប៉ុន ហើយឥឡូវនេះទីក្រុងព្យុងយ៉ាងមានសមត្ថភាព និងលទ្ធភាពជាងមុនក្នុងការធ្វើយ៉ាងដូច្នោះហើយ។ ទន្ទឹមនោះលោកស្រីឯកអគ្គរដ្ឋទូតបានបញ្ជាក់ថា សហរដ្ឋអាមេរិក នឹងដាក់សំណើទៅកាន់ក្រុមប្រឹក្សាសន្តិសុខ UN ឲ្យមានការរៀបចំទណ្ឌកម្មថ្មី ប្រឆាំងទៅនឹងប្រទេសកូរ៉េខាងជើង។
ជាមួយគ្នានេះលោកស្រីបន្ថែមថា សហរដ្ឋអាមេរិកកំពុងត្រៀមលក្ខណៈរួចជាស្រេចដើម្បី ប្រើប្រាស់សមត្ថភាពគ្រប់បែបយ៉ាងដែលយើងមាន ដើម្បីការពារខ្លួនយើងផ្ទាល់ក៏ដូចជាសម្ព័ន្ធមិត្តនានា ហើយសមត្ថភាពមួយក្នុងចំណោមនោះគឺកម្លាំងយោធារបស់យើង ដោយយើងនឹងជ្រើសរើសជម្រើសនេះប្រសិនបើមិនអាចជៀសវាងបាន ក៏ប៉ុន្តែទីក្រុងវ៉ាស៊ីនតោនសង្ឃឹមថានឹងឈានទៅរកទិសដៅនោះឡើយ៕
រាជធានីភ្នំពេញ ៖ នៅព្រឹកថ្ងៃទី០៦ ខែកក្កដា ឆ្នាំ២០១៧នេះគណៈកម្មាធិការអចិន្ត្រៃយ៍ នៃរដ្ឋសភា បើកកិច្ចប្រជុំត្រួតពិនិត្យសេចក្តីស្នើ វិសោធនកម្មច្បាប់ស្តីពីគណបក្សនយោបាយ ដែលរៀបចំឡើងដោយគណបក្សប្រជាជនកម្ពុជា។
សូមបញ្ជាក់ថា ការស្នើធ្វើវិសោធនកម្មច្បាប់ស្តីពីគណបក្សនយោបាយ បានធ្វើឡើង បន្ទាប់ពី មេដឹកនាំកំពូលរបស់ គណបក្សកាន់អំណាច សម្តេចតេជោ ហ៊ុន សែន កាលពីថ្ងៃពុធ សប្តាហ៍មុន បានព្រមានជាថ្មីថា តំណាងរាស្ត្រគណបក្សប្រជាជនកម្ពុជា នឹងស្នើឱ្យរដ្ឋសភាធ្វើវិសោធនកម្ម ច្បាប់ស្តីពីគណបក្សនយោបាយ ជាថ្មីម្តងទៀត ដើម្បីធ្វើយ៉ាងណាកុំឱ្យទណ្ឌិត ឬអ្នកទោស អាចធ្វើសកម្មភាព នយោបាយតាមតែចិត្ត៕
ខេត្តកណ្ដាល ៖ កាលពីរសៀលម្សិលមិញចៅក្រមស៊ើបសួរសាលាដំបូងខេត្តកណ្ដាលលោក ទី សំណាង បានសម្រេចឃុំខ្លួនដាក់ពន្ធនាគារបណ្តោះអាសន្នជនដៃដល់ដែលបានចាក់សម្លាប់យុវជនជាបុគ្គលិកហាង Internet នាក្រុងតាខ្មៅ។ នេះបើការឲ្យដឹងពីលោក សូ សារិន ប្រធានលេខាធិការដ្ឋាន និងជាអ្នកនាំពាក្យសាលាដំបូងខេត្តកណ្ដាល។
