All posts by មេគង្គ ប៉ុស្តិ៍

រថយន្តសាំយុងដឹកឈើប្រណីតមួយគ្រឿងខុសច្បាប់ត្រូវសមត្ថកិច្ចបង្ក្រាប

January 17, 2017ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ខេត្តរតនគិរី៖ឈើប្រណីតប្រភេទធ្នង់ ពេញ១រថយន្តសាំងយុង ត្រូវបានបង្ក្រាបដោយនគបាលប្រឆាំងបទល្មើសសេដ្ឋកិច្ចស្នងការខេត្ត សហការជាមួយជំនាញរដ្ឋបាលព្រឈើស្រុកវើនសៃនិង កម្លាំងកងរាជអាវធហត្ថស្រុកវើនសៃផងទៀត។
នគរបាលប្រឆាំងបទល្មើសសេដ្ឋកិច្ចខេត្តឲ្យដឹងថា កិច្ចសហការណ៍បង្ក្រាបឈើប្រណិតខុសច្បាប់នេះ គឺបានធ្វើឡើងនៅវេលាម៉ោង៩ និង៤៥នាទីព្រឹក ថ្ងៃទី១៦ ខែមករា ឆ្នាំ២០១៧នេះ។ លោកបានបញ្ជាក់ថា នគរបាលប្រឆាំងបទល្មើសសេដ្ឋកិច្ច កម្លាំងមេព្រៃស្រុកវើនសៃ និងកម្លាំងកងរាជអាវុធហត្ថស្រុកវើនសៃ បានស្ទាក់ចាប់រថយន្តសាំយុង ពាក់ស្លាកលេខ ភ្នំពេញ 2U.1080 ពណ៌សំបកឪឡឹក នៅចំណុចភូមិវង ឃុំកាចូន ស្រុកវើនសៃ ខេត្តរតនគិរី ខណៈពេលដែលមានសេចក្តីរាយការណ៍ថា រថយន្តនោះមានដឹកឈើប្រណីតខុសច្បាប់។
យោងតាមសេចក្ដីរាយការណ៍ពីក្រុមសមត្ថកិច្ចបានឲ្យដឹងថា ខណៈពេលមានការបង្ក្រាប អ្នកបើកបររថយន្ត បានចុះរត់គេចខ្លួន នៅមុនពេលមានការណ៍បង្ក្រាបនោះ ដែលធ្វើអោយសមត្ថកិច្ចបាត់អត្តសញ្ញាណ។ ប៉ុន្តែ បើតាមប្រភពខ្លះនិយាយថា រថយន្ត 2U.1080 នេះ តែងតែរកស៊ីដឹកឈើពីស្រុកវើនសៃទៅវៀតណាមបែបនេះយូរមកហើយ ដែលអ្នកខ្លះបង្ហើបថា ម្ចាស់រថយន្តនេះមានឈ្មោះ ចិត្ត ។
គេកំពុងសង្ស័យថា ឈ្មោះ ចិត្ត ដែលគេមិនស្គាល់អត្តសញ្ញាណនេះ ទំនងមានខ្នងបង្អែក ទើបហ៊ានដឹកឈើប្រណិត ឆ្លងកាត់រដ្ឋបាលស្រុកអូរជុំ ដែលមានលោក ជា កុណារ៉ា ជានាយផ្នែករដ្ឋបាលព្រៃឈើអូរជុំ បានដោយរលូនបែបនេះ។
ព័ត៌មានពីខណ្ឌរដ្ឋបាលព្រៃឈើ បានឲ្យដឹងនៅល្ងាចថ្ងៃទី១៦ ខែមករា នេះថា ឈើដែលបង្ក្រាបនៅក្នុងរថយន្តសាំយុងខាងលើមានចំនួន១២២សន្លឹក ស្មើរនិង ២៧៥៨គីឡូក្រាម ដែលស្មើនឹង២.២០៦៤ ម៉ែត្រត្រីគុណ ជាឈើប្រណិត ប្រភេទធ្នង់សុទ្ធ។
លោក ជា កុណារ៉ា នាយផ្នែករដ្ឋបាលព្រៃឈើអូរជុំ ក្រុមអ្នកយកព័ត៌មានមិនអាចស្វែងរកការបំភ្លឺ ជុំវិញចំណោទថា រថយន្តដឹកឈើនេះ តែងបានដឹកឈើឆ្លងកាត់ក្នុងដែនគ្រងរបស់លោក បានទេនៅល្ងាចថ្ងៃដដែលនេះ៕

