ភ្នំពេញ៖នៅវេលាម៉ោង២០ និង១០នាទីយប់ថ្ងៃទី២៧ ខែមេសា ឆ្នាំ២០១៧ក្រុមក្មេងទំនើងមួយក្រុមគ្រាន់តែជនរងគ្រោះចូលលេងក្នុងក្លឹប SPYDER លើផ្លូវវេងស្រេងមើលមុខសោះ បានបើករថយន្តTUNDRA មានបំណងមនុស្សឃាតបើកបុកជនរងគ្រោះបណ្តាលអោយដួល ហើយជនរងគ្រោះបានរត់គេច ពេលនោះជនសង្ស័យបានលើកម៉ូតូជនរងគ្រោះ ម៉ាកDUK តំលៃ៣០០០$ជាង ដាក់លើរថយរួចយកទៅដុតចោលនៅម្តុំរោងចក្រតំបូលខៀវផ្លូវវេងស្រេងកាលពីវេលាម៉ោង៣ភ្លឺថ្ងៃ២៧/០៤/២០១៧។
ប្រជាពលរដ្ឋបានអោយដឹងថាពួកនេះជាមុខសញ្ញាជួញដូរគហរឿងញៀនផងដែរហើយមានលក្ខណះសាហាវឃោរឃៅខ្លាំងណាស់លុះដល់ម៉ោង២០ និង១០យប់ថ្ងៃដល់ដែលនេះកង់កំលាំងប៉ូលីសខណ្ខពោធ៍សែនជយ័បាន ស្រាវជ្រាវឃាត់ខ្លួនបាន នៅពេលនេះសាងសំណុំរឿងបញ្ជូនឡើងតុលាការតាមនិតិវិធីច្បាប់៕
ដោយ៖ប៉ែន សុផល
បាត់ដំបង៖សាខាកាកបាទក្រហមកម្ពុជាខេត្តបាត់ដំបងបានបើកកិច្ចប្រជុំស្តីពីការត្រៀមរៀបចំប្រារព្វមិទ្ទិញអបអរសាទរខួបទី១៥៤ទិវាពិភពលោកកាកបាទក្រហមអឌ្ឈចន្ទក្រហម ៨ ឧសភា ក្រោមប្រធានបទ កាកបាទក្រហមកម្ពុជាមានគ្រប់ទីកន្លែងសម្រាប់គ្រប់ៗគ្នា។
កិច្ចប្រជុំនេះបានរៀបចំធ្វើឡើងនៅរសៀលថ្ងៃទី២៧ ខែមេសា ឆ្នាំ២០១៧ នៅសាលប្រជុំ សាលាខេត្តបាត់ដំបង ក្រោមអធិបតីភាព លោក ច័ន្ទ សុផល អភិបាល ខេត្តបាត់ដំបងនិងជាប្រធានកិត្តិ យសសាខាលោកបណ្ឌិត ប៊ុត គឹមស៊ាន ប្រធានគណៈកម្មាធិកាសាខា ព្រមទាំង លោក លោកស្រី សមាជិក សមាជិការ គណៈកម្មាធិការសាខា អនុសាខា ព្រមទាំងក្រុម ប្រតិបត្តិសាខា តំណាងអង្គភាព មន្ទីរចំណុះអោយរដ្ឋបាលខេត្តសរុប១១២នាក់ដែលបានចូលរួម។
ថ្លែងក្នុងកិច្ចប្រជុំនោះដែរលោក ច័ន្ទ សុផល ប្រធានកិត្តិយស បានកោតសសើរដល់គណៈកម្មាធិការសាខា អនុសាខា និងមន្ត្រីប្រតិបត្តិសាខាដែលបានធ្វើកិច្ចការមនុស្សធម៌និងបានឆ្លើយតបទៅនឹងគ្រោះមន្តរាយ ព្រមទាំងផ្តល់អំណោយមនុស្សធម៌ជូនដល់ប្រជាពលរដ្ឋងាយរងគ្រោះបានទាន់ពេលវេលា នឹងបានអំពាវនាវដល់ឯកឧត្តម លោកជំទាវ លោក លោកស្រី ដែលបានចូលរួមប្រជុំនាពេលនេះសូមចូលរួមជួយចលនាសប្បុរសជន អាជីវកក្នុងខេត្ត រួមចំណែកវិភាគទានដល់សាខាកាកបាទក្រហមកម្ពុជាខេត្តអោយបានល្អប្រសើរបន្ថែមទៀត ។
