រាជធានីភ្នំពេញ ៖ថ្លែងនៅក្នុងសន្និសិទសារព័ត៌មាននារសៀលនេះ លោក ឱម យ៉ិនទៀង ប្រធានអង្គភាពប្រឆាំងអំពើពុករលួយបានបញ្ជាក់ថា លោក ស៊ុត ឌីណា បានដើរអួតអាងប្រាប់គេប្រាប់ឯងថា លោក ជាអ្នករាយការណ៍និងទម្លាក់លោកឧបនាយករដ្ឋមន្ត្រី ហោ ណាំហុង រដ្ឋមន្ត្រីក្រសួងការបរទេសពីតំណែង។ ប្រធាន ACU បន្តថា ការនិយាយរបស់លោក ស៊ុត ឌីណា គឺដើម្បីអួតអាងអំពីសិទ្ធិអំណាចរបស់ខ្លួនប៉ុណ្ណោះ។
ខេត្តរតនគិរី ៖រថយន្តដឹកឈើចំនួន២គ្រឿងត្រូវបានសមត្ថកិច្ចជំនាញរដ្ឋបាលព្រៃឈើបង្ត្រាបពេលចរាចរណ៍តាមច្រករបៀងមួយកន្លែង ចេញទៅប្រទេសវៀតណាមស្ថិតក្នុងភូមិភិ ស្រុកអូយ៉ាដាវ ខេត្តរតនគិរី។ សកម្មភាពបង្ក្រាបនេះនៅវេលាម៉ោង៦ និង៣០នាទីព្រឹកថ្ងៃទី០៦ ខែមេសា ឆ្នាំ២០១៦ នៅចំណុចភូមិភិ ឃុំសេសាន ស្រុកអូរយ៉ាដាវ ខេត្តរតនគិរី។
រាជធានីភ្នំពេញ ៖យោងតាមសេចក្ដីប្រកាសព័ត៌មានរបស់អង្គភាពប្រឆាំងអំពើពុករលួយ (ACU) ចេញនៅថ្ងៃទី០៧ ខែ មេសា ឆ្នាំ ២០១៦នេះ បានឲ្យដឹងថា លោក ស៊ុត ឌីណា ឯកអគ្គរាជទូតកម្ពុជាប្រចាំនៅប្រទេសកូរ៉េខាងត្បូងមានលុយ ៧,២ លានដុល្លាអាមេរិក មានមាសគីឡូចំនួន ៣៣៩ តម្លឹង ស្មើនឹង ១២,៧៤ គីឡូក្រាម»៕ សូមអានប្រកាសព័ត៌មានលម្អិតរបស់អង្គភាពប្រឆាំងអំពើពុករលួយខាងក្រោម៖
ប៉ាគីស្ថាន ៖មនុស្សយ៉ាងហោចណាស់៩២នាក់ស្លាប់ និង៧៧នាក់ផ្សេងទៀតរងរបួស ដោយសារហេតុការណ៍ភ្លៀងធ្លាក់យ៉ាងគំហុករយៈពេលជាង៥ថ្ងៃកន្លងមកនេះបង្កឲ្យបាក់ដីនៅតំបន់ភាគខាងជើងប្រទេសប៉ាគីស្ថាន។ ជាមួយគ្នានោះប្រជាជនប៉ាគីស្ថានជាច្រើនគ្រួសារត្រូវបង្ខំចិត្តឈរ នៅលើកំណាត់ផ្លូវជាតិ ដែលត្រូវបានបំផ្លាញ ដោយការបាក់ដី នៅតំបន់កូហ៊ីស្ទេន ភាគខាងជើងប្រទេស៕
បាល់ទាត់ ៖យោងតាមការចុះផ្សាយរបស់គេហទំព័រ Sky Sports បានឲ្យដឹងថា ក្រុម Real Madrid បានកំណត់តម្លៃលក់ចេញ របស់ខ្សែប្រយុទ្ធ Cristiano Ronaldo ក្នុងតម្លៃខ្លួនជាង ៦០លានផោន។