ជនសង្ស័យត្រូវបានលោកព្រះរាជអាជ្ញារង ឯក ស៊ុនរស្មី សម្រេចចោទប្រកាន់ពីបទ «ឃាតកម្មគិតទុកជាមុន» តាមមាត្រា២០០នៃក្រមព្រហ្មទណ្ឌ។ បទល្មើសឃាតកម្មគិតទុកជាមុន កំណត់ការផ្តន្ទាទោសដាក់ពន្ធនាគារអស់មួយជីវិត ប្រសិនបើតុលាការរកឃើញថា ជនសង្ស័យពិតជាបានប្រព្រឹត្តបទល្មើសមែន។
ជនសង្ស័យ អ៊ឹង ចាន់រតនៈ អាយុ២៥ឆ្នាំ មុខរបរលក់ដូរ មានស្រុកកំណើតសង្កាត់មិត្តភាព ខណ្ឌ៧មករា រាជធានីភ្នំពេញ និងមានទីលំនៅបច្ចុប្បន្នភូមិព្រែកតានូ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ដែលមានប្រពន្ធ និងកូនម្នាក់ បានងប់ងល់នឹងហ្គេម Internet រហូតយកម៉ូតូឪពុកមារបស់ខ្លួនទៅបញ្ចាំបានប្រាក់១,១០០ដុល្លារ ហើយយកទៅលេងហ្គេមរហូតចាញ់អស់ទៀត ទើបចុងក្រោយរៀបចំគម្រោងសម្លាប់ជនរងគ្រោះតែម្ដង។ ចំណែកជនរងគ្រោះឈ្មោះ រ័ត្ន ពុទ្ធថា ភេទប្រុស អាយុ២២ឆ្នាំ មានមុខរបរជាបុគ្គលិកហាង Internet (មានហ្គេមតាមអនឡាញ) និងស្នាក់នៅកន្លែងកើតហេតុ មានស្រុកកំណើតនៅភូមិស្តុក ឃុំស្តុក ស្រុកគងពិសី ខេត្តកំពង់ស្ពឺ មានឪពុកឈ្មោះ រ័ត្ន វាសនា និងម្តាយឈ្មោះ ឆាយ មុំ៕
សេអ៊ូល ៖ កូរ៉េខាងជើងលោក គីម ជុងអ៊ុន បាននិយាយថា មីស៊ីលផ្លោងឆ្លងទ្វីប ICBM ដែលខ្លួនបានបាញ់សាកល្បងនោះគឺជាកាដូកែអផ្សុកផ្ញើជូនទីក្រុងវ៉ាស៊ីនតោន នាឱកាសបុណ្យឯករាជ្យជាតិអាមេរិក កាលពីថ្ងៃទី០៤ ខែកក្កដា។ នេះបើយោងតាមសារព័ត៌មានរដ្ឋកូរ៉េខាងជើង KCNA ។
លោក គីម ជុនអ៊ុន បានបញ្ជាក់ថា មីស៊ីលផ្លោងឆ្លងទ្វីប ICBM ដែលយើងបានបាញ់សាកល្បង គឺមានសមត្ថភាពបំពាក់ក្បាលគ្រាប់នុយក្លេអ៊ែរ ស្របតាមបច្ចេកវិទ្យាកំដៅ ស្ថេរភាពរចនាសម្ព័ន្ធ ក្បាលគ្រាប់នុយក្លេអ៊ែរ ដើម្បីចូលក្នុងលំហអាកាសដោយគ្មានការខូតខាតអ្វីទាំងអស់… មិនតែប៉ុណ្ណោះជោគជ័យនេះ វាប្រៀបបានទៅនឹងកាដូកែអផ្សុកផ្ញើជូនសហរដ្ឋអាមេរិកសម្រាប់ ថ្ងៃបុណ្យឯករាជ្យជាតិ ថ្ងៃ ទី០៤ ខែកក្កដា។
គួរបញ្ជាក់ថា កាលពីថ្ងៃកាលពីថ្ងៃអង្គារកូរ៉េខាងជើងបានប្រកាសថា ខ្លួនបានបាញ់សាកល្បងប្រកបដោយជោគជ័យនូវមីស៊ីលផ្លោងឆ្លងទ្វីប Hwasong-14 ក្រោមការត្រួតពិនិត្យដោយផ្ទាល់ពីសំណាក់ មេដឹកនាំកំពូលលោក គីម ជុងអ៊ុន៕
