All posts by មេគង្គ ប៉ុស្តិ៍

សម្តេចតេជោ ហ៊ុន សែន ប្រគល់សញ្ញាបត្រជូននិស្សិតជាង៤ពាន់នាក់

February 13, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជា, សន្តិសុខ/សង្គមមេគង្គ ប៉ុស្តិ៍

ភ្នំពេញ ៖ នៅព្រឹកថ្ងៃទី១៣ខែកុម្ភះឆ្នាំ២០១៨នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជាអធិបតីដ៏ខ្ពង់ ខ្ពស់ក្នុងពិធីប្រគល់សញ្ញាបត្រជូននិស្សិតសាកលវិទ្យាល័យវេស្ទើនចំនួនជាង៤ពាន់នាក់នៅមជ្ឈមណ្ឌលសន្និបាតនិងពិព័រណ៌កោះពេជ្រ ។

លោក តែ ឡូរិន សកលវិទ្យាល័យវេស្ទើន បានឲ្យដឹងថា សាកលវិទ្យាល័យបានពង្រឹងវិសាលភាពនៃការអប់រំកម្រិតឧត្តមលើមុខជំនាញជាច្រើន ហើយមានជំនាញខ្លះបានសហការជាមួយដៃគូបរទេសដូចជាសាកលវិទ្យាល័យកាសេមបណ្ឌិតប្រទេសថៃ ក្នុងការបណ្តុះបណ្តាលជំនាញអាកាសចរណ៍ស៊ីវិល ជាដើម ។ ជាមួយគ្នានេះដែរ សាកលវិទ្យាល័យបានខិតខំកែលម្អនិងអភិវឌ្ឍកម្មវិធីជាប្រចាំ ហើយបានដើម្បីឆ្លើយតបទៅនឹងទីផ្សារការងារនិងការអភិវឌ្ឍសេដ្ឋកិច្ចកម្ពុជានោះ សកលវិទ្យាល័យបានធ្វើកិច្ចសហប្រតិបត្តិការជាមួយ សាកលវិទ្យាល័យនានានៅបរទេស ដូចជាសាកលវិទ្យាល័យ

វិទ្យាស្ថាននៅសហរដ្ឋអាមេរិក ចក្រភពអង់គ្លេស, ថៃ, សឹង្ហបុរី, កូរ៉េ និងម៉ាឡេស៊ី ។
គួរបញ្ជាក់ថា គិតចាប់តាំងពីឆ្នាំសិក្សា២០០៣ ២០០៤ ដល់ឆ្នាំសិក្សា២០១៧២០១៨នេះ និស្សិតដែលបានបញ្ចប់ការសិក្សានៅសាកលវិទ្យានេះមានចំនួនសរុប ១០,៦៧៧នាក់ មាននារី ៤,៩២៩នាក់។ និស្សិតជ័យលាភីដែលបានបញ្ចប់ការសិក្សានេះ មានឪកាសបានទទួលការងារធ្វើប្រមាណ៩១%។ដោយឡែក ចំពោះនិស្សិតកំពុងសិក្សាវិញ គឺមាននិស្សិតចំនួនជិត៧០% មានការងារធ្វើនៅតាមក្រសួង ស្ថាប័ន អង្គភាព និងក្រុមហ៊ុននានា។

សម្តេចតេជោ នាយករដ្ឋមន្ត្រីបានបញ្ជាក់ថា កម្ពុជាត្រូវការធនធានមនុស្សដើម្បី ជម្រុញការអភិវឌ្ឍប្រទេសឲ្យកាន់តែឆាប់រហ័ស។ គ្មានប្រទេសណាមួយអាចធ្វើ ការអភិវឌ្ឍទៅបានដោយគ្មានធនធានមនុស្សនោះដែរ។ សម្តេចតេជោអះអាង ថាគ្រាន់តែរយៈពេល២ខែនេះ កម្ពុជាបានបង្កើតការងារជូនដល់ប្រជាពលរដ្ឋប្រ មាណ៣០ម៉ឺនកន្លែង តាមរយៈការវិនិយោគពីខាងក្រៅ និងអ្នកវិនិយោគក្នុងស្រុក ផងដែរ។ យ៉ាងណាក៍ដោយសម្តេចតេជោ បានបញ្ជាក់ថា ការរីកចំរើននៃការ បោះទុនវិនិយោគ និងការបង្កើតការងារថ្មីជាច្រើនក្តី កម្ពុជានៅតែខ្វះធនធាន មនុស្ស ដែលតម្រូវឲ្យកម្ពុជាត្រូវធ្វើការបណ្តុះបណ្តាលធនធានមនុស្សឲ្យបាន កាន់តែច្រើនថែមទៀតដើម្បីឆ្លើយតបទៅនឹងតម្រូវការផ្នែកធនធាននេះ។

នៅថ្ងៃ នេះដែរសម្តេចតេជោ នាយករដ្ឋមន្ត្រីបានបញ្ជាក់ថា យើងមិនអាចធ្វើការកាត់ បន្ថយគម្លាតទ្រព្យសម្បត្តិរបស់ប្រជាជននីមួយៗបានទេ ប៉ុន្តែអ្វីដែលយើងអាច ធ្វើការកាត់បន្ថយគម្លាតបាននោះគឺកាត់បន្ថយគម្លាតខួរក្បាល។ តាមរយៈនេះ កម្ពុជាបានធ្វើការបង្ខិតសាលារៀនទៅដល់តំបន់ដាច់ស្រយាលដើម្បីផ្តល់ឱកាស ដល់កូនអ្នកក្រីក្រអាចបន្តការសិក្សាប្រកបដោយស្មើភាព។

ខណ្ខចំកាមន បិទទីតាំងបញ្ចាំងកុនដែលដាក់គ្រែសម្រាប់ឱ្យភ្ញៀវដេកមើល

ភ្នំពេញ ៖ សមត្ថកិច្ចនគរបាលខណ្ឌចំការមនចុះបិទទីតាំ បញ្ចាំងកុនមួយកន្លែងឈ្មោះ Home Cinema បន្ទាប់ពីរកឃើញថាការបញ្ចាំងនោះមានភាពមិនប្រក្រតីខណៈដែលទីតាំងបញ្ចាំងនេះមិនមែនជាប្រភេទកៅអីសម្រាប់អង្គុយ បែរជាប្រភេទក្រែពូកសម្រាប់ដេកមើលទៅវិញ។

ទីតាំងបញ្ចាំងកុន Home Cinemaនេះមានទីតាំងស្ថិតនៅផ្ទះលេខS-32 ផ្លូវស៊ីលវ័រក្នុងភូមិ៤សង្កាត់ទំនប់ទឹក ខណ្ឌចំការមនរាជធានីភ្នំពេញ។

បើតាមមន្ត្រីនគរបាលខណ្ឌចំការមនបានឲ្យដឹងថាប្រតិបត្តិការចុះបិទទីតាំងបញ្ចាំងកុននេះគឺបន្ទាប់ពីមានការឯកភាព ពីព្រះរាជអាជ្ញារងអមសាលាដំបូងរាជធានីភ្នំពេញលោកស្រី កែវ សុគន្ធា ទើបលោក ហ៊ាង ថារ៉េត ដែលជាអធិការងខណ្ខចំកាមនបានដឹកនាំកម្លាំងចុះបង្ក្រាបតែម្តង។

បើតាមការបញ្ជាក់ពីលោក ហ៊ាង ថារ៉េត បានឲ្យដឹងថា ទីតាំងបញ្ចាំងកុននេះគឺមានភាពមិនប្រក្រតីដោយវាចម្លែកត្រង់ថាមិនមានកៅអីសម្រាប់អង្គុយមើលទេប៉ុន្តែបែរជាដាក់គ្រែពូកសម្រាប់មនុស្សពីរនាក់ដេកមើលទៅវិញ ។

