ម៉ិចស៊ីកូ៖យន្តហោះបានបុកក្មេងស្រី២នាកា់ស្លាប់ ខណៈដែលក្មេងទាំង២នាក់នោះ កំពុងរវល់ថតរូប Selfie ភ្លេចខ្លួន ។ ហេតុការណ៍នេះបានកើតឡើងនៅក្នុងរដ្ឋមួយនៃភាគខាងជើងប្រទេសម៉ិកស៊ីកូ ។
គ្រោះថ្នាក់ខាងលើនេះបានកើតឡើងកាលពីចុងសប្តាហ៍មុន នៅក្នុងព្រលានយន្តហោះនៃក្រុង Chinipas ស្ថិតក្នុងរដ្ឋ Chihuahua ដែលបានបណ្តាលឲ្យនាង Mendiza វ័យ១៨ឆ្នាំ និងនាង Morquecho វ័យ១៧ឆ្នាំ ទាំងពីរនាក់បាត់បង់ជីវិត និងត្រូវបានយកទៅបញ្ចុះនៅមួយថ្ងៃបន្ទាប់។ អ្នកបានឃើញហេតុការណ៍ខាងលើនេះបានបញ្ជាក់ថា នារីវ័យក្មេងទាំងពីរបានថតរូបលើកដំបូលរថយន្តមួយប្រឡែងនឹងយន្តហោះដែលកំពុងធ្វើដំណើរមក ហើយមិនអាចលោតចុះទាន់ទើបត្រូវស្លាបយន្តហោះបុកចំទាំងពីរនាក់តែម្តង ៕
រាជធានីភ្នំពេញ៖បុរសម្នាក់ដែលបើករថយន្តកាមរីបុករះម៉ូតូ និងមនុស្សលើផ្លូវព្រះមុន្នីវង្ស បណ្តាលឲ្យស្លាប់៣នាក់ និងរងរបួសច្រើននាក់ កាលពីល្ងាចថ្ងៃទី២៧ ខែមីនា ឆ្នាំ២០១៧នោះ ពេលនេះជនបង្កកំពុងស្ថិតក្នុងបន្ទប់សង្គ្រោះបន្ទាន់នៅក្នុងមន្ទីរពេទ្យរុស្ស៊ី (មិត្តភាពខ្មែរ-សូវៀត) នៅឡើយ ដោយមានកម្លាំងសមត្ថកិច្ចការពារ ដើម្បីរក្សាសុវត្ថិភាពតឹងរឹង។
សូមជម្រាបថា ជនបង្កដែលរងរបួសធ្ងន់ធ្ងរនេះ ដោយសារតែកំហឹងខ្លាំងពីប្រជាពលរដ្ឋនៅកន្លែងកើតហេតុ បាននាំគ្នាវាយអ្នកបើករថយន្តស្ទើរស្លាប់ស្ទើររស់និងនាំគ្នាទៅវាយរថយន្តបណ្តាលឲ្យខូចខាតស្ទើរទាំងស្រុង ។ បន្ទាប់ពីកើតហេតុ កម្លាំងសមត្ថកិច្ចបានព្យាយាមជួយយកអ្នកបើករថយន្ត ចេញពីកន្លែងកើតហេតុ និងជួយអន្តរាគមន៍ ខណៈនោះមានការផ្ទុះតវ៉ាយ៉ាងខ្លាំងពីប្រជាពលរដ្ឋ ។ ជាមួយគ្នានេះ កម្លាំងនគរបាលក៏បានបញ្ជូនរថយន្តពន្លត់អគ្គិភ័យទៅជួយបាញ់ទឹក ខ្លាចក្រែងផ្ទុះឆេះនៅពេលប្រជាពលរដ្ឋវាយកម្ទេចនោះ។
ប្រភពឱ្យដឹងថា បុរសបង្កខាងលើមានឈ្មោះមាស សុខហេង អាយុ៣០ឆ្នាំ ជាអ្នកលក់ទូរសព្ទ័ដៃ ស្នាក់នៅផ្ទះលេខ១១១ ផ្លូវជាតិលេខ២ ក្នុងភូមិទួលរកា សង្កាត់ចក្រអង្រែក្រោម ខណ្ឌមានជ័យ។