ដោយ ៖ ប៉ែន សុផល
ខេត្តបាត់ដំបង ៖ គិតត្រឹមរយៈពេល៤ថ្ងៃចាប់ពីថ្ងៃទី២រហូតមកដល់ថ្ងៃទី៥ ខែកក្កដា ឆ្នាំ២០១៧នេះអាជ្ញាធរថៃបានចាប់បញ្ជូនពលករខ្មែរលួចឆ្លងដែនខុសច្បាប់ចំនួន១២៧៩នាក់មកកម្ពុជាតាមច្រកទ្វារអន្តរជាតិដូងស្ថិតក្នុងស្រុកកំរៀង ។
លោក មុយ សាលឹត មេបញ្ជាការកងរាជអាវុធហត្ថស្រុកកំរៀងបានបញ្ជាក់ប្រាប់សាព័ត៍មានមេគង្គប៉ុស្តិ៍អោយដឹងថា៖ក្នុងរយះពេល៤ថ្ងៃនៃការចាប់បញ្ជូនពលករខ្មែរចំនួន១២៧៩នាក់របស់អាជ្ញាធរថៃមកកាន់ប្រទេសកម្ពុជាវិញតាមច្រកទ្វារអន្តរជាតិដូងនៃស្រុកកំរៀងក្នុងនោះមាន ៖ នៅថ្ងៃទី២ ខែកក្កដា ឆ្នាំ២០១៧មានចំនួន៤៤៥នាក់ ក្នុងនោះស្រី១៨៦នាក់និងកុមារ១១នាក់។ នៅថ្ងៃទី៣ ខែកក្កដា ឆ្នាំ២០១៧ មានចំនួន៤៨៨នាក់ ក្នុងនោះស្រី១៣០នាក់ និងកុមារ១៤នាក់។ នៅថ្ងៃទី៤ ខែកក្កដា ឆ្នាំ២០១៧ មានចំនួន១២៧ ក្នុងនោះស្រី២៩នាក់ និងនៅថ្ងៃទី៥ ខែកក្កដា ឆ្នាំ២០១៧ មានចំនួន២១៩នាក់ ក្នុងនោះស្រី៧២នាក់ និងកុមារ៧នាក់។
សរុបពលករខ្មែរចំនួន១២៧៩នាក់ក្នុងនោះមានស្រីចំនួន ៤៧៣នាក់នឹងក្មេងតូច៤៧នាក់។
លោកបន្តថា៖ការដែលអាជ្ញាធរថៃបញ្ជូនក្រុមពលករខ្មែរអោយវិលត្រឡប់មកកម្ពុជាវិញក្នុងគោលបំណងគឺដើម្បីអោយពួកគាត់បានមកបំពេញបែបបទលិខិតស្នាមអោយបានត្រឹមត្រូវទៅតាមច្បាប់កាងាររបស់ប្រទេសគេព្រោះកន្លងមកពលករខ្មែរភាគច្រើនបានលួចឆ្លងដែនតាមរយះមេខ្យល់ដោយគ្មានច្បាប់ទម្លាប់ត្រឹមត្រូវនិងមួយចំនួនទៀតធ្វើការខុសពីកន្លែងគោលដៅដែលបានចុះនៅក្នុងសៀវភៅការងារ៕
ដោយ ៖ ប៉ែន សុផល
ខេត្តបាត់ដំបង ៖ កម្លាំងនៃអធិការដ្ឋាននគរបាលស្រុកសំឡូតសហការជាមួយក្រុមជំនាញនៃការិយាល័យប្រឆាំងគ្រឿងញៀនបានចុះប្រតិបត្តិការបង្ក្រាបករណីជួញដូរគ្រឿងញៀនដោយខុសច្បាប់មួយករណីដោយឃាត់ខ្លួនជនសង្ស័យម្នាក់រួមនិងថ្នាំញៀន៦កញ្ចប់បញ្ជូនទៅតុលាការ។
