ដោយ ៖ សុផល

ខេត្តកំពង់ចាម ៖ នៅវេលាម៉ោង ២នឹងង២២នាទីរំលងអធ្រាត្រទឈានចូលថ្ងៃទីថ្ងៃទី១២ ខែកក្កដា ឆ្នាំ២០១៩ មានករណីចោរលួចរថយន្ដ ត្រង់ចំណុចថ្នល់ជាតិលេខ៦ស្ថិតនៅក្នុងភូមិស្វាយពក ឃុំបាធាយ ស្រុកបាធាយ ខេត្តកំពង់ចាម។

ប្រភពពីសមត្ថកិច្ចបានអោយដឹងថាក្រោយពីបានទទួលបណ្តឹងផ្ទាល់មាត់ពីឈ្មោ ម៉ី
ថា ភេទប្រុស អាយុ៤២ឆ្នាំ រស់នៅភូមិដៃបួន ឃុំជ្រៃវៀន ស្រុកព្រៃឈរ ខេត្តកំពង់ចាម ដែលជាម្ចាស់រថយន្ដ ថា នៅវេលាម៉ោង២និង១៥នាទីយប់មានជនសង្ស័យមិនស្គាល់អត្តសញ្ញាណម្នាក់បានធ្វើសកម្មភាពលួចកាច់បំបែកសោ ករចង្កូតរថយន្តយករថយន្តរបស់គាត់ម៉ាកសាំយ៉ុងពណ៌ស១២កៅអីស៊េរី២០០០ ពាក់ស្លាកលេខភ្នំពេញ 2F-8697 ដែលទុកនៅ និងសំយ៉ាបផ្ទះនៅជាប់ផ្លវខេត្តលេខ៧០។

សមត្ថកិច្ចបានបន្ដថា ក្រោយពីទទួលព័ត៌មានបាន លោកវរៈសេនីយ៍ឯក កែវ ស៊ាងហ៊ាន់ អធិការនគរបាលស្រុកព្រៃឈរ បានដឹកនាំកំលាំង និងជូនព័ត៌មានទៅអធិការនគរ
បាលស្រុកបាធាយ ជួយអន្តរាគមន៍ស្របពេលនោះដល់ម៉ោង ២និង៣៧នាទី លោកវរៈសេនីយ៏ឯកសំ ណាល់អធិការស្រុកបាធាយ បានដឹកនាំកំលាំងចុះពួនស្ទាក់ចាប់រថយន្តខាងលើ បានត្រង់ចំណុចថ្នល់ជាតិលេខ៦ ស្ថិតនៅក្នុងភូមិស្វាយពក ឃុំបាធាយ ស្រុកបាធាយខេត្តកំពង់ចាម រីឯជនសង្ស័យ បានបើកទ្វារថយន្តចុះរត់គេចខ្លួន កាត់ស្រែ ទៅទិសខាងត្បូងបាត់ដោយ បានបន្សល់នៅវត្ថុតាងរថយន្ត១គ្រឿង ដែលជនសង្ស័យបំរុងលួចទៅនឹងឧបករណ៍ដែកកន្ទុយអន្ទង់ចំនួន២ ខ្សៀចំនួន ១ដង្កាប់ចំនួន១សំរាប់ធ្វើសកម្មភាពលួច។

ចំពោះវត្ថុតាងខាងលើនេះលោកអធិការស្រុកបាធាយ បានប្រគល់ជូនអោយសមត្ថកិច្ច ស្រុកព្រៃឈរចាត់ការបន្តនីតិវិធី។ករណីខាងលើនេះកំលាំងនៅបន្តសហការជាមួយកំលាំងស្រុកបាធាយ តាមស្រាវជ្រាវរកជនសង្ស័យដើម្បីបន្តរចាត់ការតាមនីតិវិធី៕

