ដោយ៖សហការី
បាត់ដំបង÷ យុវសិស្សប្រុសស្រីប្រមានណជាង១០នាក់ ត្រូវសមត្ថកិច្ចក្រុងបាត់ដំបងចាប់ប្រមូលយកទៅអប់រំ និងអញ្ជើញឪពុកម្តាយ ឬអាណាព្យាបាលមកចុះកិច្ចសន្យាបន្ទាប់ពីពួកគេបានពពាក់ពពូនចូលក្នុងទីតាំងច្រៀងខារ៉ាអូខេដែលអាចបង្កឲ្យមានបញ្ហាផ្សេងដល់សាមីខ្លួន និងដល់សង្គមជាតិ ។
សូមបញ្ជាក់ថាក្រៅពីទីតាំង(ខារ៉ាអូខេ)ដែលសមត្ថកិច្ចបានបង្ក្រាបខាងលើនេះ គេសង្គេតឃើញមានទីតាំង(ខារ៉ាអូខេ)ជាច្រើនទៀត ដែលសមត្ថកិច្ច ពុំទាន់មានចំណាត់ការ ដូចជាទីតាំង(ខារ៉ាអូខេ)នៅខាងលិចរូបសំណាកលោកតាដំបងក្រញូង ឃ្លាតពីរបងសាលារៀននេតយ៉ងប្រម៉ាណជាង100ម៉ែត្រ ដែលកន្លងមកអាជ្ញាធរ និងសមត្ថកិច្ច បានធ្វើការបង្ក្រាប ប៉ុន្តែមកទល់ពេលនេះឃើញថាទីតាំង(ខារ៉ាអូខេ)ខាងលើចាប់កក្រើកឡើងវិញហើយ៕
វ៉ាស៊ីនតោន
ដោយ៖សហការី
ខេត្តកំពត៖ កាលពីរសៀលថ្ងៃទី១៧ ខែកម្ភៈ ឆ្នាំ២០១៦ នៅសាលប្រជុំសាលាខេត្តកំពតបានបើក កិច្ចប្រជុំបូកសរុបលទ្ធផលស្តីពីការសិក្សាស្វែងយល់អំពីរបៀបរបបការងារ និងការគ្រប់គ្រងមន្ត្រីរាជការក្របខណ្ឌរដ្ឋបាលស៊ីវិលក្រសួងមហាផ្ទៃ នៅក្នុងខេត្តកំពត។
មានប្រសាសន៍ ក្នុងកិច្ចប្រជុំ លោម អង មង្គល អនុរដ្ឋលេខាធិការក្រសួងមហាផ្ទៃ ដោយឆ្លង តាមរយៈនៃការចុះសិក្សារបស់ប្រតិភូក្រសួងមហាផ្ទៃ និងរូបឯកឧត្តមផ្ទាល់ លទ្ធផលជាទូទៅស្ថានភាពនៃការគ្រប់គ្រងនិង របៀបរបបការងាររបស់មន្ត្រីរាជការត្រូវបានអនុវត្តល្អប្រសើរស្របតាមគោលការណ៍ដឹកនាំរបស់រាជរដ្ឋាភិបាល ក៏ដូចជាគោលការណ៍ដឹកនាំរបស់ក្រសួងមហាផ្ទៃ ដែលធ្វើអោយការងារគ្រប់គ្រងមន្ត្រីរាជការនៅខេត្តកំពតមានដំណើរការ
ទន្ទឹមនេះក៏នៅមានបញ្ហាប្រឈមមួយចំនួនដែលតម្រូវអោយមានការខិតខំកែតម្រូវបំពេញបន្ថែមទៀត ពិសេសគោលការណ៍ដឹកនាំថ្មីៗសម្រាប់អោយរដ្ឋបាលដែនដីខេត្ត ក្រុងស្រុកនិងឃុំសង្កាត់អនុវត្ត សំដៅធ្វើអោយមានស្ថេរភាពនយោបាយ និងសន្តិសុខពេញលេញនៅទូទាំងប្រទេស ដែលបង្កើតបាននូវកាលានុវត្តភាពក្នុងការអនុវឌ្ឍ តាមបែបប្រជាធិបតេយ្យនៅថ្នាក់ក្រោមជាតិមាននិរន្តរភាព និងប្រសិទ្ធភាព ស្របតាមគោលនយោបាយយុទ្ធសាស្ត្រចតុកោណដំណាក់កាលទី៣ របស់រាជរដ្ឋាភិបាលដែលមាន សម្តេចអគ្គមហាសេនាបតីតេជោ ហ៊ុន សែន ជាប្រមុខដឹកនាំដ៏ឆ្នើមនៃយើង ។