លោកវរសេនីយ៍ទោ សុខ និមល នាយការិយាល័យស្តីទីប្រឆាំងគ្រឿងញៀនខេត្តបានប្រាប់អោយដឹងថា នៅក្នុងកិច្ចប្រតិបត្តិការបង្ក្រាបនិងឃាត់ខ្លួនជនសង្ស័យក្នុងករណីជួញដូរថ្នាំញៀនខាងលើនេះ បានធ្វើឡើងនៅវេលាម៉ោង១៤ និង៣០នាទី ថ្ងៃទី៤ ខែកក្កដា ឆ្នាំ២០១៧ នៅចំណុចភូមិស៊ុង១ ឃុំស៊ុង ស្រុកសំឡូត ខេត្តបាត់ដំបង។
ជនសង្ស័យត្រូវបានឃាត់ខ្លួន ឈ្មោះ ផាត់ ថន ហៅ វន ភេទប្រុស អាយុ២៩ឆ្នាំ រស់នៅភូមិស៊ុង១ ឃុំស៊ុង ស្រុកសំឡូត ខេត្តបាត់ដំបង។ ចំណែក វត្ថុតាងដកហូតបានរួមមាន ៖ ថ្នាំញៀនប្រភេទមេតំហ្វេតាមីន(ម៉ាទឹកកក)ចំនួន៦កញ្ចប់ ទម្ងន់៩,៤១ក្រាម អំពូលទែរម៉ូម៉ែត្រកែច្នៃសំរាប់ជក់ថ្នាំញៀនចំនួន១
ដបកែច្នៃសំរាប់ជក់ថ្នាំញៀនចំនួន១ និងដែកកេះចំនួន៣
បច្ចុប្បន្នជនសង្ស័យរួមនិងវត្ថុតាងត្រូវបានកម្លាំងការិយាល័យជំនាញកសាងសំណុំរឿងបញ្ជូនបន្តទៅតុលាការនៅរសៀលថ្ងៃទី៥ ខែកក្កដា ឆ្នាំ២០១៧នេះដើម្បីចាត់ការទៅតាមនីតិវិធី៕
រាជធានីភ្នំពេញ ៖ ជនសង្ស័យម្នាក់ក្និងចំណោមបក្សពួក៣នាក់ដែលបានធ្វើសកម្មភាពគាស់សោបន្ទប់ជួលត្រូវបានប្រជាពលរដ្ឋចាប់បានហើយប្រគល់អោយសម្ថកិច្ច។ ហេតុការណ៍ការណ៍នេះកើតឡើងកាលពីម៉ោង៤ និង១០នាទីទៀបភ្លឺថ្ងៃទី៥ ខែកក្កដា ឆ្នាំ២០១៧ ស្ថិតនៅតាមបណ្តោយផ្លូវ២៧១ ក្នុងភូមិចំរើនផល២សង្កាត់បឹងទំពុន ខណ្ខមានជ័យ រាជធានីភកនំពេញ។
តាមសម្តីពីជនរងគ្រោះដែលមានឈ្មោះ ជា បុរី ភេទប្រុស អាយុ២៤ឆ្នាំមុខរបរធ្វើកានៅក្លឹបស្នាក់នៅកន្លែងកើតហេតុខាងលើបានប្រាប់អោយដឹងថាមុនពេលកើតហេតុដោយរូបគាត់បានចេញពីធ្វើការវិញហើយបានធ្វើដំណើរមកជិតដល់ផ្ទះវីញស្រាប់តែឃើញជនសង្ស័យ២នាក់កំពុងតែអង្គុយនៅលើម៉ូតូពេលនោះរូបគាត់មានកាសង្ស័យបានទាញខ្សែរក្រវាត់ដើរចូលទៅក៏ត្រូវជនសង្ស័យបានជិះម៉ូតូចេញពេលនោះក៏ស្រាប់តែមានបក្សពួកវាម្នាក់ទៀតបានបានចេញពីក្នុងបន្ទប់គាត់ពេលនោះរូបគាត់បានដេញតាមមកដល់ខាងមុខផ្លូវ២៧១ក៏មានអ្នកធ្វើដំណើរតាមផ្លូវបានជួយដេញចាប់បានម្នាក់ស្វាគមន៍ម្នាក់១ដៃ១ជើងបែកក្បាលនៅសល់តែដង្ហើមចង្រឹតហើយ២នាក់ទៀតបានរត់គេចខ្លួនបាត់។