ជាមួយគ្នានោះដែរលោកអធិការរងនគរបាលខណ្ឌចំការមន ក៏បានអំពាវនាវដល់ក្រសួងស្ថាប័នពាក់ព័ន្ធមេត្តាជួយពិនិត្យ មុននិងចេញអាជ្ញាប័ណ្ណប្រកបរបរអាជីវកម្មសូមពិនិត្យផង ជាពិសេសពាក់ព័ន្ធនិងក្រសួងវប្បធម៌ព្រោះថាការបើក ទីតាំងបញ្ចាំងកុនបែបនេះមិនមានមនុស្សចាស់ឬក្មេងៗទៅមើលភាគច្រើនមានតែក្មេងជំទង់ៗចូលមើលតែពីរនាក់ ប្រុសស្រីហើយក្នុងទីតាំងបញ្ចាំងកុននេះគេដាក់ជាលកខណះពូកឲ្យដេកដែលវាអាចនិងឲ្យអ្នកចូលមើលប្រព្រឹត្តិរឿងអ្វីផ្សេងៗខុសប្រពៃណី ។

ការដែលស្នើសុំឲ្យក្រសួងពាក់ព័ន្ធពិនិត្យមុននិងអនុញ្ញាតឲ្យបើកអាជីវកម្មនេះគឺដើម្បីការពារសេចក្តីថ្លៃថ្នូនិងវប្បធម៌ប្រពៃណីខ្មែរកុំយុវជនចូលទៅប្រព្រឹត្តរឿងមិនល្អ៕

ទីតាំងភ្នាល់បាល់តាមអនឡាញ«យីហោ ៣៦៥» ក្នុងសង្កាត់បឹងត្របែក បើកលេង២៤ម៉ោងលើ២៤ម៉ោង

February 12, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជា, សន្តិសុខ/សង្គមមេគង្គ ប៉ុស្តិ៍

ភ្នំពេញ ៖ ល្បែងស៊ីសងតាមអនឡាញ« យីហោ ៣៦៥» ស្ថិតនៅតាមបណ្តោយផ្លូវលេខ៤៧៤ ក្នុងសង្កាត់បឹងត្របែក បានបើកលេងយ៉ាងរលូនរាប់ឆ្នាំមកហើយ ចំណែកសមត្ថកិច្ចខណ្ឌចំការមន តាំងពីថ្នាក់លើរហូតដល់ថ្នាក់ក្រោម គ្មានអើពើចំពោះទីតាំងដែលជាប្រភពនៃបទល្មើសកំពុងជ្រកក្រោមស្លាកអាជីវកម្ម អិនធឺណេត ៣៥៦ នេះទេ។

បុរសចំណាស់ម្នាក់ ដែលមានលំនៅឋានក្បែរទីតាំងអ៊ិនធើណិត២៤ម៉ោង ៣៦៥ នេះ បានរិះគន់ធ្ងន់ៗលើសមត្ថកិច្ចមូលដ្ឋាន ថា សមត្ថកិច្ចខណ្ឌចំការមន មិនដែលមកបង្ក្រាបទីតាំងខាងលើនេះទេ មិនដឹងថា មានមូលហេតុអ្វីខ្លះនៅពីក្រោយខ្នងនោះឡើយ ទើបគេមិនបង្ក្រាប។ បុរសដដែលបន្តថា នៅលើទឹកដីខណ្ឌចំការមន មានទីតាំងបើកល្បែងស៊ីសងភ្នាល់បាល់តាមអនឡាញ និងល្បែងស៊ីសងផ្សេងៗទៀត ឬកន្ទុយលេខច្រើនកន្លែងណាស់ ដែលល្បែងស៊ីសងខ្លះ ជ្រកក្រោមស្លាកអាជីវកម្ម អ៊ិនធឺណេត ២៤ម៉ោង ឯខ្លះទៀតជ្រកតាមផ្សារ និងខ្លះទៀត ជ្រកតាមអាហារដ្ឋាននានា។ បុរសចំណាស់ដដែលបាននិយាយដោយចំអកថា កុំសង្ឃឹមថា សមត្ថកិច្ចខណ្ឌចំការមន គេបង្ក្រាបទីតាំងដូចបានរៀបរាប់ខាងលើនេះ បើទោះបីជាដឹងថា ទីនោះជាជម្រកផ្តល់មធ្យោបាយឲ្យជនល្មើសអាចជ្រកកោនលាក់ខ្លួនដោយសារបើក២៤ម៉ោង លើ២៤ម៉ោង ដើម្បីជួបជុំរៀបចំផែនការមុនពេលចេញធ្វើសកម្មភាពលួច ឆក់ ឬប្លន់ ក៏ដោយ។

បុរសចំណាស់ដដែលនេះ បានដាក់ការចោទប្រកាន់ធ្ងន់ៗថា ជាទូទៅ ទីតាំងអាជីវកម្ម អ៊ិនធឺណេត ២៤ម៉ោង លើ២៤ម៉ោង កន្ទុយលេខ ឬល្បែងស៊ីសងដទៃទៀត គឺជាអតិថិជនរបស់មន្ត្រីមានសមត្ថកិច្ចមួយចំនួន ដូច្នេះមិនអាចនឹងលុបបំបាត់បានដោយងាយៗនោះទេ គេទុកចាំឱ្យសម្តេចនាយករដ្ឋមន្ត្រីស្រែកដាក់បញ្ជាតាមកាសែត ទូរទស្សន៍ ដូចករណីរថយន្ត ត ទ្រុងជាដើម ទើបធ្វើជាស្ទុះស្ទាកេណ្ឌកម្លាំងចាត់វិធានការ ហើយប្រកូកប្រកាសហៅក្រុមអ្នកកាសែត និងទូរទស្សន៍ឱ្យជួយផ្សព្វផ្សាយយកស្នាដៃ។

ប្រភពផ្សេងទៀតដែលស្និទ្ធនឹងថៅកែល្បែងតាមអិនធឺណេត ម្នាក់ បានប្រាប់ឱ្យដឹងថា មន្ត្រីសមត្ថកិច្ចខណ្ឌចំការមនបង្ក្រាបតែកន្លែងណាដែលមិនបង់លុយឲ្យពួកគេតែប៉ុណ្ណោះ កន្លែងណាដាក់ខែ គេមិនបង្ក្រាបនោះទេ។សូមបញ្ជាក់ថា យ៉ាងណាក៏ដោយ ខណ្ខចំការមន គឺជាខណ្ឌមួយដែលមានភូមិសាស្ត្រស្មុគស្មាញច្រើនណាស់ដែរ និងជាកន្លែងដែលសម្បូរទៅដោយបទល្មើសជាច្រើនទៀតផង ព្រោះមានក្មេងទំនើងប្រមូលផ្តុំគ្នាបានប្រើប្រាស់គ្រឿងញៀន និងលេងល្បែងស៊ីសងតាមអ៊ីនធើណេត២៤ម៉ោង លើ២៤ម៉ោង ដែលទីតាំងខ្លះ បានធ្ចើឱ្យសមត្ថកិច្ចវិលមុខ បង្ក្រាហើយបង្ក្រាបទៀតដូចវែកចក។

គួររំលឹកថា កន្លងមក សម្ដេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ និងលោក ឃួង ស្រេង អភិបាល នៃគណៈអភិបាលរាជធានីភ្នំពេញ ធ្លាប់បានដាក់បទបញ្ជាយ៉ាងម៉ឺងម៉ាត់ដល់កម្លាំងសមត្ថកិច្ចពាក់ព័ន្ធគ្រប់ខណ្ឌទាំងអស់ឲ្យបង្ក្រាបរាល់ល្បែងស៊ីសង គ្រឿងញៀន និងត្រូវទប់ស្កាត់បទល្មើសនានានៅតាមបណ្តាខណ្ខនីមួយៗ ឱ្យបានពេញលេញ ដើម្បីការពារសន្តិសុខជូនប្រជាពលរដ្ឋ ពិសេស បញ្ជាឱ្យចុះត្រួតពិនិត្យជាបន្ទាន់ទីតាំងអាជីវកម្ម អ៊ិនធឺណេត ព្រោះជាទង្វើខុសច្បាប់ បើសិនហ៊ានបើក២៤ ម៉ោងលើ២៤ម៉ោង៕

