ដោយ៖ប៉ែន សុផល
បាត់ដំបង៖មានករណីមនុស្សដើរសុំទាន២នាក់ប្តីប្រពន្ធបានមកដេកស្លាប់ ដោយគ្មានមូលហេតុនៅថ្ងៃទី៣១ ខែតុលា ឆ្នាំ២០១៦ ម៉ោង១៨ និង២០នាទី បុរសរងគ្រោះដេកស្លាប់ខាងលើម្នាក់នេះ មានឈ្មោះ មាស នី ភេទប្រុស អាយុ ៥៤ឆ្នាំ និង ប្រពន្ធ ឈ្មោៈ ភឹម នី អាយុ ៥៣ឆ្នាំ ដោយបាន ចេញពីស្រុកកំណើតដើម្បីដើរសុំទានតាមបណ្តាខេត្តផ្សេងៗដែលមានស្រុកកំណើតនៅក្នុងភូមិត្រពាំងក្រសាំងឃុំ ព្រៃពោធិ ស្រុកកំពង់ត្របែក ខេត្តព្រៃវែងទាំងពីនាក់ប្ដីប្រ ពន្ធ ដើរសុំទាន ក្នុងក្រុង បាត់ដំបងនិងស្នាក់នៅបណ្តោៈ អាសន្នក្រុម២២ភូមិ ទួលតាឯក សង្កាត់ទួលតាឯក ក្រុង បាត់ដំបង ។
ប្ដីជាជនរងគ្រោះកន្លងមកគាត់មានជំងឺប្រចាំកាយផង (តាមការរៀបរាបរបស់ប្រពន្ធ) នៅវេលាម៉ោងខាងលើ គាត់បានដើរមកដេកស្លាប់ ក្បែរ ផ្លូវកាច់កែង ថ្នល់លេខ៤ចូលផ្សារទួលតាឯក ស្ថិតនៅក្រុម៣ភូមិ អូរតាគាំ៣ សង្កាត់ ទួលតាឯក ក្រុង/ខេត្តបាត់ដំបង ។
ករណីខាងលើបានបង្កឲ្យមានការភ្ញាក់ផ្អើលនិង អាជ្ញាធរ ភូមិ សង្កាត់បានចុះដល់កន្លែងកើតហេតុដើម្បីត្រួតពិនិត្យនិងរៀបចំសំណំឯកសាទៅតាមផ្លូវច្បាប់និងចាត់ចែងដឹកសពទៅវត្តទួលតាឯកដើម្បីរៀបចំទៅតាមប្រពៃណី៕
រាជធានីភ្នំពេញ៖គិតត្រឹមម៉ោង៦ល្ងាច ថ្ងៃទី៣១ ខែតុលា ឆ្នាំ២០១៦ មានប្រជាពលរដ្ឋខ្មែរចំនួន ៦,៦៨១,៤៨៤នាក់ ហើយ ស្មើជាង៦៩.១៤ភាគរយ បានទៅចុះឈ្មោះបោះឆ្នោត ក្នុងចំណោមប្រជាពលរដ្ឋដែលមានអាយុ១៨ឆ្នាំឡើង ហើយមានសិទ្ធិចុះឈ្មោះបោះឆ្នោតមានចំនួនជាង៩.៦លាននាក់៕
ភ្នំពេញ៖សង្ស័យករណីរឃាតកម្មប្តីសម្លាប់ប្រពន្ធនៅក្នុងបន្ទប់ជួល ទុកចោលនៅក្រោមគ្រែ១ថ្ងៃទើបដឹងក៏មានការភ្ញាក់ផ្អើលកាលពីវេលាម៉ោង៨ និង៣០នាទីព្រឹកថ្ងៃទី០១ ខែវិច្ឆកា ឆ្នាំ២០១៦នៅចំណុចផ្ទះជួលភូមិដំណាក់ធំ៤ សង្កាត់ស្ទឹងមានជ័យ ខណ្ឌមានជ័យ។
សពជនរងគ្រោះឈ្មោះ ផាត ស្រីណេត អាយុ២២ឆ្នាំមុខរបរជាអ្នករត់តុក្នុងហាងកាហ្វេស្រុកកំណើតនៅភូមិទួលបណ្តោល ឃុំជីគោ ស្រុកត្បូងឃ្មុំ ខេត្តត្បូងឃ្មុំ ប្តីឈ្មោះ អំ ឌឿន អាយុ៣៧ឆ្នាំ ស្រុកកំណើត ភូមិរលួស ឃុំព្រះធាតុ ស្រុកកំពុងត្របែក ខេត្តព្រៃវែង ដែលសមត្ថកិច្ចដាក់ការសង្ស័យជាបឋមថាជាឃាតកម្មសម្លាប់ប្រពន្ធ។
នៅពេលនេះសមត្ថកិ្ចកំពុងធ្វើការស្រាវជ្រាវ ចំណែកជនសង្ស័យរត់គេចខ្លួនបាត់ស្រមោល៕