លោកអនុសេនីយ៍ទោ ឈីន ចំរើន នាយប៉ុស្តិបឹងទំពុនបានអោយដឹងថា ជនសង្សយ័ដែលឃាត់ខ្លួនបានឈ្មោះ ឃឹម ដាវុធ ហៅ ដា ភេទប្រុសអាយុ២៦ឆ្នាំមុខរបរជាងផ្សារដែកម្តុំទឹកថ្លាស្រុកកំណើតនៅភូមិក្រោលគោសង្កាត់គឺឡូម៉ែត្រលេខ៦ខណ្ខឬស្សីកែវនៅពេលកម្លាំងល្បាតបានឃើញជនសង្ស័យត្រូវបានប្រជាពលរដ្ឋកំពុងតែនាំគ្នាវាយបានយកមកប៉ុស្តិនិងនាំទៅដេររបួសនិងសាកសួរ សម្ភារះដែលជនសង្ស័យយកបាននោះមានខោអាវ។
បច្ចុប្បន្នជនសង្ស័យខាងលើកំពុងតែសាកសួរ និងកសាងសុំណុំរឿងបញ្ចូនទៅអធិការដ្ឋាននគរបាលខណ្ឌមានជ័យចាត់កាតាមផ្លូវច្បាប់៕
រាជធានីភ្នំពេញ ៖ តុលាការកំពូលនៅថ្ងៃនេះ បានសម្រេច ច្រានចោលការប្តឹងជំទាស់សុំនៅក្រៅឃុំរបស់លោក គឹម សុខ ដោយរក្សាតម្កល់ការ សម្រេចរបស់សាលាដំបូងរាជធានីភ្នំពេញ ទុកជាបានការដដែល។
លោក គឹម សុខ ត្រូវបានសាលាដំបូងរាជធានីភ្នំពេញ ឃុំខ្លួន ក្រោមចោទប្រកាន់ពីបទញុះញង់ ឲ្យប្រព្រឹត្តបទឧក្រឹដ្ឋជាអាទិ៍ និងបរិហាកេរ្តិ៍ជាសាធារណៈ កាលពីខែមីនា ឆ្នាំ២០១៧ កន្លងទៅនេះ បន្ទាប់ពីមេធាវីរបស់ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានដាក់ពាក្យបណ្តឹងមួយទៅតុលាការ។ ការសម្រេចឃុំខ្លួននេះ បានធ្វើឡើងបន្ទាប់ពី លោក គឹម សុខ និយាយវាយប្រហារលើរាជរដ្ឋាភិបាល និងគណបក្សប្រជានកម្ពុជាថា ជាអ្នករៀបចំឃាតកម្មលើ លោកបណ្ឌិត កែម ឡី ៕
រាជធានីភ្នំពេញ ៖ សម្តេច ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ បានចេញបទបញ្ជាឱ្យអង្គការ COMFREL និង NICFEC បញ្ឈប់សកម្មភាពខុសច្បាប់ ទាក់ទងបន្ទប់ស្ថានការណ៍។
សម្តេច ស ខេង តាមរយះលិខិតមួយច្បាប់ផ្ញើទៅកាន់ប្រធានអង្គការទាំងពីរ ខាងលើ បានបញ្ជាក់ថា ការបង្កើតបន្ទប់ស្ថានការណ៍ស្តីពីការបោះឆ្នោត ជ្រើសរើសក្រុមប្រឹក្សា ឃុំ/សង្កាត់ ឆ្នាំ២០១៧ ដោយមានការចូលរួមពីអង្គការ និងសមាគមប្រមាណចំនួន៤០ ជាសមាជិក គឺអនុវត្តផ្ទុយទៅនឹងបទប្បញត្តិនៃច្បាប់ស្តីពីសមាគម និងអង្គការមិនមែន រដ្ឋាភិបាល៕