គួរបញ្ជាកថា មិទ្ទិញអបអរ សាទរខួបទី១៥៤ទិវាពិភពលោកកាកបាទក្រហមអឌ្ឈចន្ទក្រហម ៨ ឧសភា ក្រោមប្រធានបទ កាកបាទក្រហមកម្ពុជាមានគ្រប់ទីកន្លែងសម្រាប់គ្រប់ៗគ្នានិងប្រារព្វធ្វើឡើងនៅ ស្នាក់ការ សាខា នាថ្ងៃទី២ ខែឧសភា ឆ្នាំ២០១៧ខាងមុខនេះ៕
វ៉ាស៊ីនតោន៖ថ្លែងប្រាប់ភ្នាក់ងារព័ត៌មាន Reuters អំឡុងបទសម្ភាសន៍ពិសេសមួយ ក្នុងការិយាល័យប្រធានាធិបតីនៅមុនពេលគំរប់១០០ថ្ងៃនៃការឡើងកាន់អំណាច លោក ដូណាល់ ត្រាំ បានបញ្ជាក់ថា ការប៉ះទង្គិចគ្នាក្នុងទ្រង់ទ្រាយដ៏ធំមួយ ជាមួយប្រទេសកូរ៉េខាងជើង អាចនឹងកើតមានឡើងបាននៅក្នុងប្រឈមមុខដាក់គ្នាយ៉ាងក្តៅគគុក ជុំវិញកម្មវិធីនុយក្លេអ៊ែរ និងមីស៊ីលផ្លោងរបស់រដ្ឋកុម្មុយនិស្តមួយនេះ ។នេះបើតាមការចេញផ្សាយដោយ ទីភ្នាក់ងារព័ត៌មាន Reuters នៅព្រឹកថ្ងៃសុក្រ ទី២៨ ខែមេសា ឆ្នាំ២០១៧។
ប៉ុន្តែជុំវិញករណីខាងលើនេះ លោកប្រធានាធិបតីសហរដ្ឋអាមេរិក ដូណាល់ ត្រាំបានលើកឡើងថាលោកពិតជាចង់បាន និងចង់ឃើញលទ្ធផលដោះស្រាយ តាមរយៈការទូតក៏ដូចជាសន្តិវិធីចំពោះបញ្ហានេះជាង។ ដោះស្រាយប្រកបដោយសន្តិវិធីចំពោះវិបត្តិមួយនេះ ដែលបានបង្កការរំខានអតីតប្រធានាធិបតីអាមេរិកអស់ជាច្រើននាក់មកហើយនោះ ហើយវាក៏ជាផ្លូវដើរមួយ ដែលរដ្ឋបាលលោក និងរូបលោកផ្ទាល់កំពុងផ្តោតសំខាន់ តាមរយៈការរៀបចំទណ្ឌកម្មសេដ្ឋកិច្ចថ្មីៗ ស្របពេលដែលលោកក៏មិនបោះបង់ចោលជម្រើស នៃការប្រើប្រាស់កម្លាំងយោធាចោលទាំងស្រុងដែរ។
បញ្ហានេះមន្ត្រីជាន់ខ្ពស់អាមេរិកជាច្រើនរូបបានបញ្ជាក់ថា ការវាយប្រហារដោយកម្លាំងយោធា នៅតែជាជម្រើសមួយដដែលសម្រាប់ការពិចារណា ក៏ប៉ុន្តែគេពុំសូវជារំពឹងទុកថា នឹងធ្លាក់ដល់ដំណាក់កាលនេះណាស់ ទោះបីជាទីក្រុងវ៉ាស៊ីនតោន បានបញ្ជូននាវាដឹកយន្តហោះចម្បាំង USS Carl Vinson ដើរដោយថាមពលនុយក្លេអ៊ែរ និងនាវាមុជទឹក USS Michigan បំពាក់គ្រាប់មីស៊ីលប្រដេញទៅកាន់ឧបទ្វីបកូរ៉េ ដើម្បីសំញែងឥទ្ធិពលយ៉ាងណាក្តី។
