រាជធានីភ្នំពេញ ៖អ្នកទោសម្នាក់ ឈ្មោះ សោម ឯក បានរត់គេចខ្លួនបាត់ បន្ទាប់ពីមន្ត្រីអនុរក្សពន្ធនាគារយករូប លោកទៅពិនិត្យជំងឺនៅមន្ទីរពេទ្យរុស្ស៊ី ។ នេះបើយោងតាមការផ្តល់ព័ត៌មាន ដោយលោកនាយឧត្តមសេនីយ៍ ចាន់ គឹមសេង អគ្គនាយកដ្ឋានពន្ធនាគារ ដែលត្រូវសារព័ត៌មានយកមកចុះផ្សាយនៅព្រឹកនេះ ។
ខេត្តកណ្តាល ៖លោក វិត ធារិទ្ធ ប្រធានរដ្ឋបាលជលផលខេត្តកណ្តាល ត្រូវបានតុលាការកោះហៅឲ្យចូលខ្លួនទៅបំភ្លឺនៅថ្ងៃទី១៨ ខែតុលា ឆ្នាំ២០១៦ ពាក់ព័ន្ធករណីសំណុំរឿងរំលោភលើសេចក្តីទុកចិត្ត ដែលប្រព្រឹត្តនៅក្នុងភូមិព្រែកខ្សេវ ឃុំរការខ្ពស់ ស្រុកស្អាង ខេត្តកណ្តាល។
បាល់ទាត់ ៖យោងតាមសេចក្តីរាយការណ៍ពីក្រុមហង្សក្រហម Liverpool បានឲ្យដឹងថា ក្រុមអាចនឹងផ្តល់កិច្ចសន្យាថ្មីដល់ខ្សែបម្រើសញ្ជាតិប្រេស៊ីលគឺកីឡាករ Philippe Coutinho បន្ទាប់មានក្រុមមួយចំនួនកំពុងតែចាប់អារម្មណ៍ទម្រង់លេងរបស់គេនោះ។
អាមេរិក ៖លោក ដូ ណាល់ត្រាំ បេក្ខជនប្រធានាធិបតី សហរដ្ឋអាមេរិក នៃគណបក្សសាធារណរដ្ឋ បានប្រកាសថា លោកសន្យាថានឹងចាប់លោកស្រី ហ៊ីលឡារី គ្លីនតុន ដាក់ពន្ធនាគារ បើសិនលោកជាប់ឆ្នោតជា ប្រធានាធិបតីអាមេរិក ។ លោកបញ្ជាក់ថា ការចាប់ខ្លួនលោកស្រី ហ៊ីលឡារីគ្លីនតុន នោះដោយសារតែលោកស្រី បានប្រើប្រាស់ Email ឯកជនរបស់ខ្លួន នៅអំឡុងពេលកាន់ដំណែង ជារដ្ឋមន្ត្រីក្រសួងការបរទេស។ នេះបើតាមការចុះផ្សាយដោយ Channel News Asia នៅព្រឹកថ្ងៃចន្ទ ទី១០ ខែតុលា ឆ្នាំ២០១៦។
រាជធានីភ្នំពេញ ៖គិតត្រឹមម៉ោង៦ល្ងាច ថ្ងៃទី០៩ ខែតុលា ឆ្នាំ២០១៦ មានប្រជាពលរដ្ឋខ្មែរចំនួន៥,០៤៧,៥៥៧នាក់ហើយ បានទៅចុះឈ្មោះបោះឆ្នោត។ នេះបើតាមសេចក្តី ប្រកាសព័ត៌មានរបស់ គ.ជ.ប ដែលបានផ្សព្វផ្សាយនៅថ្ងៃនេះ៕
ខេត្តរតនគិរី ៖កម្លាំងចម្រុះស្រុកលំផាត់បានឃាត់រថយន្តដឹកឈើប្រណីតមួយគ្រឿងកាលពីយប់ថ្ងៃទី៩ ខែតុលា ឆ្នាំ២០១៦នៅត្រង់ចំណុចគល់ស្ពានស្រែកពក ស្ថិតនៅភូមិដីឡូត៏ ឃុំជ័យឧត្តមស្រុកលំផាត់ ខេត្តរតនគិរី។
ហៃទី ៖យោងតាមតួលេខបូកសរុបរបស់អាជ្ញាធរប្រចាំតំបន់បានបង្ហាញឲ្យឃើញថា មនុស្សចំនួន ១,០០០នាក់ ត្រូវបានសម្លាប់ដោយសារខ្យល់ព្យុះ Matthew នៅហៃទី ដែលជាប្រទេសដែលក្រីក្រជាងគេ នៅក្នុងទ្វីបអាមេរិកគិតត្រឹមព្រឹកថ្ងៃចន្ទនេះ។ នេះបើយោងតាមសារព័ត៌មាន Channel News Asia ផ្សាយនាព្រឹកនេះ។
ខេត្តបន្ទាយមានជ័យ ៖យុវជនម្នាក់ដែលជាជនជាតិខ្មែរ រស់នៅខេត្តបន្ទាយមានជ័យ ត្រូវបានក្រុមតម្រួតថៃធ្វើការចាប់ខ្លួន នៅក្នុងទឹកដីថៃ ខណៈកំពុងធ្វើសកម្មភាពដឹកនាំគ្រឿងញៀនរាប់ម៉ឺនគ្រាប់ ឆ្លងដែនពីប្រទេសកម្ពុជា ចូលទៅក្នុងទឹកដីថៃ។
