ខេត្តកំពង់ស្ពឺ ៖ សមត្ថកិច្ចបានឃាត់ខ្លួនបុរសវ័យ៤៣ឆ្នាំ្នម្នាក់ បន្ទាប់ពីបុរសម្នាក់នោះប៉នប៉ងធ្វើឃាតស្ត្រីជាភរិយា ដោយសារតែខឹងប្រពន្ធមិនឲ្យដេកជាមួយ ។ ហេតុការណ៍នោះបានកើតឡើងនៅសង្កាត់ច្បារមន ក្រុងច្បារមន ខេត្តកំពង់ស្ពឺ។
សមត្ថកិច្ចបញ្ជាក់ថា ជនសង្សយ័ ម្នាក់ឈ្មោះសុង ចំរ៉ុង ភេ ទប្រុសអាយុ៤៣ ឆ្នាំមា នទីលំនៅភូមិស្នោទី១ សង្កាត់រការធំ ក្រុងច្បារ មន ខេត្តកំពង់ស្ពឹ ត្រូវកម្លាំង អធិការដ្ឋាននគរបាលក្រុងច្បារមន ខេត្តកំពង់ស្ពឺ ធ្វើការឃាត់ខ្លួន ព្រោះប្រពន្ធមិនឲ្យដេកបន្ទប់ជាមួយ ដោយសារតែខ្លាចប្តីធ្វើបាប៕
ដោយ ៖ វិធិន
ក្រចេះ ៖ បុរសម្នាក់បានស្លាប់ខណៈដែលបញ្ជូនទៅដល់មន្ទីរពេទ្យ ក្រោយពីមានអំពើហិង្សាក្នុងវង់ផឹកស៊ី ។ ហេតុការណ៍បានកើតឡើងនៅភូមិស្រែត្រែង២ ឃុំក្បាលដំរី ស្រុកសំបូរ ខេត្តក្រចេះ កាលពីរសៀលថ្ងៃទី១៤ ខែឧសភា ឆ្នាំ២០១៧ ។
សមត្ថកិច្ច បានឲ្យដឹងថា មុនកើតហេតុប្រហែលជាម៉ោង១២ថ្ងៃទី១៤ ខែឧសភា ឈ្មោះ ចើស រីន ភេទប្រុស អាយុ៣៨ឆ្នាំទីលំនៅភូមិស្រែត្រែង២ ឃុំក្បាលដំរី ស្រុកសំបូរ និងប្អូនថ្លៃឈ្មោះ ឆែ ដា និងគ្នីគ្នាបាននាំគ្នាផឹកស៊ីនៅលើផ្ទះឈ្មោះ ចើសរីន (ជនរងគ្រោះ) ពេលកំពុងផឹក ឈ្មោះ ឆែ ដា បានចុះពីលើផ្ទះបាត់មួយស្ទុះ លុះនៅវេលាម៉ោងប្រហែល១៤ឈ្មោះ ឆែ ដា បានឡើងមកលើផ្ទះផឹកបន្តទៀត។
ពេលនោះឈ្មោះ ចើស រីន បានឡូឡានិងបោកចាននៅក្នុងវង់ ផឹកស៊ីឈ្មោះ ឆែ ដា ក៏បានវាយឈ្មោះ ចើស រីន មួយដៃចំសៀតផ្កាខាងស្ដាំ ។ ក្រោយពីកើតមានការវាយតបគ្នា បងប្អូនបាននាំជនរងគ្រោះទៅមន្ទីពេទ្យ ។ លុះដល់ម៉ោង១៥.00នាទី ប្រជាការពារភូមិ បានរាយការណ៍ មកកំលាំងនគរបាលប៉ុស្តិ៍ក្បាលដំរីថាជនរងគ្រោះបានស្លាប់ ។
ក្រោយពីទទួលបានការពត៌មានខាងលើភ្លាម កំលាំងនគរបាលជំនាញ និងកំលាំងប៉ុស្តិ៍ក្បាលដំរី បានចុះទៅដល់កន្លែងកើតហេតុ ហើយឃាត់ខ្លួនជនសង្ស័យឈ្មោះ ឆែ ដា តែម្ដង ។ បច្ចុប្បន្នជនសង្ស័យឈ្មោះ ឆែ ដា ភេទប្រុស អាយុ ១៨ឆ្នាំ ទីលំនៅភូមិឃុំកើតហេតុខាងលើ កំពុងឃាត់ខ្លួននៅអធិការដ្ឋាននគរបាលស្រុកសំបូរ និងកសាងសំណុំរឿងតាមនីតិវិធី៕
ភ្នំពេញ៖កម្លាំងនគរបាលខណ្ឌពោធិសែនជយ័ឃាត់ខ្លួនជនសង្សយ័ដែលជាមេក្លោងចែកចាយគ្រឿងញៀនម្នាក់រួមនិថ្នាំញៀន៨កញ្ចប់ធំនិងមួយកញ្ចប់តូចកាលពីវេលាម៉ោង១ និង៣០នាទីរសៀលថ្ងៃទី១២ខែមេសាឆ្នាំ២០១៧ស្ថិតនៅចំណុចផ្លូវបេតុងភូមិថ្មគោលសង្កាត់ចោមចៅខណ្ឌពោធិសែនជយ័រាជនីភ្នំពេញ។
