បាល់ទាត់៖កីឡាករ Serge Aurier ខ្សែការពាររបស់ក្លឹប Paris Saint Germain ត្រូវបានតុលាការផ្តន្ទាទោសឲ្យជាប់ពន្ធនាគាររយៈពេល២ឆ្នាំ ពីបទបង្កហិង្សាលើមន្ត្រីប៉ូលិស។
ខ្សែការពារសញ្ជាតិកូតឌីវ័រវ័យ២៣ឆ្នាំរូបនេះ បានតុលាការចោទប្រកាន់ពីបទ វាយទៅលើជនរងគ្រោះមួយកែង ខណៈពេលខ្លួនចេញពីកន្លែងស៊ីផឹកមួយនៅទីក្រុងប៉ារីសកាលពីខែឧសភា ប៉ុន្តែកីឡាកររូបនេះមានសិទ្ធិប្តឹងឧទ្ធរណ៍។ Serge Aurier មិនបានឆ្លើយទទួលកំហុសចំពោះការចោទប្រកាន់នេះទេ ហើយកីឡាកររូបនេះគួរតែអាចលេងបានក្នុងជំនួបរវាងក្រុម PSG និងក្រុម Ludogorets ក្នុងក្របខណ្ឌ CL នៅថ្ងៃពុធនេះ។
មេធាវី របស់ខ្សែការពារ Serge Aurier លោក Claire Boutard de la Combe បាននិយាយថា “យើងនឹងឡើងឧទ្ធរណ៍។ គាត់គ្មានកំហុសទេតុលាការគួរតែទម្លាក់បទចោទនេះ”។ Serge Aurier ត្រូវបានពិន័យ៥២១ផោននិងបង់ប្រាក់សម្រាប់ក្តី១.៣០០ផោនផងដែរ៕
ដោយ៖ប៉ែន សុផល
បាត់ដំបង៖យោងតាមរបាយការណ៍របស់លោក ប៉ាង ហៀង អធិការក្រុងបាត់ដំបងបានអោយដឹងថា ហេតុការណ៍ឆក់ខ្សែភ្លើងនេះបណ្តាលមកពីជនរងគ្រោះតខ្សែភ្លើងប្រើប្រាស់នៅក្នុងផ្ទះរបស់ខ្លួនខុសលក្ខណះបច្ចេកទេសដោយមិនបានបិទបារ៉ែតភ្លើងជាមុនទាំងខ្លួនមិនមែនជាអ្នកជំនាញ ជាហេតុបណ្តាលអោយឆក់យ៉ាងដំណំ រួចរត់ទៅវាលស្រែក្រោយផ្ទះកាយភក់កប់ខ្លួនឯងដើម្បីសម្រួលការសង្គ្រោះបឋមសម្រាលការប៉ះពាល់ហើយបន្ទាប់ពីមានការភ្ញាក់ផ្អើលឆោរឡោឡើងអ្នកស្រុកបាននាំគ្នាបញ្ជូនទៅកាន់មន្ទីរពេទ្យបង្អែកខេត្តដើម្បីសង្គ្រោះបន្ទាន់ជាលើកទី២។
ជនរងគ្រោះមានឈ្មោះ វេង ស្រស់ភេទប្រុស អាយុ២៥ឆ្នាំ នៅក្រុមទី៣៣ក្នុង
ភូមិអូរចារ សង្កាត់អូរចារ ក្រុងនិងខេត្តបាត់ដំប។
លោកអធិការក្រុងបន្តរថា មកដល់ពេលនេះជនរងគ្រោះក្រោយការសង្គ្រោះបន្ទាន់តាមបែបបូរាណដោយខ្លួនឯងពិសេសការសង្គ្រោះពីក្រុមគ្រួពេទ្យបានធូរស្រាលនិងរួចផុតពីសេចក្តីស្លាប់ហើយ៕