ផលិតផលសម្រាប់ទារករបស់ប្រទេសបារាំងកំពុងវាយលុកទីផ្សារកម្ពុជា

ភ្នំពេញ ៖ ផលិតផលអាហារបំប៉ន សម្រាប់កុមារ និង ផលិតផលថែរក្សាសុខភាពស្បែកមាតានិងទារក ពីប្រទេសបារាំង កំពុងវាយលុកទីផ្សារកម្ពុជា ខណៈប្រាក់ចំណូលពលរដ្ឋកម្ពុជាក៏មានកំនើនជាបន្តបន្ទាប់ពីមួយឆ្នាំទៅមួយឆ្នាំ ។ ផលិតផលដែលបានចូលមកកម្ពុជា និងកំពុងវាយលុកទីផ្សារនេះ ជាផលិតផលកំពុងពេញនិយមបំផុតនៅប្រទេសបារាំង និងប្រទេសជាច្រើនទៀតនៅលើពិភពលោក ហើយទទួលបានការគាំទ្រពីសំណាក់មាតាៗជាច្រើនផងដែរ ។

លោកមីស៊ែល សឺបង់ វេជ្ជបណ្ឌិតឯកទេសផ្នែកទារក កុមារ ស្ត្រីមកពីបារាំងបានអោយដឹងថា ការថែទាំទារក និងកុមារ អោយលូតលាស់បានល្អ គឺជារឿងមួយពិបាកណាស់ ។ ពេលខ្លះគេសង្កេតឃើញថា ឪពុកម្ដាយមានរូបភាពធំៗខ្ពស់ៗ តែពេលកូនពួកគាត់បែរជាទាបៗនិងមានមាឌតូចៗ ។ កត្តាទាំងនោះអាចបណ្ដាលមកពីការផ្ដល់អាហារូបត្ថម្ភមិនបានគ្រប់គ្រាន់ទៅតាមការលូតលាស់សរីរាង្គរបស់កូនពួកគាត់ ។

លោកបន្តថា នៅប្រទេសបារាំងគេនិយមប្រើផលិតផល បៃអូឡង់(Biolane ) ជាផលិតផលដែលមានការពេញនិយម និងទទួលស្គាល់យ៉ាងខ្លាំងនៅក្នុងប្រទេសបារាំង និងបានរាលដាលដល់បណ្ដាប្រទេសជាច្រើនទៀតនៅក្នុងតំបន់អាស៊ី ព្រមទាំងមានការទទួលស្គាល់គុណភាព ពីសំណាក់អ្នកប្រើប្រាស់ផងដែរ ។ ដោយឡែក ការចូលមកដល់កម្ពុជារបស់ផលិតផលមួយនេះ ក៏ជាការសម្រួលដល់ការបីបាច់ថែរក្សាកូនៗរបស់ស្ត្រីកម្ពុជាផងដែរ ។ ផលិតផលនេះ មិនមែនមានត្រឹមតែអាហារបំប៉នកុមារនិងទារកប៉ុណ្ណោះទេ តែវាមានតាំងពីផលិតផលថែរក្សាស្បែក និងរូបរាងខាងក្រៅរបស់កុមារ និងស្ត្រីជាមាតាផងដែរ ។

អ្នកស្រីចាន់ ដាលីស នាយកផ្នែកលក់និងទីផ្សាររបស់ ហាងមេហ្សុងដឺរ៉ុប ដែលលក់ផលិផលបៃអូឡង់ នៅកម្ពុជា បានអោយដឹងថា ចាប់តាំងពីអ្នកស្រីយកផលិតផលនេះ មកកាន់ទីផ្សារកម្ពុជា ឃើញថាកំណើននៃការលក់បានចាប់ផ្ដើមកើនឡើងបន្តិចម្ដងៗ និងមានការទទួលស្គាល់ជាបន្តបន្ទាប់ពីអ្នកប្រើប្រាស់នៅក្នុងប្រទេសកម្ពុជា ។ ដោយសារតែកំណើននៃអ្នកប្រើប្រាស់ជាបន្តបន្ទាប់ នៅពេលខាងមុខនេះ ក្រុមហ៊ុននឹងពង្រីកការចែកចាយទៅតាមបណ្ដាខេត្តនានាដែលមានសក្ដានុពល ដើម្បីសម្រួលដល់ស្ត្រី ជាមាតានៅទូទាំងប្រទេសដែលចង់បាននូវផលិតផលដែលអាចជួយរូបគាត់និងកូនគាត់ លូតលាស់បានល្អ ។

អ្នកស្រីបន្តថា បើទោះបីជាផលិតផលនេះ វាហាក់មានតម្លៃខ្ពស់បន្តិចមែន ក៏ប៉ុន្តែបើធៀបនឹងប្រាក់ចំណូល និងកំណើនសេដ្ឋកិច្ចរបស់ប្រទេសកម្ពុជា ឃើញថាមានប្រជាពលរដ្ឋជាច្រើនអាចមានលទ្ធភាពទិញយកទៅប្រើប្រាស់ ក្នុងអំឡុងពេលកំពុងពរពោះ រហូតដល់កូននោះធំៗ ។ លោកស្រីថា ក្នុងឆ្នាំ ២០១៧កន្លងទៅនេះ កំណើននៃការលក់ផលិតផលបៃអូឡង់ នៅកម្ពុជាមានកំណើនរហូតដល់ជាង៧០ភាព ដែលធ្វើអោយក្រុមហ៊ុនត្រៀមយកផលិតផលម៉ាកថ្មីបន្ថែមទៀតសម្រាប់ចរាចរណ៍លើទីផ្សារកម្ពុជា ៕

ឡានឡិចស៊ីសបុករះអ្នកសាររោងអ័កកាដុងស្លាប់២នាក់ និងបន្តទៅបុកផ្ទះមួយខ្នងយ៉ាងដំណំ

កណ្តាល ៖ រថយន្តឡុចស៊ីស RX300 មួយទំនងជាតៃកុងស្រវឹងស្រា បានបុករះអ្នកសាររោងអ័កកាដង់បណ្តាលឱ្យស្លាប់មនុស្សពីរនាក់ ហើយរថយន្តនោះបានបន្តទៅបុកផ្ទះប្រជាពលរដ្ឋមួយខ្នងទៀតបណ្តាលឱ្យរងការខូចខាតយ៉ាងដំណុំ ទើបរថយន្តនោះអស់ល្បឿន ហើយតៃកុងបានចុះរត់គេចខ្លួនបាត់ ។ ហេតុការណ៍នេះ បានកើតឡើងពីវេលាម៉ោងជាង១២រំលងអធ្រាតុឈានចូកថ្ងៃទី ១១ ខែកុម្ភៈ ឆ្នាំ២០១៨ នៅលើកំណាត់ផ្លូវលេខ២១ ស្ថិតក្នុងភូមិផ្កូវបំបែក ឃុំទឹកវិល ស្រុកស្អាង ខេត្តកណ្ដាល ។