លោកវរសេនីយ៏ឯកយឹមសារ៉ាន់បានអោយដឹងថាដោយមានការរាយការណ៏ពីប្រជាពលរដ្ឋថានៅចំនុចខាងលើមានការជួញដូរថ្នាំញៀនយ៉ាងគគ្រឹកគគ្រេងខណះពេលទទួលបានពត័មាននេះភ្លាមលោកក៏បានបញ្ជារកម្លាំងជំនាញអោយចុះទៅស្រាវជ្រាវជាលទ្ធផលកម្លាំងនគរបាលខណ្ឌពោធិសែនជយ័បានឃាត់ខ្លួនបានមេក្លោងចែកចាយគ្រឿងញៀនបានម្នាក់រួមនិងវត្ថុតាំថ្នាំញៀន៨កញ្ចប់ធំនិង១កញ្ចប់តូចរួមទាំសម្ភារះសម្រាប់ប្រើប្រាស់គ្រឿងញៀនមួយចំនួន។
សមត្ថកិច្ចបានអោយដឹងថា ជនសង្ស័យខាងលើមានឈ្មោះ ជា យ៉េង អាយុ៣១ឆ្នាំ មុខរបរលក់ថ្នាំញៀន ស្នាក់នៅផ្ទះឃាត់ខ្លួនខាងលើ។ បច្ចុប្បន្នជនសង្សយ័ខាងលើរួមនិងវត្ថុតាំងត្រូវបានបញហជូនទៅកាន់អធិការខណ្ឌពោធិសែនជយ័ដើម្បីកសាងសំណុំរឿងបញ្ជូនទៅតុលាការចាត់តាមផ្លូវច្បាប់៕
វ៉ាស៊ីនតោន ៖ យោងតាមសេចក្តីថ្លែងការណ៍របស់ ទីភ្នាក់ងារកិច្ចសហប្រតិបត្តិការការពារសន្តិសុខជាតិ នៃមន្ទីរបញ្ចកោណ ដែលមាននាទីមើលការខុសត្រូវចំពោះការលក់អាវុធរបស់អាមេរិកបានឲ្យដឹងថា អាមេរិក សម្រេចលក់សព្វាវុធដែលមានតម្លៃសរុបប្រហែលពីរពាន់លានដុល្លារ ទៅឲ្យប្រទេស អេមីរ៉ាត់ អារ៉ាប់រួម (UAE) ។នេះបើយោងតាមដកស្រង់ដោយទីភ្នាក់ងារព័ត៌មានចិន ស៊ិនហួរ នៅព្រឹកនេះ
សូមជម្រាបថា សព្វាវុធដែលអាមេរិក ឯកភាពចំពោះការលក់មីស៊ីលប្រភេទ PAC-3 ចំនួន៦០គ្រាប់ និងមីស៊ីល ប្រភេទ GEMT-T ចំនួន១០០គ្រាប់៕
រាជធានីភ្នំពេញ ៖ ព្រឹទ្ធាចារ្យគុនខ្មែរ ជ័យ ប៊ុនឈឿ ទទួលមរណភាពហើយ នៅវេលាទៀបភ្លឺថ្ងៃទី១២ ដែលឧសភា ឆ្នាំ២០១៧ នេះ បន្ទាប់ពីតស៊ូនឹងជរាភាព ពិសេសជំងឺរ៉ាំរ៉ៃជាច្រើនឆ្នាំ៕
រាជធានីភ្នំពេញ ៖ ស្ត្រីកូនខ្ចីទើប២ខែម្នាក់ត្រូវបានប្រទះឃើញដេកស្លាប់ក្នុងបន្ទប់ទឹក ដែលហេតុការណ៍បង្កការភ្ញាក់ផ្អើលនេះកើតឡើងកាលពីវេលាម៉ោង៥ល្ងាចថ្ងៃទី១១ ខែឧសភា ឆ្នាំ២០១៧ នៅផ្ទះលេខI12 ផ្លូវ20k ក្រុម៨ ភូមិចំការឳឡឹក សង្កាត់កាកាប ខណ្ឌពោធិ៍សែនជ័យ។
ជនរងគ្រោះឈ្មោះ ទូច ម៉ារី ភេទស្រី អាយុ៣៤ឆ្នាំ មុខរបrនៅផ្ទះ មានប្តីឈ្មោះ ឃឹម សុខឃួន អាយុ៣៧ឆ្នាំ មុខរបrលក់បន្លែ និងមានកូនតូចៗ៤នាក់ស្រីម្នាក់ ទើបតែអាយុ២ខែ អ្នកទាំង២មានស្រុកកំណើតនៅភូមិព្រៃប៉ះ ឃុំកោះធំ ស្រុកកោះធំ ខេត្តកណ្តាល។