គួររំលឹកថា ក្នុងករណីគ្រោះថ្នាក់ចរាចរណ៍ បង្កដោយរថយន្តមួយគ្រឿងបើកបុករះម៉ូតូ នៅតាមបណ្ដោយមហាវិថីព្រះមុនី្នវង្ស ក្នុងសង្កាត់ទន្លេបាសាក់ ខណ្ឌចំការមន (ចន្លោះចំណុចច្រមុះជ្រូកក្បាលថ្នល់នោះ មកវិទ្យាល័យបឹងត្របែក ខាងមុខអតីតរោងចក្រ គង់ហុងកាត់ដេរ) ដែលបានបណ្តាលឲ្យឱ្យស្លាប់មនុស្ស៣នាក់ (ស្រី២នាក់ ប្រុសម្នាក់) និងរបួសប្រមាណ១០នាក់ ព្រមទាំងខូចខាតម៉ូតូជិត១០គ្រឿង។
គ្រោះថ្នាក់ចរាចរណ៍ខាងលើនេះ បង្កការភ្ញាក់ផ្អើលនៅវេលាប្រហែលម៉ោង០៦ និង៣០នាទីយប់ថ្ងៃទី២៧ មីនា បង្កដោយរថយន្តមួយគ្រឿងម៉ាកកាមរីឆ្លាម ពាក់ស្លាកលេខភ្នំពេញ 2M-2245។ គ្រោះថ្នាក់ចរាចរណ៍ខាងលើនេះ បណ្តាលមកពីជនបង្កបានបើករថយន្ត ពីជើងទៅត្បូង ស្រាប់តែដល់ចំណុចកើតហេតុ ពោលនៅមុខអតីតរោងចក្រ គង់ហុង កាត់ដេរ ស្រាប់តែជ្រុលទៅបុកជនរងគ្រោះ ប្រុសស្រី៣នាក់ កំពុងបើកម៉ូតូឆ្លងផ្លូវ ហើយក៏ជ្រុលទៅបញ្ច្រាសផ្លូវ បើកបុករះម៉ូតូរបស់ប្រជាពលរដ្ឋផ្សេងទៀត ដែលកំពុងធ្វើដំណើរមកពីមុខបណ្តាលឲ្យស្លាប់ និងរបួសជាច្រើននាក់គួរឲ្យរន្ធត់ ។ នៅក្នុងហេតុការណ៍គ្រោះថ្នាក់ចរាចរណ៍នេះ បានបណ្តាលឲ្យស្ត្រី២នាក់ និងបុរសម្នាក់ទៀត បានស្លាប់ភ្លាមៗ នៅហ្នឹងកន្លែងកើតហេតុ ខណៈអ្នករងគ្រោះរបួសជិត១០នាក់ ព្រមទាំងខូចខាតម៉ូតូជិត១០គ្រឿងផងដែរ។
ស្ត្រីរងគ្រោះទាំង២នាក់ ដែលបានស្លាប់នោះ គឺជាបងប្អូនភ្លោះ ហើយត្រូវបានសមត្ថកិច្ចប្រគល់ជូនក្រុមគ្រួសារយកទៅធ្វើបុណ្យតាមប្រពៃណី រីឯអ្នករបួស ត្រូវបានដឹកបញ្ជូនទៅកាន់មន្ទីរពេទ្យផងដែរ។ សម្រាប់រថយន្តបង្កដែលខូចខាតស្ទើរទាំងស្រុងនោះ និងម៉ូតូរបស់ជនរងគ្រោះផ្សេងទៀត ត្រូវបានសមត្ថកិច្ចយកទៅរក្សាទុក ដើម្បីចាត់ការបន្តទៀតតាមផ្លូវច្បាប់។
យ៉ាងណាក៏ដោយ ស្ថានភាពរញ៉េរញ៉ៃ ដែលប្រជាពលរដ្ឋផ្ទុះកំហឹងយ៉ាងខ្លាំងនោះ បានស្ងប់ស្ងាត់ទៅវិញ នៅប៉ុន្មានម៉ោងក្រោយ ហើយភ្នាក់ងារយើងបានស្រាវជ្រាវរកអត្តសញ្ញាណរបស់ជនបង្កបានច្បាស់ហើយ គឺមានឈ្មោះ មាស សុខហេង ភេទប្រុស អាយុ៣០ឆ្នាំ មុខរបរលក់ទូរស័ព្ទដៃ ស្នាក់នៅផ្ទះលេខ១១១ ផ្លូវជាតិលេខ២ ភូមិទួលរកា សង្កាត់ចក្រអង្រែក្រោម ខណ្ឌមានជ័យ។ បច្ចុប្បន្ន ជនបង្ករូបនេះ ត្រូវបានក្រុមគ្រួសារបញ្ជូនទៅសម្រាកព្យាបាលនៅមន្ទីរពេទ្យ មិត្តភាពខ្មែរ-សូវៀត ៕
រាជធានីភ្នំពេញ៖អង្គភាពប្រឆាំងអំពើពុករលួយបានធ្វើការឃាត់ខ្លួនឈ្មោះ ហង្ស សាមឿន ក្រឡាបញ្ជីសាលាដំបូងខេត្តបន្ទាយមានជ័យ ពាក់ព័ន្ធអំពើពុករលួយ ដោយទាមទារលុយក្រោមតុពីប្រជាពលរដ្ឋ ។
ការឃាត់ខ្លួនធ្វើឡើងកាលពីថ្ងៃទី២៦ ខែមីនា ឆ្នាំ២០១៧ ហើយបាននាំខ្លួនមកសាកសួរនៅអង្គភាពប្រឆាំងអំពើពុករលួយ។
មន្ត្រី ACU បានបញ្ជាក់ថា ពិតជាមានការឃាត់ខ្លួនឈ្មោះ ហង្ស សាមឿន ក្រឡា បញ្ជីតុលាការខេត្តបន្ទាយមានជ័យប្រាកដមែន ពាក់ព័ន្ធទាមទារលុយពីប្រជាពលរដ្ឋ ហើយខណនេះជនសង្ស័យកំពុងស្ថិតក្នុងការសួរនាំនៅឡើយ៕
មណ្ឌលគិរី៖ជនជាតិវៀតណាមចំនួន៤នាក់ ត្រូវបានមន្ត្រីឧទ្យានុរក្សដែន ជម្រកសត្វព្រៃស្រែពក ចាប់ឃាត់ខ្លួនកាលពីវេលាម៉ោង១១ និង៥០នាទី ព្រឹកថ្ងៃទី២៧ ខែមីនា ឆ្នាំ២០១៧ ពីបទកាប់បំផ្លាញព្រៃឈើនៅក្នុងតំបន់ ការពារធម្មជាតិ ស្ថិតក្នុងភូមិកោះម្យើល ឃុំណងឃីលឹក ស្រុកកោះញែក ខេត្តមណ្ឌលគិរី។
វត្ថុតាងល្មើសដែលត្រូវសមត្ថកិច្ចបរិស្ថានដកហូតរួមមាន រណារយន្ត ៣គ្រឿង, ម៉ូតូ៤គ្រឿង និងឈើប្រភេទលេខ១(សុក្រំនិងផ្ចឹក)ចំនួន ២០ដើមត្រូវបានកាប់រំលំ។
ក្រោយពីឃាត់ខ្លួន សមត្ថកិច្ចជំនាញបរិស្ថានបានយកវត្ថុតាងម៉ូតូ៤គ្រឿង ទៅរកទុកនៅស្នាក់ការម្រើច នៃដែនជម្រកសត្វព្រៃស្រែពក រីឯរណារយន្ត ៣គ្រឿងរក្សាទុកនៅមន្ទីរបរិស្ថាន។ចំណែកជនសង្ស័យជាជនជាតិវៀតណាម ទាំង៤នាក់ត្រូវបានសមត្ថកិច្ចជំនាញកសាងសំណុំរឿងចាត់ការបន្តតាមនីតិវិធីច្បាប់៕
រាជធានីភ្នំពេញ៖បក្សប្រឆាំងបានប្រកាសថា នឹងរៀបចំពិធីបង្សុកូលឧទ្ទិសកុសលជូនដួងវិញ្ញាណក្ខន្ធបាតុករដែលបានបាត់បងជីវិតដោយសារការបំផ្ទុះគ្រប់បែកនៅមុខអតីតមន្ទីរដ្ឋសភានាព្រឹកថ្ងៃទី៣០ ខែមីនា ឆ្នាំ២០១៧ខាងមុខនេះ។ ពិធីនេះធ្វើឡើងចំថ្ងៃខួប២០ឆ្នាំ នៃព្រឹត្តិការណ៍បង្ហូរឈាមនៅមុខអតីតរដ្ឋសភាផងដែរ៕