លោកវរសេនីយ៍ឯក សេង សុជាតិ អធិការប៉ូលិសស្រុកស្អាងបានឱ្យដឹងថា រថយន្តដែលបើកបុកមនុស្សស្លាប់ខាងលើមានម៉ាក ឡិចស៊ីស RX300 ពណ៌ស ពាក់ស្លាកលេខ ភ្នំពេញ 1AE-5120 អ្នកបើកបរមិនស្គាល់អត្តសញ្ញាណ (រត់គេចខ្លួន) ។ ចំណែកជនរងគ្រោះដែលស្លាប់ ទី១ឈ្មោះ ចាន់ សុភា ភេទប្រុស អាយុ២៥ឆ្នាំ មុខរបរតន្ត្រីសម័យនាយ ឆ្លាម មានទីលំនៅភូមិព្រែកថ្មី ឃុំព្រែកអំបិល ស្រុកស្អាង ខេត្តកណ្ដាល (ស្លាប់នៅនិងកន្លែងកើតហេតុ) និងទី២ ឈ្មោះ អន ស្រីអូន ភេទស្រី អាយុ១៤ឆ្នាំ មុខរបរតន្ត្រីសម័យ មានទីលំនៅភូមិគ ឃុំក្រាំងយ៉ូវ ស្រុកស្អាង ខេត្តកណ្ដាល(ស្លាប់នៅ និងកន្លែងកើតហេតុ) ។

លោកអធិការបានបន្ថែមថា នៅវេលាកើតហេតុខាងលើ មានរថយន្តមួយគ្រឿងម៉ាកឡិចស៊ីស RX300 ជិះតាមបណ្តោយផ្លូវលេខ២១ មានទិសដៅពីត្បូងមកជើង លុះមកដល់ចំណុចកើតហេតុខាងលើ ទំនងជាតៃកុងស្រវឹងស្រា បានទៅបុករះអ្នកសាររោងអ័កកាដង់ បណ្តាលឱ្យស្លាប់២នាក់ ភ្លាមៗ នៅនឹងកន្លែង ហើយរថយន្តនោះបានបន្តទៅបុកផ្ទះប្រជាពលរដ្ឋមួយខ្នងទៀតបណ្តាលឱ្យរងការខូចខាតយ៉ាងដំណុំ ភ្លាមៗនោះអ្នកបើករថយន្តបានរត់គេចខ្លួនបាត់ តែម្ដង ។

បន្ទាប់ពីទទួលបានព័ត៍មានពីប្រជាពលរដ្ឋភ្លាមសមត្ថកិច្ច បានចុះទៅដល់ទីកន្លែងកើតហេតុ សន្និដ្ឋានបានថាៈ បង្កឡើង អ្នកបើកបរស្រវឹង ហើយបើកក្នុងល្បឿនលឿន ដល់ចំណុចផ្លូវកោង ខ្វះការប្រុងប្រយ័ត្ន ទើបបង្កអោយមានគ្រោះថ្នាក់ចរាចរណ៍កើតឡើង ។ ចំពោះសាកសពទាំង០២ សមត្ថកិច្ចបានប្រគល់ជូនក្រុមគ្រួសារយក ទៅធ្វើបុណ្យតាមប្រពៃណី រីឯរថយន្តបង្កបានស្ទូចយកមករក្សាទុកនៅអធិការដ្ឋាន នគរបាលស្រុកស្អាង ដើម្បីកសាងសំណុំរឿងទៅតាមនីតិវិធីនៃច្បាប់ ៕

ស្ត្រីពលករខ្មែរម្នាក់ធ្លាក់ពីលើសំណង់អគារជាន់ទី៤ស្លាប់ នៅទីក្រុងបាងកក

February 11, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជា, សន្តិសុខ/សង្គមមេគង្គ ប៉ុស្តិ៍

ថៃ ៖ ស្ត្រីជាពលករខ្មែរម្នាក់មានវ័យជាង៤០ឆ្នាំនិងជាពលករបម្រើការងារនៅទីក្រុងបាងកកប្រទេសថៃបានស្លាប់យ៉ាងអាណោចអាធ័ម ខណៈដែលស្ត្រីរូបនេះបានឡើងទៅលើអគារជាន់ទី៤ ដែលគេកំពុងកសាង
ដើម្បីធ្វើការសំអាត ហើយក៏បានភ្លាត់ជើងធ្លាក់មកដីតែម្តង ។

ហេតុការណ៍នេះបានកើតឡើងកាលពីវេលាម៉ោង ១០ ព្រឹក ថ្ងៃទី៩ ខែកុម្ភៈ ឆ្នាំ២០១៨ ក្នុងតំបន់ រ៉ាមខាំហែង ដែលជាកន្លែងកំពុងសាងសង់អគារកំពស់៧ជាន់ត្រង់ចំណុចផ្លូវប្រសព្វលេខ ២៤ និង ២៨ ក្នុងទីក្រុងបាងកក ប្រទេសថៃ ធ្វើអោយមានការភ្ញាក់ផ្អើល ដោយមានសម្លេងស្រែកទ្រហោយំឡើងកងរំពងថែមទៀតផងពីសំណាក់កូនៗ របស់ស្ត្រីរងគ្រោះ ។

យោងតាមរបាយការណ៍ពីភាគីថៃដែលហើយទទួលបានគឺ នៅមុនពេលកើតហេតុគឺមាន ស្ត្រីម្នាក់ជាពលករខ្មែរឈ្មោះ ឆោន ប៉ោច អាយុ៤២ឆ្នាំ រស់នៅភូមិខ្ចឹង ឃុំបុស្បូវ ស្រុក
ព្រះនេត្រព្រះ ខេត្តបន្ទាយមានជ័យ បានឡើងទៅលើអគារជាន់ទី៤ដើម្បីធ្វើការសំអាតដោយសារតែអគារនេះកំពុងសាងសង់ ។

ភ្លាមៗនោះដែរទំនងជាស្ត្រីរូបនេះមានការរអិលភ្លាត់ជើងទើបធ្វើអោយគាត់ធ្លាក់មកដីតែម្តងហើយបានប៉ះទង្គិចជាមួយនឹងគ្រោងដែកដែលនៅខាងក្រោមបន្ថែមទៀត បណ្តាលអោយបែកក្បាល ឈាមហូរជោកប្រាណ ទើបមានការភ្ញាក់ផ្អើល ដោយពលករដែលនៅទីនោះបាននាំគ្នាសែងយកមកដាក់នៅលើគ្រែដើម្បីអោយមន្ត្រីជំនាញ ចុះទៅពិនិត្យក្រោមសម្រែកទ្រហោយំយ៉ាងសោកសង្រែងពីសំណាក់កូនៗរបស់ស្ត្រីរងគ្រោះ។ក្នុង

ហេតុការណ៍នេះ គេឃើញមានមន្ត្រីនៅក្នុងស្ថានទូតកម្ពុជា ដែលប្រចាំនៅក្នុងប្រទេសថៃបានអញ្ជើញចុះទៅសួរសុខទុក្ខនិងនាំថវិកាមួយចំនួនជូនដល់ក្រុមគ្រួសារសពនិងបានរៀបចំជួយសម្រួលដើម្បីអោយកូនៗបាននាំសពយកទៅកាន់ស្រុកកំណើតវិញនិងរៀបចំធ្វើបុណ្យតាមប្រពៃណី៕

សងសឹកគំនុំចាស់ទាញកាំបិតផ្គាក់កាប់ប្រពន្ធស្លាប់នៅស្រុកកំពង់សិលា

ព្រះសីហនុ ៖ ស្ត្រីវ័យ៥៣ឆ្នាំម្នាក់ ត្រូវបានបុរសជាប្តី កាប់ដោយកាំបិតផ្គាក់ចំគុម្ពត្រចៀក បណ្តាលឲ្យស្លាប់ភ្លាមៗ ខណៈកំពុងអង្គុយអាំងភ្លើងពេលអាកាសធាតុធ្លាក់ចុះត្រជាក់ កាលពីព្រឹក ថ្ងៃទី១០ ខែកុម្ភៈ ឆ្នាំ២០១៨ នេះ ស្ថិតនៅភូមិវាល ឃុំកំពង់សិលា ស្រុកកំពង់សិលា ខេត្តព្រះ សីហនុ។