គួរបញ្ជាក់ថា នាពេលថ្មីៗនេះរដ្ឋបាលលោក ដូណាល់ ត្រាំ បានប្រកាសថា ប្រទេសកូរ៉េខាងជើងគឺជាការគំរាមកំហែងដ៏ធ្ងន់ធ្ងរបំផុតមួយ ដល់សន្តិសុខជាតិ និងជាអាទិភាពគោលនយោបាយការបរទេសដ៏ខ្ពស់បំផុត សម្រាប់សហរដ្ឋអាមេរិក។ ទីក្រុងវ៉ាស៊ីនតោន បានឲ្យដឹងថា ខ្លួនកំពុងតែផ្តោតសំខាន់ទៅលើការដាក់សម្ពាធផ្នែកសេដ្ឋកិច្ច និងការទូតទៅលើរបបដឹកនាំទីក្រុងព្យុងយ៉ាង រួមបញ្ចូលទាំងកិច្ចសហប្រតិបត្តិការពីចិន ក្នុងការគ្រប់គ្រងអ្នកជិតខាង និងសម្ព័ន្ធមិត្តដ៏រឹងទទឹងមួយនេះ ហើយនៅតែបន្តបើកទូលាយស្វាគមន៍ចំពោះកិច្ចចរចាគ្នា៕
អាមេរិក៖ប្រធានាធិបតីសហរដ្ឋអាមេរិកលោក ដូណាល់ ត្រាំ បានប្តេជ្ញាធរដាក់សម្ពាធបន្ថែមលើប្រទេសកូរ៉េខាងជើង តាមរយៈទណ្ឌកម្មសេដ្ឋកិច្ច និងការទូតដើម្បីបង្ខំឲ្យកូរ៉េខាងជើងចូលតុចរចា ដោះស្រាយបញ្ហាកម្មវិធីអាវុធនុយក្លេអ៊ែ។ នេះបើយោងតាមទីភ្នាក់ងារព័ត៌មានAFP។
សេចក្តីថ្លែងការណ៍រួមខាងលើនេះ ត្រូវបានរៀបចំឡើងដោយរដ្ឋមន្ត្រីការបរទេសអាមេរិក លោក Rex Tillerson, រដ្ឋមន្ត្រីការពារជាតិអាមេរិកលោក James Mattis និងនាយកទីភ្នាក់ងារស៊ើបការណ៍សម្ងាត់អាមេរិក លោក Dan Coats បន្ទាប់ពីមន្ត្រីទាំងបីរូបនេះ បានធ្វើការអត្ថាធិប្បាយអំពីគោលនយោបារបស់រដ្ឋាភិបាលទីក្រុងវ៉ាស៊ីនតោនចំពោះទីក្រុងព្យុងយ៉ាង ជូនដល់អង្គសភាជាតិឲ្យបានដឹង។
មន្ត្រីកំពូលអាមេរិកបានលើកឡើងថា លោកប្រធានាធិបតី ដូណល ត្រាំ ចង់ប្រើគោលនយោបាយការទូត ដើម្បីដាក់សម្ពាធ និង ស្វែងរកការដាក់ទណ្ឌកម្មជាថ្មីទៀតពីសម្ព័ន្ធមិត្តនៅក្នុងតំបន់ និងដៃគូនានា លើរដ្ឋអំណាចដឹកនាំដោយលោកគីម ជុងអ៊ុន ប៉ុន្តែថា មិនលុតជង្គង់ដាក់របបដឹកនាំដោយលោកគីម ជុងអ៊ុននោះទេ។
គួរបញ្ជាក់ថា កាលពីពេលថ្មីៗនេះ មេបញ្ជាការកងទ័ពជើងទឹករបស់អាមេរិកប្រចាំអាស៊ីប៉ាស៊ីហ្វិកលោក Admiral Harry Harris ថ្លែងស្វាគមន៍ចំពោះការស្នើឡើងរបស់ទីក្រុងប៉េកាំងដើម្បីដោះស្រាយភាពតានតឹងរវាងទីក្រុងវ៉ាស៊ីនតោន និងទីក្រុងព្យុងយ៉ាងដោយមិនមានយោធា៕