តាមប្រព័ត៌មាននៅកន្លែងកើតហេតុបានអោយដឹងថា ស្ត្រីរងគ្រោះនៅផ្ទះតែ២នាក់ កូនតូចទើបសម្រាលបានអាយុ២ខែ ដោយប្តីចេញទៅខេត្តបាត់ដើម្បីទៅយកបន្លែលក់ ចំណែកកូនៗ៣នាក់ទៀតទៅរៀន។ លុះកូនច្បងចេញពីសាលារៀនវិញ មិនឃើញម្តាយមើលប្អូន ក៏ដើរចូលទៅក្នុងផ្ទះ ក៏តែស្រាប់តែឃើញម្តាយដេកផ្កាប់មុខធ្វើអោយរូបគេភ័យរត់ចេញមកក្រៅហៅអ្នកជិតខាងជួយ។ ប្រភពដដែលបន្តថា ភ្លាមនោះក៏នាំគ្នារត់ទៅមើលឃើញជនរងគ្រោះដេកបែបនេះក៏លើកផ្ងាររួចធ្វើចលនាប៉ះដូង តែជនរងគ្រោះបានស្លាប់បាត់ទៅហើយ ទើបរាយការណ៍ទៅសមត្ថកិច្ចមូលដ្ឋានចុះមកអន្តរាគមន៍ភ្លាមៗតែម្តង។
ក្រោយកើតហេតុបងប្អូនជនរងគ្រោះមកដល់ក៏នាំគ្នាឡើងទៅមើលក្នុងបន្ទប់ជនរងគ្រោះបានបាត់ទូដែកមួយទើបសង្ស័យថា ជាអំពើឃាតកម្ម។ ទោះជាយ៉ាងណាសមត្ថកិច្ចបានធ្វើកោសល្យវិច័យជុំវិញកន្លែងកើតហេតុ ដោយជំហ៊ានដំបូងសន្និដ្ឋានថា ជាករណីប្លន់រួចសម្លាប់៕
រាជធានីភ្នំពេញ ៖ ក្រសួងពាណិជ្ជកម្មបានចេញផ្សាយតារាងតម្លៃប្រេងឥន្ធនៈ ដែលត្រូវលក់រាយតាមបណ្តា ស្ថានីយប្រេងទូទាំងប្រទេសកម្ពុជា ដែលត្រូវលក់រាយចាប់ពីថ្ងៃនេះ ខែឧសភា ដល់ថ្ងៃទី២១ ខែឧសភា៕ សូមអានតារាងខាងក្រោម ៖
ខេត្តព្រៃវែង ៖ ព្រះរាជពិធីបុណ្យ ច្រត់ព្រះនង្គ័លឆ្នាំនេះ ត្រូវចាប់ផ្តើម នៅថ្ងៃទី១២ ខែឧសភា ឆ្នាំ២០១៧នេះ នៅបរិវេណសាកលវិទ្យាល័យ ជា ស៊ីម កំចាយមារ ស្ថិតក្នុងស្រុកកំចាយមារ ខេត្តព្រៃវែង ក្រោមព្រះរាជអធិបតី ដ៏ខ្ពង់ខ្ពស់របស់ព្រះមហាក្សត្រខ្មែរ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី។
ពិធីច្រត់ព្រះនង្គ័ល ដែលត្រូវបានគេប្រារព្ធធ្វើឡើង ជារៀងរាល់ឆ្នាំ នៅក្នុងខែពិសាខ ឯវាលព្រះមេរុ ស្ថិតនៅពីខាងជើង នៃព្រះបរមរាជវាំងសព្វថ្ងៃ នៅរាជធានីភ្នំពេញ និងឆ្នាំខ្លះធ្វើនៅតាមខេត្តនោះ គឺមានប្រវត្តិដ៏យូរលង់ណាស់មកហើយ។
ពិធីច្រត់ព្រះនង្គ័ល គឺជាព្រះរាជពិធីមួយ សំខាន់បំផុត បន្ទាប់ពីព្រះរាជាអភិសេកជាពិធីមួយ ស្ថិតក្នុងចំណោមពិធីផ្សេងៗឯទៀតប្រចាំឆ្នាំ។ នៅប្រទេសឥណ្ឌាបុរាណ និងនៅព្រះរាជាណាចក្រកម្ពុជា ការប្រកបរបរកសិកម្មជាមុខរបរចម្បង ដោយពឹងពាក់ទាំងស្រុងលើស្រូវអង្ករ និងភោគផល ដំណាំដទៃៗទៀត (បច្ចុប្បន្ន ប្រជានុរាស្ត្រខ្មែរ ប្រកបមុខរបរធ្វើស្រែ ប្រមាណជា៨០%)។
តាមពិតទៅ ការបង្កើតផលិតផលស្រូវអង្ករ ឬក៏ផលដំណាំផ្សេងៗ ដូចជាពោត សណ្តែក ល្ង ដោយព្រះរាជាតាមរយៈព្រះរាជពិធីខាងលើនេះ បណ្តាលមកពីកត្តាចម្បងមួយ គឺលក្ខណៈស័ក្តិសិទ្ធិរបស់តួអង្គ «ស្តេច» ក្នុងក្រសែភ្នែករបស់ប្រជានុរាស្ត្រ។ មានន័យថា ផលដំណាំពុំមែន ស្ថិតនៅត្រឹមតែការដាំដុះ បច្ចេកទេស ឬសេដ្ឋកិច្ចនោះទេ ពោលគឺប្រាកដជាបណ្តាលមកពីពិធីកម្មនេះឯង។