គួរបញ្ជាក់អោយដឹងថាក្របខណ្ឌមន្ត្រីរាជការរដ្ឋបាលស៊ីវិលក្រសួងមហាផ្ទែទូទាំងខេត្តកំពតសរុបមានចំនួន៤២០នាក់ ស្រី១១៦នាក់ ក្នុងនោះមន្ត្រីកំពុងបំពេញការងារសាលាខេត្តមានចំនួន១៤០នាក់ស្រី៤០នាក់ មន្ត្រីសាលាក្រុងស្រុកទាំង៨មានចំនួន១៨៨នាក់ស្រី៦៤នាក់ស្មៀនឃុំ សង្កាត់៩៣នាក់ស្រី១៣នាក់ក្រុមប្រឹក្សាខេត្ត១៧រូបមានស្រី៣រូបក្រុមប្រឹក្សាក្រុង ស្រុកចំនួន១២៨រូបមានស្រី១៦រូបនិងសមាជិកក្រុមប្រឹក្សាឃុំសង្កាត់មានចំនួន៥៦១រូបមានស្រី១០៧រូប៕
បាល់ទាត់
ដោយ៖រតនា
ភ្នំពេញ៖ សិល្បករជើងចាស់ចំនួន៦រូបដែល ប្រឈមនឹងជីវភាពបានទទួលអំណោយពីសប្បុរសជនតាមរយៈកម្មវិធី”ស្ករគ្រាប់សិល្បៈ”ដែលផ្តើមគំនិតដោយលោក អ៊ឹម ជី។ កម្មវិធិប្រគល់អំណោយនេះ បានរៀបចំធ្វើឡើងនៅក្នុងបរិវេណកុដិលេខ២៤ វត្តនាគវ័ន្ត សង្កាត់បឹងកក់២ ខណ្ឌទួលគោក រាជធានីភ្នំពេញ កាលពីល្ងាចថ្ងៃទី១៧ ខែកុម្ភៈ ម្សិលម៉ិញនេះ ។
សិល្បករ ទាំង៦ រូបរួមមាន លោកគ្រូ មាស សារ៉ាន់ ដែលជាតារាចំរៀង, លោកតា ប៉ិ គក់ ជាតារាកំប្លែង, លោកតា គុយ ហ៊ីន អ្នកចំរៀងចាប៉ីដងវែង, តារាសម្តែងជើងចាស់អ្នកស្រី ផល្លារ, អ្នកសម្តែងជើងចាស់អ្នកស្រី ឃុន នារីហៅយាយ ស្វិត និងតារាសម្តែងលោក សារម៉ុត ។
លោកបញ្ជាក់ថា ការបង្កើតកម្មវិធីនេះគឺកើតចេញពីទឹកចិត្តអាណិតស្រលាញ់និងអត់ទ្រាំមើលការលំបាករបស់ពួកគាត់មិនបាន។ លោកបញ្ជាក់ថារយៈពេលខ្លីប៉ុណ្ណោះដែលលោកជួបសិល្បករនិងសប្បុរជនមួយចំនួនតូចដើម្បីស្នើឲ្យពួកគាត់ជួយទិញស្ករគ្រាប់ដើម្បីយកថវិកាដែលលក់បានទៅជួយដល់សិល្បករកំពុងជួបបញ្ហាប្រឈមពិសេសទាក់ទងនឹងជីវភាព។ លោកថា ថវិការសរុបនៃការលក់មានចំនួនជាង៤០០ដុល្លារអាមេរិកដែលនឹងប្រគល់ជូនដល់សិល្បករទាំង៦រូបខាងលើ។លោកបានបញ្ជាក់ថា នេះគឺជាទឹកចិត្តតិចតួចស្តួចស្តើង ប៉ុន្តែអ្វីទាំងអស់ផុសចេញពីទឹកចិត្តអាណិតស្រលាញ់។