ប៉េកាំង ៖ អ្នកនាំពាក្យក្រសួងការបរទេស លោក Geng Shuang បានថ្លែងថា រដ្ឋាភិបាលទីក្រុងប៉េកាំងបានចេញមុខថ្កោលទោសកូរ៉េខាងជើង ចំពោះការបាញ់សាកល្បងមីស៊ីលផ្លោងឆ្លងទ្វីប ICBM ជាលើក ព្រមទាំងចាត់ទុកថា វាគឺជាទង្វើរំលោភដំណោះស្រាយអង្គការសហប្រជាជាតិ ។ នេះបើយោងតាមទីភ្នាក់ងារសារព័ត៌មានយ៉ុនហាប់។ ទន្ទឹមនោះចិន នៅតែអំពាវនាវឱ្យភាគីពាក់ព័ន្ធទាំងអស់ រក្សាភាពស្ងៀមស្ងាត់ និងអត់ធ្មត់។
ចំណែកឯយោធាកូរ៉េខាងត្បូង ក៏បានឱ្យដឹងដែរថា មីស៊ីល Hwasong-14 នេះអាចហោះបានរយៈកម្ពស់ ២,៣០០គីឡូម៉ែត្រ តែបើគេបាញ់វាចេញពីមុំស្ដង់ដារ នោះវាអាចហោះបានរយៈកម្ពស់ ៦,០០០គីឡូម៉ែត្រ ឯណោះ។ ទោះបីជាយ៉ាងណានៅមុនការអះអាងនេះ សហរដ្ឋអាមេរិកបានសន្និដា្ឋនថា មីស៊ីលនេះគ្រាន់តែជាគ្រាប់មីស៊ីលរយៈចម្ងាយមធ្យមប៉ុណ្ណោះ ហើយក៏មិនអាចគំរាមអ្វីដល់សន្តិសុខជាតិអាមេរិកដែរ។
គួរបញ្ជាក់ថា កាលពីម្សិលមិញកូរ៉េខាងជើងបានបាញ់សាកល្បងប្រកបដោយជោគជ័យនូវមីស៊ីលផ្លោងឆ្លងទ្វីប Hwasong-14 ក្រោមការត្រួតពិនិត្យដោយផ្ទាល់ ពីសំណាក់មេដឹកនាំកំពូល លោក គីម ជុងអ៊ុនគ្រាប់មីស៊ីលនេះ បានត្រូវចេញនៅម៉ោងប្រមាណ ៩ និង៤០នាទីព្រឹក (ម៉ោងនៅទីក្រុងសេអ៊ូល) ចេញពីតំបន់ Panghyon នៃខេត្ត Pyongan ខាងជើង ហើយវាអាចរត់បានចំងាយ ៩៣៣ គីឡូម៉ែត្រ ព្រមទាំងអាចហោះបានរយៈកម្ពស់ ដល់ទៅ ២,៨០២គីឡូម៉ែត្រ ក្នុងរយៈពេល៣៩នាទី មុននឹងធ្លាក់ចូលសមុទ្រខាងកើត ឬសមុទ្រជប៉ុន៕
ខេត្តស្វាយរៀង ៖ កម្មករិនីរោងប្រមាណ៩នាក់បានរងរបួស និងកម្មករមួយចំនួនទៀតភ័យញ័រន្ធត់ខ្លួនដូចកូនសត្វក្នុងហេតុការគ្រោះថ្នាក់ចរាចរណ៍ដោយសាតែរថយន្តដឹកកម្មករកម្មការិនីរោងចក្រដាច់រ៉ូទីចង្កូតរេទៅបុកខ្លោងទ្វារអនុវិទ្យាល័យហ៊ុនសែនស្វាយតាយាន។ ហេតុការណ៍នេះកើតឡើងកាលពីវេលាម៉ោង៥ និង៣០នាទីល្ងាចថ្ងៃទី៤ ខែកក្កដា ឆ្នាំ២០១៧ ស្ថិតនៅក្នុងភូមិស្វាយតាយាន ឃុំស្វាយតាយាន ស្រុកកំពង់រោទិ៍ ខេត្តស្វាយរៀង។