តាមទម្លាប់ពិធីនេះ ធ្វើឡើងក្នុងការផ្សង មើលប្រថ្នូលរបស់ស្រុកទេស ទៅតាមការ ស៊ីផឹក របស់ «គោឧសភរាជ» ។ គោ១នឹម ដែលទឹមច្រត់ព្រះនង្គ័លនោះ គេហៅថា «គោឧសភរាជ» ក៏មានកំណត់ក្នុងលក្ខណៈតាមបែបនិយមបច្ចុប្បន្ន គឺសម្បុរខ្មៅ ស្នែងរាងជ្រពាស់ ឈ្នក់ ឬប្រក់នាគ គឺរាងខុបទៅមុខបន្ដិច ហើយវាត់ចុងទៅលើបន្ដិច ។ គោ២ នឹមទៀត ដែលសម្រាប់ ហែមុខហែរក្រោយឃើញថា មិនទាន់កំណត់លក្ខណៈ តែតាមដែលធ្លាប់ប្រើមក ហើយឃើញច្រើនតែសម្បុរក្រហម ។
ឯ «គោឧសភរាជ» នោះវេលាទឹមច្រត់ព្រះនង្គ័ល គេប្រដាប់ដោយគ្រឿង គឺពាក់ស្រោមមុខស្រោមស្នែង និងពាក់សំពត់កម្រាល សម្បុរក្រហមលើខ្នងផង។ ឯព្រះនង្គ័លទាំង៣នោះ គេលាបថ្នាំពណ៌ខ្មៅកាត់ខ្សែក្រហមដោយអន្លើៗឯចន្ទោលព្រះនង្គ័ល សំរាប់អ្នកតំណាងព្រះអង្គនោះ មានលក្ខណៈពិសេស គឺធ្វើជារូបនាគ លាបថ្នាំពណ៌លឿងបែប យ៉ាងពណ៌មាស។ នៅត្រង់កនាគមានភូធ្វើពី រោមសត្វសម្បុរ បែបភូទួន។
ទាក់ទិននឹងការផ្សងគោឧសភរាជ គឺព្រាហ្មណ៍ព្រះរាជគ្រូ សូត្រពាក្យអធិដ្ឋានផ្សងគោឧសភរាជ ដែលទឹមច្រត់ព្រះនង្គ័លនោះ ឱ្យស៊ីផឹកអាហារ៧យ៉ាង ដែលភ្នាក់ងាររៀបដាក់តុប្រាក់ធំៗ តាំងទុកនៅទីមុខព្រះពន្លា គឺគ្រាប់ស្រូវ១តុ គ្រាប់សណ្ដែក១តុ គ្រាប់ពោត១តុ គ្រាប់ល្ង១តុ ស្មៅស្រស់១តុ ទឹក១តុ ស្រា១តុ។
សូត្រចប់ព្រាហ្មណ៍ព្រះរាជគ្រូ យកទឹក មន្ដប្រោះក្បាលព្រះគោទាំងពីរ ហើយមន្ដ្រីម្នាក់ដែលកាន់នង្គ័លស្ដេចមាឃ ដឹកគោឧសភរាជទាំងពីរទៅឱ្យស៊ីផឹក របស់ទាំង៧យ៉ាង គឺដឹកទៅជិតរបស់៧យ៉ាងស្រេចហើយ តែគោឧសភរាជចូលចិត្ដស៊ីផឹកអ្វី ក៏ស៊ីផឹកទៅគេមិនបង្ខំឱ្យស៊ីផឹក ចំពោះអាហារណានីមួយៗទេ កាលព្រះគោស៊ីផឹកអ្វីមួយយ៉ាង ឬពីរយ៉ាងព្រាហ្មណ៍ក៏ទាយផលប្រផ្នូល ទៅខាងមុខតាមនោះ។
សរុបសេចក្តីមក ខ្មែរយើងប្រារព្ធពិធីច្រត់ព្រះនង្គ័លនេះឡើង តាមប្រពៃណីព្រាហ្មណ៍ បែបជំនឿលើលក្ខណៈពិសិដ្ឋរបស់អំណាច «ស្តេច» ហាក់ដូចជាមានលក្ខណៈចាស់ជាង ជំនឿបែបឥណ្ឌានិយម។ ត្រង់នេះយើងឃើញយ៉ាងច្បាស់លាស់ នូវលក្ខណៈសំយោគនៃប្រព័ន្ធគំនិតខ្មែរ។
តាមពិតទៅបុណ្យច្រត់ព្រះនង្គ័ល និងប្រពៃណីខ្មែរសុទ្ធសាធមួយចំនួនទៀត ពាក់ព័ន្ធនឹងការដាំដុះមានលក្ខណៈ និងអត្ថន័យស្រដៀងគ្នា ព្រោះថា ទោះការអនុវត្តពិធីនោះប្រកបដោយ លក្ខណៈព្រាហ្មណ៍ក្តី ឬជីវចលនិយមក្ដី វារមែងតែងតែនាំមកនូវភោគផល យ៉ាងច្រើនជាអតិបរមា។ ដូច្នេះពិធីច្រត់ព្រះនង្គ័ល ដែលប្រារព្ធតាមឆន្ទៈ របស់ប្រជានុរាស្ត្រមានឧត្តមគតិដ៏ខ្ពង់ខ្ពស់គឺ ផ្តល់នូវការលូតលាស់លើវិស័យកសិកម្ម។ អ្វីមួយដែលនាំសង្គមខ្មែរឈានទៅរក វឌ្ឍនភាពកំពូលនាសម័យមហានគរ គឺការគ្រប់គ្រងទឹក៕ (អត្ថបទ FN)