រាជធានីភ្នំពេញ៖យុវជនម្នាក់ដែលជាប់ចោទពីបទចាប់រំលោភ ក្មេងស្រីអាយុ១៣ឆ្នាំ នៅក្នុងបន្ទប់ឡៅតឿ មិនបានសម្រេចដោយសារតែនាងឈឺប្រដាប់ភេទនិងបានរើបម្រាស់រួចរត់ចុះមកក្រោមប្រាប់ម្ដាយប្តឹងសមត្ថកិច្ចចាប់ខ្លួនតែម្តង។
ហេតុការណ៏នោះបានកើតឡើង កាលពីវេលាម៉ោង៤និង១០នាទីល្ងាច ថ្ងៃទី៣០ ខែតុលា ឆ្នាំ២០១៦ នៅចំណុចផ្ទះ លេខA-155 ផ្លូវលំ ស្ថិតក្នុងភូមិត្រពាំងអញ្ចាញទី១ សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ។
សមត្ថកិច្ចបានឲ្យដឹងថាជនសង្ស័យមាន ឈ្មោះគុយ ហាវ អាយុ១៧ឆ្នាំមុខរបរកម្មករសំណង់ មានទីលំនៅផ្ទះលេខA155 ភូមិត្រពាំងអញ្ចាញទី៦ សង្កាត់ត្រពាំងក្រសាំង ខណ្ឌពោធិ៍សែនជ័យ ដោយឡែកក្មេងស្រីរងគ្រោះ មានអាយុ១៣ឆ្នាំ។
តាមប្រភពព័ត៌មានបានឲ្យដឹងថា រវាងយុវជនខាងលើនិងក្មេងស្រីរងគ្រោះ បានស្រលាញ់គ្នាដែលកន្លងមក ពួកគេធ្លប់និយាយសាសងគ្នា ដែលឪពុកម្ដាយទាំងសង្ខាងទំនងជាមិនបានដឹងនោះឡើយ ហើយឆ្លៀតពេលដែល ឪពុកម្ដាយខាងស្រីមិននៅផ្ទះមួយភ្លែត យុវជននោះបានធ្វើដំណើរទៅកាន់ ផ្ទះ នាង ហើយបានសាសងក្នុងខណៈពេល ដែលនាងកំពុងឈរលាងចានឆ្នាំងតែម្នាក់ឯង។លុះលាងរួចនាង ម្នាក់នោះបានឡើងទៅលើបន្ទប់ឡៅតឿ ដើម្បីយកសម្លៀកបំពាក់ ដែលប្រឡាក់ចុះមកក្រោមបោកគក់ ស្រាប់តែក្មេងយុវជននោះបានឡើងទៅតាម រួចបានចាប់នាងផ្ដួលនៅក្នុងបន្ទប់នោះ និងបានស្រាតខោនាងដល់ ត្រឹមក្រោមជង្គង់ រួចបានធ្វើសកម្មភាពរួមរ័ក។ប៉ុន្តែខណៈនោះដោយសារតែ នាងមានការឈឺចាប់ប្រដាប់ភេទ ខ្លាំងពេកទើបការរួមរ័កនោះ មិនបានសម្រេចឡើយ នាងក៏បានស្ទុះក្រោកស្លៀកខោវិញ និងបានដើរចេញពី ក្នុងបន្ទប់ឡៅតឿនោះ យកសម្លៀកបំពាក់ចុះក្រោម នៅសល់តែយុវជននោះកំពុងស្លៀកខោ ហើយស្រប ពេលនោះម្ដាយរបស់នាងបាន ទៅដល់មានការសង្ស័យពីទឹកមុខកូនស្រី ក៏បានឡើងទៅមើលលើបន្ទប់ ឡៅតឿ ហើយបានឃើញយុវជន នោះកំពុងស្លៀកខោ ក៏បានហៅឲ្យប្ដីគាត់ទៅមើលនិង ប្ដឹងឲ្យនគរបាលចាប់ ខ្លួនយុវជននោះចោទប្រកាន់ពីបទរំលោភសេពសន្ធវៈកូនស្រីគាត់ ។
បច្ចុប្បន្នជនសង្ស័យកំពង់ឃាត់ខ្លួននៅអធិការដ្ឋាននគរបាលខណ្ឌពោធិ៍សែនជ័យសាកសួរនិងក៍សាងសំណុំរឿងបញ្ជូនទៅតុលាការចាត់ការបន្តតាមផ្លូវច្បាប់បន្ត៕
ប៉េកាំង៖យោងតាមសារព័ត៌មានស៊ិនហួរបានចេញផ្សាយថា កម្មករអណ្ដូងរ៉ែយ៉ាងតិចចំនួន១៥នាក់ត្រូវបានគេអះអាងថា ស្លាប់បាត់បង់ជីវិត ខណៈដែល១៨នាក់ផ្សេងទៀត នៅតែបន្តបាត់ខ្លួននៅឡើយបន្ទាប់ពីផ្ទុះអណ្ដូងរ៉ែធ្យូងថ្មមួយកន្លែងស្ថិតនៅភាគអាគ្នេយ៍ទីក្រុង Chongqing ប្រទេសចិន។
