ដោយ៖ប៉ែន សុផល បាត់ដំបង៖ មន្ដ្រីជំនាញកាំកុងត្រូលសាខាខេត្តបាត់ដំបងនៅព្រឹកថ្ងៃទី២៤ ខែមីនានេះ បានចុះណែនាំ និងរឹបអូសយកនូវគ្រឿង ភេសជ្ជៈកំប៉ុងដែលឈ្មួញដាក់លក់ខូចគុណភាពនិងរំលោភកម្មសិទ្ធិបញ្ញារបស់ក្រុមហ៊ុនដែលទទួលបានសិទ្ធិផ្ដាច់មុខ។
មន្ដ្រីជំនាញកាំកុងត្រូលសាខាខេត្តបាត់ដំបងបានអោយដឹងថា៖ ការចុះណែនាំ និងរឹបអូសយកនូវភេសជ្ជៈប្រភេទកំប៉ុងមួយចំនួនដែលមានដាក់លក់លើទីផ្សារក្រុងបាត់ដំបងនេះ ជាការឆ្លើយតបតាមពាក្យបណ្ដឹងរបស់ក្រុមហ៊ុនហ័ង ប្រេស្ទីក អីមផត អិចផត ខូ អិលធីឌី ដែលមានឈ្មួញមួយចំនួនតែងតែឆ្លៀតឱកាសលក់ដូរទំនិញខូចគុណភាព ការរក្សាទុកមិនបានត្រឹមត្រូវពិសេសការលក់ដូររំលោភបំពានលើកម្មសិទ្ធិបញ្ញាដោយខុសច្បាប់។
តំណាងក្រុមហ៊ុន ហ័ង ប្រេស្ទីក អីមផត អិចផត ខូ អិលធីឌី បានបញ្ជាក់ថា៖ បច្បុប្បន្ននេះនៅលើទីផ្សារមានក្រុមឈ្មួញជាច្រើនបានដាក់លក់ផលិតផលដែលមានស្លាកសញ្ញាដូចគ្នាទៅនឹងផលិតផលស្របច្បាប់ដែលទទួលបានសិទ្ធិផ្ដាច់មុខនាំចូល និងចែកចាយនៅទូទាំងប្រទេសរបស់ក្រុមហ៊ុនរួមមានភេសជ្ជៈ ប្រទាលកន្ទុយក្រពើ ទឹកគីមបួយ ទឹកតែត្រជាក់ ទឹកគូលេន ទឹកតែក្រូចឆ្មារ និងភេសជ្ជៈប្លូបឺរី ។ល។ ដែលផលិតផលទាំងនោះត្រូវបានក្រុមឈ្មួញនាំចូលលួចលាក់មិនមានច្បាប់អនុញ្ញាតតាមច្រកដូង ច្រកភ្នំដី ខេត្តបាត់ដំបង និងច្រកអន្ដរជាតិប៉ោយប៉ែត ខេត្តបន្ទាយមានជ័យ៕
រាជធានីភ្នំពេញ ៖សាលាដំបូងរាជធានីភ្នំពេញ បានប្រកាសសាលក្រម សម្រេចដាក់គុក អ្នកស្រី ឡាយ ហួង និងឧកញ៉ា ខូវ ផល្លាបុត្រ ក្នុងម្នាក់ៗជាប់ពន្ធនាគាររយៈពេលចំនួន២០ឆ្នាំ ដោយគ្មានពិន័យ និងគ្មានសំណងជំងឺចិត្ត។
ខេត្តព្រះសីហនុ ៖កម្លាំងនគរបាលព្រំដែនទឹកបានប្រទះឃើញសាកសពមួយអណ្តែតទឹកនៅខាងកើតកោះចន្លុះ ម្តុំចុងឆ្នេរអូរត្រេះនៅវេលាម៉ោង១២ និង៣០នាទីថ្ងៃទី២៤ ខែមីនា ឆ្នាំ២០១៦នេះ ខណៈកំពុងល្បាត។ សាកសពជាមនុស្សប្រុស ប៉ុន្តែនៅមិនស្គាល់អត្តសញ្ញាណនៅឡើយទេ សពនេះបានអណ្តែតទឹកនៅចំណុច 10 32 164N-103 33 351E ខាងកើតកោះចន្លុះប្រហែល ៣០០ម៉ែត្រ។