ខេត្តកំពង់ធំ៖បុរសម្នាក់បានស្លាប់ភ្លាមៗនៅនឹងកន្លែង ខណៈដែល២នាក់ផ្សេងទៀតរងរបួសធ្ងន់ ដោយសាររថយន្តហ៊ីយ៉ាន់ដាយមួយគ្រឿងក្រឡាប់ចូលក្នុងទឹកស្រះ គ្រាអ្នកបើកបរងុកមួយភាំង។ ហេតុការណ៍នេះកើតឡើងម៉ោង០២ និង៥៥នាទីរសៀលថ្ងៃទី២៦ ខែកញ្ញា ឆ្នាំ២០១៦ លើកំណាត់ផ្លូវជាតិលេខ៦ ត្រង់ចំនុចភូមិស៊ីវត្ថា ឃុំប្រាសាទ ស្រុកសន្ទុក ខេត្តកំពង់។
មន្ដ្រីនគរបាល មូលដ្ឋានបានឲ្យដឹងថា រថយន្ដដែលក្រឡាប់ ម៉ាក់ហ៊ីយ៉ាន់ដាយ ពណ៌ស លាយខៀវ ពាក់ផ្លាកលេខសៀមរាប 3A-1837 បើកបរក្នុងទិសដៅពីត្បូង ទៅជើង លុះមកដល់កន្លែងកើតហេតុ អ្នកបើកបរងងុយដេក ស្រាប់តែបណ្ដាលឲ្យរថយន្ដធ្លាក់ផ្លូវក្រឡាប់ ចូលស្រះទឹក ថ្ងាជើងឡើងលើ បត់ក្បាលទៅក្រោយវិញ ហើយរថយន្ដសង្កត់បុរសម្នាក់ឈ្លក់ទឹកស្លាប់ភ្លាមៗ និង២នាក់ទៀតរបួសធ្ងន់ បញ្ជូនយកទៅសង្គ្រោះនៅមន្ទីពេទ្យ រីឯអ្នកបើកបរឃើញរត់គេចខ្លួនបាត់ស្រមោល។
នគរបាលដដែលបន្ដថា ជនរងគ្រោះដែលស្លាប់ឈ្មោះ តឹង តន់ អាយុ២៤ឆ្នាំ រស់នៅភូមិព្រៃស្រមោច ឃុំកំពង់ឃ្លាំង ស្រុកសូនីគម ខេត្តសៀមរាប ចំណែកជនរងគ្រោះរបួសធ្ងន់ ទី១-ឈ្មោៈ ខឿន ខៃ អាយុ២៦ឆ្នាំ ទី២-ឈ្មោៈ ហេង ស៊ីម អាយុ២៥ឆ្នាំ។
ក្រោយពេលកើតហេតុ សពត្រូវបានសមត្ថកិច្ចទាក់ទងទៅក្រុមគ្រួសារ ដើម្បីយកទៅធ្វើបុណ្យតាមប្រពៃណី រីឯជនរងគ្រោះត្រូវបានបញ្ជូន ទៅសង្គ្រោះនៅមន្ទីរពេទ្យបង្អែកសន្ទុក ចំណែករថយន្តត្រូវយកមករក្សាទុក នៅអធិការដ្ឋាននគរបាលស្រុកសន្ទុក៕
រាជធានីភ្នំពេញ៖គិតត្រឹមម៉ោង ៦ល្ងាចថ្ងៃទី២៦ ខែកញ្ញា ឆ្នាំ២០១៦ ម្សិលមិញនេះ មានប្រជាពលរដ្ឋខ្មែរចំនួន ៣,៥៤៦,២៨៧នាក់ហើយ បានទៅចុះឈ្មោះបោះឆ្នោត។ នេះបើតាមសេចក្តីប្រកាសព័ត៌មានគណៈកម្មាធិការជាតិរៀបចំការបោះឆ្នោត។
គួរបញ្ជាក់ថា ប្រជាពលរដ្ឋដែលមានអាយុ១៨ឆ្នាំឡើង ហើយមានសិទ្ធិចុះឈ្មោះបោះឆ្នោតមានចំនួនជាង៩.៦លាននាក់៕
ដោយ៖ប៉ែន សុផល
បាត់ដំបង៖ជនរងគ្រោះស្លាប់ជាម្ចាស់ម៉ូតូមានឈ្មោះឈឹម កំសត់ ភេទប្រុស អាយុ២៧ឆ្នាំ រស់នៅភូមិព្រៃលាវ ឃុំបន្សាយត្រែង ស្រុកថ្មគោល ខេត្តបាត់ដំបង។