រាជធានីភ្នំពេញ៖អាជ្ញាធរជាតិប្រយុទ្ធប្រឆាំងគ្រឿងញៀន បានចេញរបាយការណ៍មួយ ដោយបានបញ្ជាក់ថា នៅឆ្នាំនេះ អ្នកប្រើប្រាស់គ្រឿងញៀន នៅទូទាំងប្រទេសមានចំនួន ២០៦២១នាក់ ក្នុងនោះអ្នកប្រើគ្រឿងញៀន ដែលមិនបានទៅទទួលសេវាព្យាបាលមានចំនួន ៩០២០នាក់ ស្មើនឹង៤៥.១២ភាគរយ ។ តាមរបាយការណ៍អ្នកប្រើប្រាស់គ្រឿងញៀន ដែលទៅបានសេវាព្យាបាល មានចំនួន ១១៦០១នាក់ ស្មើនឹង៥៦.២៥ភាគរយ នៃចំនួនអ្នកញៀនសរុប ។
យ៉ាងណាក៏ដោយមជ្ឈមណ្ឌលទូទៅបានបង្ហាញថា តួលេខអ្នកប្រើប្រាស់គ្រឿងញៀននៅទូទាំងប្រទេសមានច្រើនជាងនេះ ខណដែលគ្រប់ភូមិ-ឃុំ សុទ្ធតែមានអ្នកប្រើប្រាស់គ្រឿងញៀន ខណដែលការបង្ក្រាបនៅមានកម្រិតនៅឡើយ៕
រាជធានីភ្នំពេញ៖ថ្លែងនៅក្នុងពិធីសំណេះសំណាល់ជាមួយបេក្ខជនក្រុមប្រឹក្សាសង្កាត់ ក្នុងរាជធានីភ្នំពេញ កាលពីម្សិលមិញ សម្តេចនាយករដ្ឋមន្ត្រី ហ៊ុន សែន បានសន្យាជាសាធារណៈថា មន្ត្រីឃុំសង្កាត់ ខាងគណបក្សប្រជាជនកម្ពុជា ដែលបានបាត់បង់អសនៈរបស់ខ្លួននៅក្នុងការបោះឆ្នោតនាពេលខាងមុខ និងទទួលបានប្រាក់ខែពីគណបក្ស។
តាមលោក សុខ ឥសាន មន្ត្រីអ្នកនាំពាក្យគណបក្សប្រជាជនកម្ពុជា ក៏បានថ្លែងបញ្ជាក់ដូចគ្នាដែរថា មន្ត្រីឃុំ/សង្កាត់ ដែលបាត់បង់អសនៈ នឹងទទួលបានប្រាក់ឧបត្ថម្ភពីគណបក្សស្មើគ្នានឹងប្រាក់ខែក្នុងមុខតំណែងមុនធ្លាក់ឆ្នោត ។ លោកថ្លែងថា អ្វីទាំងអស់នេះ ជាការគិតគូរនិងលើកស្ទួយចំពោះជីវភាពរបស់មន្ត្រី គណបក្សដែលបានខិតខំតស៊ូនាពេលកន្លងទៅ៕
រាជធានីភ្នំពេញ៖រថយន្តមួយគ្រឿង បើកបញ្ច្រាស់ បុករះម៉ូតូពោលនៅជិតច្រមុះជ្រូកក្បាលថ្នល់ នៅតាមផ្លូវស្ថិតនៅតាមផ្លូវព្រះមុនីវង្ស សង្កាត់បឹងត្របែក ខណ្ឌចំការមន នោះ បានបណ្តាលឲ្យស្លាប់៣នាក់ភ្លាមនិង របួសជិត១០នាក់ និងខូចខាតម៉ូតូជិត១០គ្រឿងផងដែរនៅល្ងាចថ្ងៃទី២៧ ខែមីនា ឆ្នាំ២០១៧នេះ ។រថយន្តបង្កម៉ាក Camry ឆ្លាម ពាក់ស្លាកលេខភ្នំពេញ 2M-2245។
សាក្សីនិយាយថា៖ គ្រោះថ្នាក់ចរាចរណ៍ខាងលើនេះ បណ្តាលមកពីជនបង្ក បានបើករថយន្តបញ្ច្រាស់ផ្លូវ ពីជើងទៅត្បូងស្រាប់តែជ្រុលទៅបុកជនរងគ្រោះ កំពុងបើកម៉ូតូបណ្តាលឲ្យស្ត្រី២នាក់ និងបុរសម្នាក់ទៀត បានស្លាប់ភ្លាមៗ នៅហ្នឹងកន្លែងកើតហេតុ ខណៈអ្នករងគ្រោះរបួសជិត១០នាក់ ព្រមទាំងខូចខាតម៉ូតូជិត១០គ្រឿងផងដែរ។