រាជធានីភ្នំពេញ ៖ យោងតាមការព្យាករណ៍របស់ក្រសួងធនធានទឹក និងឧតុនិយមបានឲ្យដឹងថា ចាប់ពីថ្ងៃទី១៤ ដល់ថ្ងៃទី២១ ខែឧសភា ភ្លៀងអាចនឹងកាន់តែបង្កើនការធ្លាក់រាយប៉ាយ ពីបង្គួរទៅច្រើន ក្នុងក្របខ័ណ្ឌស្ទើរទូទាំងប្រទេស។
ជាមួយគ្នានេះក្រសួងជំនាញមួយនេះក៏បានអំពាវនាវ «សូមបង្កើនការប្រុងប្រយ័ត្នខ្ពស់បំផុត ចំពោះបាតុភូតរន្ទះ និងខ្យល់កន្ត្រាក់ដែលអាចនឹងបន្តកើត មានញឹកញាប់ នៅក្នុងពេលមានភ្លៀងធ្លាក់ ជាពិសេសចាប់ពីថ្ងៃទី១៤ ដល់ថ្ងៃទី២១ ខែឧសភា ឆ្នាំ២០១៧»៕
រាជធានីភ្នំពេញ ៖ ប្រភពពីសមត្ថកិច្ចឲ្យដឹងថា ក្រោយពីធ្វើការពិនិត្យទៅលើកាមេរ៉ាសុវត្ថិភាពនៅអគារខុនដូរយ៉ាងយកចិត្តទុកដាក់នោះបានបង្ហាញថា នៅមុនពេលកើតករណីឃាតកម្មនេះ គឺបានឃើញមនុស្សប្រុស២នាក់ចូលទៅក្នុងបន្ទប់របស់នារីរងគ្រោះ ក្នុងនោះម្នាក់ជាកូនប្រុសបង្កើតរបស់នាយហុងដាតែម្តង។
សមត្ថកិច្ចឱ្យដឹងទៀតថា បើយោងតាមការពិនិត្យលើសាកសពនារីរងគ្រោះដែលស្លាប់នេះឃើញថា គឺត្រូវឃាតករបានយកខ្សែឆ្នាំងអ៊ុតមករឹត.កសម្លាប់យ៉ាងសាហាវបំផុត ខណៈដែលនារីរងគ្រោះមានឈ្មោះ ស៊ឹម ចន្ទី (ហៅស្រីមុំ) អាយុ១៨ឆ្នាំ មានកូនស្រីអាយុ៦ខែជាមួយលោកហុងដា មានទីលំនៅក្នុងភូមិទួលកី សង្កាត់ភ្លើងឆេះរទេះ ខណ្ឌពោធិ៍សែនជ័យ៕
ខេត្តបន្ទាយមានជ័យ៖ជនសង្ស័យ៣នាក់ត្រូវបានកម្លាំងនគរបាលការិយាល័យព្រហ្មទណ្ឌកំរិតស្រាល នៃស្នងការដ្ឋាននគរបាលខេត្តបន្ទាយមានជ័យ នៅព្រឹកថ្ងៃទី១០ ខែឧសភា ឆ្នាំ២០១៧ បានកសាងសំណុំរឿងចាប់បញ្ជូនទៅកាន់តុលាការ ដើម្បីយកទៅចាត់ការតាមផ្លូវច្បាប់ ជាប់ចោទ បទឆបោក ពាក់ព័ន្ធនិងការប្រើប្រាស់ប្រាក់ដូល្លាក្លែងក្លាយ២៥,០០០ដុល្លារ(ពីរម៉ឺនប្រាំពាន់ដុល្លារ) ដូរយកប្រាក់បាតថៃចំនួន៧០ម៉ឺនបាត ពីជនរងគ្រោះចំនួន២នាក់។
ជនសង្ស័យ៣នាក់ ត្រូវបានកម្លាំងនគរបាលឃាត់ខ្លួនបានជាបន្តបន្ទាប់ កាលពីថ្ងៃទី៧និងទី៨ ខែឧសភា ឆ្នាំ២០១៧ នៅក្រុងសិរីសោភ័ណ ខេត្តបន្ទាយមានជ័យ និងក្រុងបាត់ដំបង ខេត្តបាត់ដំបង ។ជាមួយនឹងការឃាត់ខ្លួនជនសង្ស័យ សមត្ថកិច្ចដកហូតបានប្រាក់ដូល្លារក្លែងក្លាយរបស់ក្រុមជនសង្ស័យ ដែលបានប្រើប្រាស់បោកបញ្ឆោតជនរងគ្រោះនូវទឹកប្រាក់ចំនួន២៥,០០០ដុល្លារ (ពីរម៉ឺនប្រាំពាន់ដុល្លារ) ក្នុងនោះមានក្រដាសប្រាក់១០០ដុល្លារ ក្លែងក្លាយ២៨២សន្លឹក និងប្រាក់ដុល្លារពិតប្រាកដក្រដាស១០០ដុល្លារ ចំនួន៣សន្លឹក និងរថយន្តកាមរីឆ្លាមជនសង្ស័យ១គ្រឿង ។