បើតាមប្រជាពលរដ្ឋដែលមកមើលកន្លែងហេតុការនេះបាននិយាយថា៖នៅមុនពេលកើតហេតុគេឃើញរថយន្តចំណុះ២តោនកន្លះពណ៌ ពាក់ស្លាកលេខ ភ្នំពេញ 3D 4170បើកបរដោយឈ្មោះ ជា ដាំ អាយុ ប្រហែល ៥០ មុខរបរដឹកកម្មករកម្មការិនីរោងចក្រមានទីលំនៅ ភូមិ របើស ឃុំ ខ្សែត្រ ស្រុក កំពង់រោទិ៍ ខេត្ត ស្វាយរៀងដឹកមនុស្សពេញរថយន្តធ្វើដំណើរពីទិសខាងជើងទៅត្បូងលុះមកដល់ចំនុចកើតហេតុខាងលើស្រាប់តែដាច់រ៉ូទីរេចង្កូតទៅបុកនិងរបងសាលាបណ្តាលអោយអ្នកជិះលើរថយន្តខាងលើនេះបោកខ្ទុបគ្នាតែសំណាងល្អមានអ្នករងរបួស៩នាក់ ត្រូវសមត្ថកិច្ចហៅរថយន្តសង្គ្រោះដឹកយកទៅកាន់មន្ទីរពេទ្យជីភូដើម្បីធ្វើការសង្គ្រោះ ។
ករណីបណ្តាលមកពីដាច់រ៉ូទីរថយន្តគឺកើតមានរហូតនិងបណ្តាលអោយកម្មករកម្មការនីរងគ្រោះរបួសធ្ងន់ស្រាលជាច្រើននាក់ផងដែរកន្លងមកនេះ។ ប្រជាពលរដ្ឋបានធ្វើការរិះគន់ដល់អ្នកបើកមិនអោយចិត្តទុកដាក់ក្នុងការរពិនិត្យយានយន្តរបស់ខ្លួននោះទេ ហើយអោយតែបង្កនិងមានគ្រោះថ្នាក់អាងតែរត់ចោលប៉ុណ្ណោះ បើលុយវិញសឹងតែដល់ខែពុំទាន់ផង។
ជាមួយគ្នានេះប្រជាពលរដ្ឋសូមអោយសម្ថកិច្ចគួរមានវិធានការចំពោះអ្នកបើកបរអោយបានម៉ត់ចត់ជាពិសេសរថយន្តចាស់ៗនៅតែអោយបន្តរថយន្តដឹកកម្មកររោងចក្រទាំងនេះហើយធ្វើអោយពួកគាត់មានការព្រួយបារម្ភអំពីហានិភ័យគ្រោះថ្នាក់ដល់អាយុជីវិតកូនរបស់ពួកគាត់ និងខាតបង់ពេលវេលាផងនោះ៕
ខេត្តក្រចេះ ៖ មេគយច្រកត្រពាំងស្រែ-វ៉ាឡឺ លោក នាង វណ្ណា នៅស្រុកស្នួល សប្បាយចិត្តទទួលលុយខ្មៅងងឹតពីបទល្មើសព្រៃឈើទាំងថ្ងៃដោយផ្សំគំនិត្យជាមួយមេឈ្មួញនិងឡានរម៉កដឹកបន្លែផ្លែឈើរបស់វៀតណាម។
ទោះបីអំណាចជាមេសាខាគយយ៉ាងណាក៏ដោយ លោក នាង វណ្ណា នូវតែមានឥទ្ធិពលក្នុងការបញ្ជាទៅឱ្យមេគយច្រកទ្វារត្រពាំងស្រែ-វ៉ាលឺ ឲ្យធ្វើតាមបង្គាប់និងសប្បាយចិត្តទទួលលុយខ្មៅងងឹតពីបទល្មើសព្រៃឈើពីក្រុមឈ្មួញឈើទាំងនោះ ។