សម្តេចក្រុមព្រះ ៖ លោក សម រង្ស៊ី កុំសង្ឃឹមថាបានចូលស្រុក

January 17, 2017ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ខេត្តក្រចេះ៖សម្តេចក្រុមព្រះ ន.រណឫទ្ធិ ព្រះប្រធានគណបក្ស ហ្វ៊ុនស៊ិនប៉ិច មានបន្ទូលថា លោក សម រង្ស៊ី កុំសង្ឃឹមថា បានចូលមកស្រុកខ្មែរវិញប្រសិនបើមិនហ៊ានទទួលទោសកំហុសរបស់ខ្លួននោះ។ ព្រះអង្គបន្តថា លោក សម រង្ស៊ី និងលោក កឹម សុខា ក៏កំពុងបែបបាក់គ្នាផងដែរ ដោយសារម្នាក់នៅក្រៅប្រទេស និងម្នាក់ទៀតនៅក្នុងប្រទេសនោះ។ បន្ទូលសម្តេចក្រុមព្រះធ្វើឡើងក្នុងឱកាសជួបសំណេះសំណាលជាមួយអ្នកគាំទ្រគណបក្សនៅខេត្តក្រចេះ កាលពីម្សិលមិញ។
សម្តេចក្រុមព្រះក៏បានថ្លែងចំអក ផងដែរថា ការអួតអាងរបស់លោក សម រង្ស៊ីថាគណបក្សសង្គ្រោះជាតិនឹងឈ្នះភ្លូក ទឹក ភ្លូកដី នៅក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់ឆ្នាំ២០១៧និងបោះឆ្នោតសកលឆ្នាំ២០១៨ខាងមុខនេះគឺមិនអាចទៅរួចឡើយ ដោយសារតែការអួតអាងរបស់លោក សម រង្ស៊ីនេះគឺមិនមែនជាលើកទីមួយនោះទេគឺតែងតែអួតជារៀងរាល់ការបោះឆ្នោតដូច្នេះអ្វីគ្រប់យ៉ាងគឺដូចកាលពីកន្លងទៅយ៉ាងដូច្នេះឯង។
សម្តេចក្រុមព្រះនរោត្តម រណ ឫទ្ធិ ថែមទាំងមានបន្ទូលថា លោក សម រង្ស៊ី តែងតែអះអាងខ្លួនឯងថាស្រលាញ់ប្រទេសជាតិ និងប្រជាជនកម្ពុជាប៉ុន្តែខ្លួនឯងគិតតែនៅខាងក្រៅហើយ ថែមទាំងធ្វើផ្ទះនៅប្រទេសបារាំងថែមទៀត៕

លោក កឹម សុខា ថា CPP និង CNRP គ្រោងជួបគ្នានៅសប្ដាហ៍ក្រោយ

January 17, 2017ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

រាជធានីភ្នំពេញ៖ប្រធានស្តីទីគណបក្សសង្គ្រោះជាតិ បានថ្លែងប្រាប់អ្នកគាំទ្រ នៅប្រទេសបារាំងកាលពីយប់មិញតាមរយៈ video conference ថា CPP និង CNRP គ្រោងនឹងជួបគ្នាក្នុងសប្តាហ៍ក្រោយនេះ បើពុំមានការកែប្រែណាមួយនោះទេ។
លោក កឹម សុខា បានបញ្ជាក់ថា គណបក្សប្រជាជនកម្ពុជាតំណាងដោយសម្ដេចក្រឡាហោម ស ខេង បានផ្ញើរបៀបវារៈពីរមកឲ្យគណបក្សសង្គ្រោះជាតិ ដែលរបៀបវារៈទាំងពីរនោះ រួមមានការពិភាក្សាគ្នាពី ភារៈកិច្ចរបស់ថ្នាក់ដឹកនាំគណបក្សទាំងពីរ និងបញ្ហាផ្សេងៗទៀតពាក់ព័ន្ធនឹងសិទ្ធិ សមត្ថកិច្ច របស់ថ្នាក់ដឹកនាំតំណាងរាស្ត្រគណបក្សទាំងពីរ ។ ចំណែកគណបក្សសង្គ្រោះជាតិ ក៏បានផ្ញើរបៀបវរៈទៅវិញផងដែរ ។
ប្រធានបក្សប្រឆាំងរូបនោះបន្ថែមថា គណបក្សប្រជាជនកម្ពុជាតាមរយៈសម្ដេចក្រឡាហោម ស ខេង ក៏មិនបានជំទាស់នឹងរបៀបវារៈរបស់គណបក្សប្រឆាំងឡើយ។ លោកអះអាងថា បក្សទាំងពីរបានព្រមព្រៀងគ្នាចំពោះរបៀបវារៈ ហើយនឹងអាចនឹងជួបគ្នានៅសប្តាហ៍ក្រោយ បន្ទាប់ពីសម្តេច ស ខេង ត្រឡប់មកពីប្រទេសវៀតណាមវិញ៕