ដោយ៖កូននាគកំណាច
ក្រចេះ៖តាមសេចក្តីរាយការណ៍ពីពលរដ្ឋនៅភូមិស្រែត្រែង ឃុំក្បាលដំរី ស្រុកសំបូរ ខេត្តក្រចេះ បានអោយដឹងថា ក្រុមហ៊ុនតុងមិន ដែលមានទីតាំងចំណុចគីឡូម៉ែតលេខ៨ ពីផ្លូវជាតិលេខ៧ក្នុងភូមិស្រែត្រែងឃុំក្បាលដំរី ស្រុកសំបូបានកំពុងដឹកជញ្ជូនឈើគ្រប់ប្រភេទចូលរោងចក្ររបស់ខ្លួននៅពេលយប់ តាមគោយន្តកន្ត្រៃ និងរថយន្តកែឆ្នៃគ្រប់ប្រភេទ។
ម្ចាស់គោយន្តម្នាក់សុំមិនបញ្ចេញឈ្មោះបានអោយដឹងថា ក្រុមគោយន្តរបស់ពួកគាត់បានដឹកឈើចូលក្នុងក្រុមហ៊ុនតុងមិន ជារៀងរាល់យប់ ហើយក្រុមហ៊ុនគិតអោយក្នុង១ម៉ែតគូប១០០ដុល្លារដោយគុណមេ៤៩ឈើមូល ក្រុមហ៊ុនអោយដឹកចូលតែពេលយប់។ ហើយនៅយប់ថ្ងៃទី១៧ខែមករា ឆ្នាំ២១០៧កន្លងទៅនេះក្រុមហ៊ុនតុងមិនបានដឹកឈើចេញចំនួន៤រថយន្តយីឌុបធំៗផងដែរ។
ពលរដ្ឋបានបន្តថា ព្រៃឈើមួយចំនួនតូចដែលនៅសេសសល់ពីក្រុមហ៊ុនឈូសឆាយ ឬនៅជាប់ដីក្រុមហ៊ុន ត្រូវបានកាប់ប្រមូលចូលក្រុមទាំងតូចទាំងធំ ពួកថាមិនយូរទេនិងអស់រលីងហើយ។
ជាមួយគ្នានេះពួកគាត់បានសំណូមពរដល់ លោក គុយ ហួត មន្ទីរកសិកម្មខេត្តក្រចេះ រួមនិងមន្ទីរពាក់ព័ន្ធក្នុងខេត្តក្រចេះមេត្តាចុះពិនិតក្រុមហ៊ុនតុងមិនមួយនេះអោយបានឆាបរហ័ស បើបណ្តោយតទៅទៀតនឹងហិនហោចអស់ហើយព្រៃឈើទាំនោះ៕
ខេត្តបន្ទាយមានជ័យ៖តាមប្រភពព័ត៌មានពីព្រំដែនប្រទេសថៃ កាលពីថ្ងៃទី២៤ មេសាកន្លងទៅនេះបានឱ្យដឹងថា កម្លាំងយោធាថៃអង្គភាពលេខ១២ សហការជាមួយតម្រួតក្លងលឹក ខេត្តស្រះកែវ បានចូលទៅសង្គ្រោះពលករខ្មែរជាច្រើននាក់ដែលត្រូវបានគេបង្ខាំងទុកក្នុងបន្ទប់នៃអគារពាណិជ្ជមួយ មានកម្ពស់២ជាន់ ក្នុងបរិវេណផ្សាររុងក្លឿ(ផ្សារជាយដែនក្នុងស្រុកអារញ្ញ) ។
តាមប្រភពបានឱ្យដឹងថា កម្លាំងតម្រួតថៃ បានប្រើឧបករណ៍គាស់ទ្វារខាងក្រោយអគារ និងធ្វើឲ្យភ្ញាក់ផ្អើលនៅពេលដែលឃើញមានពលករខ្មែរប្រុស-ស្រីរួមទាំងក្មេងៗអង្គុយប្រជ្រៀតគ្នាណែនណាន់តាន់តាប់ដូចប្រអប់ឈើគូស ទាំងជាន់លើនិងជាន់ក្រោម សរុបចំនួន៦៥នាក់។ ពេលធ្វើការត្រួតពិនិត្យពួកគេសុទ្ធតែគ្មានឯកសារធ្វើដំណើរ និងស្ថិតក្នុងសភាពហេវហត់អស់កម្លាំង ព្រមទាំងភ័យខ្លាចញ័រទទ្រើកគ្រប់ៗគ្នា ។