ក្រុមអាជ្ញាធរនៅក្នុងតំបន់បានឱ្យដឹងថា អណ្ដូងរ៉ែធ្យូងថ្មដែលផ្ទុះនេះជារបស់ឯកជនមួយ ឈ្មោះថា Jinshangou Coal Mine ស្ថិតនៅតំបន់ Laisu Town នៃស្រុក Yongchuan ។ អាជ្ញាធរបញ្ជាក់ថា ករណីនេះកើតឡើងនៅម៉ោង១១ និង៣០នាទី(ម៉ោងក្នុងតំបន់) ដែលមានកម្មករសរុប៣៥នាក់ កំពុងធ្វើការ។ ជាមួយគ្នានេះអាជ្ញាធរឱ្យម្ចាស់អណ្ដូងរ៉ែនេះផ្អាកសកម្មភាពរបស់ខ្លួនដើម្បីមានភាពងាយស្រួលដល់ក្រុមអ្នកជួយសង្គ្រោះ៕
រាជធានីភ្នំពេញ៖បុរសម្នាក់ដេកផ្កាប់មុខស្លាប់គួរឲ្យអាណោចអាធ័ម ខណៈពេលជិះម៉ូតូមកពីស្រុកកំណើតវិញត្រូវរថយន្តកៀរ បុកអូសជាច្រើនម៉ែត្រ រួចកិនពីលើថែមទៀត ហើយបើករត់បាត់ស្រមោល។ ហេតុការណ៍នេះកើតឡើងកាលពីវេលាម៉ោង១១យប់ថ្ងៃទី៣១ ខែតុលា ឆ្នាំ២០១៦ តាមបណ្តោយផ្លូវជាតិលេខ៦ ចន្លោះស្ពានទី១១-១២ ស្ថិតក្នុងភូមិចំបក់មាស សង្កាត់បាក់ខែង ខណ្ឌជ្រោយចង្វា។
ប្រភពព័ត៌មាននៅកន្លែងកើតហេតុបានឲ្យដឹងថា ដំបូងរូបលោកមិនបានដឹងថាមានមនុស្សស្លាប់ទេ ពេលដែលបើកជិតដល់កន្លែងកើតហេតុក៏ឃើញមនុស្សដេកផ្កាប់មុខបែកក្បាលខ្ទេចដាច់លលាដ៍ក្បាលខាងលើ និងមានម៉ូតូ១គ្រឿងម៉ាកហុងដាឌ្រីម ស៊េរី២០០៥ ពណ៌ខ្មៅ ពាក់ស្លាកលេខ ភ្នំពេញ 1P-7048 ដួលកណ្តាលផ្លូវ ទើបរូបលោករាយការណ៍ប្រាប់សមត្ថកិច្ចឲ្យចុះមកពិនិត្យភ្លាមៗដែរ។
សមត្ថកិច្ចពិនិត្យជាជំហានដំបូងបានសន្និដ្ឋានថា សពអាចត្រូវរថយន្តបើកកៀរពីក្រោយអូសជាច្រើនម៉ែត្រ ហើយទើបកិនពីលើដាច់លលាដ៍ក្បាលផ្នែកខាងលើស្លាប់តែម្តង ព្រោះគេពិនិត្យឃើញពីកន្លែងបុកដល់ទីតាំងសពមានប្រវែង១០ម៉ែត្រ ។ សមត្ថកិច្ចបញ្ជាក់ថា សពជនរងគ្រោះឈ្មោះ សាយ ម៉ាយ ភេទប្រុស អាយុ៥៧ឆ្នាំ មុខរបរជាកម្មករសំណង់ មានស្រុកកំណើតនៅភូមិគងជ័យលិច ឃុំព្រែកកុយ ស្រុកកងមាស ខេត្តកំពង់ចាម។
ក្រោយពេលកើតហេតុសពត្រូវបានក្រុមគ្រួសារដឹកយកទៅធ្វើបុណ្យនៅស្រុកកំណើត ចំណែកម៉ូតូត្រូវបានសមត្ថកិច្ចយកទៅរក្សាទុកនៅប៉ុស្តិ៍បាក់ខែង១យប់រង់ចាំពេលព្រឹកឲ្យខាងសាច់ញាតិយកឯកសារមកផ្ទៀងផ្ទាត់ដើម្បីប្រគល់ឲ្យម្ចាស់ដើមវិញ៕