បើតាមការបញ្ជាក់របស់លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្ត ព្រះ សីហនុ បានឲ្យដឹងថា ជនសង្ស័យមានឈ្មោះ ជា នៅ អាយុ៥២ឆ្នាំ ត្រូវជាប្តី និងជាជនដៃដល់ ចំណែកជនរងគ្រោះជាប្រពន្ធឈ្មោះ សាក់ ស្រី យុ៥៣ឆ្នាំ មុខរបរកសិករ ។ ក្នុងថ្ងៃកើតហេតុ ជន សង្ស័យបានយកកាំបិតផ្គាក់ដើរទៅកាប់ស្ត្រីជាប្រពន្ធដែលកំពុងអង្គុយអាំងភ្លើងពេលអាកាសធាតុធ្លាក់ចុះត្រជាក់ នៅមុខផ្ទះរបស់ខ្លួនត្រូវចំគុម្ពត្រចៀកខាងស្តាំរបួសយ៉ាងធ្ងន់ធ្ងរ ហើយបានប្រកាច់ ស្លាប់ភ្លាមៗនៅហ្នឹងកន្លែង។

ក្រោយពេលកាប់ប្រពន្ធស្លាប់ហើយ ជនសង្ស័យ បានលើកប្រពន្ធទៅដាក់លើផ្ទះ បង្កឱ្យមាន ការភ្ញាក់ផ្អើលយ៉ាងខ្លាំង ហើយអ្នកជិតខាងឃើញដូច្នេះ ក៏បានទូរស័ព្ទរាយការណ៍ទៅប្រាប់សមត្ថ កិច្ច តែម្តង ។

តាមចម្លើយសារភាពរបស់ជនដៃដល់ បានឱ្យដឹងថា មូលហេតុដែលនាំឱ្យខ្លួនសម្រេចចិត្ត កាប់សម្លាប់ប្រពន្ធនាពេលនេះ ដោយសារតែកាលពីអតីតកាល ប្រពន្ធរបស់ខ្លួនធ្លាប់បានកាប់លើ រូបខ្លួនដែរពេលឈ្លោះប្រកែកគ្នាក្នុងគ្រួសារ ហើយកំហឹងនេះបានចងគំនុំរហូតមកដល់ បច្ចុប្បន្ន ។ បើតាមរបាយការណ៍របស់សមត្ថកិច្ច បានឱ្យដឹងថា ជនដៃដល់មានសតិមិនប្រក្រតី។

បន្ទាប់ពីបានទទួលដំណឹងពីប្រជាពលរដ្ឋរស់នៅជិតខាងជនរងគ្រោះយ៉ាងដូច្នេះ កម្លាំងរបស់ អធិការដ្ឋាននគរបាលស្រុកកំពង់សិលា បានចុះទៅធ្វើការឃាត់ខ្លួនជនសង្ស័យក្នុងពេល នោះ តែ ម្តង ហើយបានដកហូតយកវត្ថុតាងកាំបិតផ្គាក់ដងឈើ១ដើម ប្រវែង១ម៉ែត្រ និងបានរៀបចំ កសាង សំណុំរឿងដើម្បីបញ្ជូនមកស្នងការខេត្តព្រះសីហនុ ចាត់ការតាមនីតិវិធីបន្ត៕

កាប់ឪពុកម្តាយក្មេកព្រោះណែនាំរឿងផឹកស្រាជេរឡូឡាប្រពន្ធកូន

កំពង់ស្ពឺ ៖ បុរសជាកូនប្រសារម្នាក់ ត្រូវបាននគរបាលប៉ុស្តិ៍ ឃុំសែនដី ធ្វើការឃាត់ខ្លួន ខណៈ ដែលបុរសរូបនោះស្រវឹងស្រាហើយទាញកាំបិតផ្គាក់កាប់ម្តាយ និងឪពុកក្មេកបណ្តាលអោយរង របួស កាលពីវេលាម៉ោង៩ និង៣០នាទី យប់ថ្ងៃទី១០ ខែកុម្ភះ ឆ្នាំ២០១៨ នៅចំណុចភូមិត្រោកវែង ឃុំសែនដី ស្រុកសំរោងទង ខេត្តកំពង់ស្ពឺ។

តាមការបញ្ជាក់របស់មន្ត្រីនគរបាលបានអោយដឹងថា នៅមុនពេលកើតហេតុបុរស ជាកូន ប្រសាររូបនេះ បានផឹកស្រាស្រវឹងហើយមករករឿងកូន ប្រពន្ធ ។ ឃើញដូច្នេះ ឪពុកម្តាយក្មេក បាន ទៅឃាត់ តែបុរសជាកូនប្រសាមិនត្រឹមតែមិនស្តាប់ការណែនាំស្នើសុំពីឪពុកម្តាយក្មេកនោះទេ ថែម ទាំង ស្ទុះទៅទាញកាំបិតផ្គាក់ទៅដេញកាប់លើឪពុកម្តាយក្មេកបណញតាលេងរបួសយ៉ាងធ្ងន់ធ្ងរ ទៅវិញ។ ក្រោយពេលកើតហេតុភ្លាមៗ សាច់ញាតិបាននាំគ្នាទៅដាក់ពាក្យប្តឹងអោយនគរបាល ឃាត់ខ្លួនតែម្តង។

បន្ទាប់ពីទទួលបានពាក្យបណ្តឹងរួចមក កម្លាំងព្រហ្មទណ្ឌស្រុក សហការជាមួយកម្លាំងប៉ុស្ដិ៍ សែនដី បានឃាត់ឈ្មោះ ម៉ៅ សំអូន ភេទប្រុស អាយុ36ឆ្នាំ រស់នៅភូមិត្រោកវែង ឃុំសែនដី ស្រុក សំរោងទង ខេត្តកំពង់ស្ពឺ។ ពាក់ព័ន្ធករណីហិង្សាដោយចេតនា ដោយបានយកកាំបិតផ្គាក់កាប់ ទៅ លើឪពុកម្ដាយក្មេករបស់ខ្លួន ឈ្មោះ មាស ប្រាជ្ញ អាយុ៦៦ឆ្នាំ បណ្ដាលអោយរងរបួស ក ខាងឆ្វេង និងម្រាមដៃខាងស្ដាំ និងម្តាយក្មេកឈ្មោះ ប៊ូ ហ៊ុយ អាយុ៦៥ឆ្នាំ បណ្ដាលអោយរងរបួសដៃខាងស្ដាំ ។

ចំពោះជនរងគ្រោះ ខាងលើក្រុមគ្រួសារបានយកទៅព្យាបាល នៅមន្ទីរពេទ្យអង្គមេត្រី ។ បច្ចុប្បន្នបុរសជាកូនប្រសាដៃដល់កំពុងឃុំខ្លួនបណ្តោះអាសន្ននៅអធិការដ្ឋាននគរបាលស្រុកសំរោងទងរង់ចាំបញ្ជូនបន្តដើម្បីចាត់ការតាមផ្លូវច្បាប់៕

បុរសខ្មែរឥស្លាមម្នាក់ត្រូវឃុំខ្លួនពាក់ព័ន្ធករណីជួញដូរមនុស្សក្រោមលេសទៅបម្រើការងារផ្ទះប្រទេសអារ៉ាប៊ីសាអូឌីត

February 10, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជា, សន្តិសុខ/សង្គមមេគង្គ ប៉ុស្តិ៍

ភ្នំពេញ៖ បុរសខ្មែរឥស្លាមម្នាក់ ត្រូវជាក្មួយបង្កើតរបស់ លោក អះម៉ាត់ យ៉ះយ៉ា អតីតរដ្ឋ លេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទាដែលជាប់ពាក់ព័ន្ធករណីនាំពលករទៅធ្វើការខុសច្បាប់នៅប្រទេសអារ៉ាប់ប៊ីសាអ៊ូឌីត បានត្រូវតុលាការសម្រេចឃុំខ្លួនដាក់ពន្ធនាគារនៅថ្ងៃទី១០ ខែកុម្ភៈបន្ទាប់ពីលោក សេង ហៀង ព្រះរាជអាជ្ញារងអមសាលាដំបូងរាជធានីភ្នំពេញសាកសួររួចហើយ។
បើតាមប្រភពមួយផ្សេងទៀត បានឱ្យដឹងថា តុលាការនឹងបន្តនីតិវិធីក្នុងសំណុំរៀងនេះ ដែល អាចពាក់ព័ន្ធជាមួយលោក អះម៉ាត់ យ៉ះយ៉ា ផងដែរ។