លោកវរសេនីយ៍ទោ ខែម សោភ័ណ្ឌ នាយការិយាល័យនគរបាលព្រហ្មទណ្ឌកំរិតស្រាលខេត្តប្រាប់ឱ្យដឹងថា ជនសង្ស័យទាំង៣នាក់ មានឈ្មោះ ១,នី ឈុននឿន ភេទប្រុស អាយុ៣៥ឆ្នាំ ប្រកបមុខរបរអ្នករត់រថយន្តតាក់ស៊ី រស់នៅភូមិសន្លុង ឃុំព្រៃឃ្នេស ស្រុកមេសាង ខេត្តព្រៃវែង ២,រុន សុភ័ក្ត្រហៅភា ភេទប្រុស អាយុ៤៧ឆ្នាំ ប្រកបមុខរបរកសិករ រស់នៅភូមិវត្ត ឃុំត្បែង ស្រុកបន្ទាយស្រី ខេត្តសៀមរាប ៣,ឃុំ ស៊ីថា ភេទប្រុស អាយុ៤១ឆ្នាំ ប្រកបមុខរបរមន្ត្រី កិច្ចសន្យាសាលាដំបូងខេត្តឧត្ថរមានជ័យ ។ការឃាត់ខ្លួនជនសង្ស័យទាំង៣នាក់ ក្រោមការអនុវត្តតាមបទបញ្ជាផ្ទាល់ដោយលោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ និងមានការសម្របសម្រួលនីតិវិធីពីលោក មាស ច័ន្ទពិសិដ្ឋ ព្រះរាជអាជ្ញាអមសាលាដំបូងខេត្ត។
លោកនាយការិយាល័យបានប្រាប់ឱ្យដឹងទៀតថា កាលពីថ្ងៃទី២ ខែឧសភា ឆ្នាំ២០១៧ជនរងគ្រោះ២នាក់ មានឈ្មោះ ជ្រិន ចាន់រៀម ភេទប្រុស អាយុ៤៣ឆ្នាំ និងឈ្មោះ កុយ ចាន់វាសនា ភេទប្រុស អាយុ៣៨ឆ្នាំអ្នកទាំង២នាក់ រស់នៅក្នុងក្រងសិរីសោភ័ណ ខេត្តបន្ទាយមានជ័យ និងមិត្តភក្តិ២នាក់ទៀត បានណាត់ជួបគ្នាតាមទូរស័ព្ទជាមួយក្រុមជនសង្ស័យមានគ្នា៤ទៅ៥នាក់ ដើម្បីដូរប្រាក់រវាងគ្នានឹងគ្នានៅច្រកអន្តរជាតិអូរស្មាច់ ខេត្តឧត្តរមានជ័យ។ជនរងគ្រោះមានប្រាក់បាតថៃ៧០ម៉ឺនបាតដូរយកប្រាក់ដូល្លារពីជនសង្ស័យចំនួន ២៥,០០០ដុល្លារ (ពីរម៉ឺនប្រាំពាន់ដុល្លារ) ។លុះបន្ទាប់មកជនរងគ្រោះនិងមិត្តភក្តិ៤នាក់ បានធ្វើដំណើរតាមរថយន្តក្រុងចេញពីខេត្តបន្ទាយមានជ័យ ទៅដល់ច្រកអន្តរជាតិអូរស្មាច់ដើម្បីដោះដូរប្រាក់គ្នា។នៅពេលជួបគ្នាគឺក្រុមជនរងគ្រោះនិងក្រុមជនសង្ស័យ ក៏បានដូរប្រាក់គ្នាទៅវិញមក ទៅតាមការសន្យាណាត់ជួបគ្នានោះ។ ក្នុងនោះក្រុមជនរងគ្រោះម្នាក់ បានពិនិត្យឃើញថា ប្រាក់ដូល្លានោះជាប្រាក់ពិតប្រាកដចំនួន ២៥,០០០ ដុល្លារ(ពីរម៉ឺនប្រាំពាន់ដុល្លារ) បន្ទាប់មក ពួកគេក៏បានជិះរថយន្តបែកគ្នារៀងៗខ្លួន។