រាជធានីភ្នំពេញ៖គ្រោះថ្នាក់ចរាចរណ៍នៅទូទាំងប្រទេសក្នុងខែតុលាកន្លងទៅនេះ កើតឡើងចំនួន២៨១លើកបណ្តាលឲ្យមនុស្ស១២៤នាក់បានស្លាប់ របួស៦៥៦នាក់ (របួសស្រាល ៣០៩នាក់ និងរបួសធ្ងន់ ៣៤៧នាក់)។ នេះបើតាមរបាយការណ៍របស់អគ្គស្នងការនគរបាលជាតិ។
របាយការណ៍ដដែលបញ្ជាក់ថា ក្នុងគ្រោះថ្នាក់ចរាចរណ៍ពេញមួយខែតុលានេះចំនួនអ្នកស្លាប់បានធ្លាក់ចុះបើធៀបនឹងរយៈពេលដូចគ្នាឆ្នាំ២០១៥ កើតឡើង ២៧៥លើក អ្នកស្លាប់១៣៣នាក់ ខណៈដែលអ្នករបួសកើនឡើងបើធៀបនឹងឆ្នាំមុន ដែលមានអ្នករបួសចំនួន ៤៣៥នាក់ (របួសស្រាល ១៦៤ នាក់ និងធ្ងន់ ២៧៣នាក់)។
គ្រោះថ្នាក់ចរាចរណ៍ទាំង ២៨១លើកបណ្តាលឲ្យខូចខាតរថយន្តតូច១០២គ្រឿង រថយន្តធំ ៥៧គ្រឿង និងម៉ូតូ ២៩២គ្រឿង ហើយមូលហេតុដែលនាំឲ្យគ្រោះថ្នាក់រួមមាន ល្មើសល្បឿន ស្រវឹង ប្រជែង មិនប្រកាន់ស្តាំ មិនគោរពសិទ្ធិ ងងុយដេក និងកត្តាយានយន្តជាដើម៕
ខេត្តស្វាយរៀង៖យោងតាមសេចក្តីរាយការណ៍បឋមបានឲ្យដឹងថា យ៉ាងហោចណាស់កម្មករជាង១០នាក់បានរងរបួស គ្រាដែលរថយន្តកូរ៉េមួយគ្រឿងដែលដឹកកម្មករតាមផ្ទះ ទៅធ្វើការនៅរោងចក្រ បុកជាមួយរថយន្តជនជាតិថៃដែលមកតាំងពិព័រណ៍នៅក្រុងស្វាយរៀង ។ ករណីនេះកើតឡើងនាព្រឹកព្រលឹមថ្ងៃទី០១ ខែវិច្ឆិកា ឆ្នាំ២០១៦នេះ។
សមត្ថកិច្ចមូលដ្ឋាន បានឲ្យដឹងថា គ្រោះថ្នាក់ចរាចរណ៍នេះ បានបណ្តាលឲ្យរថយន្តដឹកកម្មករ ក្រឡាប់ ហើយជះកម្មករ មកដីរបួសធ្ងន់ស្រាល ជាង១០នាក់ ត្រូវបានបញ្ជូនទៅកាន់មន្ទីរពេទ្យភ្លាមៗផងដែរ ខណ:ជនជាតិថៃមិនមានរបួសនោះទេ។
ក្រោយកើតហេតុ កម្លាំងសមត្ថកិច្ច បានចុះទៅជួយអន្តរាគមន៍ និងយករថយន្តទាំង២ រក្សាទុកជាបណ្តាះអាសន្នរង់ចាំការដោះស្រាយបន្តទៀត៕
ខេត្តស្ទឹងត្រែង៖កម្លាំងសមត្ថកិច្ច កងរាជអាវុធហត្ថលើផ្ទៃប្រទេសឈរជើងខេត្តស្ទឹងត្រែង បានរកឃើញទីតាំងលាក់ទុកឈើប្រភេទលេខ១ជាង១០០កំណាត់ នៅវេលាម៉ោង១និង២០នាទី រសៀលថ្ងៃទី៣១ ខែតុលា ឆ្នាំ២០១៦ ស្ថិតក្នុងភូមិបាចុង សង្កាត់ព្រះបាទ ក្រុង-ខេត្តស្ទឹងត្រែង ។ មន្ត្រីជំនាញអះអាងថា ឈើទាំងនោះប្រភេទឈើសុក្រំ កកោះ ធ្នុង និងឈើត្រសេក។
សមត្ថកិច្ចក្រុមការងារស្រាវជ្រាវព័ត៌មាន និងបង្ក្រាបបទល្មើសព្រៃឈើបានចុះបង្ក្រាបសម្មភាពប្រមូលទិញ ដឹកជញ្ជូន ឈើខុសច្បាប់បានជាច្រើនកន្លែង។ ដោយឡែកនៅខេត្តស្ទឹងត្រែងនេះ សមត្ថកិច្ចកំពុងសហការជាមួយជំនាញរដ្ឋបាលព្រៃឈើ ដោយមានការសម្របសម្រួលពីតំណាងអយ្យការ ដើម្បីធ្វើការត្រួតពិនិត្យវាស់វែងបញ្ជូនទៅឲ្យជំនាញរដ្ឋបាលព្រៃឈើអនុវត្តតាមនីតិវិធី រួចកសាងសំណុំរឿងបញ្ជូនទៅកាន់សាលាដំបូងខេត្ត និងបន្តស្រាវជ្រាវរកឲ្យឃើញនូវម្ចាស់ឈើក៏ដូចជាអញ្ញត្តិជន ដើម្បីធ្វើការផ្តន្ទាទោសទៅតាមផ្លូវច្បាប់ ដើម្បីចូលរួមអនុវត្តតាមបទបញ្ជា ក៏ដូចជាគោលការណ៍របស់រាជរដ្ឋាភិបាលក្នុងការបង្ក្រាបបទល្មើសព្រៃឈើ៕
ដោយ៖ប៉ែនសុផល
បាត់ដំបង៖ពលរដ្ឋខ្មែរចំនួន២នាក់បានលួចចូលទៅក្នុងទឹកដីថៃដោយខុសច្បាប់ក្នុងប្រទេសគេហើយត្រូវពួកទាហានថៃបាញ់ប្រហារបណ្តាលឲ្យរងរបួសកាលពីថ្ងៃទី២៩ តុលា ២០១៦ វេលាម៉ោងប្រហែល១៩ និង០០នាទី។
ជនរងគ្រោះទី១ត្រូវពួកទាហានថៃបាញ់ប្រហារបណ្តាលឲ្យរងរបួសចំស្មាខាងឆ្វេង ឈ្មោះ ស៊ុន វណ្ណនេ ភេទប្រុស អាយុ២៥ឆ្នាំ មានស្រុកកំណើតនៅខេត្តកំពត បានមកស្នាក់នៅភូមិអូរ ឃុំពេជ្រចិន្តាស្រុកភ្នំព្រឹក ខេត្តបាត់ដំបង និងម្នាក់ទៀត ឈ្មោះ ឡុង សារិន ភេទប្រុស អាយុ៣២ឆ្នាំ បានរត់បែកគ្នាមិនដឹងរត់ចេញទៅដល់កន្លែងណានោះទេ ខណៈពេលពួកទាហានថៃបានបាញ់រះទៅលើពួកគេទាំង២នាក់។
សូមបញ្ជាក់ថា ប្រជាពលរដ្ឋដែលចូលទៅទឹកដីថៃដោយខុសច្បាប់ខាងលើពួកគេមិនស្គាល់ភូមិសាស្ត្រ
ដឹងថាចូលតាមច្រកណាទេ ពេលទៅដល់ចំណុចកើតហេតុជនរងគ្រោះក៏មិនដឹងថា នៅចំណុចណាដែរ ។
ក្រោយពីពួកទាហានថៃបានបាញ់ប្រហារទៅលើពួកគេបណ្តាលឲ្យរងរបួសនោះជនរងគ្រោះមិនបានចេញតាមច្រកអូររំដួលទេ គឺរត់តាមផ្លូវជើងក្នុងភូមិសាស្ត្រឃុំពេជ្រចិន្តាស្រុកភ្នំព្រឹកក៍បានជួបនិងអ្នកចំការបានដឹកនាំមកសង្គ្រោះចំណុចមួយ ប៉ុន្តែមិនបានចាំថាកន្លែងណាអោយពិតប្រាកដទេ គ្រាន់តែដឹងថាចូលតាមភូមិសាស្ត្រក្នុងតំបន់ឃុំពេជ្រចិន្ដាស្រុកភ្នំព្រឹក។
ជនរងគ្រោះបានបន្តដំណើរតាមការចង្អុលបង្ហាញពីអ្នកចំការទើបមកដល់មណ្ឌលសុខភាពពេជ្រចិន្តានៅវេលាម៉ោង២រំលងអធ្រាត្រឈានចូលថ្ងៃទី៣០ តុលា២០១៦ ហើយត្រូវបានខាងមណ្ឌលសុខភាពបញ្ជូនទៅសង្គ្រោះនៅមន្ទីរពេទ្យបង្អែកស្រុកសំពៅលូនជាបន្ត។
បច្ចុប្បន្នជនរងគ្រោះត្រូវសមត្ថកិច្ចនាំយកមកសម្រាកព្យាបាលនៅមណ្ឌលសុខភាពខាងលើ រីឯម្នាក់ទៀតសមត្ថកិច្ចកំពុងធ្វើស្រាវជ្រាវនិងស៊ើបអង្កេតដើម្បីជួយសង្គ្រោះជាបន្តទៅទៀត ៕
