អ៊ីតាលី ៖ចំនួនអ្នកស្លាប់ក្នុងគ្រោះរញ្ជួយដីនៅអ៊ីតាលីបានកើនឡើងដល់១៥៩នាក់ហើយ ខណៈអ្នករងរបួសរាប់រយនាក់ និងកំពុងបាត់ខ្លួនជាច្រើននាក់ផងដែរ។ នេះបើតាមការចេញផ្សាយ ដោយសារព័ត៌មាន Skynews ។
រាជធានីភ្នំពេញ ៖យោងតាមរបាយការណ៍ របស់អគ្គស្នងការនគរបាលជាតិបានឲ្យដឹងថា នៅថ្ងៃទី ២៤ ខែសីហា ឆ្នាំ២០១៦ម្សិលមិញនេះកម្លាំងនគរបាលបានបង្ក្រាបបទល្មើសជួញដូរ រក្សាទុក និងប្រើប្រាស់៨ករណី ឃាត់មនុស្ស២៤នាក់ ក្នុងនោះមុខសញ្ញាជួញដូរ១៥នាក់ និងមុខសញ្ញាប្រើប្រាស់៩នាក់ ដកហូតមេតំហ្វេតាមីន (ice) ១៥.២ក្រាម, ១កញ្ចប់ធំ និង២កញ្ចប់តូច មេតំហ្វេតាមីន(wy) ២.៦៦ក្រាម និង១គ្រាប់កន្លះ។
រាជធានីភ្នំពេញ ៖នៅថ្ងៃទី២៤ ខែសីហា ឆ្នាំ២០១៦ មានករណីគ្រោះថ្នាក់ចរាចរណ៍ នៅទូទាំងប្រទេស កើតឡើងចំនួន៧លើក (យប់៤លើក) បណ្តាលឲ្យមនុស្សស្លាប់៤នាក់ និងរងរបួសធ្ងន់៤នាក់។ នេះបើយោងតាមការរបាយការណ៍របស់អគ្គស្នងការនគរបាលជាតិ។
រាជធានីភ្នំពេញ ៖កម្ពស់ទឹកនៅតាមបណ្តាស្ថានីយជលសាស្ត្រនានាប្រចាំថ្ងៃទី២៥ ខែសីហា ឆ្នាំ២០១៦នេះ រួមមានស្ថានីយទន្លេមេគង្គ-ស្ទឹងត្រែង, ស្ថានីយទន្លេមេគង្គ-ក្រចេះ, ស្ថានីយទន្លេ មេគង្គ-កំពង់ចាម, ស្ថានីយបាសាក់-ចតុមុខ, ស្ថានីយមេគង្គ-អ្នកលឿង, ស្ថានីយបាសាក់-កោះខែល និងស្ថានីយទន្លេសាប-ព្រែកក្តាម ៕ សូមអានព្រឹត្តិបត្រព័ត៌មាន និងការព្យាករណ៍របស់ក្រសួងធនធានទឹក និងឧតុនិយមខាងក្រោម៖
បាល់ទាត់ ៖អ្នកចាំទីដៃទី១របស់ក្លិបអ្នកមានបុណ្យ Barcelona កីឡាករ Claudio Bravo បានធ្វើដំណើរមកដល់ក្រុមមេឃខៀវ Manchester City និងបានចូលពិនិត្យសុខភាពជាមួយនឹងក្រុមនេះហើយកាលពីល្ងាចថ្ងៃអង្គារម្សិលមិញ ។
ខេត្តតាកែវ ៖កម្មកររោងចក្រដេរ សំលៀកបំពាក់ ខេមបូថិច ត្រេឌីង ខាំភេនី ដែលមានទីតាំងនៅក្នុងសង្កាត់រកាក្រៅ ក្រុងដូនកែវ រាប់ពាន់នាក់ នៅព្រឹកថ្ងៃពុធនេះ បាននាំគ្នាហែក្បួនមកកាន់សាលាខេត្តតាកែវ ដើម្បីស្នើសុំអន្តរាគមន៍ពីអាជ្ញាធរ អោយដកមេការរោងចក្រចេញពីការងារ ដោយក្រុមកម្មករបានចោទ ប្រកាន់មេការរោងចក្របានប្រើប្រាស់អាកប្បកិរិយាមិនល្អដាក់កម្មករ។ ការហែក្បួនធ្វើបាតុកម្មមកសាលាខេត្តនេះ បន្ទាប់ពីពួកគេបាននាំគ្នាតវ៉ានៅក្នុងរោងចក្រអស់រយះពេលជិតមួយសប្តាហ៍មកហើយ ប៉ុន្តែមិនទទួលបានលទ្ធផល ។