មុនពេលកើតហេតុវេលាម៉ោង៤ និង៤០នាទី ថ្ងៃទី២៦ ខែកញ្ញា ឆ្នាំ២០១៦បានធ្វើដំណើរក្នុងទិសដៅពីលិចទៅកើត ដល់កន្លែងកើតហេតុចំនុចទួលតាកយក្នុងសភាពមេឃកំពុងភ្លៀងខ្លាំង ស្របពេលដែលរថយន្តបង្ករបានបោះពួយក្នុងល្បឿនយ៉ាងលឿនបានជ្រុលបង្កូតទៅបុកម៉ូតូពេញទំហឹងបណ្តាលអោយប៉ើងមនុស្សស្លាប់ម្នាក់ភ្លាមៗនៅនឹងកន្លែងតែម្តង។
ប្រជាពលរដ្ឋឃើញហេតុការណ៍បានបញ្ជាក់ថា ចំនុចកើតខាងលើមានសភាពកោងខ្លាំងស្របគ្នានិងមេឃធ្លាក់ភ្លៀងខ្លាំងផងបូកនិងល្បឿនរថយន្តបើកបរក្នុងទិសដៅផ្ទុយគ្នាលឿនទៀតបណ្តាលជ្រុលចង្កូចទៅបុកម៉ូតូពេញទំហឹងតែម្តងនៅលើកំណាត់ផ្លូវជាតិលេខ៥ក្នុងភូមិព្រៃលាវ ឃុំបន្សាយត្រែង ស្រុកថ្មគោល ខេត្តបាត់ដំបង ។
រថយន្តបង្ករម៉ាកហាយឡេនដ័រ ពណ៌ខ្មៅ ពាក់ស្លាកលេខភ្នំពេញ២M-១៨៨១ ក្រោយពេលកើតហេតុអ្នកបើកបរបានរត់គេចបាត់ស្រមោលតែម្តង៕
រាជធានីភ្នំពេញ៖ចាប់ពីថ្ងៃទី២៧ ខែកញ្ញា ដល់ថ្ងៃទី៣ ខែតុលា ឆ្នាំ២០១៦ ខ្យល់មូសុងនិរតី បានបង្កើនឥទ្ធិពលមកលើប្រទេសកម្ពុជាកាន់តែខ្លាំង ដែលធ្វើភ្លៀងនៅតែបន្តធ្លាក់រាយប៉ាយពីបង្គួរទៅច្រើន និងអាចធ្វើឲ្យផ្នែកខ្លះនៃខេត្តកណ្តាល តាកែវ កំពត កំពង់ស្ពឺ កំពង់ឆ្នាំង ពោធិ៍សាត់ ប្រឈមនឹងជំនន់ទឹកភ្លៀង។ នេះបើយោងតាមព្យាករណ៍អាកាសធាតុរបស់ក្រសួងធនធានទឹក និងឧតុនិយម៕
ខេត្តក្រចេះ៖ស្ត្រីមានផ្ទៃពោះជាង៧ខែម្នាក់ត្រូវរន្ទះបាញ់ស្លាប់ភ្លាមៗនៅនឹងកន្លែង ដែលហេតុការណ៍គ្រោះថ្នាក់នេះបានកើតឡើងកាលពីវេលាម៉ោង០៣ និង១៥នាទីរសៀលថ្ងៃទី២៦ ខែកញ្ញា ឆ្នាំ២០១៦ នៅត្រង់ចំណុចដីសម្បទានសង្គមកិច្ច ក្នុងភូមិស្វាយជ្រុំ ឃុំថ្មី ស្រុកចិត្របូរី ខេត្តក្រចេះ។
យោងតាមការឲ្យដឹងពីមេប៉ុស្តិ៍ខេត្តថា ស្ត្រីរងគ្រោះមានឈ្មោះ លន ធាង ភេទស្រី អាយុ៣៣ឆ្នាំ មានផ្ទៃពោះ៧ខែ១០ថ្ងៃ មានកូន៣នាក់ ស្រី២នាក់ ប្រុសម្នាក់ រស់នៅទីតាំងកើតហេតុ ហើយស្ត្រីរងគ្រោះបានស្លាប់ភ្លាមៗ ដោយសាររន្ទះបាញ់ ដោយសង្ស័យថាបណ្តាលមកពីស្រូបអង់តែនទូរទស្សន៍ជិតនោះ៕