រាជធានីភ្នំពេញ ៖ក្រសួងព័ត៌មាន និងអង្គការសង្គមស៊ីវិលរួមទាំងអ្នកសារព័ត៌មានជាច្រើនស្ថាប័ន នៅថ្ងៃទី២៤ ខែមីនា ឆ្នាំ២០១៦នេះ បានរៀបចំវេទិកាពិភាក្សា ដើម្បីស្វែងរកការគាំទ្រ ស្តីពីផលប៉ះពាល់នៃគ្រឿងស្រវឹង ហើយអ្វីដែលទទួលបានពីវេទិកានោះ គឺគ្រប់គ្នាសុទ្ធតែគាំទ្រឲ្យមានការអំពាវនាវដល់ស្ថាប័នសាមី ពន្លឿនច្បាប់ស្តីពីការគ្រប់គ្រងគ្រឿងស្រវឹង។
លោក ជា ច័ន្ទបរិបូរណ៍ រដ្ឋលេខាធិការក្រសួងព័ត៌មាន បានថ្លែងថា គ្រឿងស្រវឹងគឺជាគ្រោះថ្នាក់លំដាប់ទី៥ ដែលនាំឲ្យមានមនុស្សស្លាប់ប្រមាណ២.៥លាននាក់ ក្នុងមួយឆ្នាំ នៅទូទាំងពិភពលោក ហើយជំងឺចម្លែកៗ ប្រមាណ២០០មុខ ត្រូវបានគេរកឃើញថា ផ្តើមពីគ្រឿងស្រវឹង ។ លោកបន្តថា នៅកម្ពុជា គេបានពិនិត្យឃើញថា ជាងពាក់កណ្តាលនៃស្រទាប់យុវវ័យកំពុងសេពគ្រឿងស្រវឹង ក្នុងនោះក៏មានកុមារា កុមារី អាយុពី១៣ដល់១៧ឆ្នាំ ប្រមាណ១០% ក៏បានប្រើប្រាស់គ្រឿងស្រវឹងផងដែរ ។
លោក ជា ច័ន្ទបរិបូរណ៍ ក៏បានអំពាវនាវដល់អង្គការក្រៅរដ្ឋាភិបាល ពាក់ព័ន្ធពិចារណាជួយដល់ប្រព័ន្ធផ្សព្វផ្សាយក៏ដូចពិធីករ ពិធីការីនី រួមមានការលើកទឹកចិត្ត ការបង្កើតកម្មវិធី ដើម្បីផ្សព្វផ្សាយពីផលប៉ះពាល់ ដែលផ្តើមពីគ្រឿងស្រវឹង ។ លោកអះអាងថា ប្រព័ន្ធផ្សព្វផ្សាយមានតួនាទីសំខាន់ណាស់ក្នុងការផ្សព្វផ្សាយអំពីផលប៉ះពាល់ឬគ្រោះថ្នាក់ បណ្តាលមកពីសេពគ្រឿងស្រវឹង បើទោះបីជាបច្ចុប្បន្ននេះយើងនៅសង្កេតឃើញថា ប្រព័ន្ធផ្សព្វផ្សាយមួយចំនួននៅតែបន្តផ្សាព្វផ្សាយឬឃោសនាអំពីគ្រឿងស្រវឹងក៏ដោយចុះ ។
លោកវេជ្ជបណ្ឌិត មុំ គង់ នាយកប្រតិបត្តិ អង្គការចលនាដើម្បីសុខភាពកម្ពុជា បានលើកឡើងថា គ្រឿងស្រវឹងកំពុងវាយលុកយ៉ាងខ្លាំងក្នុងសង្គមកម្ពុជា សំខាន់ក្នុងស្រទាប់យុវវ័យ រួមទាំងកុមារាកុមារីផងដែរ ដែលពួកគេកំពុងស្ថិតក្នុង ភាពសប្បាយរីករាយដោយសារសេពគ្រឿងស្រវឹង ។ លោកបានបញ្ជាក់ថា គ្រឿងស្រវឹងផ្តល់ផលប៉ះពាល់យ៉ាងខ្លាំងដល់មនុស្ស រួមមាន ជំងឺ គ្រោះថ្នាក់ចរាចរណ៍ អំពើហិង្សា និងការខាតបង់ថវិកា ។ ដោយឡែកជំងឺដែលប៉ះពាល់ដោយគ្រឿងស្រវឹងសុទ្ធសឹងជាជំងឺកាចសាហាវដូចជា ជំងឺក្រិតថ្លើម ជំងឺបេះដូង ជំងឺសរសៃឈាម ជំងឺដំបៅក្រពះ ជំងឺមហារីក និងជំងឺប្រព័ន្ធសរសៃប្រសាទ ។