រាជធានីភ្នំពេញ៖លោក ប៉ុល ហំម តំណាងរាស្ត្របក្សប្រឆាំងបានឲ្យដឹងថា សពលោក ប៉ែន សុវណ្ណ នឹងហែពីស្រុកកំណើតនៅខេត្តតាកែវ ដើម្បីយកមកតម្កល់នៅវត្តថាន់ ក្នុងទីក្រុងភ្នំពេញនៅថ្ងៃទី២ ខែវិច្ឆិកា ខាងមុខនេះ។ លោកបញ្ជាក់ថា សពលោក ប៉ែន សុវណ្ណ នឹងហែចេញខេត្តតាកែវ នៅម៉ោង៧ព្រឹក យកមកតកម្កល់នៅវត្តថាន់ ក្នុងទីក្រុងភ្នំពេញ ហើយគ្រោងបូជានៅថ្ងៃអាទិត្យ ទី៦ ខែវិច្ឆិកា វេលាម៉ោង៩ព្រឹកតែម្តង។
លោក ប៉ែន សុវណ្ណ បានទទួលមរណភាពនាថ្ងៃទី២៩ ខែតុលា ដែលមានអាយុ៨០ឆ្នាំ ដោយរោគាពាធ។លោក ប៉ែន សុវណ្ណ កើតនៅថ្ងៃទី១៥ ខែមេសា ឆ្នាំ១៩៣៦ ហើយលោកធ្លាប់ជាអតីតនាយករដ្ឋមន្ត្រីទីមួយនៃរបបសាធារណរដ្ឋប្រជាមានិតកម្ពុជា ចន្លោះឆ្នាំ១៩៧៩ដល់ឆ្នាំ១៩៨១។ ក្រោយមកលោកត្រូវបានចោទប្រកាន់ថា បានលួចចរចាស្ងាត់ៗ ជាមួយក្រុមខ្មែរក្រហម៕
ខេត្តបន្ទាយមានជ័យ៖មានការភ្ញាក់ផ្អើលកាលពីព្រលឹមថ្ងៃទី៣១ ខែតុលា ឆ្នាំ២០១៦នេះ បន្ទាប់ពីសាកពសយុវជនកម្មករចាក់លូក្រុមហ៊ុនឯកជនម្នាក់ចងកសម្លាប់ខ្លួននៅក្បែរស្រះទឹក ដែលករណីនេះកើតឡើងក្នុងភូមិផ្សារកណ្ដាល សង្កាត់ផ្សារកណ្ដាល ក្រុងប៉ោយប៉ែត។ ជនរងគ្រោះឈ្មោះ ហៀត ម៉េងឡុង អាយុ១៧ឆ្នាំ ជាកម្មករចាក់លូឲ្យក្រុមហ៊ុនឯកជនមួយ មានស្រុកកំណើតនៅខេត្តកំពង់ចាម ស្នាក់នៅចំណុចកើតហេតុ ។
ឪពុកបង្កើតជនរងគ្រោះឈ្មោះ ណ ម៉េងហៀត អាយុ៤៤ឆ្នាំ បានរៀបរាប់សមត្ថកិច្ចឲ្យដឹងថា មុនកើតហេតុកាលពីម៉ោងប្រហែល៨យប់ ថ្ងៃទី៣០ ខែតុលា ឆ្នាំ២០១៦ កូនប្រុសរបស់គាត់ផឹកស៊ីជាមួយកម្មកររួមអាជីពក្នុងក្រុមហ៊ុនចាក់លូ គាត់ក៏ស្តីបន្ទោសតិចតួចស្រាប់តែកូនគាត់ខឹង និងបោកកម្ទេចទូរស័ព្ទដៃ១គ្រឿង ហើយដើរចេញទៅបាត់ លុះព្រឹកឡើងអ្នកស្រុកទៅរែកទឹកស្រះស្រាប់តែប្រទះឃើញសពជនរងគ្រោះ ខណៈក្រុមកម្មករនាំគ្នាទៅមើលទើបដឹងថាជាកូនរបស់គាត់តែម្តង។
សមត្ថកិច្ចនគរបាលក្រុង និងក្រុមគ្រូពេទ្យបានចុះដល់កន្លែងកើតហេតុដោយមានការសម្របសម្រួលពីលោក មាស ច័ន្ទពិសិដ្ឋ ព្រះរាជអាជ្ញាអមសាលាដំបូងខេត្ត ដើម្បីត្រួតពិនិត្យ និងធ្វើកោសល្យវិច្ច័យសព ។ គ្រូពេទ្យជំនាញបញ្ជាក់ថា ជនរងគ្រោះស្លាប់ដោយចង.កពិតប្រាកដមែន បន្ទាប់មកសមត្ថកិច្ចក៏បានធ្វើកំណត់ប្រគល់សពទៅសាច់ញាតិ និងឪពុកម្តាយដឹកទៅធ្វើបុណ្យតាមប្រពៃណីនៅស្រុកកំណើត៕