ភ្នំពេញ៖បុរសអ្នកលក់ចេកជៀនម្នាក់បានលង់ទឹកស្លាប់ចោលប្រពន្ធនិងកូន៣នាក់អោយទ្រហោយំទ្រហឹងសពបុរសកំសត់ខាងលើនេះត្រូវបានអ្នកច្រូតស្មៅគោប្រទះឃើញនៅវេលាម៉ោង៤ និង៨នាទីល្ងាចថ្ងៃទី២៦ ខែកញ្ញា ឆ្នាំ២០១៦ នៅចំណុចវាលស្រែភូមិចំការត្បែងសង្កាត់សំរោងក្រោមខណ្ឌពោធិ៍សែនជ័យ។
សមត្ថកិច្ចបានឱ្យដឹងថាសពជនរងគ្រោះឈ្មោះ ចយ នូ អាយុ៤១ឆ្នាំមុខរបរលក់ចេកជៀននៅផ្សារថ្នល់ទទឹងរស់នៅភូមិចំការត្បែងសង្កាត់សំរោងក្រោមខណ្ឌពោធិ៍សែនជ័យមានកូន៣នាក់ប្រុស១ស្រី២និងប្រពន្ធឈ្មោះសំ មឿនអាយុ៣៧ឆ្នាំ។
បើតាមប្រពន្ធសពជនរងគ្រោះបានឱ្យដឹង ពួកគាត់បានចាកចេញពីស្រុកកំណើតទៅរកស៊ីលក់នំចេកជៀននៅផ្សារថ្នល់ទទឹងនិងបានមកលេងស្រុកវិញក្នុងឱកាសបុណ្យភ្ជុំបិណ្ឌដោយយកលុយនិងសំភារៈដើម្បីជូនម្តាយឪពុកលុះមកដល់ម៉ោង១២យប់រំលងអធ្រាតជនរងគ្រោះក្រោកដើរចុះពីលើផ្ទះដោយមិនដឹងថាគាត់ទៅណានោះទេបាត់ឈឹងផ្អើលអ្នកផ្ទះនាំគ្នាតាមរកតែរកមិនឃើញលុះមកដល់ម៉ោងកើតហេតុមានអ្នកច្រូតម្នាក់ទៅច្រូតស្មៅក៏ប្រទះឃើញសពបុរសខាងលង់ទឹកនៅក្នុងគុម្ពស្មៅកណ្តាលវាលតែស្រែបង្កការភ្ញាក់ផ្អើលប្រពន្ធកូនស្រែទ្រហ៊ោយំទ្រហឹង។
បច្ចុបន្នសពបុរសខាងលើត្រូវបានបងប្អូនដឹកយកមកវត្តដើម្បីធ្វើបុណ្យតាមប្រពៃណី៕
ខេត្តកោះកុង៖កម្លាំងអធិការស្រុកមណ្ឌលសីមាសហការជាមួយកម្លាំងការិយាល័យប្រឆាំងគ្រឿងញៀន នៃស្នងការនគរបាលខេត្តបានឃាត់អតីតមន្ត្រីនគរបាលខេត្តកោះកុងទើបចូលនិវត្តន៍ម្នាក់ និងប្រពន្ធ ដែលជាមេខ្លោងចែកចាយគ្រឿញៀន យ៉ាងសកម្មក្នុងខេត្តកោះកុង។