មន្ដ្រីនគរបាលប្រឆាំងការជួញដូរមនុស្ស បានឲ្យដឹងថា ជនសង្ស័យឈ្មោះ អ៊ីស្មាអែល ពិនឧស្ម័ន អាយុ៤៤ឆ្នាំ ជនជាតិខ្មែរ-ឥស្លាម មុខរបរធ្វើស្លាកលេខរថយន្ត ទីកន្លែងកំណើត ភូមិត្រពាំងឈូក ឃុំបឹង ស្រុកបារាយណ៍ ខេត្តកំពង់ធំ បច្ចុប្បន្នស្នាក់នៅ ផ្ទះលេខ៣៦H ផ្លូវលំ ភូមិក្រោលគោ សង្កាត់គីឡូម៉ែត្រលេខ៦ ខណ្ឌឬស្សីកែវ រាជធានីភ្នំពេញ ត្រូវបានកម្លាំងនគរបាលប្រឆាំងការជួញ ដូរ មនុស្សនិងការពារអនីតិជន ត្រូវបានចាប់ខ្លួនតាមពាក្យបណ្តឹង របស់ម្តាយជនរងគ្រោះ កាលពីថ្ងៃទី៧ ខែកុម្ភៈ ឆ្នាំ២០១៨ នេះ ខណៈកំពុងធ្វើដំណើរនៅក្នុងភូមិសាស្ត្រ សង្កាត់ច្រាំងចំរេះ២ ខណ្ឌ ឫស្សីកែវ រាជធានីភ្នំពេញ និងដកហូតបានវត្ថុតាងមួយចំនួន។

មន្ដ្រីនគរបាលបញ្ជាក់ថា បើតាមរបាយការណ៍ កាលពីអំឡុងឆ្នាំ២០០៤ ជនសង្ស័យខាងលើបានឃោសនាក្នុងភូមិថា ឈ្មោះ អះម៉ាត់ យ៉ះយ៉ា ត្រូវជាពូរបស់ខ្លួន ត្រូវការជ្រើសរើសពលការិនីបញ្ជូនទៅធ្វើការជាជំនួយការមេផ្ទះ នៅប្រទេសអារ៉ាប់ប៊ីសាអ៊ូឌីត ដែលនឹងទទួលបានប្រាក់ឈ្នួល២២០ដុល្លារអាមេរិច កិច្ចសន្យាការងាររយៈពេល២ឆ្នាំ ចំពោះឯកសារបែបបទ លិខិតឆ្លងដែន និងសោហ៊ុយធ្វើដំណើរ ឈ្មោះ អះម៉ាត់ យ៉ះយ៉ា ជាអ្នកចំណាយ។បន្ទាប់មកបានអូសទាញពលរដ្ឋក្នុង ភូមិ២នាក់ ក្រោយមកបានចំនួន២០នាក់ទៀត ហើយនាំទៅប្រគល់ឲ្យលោក អះម៉ាត់ យ៉ះយ៉ា ស្នាក់នៅផ្ទះលេខ៣៤ ផ្លូវលេខ៧០ សង្កាត់ស្រះចក ខណ្ឌដូនពេញ ពេលនោះជនរងគ្រោះត្រូវបានលោក អះម៉ាត់ យ៉ះយ៉ា ធ្វើអត្តសញ្ញាណដោយប្រើឯកសារមិនប្រក្រតី ហើយបានបញ្ជូនចេញពី កម្ពុជា ទៅធ្វើជាស្ត្រីបម្រើតាមផ្ទះនៅប្រទេស អារ៉ាប់ប៊ីសាអ៊ូឌីត តែម្តង ។

តាមរបាយការណ៍បណ្តឹងរបស់ជនរងគ្រោះ បានលើកឡើងថា នៅប្រទេសអារ៉ាប់ប៊ីសាអូឌីត ជនរងគ្រោះត្រូវបានថៅកែកេងប្រវ័ញ្ចកម្លាំងពលកម្ម បិទសិទ្ធិសេរីភាពហើយត្រូវបានគេលក់ទៅថៅកែពីម្ចាស់ទី១ ទៅថៅកែទី២ ក្នុងតម្លៃ២ម៉ឺនដុល្លារ ឲ្យធ្វើការងារផ្ទះ ហើយរងការរំលោភផ្លូវភេទនិងមិនទទួលបានប្រាក់ឈ្នួលតាំងពីពេលបញ្ជូនទៅដល់ប្រទេសអារ៉ាប៊ីសាអូឌីត រហូតដល់អំឡុងខែសីហា ឆ្នាំ២០១៧។
មន្ដ្រីនគរបាលប្រឆាំងការជួញដូរមនុស្ស បន្ថែមថា ជនរងគ្រោះទាំងអស់ទើបតែសង្គ្រោះបានចំនួន២នាក់ប៉ុណ្ណោះ ដោយមានការអន្តរាគមន៍ពី លោក អូស្មាន ហាស្សាន់ រដ្ឋមន្ដ្រីប្រតិភូអមនាយករដ្ឋមន្ដ្រី និងជារដ្ឋលេខាធិការក្រសួងការងារ សហការជាមួយក្រសួងការបរទេស និងសហ ប្រតិបត្តិការអន្តរជាតិ សង្គ្រោះមកកម្ពុជាវិញ៕

១យប់សមត្ថកិច្ចឃាត់រថយន្តយីឌុប១៣០គ្រឿងក្នុងនោះខុសលក្ខណៈបច្ចេកទេស៧គ្រឿង

ខេត្តក្រចេះ៖ រថយន្តយីឌុបខ្នាតយក្សចំនួន១៣០ ត្រូវបានក្រុមមន្ត្រីជំនាញនៃមន្ទីសាធារណៈការ នឹងដឹកជញ្ជូនខេត្តក្រចេះ ចាប់ឃាត់ត្រួតពិនិត្យ ជាបន្តបន្ទាប់ ក្នុងនោះមាន៧គ្រឿងត្រូវបានក្រុមមន្ត្រីត្រួតពិនិត្យយាន្តយន្តកែច្នៃខុសលក្ខណៈបច្ចែកទេស អះអាងថា បានកែច្នៃខុសលក្ខណៈទ្រង់ទ្រាយដើម ហើ់យត្រូវអនុវត្តនិងកាត់ទ្រុងនៅនឹងកន្លែងតែម្តង ។

ប្រតិបត្តិការត្រួតពិនិត្យយាន្តយន្តខុសបច្ចែកទេស របស់កម្លាំងសមត្ថកិច្ចចម្រុះនេះ គឺធ្វើឡើងពេញ១យប់ថ្ងៃទី៩ខែកុម្ភៈ ក្នុងនោះសមត្ថកិច្ចបានដាក់ពង្រាយកម្លាំងចំនួន៦គោលដៅ មានស្រុក៥នឹងក្រុង១ ហើយបានឃាត់រថយន្តយីឌុបខ្នាតយក្សចំនួន១៣០គ្រឿង ដើម្បីវាស់វែង ហើយរកឃើញមាន៧គ្រឿង កែច្នៃខុសទ្រង់ទ្រាយដើម ។

លោក ជួប ផល្លីន អនុប្រធានមន្ទីរសាធារណៈការនឹងដឹកជញ្ជូនខេត្តក្រចេះបានឱ្យដឹងថា ប្រតិបត្តិការត្រួតពិនិត្យយាន្តយន្តខុសបច្ចែកទេស របស់កម្លាំងចម្រុះ គឺដឹកនាំដោយលោក ស្រេង ស្រស់ ប្រធានមន្ទីរសាធារណៈការខេត្តក្នុងនោះមានមន្ត្រីចល័តចំនួន១ក្រុម សំរាប់ត្រួតពិនិត្យនៅតាមគោលដៅទាំង៦ នៅទូទាំងខេត្ត និងមានលោកអភិបាលតាមបណ្តាលស្រុកជាប្រធាន ។