ខេត្តបន្ទាយមានជ័យ៖បុរសម្នាក់ត្រូវរថយន្តកិនស្លាប់ភ្លាមៗនៅនឹងកន្លែង ខណៈពេលជិះម៉ូតូឡើងជែងរថយន្តមិនផុតធ្វើឲ្យម៉ូតូដួលចូលរថយន្តសណ្តោង ដែលហេតុការណ៍កើតឡើងនៅវេលាម៉ោង៥ល្ងាចថ្ងៃទី៣០ ខែតុលា ឆ្នាំ២០១៦ នៅលើកំណាត់ផ្លូវជាតិលេខ៦ ត្រង់ចំណុចខាងលិចស្ពានសាលាក្រៅប្រហែល១៣០ម៉ែត្រស្ថិត ក្នុងភូមិសាលាក្រៅ សង្កាត់ភ្នៀតក្រុងសិរីសោភ័ណ ខេត្តបន្ទាយមានជ័យ។
លោកវរសេនីយ៍ត្រី ភឿក ព្រហ្មមេបញ្ជាការស្តីទីមូលដ្ឋានកងរាជអាវុធហត្ថក្រុងសិរីសោភ័ណបានឲ្យដឹងថានៅមុនពេលកើតហេតុនោះមានម៉ូតូមួយគ្រឿងម៉ាកហុងដាទ្រីម C125 ពណ៌ខ្មៅស៊េរី២០១៣ ពាក់ស្លាកលេខ បន្ទាយមានជ័យ1H ៩២២៥ បើកដោយឈ្មោះ កែ តឿង ភេទប្រុស អាយុ២៥ឆ្នាំ រស់នៅភូមិប៉ោយស្នួល ឃុំប៉ោយចារ ស្រុកភ្នំស្រុក ខេត្តបន្ទាយមានជ័យ បើកក្នុងទិសដៅពីកើតទៅលិចក្នុងល្បឿនលៀនលុះបើកមកដល់ចំណុចកើតហេតុស្រាប់តែធ្វើការឡើងជែងនិងរថយន្តបើកពីមុនដោយសារតែម៉ូតូបើកលឿនពេកក៏វ៉ាក់នឹងរថយន្តបើកពីមុខក្នុងទិសដៅបើកច្រាសទិសគ្នាក៏ដួលចូលរថយន្តម៉ាកFusoសណ្តោង ពណ៌បៃតងពាក់ស្លាកលេខ ភ្នំពេញ3B ១៩៦២បណ្តាលឲ្យស្លាមភ្លាមមួយរំពេច។
លោក ភឿក ព្រហ្ម បានបញ្ជាក់ទៀតថាក្រោយពីកើតហេតុរួចអ្នកបើករថយន្តដែលបុកមនុស្សស្លាប់នោះចុះរត់គេចខ្លួនបាត់។ សពត្រូវបានសមិត្ថកិច្ចទូរស័ព្ទស្វែងរកសាច់ញាតិយកទៅធ្វើតាមប្រពៃណីនៅផ្ទះសពតែម្តងរីឯរថយន្ត និងម៉ូតូសមិត្ថកិច្ចយកទៅរក្សាទុកនៅស្នងការនគរបាលខេត្តបន្ទាយមានជ័យដើម្បីដោះស្រាយទៅតាមនីតិវិធីច្បាប់៕
ដោយ៖ប៉ែន សុផល
បាត់ដំបង៖ពលរដ្ឋថា ល្បែងស៊ីសងភ្នាល់ចាក់បាល់និងហ្គេមអិនធឺណេតជាច្រើនកន្លែងនៅក្រុងបាត់ដំបងកំពុងបានពង្វក់ក្មេងសិស្សសាលានិងយុវវ័យអោយញៀនភ្លេចបាយភ្លេចទឹកគេចមិនចូលសាលាហើយខាងអាជ្ញាធរនៅមិនទាន់មានចំណាត់ការ។
យោងតាមប្រភពពីប្រជាពលរដ្ឋដែលរស់នៅក្នុងក្រុងបាត់ដំបងបានអោយដឹងថា៖ល្បែងស៊ីសងភ្នាល់ចាក់បាល់តាមអិនធឺណេតជាច្រើនកន្លែងពិសេសល្បែងហ្គេមដែលនៅចំណុចខាងលិចសាលាព្រះមុន្នីវង្សស្ថិតក្នុងភូមិព្រែកមហាទេពសង្កាត់ស្វាយប៉ោ ក្រុងបាត់ដំបងតែម្តងដែលកំពុងពេញនិយមនិងបានពង្វក់ក្មេងសិស្សសាលានិង យុវវ័យអោយញៀនភ្លេចបាយភ្លេចទឹក និងគេចមិនចូលសាលាថែមទាំងចេះលួចលុយឪពុកម្តាយផងដែរ។
ប្រភពបន្តថា៖ទីតាំងទាំងអស់នោះរយះពេលកន្លងមកត្រូវបានសមត្ថកិច្ចចុះមកនែនាំនិងធ្វើកិច្ចសន្យាបិទម្តងរួចមកហើយក្រោយមកមានការត្រូវរូវគ្នាបន្តបើកលេងយ៉ាងគគ្រឹកគគ្រែង២៤ម៉ោងលើ២៤ម៉ោងដដែល។