លោកបញ្ជាក់ថា សិល្បករដែលមកទទួលអំណោយនៅពេលនេះពួកគាត់ចាស់ជរាទៅហើយហើយក៏គ្មានក្របខណ្ឌក្នុងការទទួលប្រាក់បៀវត្សរ៍អ្វីដែរសម្រាប់ការចំណាយទ្រទង់ជីវភាព។ លោកបញ្ជាក់ថា ក៏មានសិល្បករមួយចំនួនដែលមានជំងឺប្រចាំកាយហើយនៅតែព្យាយាមខិតខំសម្តែងដើម្បីជីវភាពផងដើម្បីបម្រើការកម្សាន្តការសប្បាយរបស់មហាជន។
អង់ការ៉ា
ដោយ៖សុខណាត
មណ្ឌលគិរី ៖ លោក អេង ប៊ុនហ៊ាង ត្រូវបានរាជរដ្ឋាភិបាលសម្រេចផ្ទេរមុខតំណែង ពីអភិបាលខេត្តមណ្ឌលគិរី ដោយដាក់លោក ស្វាយ សំអ៊ាង ដែលបច្ចុប្បន្នជាអភិបាលរងខេត្ត នឹងត្រូវឡើងកាន់តំណែងជាអភិបាលខេត្តមណ្ឌលគិរីជំនួសវិញ ។
នេះបើតាមការបញ្ជាក់របស់មន្ត្រីជាន់ខ្ពស់ក្រសួងមហាផ្ទៃប្រាប់ឲ្យដឹងនៅព្រឹកថ្ងៃទី១៧ ខែកុម្ភៈនេះ។ការផ្ទេរមុខតំណែងនេះ ក៏អាស្រ័យដោយលោកអភិបាលខេត្ត អេង ប៊ុនហ៊ាងត្រូវចូលនិវត្តន៍ផងដែរ។
មន្ត្រីដដែលបានបញ្ជាក់ថា បើគ្មានអ្វីប្រែប្រួលទេ ពិធីផ្លាស់ប្តូរតំណែងនេះ នឹងត្រូវរៀបចំឡើងនៅព្រឹកថ្ងៃទី១៨ ខែកុម្ភៈ ឆ្នាំ២០១៦ស្អែកនេះ ក្រោមអធិបតីភាព សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ៕
ដោយ៖ឈ លាង
បន្ទាយមានជ័យ៖ ប្រជាពរដ្ឋខ្មែរជាអាជីវកលក់ដូនៅក្នុងផ្សាររុងក្លឿខេត្តស្រះកែវប្រទេសថៃជាប់ ព្រំប្រទល់ក្រុងប៉ោយប៉ែត ខេត្តបន្ទាយមានជ័យ កំពុងមានការព្រួយបារម្ភចំពោះសុវត្តិភាពផ្ទាល់ខ្លួនខណៈថ្មីៗនេះមានអំពើហិង្សាមួយបានកើតឡើងគឺនៅថ្ងៃទី13កុម្ភៈ ដោយសារ អាជ្ញាធថៃចុះចាប់និងរឹបអូសយកមុខទំនិញរបស់អាជីវកខ្មែរដែលលក់នៅក្នុងផ្សារនេះ ដោយចោទថាបានរំលោភលើកម្មសិទ្ធិបញ្ញារបស់ថៃ និងជារបស់ក្លែងក្លាយ ឬមិនបានបង់ពន្ធទៅអោយអាជ្ញាធរថៃជាដើម។
មកដល់ពេលនេះអាជីវកខ្មែរមិនទាន់បានចូលទៅលក់ដូរបានដូចដើមវិញទេ គឺមានតែប្រមាណពី20ទៅ30ភាគរយ ដែលបានចូលទៅលក់ក្នុងផ្សារនោះ។