ចាប់បានឃាតករដែលរឹតកសម្លាប់ទម្លាក់ពីលើអគារខ្ពស់បានហើយ

January 16, 2017ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

រាជធានីភ្នំពេញ៖សមត្ថកិច្ចបានឃាត់ខ្លួនជនសង្ស័យម្នាក់ក្នុងចំណោមបក្ខពួក២នាក់ នៅយប់ថ្ងៃទី១៥ ខែមករា ឆ្នាំ២០១៧នេះ ពាក់ព័ន្ធក្នុងករណីឃាតកម្មគិតទុកជាមុន ដោយរិតកសម្លាប់ជនរងគ្រោះ ហើយទម្លាក់ពីលើអគារខ្ពស់ក្នុងខណ្ឌដូនពេញ កាលពីថ្ងៃទី១៤ ខែមករា ឆ្នាំ២០១៧។
ជនសង្ស័យដែលកម្លាំងជំនាញចាប់បាននេះ ឈ្មោះ ជឹម សុផាន់ណា អាយុ២៩ឆ្នាំ មុខរបរកម្មករសំណង់ ដែលជាប់ពាក់ព័ន្ធក្នុងករណី ឃាតកម្មគិតទុកជាមុន (រិតកសម្លាប់) នៅចំណុចលើដំបូលផ្ទះជាន់ទី៤ ទីតាំងផ្ទះលេខ១៤៧ ផ្លូវលេខ៥១ ភូមិ២ សង្កាត់បឹងរាំង ខណ្ឌដូនពេញ រាជធានីភ្នំពេញ។
ចំណែកជនរងគ្រោះឈ្មោះ ធន់ ចាន់ធឿន ភេទប្រុស អាយុ៣៣ឆ្នាំ មុខរបរកម្មករសំណង់ មានទីលំនៅស្នាក់នៅការដ្ឋានសំណង់ ជាមួយជនសង្ស័យ មានស្រុកកំណើតភូមិអូ ឃុំកាត់ភ្លុក ស្រុកបសែត ខេត្តកំពង់ស្ពឺ៕

បង្អកស្រាឪពុកឲ្យស្រវឹងហើយទៅចាប់កូនស្រីរំលោភ

January 16, 2017ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ខេត្តកំពង់ស្ពឺ៖នគរបាលស្រុកឧដុង្គ នៅព្រឹកថ្ងៃទី១៦ មករា ២០១៧នេះ បានចុះទៅឃាត់ខ្លួនជនសង្ស័យម្នាក់នៅមន្ទីរពេទ្យបង្អែកឧដុង្គ បន្ទាប់ពីទទួលពាក្យបណ្តឹងពីជនរងគ្រោះទាក់ទងចាប់ក្មេងស្រីរំលោភមិនបានសម្រេច។
បុរសសង្ស័យឈ្មោះ សេង ហន អាយុ៥៦ឆ្នាំ មានទីលំនៅក្នុងភូមិខ្នុលអំពិល ឃុំវាលពង់ ស្រុកឧដុង្គ ខេត្តកំពង់ស្ពឺ បានឆ្លើយសារភាពមុខសមត្ថកិច្ចថា កាលពីថ្ងៃទី១៥ មករា វេលាម៉ោង០៧ និង១០នាទីយប់ ខ្លួនបានបបួលឪពុកក្មេងស្រីមានអាយុ១៧ឆ្នាំម្នាក់ ផឹកស្រា.សតាំងពីថ្ងៃ រហូតទាល់តែឪពុកក្មេងស្រីស្រវឹងសន្លប់បាត់មាត់ឈឹង ។
ជនសង្ស័យបន្តថា ដោយឃើញឱកាសល្អខ្លួន ក៏ធ្វើសកម្មភាពចាប់រំលោភលើក្មេងស្រី ដោយផ្តួលពីលើខ្លួនប្រុងចាប់រំលោភសេពសន្ថវៈ តែមិនទាន់បានស៊ីជម្រៅផងនោះទេ ក៏ត្រូវម្តាយក្មេងស្រីមកទាន់ យកពូថៅកាប់ពីក្រោយ២ពូថៅចំក្បាល បណ្តាលឱ្យសន្លប់ ហើយត្រូវបានអ្នកជិតខាង ដឹកយកទៅពេទ្យបង្អែកស្រុកឧដុង្គតែម្តង។ ជនសង្ស័យបន្តថា ពេលកំពុងដេកនៅមន្ទីរពេទ្យ ក៏ត្រូវសមត្ថកិច្ចឃាត់ខ្លួន ហើយនាំមកកាន់នៅប៉ុស្តិ៍រដ្ឋបាលវាំងចាស់តែម្តង៕