ក្រោយមកនៅពេលដែលជនរងគ្រោះបានធ្វើដំណើរតាមរថយន្តមកដល់ពាក់កណ្តាលផ្លូវដើម្បីមកខេត្តបន្ទាយមានជ័យវិញ ម្ចាស់ប្រាក់មានឈ្មោះ កុយ ច័ន្ទវាសនា មិនអស់ចិត្ត បើកកាបូបដាក់ប្រាក់ដូល្លាពិនិត្យឡើងវិញ ក៏ស្រាប់តែ ឃើញប្រាក់ដូល្លាសុទ្ធតែ៣សន្លឹកដជាក្រដាស់១០០ដុល្លារ ចំណែក២៨២សន្លឹកទៀតសុទ្ធតែក្លែងក្លាយ គេសង្ស័យថាក្រុមសមាជិកជនរងគ្រោះម្នាក់ដែលជាអ្នកត្រួតពិនិត្យប្រាក់ដូល្លានៅពេលដូរគ្នា ធ្វើជារនុកក្នុងរួមដៃគ្នានិងក្រុមជនសង្ស័យខាងលើដើម្បីបោកប្រាក់មិត្តភក្តិធ្វើដណើរទៅជាមួយគ្នា។ បន្ទាប់មកជនរងគ្រោះម្ចាស់ប្រាក់មានឈ្មោះ កុយ ច័ន្ទវាសនានិងឈ្មោះជ្រិន ចាន់រៀមបានមកដាក់ពាក្យប្តឹង ក្រុមជនសង្ស័យខាងលើនៅស្នងការដ្ឋាននគរបាលខេត្តបន្ទាយមានជ័យ ។ នគរបាល ក៏បានបើកការស្រាវជ្រាវស៊ើបអង្កេតឈានដល់ការឃាត់ខ្លួនជនសង្ស័យ៣នាក់ខាងលើ ។
លោកនាយការិយាល័យបានបញ្ជាក់ឱ្យដឹងទៀតថា នៅចំពោះមុខសមត្ថកិច្ចជនសង្ស័យបានឆ្លើយសារភាពទទួលកំហុសរបស់ខ្លួនថារូបគេពិតជាប្រើប្រាស់ដូល្លាក្លែងក្លាយ គោលបំណងបោកប្រាក់ជនរងគ្រោះ។ ប្រាក់បាតថៃ៧០ម៉ឺនបាតដែលជារបស់ជនរងគ្រោះពួកគេចែកគ្នាចាយវាយអស់នោះហើយ។ បច្ចុប្បន្នសមត្ថកិច្ចកំពុងបន្តស្វែងរកចាប់ឃាត់ខ្លួន ជនសង្ស័យជាប់ពាក់ព័ន្ធនិងករណីនេះ ដើម្បីចាប់យកមកផ្តន្ទាទោសតាមផ្លូវច្បាប់បន្ថែមទៀត៕
វ៉ាស៊ីនតោន៖ប្រធានាធិបតីអាមេរិក លោក ដូណាល់ ត្រាំ បានទាត់ចោលការរិះគន់ទាំងឡាយពាក់ព័ន្ធនឹងការបណ្ដេញនាយក FBI លោក James Comey ចេញពីតំណែង ខណៈដែលគណបក្សប្រជាធិបតេយ្យបានស្នើសុំឱ្យបន្តការស៊ើបអង្កេតដោយឯករាជ្យស្ដីពីទំនាក់ទំនងរវាងក្រុមយុទ្ធនាការឃោសនាបោះឆ្នោតរបស់លោក ត្រាំ ជាមួយរុស្ស៊ី។ នេះបើយោងតាម ទីភ្នាក់ងារសារព័ត៌មាន Reuters ។
ក្រុមគណបក្សប្រជាធិបតេយ្យបានលើកឡើងថា កិច្ចការរបស់ FBI នៅពេលនេះនឹងស្ថិតក្នុងស្ថានភាពរញ៉េរញ៉ៃ ហើយគណបក្សនេះបានទាមទារឲ្យមានរដ្ឋអាជ្ញាពិសេសមួយ ដែលមានលក្ខណៈស្រដៀងគ្នាទៅនឹងការតែងតាំងរដ្ឋអាជ្ញាពិសេសដូចនៅក្នុងរដ្ឋបាលរបស់លោក Richard Nixon ឬក៏រឿងអាស្រូវអតីតប្រធានាធិបតី ប៊ីល គ្លីនតុន។
នៅក្នុងជំនួបជាមួយរដ្ឋមន្ត្រីការបរទេសរុស្ស៊ីនៅឯសេតវិមាននៅថ្ងៃពុធសប្ដាហ៍នេះ លោក ដូណាល់ ត្រាំ បានការពារការសម្រេចចិត្តរបស់លោក ហើយបានហៅក្រុមសមាជិកសភាប្រជាធិបតេយ្យ ដែលរិះគន់ការសម្រេចចិត្តនេះថា ជាមនុស្សពុតត្បុត។ បន្ថែមពីលើនេះ លោក ត្រាំ ក៏បានអះអាងថា ការបណ្ដេញ លោក Comey ចេញពីតំណែងគឺដោយសារតែនាយក FBI រូបនេះមានភាព «ឃោរឃៅ» លើការងារ ពោលគឺការបណ្ដេញចេញនេះ មិនមានជាប់ពាក់ព័ន្ធនឹងការស៊ើបអង្កេតលើរុស្ស៊ីនោះឡើយ។
គួរបញ្ជាក់ថា ការបណ្ដេញលោក James Comey ដោយលោក ត្រាំ បានជំរុញឲ្យមានកំសួលនយោបាយនៅទីក្រុងវ៉ាស៊ីងតោន និងបានជំរុញឲ្យតំណែងប្រធានាធិបតីដ៏ក្មេងខ្ចីនេះធ្លាក់ទៅក្នុងស្ថានភាពមិនប្រាកដប្រជា៕