ភ្នំពេញ ៖ យុវជន គង់ រ៉ៃយ៉ា នៅថ្ងៃទី១១ ខែកក្កដា នេះ ត្រូវបានលោក រៀល សុភិន ព្រះរាជអាជ្ញារងអមសាលាដំបូងរាជធានីភ្នំពេញ សម្រេចចោទប្រកាន់ ពីបទញុះញង់អោយប្រព្រឹត្តបទឧក្រិដ្ឋជាអាទិ៍ តាមមាត្រា៤៩៤និងមាត្រា៤៩៥នៃក្រមព្រហ្មទណ្ឌ ពាក់ព័ន្ធករណីប្រកាសលក់អាវយឺតមានរូបលោកបណ្ឌិត កែម ឡី ដែលមានខ្លឹមសារថា “បេីអ្នកមិនធ្វើអ្វីសោះក៏គង់តែរងគ្រោះដែរ គ្រាន់តែមិនទាន់ដល់វេនអ្នកប៉ុណ្ណោះ” ។

បច្ចុប្បន្នជនត្រូវចោទ និងសំណុំរឿង ត្រូវបានបញ្ជូនទៅចៅក្រមស៊ើបសួរ ដើម្បីចាត់ការបន្តតាមនីតិវិធី ។ អ្នកតាមដានរឿងនេះ ថ្លែងថា យុវជនរូបនេះ ទំនងគេចមិនផុតពីការជាប់ពន្ធនាគារដូចលើកមុននោះទេ ។

សូមបញ្ជាក់ថា នេះជាលទីពីរហើយ ដែលកន្លងមក យុវជន គង់ រ៉ៃយ៉ា ធ្លាប់ត្រូវបានតុលាការផ្តន្ទាទោសរយៈពេល ១ឆ្នាំ៦ខែ ម្តងរួចមកហើយ ពីបទញុះញង់អោយប្រព្រឹត្តបទឧក្រិដ្ឋជាអាទិ៍ ពាក់ព័ន្ធការប្រកាសធ្វើបដិវត្តពណ៌តាមបណ្តាញសង្គម Facebook កាលពី៣ឆ្នាំមុន។

បទល្មើសញុះញង់អោយប្រព្រឹត្តបទឧក្រិដ្ឋជាអាទិ៍ កំណត់ការផ្តន្ទាទោសដាក់ពន្ធនាគារពី ៦ខែទៅ ២ឆ្នាំ និង ពិន័យជាប្រាក់ពី ១លានរៀល ទៅ ៤លានរៀល ៕ (​ ខាងក្រោម ជារូប គង់ រ៉ៃយ៉ា ដែលត្រូវឃុំខ្លួន កាលពី៣ឆ្នាំមុន)

ខេត្តរតនគិរី ៖ រថយន្តឡង់គ្រីស័រ កែច្នៃចំនួន ២គ្រឿង ក្នុងនោះ ១គ្រឿងពណ៌ស និង ១គ្រឿងទៀត ពណ៌ខ្មៅ ដែលរឹបអូសបានពីបទល្មើសព្រៃឈើ ត្រូវបានសមត្ថកិច្ចដុតកម្ទេចចោលនៅវេលា ម៉ោង ៦ និង០០នាទី ព្រលប់ថ្ងៃទី១១ ខែកក្កដា ឆ្នាំ២០១៩ កន្លងទៅនេះ នៅស្រុកអូរយ៉ាដាវ ខេត្ត រតនគិរី ។

ការសម្រេចដុតកម្ទេចចោលរងយន្តល្មើសខាងលើនេះ បានរៀបចំឡើងដោយកម្លាំងកងរាជអាវុធ ហត្ថខេត្ត ដឹកនាំដោយលោកឧត្ដមសេនីយ៍ត្រី ថាវ យ៉េន មេបញ្ជាការកងរាជអាវុធហត្ថខេត្ត សហ ការ ជាមួយកម្លាំងចម្រុះស្រុកអូរយ៉ាដាវ ក្រោមការសម្របសម្រួល ដោយលោក លាង អ៊ូ ព្រះរាជ អាជ្ញារងអមសាលាដំបូងខេត្តរតនគិរី។