ក្រោយការត្រួតពិនិត្យទើបដឹងថា ទាំងអស់គ្នាប្រុងលួចទៅធ្វើការនៅទីក្រុងបាងកក និងខេត្តសមុទ្របាកាន ដោយមានមេខ្យល់ជនជាតិខ្មែរនៅប៉ោយប៉ែត ជាអ្នកទាក់ទងនិងឲ្យលួចចូលមកក្នុងទឹកដីប្រទេសថៃ តាមច្រករបៀង ។
ពលករខុសច្បាប់ទាំងនោះបានស្នាក់នៅបណ្ដោះអាសន្នក្នុងអគារខាងលើតាំងពីថ្ងៃទី២១ មេសាមកម្ល៉េះ ដោយគេយកថ្លៃឈ្នួលនាំផ្លូវក្នុងម្នាក់ៗពី២០០០បាតទៅ២៥០០បាត និងប្រាប់ថាឲ្យរង់ចាំសិន បន្តិចទៀតនឹងមានរថយន្តមកទទួលទៅធ្វើការ ប៉ុន្តែរង់ចាំរយៈពេលជាង៣ថ្ងៃហើយ នៅតែប្រើពាក្យរង់ចាំសិនដែលមិនមានរថយន្តណាមួយមកទទួលនោះឡើយ ។
បន្ទាប់ពីពិនិត្យរួច សមត្ថកិច្ចថៃ បាននាំខ្លួនពលករខ្មែរទាំងអស់ទៅឲ្យនគរបាលអន្តោប្រវេសន៍ខេត្តស្រះកែវ យកទៅសួរនាំដើម្បីបញ្ជូនមកកម្ពុជាវិញ ព្រមទាំងតាមចាប់ខ្លួនមេខ្យល់ជាក្រុមជួញដូរមនុស្ស ជនជាតិខ្មែរដោយបានទាក់ទងមកនគរបាលអន្តោប្រវេសន៍កម្ពុជា ប្រចាំច្រកប៉ោយប៉ែត ឲ្យជួយតាមរកក្រុមមេខ្សល់ទាំងនោះយកមកចាត់ការតាមផ្លូវច្បាប់ ។ មិនសង្ឃឹមថា សមត្ថកិច្ចខាងខ្មែរចាប់មេខ្សល់បានឡើយ ព្រោះពួកគេច្រើនតែគិតប្រយោជន៍ផ្ទាល់ខ្លួនច្រើនជាងធ្វើតាមច្បាប់ ។
ក្រោយសួរនាំសមត្ថកិច្ចថៃ បានឲ្យដឹងថា អគារខាងលើត្រូវបានពលរដ្ឋកម្ពុជាជាអ្នកជួលដើម្បីលក់ដូរ តែនៅមិនទាន់ឃើញមានការបើកលក់អ្វីនោះទេ គឺឃើញតែបិទទ្វាររហូត ។
ជុំវិញករណីនេះសមត្ថកិច្ចថៃក៏ត្រៀមកោះហៅម្ចាស់អគារមកសាកសួររកអត្ដសញ្ញាណអ្នកជួលផងដែរ ព្រោះនេះជាល្បិចជួលអគារសម្រាប់ជួញដូរមនុស្សល្មើសច្បាប់៕
រាជធានីភ្នំពេញ៖តំណាងរាស្ត្រគណបក្សសង្គ្រោះជាតិមណ្ឌលខេត្តបន្ទាយមានជ័យ លោក ឡុង រី នៅម៉ោងប្រមាណ៩ និង០០ព្រឹក ថ្ងៃទី២៧ ខែមេសា ឆ្នាំ២០១៧នេះបានចូលខ្លួនបំភ្លឺជូនតំណាងអយ្យការអមសាលាដំបូងរាជធានីភ្នំពេញហើយ ក្នុងនាមសាក្សីនៅក្នុងសំណុំរឿងបន្លំខ្លួនចូលពន្ធនាគាររបស់លោក ជុន ច័ន្ទបុត្រ អនុប្រធានវិទ្យុអាស៊ីសេរីផ្នែកខេមរភាសា។