ខេត្តព្រៃវែង៖ភ្លៀងមួយមេលាយឡំជាមួយនឹងខ្យល់កន្ត្រាក់វាយបោកបក់បណ្តាលឲ្យដួលរលំវេទិកា និងស្តង់ពិពណ៌សម្រាប់ដាក់តាំងបង្ហាញសមិទ្ធផលរបស់ក្រសួង-ស្ថាប័ននានាក្នុងព្រះរាជពិធីច្រត់ព្រះនង្គ័ល ដែលករណីនេះកើតឡើងនារសៀលថ្ងៃទី១០ ខែឧសភា ឆ្នាំ២០១៧។
គួរបញ្ជាក់ថា ពិធីច្រត់ព្រះនង្គ័លនឹងប្រព្រឹត្តទៅនៅថ្ងៃទី១២ ខែឧសភា ឆ្នាំ២០១៧ នៅក្នុងនៅក្នុងសាកលវិទ្យាល័យជាស៊ីមកំចាយមារ ក្នុងស្រុកកំចាយមារ ខេត្តព្រៃវែង ដោយមានការយាងចូលរួមពីព្រះករុណា ព្រះបាទបរមនាថ នរោត្តម សីហមុនី ព្រះមហាក្សត្រនៃកម្ពុជា ហើយអភិបាលខេត្តព្រៃវែង លោក ជា សុមេធី និងលោកស្រី នឹងត្រូវឲ្យធ្វើជាស្តេចមាឃ និងព្រះមេហួ។
ទោះបីយ៉ាងណាក្រោយមានហេតុការណ៍នេះ កើតឡើងគណៈកម្មាធិការរៀបចំបុណ្យជាតិ បានដឹកនាំកម្លាំងជួយអន្តរាកមន៍ និងសាងសង់វេទិកានេះ ជាថ្មី និងបានជួយរៀបចំសំភារៈខូចខាតមួយចំនួនទៀត ឲ្យវិលត្រឡប់មកសភាពការណ៍ធម្មតាវិញ៕
នេប៉ាល់៖យោងតាមទិន្នន័យថ្មីៗដែលទទួលបានពីស្ថានីយតាមដានគុណភាពខ្យល់ទាំង៥នៅទូទាំងប្រទេសនេប៉ាល់បានបង្ហាញថា កន្លែងប្រវត្តិសាស្ត្រ ដែលព្រះពុទ្ធប្រសូត្រកំពុងតែប្រឈមនឹងការគំរាមកំហែងខ្លាំង ដោយសារការបំពុលបរិយាកាស ដែលអ្នកវិទ្យាសាស្ត្រ និងមន្ត្រីរដ្ឋាភិបាលសម្តែងការព្រួយបារម្ភ។ នេះបើយោងតាមសារព័ត៌មាន BBC ។
អ្នកវិទ្យាសាស្ត្រ ក៏ដូចជាមន្ត្រីរដ្ឋាភិបាលបានលើកឡើងដូចគ្នាថា បញ្ហាប្រឈមខ្លាំងគឺដោយសារតែអនុញ្ញាតឲ្យការបង្កើតតំបន់ឧស្សាហកម្មនៅក្បែរនោះច្រើន។ ជាមួយគ្នាអង្គការសុខភាពពិភពលោកបានកំណត់ស្តង់ការសុខភាពសម្រាប់ការបំពុលបរិយាកាសត្រឹម២៥ មីក្រូក្រាម ក្នុង១ម៉ែត្រគូប ប៉ុន្តែរដ្ឋាភិបាលនេប៉ាល់កំណត់ស្តង់ជាតិរហូតដល់៤០ ក្នុងមួយម៉ែត្រគូបនៃខ្យល់។
ការសិក្សារបស់អ្នកវិទ្យាសាស្ត្រក៏បានបង្ហាញដែរថា ការបំពុលបរិយាកាសកំពុងកើនឡើងខ្លាំង នៅក្នុងតំបន់ប្រវត្តិសាស្ត្រជាទីកន្លែងប្រសូត្រព្រះពុទ្ធិ។ ចំណែកការសិក្សារបស់ IUCN និង UNESCO បានបង្ហាញថា ការបំពុលបរិយាកាស នៅជុំវិញកន្លែងប្រវត្តិសាស្ត្រនេះ មានការកើនឡើងជាលំដាប់។
គួរបញ្ជាក់ថា បច្ចុប្បន្នរដ្ឋាភិបាលនេប៉ាល់បាន រៀបចំគម្រោងលើដីទំហំ១៥គីឡូម៉ែត្រការ៉េ នៅភាគខាងជើង ខាងកើត និងខាងលិចនៃតំបន់នោះទុកជាតំបន់ការពារ៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