លោកបន្តថា ជាមួយនិងយុទ្ឋនាការនេះ គឺក្រុមមន្ត្រីត្រួតពិនិត្យយាន្តយន្តកែច្នៃខុសលក្ខណៈបច្ចែកទេស បានឃាត់រថយន្តយីឌុបត្រួតពិនិត្យចំនួន១៣០គ្រឿង ហើយវាស់វែងទ្រុងរថយន្តឃើញថា មាន៧គ្រឿងគឺកែច្នៃខុសលក្ខណៈបច្ចែកទេ ហើយសមត្ថកិច្ចបានចាប់ឃាត់កាត់ទ្រុងនៅនឹងគោដៅត្រួតពិនិត្យតែម្តង ៕

ឃាត់ខ្លួនបុរសម្នាក់ក្រោយពេលប៉ុនប៉ងចាប់រំលោភស្ត្រីម្នាក់មិនបានសម្រេច

កំពង់ស្ពឺ ៖ បុរសវ័យចំណាស់ម្មាក់ ត្រូវបាននគរបាលស្រុកឱរ៉ាល់ ធ្វើការឃាត់ខ្លួនខណៈ ដែល ស្ត្រីម្នាក់បានប្តឹងថា បានប៉ុនប៉ងរំលោភសេពសន្ថវៈលើរូបនាង ប៉ុន្តែមិនបានសម្រេច ដោយសារនាង បានដឹងខ្លួនទាន់ ហើយស្រែកអោយគេជួយ ហើយបុរសជាជនសង្ស័យ បានរត់គេចខ្លួនបាន៣ថ្ងៃ នគរបាលក្របួចជាប់ ។

ហេតុការណ៍ឃាត់ខ្លួនបុរស ខាងលើនេះ បានធ្វើឡើង កាលពីវេលា ម៉ោង៨ ព្រឹកថ្ងៃទី១០ ខែកុម្ភះ ឆ្នាំ២០១៨នៅក្នុងភូមិស្រែកិន ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ។ នគរបាលស្រុកបាននិយាយអោយដឹងថាបុរសសង្ស័យដែលឃាត់ខ្លួនបានមានឈ្មោះ សរ អំណត់ ភេទប្រុស អាយុ៤៩ឆ្នាំ មុខរបរមិនពិតប្រាកដ ស្នាក់រស់នៅភូមិតាកោង ឃុំអមលាំង ស្រុកថ្ពង ខេត្តកំពង់ស្ពឺ ស្រុកកំណើតនៅក្នុងភូមិស្រែកិន ឃុំត្រពាំងជោ។ចំណែកស្ត្រីរងគ្រោះមានឈ្មោះ ហ.ស .ម ភេទស្រី អាយុ៣២ឆ្នាំ រស់នៅភូមិ ឃុំកើតហេតុ។

នគរបាលបានស្រង់សម្តីរបស់ស្ត្រីរងគ្រោះថាកាលពីយប់ថ្ងៃទី០៧ ខែកុម្ភះ ឆ្នាំ២០១៨ វេលា ម៉ោង០១ និង០០នាទីយប់ ឈានចូលថ្ងៃទី០៨ ខែ ឆ្នាំដដែលនៅចំណុចភូមិ ស្រែកិន ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ មានករណីប៉ុនប៉ងរំលោភសេពសន្ធវៈដែលបង្កដោយជន សង្ស័យមាន ឈ្មោះ ខាងលើ បាន ធ្វើសកម្មភាពចូលក្នុងបន្ទប់របស់ស្ត្រីរងគ្រោះឈ្មោះ ហ ស ម ខណៈ ដែលស្ត្រី រង គ្រោះកំពុងដេកលក់ ក្នុងផ្ទះបន្ទប់ខាងក្រោម ពេលនោះជនសង្ស័យបានចូលទៅចាប់នាងរំលោភ ហើយនាងបានខំរើបំរាស់រួច បានស្រែកអោយអ្នកភូមិជួយ ។

ភ្លាមៗនោះ ជនសង្ស័យរត់គេចខ្លួន បាត់ ស្រមោលបាន៣ថ្ងៃ ទើបត្រូវនគរបាលស្រាវជ្រាវតាមចាប់ឃាត់ខ្លួនបាន។ បច្ចុប្បន្ន ជនសង្ស័យត្រូវ បានឃុំខ្លួនបណ្តោះអាសន្ន នៅអធិការដ្ឋាននគរបាលស្រុកឱរ៉ាល់ ដើម្បីស្រាវជ្រាវ និងកសាងសំណុំ រឿង ចាត់ការ ទៅតាមនីតិវិធី៕

អាជ្ញាធរខណ្ខមានជ័យចុះឃាត់រថយន្តកែច្នៃ ខុសលក្ខណៈច្ចេកទេស

ភ្នំពេញៈ គណះបញ្ជាកាឯកភាពខណ្ខមានជ័យដឹកនាំកម្លាំងចម្រុះ ចុះឃាត់រយន្តដែលបាន កែច្នៃលក្ខណះខុសបច្ចេកទេសដែលបង្កអោយមានគ្រោះថ្នាក់ចរាចរណ៍កាលពីវេលាម៉ោង៨ព្រឹកថ្ងៃសៅរ៍ទី១០ ខែកុម្ភៈ ឆ្នាំ២០១៨ នៅតាមបណ្តោយផ្លូវ២១៧ ក្នុងសង្កាត់ស្ទឹងមានជ័យ៣ ខណ្ខមាន ជ័យ រាជធានីភ្នំពេញ។

ក្នុងកាចុះឃាត់រថយន្តធុនធំៗនេះ ដឹកនាំដោយលោក ឌីរត្ន័ ខេមរុណ អភិបាលរងខណ្ខមានជ័យនិងកម្លាំប៉េអឹម សមត្ថកិច្ចមូលដ្ឋាន និងខាងសាលាខណ្ខ ធ្វើកាឃាតរថយន្តធុនធំៗ ដូចជារថ យន្ត កុងទីន័រ រថយន្តដឹកដែក រថយន្តដឹកដី ដែលជារថយន្តប្រភេទកាត់តកែច្នៃទ្រុង និងតសាក់ស៊ី ខុសបច្ចេកទេសដែលបានកំណត់ហើយជាប្រភេទរថយន្តធ្វើខុសពីស្តង់ដាក់ប្រភេទរថយន្តទាំនេះហើយដែលបានបង្ករផលប៉ះពាល់ដល់ផ្លូវថ្នល់បណ្តាលអោយខូចខាតនិងបង្ករអោយមានការគ្រោះថ្នាក់ដល់អ្នកធ្វើដំណើររបស់ប្រជាពលរដ្ឋ។

រថយន្តដែលឃាត់បានមួយចំនួនសុទ្ធតែជាប្រភេទរថយន្តដឹកដី និងរថយន្តកុងទីន័រ ហើយ រថយន្តទាំងនេះ ឃាត់ទុករង់ចាំខាងមន្ទីរសាធារណការមកវាស់វែង បើសិន ជាត្រឹមត្រូវនឹងប្រគល់ អោយ ម្ចាស់វិញ ក្នុងនោះមានរថយន្តឃាត់បានចំនួន ១គ្រឿង ប្រភេទរថយន្តស្ទួចដឹកទូកុងទីន័រ ខុសបច្ចេកទេស មានស្លាកលេខភ្នំពេញៈ ៣B ៥៣០៧ ដែលដឹកក្នុងស្ថានភាពខុសលក្ខណៈ យកទៅសាលាខណ្ខមានជ័យ ដលម្បីធ្វើកាផាកពិន័យតាមផ្លូវច្បាប់៕