ដោយសារតែកំហឹងខ្លាំងពេក ប្រជាពលរដ្ឋនៅកន្លែងកើតហេតុ បាននាំគ្នាវាយអ្នកបើករថយន្តសល់ដង្ហើមចង្រឹត និងនាំគ្នាទៅវាយរថយន្តបណ្តាលឲ្យខូចខាតស្ទើរទាំងស្រុងផងដែរ។ ទាំងជនរងគ្រោះនិងម្ចាស់ឡានបង្កដែលត្រូវប្រជាពលរដ្ឋវ៉ៃត្រូវបានបញ្ជូនទៅសង្គ្រោះនៅមន្ទីរពេទ្យមិត្តភាពរុស្ស៊ី៕
សុខភាព៖ការស្រាវជ្រាវបានបង្ហាញថា អ្នកដែលញ៉ាំប៉ូតាស្យូមច្រើន មានការថយចុះសម្ពាធឈាម។ ប្រភពនៃជាតិប៉ូតាស្យូមរួមមានដូចជា៖ ចេក, ក្រូច, ឪឡឹក, ស្ពៃខ្មៅ ដូច្នេះអ្នកគួទទួលទានអាហារដែលសម្បូរទៅដោយជាតិប៉ូតាស្យូមឲ្យបានច្រើន។
ស្របជាមួយនឹងការបន្ថយជាតិប្រៃនៅក្នុងអាហារ, ផែនការណ៍នៃការគ្រប់គ្រងការញ៉ាំអោយមានស្ថេរភាពដែលបានបន្ថយការ ញ៉ាំខ្លាញ់ដែលមានជាតិកូឡេស្តេរ៉ុល ត្រូវបានគេណែនាំ។ ការព្យាបាលដោយប្រែប្រួលរបៀបរស់នៅ ជារឿយៗក៏ត្រូវគេណែនាំផងដែរដើម្បីបន្ថយកម្រិតកូឡេស្តេរ៉ុល នៅក្នុងឈាម៕
ភ្នំពេញ៖កម្លាំងសមត្ថកិច្ចប៉ុស្តិ៍ដង្កោឃាត់ខ្លួនជនសង្ស័យ២នាក់ដែលជាមុខសញ្ញាកាច់សោ.កម៉ូតូយ៉ាងសកម្មបន្ទាប់ពីមានការចង្អុលបង្ហាញជនរងគ្រោះ។ ហេតុការណ៍នេះបានកើតឡើងកាលពីវេលាម៉ោង៨និង៥០នាទីព្រឹកថ្ងៃទី២៧ ខែមីនា ឆ្នាំ២០១៧ ត្រង់ចំណុចបន្ទប់ជួលផ្លូវបេតុងភូមិខ្វា សង្កាត់ដង្កោ ខណ្ឌដង្កោ រាជធានីភ្នំពេញ ។
បើតាមសម្ដីលោក តុន តូនី នាយប៉ុស្តិ៍ដង្កោបានអោយដឹងថា ជនរងគ្រោះដែលមានឈ្មោះ យី ជួន ភេទប្រុសអាយុ៥៣ឆ្នាំមុខរបរលក់ដូនៅផ្ទះកាលពីថ្ងៃទី២៤ ខែមីនា ឆ្នាំ២០១៧វេលាម៉ោង១១និង៣០នាទីព្រឹកជនរងគ្រោះបានទុកម៉ូតូម៉ាកហុងដាឌ្រីមស៊េរី២០១៦ពណ៌ខ្មៅពាក់ស្លាកលេខភ្នំពេញ1DH.4414ចតទុកនៅមុខផ្ទះត្រូវបានជនសង្ស័យលួចកាច់សោ កយកទៅបាត់តែពេលនោះរូបគាត់មិនបានទៅដាក់ពាក្យបណ្ដឹងទេលុះមកដល់ថ្ងៃកើតហេតុប្អូនប្រុសរបស់គាត់បានប្រទះឃើញជនសង្ស័យស្នាក់នៅបន្ទប់ជួលនៅភូមិកើតហេតុខាងលើក៏បានរត់មកប្រាប់ពេលនោះរូបគាត់បានទៅដាក់ពាក្យបណ្ដឹងនៅប៉ុស្តិនគរបាលដង្កោពេលទទួលបានពាក្យភ្លាមលោកមេប៉ុស្តិបានដឹកនាំកម្លាំងចុះមកឃាត់ខ្លួនជនសង្ស័យចំនួន២នាក់យកមកសាកសួរនៅប៉ុស្តិ៍ដង្កោ។