ជាក់ស្តែងនៅថ្ងៃទី០៤ ខែកក្កដា ឆ្នាំ២០១៧នេះ ក្បួនរថយន្តដឹកឈើជាច្រើនគ្រឿងរបស់លោឧកញ៉ា ជ័យ បានឆ្លងកាត់ព្រំដែនច្រកត្រពាំងស្រែ-វ៉ាលឺ បានដោយរលូនដោយគ្មានការបង្ក្រាប។
ទង្វើរនេះធ្វើឲ្យប្រជាពលរដ្ឋមានការឈឺចាប់ជាខ្លាំងដោយមេគយរដ្ឋាករឈ្មោះ នាង វណ្ណា រូបនេះ មិនដែលគិតពីផលប្រយោជន៍ជាតិគិតតែពីរឿងបុគ្គល ដូចជាបន្លែ ផ្លែឈើ ដឹកចេញពីវៀតណាមយ៉ាងអាណាធិប្បតេយ្យ ដោយមិនគិតងើបក្បាលអើតពិនឹត្យទាល់តែសោះ ដោយដេកចាំតែយកលុយ ដោយជួនកាលមិនចេញសំបុត្រទេ ដោយយកលុយនោះដាក់ហោប៉ៅតែម្ដង ។
ទំនិញវិនិយោគជាផលិតផលក្នុងស្រុក ហើយពន្ធអាករជាបន្ទុករបស់រដ្ឋដដែលប្រភពពីឈ្មួញនិងមន្ត្រីនិយាយថា ក្នុងមួយថ្ងៃៗប្រភេទឡានយីឌុបដឹកទំនិញត្រូវបានផ្ទេរជាប្រចាំនៅ ច្រកត្រពាំងស្រែ-វ៉ាលឺ ដែលទំនិញទាំងនោះ សុទ្ធតែបង់ពន្ធនាំចូលខ្ពស់ ហើយផលិតនៅក្នុងប្រទេសចិន ដែលគេដឹងថា លោក នាង វណ្ណា អតីតជា មេគយច្រកទ្វារត្រពាំងស្រែ-វ៉ាលឺ និងបច្ចុប្បន្នជាមេសាខាគយខេត្តក្រចេះថ្មី នូវតែមានអំណាចក្នុងការបញ្ជា និងបង្កើតឱ្យ មាន អំពើពុករលួយដោយសារតែទំនិញខ្លះមិនបានបង់ពន្ធនាំចូល ព្រោះតែក្រុមមេឈ្មួញទាំងនោះ សុទ្ធសឹងជាម៉ូយចាស់ ត្រូវដងត្រូវផ្លែ ជាមួយនឹងលោក នាង វណ្ណា នោះ ។
តាមមន្ត្រីបាននិយាយផងដែរថា ក្នុងមួយខែៗ លោក នាង វណ្ណា រកសំណូលបានរាប់ម៉ឺនដុល្លារ សម្រាប់ការត្រួតពិនិត្យឯកសារចុះប្រតិវេទន៍ទៅលើទំនិញវិនិយោគនាំចូល និងទំនិញនាំចូលបង់ពន្ធតែប៉ុណ្ណោះ កាលនៅជាអតីតមេគយច្រកទ្វារត្រពាំងស្រែ-វ៉ាលឺ លុះមកក្លាយជាមេសាខាហើយអំណាចរកលុយក្រោមតុរបស់គាត់ក៏នៅ តែមានឥទ្ធិពលទៅលើច្រកនោះ និងច្រកដទៃទៀតយ៉ាងមានប្រសិទ្ធភាពលើសមុនទៅទៀត ។
មន្ត្រីប្រភពទម្លាយថា លោក នាង វណ្ណា ត្រូវបានចំណាយប្រាក់ក្នុងមួយខែៗយ៉ាងច្រើនបែងចែកមកថ្នាក់លើ និងបែង ចែកសម្រាប់ក្រុមមន្ត្រីគយដែលគាត់បានប្រើប្រាស់ក្នុង ការប្រមូលប្រាក់មិនប្រក្រតីទោលើឯកសារចុះប្រតិវេទន៍គយដើម្បីជា ខែលទប់ការឡើងតំណែង៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