ប្រភពបន្តទៀតថា៖ការដែលមិនអើពើពីសំណាក់សមត្ថកិច្ចក្នុងការបង្ក្រាបរាល់ល្បែងស៊ីសងចាក់បាល់និងល្បែងអ៊ិនធឺណេតបង្វក់ក្មេងសិស្សនិងយុវវ័យទាំងនេះហើយដែលធ្វើអោយពលរដ្ឋជាច្រើនក្នុងខេត្តបាត់ដំបងមានការភ័យខ្លាចកើតមានអំពើហិង្សាក្នុងគ្រួសារនិងកើតមានករណីចោរលួច ចោរឆក់ និងកាច់សោរយកម៉ូតូស្ទើរតែរាល់ថ្ងៃផងដែរនៅតាមមូលដ្ឋានរបស់ពួកគាត់។ ពាក់ព័ន្ធទៅនិងល្បែងហ្គេមអិនធឺណេតបង្វក់ក្មេងសិស្សសាលាខាងលើនេះលោកប៉ាង ហៀងអធិការក្រុងបាត់ដំបងខាងមេគង្គប៉ិស្តិ៍មិនអាចធ្វើការទំនាក់ទំនងបានទេនៅព្រឹកថ្ងៃទី៣១ខែតុលាឆ្នាំ២០១៦នេះដោយសារទូរស័ព្ទក្រៅតំបន់សេវ៉ា។
ចំណែកលោក ជេត វណ្ណនី ស្នងការរងទទួលបន្ទុកផ្នែកព្រហ្មទណ្ឌកណ្តាលយុត្តិធម៌បានប្រាប់សារពត៌មានយើងនៅព្រឹកមិញនេះថា៖លោកនិងមានចំណាត់ជាបណ្តើរៗទៅតាមការចង្អុលបង្ហាញពីលោកស្នងការនិងឆ្លងយោយល់ពីលោកព្រះរាជអាជ្ញាផងដែរ៕
ព្យុងយ៉ាង៖រដ្ឋាភិបាលក្រុងព្យុងយ៉ាងបានប្រកាសថ្កោលទោសដោយចោទប្រកាន់អគ្គលេខាធិការអង្គការសហប្រជាជាតិ លោក បាន គីមូន គឺជាមនុស្សលំអៀងដែលតែងតែកាន់ជើង សហរដ្ឋអាមេរិក និងក្រុមអភិរក្សនិយមមួយចំនួនទៀត។ នេះបើយោងតាមគេហទំព័រផ្លូវការរបស់កូរ៉េខាងជើងចេញផ្សាយនៅថ្ងៃចន្ទនេះ។
គេហទំព័រកូរ៉េខាងជើង dprktoday.com បានបន្តថា លោក បាន គីមូន បានក្លាយជាកម្មវត្ថុនៃការសើច ចំអក និងថ្កោលទោសដោយសារតែលោក បានអំពាវនាវឱ្យក្រុមប្រឹក្សាសន្តិសុខអង្គការសហប្រជាជាតិ អនុម័តជាបន្ទាន់លើដំណោះស្រាយដាក់ទណ្ឌកម្មប្រឆាំងនឹងរបបដឹកនាំទីក្រុងព្យុងយ៉ាង ចំពោះការបាញ់សាកល្បង អាវុធនុយក្លេអ៊ែជាលើកទី០៥កាលពីខែកញ្ញាកន្លងទៅនេះ។
គេហទំព័រដដែលបានបញ្ជាក់ថា លោក បាន គីមូនកំពុងប្រឹងប្រែងដើម្បី ទទួលបានការគាំទ្រពីក្រុមអភិរក្សនិយម នៅមុនការបោះឆ្នោតប្រធានាធិបតីកូរ៉េខាងត្បូងឈានមកដល់ តាមរយៈការប្រើពាក្យពេចន៍ប្រឆាំងនឹងទីក្រុងព្យុងយ៉ាង តាមបង្គាប់របស់សហរដ្ឋអាមេរិក។
គួរបញ្ជាក់ថា លោក បាន គីមូន ត្រូវបានគេរំពឹងថានឹងឈរឈ្មោះជាបេក្ខភាពនៅក្នុងការបោះឆ្នោតជ្រើសរើសប្រធានាធិបតីកូរ៉េខាងត្បូង នៅខែធ្នូ ឆ្នាំ២០១៧ បើទោះជាលោកមិនទាន់អះអាងពីគោលបំណងរបស់លោកក៏ដោយ បន្ទាប់ពីលោកផុតអាណត្តិជាអគ្គលេខាធិការអង្គការសហប្រជាជាតិនៅខែមករា ខាងមុខនេះ៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