ជនសង្ស័យដែលឃាត់ខ្លួនបានទី១មានឈ្មោះ សន តុន ភេទប្រុសអាយុ១៧ឆ្នាំ មុខរបរមិនពិតប្រាកដមានស្រុកកំណើតភូមិចេកឃុំដូងស្រុកបាទីខេត្តតាកែវ ទី២ ឈ្មោះ ពេជ្យ គឹមហេង ភេទប្រុសអាយុ២១ឆ្នាំមុខរបរជាងផ្សារដែកមានស្រុកកំណើតភូមិកំពុងអុសឃុំផ្សារឆ្នាំងស្រុកកំពុងឆ្នាំងខេត្តកំពុងឆ្នាំងទាំង២នាក់ស្នាក់នៅបន្ទប់ជួលកន្លែងកើតហេតុជាមួយគ្នា។
បច្ចុប្បន្នជនសង្ស័យទាំង២នាក់កំពុងសាកសួរនិងកសាងសំណុំរឿងបញ្ជួនទៅកាន់អធិកានគរបាលខណ្ឌដង្កោដើម្បីចាត់ការបន្តតាមនិតិវិធីច្បាប់៕
ដោយ៖ដារ៉ា
កំពង់ចាម៖នៅវេលាម៉ោង២២ និង៤០នាទី រំលងអធ្រាត្រឈានចូលថ្ងៃទី២៧ ខែមីនា ឆ្នាំ២០១៧ បុរសម្នាក់បានស្លាប់ភ្លាមៗ នៅកន្លែងកើតហេតុ បន្ទាប់ពីជួបគ្រោះថ្នាក់ចរាចរ ជិះម៉ូតូទៅបុករថយន្ត ពីក្រោយ ដែលធ្វើដំណើរស្របគ្នា ពេញទំហឹង នៅលើស្ពានគីហ្សូណា ខេត្តកំពង់ចាម ។
លោកវរសេនីយ៍ត្រី សាម យូសេង អធិការរងនគរបាលក្រុងកំពង់ចាម បានឲ្យដឹងថា មុនកើតហេតុ គេឃើញបុរសម្នាក់ ជិះម៉ូតូ ម៉ាកSMX ពណ៌ក្រហម គ្មានស្លាកលេខ យ៉ាងលឿនក្នុងទិសដៅពីលិចទៅកើត ស្រាប់តែដល់ពាក់កណ្តាលស្ពាន ក៍បុករថយន្តពីក្រោយពេញទំហឹង បណ្តាលឲ្យស្លាប់ភ្លាមៗនៅកន្លែងកើតហេតុ ជនរងគ្រោះឈ្មោះ ចក់ និត ភេទប្រុស អាយុ១៩ឆ្នាំ មានស្រុកកំណើតនៅភូមិថ្នល់លាភ ឃុំស្ពានត្នោត ស្រុកជីក្រែង ខេត្តសៀមរាប។ ចំណែកឯរថយន្ត ធន់ធំមិនដឹងម៉ាក់អ្វីទេ បានបើកគេចបាត់ដោយសុវត្ថិភាព មិនរំខានដល់នគរបាលឡើយ។
សាសពជនរងគ្រោះ ត្រូវបានសមត្ថកិច្ចហៅរថយន្តមន្ទីរពេទ្យ ដឹកទៅតំកល់ក្នុងសាលរង់ចាំអាណាព្យាបាលមកទទួលយកទៅបុណ្យតាមប្រពៃណី៕
អូហៃយ៉ូ៖ប៉ូលិសនៅក្នុងតំបន់និយាយថា យ៉ាងហោចណាស់មនុស្សម្នាក់បានស្លាប់ និង១៣នាក់ផ្សេងទៀតបានរងរបួស បន្ទាប់ពីខ្មាន់កាំភ្លើង បានបើកការបាញ់រះទៅលើហ្វូងមនុស្ស នៅក្នុងក្លឹបរាត្រីមួយកន្លែងនៃ នាទីក្រុង Cincinnati របស់រដ្ឋ Ohio សហរដ្ឋអាមេរិក។ នេះបើតាមសារព័ត៌មាន Times of India។