គួរបញ្ជាក់ថា លោក ឡុង រី ត្រូវបានលោក សៀង សុខ ព្រះរាជអាជ្ញារងនៃតំណាងអយ្យការ អមសាលាដំបូងរាជធានីភ្នំពេញ ចេញដីការកោះហៅ កាលពីថ្ងៃទី២១ ខែមេសា ឆ្នាំ២០១៧ ដើម្បីផ្តល់សក្ខីកម្មជូនតុលាការអំពីករណី លោក ជុន ច័ន្ទបុត្រ បន្លំខ្លួនចូលពន្ធនាគារដោយបានប្រើប្រាស់តួនាទីជាជំនួយការអ្នកតំណាងរាស្ត្រ៕
កូរ៉េខាងត្បូង៖សម្ភារៈការពារមីស៊ីល THAAD របស់អាមេរិក ត្រូវបានគេដឹកបញ្ជូនដល់ទីតាំងដែលត្រូវដាក់ពង្រាយនៅក្នុងប្រទេសកូរ៉េខាងត្បូងហើយកាលពីម្សិលមិញនេះ គ្រាដែលកំពុងមានភាពតានតឹង ខ្លាំងជុំវិញកម្មវិធីនុយក្លេអ៊ែរ និងគ្រាប់មីស៊ីលរបស់កូរ៉េខាងជើង។ នេះបើយោងតាមទីភ្នាក់ងារព័ត៌មាន AFP។
ដំណើរទៅដល់នៃរថយន្តសណ្ដោង៦គ្រឿងដែលដឹកសម្ភារៈការពារមីស៊ីល THAAD របស់អាមេរិក នៅឯទីតាំងវាយកូនហ្គូលនោះ បានបង្កឲ្យមានការប៉ះទង្គិចគ្នារវាងអ្នកស្រុក និងប៉ូលិសផងដែរ។
ក្រុងវ៉ាស៊ីងតោន និងក្រុងសេអ៊ូល កំពុងតែដាក់ពង្រាយប្រព័ន្ធ THAAD ដើម្បីទប់ទល់នឹងការគំរាមកំហែងពីកូរ៉េខាងជើង ដែលកំពុងតែជំរុញកម្មវិធីផលិតគ្រាប់មីស៊ីលរបស់ខ្លួន បើទោះបីជារងទណ្ឌកម្មជាច្រើនពីអង្គការសហប្រជាជាតិក៏ដោយ។ ប្រព័ន្ធ THAAD គឺជាប្រព័ន្ធតាមចាប់ និងបំផ្លាញគ្រាប់មីស៊ីលរយៈចម្ងាយខ្លី និងរយៈចម្ងាយមធ្យម ក្រោយពីវាត្រូវបានបាញ់ចេញ។
ជុំវិញការដាក់ពង្រាយប្រព័ន្ធការពារមីស៊ីល THAAD ប្រទេសចិនបានជំទាស់យ៉ាងខ្លាំងទៅនឹងការដាក់ពង្រាយប្រព័ន្ធការពារមីស៊ីលនេះ ដោយបារម្ភថា វានឹងធ្វើឲ្យអន្តរាយដល់អំណាចយោធារបស់ខ្លួន៕
ខេត្តបន្ទាយមានជ័យ៖ពលករខ្មែរដែលលួចឆ្លងដែនតាមច្រករបៀងខុសច្បាប់ ទាំងចាស់ក្មេង រួមទាំងកុមារតូចៗរាប់រយនាក់ ត្រូវបានអាជ្ញាធរថៃដឹកមកទម្លាក់ចោលនៅច្រកព្រំដែនប៉ោយប៉ែតកាលពីយប់ ថ្ងៃទី២៦ ខែមេសា ឆ្នាំ២០១៧។
