រាជធានីភ្នំពេញ ៖យោងតាមសេចក្តីរាយការណ៍នៅព្រឹកនេះឲ្យដឹងថា លោក កឹម សុខា ប្រធានស្តីទីគណបក្សសង្គ្រោះជាតិ មិនបានចូលខ្លួនតាមដីកាកោះរបស់តុលាការពាក់ព័ន្ធបណ្ដឹងកញ្ញា ធី សុវណ្ណថា ចោទប្រកាន់ពីបទបរិហារកេរ្តិ៍ នោះទេ។ ប៉ុន្តែមន្ត្រីតុលាការបញ្ជាក់ថា ទោះបីលោក កឹម សុខា មិនចូលខ្លួនក៏ តុលាការនៅតែបន្តនីតិវិធីមិនបញ្ចប់នោះទេ។
រាជធានីភ្នំពេញ ៖ព្រះរាជពិធីបុណ្យច្រត់ព្រះនង្គ័លឆ្នាំនេះនឹងប្រារព្ធធ្វើឡើងនៅបរិវេណ ទីលានជល់ដំរី នៃតំបន់រមណីយដ្ឋានប្រវត្តិសាស្ត្រអង្គរនាថ្ងៃទី ២៤ ខែឧសភា ឆ្នាំ២០១៦ ខាងមុខនេះ ក្រោមព្រះរាជអធិបតីភាពដ៏ខ្ពង់ខ្ពស់ព្រះករុណា ព្រះបាទ សម្ដេច ព្រះបរមនាថ នរោត្ដម សីហមុនី ព្រះមហាក្សត្រនៃកម្ពុជា៕
បាល់ទាត់ ៖លោក Mark Clattenburg ត្រូវបានគេជ្រើសឲ្យធ្វើអាជ្ញាកណ្តាលក្នុងកាក់សេចក្តីនៅវគ្គផ្តាច់ព្រ័ត្រ Champions League រវាងក្រុម Real Madrid នឹង ក្រុម Atletico Madrid នៅថ្ងៃទី២៨ ខែឩសភាឆ្នាំ២០១៦ ក្នុងទីក្រុង Milan ប្រទេសអ៊ីតាលី។
រាជធានីភ្នំពេញ៖នៅថ្ងៃទី១២ ដល់ថ្ងៃទី១៥ ខែឧសភា ឆ្នាំ២០១៦ អគ្គិសនីកម្ពុជានឹងផ្អាកការផ្គត់ផ្គង់ចរន្តអគ្គិសនីនៅតំបន់មួយចំនួនក្នុងរាជធានីភ្នំពេញ។ នេះបើយោងសេចក្តីជូនដំណឹងរបស់អគ្គិសនីកម្ពុជា៕
មីយ៉ាន់ម៉ា ៖យោងតាមសារព័ត៌មានស៊ិនហួរចេញផ្សាយថា សភានៃសហភាពមីយ៉ាន់ម៉ា បានចុះហត្ថលេខាព្រមព្រៀងឲ្យមានកិច្ចសហប្រតិបត្តិការ ផ្នែកយោធាជាមួយនឹងប្រទេសរុស្ស៊ី បន្ទាប់ពីជជែកវែកញែកគ្នាស្តីអំពី សេចក្តីព្រាងដែលរៀបចំ ឡើងដោយលោកប្រធានាធិបតីថ្មីប្រទេសនេះកាលពីបេលកន្លងទៅ។
បាល់ទាត់ ៖យោងតាមការណ៍ចេផ្សាយរបស់កាសែត Rheinische Post បានឲ្យដឹងនាពេលថ្មីៗនេះថា ក្រុមកាំភ្លើងធំ Arsenal បានត្រៀមលុយ ៤៣លានផោន ដើម្បីដាក់ដេញទិញយកខ្សែបម្រើរបស់ ក្រុម Borussia Monchengladbach គឺកីឡាករ Granit Xhaka ដើម្បីជួយក្រុមនៅរដូវកាលក្រោយ។