ចេញពីផ្ទះរាប់ខែត្រឡប់មកវិញសម្លាប់ប្រពន្ធព្រោះតែភ្លើងប្រច័ណ្ឌ

January 16, 2017ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ខេត្តបាត់ដំបង៖ប្រភព័ព៌តមានពីការិយាល័យជំនាញរបស់ស្នងការនគរបាលបានប្រាប់អោយដឹងថា នៅព្រឹកថ្ងៃទី១៦ ខែមករានេះជនដែលជាប់ការសង្ស័យត្រូវជាប្តីរបស់ជនរងគ្រោះបានសារភាពថា ខ្លួនពិតជាបានសម្លាប់ប្រពន្ធ័របស់ខ្លួនពិតប្រាកដមែនដោយសារខឹងផិតក្បត់លួចមានប្រុសថ្មី។
ចម្លើយសារភាពបានបញ្ជាក់បន្ថែមថា នៅព្រលប់ថ្ងៃកើតហេតុថ្ងៃទី១៥ ខែមករាបន្ទាប់ពីខ្លួនបានដើរចោលផ្ទះរាប់ខែ ហើយបានត្រឡប់មកចូលផ្ទះវិញក៍បានប្រទះឃើញបុរសម្នាក់ដើរចេញពីក្នុងផ្ទះ បន្តិចក្រោយមកខ្លួនបានសួរប្រពន្ធថា បុរសនោះជាអ្នក មកជួបមានការអ្វី ចំណែកនាងជនរងគ្រោះជាប្រពន្ធបានឆ្លើយថាមិនបាច់សួរទេព្រោះតែលោកប្តីមិនទទួលខុសត្រូវបានចុះចោលផ្ទះបាត់ដំណឹងជាច្រើនខែ ពេលបានលឺប្រពន្ធនិយាយបែបចំអកបែបនេះក៍កើតរឿងខឹងរួចលាក់ទុកក្នុងចិត្តដល់រំលងអាធ្រាតក៍បានយកខ្សែនីឡុងមករឹតលើ ករប្រពន្ធរហូតដល់ដាច់ខ្យល់ស្លាប់តែម្តង។
គួរបញ្ជាក់ថា ឃាតកម្មប្តីសម្លាប់ប្រពន្ធខាងលើបានកើតឡើងកាលពីវេលាម៉ោង០២ និង០០នាទីរំលងអធ្រាត្រថ្ងៃទី១៥ ខែមករា ឆ្នាំ២០១៧ ឋិតនៅលើផ្ទះបណ្តែតទឹកចំនុចបឹងទន្លេសាបក្នុងក្រុមទី៨ ភូមិព្រែកទាល់ ឃុំកោះជីវាំង ស្រុកឯកភ្នំ ខេត្តបាត់ដំបង។
ជនរងគ្រោះស្លាប់មានឈ្មោះសុខ គឹមជូ ភេទស្រី អាយុ១៨ឆ្នាំ មុខរបរ នេសាទ រស់នៅភូមិ ឃុំកើតហេតុខាងលើ រីជនសង្ស័យជាប្តីឈ្មោះ ជួនពៅ ភេទប្រុស អាយុ២២ឆ្នាំ មុខរបរនេសាទដូចគ្នា៕

ដឹកលើសចំណុះដាច់រទីលរ៉េចង្កូតបុករះចូលផ្ទះប្រជាពលរដ្ឋ

January 16, 2017ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ខេត្តកណ្តាល៖រថយន្តហ៊ីយ៉ាន់ដាយចំណុះ៥តោនមួយគ្រឿង ដឹកដែកលើសចំណុះដាច់រទីល ខណៈកំពុងបើកបរយ៉ាងលឿន បានរ៉េចង្កូតបុករះចូលកន្លែងលាងម៉ូតូ.ឡាន និងរបងថ្មផ្ទះពលរដ្ឋ ខូតខាតស្ទើរទាំងស្រុងប៉ុន្តែមិនបណ្តាលឲ្យមនុស្សមានគ្រោះថ្នាក់នោះទេ។ ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៥ និង៣០នាទីព្រឹកថ្ងៃទី១៦ ខែមករា ឆ្នាំ២០១៦ នៅលើកំណាត់ផ្លូវជាតិលេខ១ ត្រង់ចំណុចគីឡូម៉ែត្រលេខ៥១.៥២ មុខផ្សារគគីរធំហៅផ្សារព្រែកថ្មី ស្ថិតក្នុងភូមិគគីរធំ ឃុំគគីរធំ ស្រុកកៀនស្វាយ។
លោកវរសេនីយ៍ត្រី ព្រំ សំណាង អធិការរងទទួលផែនចរាចរណ៍ស្រុកកៀនស្វាយបានឲ្យដឹងថា នៅមុនពេលកើតហេតុគេឃើញរថយន្តម៉ាកហ៊ីយ៉ានដាយពណ៌ខៀវពាក់ស្លាកលេខព្រះសីហនុ 3A-3837 មួយគ្រឿងបើកបរដោយឈ្មោះ ហេង ទុយ ភេទប្រុស អាយុ២៤ឆ្នាំ ជនជាតិខ្មែរមានស្រុកកំណើតនៅភូមិកកោះ.ឃុំកកោះ.ស្រុកសន្ទុក.ខេត្តកំពង់ធំបានបើកបររថយន្តក្នុងល្បឿនយ៉ាងលឿនទិសដៅភ្នំពេញ.អ្នកលឿងលុះមកដល់ចំណុចកើតហេតុខាងលើស្រាប់តែរថយន្តដាច់រទីលកង់ខាងមុខក៍រ៉េចង្កូតទៅខាងស្តាំដៃបុកដើមម្ខុបនៅចិញ្ចើមថ្នល់ហើយរថយន្តបន្តទៅបុករះចូលទៅក្នុងផ្ទះលាងម៉ូតូលាងឡាននិងរបងថ្មផ្ទះប្រជាពលរដ្ឋបណ្តាលឲ្យក្រឡាប់ផ្ងារជើងឡើងលើបង្កឲ្យខូចខាតព្រទ្យសម្បត្តិរបស់ប្រជាពលរដ្ធរួមមានរោងប្រកសង្ក័សីទំហំ4×6ម៉ែត្ររួមជាមួយម៉ាស៊ីនលាងម៉ូតូ.ឡាន1គ្រឿង.ពាងទឹកធំ3.ធុងក្លាសសេចំណុះ200លីត្រ1.តុឈើ1.គ្រែ1.ឆត្រ័1.ស្លាកសញ្ញា1.រានទេវតា2.ម៉ូតូម៉ាកVAVE1គ្រឿង.របងថ្មកំពស់2.80មប្រវែង15ម៉ែត្រ.របងដែកកំពស់2.80មប្រវែង16ម ។ លោកបញ្ជាក់បន្ថែមទៀតថា ពាក់ពន្ធ័ជាមួយការខូចខាតទ្រព្យសម្បត្តិរបស់ពលរដ្ធគឺខាងតំណាងរថយន្តបង្កបានសូមសម្រូបសម្រួលចេញសងថ្លៃខូចខាតជូនពលរដ្ធទាំងអស់ ។
ចំណែករថយន្តរួមជាមួយតៃកុងឡានត្រូវមន្ត្រីជំនាញធ្វើការវាស់វែងនាំយកទៅកាន់អធិការដ្ធាននគរបាលស្រុកដើម្បីកសាងសំណុំរឿងចាត់ការតាមនីតិវិធី៕