ស្នងការរងនគរបាលខេត្តកោះកុង និងជាប្រធានការិយាល័យកណ្តាលប្រឆាំងបទល្មើសលោក យឹម ផេង បានឲ្យដឹងថា ប្រតិបត្តិការបង្ក្រាបនេះធ្វើឡើងនៅថ្ងៃទី២៥ ខែកញ្ញា ឆ្នាំ២០១៦ ស្ថិតនៅភូមិនាងកុក ឃុំប៉ាក់ខ្លង ស្រុកមណ្ឌលសីមា ខេត្តកោះកុង។ លោកស្នងការរងបន្តថា ក្នុងប្រតិបត្តិការនេះកម្លាំងបានរឹបអូសបានថ្នាំមេតាំហ្វេតាមីន៥២០គ្រាប់ និងម៉ាទឹកកកមួយចំនួនធំ។ លោកបញ្ជាក់ថា ជនសង្ស័យ២នាក់ប្តីប្រពន្ធនេះ ប្ដីឈ្មោះ ស៊ុយ ឡូញ អាយុ៥០ឆ្នាំ ប្រពន្ធឈ្មោះ សៅ ថុនា អាយុ៤៦ឆ្នាំ ក្នុងនោះមន្ដ្រីជំនាញបានធ្វើការឆែកឆេរទីតាំង២ផ្សេងគ្នា ក្រោយមកសមត្ថកិច្ចរឹបអូសបាន ថ្នាំញៀនប្រភេទថ្នាំមេតំហ្វេតាមីន(យ៉ាម៉ា) ៥២០គ្រាប់ និងម៉ាទឹកកក៦កញ្ចប់ធំ ព្រមទាំង៨១,៧៥ក្រាម បន្ថែមទៀត។
ក្រោយពីធ្វើការឃាត់ខ្លួន ជនសង្ស័យទាំង២ ត្រូវបានកម្លាំងជំនាញ នាំខ្លួនទៅសាកសួរដើម្បីចាត់ការតាមនីតិវិធី៕
ដោយ៖ប៉ែន សុផល
បាត់ដំបង៖ចោរអស់លក្ខណ៍ម្នាក់បានចូលកាត់ទំលុះជញ្ជាំងផ្ទះពលរដ្ឋរស់នៅស្រុកមោងឫស្សី តែសំណាងមិនល្អ ត្រូវបានម្ចាស់ភ្ញាក់ទាន់ ដេញចាប់ជនសង្ស័យបានប្រគល់ឲ្យសមត្ថកិច្ច នគរបាល ។
លោកវរសេនីយ៍ទោ គិត ហ៊ាង អធិការនគរបាលស្រុកមោងឫស្សី បានឲ្យដឹងថា ករណីកាត់ទំលុះជញ្ជាំងផ្ទះប្រជាពលរដ្ឋនេះ កើតឡើងនៅថ្ងៃទី២៦ ខែកញ្ញា ឆ្នាំ២០១៦ វេលាម៉ោង២និង៣០នាទី នៅភូមិព្រៃដំរី ឃុំព្រតូច ស្រុកមោងឫស្សី ជនសង្ស័យឈ្មោះ គីន តែ ភេទប្រុស អាយុ ៣៣ឆ្នាំ ទីលំនៅមិនពីតប្រាកដ បានចូលកាត់ទំលុះជញ្ជាំងផ្ទះពលរដ្ឋឈ្មោះ វ៉ាន់ សាវឿយ ភេទប្រុស អាយុ ៣៥ឆ្នាំ រស់នៅភូមិ.ឃុំកើតហេតុខាងលើ។
ក្រោយធ្វើការឃាត់ខ្លួន សមត្ថកិច្ចបានដកហូត ម៉ូតូ ១គ្រឿង ធុន C១២៥ និងឧបករណ៍កាច់សោរម៉ូតូជាប់ជាមួយ។ ករណីនេះ សមត្ថកិច្ចជំនាញនៃអធិការនគរបាលស្រុកមោងឫស្សី កំពុងកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការតាមនីតិវិធីច្បាប់៕
ក្រុងអាឡេប៉ូ៖ចក្រភពអង់គ្លេស បារាំង និងសហរដ្ឋអាមេរិកបានបន្ទោសដាក់រុស្ស៊ីកាលពីថ្ងៃអាទិត្យចំពោះការសម្លាប់រង្គាលនៅស៊ីរីកាន់តែអាក្រក់ ខណៈយន្តហោះចម្បាំងស៊ីរី និងរុស្ស៊ីបានវាយប្រហារទីក្រុងអាឡេប៉ូនៅក្នុងការវាយឆ្មក់ទម្លាក់គ្រាប់បែកធ្ងន់ធ្ងរបំផុតមួយនៃសង្គ្រាមប្រាំឆ្នាំមួយនេះ។