ក្រុមអាជីវករខ្មែរបាន សូមសំណូមពរដល់អាជ្ញាធរកម្ពុជា និងសមត្ថកិច្ច ពាក់ព័ន្ធនៃប្រទេសទាំងពីរជួយរកដំណោះស្រាយដល់ពួកគាត់ផងពីព្រោះពួកគាត់បានខាតបង់ច្រើនណាស់ដោយសារការខកខានមិនបានលក់ដូរ ក្នុងរយៈពេលជាងកន្លះខែកន្លងមកនេះ៕
ចិន
បាល់ទាត់
ប៉េកាំង
ដោយ៖ សារុម
ភ្នំពេញ៖ បាតុកម្មផ្សេងៗគ្នាបានធ្វើឡើងប្រឆាំងនឹងមេដឹកនាំអាស៊ានក្រោមក្រសែភ្នែកនៃកងរក្សាសន្តិសុខយ៉ាងតឹងរ៉ឹងនៅខាងមុខមជ្ឈមណ្ឌល និងឧទ្យាន សាន់នីឡែនដ៍ (Sunnylands) ក្នុងរដ្ឋកាលីហ្វ័រញ៉ា (California) នៃសហរដ្ឋអាមេរិក កាលពីល្ងាចថ្ងៃ ចន្ទ នេះ មិនចំពោះតែកម្ពុជានោះទេ ក្នុងនោះក៏មាន ថៃ ឡាវ និងវៀតណាម ហើយក៏មានបាតុកម្មប្រឆាំងនឹងប្រធានាធិបតីអាមេរិកខ្លួនឯងផងដែរ។
ក្រុមបាតុករដែលប្រឆាំងលោកនាយករដ្ឋមន្ត្រីខ្មែរ អ្នកខ្លះកាន់បដា គ្រវីទង់ជាតិកម្ពុជា និងទង់ជាតិអាមេរិក បានលើកបដា បរិហាលោកនាយករដ្ឋមន្ត្រីថា ជាជនផ្តាច់ការ និងស្នើឱ្យលោកហ៊ុន សែនចុះចេញពីតំណែង មានទាំងភាសាខ្មែរ និងភាសាអង់គ្លេស។ នៅក្នុងក្រុមបាតុករនោះក៏មានដែរក្រុមគ្រួសារលោក មាជ សុវណ្ណរ៉ា ដែលកំពុងជាប់ពន្ធនាគារនៅស្រុកខ្មែរ។ចំពោះចំនួនអ្នកចូលរួមបាតុកម្មត្រូវគេអះអាងខុសៗគ្នា។
យ៉ាងណាក៏ដោយ កិច្ចប្រជុំរវាងអាស៊ាន និងអាមេរិកនៅតែបន្តធ្វើជាធម្មតា បើទោះបីជាមានបាតុកម្មប្រឆាំងនាយករដ្ឋមន្ត្រីកម្ពុជា និងបណ្តាប្រទេសសមាជិកអាស៊ានមួយចំនួនផ្សេងទៀត រួមទាំងអាមេរិកខ្លួនឯងក៏ដោយ។
អតីតទាហានខ្មែរសម័យ លន់ នល់ នៅសហរដ្ឋអាមេរិក ធ្វើបាតុកម្មប្រឆាំងលោកនាយករដ្ឋមន្ត្រី ហ៊ុន សែន នៅខាងមុខមជ្ឈមណ្ឌល និងឧទ្យាន សាន់នីឡែនដ៍ (Sunnylands) ក្នុងរដ្ឋកាលីហ្វ័រញ៉ា (California) នៃសហរដ្ឋអាមេរិក នៅថ្ងៃទី១៥ កុម្ភៈ ឆ្នាំ២០១៦។រូបថត៖RFA
ដោយ៖សហការី
ខេត្តប៉ៃលិន៖ ការជីរុករករ៉ែត្បូងនៅក្រុងប៉ៃលិន បែបអនាធិតេយ្យនាពេលកន្លងមកនេះ ត្រូវបានម្ចាស់គ្រឿងចក្រជីកយករ៉ែអះអាងថាមានច្បាប់ត្រឹមត្រូវ ប៉ុន្តែលោកអភិបាលក្រុងបានដិសេធថាមិនបានដឹងករណីនេះទេ។