រាជធានីភ្នំពេញ ៖យោងតាមសេចក្តីរាយការណ៍បានឲ្យដឹងថា ដោយសារភ្លៀងធ្លាក់ផ្ទួនៗ នៅតំបន់ សហគមន៍ ប្រឡាយស្ទឹងមានជ័យនាព្រឹកថ្ងៃទី១០ ខែតុលា ឆ្នាំ២០៦នេះផ្ទះប្រជាពលរដ្ឋ៥១០គ្រួសារ បានរងការលិចលង់។
ខេត្តព្រៃវែង ៖ប្ដីប្រពន្ធ អ្នករកសស៊ីលក់ខ្យង២នាក់ត្រូវឃាតករមិនស្គាល់មុខចាក់សម្លាប់ ខណៈដែលកំពុងដើររកខ្យងនៅវាលស្រែចោលកូនម្នាក់ និងចៅម្នាក់។ អំពើឃាតកម្មនេះបង្កឲ្យមានការភ្ញាក់ផ្អើលនៅថ្ងៃទី៩ ខែតុលា ឆ្នាំ២០១៦ នៅចំណុចវាលស្រែខាងលិច ភូមិព្រៃផ្តៅ ឃុំកញ្ជ្រៀច ស្រុកកញ្ជ្រៀច ចំងាយ៨៥០ម៉ែត្រ ខាងលិចផ្ទះជនរងគ្រោះ។
អាមេរិក ៖យ៉ាងហោចណាស់មនុស្ស១៧នាក់បានស្លាប់ ខណៈមនុស្សជិត២លាននាក់គ្មានអគ្គិសនីប្រើប្រាស់ និងរាប់ពាន់នាក់ផ្សេងទៀតត្រូវបានជម្លៀសទៅកាន់ទីទួលមានសុវត្ថិភាពដោយសារព្យុះ Hurricane Matthew ដែលជាព្យុះដ៏អាក្រក់បំផុត។
រាជធានីភ្នំពេញ ៖កំលាំងផ្នែកយុត្តិធម៌ នគរបាលខណ្ឌទួលគោកសហការ ជាមួយកំលាំងកងអន្តរាគម ន៍ពិសេសនិងកំលាំងការិយាល័យព្រហ្មទណ្ឌកំរិតធ្ងន់បានឃាត់ខ្លួនក្មេងប្រុសអាយុ១១ឆ្នាំម្នាក់ក្រោយពីឆែកឆេរឃើញថ្នាំញៀនចំនួន២៤ថង់តូច។ ការឃាត់ខ្លួននេះធ្វើឡើងនាយប់ថ្ងៃទី០៩ ខែតុលា ឆ្នាំ២០១៦ នៅចំណុចប្លុករោងចក្រឆ្នាំង ផ្លូវរថភ្លើង ក្រុមទី១០៦ ភូមិ២៣ សង្កាត់បឹងកក់ទី២ ខណ្ឌទួលគោក រាជធានីភ្នំពេញ។
ខេត្តបន្ទាយមានជ័យ ៖ដោយមានការឈឺចុកចាប់យ៉ាងខ្លាំងពេកប្អូនស្រីបានដើរត្រឡប់មកផ្ទះបណ្ដើរយំបណ្ដើរ បន្ទាប់ពីបងប្រុសបង្កើតរបស់នាងបានហៅទៅចម្ការក្បែរផ្ទះ រួចធ្វើសកម្មភាពចាប់រំលោភរហូតបានសម្រេច ។ហេតុការណ៍ចាប់រំលោភប្អូនស្រីបង្កើតខ្លួនឯងនេះកើតឡើងកាលពីវេលាម៉ោងកាលពីវេលាម៉ោង៥ និង២០នាទីល្ងាច ថ្ងៃទី៥ ខែតុលា ឆ្នាំ២០១៦ នៅភូមិរោលជ្រូក ឃុំជប់វ៉ារី ស្រុកព្រះនេត្រព្រះ ។
ខេត្តរតនគិរី ៖ឈើសុក្រំ៦៧ដុំដែលក្រុមឈ្មួញដឹកមកគរទុកបម្រុងនាំទៅវៀតណាមតាមផ្លូវទឹកត្រូវបានកម្លាំងរដ្ឋបាលព្រៃឈើផ្នែកបរកែវ សហការជាមួយកម្លាំងចម្រុះស្រុកអូរយ៉ាដាវចុះរឹបអូសកាលពីវេលាម៉ោង១២ និង៣០នាទី យប់ឈានចូលថ្ងៃទី៧ ខែតុលា ឆ្នាំ២០១៦នេះ ត្រង់ចំណុចច្រាំងទន្លេសេសាន្ត ស្ថិតក្នុងភូមិបាដល ឃុំសេសាន្ត ស្រុកអូរយ៉ាដាវ ខេត្តរតនគិរី។
រាជធានីភ្នំពេញ ៖សម្តេចតេជោ ហ៊ុន សែន បានសរសេរសារបង្ហោះនៅលើ Facebook របស់សម្តេចថា នៅមុននេះបន្តិចថា ពេលនេះ រដ្ឋសភាដំណើរការអនុម័តច្បាប់ ជាធម្មតាហើយរដ្ឋសភាមិនមែន ជាចំណាប់ខ្មាំងរបស់ក្រុមណាទេ។ សម្តេចបានលើកឡើងថា «ទោះមាន់មិនរងាវ ក៏ព្រះអាទិត្យរះដែរ»។
Posts navigation
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