ផ្តើមពីផលប៉ះពាល់នៃគ្រឿងស្រវឹងដែលកំពុងស្ថិតក្នុងហានិភ័យប្រកបដោយគ្រោះថ្នាក់ធ្ងន់ធ្ងរ និងការខាតបង់ថវិកាយ៉ាងច្រើននោះ ស្ថាប័នដែលចូលរួមពិភាក្សាបានរួមគ្នាអំពាវនាវឲ្យស្ថាប័នសាម៉ីពន្លឿនច្បាប់ពីការគ្រប់គ្រងគ្រឿងស្រវឹង ដើម្បីឲ្យច្បាប់នេះចេញបានឆាប់និងយកទៅអនុវត្តន៍ ហើយបើទោះបីជាការអនុវត្តច្បាប់មិនបានគ្រប់ជ្រុងជ្រោយ ប៉ុន្តែពួកគេជឿថា បន្ទាប់ពីមានច្បាប់ការសេពគ្រឿងស្រវឹងនឹងត្រូវកាត់បន្ថយ៕
ភ្នំពេញ៖ តារាចម្រៀងសំនៀងពីរោះចំនួន៤រូបមានដូចជាកញ្ញា ស៊ុន ស្រីពេជ្រ កញ្ញា ផន ស្រីខួច កញ្ញា ស៊ូ ដាណេ និងលោក ផាន់កុល សុភោ បានចេញដំណើរពីកម្ពុជាកាលពីល្ងាចថ្ងៃទី២២ខែមីនានេះដើម្បីច្រៀងរាំរកលុយនៅប្រទេសអូស្ត្រាលី។
ពួកគេនឹងចំណាយពេលមួយខែពេញ ពិសេសក្នុងអំឡុងពិធីបុណ្យចូលឆ្នាំថ្មីប្រពៃណីជាតិខ្មែរ នៅលើទឹកដីនៃប្រទេសនេះពិសេសតំបន់ដែលមានប្រជាជនខ្មែររស់នៅ។
សូមបញ្ជាក់ថា មុនការចេញដំណើរកញ្ញា ស៊ូ ដាណេ បានប្រាប់ថានាងនិងតារាចម្រៀងផ្សេងទៀតគឺតបតាមការចង់បានរបស់សមាគមខ្មែរ អូស្ត្រាលី ភាគខាងត្បូង ហើយទីក្រុងសំខាន់មួយចំនួនដែលសម្បូរដោយប្រជាជនខ្មែររស់នៅនឹងត្រូវបានពួកនាងចូលរួមច្រៀងរាំមានដូចជា ទីក្រុង ស៊ីដនី អាលដឺឡេត មេលប៊នផងដែរ។
កញ្ញាបញ្ជាក់ដែរថា នាងនិងសិល្បករទាំងអស់សុទ្ធតែបានត្រៀមខ្លួនរួចជាស្រេចក្នុងការបង្ហាញបទចម្រៀងចម្រុះ ពិសេសបទចម្រៀងប្រជាប្រិយខ្មែរ មានរាំវង់ រាំក្បាច់ សារ៉ាវ៉ាន់ ឡាំលាវជាដើម ដើម្បីបង្កបរិយាកាសកម្សាន្តសប្បាយសម្រាប់ប្រជាជនខ្មែររស់នៅលើទឹកដីនៃប្រទេសអូស្ត្រាលី។ ក្រៅពីនេះនាងក៏នឹងបង្ហាញទស្សនីយភាពរបាំក្បាច់បុរាណ របាំ ព្រះរាជទ្រព្យ និង របាំប្រជាប្រិយខ្មែរមួយចំនួនតបតាមការចង់បានរបស់អ្នករៀបចំកម្មវិធីខាងលើផងដែរ។ នាងបញ្ជាក់ដែរថា ប្រសិនបើគ្មានការប្រែប្រួលតារាចម្រៀងទាំង៤រូបនឹងវិលមកកម្ពុជាវិញក្រោយពិធីចូលឆ្នាំថ្មីប្រពៃណីជាតិចប់។