ប្រភពបានរាយការណ៍ថា ការជីកតុករករ៉ែនេះមានការសម្របសម្រួលពីមន្ទីររ៉ែនិងថាមពលខេត្តប៉ៃលិនដែលជាអ្នកអនុញ្ញាតច្បាប់ ខណៈខាងមន្ទីរបរិស្ថានមិនអនុញ្ញាតឡើយ ហើយអភិបាលក្រុងប៉ៃលិនក៏មិនបានដឹងរឿងនេះច្បាស់លាស់ដែរ។
លោក វ៉ាន់ សារុំ ហៅឌុច អាយុ៥៩ឆ្នាំ ដែលជាម្ចាស់គ្រឿងចក្រ បានឲ្យដឹងថា គាត់ជីកកកាយនេះគឺមានច្បាប់តាំងពី សង្កាត់រហូតដល់មន្ទីររ៉ែ និងថាមពលខេត្ត ទើបហ៊ានជីកជាទ្រង់ទ្រាយធំយ៉ាងនេះ បើអត់ច្បាប់វិញគេមកចាប់គាត់បាត់ហើយ។
ជាមួយគ្នាលោក វណ្ណ ស៊ីរ៉ាណេ ប្រធានការិយាល័យរ៉ែ នៃមន្ទីររ៉ែ និងថាមពលខេត្តប៉ៃលិន បានទទួលស្គាល់ថា បានអនុញ្ញាតឲ្យជីកកកាយយករ៉ែនោះមែន ព្រោះក្រសួងគេក៏បានអនុញ្ញាតចេញច្បាប់ឲ្យជាដែរតែឲ្យធ្វើជាលក្ខណៈគ្រួសារ ហើយគេក៏អាចប្រើគ្រឿងចក្រតូចធំបាន ។
ចំណែកប្រធានមន្ទីរបរិស្ថានខេត្តប៉ៃលិន លោក គឹម សុខា បានឲ្យដឹងថា ខាងមន្ទីរលោកមិនអនុញ្ញាតឲ្យជីកកកាយអញ្ចឹងទេ ព្រោះវាប៉ះពាល់ខ្លាំងណាស់ដល់បរិស្ថានធម្មជាតិ តែបើខាងណាគេអនុញ្ញាតគឺជារឿងរបស់គេ តែខាងលោកមិនអាចអនុញ្ញាតឲ្យជីកកកាយបានទេ លោកប្រធានមន្ទីរបរិស្ថានសន្យាថានឹងដឹកនាំកំលាំងចុះទៅត្រួតពិនិត្យក្នុងពេលឆាប់ៗខាងមុខនេះ៕
VIDEO
ដោយ៖សុភ័ណ្ឌ
ព្រៃវែង៖ ជនសង្សយ័ដែលបានប្រើអំពើហិង្សាយកអង្រែបុកគ្រឿងវាយប្រពន្ធបណ្តាលឲ្យស្លាប់កាលពីថ្ងៃ ទី១០ ខែកុម្ភះ កន្លងមកនេះត្រូវសមត្ថកិច្ចឃាត់ខ្លួនបានហើយ។ការឃាត់ខ្លួនជនសង្សយ័ខាងលើបានធ្វើឡើងកាលពីថ្ងៃទី ១៥ ខែកម្ភុះ ឆ្នាំ២០១៦ នៅក្នុងទឹកដីស្រុកព្រៃឈរ ខេត្តកំពង់ចាម។
ពាកពន្ធ័ករណីខាងលើ លោកអធិការដ្ឋាននគបាលស្រុកស៊ីធរកណ្តាល ខេត្តព្រៃវែង បានឲ្យអ្នកយកព័ត៌មានដឹងថា កាលពីវេលាម៉ោង៨ នឹង៣០នាទី ថ្ងៃទី១០ ខែកុម្ភៈ ជនសង្ស័យឈ្មោះ សឹង គីមស័រ ភេទប្រុស អាយុ៣០ឆ្នាំ
លោកអធិការក៏បានបញ្ជាក់ផងដែរថាជនសង្ស័យខាងលើក្រោយពីបានយកអង្រែបុកគ្រឿងវាយទៅលើប្រពន្ធរួចហើយបានរត់ចេញមកផ្លូវខាងមុខផ្ទះចៃដន្នក៏មានបុរស់ម្នាក់បានជិះម៉ូតូមួយគ្រឿងម៉ាកគុបជ្រុងពណ៌ទឹកប៊ិចពាក់ស្លាកលេខ8520ភព1បើកបរដោយឈ្មោះ ញាញ់ កញ្ញា ភេទប្រុស អាយុ២៦ឆ្នាំ ពេលនោះជនស