រាជធានីភ្នំពេញ ៖លោក សុខ ឥសាន្តអ្នកនាំពាក្យ គណបក្ស ប្រជាជនកម្ពុជា (CPP) ថ្លែងថា រឿងលោក សម រង្ស៊ី ប្រធានបក្សប្រឆាំងរិះគន់រាជរដ្ឋាភិបាល វាមិនមែនជារឿងចម្លែកនោះទេ ។ ប៉ុន្តែអ្វីដែលចម្លែកគឺលោក សម រង្ស៊ី សរសើររាជរដ្ឋាភិបាលទៅវិញទេ ។ ការថ្លែងដូច្នេះ គឺបន្ទាប់ពី ប្រធានគណបក្សសង្គ្រោះជាតិ លោក សម រង្ស៊ី ដែលបានប្រដូចរាជរដ្ឋាភិបាល កម្ពុជាបច្ចុប្បន្ន ទៅនឹងរបបការដឹកនាំប្រទេសប៉ូឡូញមុននិងអំឡុងឆ្នាំ ១៩៩០។
រាជធានីភ្នំពេញ ៖ព្រះរាជអាជ្ញារងអមសាលាដំបូងរាជធានីភ្នំពេញ លោក ហោ លីណា បានចេញដីកាបង្គាប់ឲ្យលោកស្រីឧកញ៉ា សៀង ចាន់ហេង ចូលខ្លួនឆ្លើយដោះបន្ទុកលើសំណុំរឿងក្លែងបន្លំ និងប្រើប្រាស់លិខិតក្លែង នៅព្រឹកថ្ងៃទី០៧ ខែមេសា ឆ្នាំ២០១៦ ។ ការចេញដីកាកោះហៅនេះធ្វើឡើងតាម ពាក្យបណ្តឹងរបស់លោកស្រីឧកញ៉ា លឹម ឃី អាយុ៣៩ឆ្នាំ ទីលំនៅសង្កាត់ផ្សារដេប៉ូ០២ ខណ្ឌទួលគោក។
រាជធានីភ្នំពេញ ៖អង្គភាពប្រឆាំងអំពើពុករលួយ ACU សម្រេចបញ្ជូនលោក ស៊ុត ឌីណា មកកាន់សាលារាជធានីភ្នំពេញនៅព្រឹកថ្ងៃនេះ ដើម្បីបន្តសាកសួរអំពី ការប្រព្រឹត្តអំពើពុករលួយ បន្ទាប់ពីសាកសួរនៅ ACU អស់រយៈពេល៤ថ្ងៃ។ នេះបើតាមការឲ្យដឹងពីមន្ត្រីជាន់ខ្ពស់សាលាដំបូងរាជធានីភ្នំពេញ។
រាជធានីភ្នំពេញ ៖នៅថ្ងៃទី៦ ខែមេសា ឆ្នាំ២០១៦ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន ១៦លើក យប់ ២លើក បណ្តាលឲ្យមនុស្សស្លាប់ ៧នាក់ រងរបួសធ្ងន់ ២២នាក់ (ស្រី៧នាក់) និងរបួសស្រាល ៨នាក់ (ស្រី៣នាក់)។ យោងតាមនាយកដ្ឋាន នគរបាលចរាចរណ៍ និងសណ្ដាប់ធ្នាប់សាធារណៈ នៃអគ្គស្នងនគរបាលជាតិ។