បើយោងតាមការសន្និដ្ឋានបឋមរបស់ ប៉ូលិសទីក្រុង Cincinnati ករណីបាញ់ប្រហារខាងលើ ជាករណីមនុស្សឃាត មិនមែនជាអំពើភេរវកម្មនោះទេ។ ក៏ប៉ុន្តែព្រមពេល ជាមួយគ្នាពួកគេ ក៏មិនបានបញ្ជាក់ពីការឃុំខ្លួនមនុស្សណាម្នាក់នោះដែរ ខណៈបើតាមប្រភពព័ត៌មានមួយចំនួន ខ្មាន់កាំភ្លើងកំពុងរត់គេចខ្លួន ចំណែកឯអ្នករង របួសត្រូវបានបញ្ជូនទៅកានមន្ទីពេទ្យ ក្រោយមានហេតុការណ៍បាញ់ប្រហារនៅឯក្លឹបរាត្រី Cameo Club ស្ថិតនៅភាគខាងកើតទីក្រុង Cincinnati៕
ខេត្តក្រចេះ៖ថ្លែងនៅថ្ងៃនេះក្នុងពិធីសម្ពោធដាក់ឲ្យប្រើប្រាស់អាគារសិក្សានៅខេត្តក្រចេះ សម្តេច ហ៊ុន សែន បានអំពាវនាវដល់គណបក្សនយោបាយទាំងអស់ ត្រូវគោរពក្រមសីលធម៌នៅក្នុងការឃោសនា ដោយមិនបន្តុះបង្អាប់អ្នកដទៃ ហើយត្រូវយកគំរូតាមអ្នកលក់ទំនិញ ដោយឃោសនាផ្សព្វផ្សាយតែផលិតផលរបស់ខ្លួនតែប៉ុណ្ណោះ ។
សម្តេច ហ៊ុន សែន បានថ្លែងថា ការឃោសនាដោយការជេរបញ្ចោរបន្ទោសបង្អាប់ដល់អ្នកដទៃ នឹងនាំឲ្យមានការឈឺចាប់ និងឈ្លោះប្រកែកគ្នា ។ សម្តេចបានសង្កត់ធ្ងន់ថា សូមកុំឲ្យមានជម្លោះនៅក្នុងពេលបោះឆ្នោត ហើយដើម្បីបញ្ចៀសជម្លោះនេះបាន គឺត្រូវតែ បញ្ចៀសការជេរប្រមាថ ។ សម្តេចថា អ្នកនយោបាយទាំងអស់ ត្រូវឃោសនាអួតសរសើរតែរបស់ខ្លួនទៅ កុំដៀលទៅបក្សដទៃ ។
ទន្ទឹមនោះសម្តេចក៏បានអំពាវនាវដល់អាជ្ញាធរ និងកងកម្លាំងប្រដាប់អាវុធ ត្រូវរួមគ្នាជួយធ្វើឲ្យ បរិយាកាសបោះឆ្នោតប្រព្រឹត្តទៅដោយត្រឹមត្រូវ និងយុត្តិធម៌ ជាពិសេសត្រូវធ្វើឲ្យការបោះឆ្នោតនេះ សម្រេចទៅដោយជោគជ័យ៕
ខេត្តកំពង់ស្ពឺ៖ប្រជាពលរដ្ឋក្មេងចាស់ប្រុសស្រីប្រមាណជាង ១៥០នាក់ បានពុលនំបញ្ចុក ពេលជនរងគ្រោះទៅចូលរួមបុណ្យបច្ច័យ៤ កាលពីថ្ងៃទី២៦ ខែមីនា ឆ្នាំ២០១៧ នៅក្នុងភូមិក្រាំងតាសោម ឃុំជម្ពូព្រឹក ស្រុកឧដុង្គ ខេត្តកំពង់ស្ពឺ។