បើតាមអាជ្ញាធរក្រុងប៉ោយប៉ែតបានឲ្យដឹងថា ពលករដែលអាជ្ញាធរថៃបញ្ជូនមកនេះមានចំនួនសរុបជាង ១ពាន់នាក់ ហើយពួកគេនឹងត្រូវបញ្ជូនមកចាប់ពីយប់ថ្ងៃនេះ រហូតដល់ថ្ងៃទី២៧ ខែមេសា ឆ្នាំ២០១៧។ ប្រភពបន្តថា ក្រុមពលករដែលអាជ្ញាធរបញ្ជូនត្រឡប់មកវិញនេះ គឺមកស្ទើរតែពីគ្រប់ខេត្តទាំងអស់។ ប្រភពបញ្ជាក់ថា ការបញ្ជូនកម្មករខ្មែរមកវិញនេះ អាជ្ញាធរថៃក៏បានជូនដំណឹងមកភាគីកម្ពុជា ហើយក៏មានការរង់ចាំទទួលពលករទាំងនោះពីសំណាក់អភិបាលក្រុងប៉ោយប៉ែត លោក ង៉ោ ម៉េងជ្រួញ ផងដែរ។
បើតាមការឲ្យដឹងពីក្រុមពលករថា ពួកគេត្រូវបានក្រុមមេខ្យល់នាំចូលទៅប្រទេសថៃ តាមច្រករបៀងជាថ្នូរនឹងការបង់ប្រាក់ប្រមាណ ៧០ដុល្លារអាមេរិក៕
ដោយ៖បក្សីចាំក្រុង
ភ្នំពេញ៖ម៉ូតូអាគុយស៊េរីទំនើប៣គ្រឿង ដែលប្រើប្រព័ន្ធថមពលពន្លឺព្រះអាទិត្យ តាំងលក់ក្នុងហាង ត្រូវបានឆ្លងប្រព័ន្ធភ្លើងឆាបឆេះចេញស្ទើរទាំងស្រុង តែត្រូវបានសន្តិសុខវៃបំបែកកញ្ចក់យកបំពងអគ្គិភ័យទៅបាញ់អស់២បំពងទើបរល់ទៅវិញ សំណាង់ល្អមិនបង្កអោយរាលដាល ហេតុការណ៍នេះបានកើតឡើងកលពីវេលាម៉ោង៤ទាបភ្លឺ ថ្ងៃទី២៦ខែមេសាឆ្នាំ២០១៧ នៅក្នុងហាងលក់រថយន្តដែលមានយីហោ “រថយន្តប្រើប្រាស់ថមពលព្រះអាទិត្យ” ស្ថិតតាមបណ្តាយផ្លូវសហព័ន្ធរុស្ស៊ី ក្នុងភូមិទឹកថ្លា សង្កាត់ទឹកថ្លា ខណ្ឌសែនសុខ។
ប្រភពពីកន្លែងកើតហេតុបានអោយដឹងថា មុនពេលកើតហេតុគឺមានសន្តិសុខយាមនៅមុខហាងខាងលើ រហូតមកដល់ពេលកើតហេតុក៏មានផ្សែងនិងភ្លើងឆាបឆេះម៉ូតូខាងលើហើយសន្តិសុខក៏សម្រេចចិត្តវាយបំបែកកញ្ចក់ដើម្បីយកបំពុងអគ្គ័យបាញ់ពន្លត់។
ក្នុងហេតុការណ៍ខាងលើនេះគឺមិនបានរំខានដល់រថយន្តពន្លត់អគ្គិភ័យ ឡើយព្រោះភ្លើងបានរលត់ទាំងស្រុងទាន់ពេលវេលា ចំណែកទំហំនៃការខូចខាតគឺមានម៉ូតូ៣គ្រឿងខាងលើ៕
រាជធានីភ្នំពេញ៖អគ្គិសនីកម្ពុជានឹងផ្អាកការផ្គត់ផ្គង់ចរន្ដអគ្គិសនីចំនួន៤ថ្ងៃ ចាប់ពីថ្ងៃទី២៧ ដល់ថ្ងៃទី៣០ ខែមេសា ឆ្នាំ២០១៧ នាតំបន់មួយចំនួនក្នុងរាជធានីភ្នំពេញ ដោយមូលហេតុជួសជុល ផ្លាស់ប្ដូរ និងរុះរើគន្លងខ្សែបណ្ដាញក្នុងការពង្រីកផ្លូវ៕ ព័ត៌មានលម្អិត សូមអានសេចក្តីជូនដំណឹងរបស់អគ្គិសនីកម្ពុជាទាំងស្រុង៖