ឯកអគ្គរដ្ឋទូតអាមេរិកលោកស្រី Samantha Power បានចោទប្រកាន់រុស្ស៊ីចំពោះ “ភាពព្រៃផ្សៃ” ក្នុងអំឡុងពេលកិច្ចប្រជុំបន្ទាន់នៃក្រុមប្រឹក្សាសន្តិសុខដែលបានទាមទារឲ្យរដ្ឋាភិបាលក្រុងមូស្គូទប់ស្កាត់សម្ព័ន្ធមិត្តរបស់ខ្លួនគឺលោកប្រធានាធិបតីស៊ីរី Bashar Al-Assad និងបញ្ឈប់ការវាយប្រហារអាកាសដែលកាន់តែមានសភាពធ្ងន់ធ្ងរ។
លោកស្រី Power បាននិយាយថា “ជំនួសឲ្យការស្វែងរកសន្តិភាព រុស្ស៊ីនិងលោក Assad បាន បង្កើតសង្គ្រាម។ អ្វីដែលប្រទេសរុស្ស៊ីកំពុងគាំទ្រនិងធ្វើគឺមិនមែនជាការប្រឆាំងភេរវកម្មទេ។ វាជាអំពើព្រៃផ្សៃ”។
ក្រុមអ្នកសង្កេតការណ៍សិទ្ធិមនុស្សស៊ីរីបាននិយាយថា មនុស្សយ៉ាងហោចណាស់១២៤នាក់ ដែលភាគច្រើនជាជនស៊ីវិលត្រូវបានសម្លាប់ក្នុងការទម្លាក់គ្រាប់បែកលើភាគខាងកើតទីក្រុងអាឡេប៉ូដែលជាកន្លែងពួកឧទ្ទាមកាន់កាប់ចាប់តាំងពីកងទ័ពប្រកាសពីប្រតិបត្តិការមួយកាលពីថ្ងៃព្រហស្បតិ៍ដើម្បីចាប់យកតំបន់នេះមកវិញ។
ប្រទេសអង់គ្លេស បារាំងនិងសហរដ្ឋអាមេរិកបានអំពាវនាវឲ្យមានកិច្ចពិភាក្សាជាបន្ទាន់បន្ទាប់ពីកិច្ចខិតខំប្រឹងប្រែងការទូតដើម្បីស្តារឡើងវិញនៃកិច្ចព្រមព្រៀងបទឈប់បាញ់អាមេរិក-រុស្ស៊ី បានបរាជ័យកាលពីចុងសប្តាហ៍។
អគ្គលេខាធិការអង្គការសហប្រជាជាតិលោក Ban Ki-moon បានព្រមានថា ការកើនឡើងនៃការប្រើប្រាស់អាវុធកម្រិតខ្ពស់ប្រឆាំងនឹងជនស៊ីវិលអាចបង្កទៅជាបទឧក្រិដ្ឋកម្មសង្គ្រាម។ ទន្ទឹមនោះលោកបានអំពាវនាវឲ្យមហាអំណាចពិភពលោកត្រូវប្រឹងប្រែងធ្វើការដើម្បីបញ្ចប់សុបិន្តអាក្រក់នៅក្នុងប្រទេសស៊ីរីដែលបានបណ្តាលឲ្យមនុស្សជាង៣០០,០០០នាក់ស្លាប់ និងជំរុញឲ្យមនុស្សរាប់លាននាក់ទៀតចាកចេញពីផ្ទះរបស់ពួកគេ៕
ម៉ិចស៊ិក៖អ្នករៀបចំបាននិយាយកាលពីថ្ងៃអាទិត្យថា ក្រុមសិទ្ធិមនុស្សមួយកំពុងជំរុញឲ្យពលរដ្ឋអាមេរិកជិតមួយលាននាក់ដែលរស់នៅក្នុងប្រទេសម៉ិចស៊ិកដើម្បីបោះឆ្នោតក្នុងក្តីសង្ឃឹមរារាំងបេក្ខជនគណបក្សសាធារណរដ្ឋលោក Donald Trump ពីការឈ្នះតំណែងសេតវិមាន។