ខេត្តកណ្ដាល ៖សម្ថកិច្ចស្រុកខ្សាច់កណ្ដាលចុះបង្ក្រាបក្រុមញៀនល្បែងបៀរ អាប៉ោង និងឃាត់ខ្លួនបានមនុស្សចំនួន៧នាក់ និងម៉ូតូចំនួន៩គ្រឿង នៅចំណុចក្នុងផ្ទះរបស់ជនសង្ស័យឈ្មោះ អាត ដែលស្ថិតនៅភូមិ ព្រែកជ្រូក ឃុំបាក់ដាវ ស្រុកខ្សាច់កណ្ដាល ខេត្តកណ្ដាល កាលពីម៉ោង៤រសៀលថ្ងៃទី១០ ខែឧសភា ឆ្នាំ២០១៦។
អាមេរិក ៖លោក បារ៉ាក់ អូបាម៉ា នឹងក្លាយជាប្រធានាធិបតីអាមេរិកដំបូងដែលនឹងធ្វើដំណើរទៅទស្សនាទីក្រុងហ៊ីរ៉ូស៊ីម៉ារបស់ជប៉ុនដែលជាទីតាំងអាតូមិករបស់អាមេរិកទម្លាក់គ្រាប់បែកនៅចុងសង្គ្រាមលោកលើកទីពីរនៅខែនេះ។ នេះបើយោងតាមសារព័ត៌មាន Channel News Asia។
បាល់ទាត់ ៖Bayern Munich បានប្រកាសជាផ្លូវការថា គេបានទិញខ្សែការពារ Mats Hummels ពីក្លឹប Borussia Dortmund ក្នុងតម្លៃខ្លួន ៣០ លានផោន។
រាជធានីភ្នំពេញ ៖យោងតាមរបាយការណ៍ របស់នគរបាលជាតិបានឲ្យដឹងថា នៅថ្ងៃទី១០ ខែឧសភា ឆ្នាំ២០១៦ម្សិលមិញកម្លាំងសមត្ថកិច្ច នគរបាលជាតិ បានបង្ក្រាបបទល្មើស ជួញដូរ រក្សាទុក និងប្រើប្រាស់ ៦ករណី ឃាត់ មនុស្ស ១៤នាក់ (ស្រី២នាក់) និងរឹបអូសគ្រឿងញៀនប្រភេទ មេតំហ្វេតាមីន (ice) ១៣,៦៥ក្រាម, ១កញ្ចប់ធំ និង១២កញ្ចប់តូច។
រាជធានីភ្នំពេញ ៖យោងតាមរបាយការណ៍នាយកដ្ឋាននគរបាល ចរាចរណ៍ និងសណ្ដាប់ធ្នាប់សាធារណៈ នៃអគ្គស្នងការដ្ឋាននគរបាលជាតិបានឲ្យដឹងថា នៅថ្ងៃទី១០ ខែឧសភា ឆ្នាំ២០១៦ មានករណីគ្រោះថ្នាក់ចរាចរណ៍ នៅទូទាំងប្រទេស កើតឡើងចំនួន ៧លើក ក្នុងនោះយប់ ៣លើក បណ្តាលឲ្យ មនុស្សស្លាប់ ៣នាក់ រងរបួសធ្ងន់ ៦នាក់ (ស្រី៣នាក់) និងរបួសស្រាល ២នាក់ (ស្រី១នាក់)។
រាជធានីភ្នំពេញ ៖កម្លាំងនគរបាលខណ្ឌពោធិ៍សែនជ័យ សហការជាមួយកម្លាំងនគរបាលខណ្ឌដង្កោ ក្រោមការបញ្ជាផ្ទាល់ពីនាយឧត្តមសេនីយ៍ ជួន សុវណ្ណ ស្នងការនគបាលរាជធានីភ្នំពេញ បានធ្វើការស្រាវជ្រាវ រហូតតាមចាប់ជនដៃដល់ និងបក្ខពួកមាន ស្រី មានប្រុស ជិត១០ ពាក់ព័ន្ធករណីឃាតកម្មសម្លាប់សិស្សស្រីវិទ្យាល័យពងទឹក នៅយប់ថ្ងៃទី១០ ខែឧសភា ឆ្នាំ២០១៦នេះ។