Ozil ឈ្នះពាន Germany Footballer of the Year 2016

January 16, 2017កីឡាមេគង្គ ប៉ុស្តិ៍

បាល់ទាត់៖ខ្សែបម្រើប្រយុទ្ធដ៏ឆ្នើមរបស់កាំភ្លើងធំ Arsenal កីឡាករ Mesut Ozil ត្រូវបានគេបោះឆ្នោតជាប់ជាកីឡាករឆ្នើមជាងគេរបស់ អាល្លឺម៉ង់ Germany Footballer of the Year ប្រចាំឆ្នាំ២០១៦លើកទី៦។
Ozil ត្រូវបានគេស្ទាប់ស្ទង់មតិច្រើនជាង ៥៤ភាគរយនៃការបោះឆ្នោតតាមអនឡាញដើម្បីបញ្ចប់ការនាំមុខលើកីឡាករ Toni Kroos របស់ Real Madrid និងខ្សែការពាររបស់ FC Koln កិឡាករ Jonas Hector ។
ដោយអតីតអតីតសមាជិក Schalke, Weder Bremen និង Real Madrid វ័យ២៨ឆ្នាំខាងលើ ទទួលបានសំឡេងគាំទ្រ៥៤.៥ភាគរយពីចំនួនបោះឆ្នោតសរុប៣១៦,៨៥០សំឡេង ស្របពេលខ្សែបម្រើកណ្ដាល Toni Kroos របស់ Real Madrid ជាប់លេខ២ដោយទទួលបានសំឡេងឆ្នោត៣៣.៩ភាគរយ ខណៈខ្សែការពារ Jonas Hector របស់ Cologne ឈរលំដាប់ទី៣ ទទួលបានសំឡេង៤ភាគរយ។
កីឡាករសញ្ជាតិអាល្លឹម៉ង់វ័យ២៨ឆ្នាំរូបនេះ បច្ចុប្បន្ននេះនៅក្នុងកិច្ចពិភាក្សាជាមួយក្រុមកាំភ្លើងធំ Arsenal នៅលើកិច្ចព្រមព្រៀងថ្មីមួយនៅឯកីឡដ្ឋាន Emirates មិនទាន់បានត្រូវគ្នានៅឡើយទេ។
ក្រោយពីឈ្នះពានជាថ្មី Ozil បានថ្លែងប្រាប់គេហទំព័រផ្លូវការរបស់ FA អាល្លឺម៉ង់ថា:«ពិតណាស់ខ្ញុំមានការសប្បាយចិត្តខ្លាំងណាស់ដើម្បីបានទទួលពានរង្វាន់នេះ។ដូចជាការតមអាហារ និងការហ្វឹកហាត់របស់ខ្ញុំ។ វាជួយឱ្យខ្ញុំប្រមូលកម្លាំងបានលឿនក្រោយការប្រកួត និងជួយកាត់បន្ថយឱកាសរងរបួស”។
គួរបញ្ជាក់ថា Ozil បានឈ្នះពានរង្វាន់ Germany Footballer of the Year លើកទីដំបូង ២០១១, ២០១២, ២០១៣ និង២០១៥ និង លើកទី៦ បន្ទាប់ពីកីឡាករ Mesut Ozil បានយកឈ្នះលើមិត្តរួមជាតិ Toni Kroos ៕

មនុស្ស៣នាក់ស្លាប់ទាំងព្រឹកយ៉ាងអាណោចអាធ័មនៅស្រុកចិត្របុរី

January 16, 2017ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ខេត្តក្រចេះ៖គ្រោះថ្នាក់ចរាចរណ៍ដ៏រន្ធត់មួយបានកើតឡើងបណ្តាលឲ្យមនុស្ស៣នាក់បានស្លាប់បាត់បង់ជិវិតនៅនឹងកន្លែងកើតហេតុ ដែលហេតុការណ៍គ្រោះថ្នាក់នេះបានកើតឡើងកាលពីវេលម៉ោង៥ទៀបភ្លឺ ថ្ងៃទី១៦ ខែមករា ឆ្នាំ២០១៧ ស្ថិតនៅចំណុចអូបែកចានឃុំចង្ក្រង់ ស្រុកចិត្របុរី ខេត្តក្រចេះ។
ប្រភពព័ត៌មានបានឲ្យដឹងថា មុនពេលកើតហេតុគេឃើញមានរថយន្តកែច្នៃមួយគ្រឿងបានខូចចតលើចញ្ចើមផ្លូវនៅចំណុចកើតហេតុ ដោយតៃកុង និងម្ចាស់កំពុងតែដេកក្រោមឡានជួសជុល។ មួយសន្ទុះក្រោយមកស្រាប់តែមានរថយន្តកូរ៉េ២តោនកន្លះមួយគ្រឿងបានបើកមកបុកពីក្រោយយ៉ាងពេញទំហឹង បណ្ដាលឲ្យរថយន្តទាំង២រងការខូចខាតយ៉ាងខ្លាំង ចំណែកមនុស្សវិញបានស្លាប់បាត់បង់ជីវិត៣នាក់។ ក្រោយកើតហេតុសមត្ថកិច្ចបានចុះមកធ្វើការវាស់វែងនៅកន្លែងកើតហេតុ និងប្រគល់សពជូនក្រុមគ្រួសារយកទៅធ្វើបុណ្យតាមប្រពៃណី៕

