កំពង់ចាម៖ជនរងគ្រោះជាឪពុកក្មេកដែលត្រូវកូនប្រសារកាប់បណ្តាលឲ្យរបួសត្រង់ក្បាលនៅស្រុកចំការលើកាលពីយប់ថ្ងាំទី៣០វិច្ឆិកាឆ្នាំ២០១៥ បានទទួលមរណភាពហើយ នៅវេលាម៉ោង៣ និ៤៥នាទី ទៀបភ្លឺថ្ងៃទី៤ ធ្នូ នេះ ដោយសារមុខរបួសធ្ងន់ធ្ងរពេក។
ជនរងគ្រោះឈ្មោះ ស្វាយ សាខន ភេទប្រុស អាយុ៦៣ឆ្នាំ ជាក្រុមប្រឹក្សាឃុំស្ពឺ ស្រុកចំការលើ ខេត្តកំពង់ចាម មកពីគណបក្សសង្ក្រោះជាតិ ត្រូវកូនប្រសារឈ្មោះ អេង ធី ភេទប្រុស អាយុ ៤៧ឆ្នាំ រស់នៅភូមិពែងមាសជើង ឃុំស្ពឺស្រុកចំកាលើ ខេត្តកំពង់ចាម បានកាប់ចំក្បាលរងរបួសជាទម្ងន់ត្រូវក្រុមគ្រួសារបញ្ជូនទៅសង្គ្រោះទៅមន្ទីររុស្ស៊ី ក្នុងយប់កើតហេតុ ទី៣០ វិច្ឆិកា ២០១៥ តែដោយសារមុខរបួសធ្ងន់ពេកលោក ស្វាយ សាខន បានទទួលមរណភាពតាមប្រពន្ធ កូនស្រី ចៅប្រុសស្រីតូចៗទាំងពីរដែលត្រូវឈ្មោះ អេង ធី កាប់សម្លាប់យ៉ាងព្រៃផ្សៃនៅពេលេវលា និងកន្លែងដូចខាងលើ។
ក្រោយពេលកាប់សម្លាប់ប្រពន្ធ កូន និងម្តាយក្មេក ឪពុកក្មេករួចភ្លាមៗ ឈ្មោះ អេង ធី បានរត់គេចខ្លួនចេញពីស្រុកភូមិជាកន្លែងកើតហេតុ ហើយត្រូវរថយន្តបុកកិនក្បាលស្លាប់កាលពីវេលាម៉ោង២៣ និង១៥នាទីយប់ថ្ងៃទី១ ខែធ្នូ ឆ្នាំ២០១៥ នៅកណាត់ផ្លូវលំស្ថិតក្នុងភូមិវាលធំ ឃុំគគីធំ ស្រុកបារាយរណ៍ ខេត្តកំពង់ធំ។
គួររំឭកថា កាលពីម៉ោង២៣ និង៩នាទីយប់ថ្ងៃទី៣០ ខែវិច្ឆិកា ឆ្នាំ២០១៥ កន្លងមកនេះ ឈ្មោះ អេង ធី បានផឹកស្រាស្រវឹងហើយឈ្លោះជាមួយប្រពន្ធ ។ពេលនោះប្រពន្ធក៏បា០នដឹកដៃកូនប្រុសស្រីតូចៗទៅផ្ទះឪពុកម្តាយបង្កើតដែលស្ថិតជាប់ព្រំរបងគ្នា។ដោយសារឃើញប្រពន្ធដើរចេញ ឈ្មោះ អេង ធី បានប្រមូខោអាវយកមកដុតនៅខាងមុខផ្ទះ ហើយលោក ស្វាយ សាខន ជាឪពុកក្មេកបានស្ទុះទៅជួយពន្លត់ក៏ត្រូវកូនប្រសារឈ្មោះ អេង ធី នេះ កាប់ចំក្បាលដួលសន្លប់ ហើយឈ្មោះ អេង ធី បានដើរទៅផ្ទះឪពុកម្តាយក្មេកបន្តកាប់សម្លាប់សមាជិកក្នុងក្រុមគ្រួសាររួមមាន ប្រន្ធ កូនតូចៗប្រុស១ ស្រីមួយ និងស្ត្រីចំណាស់ម្នាក់ជាម្តាយក្មេកបណ្តាលឲ្យស្លាប់ភ្លាមៗនៅកន្លែងកើតហេតុតែម្តង។
ជនរងគ្រោះដល់ស្លាប់ក្នុងគ្រួសារនេះមាន៖
១ ម៉ៅ យាង អសយុ ៦០ឆ្នាំ ត្រូវជាម្តាយក្មេកជនល្មើស
២ ចន្ទី សុភានី អាយុ ៤៥ឆ្នាំ ត្រូវជាប្រេពន្ធជនល្មើស
៣ ធី ស៊ាងហ៊ី អាយុ ៦ឆ្នាំ ត្រូវជាកូនស្រីជនល្មើស
៤ ធី សីហា អាយុ ៤ឆ្នាំ ត្រូវជាកូនប្រុសជនល្មើស
លោកឧត្តមសេនីយទោ បែន រ័ត្ន ស្នងការនគរបាល់ខេត្តកំពង់ចាម បានបញ្ជាក់ឲ្យដឹងថា ហិង្សាក្នុងគ្រួសារនេះ បណ្តាលឲ្យសមាជិតឲកក្នុងគ្រួសារទាំងមូលបានស្លាប់ចំនួន៦នាក់ក្នុងនោះ មនុស្ស៤នាក់ បានស្លាប់នៅនឹងកន្លែង លោក ស្វាយ សាខន ជាឪពុកក្មេកជនលើ្មសបានស្លាប់នៅមន្ទីរពេទ្យនៅវេលាទៀបភ្លឺម៉ោង៣ និង៤៥នាទី ចំណែកជនលើ្មសឈ្មោះ អេង ធី ត្រូវរថយន្តបុកកិនចំក្បាលស្លាប់ខេត្តកំពង់ធំ ជាប់ព្រំប្រទល់ខេត្តកំពង់ចាម នៅវេលាម៉ោង២១ និង១៥នាទី ថ្ងៃទី១ ខែធ្នូ ឆ្នាំ២០១៥ ខណះរត់គេចខ្លួនពីការតាមចាប់របស់សមត្ថកិច្ច៕ដោយ៖ផល្លី