ខេត្តកំពត៖ នៅវេលាម៉ោង៣ និង៣៥នាទីរសៀលថ្ងៃទី១០ ខែឧសភា ឆ្នាំ២០១៦នេះសមត្ថកិច្ចឡោមព័ទចាប់ជនដៃដល់ដែលសម្លាបបុគ្គលិកគ្រឹះស្ថានហិរញ្ញវត្ថុអម្រឹតនៅស្រុកឈូកបានហើយ។
សមត្ថកិច្ចបានប្រើពេលជាង៣ម៉ោង ទើបអាចចាប់ជនដៃដល់នោះបាន បន្ទាប់ពីជននោះបានព្យាយាមរត់គេចសងំលើដំបូលផ្ទះជាមួយនិងដៃកាន់កាំបិតមួយផង តែក៏ត្រូវបានសមត្ថកិច្ចព្យាយាមគ្រប់មធ្យោបាយឈានដល់ការឃាត់ខ្លួនបានសម្រេច។
ព័ត៌មានលម្អិតដែលនាំទៅដល់ការឈ្លោះប្រកែក និងសម្លាប់គ្នានេះ គេមិនដឹងនៅឡើយទេប៉ុន្តែទោះជាយ៉ាងនេះក្តី ក៏សមត្ថកិច្ចកំពុងអនុវត្តតាមនីតិវិធី ដើម្បីបញ្ជូនជនសង្ស័យរូបនេះទោតុលាការផ្តទាទោសតាមច្បាប់៕
ខេត្តកំពត -មន្ត្រីឥណទាននៃគ្រឹះស្ថានមីក្រូហិរញ្ញវត្ថុ «អម្រឹត» ម្នាក់ត្រូវបានបុរសជាម្ចាស់ផ្ទះម្នាក់ ហៅឲ្យចូលទៅក្នុងផ្ទះ ស្ថិតក្នុងឃុំត្រមែង ស្រុកឈូក ខេត្តកំពត នៅវេលាម៉ោង ១២៖៥០នាទី ថ្ងៃត្រង់ថ្ងៃទី១០ ខែឧសភានេះ ហើយក៏ចាប់អារ.កស្លាប់ យ៉ាងអាណោចអាធ័ម ខណៈពេលនេះ សមត្ថកិច្ចកំពុងធ្វើការឡោមព័ទ្ធ ផ្ទះនោះ។
ស្នងការនគរបាលខេត្តកំពត បានបញ្ជាក់ឲ្យដឹងថា ជនសង្ស័យ ឈ្មោះ ប្រុក វិត ភេទប្រុស អាយុ៤៧ឆ្នាំ ដោយឡែកជនរងគ្រោះ ឈ្មោះ ជឹម បុរិន ភេទប្រុស អាយុ២៦ឆ្នាំ មុខរបរបុគ្គលិកមីក្រូហិរញ្ញវត្ថុ អម្រឹត សាខាស្រុកឈូក មានទីលំនៅឃុំវត្តអង្គខាងជើង ស្រុកបន្ទាយមាស ខេត្តកំពត។
ប្រជាពលរដ្ឋបានឲ្យដឹងថា មុនពេលកើតហេតុ ជនសង្ស័យជាមនុស្សវិកលចរិត នៅផ្ទះកើតហេតុខាងលើបានហៅមន្ត្រី ឥណទាននោះ មកជាបន្ទាន់នៅផ្ទះរបស់គាត់ ហើយពេលមន្ត្រីនោះមកដល់ ក៏មានឈ្លោះប្រកែកប្រតាយប្រតប់គ្នារហូតដល់ម្ចាស់ផ្ទះ នោះអារ.កសម្លាប់ មន្ត្រីនោះតែម្ដង។
ខណៈសមត្ថកិច្ចជាច្រើននាក់ កំពុងធ្វើការឡោមព័ទ្ធផ្ទះនោះ ជនល្មើសបានឡើង ទៅលើដំបូលផ្ទះទំនងជាចង់ លោតសម្លាប់ខ្លួនផងដែរ៕
Posts navigation
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