ជនត្រូវចោទ ត្រូវបានសមត្ថកិច្ចតាមប្រម៉ាញ់ចាប់ឃាត់ខ្លួនរហូតដល់ស្រុកព្រៃឈខេត្តកំពង់ចាមហើយបានបញ្ជូនជនសង្ស័យរូបនេះមកកាន់ស្នងការដ្ឋាននគបាលខេត្តព្រៃវែងដើម្បីកសាងសំណុំរឿងបញ្ជូនទៅតុលាការ៕
ដោយ៖សហការី
កោះកុង៖ ស្ត្រីឈ្មួញដ៏មហិមាម្នាក់ដែលអ្នកកោះកុងហៅថា ម៉ែអាម៉េងៗ កំពុងឡើង ចាងខាងរកស៊ីនាំចូលជង្គង់មាន់ ស្លាបមាន់ និងប្រហិតខូចគុណភាពពីប្រទេសសៀមចូលទឹកដីខ្មែរតាមខេត្តកោះកុងជាច្រើនតោនក្នុងមួយថ្ងៃៗ ដោយពុំមានសមត្ថកិច្ចពាក់ព័ន្ធណាចាត់វិធានការបង្ក្រាបនោះទេ ព្រោះគាត់ស្និទ្ធនឹងលោកមេគយ។
ពលរដ្ឋម្នាក់រស់នៅក្នុងតំបន់ភូមិ៤ បានប្រាប់ឲ្យដឹងថា ស្ត្រីជាឈ្មួញឈ្មោះ ម៉ែអាម៉េងៗ នេះ បាននាំចូលទំនិញគេចពន្ធ និងទំនិញខុសច្បាប់ជាច្រើនប្រភេទពីប្រទេសសៀមតាមទូកធំៗមកឡើងនៅផែក្នុងតំបន់ភូមិ៤ សង្កាត់ដងទង់ ក្រុងខេមរភូមិន្ទ ខេត្តកោះកុង។
ប្រភពពីប្រជាពលរដ្ឋរស់នៅសង្កាត់ដងទង់ ក្រុងខេមរភូមិន្ទ បានឲ្យដឹងថា ស្លាបមាន់ ជង្គង់មាន់ សាច់មាន់ និងប្រហិតខូចគុណភាពដែលម៉ែអាម៉េង នាំចូលពីប្រទេសសៀមតាមទូកធំៗនោះ ត្រូវបានលើកដាក់រថយន្តធំៗដឹកជញ្ជូនឆ្លងកាត់ផ្លូវជាតិលេខ៤៨ និងផ្លូវជាតិលេខ៤ បន្តចែកចាយទៅដល់រាជធានីភ្នំពេញយ៉ាងសន្ធឹកសន្ធាប់ផងដែរ។ ប្រភពដដែល បានឲ្យដឹងថា ម៉ែអាម៉េង មានមន្ត្រីនគរបាលជើងទឹកម្នាក់ឈ្មោះ អាង ស្រៀង ជាខ្នងបង្អែកនិងចេញមុខសម្របសម្រួលជាមួយសមត្ថកិច្ចពាក់ព័ន្ធដទៃទៀត ដើម្បីកុំឲ្យប៉ះពាល់ដល់មុខរបររបស់ខ្លួន។ មន្ត្រីកាំកុងត្រូលមិនត្រួតពិនិត្យគុណភាពទំនិញដែលម៉ែអាម៉េង នាំចូលពីប្រទេសសៀមមកឡើងនៅផែក្នុងសង្កាត់ដងទង់នោះទេ គឺពួកគេពិនិត្យតែលុយពុករលួយដែលម៉ែអាម៉េង ឲ្យនោះគ្រប់ឬមិនគ្រប់ប៉ុណ្ណោះ។
Posts navigation
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