ខេត្តបន្ទាយមានជ័យ ៖មន្ត្រីគយ និងរដ្ឋាករខេត្តបន្ទាយមានជ័យបានចាប់ឃាត់រថយន្តដឹកទំនិញមួយគ្រឿង ម៉ាក Fuso ពាក់ស្លាកលេខតាកែវ 3A-1599 ដោយពិនិត្យរកឃើញលួចនាំចូលកាំភ្លើងខ្លី ប្រើហ្គាសចំនួន៣០ដើម ដែលឈ្មួញទុច្ចិរតលួច បង្កប់ចូលក្នុងរថយន្តដឹកទំនិញ នាំចូលពីប្រទេសថៃ តាមច្រកប៉ោយប៉ែត។ ការឃាត់នេះធ្វើឡើងនៅយប់រំលងអធ្រាត្រឈានចូលថ្ងៃទី៦ ខែមេសា ឆ្នាំ២០១៦៕ព័ត៌មានលម្អិតសូមអានសេចក្តីប្រកាសព័ត៌មានទាំងស្រុង៖
រាជធានីភ្នំពេញ ៖លោក សម រង្ស៊ី បានចាត់ទុកកម្ពុជា សព្វថ្ងៃដូចនឹងរបបការដឹកនាំ នៃប្រទេសប៉ូឡូញ មុននិងអំឡុង១៩៩០ ។ ប្រធានគណបក្សប្រឆាំង បានលើកឡើងក្នុង Face book ថា ហេតុអ្វីបានជារដ្ឋាភិបាល ដឹកនាំដោយ គណបក្សប្រជាជនកម្ពុជា ត្រូវបង្ក្រាបកម្មករ និងសហជីព តាមរយៈអំពើហិង្សាមកលើកម្មករផង និងតាមរយៈច្បាប់គាប សង្កត់ សហជីពផង? ឯកឧត្តម បានបញ្ជាក់ថា “ដោយសារតែក្រុមអ្នកកាន់ អំណាចសព្វថ្ងៃ ភ័យខ្លាចចលនាកម្មករ ដែលទាមទារសេរីភាព និងយុត្តិធម៌ មកផ្តួលរំលំអំណាចផ្តាច់ការ របស់ពួកគេ ដូចចលនាកម្មករ និងសហជីពសេរី បានផ្តួលរំលំរបបកុម្មុយនីស្តផ្តាច់ការ នៅប្រទេសប៉ូឡូញ (Pologne/Poland) កាលពីឆ្នាំ ១៩៩០”។
ខេត្តក្រចេះ ៖កម្លាំងនគរបាលខេត្តក្រចេះ សហការជាមួយកម្លាំងអាវុធហត្ថបានចាប់ខ្លួនជនសង្ស័យ៣នាក់ ដែលជាក្រុមចោរប្រដាប់អាវុធ បានធ្វើសកម្មភាពបាញ់សម្លាប់ប្រជាពលរដ្ឋនៅស្រុកស្នួល ខេត្តក្រចេះ ប្លន់យកលុយអស់ប្រមាណ២លានរៀលបានហើយកាលពីយប់មិញ។
រាជធានីភ្នំពេញ ៖អគ្គិសនីកម្ពុជា EDC បានចេញសេចក្តីជូនដំណឹងមួយ ដោយបញ្ជាក់ពីការផ្អាកផ្គត់ផ្គង់ ចរន្តអគ្គិសនីនៅតំបន់មួយចំនួន ក្នុងរាជធានីភ្នំពេញ ចាប់ពីថ្ងៃទី៧ ដល់ថ្ងៃទី១០ ខែមេសា ឆ្នាំ២០១៦ ដើម្បីអនុវត្តការងារធ្វើការជួសជុល ផ្លាស់ប្តូរ ដំឡើងបរិក្ខារ និងរុះរើគន្លងខ្សែបណ្តាញ បង្កលក្ខណៈងាយស្រួល ដល់ការដ្ឋានពង្រីកផ្លូវ៕ ព័ត៌មានលម្អិតនៃតំបន់ ដែលត្រូវផ្អាកអគ្គិសនីនេះ សូមអានសេចក្តីជូនដំណឹង៖
Posts navigation
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