ខេត្តកំពង់ឆ្នាំង៖ស្ត្រីម្នាក់បានស្លាប់ និងគោ២ក្បាលបានងាប់កណ្តាលវាលស្រែដោយសាររន្ទះបាញ់ ខណៈដែលស្ត្រីរងគ្រោះដឹកគោពេលកំពុងភ្លៀង ដែលហេតុការណ៍នេះកើតឡើងកាលពីវេលាម៉ោង៣ និង៣០នាទីថ្ងៃទី២៥ ខែមេសាឆ្នាំ២០១៧ នៅឃុំគោកបន្ទាយ ស្រុករលាប្អៀរ ខេត្តកំពង់ឆ្នាំង។
ប្រភពឱ្យដឹងថា ស្ត្រីរងគ្រោះឈ្មោះ នួន សុខុម អាយុ៤៩ឆ្នាំ មានទីលំនៅភូមិឃុំកើតហេតុខាងលើ។ ប្រភពបន្តថា មុនពេលកើតហេតុ ស្ត្រីរងគ្រោះបានដឹកគោ២ក្បាលឱ្យស៊ីស្មៅតាមស្រែ ពេលនោះមេឃកំពុងមានភ្លៀងរលឹមស្រិចៗ ក៏ស្រាប់តែមានរន្ទះបាញ់ចំស្រី្តរងគ្រោះតែម្តង បណ្តាលឱ្យយ៉ាងអាណោចអាធ័ម។ ចំណែកគោ២ក្បាលដែលស្ត្រីនោះកំពុងដឹក ក៏ត្រូវរន្ទះបាញ់ងាប់ទាំងពីរផងដែរ៕
ហ្វីលីពីន៖នៅក្នុងប្រតិបត្តិការតាមផ្លូវអាកាស និងតាមផ្លូវគោករយៈពេល៣ថ្ងៃរបស់យោធាហ្វីលីពីន នៅលើកោះភាគខាងត្បូងប្រទេសបានសម្លាប់ពួកបះបោរ៣៦នាក់ដែលមានទំនាក់ទំនងនឹងក្រុមរដ្ឋឥស្លាមព្រមទាំងដណ្ដើមបានមូលដ្ឋានពួកបះបោរផងដែរ។
ការវាយប្រហារគ្នាថ្មីនេះ ដែលបានកើតឡើងនៅលើកោះមិនដាវណាវ ស្ថិតនៅភាគខាងត្បូងប្រទេសហ្វីលីពីន បានផ្ទុះឡើងកាលពីថ្ងៃសុក្រសប្ដាហ៍មុន នៅពេលទាហានឡោមព័ទ្ធមូលដ្ឋានពួកឧទ្ទាមមួយ ដែលការពារទៅដោយទាហានប្រហែល ១៥០នាក់។
ឧត្ដមសេនីយ៍យោធាហ្វីលីពីនលោក Roland Bautista និយាយថា កម្លាំងសន្តិសុខហ្វីលីពីនភាគច្រើនជាគ្រីស្តបរិស័ទ បានប្រយុទ្ធជាមួយពួកបះបោរបំបែកខ្លួនមូស្លីមអស់រាប់សតវត្សរ៍មកហើយ។ ក្នុងរយៈពេលប៉ុន្មានឆ្នាំថ្មីៗនេះ កិច្ចខិតខំកសាងសន្តិភាព បាននាំទៅរកការកាត់បន្ថយការប៉ះទង្គិចគ្នាជាមួយក្រុមឧទ្ទាមធំៗ ប៉ុន្តែ ក្រុមបះបោរតូចៗ បែរជាបង្កើនការវាយប្រហារទៅវិញ។ នេះបើយោងតាមទីភ្នាក់ងារសារព័ត៌មាន Reuters។
មេបញ្ជាការកងទ័ពលោកឧត្ដមសេនីយ៍ Roland Bautista បញ្ជាក់ថា ទាហានដណ្ដើមបានមូលដ្ឋានដ៏សំខាន់របស់ពួកបះបោរ និងបំផ្លាញពួកបះបោរយ៉ាងធំធេង ប៉ុន្តែមានទាហានរដ្ឋាភិបាលតែ ៣នាក់ប៉ុណ្ណោះដែលរងរបួស៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