Chelsea ត្រៀមទឹកប្រាក់៧៥លានផោនទិញយក Muller

January 16, 2017កីឡាមេគង្គ ប៉ុស្តិ៍

បាល់ទាត់៖គ្រូបង្វឹកក្រុមតោខៀវ Chelsea លោក Antonio Conte នឹងត្រូវបានរាយការណ៍ថា គ្រោងចំណាយប្រាក់៧៥លានផោនដេញថ្លៃនាំយកកីឡាករ Thomas Muller ពីក្រុម Bayern Munich ប្រសិនបើកីឡាករ Diego Costa ចាកចេញពី ក្លិបនៅខែនេះ។
កីឡាករវ័យ ២៨ឆ្នាំរូបនេះត្រូវគេនិយាយថា គាត់កំពុងតែមានបំណងចង់ចាកចេញពីកីឡដ្ឋាន Stamford Bridge ក្នុងអំឡុងពេលទីផ្សារដោះដូរកីឡាករនាពេលបច្ចុប្បន្នបន្ទាប់ពីក្រុម Tianjin Quanjian របស់ក្របខ័ណ្ឌកំពូលចិនបានផ្តល់ជូនជាទឹកប្រាក់សន្ធឹកសន្ធាប់ដើម្បីនាំរូបគាត់មកចូលរួមជាមួយក្លិបនៅភាគខាងកើតរបស់ចិនមួយនេះ ។
យោងតាម The Express News បានអះអាងថា Chelsea កំពុងសម្លឹងរកមើលអ្នកជំនួសដោយគ្រោងដាក់ដេញថ្លៃរហូតដល់ ៨០លានផោនទៅលើការនាំយក Muller មកភាគខាងលិចទីក្រុងឡុងដ៍វិញឲ្យទន់តែបាន ។
Muller នៅពេលបច្ចុប្បន្ននេះទម្រង់លេងរបស់គេហាក់មានការ ធ្លាក់ចុះសម្រាប់ក្លិប Bayern ក្រោយពីស៊ុតបញ្ចូលទីបានតែមួយគ្រាប់គត់ ចាប់តាំងពីការប្រកួតបើកឆាកនៅ La Liga ដែលស្ថិតនៅក្រោមការដឹកនាំរបស់អតីតគ្រូបង្វឹកក្រុមតោខៀវលោក Carlo Ancelotti ដែលឲ្យ គាត់មិនសប្បាយចិត្តនៅអនាគតរបស់គាត់ជាមួយក្លិបនេះ។
យ៉ាងណាមិញ ក្រុមបិសាចក្រហម Manchester United នៅតែត្រូវបានបង្ហាញការចាប់អារម្មណ៍នៅក្នុងការចុះហត្ថលេខាលើប្រទេសអាល្លឺម៉ង់អន្តរជាតិ, ទោះបីជាមានការប្រជែងគ្នារវាងគូប្រជែងក្របខ័ណ្ឌ Premier League ៕

ប៉ះទង្គិចគ្នាក្នុងពន្ធនាគារនៅប្រទេសប្រេសស៊ីលអ្នកស្លាប់ឡើងដល់៣០នាក់

January 16, 2017ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

ប្រេស៊ីល៖យោងតាមទីភ្នាក់ងារសារព័ត៌មាន Reuters ចេញផ្សាយនៅព្រឹកថ្ងៃចន្ទ ទី១៦ ខែមករា នេះបានឲ្យដឹងថា ចំនួនមនុស្សស្លាប់នៅក្នុងការប៉ះទង្គិចគ្នាជាថ្មីនៅពន្ធនាគារក្នុងប្រទេសប្រេស៊ីលកាលពីល្ងាចនៅថ្ងៃសៅរ៍កន្លងទៅបានកើនឡើង៣០នាក់ហើយ។
ប្រភពដដែលបានឱ្យដឹងដែរថា អំពើហិង្សាថ្មីនេះបានកើតឡើងនៅក្នុងពន្ធនាគារ Alcaçuz នៃរដ្ឋ Rio Grande do Norte ស្ថិតនៅភាគឦសាននៃប្រទេស ក៏ប៉ុន្តែរហូតដល់ព្រឹក ថ្ងៃអាទិត្យ ម្សិលមិញ ទើបក្រុមអាជ្ញាធរអាចចូលទៅក្នុងពន្ធនាគារនេះ។ អាជ្ញាធរបានបញ្ជាក់ថា អ្នកទោសភាគច្រើនដែលបានស្លាប់ សុទ្ធតែត្រូវបានគេកាត់ក្បាល នៅក្នុងការប៉ះទង្គិចគ្នានៅឯពន្ធនាគារ Alcaçuz ដែលមានអ្នកទោសប្រមាណ ជា ១១៥០នាក់ ។
គួរបញ្ជាក់ថា គិតចាប់ពីដើមឆ្នាំ២០១៧នេះ ការវាយប្រយុទ្ធគ្នារវាងក្រុមឧក្រិដ្ឋជនគ្រឿងញៀន នៅក្នុងពន្ធនាគារនៃប្រទេសប្រេស៊ីល បានសម្លាប់មនុស្ស ១១៦នាក់ ខណៈការព្រួយបារម្ភកាន់តែកើនឡើង ពាក់ព័ន្ធនឹងការគ្រប់គ្រងពន្ធនាគារជាច្រើននៅក្នុងប្រទេសស្ថិតនៅតំបន់អាមេរិកឡាទីមួយនេះ៕