រាជធានីភ្នំពេញ ៖រដ្ឋបាលរាជធានីភ្នំពេញ និងគណៈកម្មាធិការរៀបចំការបោះឆ្នោត នៅព្រឹកថ្ងៃពុធនេះ បានបើកការផ្សព្វផ្សាយអំពីលក្ខខ័ណ្ឌនានា ទាក់ទងការចុះឈ្មោះបោះឆ្នោត ឆ្នាំ២០១៦ ដល់មន្ត្រីរាជការ និងកងកម្លាំងប្រដាប់អាវុធ ក្នុងរដ្ឋបាលសាលារាជធានីភ្នំពេញ ក្រោមវត្តមាន លោក ឃួង ស្រេង អភិបាលរងរាជធានីភ្នំពេញ និងលោក លុន ឆេងកៃ ប្រធានគណៈកម្មាធិការរៀបចំការបោះឆ្នោតរាជធានីភ្នំពេញ ។
រាជធានីភ្នំពេញ ៖កម្លាំងចម្រុះនៃអធិការដ្ឋាននគរបាលខណ្ឌសែនសុខ សហការជាមួយកម្លាំងប៉ុស្ដិ៍ទឹកថ្លាបានឃាត់ខ្លូនជនសង្ស័យ១៤នាក់ ដែលពាក់ព័ន្ធករណីគ្រឿងញៀន និងដកហូតបានថ្នាំមួយចំនួនផងដែរ។ ប្រតិបត្តិការធ្វើឡើងនៅយប់ឈានចូលថ្ងៃទី២៤ ខែសីហា ឆ្នាំ២០១៦នេះ នៅក្រុមទី១០-១១ ភូមិត្រពាំងឈូក សង្កាត់ទឹកថ្លា ខណ្ឌសែនសុខ ។
រាជធានីភ្នំពេញ ៖មន្ត្រីជាន់ខ្ពស់សមាគមការពារសិទ្ធិមនុស្សអាដហុកមួយរូបទៀតត្រូវតុលាការកោះហៅឲ្យចូលខ្លួនបំភ្លឺនៅព្រឹកថ្ងៃពុធនេះ ក្នុងនាមជាសាក្សី ករណីសំណុំរឿងស្នេហាលោក កឹម សុខា ។ ប៉ុន្តែព័ត៌មានទទួលបានមុននេះបន្តិចឲ្យដឹងថា មន្ត្រីអាដហុករូបនោះបានចូលបំភ្លឺនៅតុលាការមុនថ្ងៃកំណត់ស្ងាត់ៗ ដោយពុំឲ្យអ្នកសារព័ត៌មានបានដឹងនោះឡើយ។ អញ្ជឹងហើយបានជាថ្ងៃនេះអ្នកសារព័ត៌មានមិនបានឃើញវត្តមានមន្ត្រីអាដហុករូបនោះចូលបំភ្លឺនៅតុលាការតាមការកំណត់នោះទេ។
ជប៉ុន ៖នៅថ្ងៃពុធប្រទេសកូរ៉េខាងជើងបានបាញ់សាកល្បងមីស៊ីលចេញពីនាវាមុជទឹកប្រកបដោយជោគជ័យដែលបានធ្លាក់នៅតំបន់ការពារដែនអាកាសរបស់ប្រទេសជប៉ុនដោយបង្កើនកម្រិតគ្រោះថ្នាក់ចំពោះសមយុទ្ធយោធាដែលកំពុងបន្តរវាងកូរ៉េខាងត្បូងជាមួយអាមេរិក។