កូរ៉េខាងជើង ៖កូរ៉េខាងជើងបានធ្វើតេស្តសាកល្បងនូវប្រព័ន្ធប្រតិបត្តិការបាញ់គ្រាប់រ៉ុក្កែតធុនធ្ងន់ និងប្រព័ន្ធដាច់ដោយឡែកដទៃទៀត ដើម្បីធានាឲ្យបាននូវសុវត្ថិភាព និងប្រសិទ្ធភាពរបស់វា។ នេះបើយោងតាមការផ្សាយរបស់សារព័ត៌មានចិនស៊ិនហួរនៅព្រឹកថ្ងៃព្រហស្បតិ៍ ទី២៤ ខែមីនា ឆ្នាំ២០១៦នេះ។
រាជធានីភ្នំពេញ ៖អគ្គនាយកដ្ឋានពន្ធដារពន្យារពេលដាក់លិខិតប្រកាសបង់ពន្ធប៉ាតង់សម្រាប់ឆ្នាំ២០១៦នេះ នឹងជួយឱ្យសហគ្រាសទាំងអស់ មានពេលវេលាគ្រប់គ្រាន់ក្នុងការបំពេញកាតព្វកិច្ចសារពើពន្ធ៕ សូមអានសេចក្តីជូនដំណឹងលម្អិតរបស់អគ្គនាយកពន្ធដារខាងក្រោម៖
បាលទាត់ ៖យោងតាមគេហទំព័រ The Sun បានឲ្យដឹងថា ក្លិប Paris Saint-Germain បានត្រៀមទឹកប្រាក់ ៥០លានផោន ដើម្បី ទិញខ្សែប្រយុទ្ធ Daniel Sturridge ពីក្លិបហង្សក្រហម Liverpool ។
រាជធានីភ្នំពេញ ៖ប្រធានអង្គភាពប្រឆាំងអំពើពុករលួយ(ACU) លោកទេសរដ្ឋមន្ត្រី ឱម យ៉ិនទៀង បានប្រកាសនៅក្នុងកិច្ចប្រជុំនាព្រឹកថ្ងៃទី២៤ ខែមីនានេះថា អង្គភាពប្រឆាំងអំពើពុករលួយ សម្រេចទទួលយកពាក្យបណ្តឹងក្រុមនិស្សិត ដើម្បីបើកការស៊ើបអង្កេតលើកញ្ចប់ទ្រព្យសម្បត្តិលោក កឹម សុខា។
ព្យុងយ៉ាង ៖ទីក្រុងព្យុងយ៉ាងកាលពីម្សិលមិញបានចេញសេចក្តីថ្លែងការណ៍មួយដោយគំរាមសងសឹកលោកស្រី Park Geun-Hye ប្រធានាធិបតីកូរ៉េខាងត្បូង និងសហរដ្ឋអាមេរិក។
បាល់ទាត់ ៖បន្ទាប់ត្រូវបានសហព័ន្ធបាល់ទាត់ពិភពលោក FIFA ដាក់ពិន័យ ពេលនេះខ្សែប្រយុទ្ធរបស់ក្លិបអ្នកមានបុណ្យ Barcelona គឺកីឡាករ Luis Suarez ត្រូវបានកោះហៅឲ្យចូលទីលានហ្វឹកហាត់ជាមួយនឹងក្រុមបាល់ទាត់ជម្រើសជាតិប្រទេសអ៊ុយរ៉ាហ្គាយសាជាថ្មី។