ការចេញចូលតាមច្រកទ្វារប៉ោយប៉ែតលែងកកស្ទះទៀតហើយ

January 16, 2017ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ខេត្តបន្ទាយមានជ័យ៖យោងតាមសេចក្តីរាយការណ៍បានឲ្យដឹងថា ពេលនេះការចេញ-ចូលទៅប្រកបរបរលក់ដូរនៅផ្សាររុងក្លឿ ទឹកដីថៃរបស់អាជីវករ និងពលរដ្ឋខ្មែរតាមច្រកទ្វារអន្តរជាតិប៉ោយប៉ែត នៅព្រឹកថ្ងៃទី១៦ ខែមករា ឆ្នាំ២០១៧នេះ ពុំមានការកកស្ទះដូចកាលពីព្រឹកថ្ងៃទី១៣ ទេ ដោយសារគ្រប់គ្នាទទួលបានសំបុត្រចេញ-ចូលដីថៃ Free នៅមាត់ច្រកទ្វារទៅហើយ។
អាជីវករ និងពលរដ្ឋដែលត្រូវចេញ-ចូលដីថៃមិនពិបាកចំណាយប្រាក់សូម្បី១រយរៀល ដោយគ្រាន់តែដើកាត់ ហើយលូកដៃយកសំបុត្រម្នាក់មួយៗ ដើរចូលដីថៃយ៉ាងសេរីតែម្តង។ នៅព្រឹកថ្ងៃទី១៦ នេះ ភាគីថៃក៏មិនបានរារាំងជើងដំណើរដូចពេលមុននោះដែរ។ គេពុំដឹងថា ដំណើរការរលូនដូចថ្ងៃនេះ និងកើតមានរហូតឬយ៉ាងណានោះទេ ព្រោះតាមប្រភពថា ជំនួបថ្នាក់មេប៉ុស្តិ៍អន្តោប្រវេសន៍ខ្មែរ-ថៃនៅស្រុកអារញ្ញ កាលពីថ្ងៃ១៣ ភាគីថៃមិនទាន់ឆ្លើយតបសំណើរភាគីកម្ពុជា ក្នុងរឿងសំបុត្រ១០០០រៀល ឬ១០បាតនៅឡើយទេ។ ផ្ទុយទៅវិញគេប្រគល់ឲ្យនៅសំបុត្រពណ៌លឿងជាច្រើនដុំដែលបានបោះពុំរួចហើយឲ្យមកភាគីកម្ពុជា៕

អគ្គនាយករង SAMSUNG ប្រឈមនឹងការចាប់ខ្លួនរឿងពុករលួយ

January 16, 2017ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

កូរ៉េខាងត្បូង៖អគ្គនាយករងក្រុមហ៊ុន SAMSUNG លោក លី ជេយុង ដែលត្រូវជាកូនប្រុសរបស់ថៅកែក្រុមហ៊ុនយក្សកូរ៉េខាងត្បូង ត្រូវបានតុលាការស៊ើបអង្កេត ក្នុងរឿងប្រព្រឹត្តអំពើពុករលួយរបស់លោកស្រី ឆយ ស៊ុនស៊ីល។
លោក លី ជេយុង កូនប្រុសទោល និងជាអគ្គនាយករងក្រុមហ៊ុន SAMSUNG ត្រូវបានក្រុមអ្នកស៊ើបអង្កេតកោះហៅសួរដេញដោលរយៈពេល២២ម៉ោង កាលពីថ្ងៃពុធ សប្តាហ៍មុន ក្នុងនាមជាជនសង្ស័យប្រព្រឹត្តបទឧក្រិដ្ឋ ក្នុងសំណុំរឿងអាស្រូវពុករលួយរបស់លោកស្រី ឆយ ស៊ុនស៊ីល មិត្តជិតស្និទ្ធរបស់លោកស្រីប្រធានាធិបតីប៉ាក់ គុនហេ។ អ្នកស៊ើបអង្កេតកូរ៉េខាងត្បូងសង្ស័យថា អ្នកស្នងតំណែងរបស់ក្រុមហ៊ុនមួយនេះបានផ្តល់លុយប្រមាណ ១៧លានដុល្លារ ដល់មូលនិធិបង្កើតឡើងដោយលោកស្រីឆយ ស៊ុនស៊ីល ជាថ្នូរនឹងការប្រើឥទ្ធិពលរបស់ប្រធានាធិបតី ទៅលើការច្របាច់ចូលគ្នាដោយជោគជ័យ នៃក្រុមហ៊ុន SAMSUNG និងក្រុមហ៊ុនឧស្សាហកម្ម Cheil។
គួរបញ្ជាក់ថា ក្រុមស៊ើបអង្កេតពិសេសកូរ៉េខាងត្បូងត្រូវប្រកាសការសម្រេចចិត្តរបស់ខ្លួន នៅថ្ងៃអាទិត្យ ប៉ុន្តែត្រូវបានលើកមកធ្វើនៅថ្ងៃចន្ទនេះវិញដោយយោងទៅលើស្ថានទម្ងន់ និងភាពស្មុគស្មាញនៃសំណុំរឿង៕