លោក Joseph Huff-Hannon មេដឹកនាំយុទ្ធនាការមួយនៅ Avaaz ដែលជាអង្គការសកម្មជនមួយសម្រាប់បញ្ហានយោបាយ បរិស្ថាននិងសិទ្ធិបាននិយាយថា “យើងកំពុងបបួលពលរដ្ឋអាមេរិកជិតប្រាំបីលាននាក់ដែលរស់នៅបរទេសដោយក្នុងនោះមានជិតមួយលាននាក់ក្នុងប្រទេសម៉ិចស៊ិកហើយយើងចង់ឲ្យពួកគេបោះឆ្នោតដើម្បីបញ្ឈប់លោក Trump”។
មនុស្សប្រមាណ២០០នាក់បានប្រមូលផ្តុំគ្នាដើម្បីចុះឈ្មោះបោះឆ្នោតនៅជិតនឹងបដាដែលបង្ហាញពីរូបថ្លុកប្រឆាំងលោក Trump ដែលមានរយៈពេលមួយថ្ងៃមុនពេលការជជែកពិភាក្សាគ្នាជាលើកដំបូងរវាង Trump និងគូប្រជែងរបស់លោកនៅខាងគណបក្សប្រជាធិបតេយ្យគឺលោកស្រី Hillary Clinton៕
ខេត្តពោធិ៍សាត៖បុរសវ័យ៦៦ឆ្នាំម្នាក់បានលង់ទឹកស្លាប់យ៉ាងអាណោចអាធ័ម ខណៈដែលចុះទៅដោះត្រី ហើយត្រូវបានជាប់មងដែលដាក់រួច ដែលហេតុការណ៍នេះកើតឡើងនៅថ្ងៃទី២៥ ខែកញ្ញា ឆ្នាំ២០១៦ នៅចំណុចអូរឈើទាលរូង ស្ថិតក្នុងភូមិព្រៃឱម៉ាល់ សង្កាត់រលាប ក្រុងពោធិ៍សាត់ ខេត្តពោធិ៍សាត់។
អធិការនគរបាលក្រុងពោធិ៍សាត់ លោក ឈន រិទ្ធិ បានឲ្យដឹងថា ជនរងគ្រោះដែលលង់ទឹកស្លាប់នោះ មានឈ្មោះ ទ្រិញ ទន ភេទប្រុស អាយុ៦៦ឆ្នាំ មុខរបរធ្វើស្រែ បច្ចុប្បន្នរស់នៅភូមិសង្កាត់កើតហេតុខាងលើ។ លោកអធិការបានបន្តថា មុនពេលកើតហេតុ ជនរងគ្រោះបានចុះទៅមើលត្រី នៅចំណុចកើតហេតុខាងលើ ពេលចុះទៅមិនដឹងជាមូលហេតុអ្វី បានជាជាប់មងដែលកំពុងតែដាក់ត្រីនោះ ទាក់ជាមួយមង លង់ទឹកដាច់ខ្យល់ស្លាប់តែម្តង។
ក្រោយពេលកើតហេតុ កម្លាំងរបស់យើងបានចុះស្រាវជ្រាវជុំវិញទីតាំងកន្លែងកើតហេតុ ឃើញថា ជនរងគ្រោះ ពិតជាវ័នមង លង់ទឹកស្លាប់ខ្លួងឯងពិតប្រាកដមែន។ បច្ចុប្បន្នកម្លាំងរបស់យើងបានប្រគល់សាកសពឲ្យក្រុមគ្រួសារ យកទៅចាត់ចែងធ្វើបុណ្យតាមប្រពៃណី៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