ខេត្តបន្ទាយមានជ័យ ៖បុរសវិកល់ចរឹកម្នាក់បានដេកស្លាប់នៅក្នុងគុម្ពោធព្រៃ ដោយសារភ្លើងឆេះឡើងរួញត្រូវបានប្រជាពលរដ្ឋប្រទះឃើញនៅវេលាម៉ោង៣ល្ងាច ថ្ងៃទី២៣ ខែមីនា ឆ្នាំ២០១៦នៅចំណុចភូមិកូប លិច ឃុំកូប ស្រុកអូរជ្រៅ ខេត្តបន្ទាយមានជ័យ ហើយរាយការណ៍ទៅសមិត្ថកិច្ចឲ្យចុះមកពិនិត្យ។
ភ្នំពេញ ៖នៅព្រឹកថ្ងៃទី២៤ ខែមីនា ឆ្នាំ២១០៦នេះ ប្រធាននាយកដ្ឋានបច្ចេកទេស និងកោសល្យវិច្ច័យ នៃអង្គភាពប្រឆាំងអំពើពុករលួយ(ACU) លោក ជា សំអាត បានថ្លែងអះអាងថា សំឡេងនៅក្នុងខ្សែអាត់ដែលបែកធ្លាយ គឺជាសម្លេងរបស់លោក កឹម សុខា និង ស្រីមុំ។
ការថ្លែងបែបនេះធ្វើឡើងនៅក្នុងកិច្ចប្រជុំពិភាក្សាមួយដើម្បីប្រកាសលទ្ធផលថា តើនឹងបើកការស៊ើបអង្កេតឬយ៉ាងណា នៅក្នុងការិយាល័យអង្គភាពប្រឆាំងអំពើពុករលួយ។ ជាមួយគ្នានោះលោកប្រធាននាយកដ្ឋានបានបញ្ជាក់ថា ទាំងក្នុងសំឡេងខ្សែអាត់ និងសំឡេងខាងក្រៅគឺជាមនុស្សតែមួយ៕
ខេត្តស្វាយរៀង៖នៅព្រឹក ថ្ងៃទី២៤ ខែមីនា ឆ្នាំ២០១៦ នេះនាសាលប្រជុំសាកលវិទ្យាល័យស្វាយរៀងបានរៀបចំពិធីប្រកាសផ្ទេរភារកិច្ចនិងតែងតាំងមុខតំណែងអភិបាលនៃគណៈអភិបាលខេត្តស្វាយរៀង ក្រោមអធិបតី សម្តេចក្រទ្បាហោម ស ខេង ឧបនាយករដ្ឋមន្ត្រី និងជារដ្ឋមន្ត្រី ក្រសួងមហាផ្ទៃ និងលោកស្រី ឧបនាយករដ្នមន្ត្រី ម៉ែន សំអន ព្រមទាំងមានមន្ត្រីរាជការចូលរួមប្រមាណជិត១០០០នាក់។លោក ជៀង អំ ភិបាល ខេត្តស្វាយរៀង ត្រូវផ្លាស់ប្តូរមុខតំណែង ជារដ្ឋលេខាធិការ ក្រសួងការពារជាតិ ចំណែកឯលោក ម៉ែន វិបុល អភិបាលរងខេត្ត ត្រូវតែងតាំងជាអភិបាលខេត្តស្វាយរៀង៕
រាជធានីភ្នំពេញ ៖យុវជនពីរនាក់បងប្អូនកំពុងអង្គុយញុំបង្អែមសុខៗ ស្រាប់តែមានជនដៃដល់មួយក្រុមមកកាប់នឹងដាវសាម៉ូរ៉ៃផ្ទួនៗ បណ្ដាលឲ្យរងរបួសធ្ងន់ម្នាក់ដេរ១០ថ្នេរ ហើយជនបង្កនាំគ្នាជិះម៉ូតូរត់គេចខ្លួនបាត់ស្រមោលតែម្តង។ ហេតុការណ៍នេះកើតឡើងកាលពីវេលាម៉ោង៩ និង៣០នាទីយប់ថ្ងៃទី២៣ ខែមីនា ឆ្នាំ២០១៦ ស្ថិតក្នុងភូមិ២ សង្កាត់ឃ្មួញ ខណ្ឌសែនសុខ។
Posts navigation
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