យោងតាមសមត្ថកិច្ចមូលដ្ឋាន បានឲ្យដឹងថា ផ្ទះម្ចាស់កម្មវិធីបុណ្យឈ្មោះ ទ្រូ និងឈ្មោះ ខេម ជាប្តីប្រពន្ធនឹងគ្នា មានធ្វើពិធីបុណ្យបច្ច័យ៤ ហើយនៅក្នុងកម្មវិធីបុណ្យនោះ បានធ្វើនំបញ្ចុកទទួលភ្ញៀវ។ សមត្ថកិច្ចដដែល បាន បន្ថែមថា ខណៈដែលភ្ញៀវបានបរិភោគនូវនំបញ្ចុកនោះហើយ បានបណ្ដាលឲ្យមនុស្សក្មេងចាស់ ប្រុសស្រីចំនួន ១៥២នាក់ ហើយចំណោមអ្នកពុលទាំងអស់នោះ មានមនុស្សចំនួន ៥នាក់ បានពុលធ្ងន់ធ្ងរ។
ប្រភពខាងលើបានបញ្ជាក់ថា ក្រោយកើតហេតុ ជនរងគ្រោះទាំងអស់ បានបញ្ជូនទៅមន្ទីរពេទ្យដើម្បីសង្គ្រោះ ហើយរហូតដល់ពេលនេះមិនទាន់មានគ្រោះថ្នាក់ដល់ជីវិតឡើយ។
អាជ្ញាធរជំនាញមិនទាន់អះអាងថា ការពុលនោះបណ្តាលមកពីមូលហេតុអ្វីនៅឡើយទេ ។ ប៉ុន្តែកំពុងចុះពិនិត្យ និងស្រាវជ្រាវដល់កន្លែងកើតហេតុ៕
ដោយ៖ប៉ែន សុផល
ខេត្តបាត់ដំបង៖តាចាស់ម្នាក់ត្រូវបានកម្លាំងមូលដ្ឋានកងរាជអាវុធហត្ថស្រុករតនមណ្ឌលចុះឃាត់ខ្លួនក្នុងករណីរំលោភសេពសន្ទវះទៅលើកុមារីអាយុ៦ឆ្នាំ ដែលការឃាត់ខ្លួនជនសង្ស័យខាងលើនេះធ្វើឡើងនៅវេលាម៉ោង៩ និង២០នាទី ថ្ងៃទី២៥ ខែមីនា ឆ្នាំ២០១៧ នៅចំណុចភូមិស្តៅ ឃុំស្តៅ ស្រុករតនះមណ្ឌល ខេត្តបាត់ដំបង។
សមត្ថកិច្ចបន្តថា ក្រោយពីទទួលបានពាក្យបណ្តឹងពីឈ្មោះ ឯក ពៅ ភេទស្រី អាយុ៤៩ឆ្នាំ ដែលជាម្តាយកុមារីរងគ្រោះបានប្តឹងទៅលើជនសង្ស័យឈ្មោះ កែវ ពៅ ភេទប្រុស អាយុ៦២ឆ្នាំ មុខរបរនៅផ្ទះ រស់នៅភូមិស្តៅ ឃុំស្តៅ ស្រុករតនះមណ្ឌល ខេត្តបាត់ដំបងបានរំលោភសេពសន្ថវៈទៅលើកូនស្រីឈ្មោះឌុល សោភា អាយុ៦ឆ្នាំ នៅវេលា ម៉ោង១៤ និង៣០នាទី ថ្ងៃទី១៣ ខែមីនា ឆ្នាំ២០១៧ នៅចំណុចផ្ទះជនសង្ស័យក្នុងភូមិឃុំខាងលើភ្លាមៗនោះសមត្ថកិច្ចក៍បានចុះទៅឃាត់ខ្លួនតែម្តង។
បន្ទាប់ពីឃាត់ខ្លួនជនសង្ស័យមកសាកសួរចំពោះមុខសមត្ថកិច្ច ជនសង្ស័យបានឆ្លើយសារភាពថា ខ្លួនពិតជាបានចាប់រំលោភក្មេងស្រីខាងលើពិតប្រាកដមែន ខណៈនាងមកលេងផ្ទះខ្លួននៅពេលស្ងាត់គ្មានមនុស្សនៅក៏ឆក់ឱកាសចាប់រំលោភបានសម្រេចតែម្តង។
បច្ចុប្បន្នជនសង្ស័យកំពុងឃាត់ខ្លួននៅការិយាល័យជំនាញនៃបញ្ជាកងរាជអាវុធហត្ថខេត្តដើម្បីក៏សាងសំណុំរឿងចាត់ការតាមនីតិវិធី៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