លួចម៉ូតូដោះបំបែកគ្រឿងយកទៅបញ្ចាំបានជិតមួយខែ ប៉ូលិសចាប់ជាប់

ភ្នំពេញៈ ជនសង្ស័យម្នាក់ ត្រូវបានកម្លាំងសមត្ថកិច្ចនគរបាលប៉ុស្តិ៍ស្ទឹងមានជ័យ ១ បាន ឃាត់ ខ្លួន ក្រោយពីបានធ្វើសកម្មភាពលួចម៉ូតូមួយគ្រឿង ហើយបានយកម៉ូតូនោះទៅដោះ បំបែក គ្រឿងអស់ ទើបយកទៅបញ្ចាំជាផ្នែកៗ។ ហេតុការណ៍នេះ កើតឡើងកាលពីវេលាម៉ោង៩ព្រឹក ថ្ងៃសៅរ៍ទី១០ ខែកុម្ភៈ ឆ្នាំ២០១៨ នៅម្តុំវត្តស្ទឹងមានជ័យ ភូមិមានជ័យ១ សង្កាត់ស្ទឹងមានជ័យ ខណ្ខ មានជ័យ រាជធានីភ្នំពេញ។

មន្ត្រីនគរបាលបានឱ្យដឹងថា ជនសង្ស័យមានឈ្មោះ សាន ដេត ភេទប្រុសអា២៣មុខរបរ មិនពិតប្រាកដស្នាក់ផ្ទះម្តុំមាត់ស្ទឹង ភូមិមានជ័យ សង្កាត់ស្ទឹងមានជ័យ បានចូលទៅក្នុងផ្ទះដែលនៅ ជិតផ្ទះសំណាក់ស្ទឹងលាភ ហើយយកមកលាក់ទុកធ្វើការបំបែកចេញពីគ្នាអស់ ដើម្បីយកទៅបញ្ចាំ ។

យោងតាមពាក្យបណ្តឹងរបស់ជនរគ្រោះមានឈ្មោះ នៅ ជាវហេង ភេទប្រុសអា៤៧ឆ្នាំមុខ របរ អ្នកបោះពុម្ពទស្សនាវដ្តីនៅកាសែតកម្ពុជាកាលពីវេលាម៉ោងប្រហែល១០ព្រឹកថ្ងៃទី១៤ ខែមករាឆ្នាំ២០១៨ គាត់បានយកម៉ូតូម៉ាក(វីស៊ិន)សេរី២០១៧ មានពណ៌ខ្មៅ ស្លាកលេខភ្នំពេញ ១ GO ៥១៩៣ មកទុកនៅក្នុងផ្ទះ បានចាក់សោមិនបានបិតទ្វារចំហៀងទេ។ បន្ទាប់មកចូលទៅសំរាក លុះ រហូតមកដល់ម៉ោងប្រហែល ៧ព្រឹកថ្ងៃទី១៥ ខែមករា ឆ្នាំ២០១៨ នៅពេលចេញពីបន្ទប់វិញ ស្រាប់តែបាត់ម៉ូតូពីក្នុងផ្ទះមិនឃើញ។ ភ្លាមនោះទើបដឹងថា ត្រូវចោរលួចយកទៅបាត់ ហើយក៏មក ដាក់ ពាក្យបណ្តឹងនៅប៉ុស្តិ៍ស្ទឹងមានជ័យ១ អោយជួយតាមរក។

ដោយមានស្រាវជ្រាវតាមកាមេរាសុវត្ថិភាពទើបមកដល់ថ្ងៃទី១០ ខែកុម្ភៈ ឆ្នាំ២០១៨ ដោយ ឃើញជនសង្ស័យ បានកំពុងតែដើរនៅតាមផ្លូវ ក៏ឃាត់ខ្លួនបាន ហើយក៏ឈានទៅដល់កន្លែងដែល ពួក វាបានដោះម៉ូតូនោះបំបែកចេញអស់ ហើយបានយកទៅបញ្ចាំអស់មួយចំនួន។

បច្ចុប្បន្នជនសង្ស័យកំពុងតែសាកសួរនៅប៉ុស្តិ៍នគរបាលប៉ុស្តិ៍ស្ទឹងមានជ័យ១ ដើម្បីកសាង សំណុំរឿងបញ្ចូនទៅអធិកាដ្ឋាននគរបាលខណ្ខមានជ័យ ចាត់ការបន្តតាមផ្លូវច្បាប់៕

កំលាំងចំរុះខេត្តកំពង់ចាម ចុះត្រួតពិនិត្យ រថយន្តខុសបច្ចេកទេស

(កំពង់ចាម) កំលាំងសមត្ថកិច្ចចំរុះ របស់ខេត្តកំពង់ចាម រួមមាន មន្ត្រីជំនាញ សាធារណការខេត្ត ជំនាញការិយាលយ័នគរបាលចរាចរ ផ្លូវគោក ជំនាញនគរបាលក្រុងកំពង់ចាម និងកំលាំង កងរាជអាវុធហត្ថក្រុង បានចុះត្រួតពិនិត្យ រថយន្ត ខុសលក្ខណះបច្ចេកទេស នៅ លើផ្លូវជាតិលេខ៧ ថ្មី ចំណុចមុខ ហ្គោលក្លឹប ស្ថិតក្នុងភូមិ បឹងស្នាយ សង្កាត់ សំបួរមាស ក្រុងកំពង់ចាម ខេត្តកំពង់ចាម។

លោក វរសេនិយ៍ត្តី អុឹង ប៑ុន អធការនគរបាល ក្រុងកំពង់ចាម បានអោយដឹងថា អនុវត្តតាមបទបញ្ជា របស់ សម្តេច តេជោ ហ៑ុន សេន នាយករដ្ឋមន្ត្រីនៃព្រះរាជាណាចក្រកម្ពុជា និងការបញ្ជាផ្ទ្ទ្ទាល់ របស់លោក ឩត្តមសេនិយត្រី ឯម កុសល ស្នងការនគរបាល ខេត្តកំពង់ចាម បានអោយ លោក និងលោកវរសេនិយ៍ឯក ទ្បុង ម៉េងសែ នាយការិយាលយ័នគរបាល ចរាចរផ្លូវគោក ដឹងនាំកំលាំងជំនាញ ចុះសហការ ជាមួយ ជំនាញ សាធារណការខេត្ត ត្រួតពិនិត្យ រថយន្ត ខុសលក្ខណះបច្ចេកទេស នៅចំណុចខាងលើនេះ។

លោក អធិការ បានបញ្ជាក់ថា ការអនុវត្តនេះ ចាប់ពី ម៉ោង សូន្យ និងមួយនាទី ឈានចូលថ្ងៃទីថ្ងៃទី១០ ខែកុម្ភះឆ្នាំ២០១៨ តទៅ។

លោក ទ្បុង ម៉េងសែ បានបញ្ជាក់ថា ចាប់តាំង ពីម៉ោងសូន្យថ្ងៃទី៩ ខែកុម្ភះឆ្នាំ២០១៨មកដល់ម៉ោង៩និង២៥នាទី ថ្ងៃទី១០កុម្ភះនេះ សមត្ថកិច្ចបានពិនិត្យរថយន្ត ធំៗ បានចំនួន ២៣ គ្រឿង ក្នុងនោះ មានរថយន្ត ខុសលក្ខណះ បច្ចេកទេស( តទ្រុង) ចំនួន០៦គ្រឿង ត្រូវបញ្ជូនទៅអធិការដ្ឋាន នគរបាលក្រុង ដើម្បី ធ្វើការកែសំរួល( កាត់ទ្រុង) ។

លោក ចាន់ ផល្លី អភិបាល ក្រុងកំពង់ចាម បានអោយដឹងថា ការអនុវត្តនេះធ្វើជារៀងរហូតដល់អស់ រថយន្តខុខលក្ខណះបច្ចេកទេស។