រាជធានីភ្នំពេញ ៖សមត្ថកិច្ចបានយកលិខិតជូនដំណឹងមួយច្បាប់របស់តុលាការទៅបិទនៅមុខផ្ទះលោក កឹម សុខា ប្រធានស្តីទីគណបក្សសង្គ្រោះជាតិ នៅព្រឹកថ្ងៃពុធនេះ ខណដែលលិខិតខាងលើនេះបាន ប្រាប់មកជនត្រូវចោទឈ្មោះ កឹម សុខា ភេទប្រុស អាយុ៦៣ឆ្នាំ ជនជាតិខ្មែរ មុខរបរតំណាងរាស្ត្រមណ្ឌល កំពង់ចាម ឲ្យដឹងថា សំណុំរឿងព្រហ្មទណ្ឌលេខ ២៤០១ ចុះថ្ងៃទី២៦ ខែឧសភា ឆ្នាំ២០១៦ ដែលបានចោទប្រកាន់តាមដីកាសន្និដ្ឋានបញ្ជូនរឿងឲ្យស៊ើបសួរលេខ ១៣៨២ អ.យ.ឋ ចុះថ្ងៃទី២៦ ខែឧសភា ឆ្នាំ២០១៦ របស់អយ្យការអមសាលាដំបូងរាជធានីភ្នំពេញ ពីបទ បដិសេធក្នុងការចូលខ្លួន ប្រព្រឹត្តនៅរាជធានីភ្នំពេញ កាលពីថ្ងៃទី២៦ ខែឧសភា ឆ្នាំ២០១៦ តាមបញ្ញាត្តិមាត្រា ៥៣៤ នៃក្រមព្រហ្មទណ្ឌ យើងបានចាត់ការស៊ើបសួរចប់សព្វគ្រប់និងបានសម្រេចបញ្ជូនសំណុំរឿងនេះទៅជំនុំជម្រះតាមដីកាដំណោះស្រាយលេខ២៨៩១ ក១.ដ.ដ ចុះថ្ងៃទី២៣ ខែសីហា ឆ្នាំ២០១៦៕
រាជធានីភ្នំពេញ ៖ក្រសួងធនធានទឹក និងឧតុនិយម បានចេញព្រឹត្តិបត្រព័ត៌មាន និងការព្យាករណ៍សម្រាប់ថ្ងៃទី២៤ ខែសីហា ឆ្នាំ២០១៦នេះ ដោយបញ្ជាក់ពីស្ថានភាពកម្ពស់ទឹក នៅតាមបណ្តាស្ថានីយជលសាស្ត្រនានា រួមមានស្ថានីយទន្លេមេគង្គ-ស្ទឹងត្រែង, ស្ថានីយទន្លេមេគង្គ-ក្រចេះ, ស្ថានីយទន្លេ មេគង្គ-កំពង់ចាម, ស្ថានីយបាសាក់-ចតុមុខ, ស្ថានីយមេគង្គ-អ្នកលឿង, ស្ថានីយបាសាក់-កោះខែល និងស្ថានីយទន្លេសាប-ព្រែកក្តាម៕
កូរ៉េខាងត្បូង ៖យោងតាមព័ត៌មាន CNN ចេញផ្សាយនៅព្រឹកព្រលឹមថ្ងៃទី២៤ ខែសីហានេះបានឲ្យដឹងថា កូរ៉េខាងជើង បានបាញ់សាកល្បង Missile ទៀត ដោយបាញ់ចេញពីនាវាមុជទឹក ស្ថិតនៅសមុទ្រភាគខាងកើត ក្នុងខេត្ត South Hamgyong ។
បាងកក ៖នៅព្រឹកថ្ងៃទី២៤ ខែសីហានេះ មានករណីបំផ្ទុះគ្រាប់បែកចេញពីរថយន្ត នៅភាគខាងត្បូងប្រទេសថៃ បណ្តាលឲ្យមានអ្នកស្លាប់ និងរងរបួសច្រើននាក់ ។ នេះបើយោងតាមការផ្សាយរបស់បណ្តាញព័ត៌មានប្រទេសថៃ កាលពីព្រឹកមិញ ។
រាជធានីភ្នំពេញ ៖នៅថ្ងៃទី២៣ ខែសីហា ឆ្នាំ២០១៦ ម្សិលមិញនេះកម្លាំងនគរបាលបានបង្ក្រាបបទល្មើសជួញដូរ រក្សាទុក និងប្រើប្រាស់៩ករណី ឃាត់មនុស្ស១៤នាក់ ក្នុងនោះមុខសញ្ញាជួញដូរ១១នាក់ និងមុខសញ្ញាប្រើប្រាស់៣នាក់ ដកហូតមេតំហ្វេតាមីន (ice) ៥.៨៧ក្រាម និង ១០កញ្ចប់តូច និង មេតំហ្វេតាមីន (wy) ៣គ្រាប់ ថ្នាំគ្រាប់៣៤គ្រាប់។
Posts navigation
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