យុទ្ធនាការប្រយុទ្ធប្រឆាំងគ្រឿងញៀនរយៈពេល១៥ថ្ងៃ៖បង្ក្រាប៥០៦ករណី ឃាត់ខ្លួនមនុស្ស១៣០៧នាក់

January 16, 2017ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

រាជធានីភ្នំពេញ៖សម្រាប់យុទ្ធនាការប្រយុទ្ធប្រឆាំងគ្រឿងញៀនខុសច្បាប់ទូទាំងប្រទេសក្នុងរយៈពេល១៥ថ្ងៃ គឺចាប់ថ្ងៃទី១ដល់១៥ ខែមករា ឆ្នាំ២០១៧ កម្លាំងសមត្ថកិច្ចបានបង្ក្រាប ចំនួន ៥០៦ករណី ឃាត់ខ្លួនជនសង្ស័យចំនួន១,៣០៧នាក់។
គួរបញ្ជាក់ថា ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានដាក់ចេញផែនការ ស្តីពីយុទ្ធនាការប្រយុទ្ធប្រឆាំង គ្រឿងញៀនខុសច្បាប់លើកទី១ រយៈពេល៦ខែ (ចាប់ពីថ្ងៃទី០១ ខែមករា ដល់ថ្ងៃទី៣០ ខែមិថុនា ឆ្នាំ២០១៧) ដើម្បីប្រយុទ្ធប្រឆាំងគ្រឿងញៀននៅកម្ពុជា ឲ្យកាន់តែខ្លាំងក្លា និងទទួលបានលទ្ធផលល្អឡើងថែមទៀត៕

អ្នកស្លាប់ដោយសារទឹកជំនន់នៅភាគខាងត្បូងថៃឡើងដល់៤០នាក់

January 16, 2017ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

បាងកក៖មន្ត្រីគ្រោះមហន្តរាយថៃបាននិយាយកាលពីម្សិលមិញថា ទឹកជំនន់ទឹកភ្លៀងខុសរដូវនៅភាគខាងត្បូងប្រទេសបានសម្លាប់មនុស្សកើនឡើងដល់៤០នាក់ហើយ ខណៈដែលទឹកភ្លៀងត្រូវបានគេព្យាករថា នឹងបន្តធ្លាក់ថែមទៀតនៅប៉ុន្មានថ្ងៃខាងមុខនេះ នៅតំបន់ផលិតកៅស៊ូ និងទេសចរណ៍របស់ប្រទេសថៃ។ នេះដោយយោងតាមការចុះផ្សាយរបស់ទីភ្នាក់ងារព័ត៌មាន Reuters។
ប្រធាននាយកដ្ឋានបង្ការ និងកាត់បន្ថយគ្រោះមហន្តរាយ លោក ឆាតឆៃ ព្រហ្មឡឺត បានប្រាប់ Reuters ថា ភ្លៀងធ្លាក់ជោកជាំនៅដើមរដូវប្រាំងនេះ បានបង្កជាទឹកជំនន់នៅទូទាំងភាគខាងត្បូងប្រទេសថៃ ដោយបានកាត់ផ្ដាច់ផ្លូវថ្នល់ និងខ្សែរថភ្លើង គំរាមកំហែងដល់ផលដំណាំ និងប៉ះពាល់ដល់មនុស្សប្រហែល ១.៦លាននាក់។ លោកបន្តថា ស្ថានភាពអាក្រក់មិនទាន់ចប់នៅឡើយទេ ហើយគេដឹងថា នឹងមានភ្លៀងធ្លាក់បន្ថែមទៀតនៅសប្ដាហ៍នេះ ខណៈដែលកិច្ចការបោសសម្អាតកំពុងដំណើរការនៅតាមកន្លែងខ្លះ ដែលទឹកបានថមថយទៅវិញ។
គួរបញ្ជាក់ថា ជាទូទៅរដូវវស្សានៅថៃចាប់ផ្ដើមពីខែមិថុនា ដល់ខែវិច្ឆិកា។ ប៉ុន្តែ ទឹកជំនន់ចាប់ពីថ្ងៃទី១ ខែមករានេះ បានកើតឡើងបន្ទាប់ពីមានភ្លៀងធ្លាក់ខុសរដូវ៕