បើតាមការឲ្យដឹងពីលោកឧត្ដមសេនីត្រី ថាវ យ៉េន មេបញ្ជាការកងរាជអាវុធហត្ថខេត្ត បានបញ្ជាក់ ថា យោងតាមសេចក្ដីប្រកាសព័ត៌មានថ្ងៃទី៨ ខែកក្កដា ឆ្នាំ២០១៩ របស់គណៈកម្មការជាតិ ដើម្បី ទប់ស្កាត់ បង្កា និងបង្ក្រាបបទល្មើសធនធានធម្មជាតិ ព្រមទាំងបទបញ្ជារបស់ឯកឧត្ដម នាយឧត្ដម សេនីយ៍ សៅ សុខា អគ្គមេបញ្ជាការរង នៃកងយុទ្ធពលខេមរភូមិន្ទ ជាមេបញ្ជាការកងរាជអាវុធហត្ថ លើផ្ទៃប្រទេស និងជាប្រធានគណៈកម្មការជាតិ ទប់ស្កាត់ បង្កាបទល្មើសធនធានធម្មជាតិ ព្រមទាំង មានការបញ្ជាផ្ទាល់តាមទូរស័ព្ទ របស់ឯកឧត្ដម ថង សាវុន អភិបាលខេត្តរតនគិរីនោះ នៅថ្ងៃទី១១ ខែកក្កដា ឆ្នាំ២០១៩ ផងនោះ កម្លាំងចម្រុះនៃគណៈបញ្ជាការឯកភាពខេត្ត សហការ ជាមួយកម្លាំង ចម្រុះបញ្ជាការឯកភាពស្រុកអូរយ៉ាដាវ បានដុតកម្ទេចរថយន្តឡង់គ្រីស័រកែច្នៃ ដែលលួចដឹកឈើ ល្មើសច្បាប់ទាំង ២គ្រឿង បន្ទាប់ពីកម្លាំងអាវុធហត្ថស្រុកអូរយ៉ាដាវ បានល្បាតស្ទាក់ចាប់បាននៅ ចំណុច ២ផ្សេងគ្នា។ ១គ្រឿងចាប់បាននៅផ្លូវលំមួយកន្លែង ស្ថិតក្នុងភូមិប៉ក់តូច ឃុំប៉ក់ញៃ ស្រុកអូរ យ៉ាដាវ ឡង់គ្រីស័រពណ៌ស និង១គ្រឿងទៀត ចាប់បានលើផ្លូវលំមួយកន្លែង ស្ថិតក្នុងភូមិប៉ក់ធំ ឃុំ ប៉ក់ញៃ ស្រុកអូរយ៉ាដាវ។

លោក ខៀវ ចន្ទី នាយសង្កាត់រដ្ឋបាលព្រៃឈើអូរយ៉ាដាវ បានឲ្យដឹងថា រថយន្តឡង់គ្រីស័រកែច្នៃ ពណ៌ខ្មៅ មានដឹកឈើប្រភេទសុក្រំ ចំនួន ២៦ដុំ ចំណែករថយន្តឡង់គ្រីស័រកែច្នៃពណ៌ ស ដឹកឈើ ប្រភេទពពូលភ្នំ ចំនួន ៩ដុំ។

បន្ទាប់ពីសមត្ថកិច្ចចម្រុះបានរឹបអូសរថយន្តល្មើស ព្រមទាំងភស្ដុតាងឈើមកប្រគល់ឲ្យជំនាញ រដ្ឋ បាល ព្រៃឈើសង្កាត់អូរយ៉ាដាវ រក្សាទុកឈើ ដើម្បីដោះស្រាយតាមនីតិវិធីច្បាប់ រដ្ឋលព្រៃឈើ ហើយកម្លាំងចម្រុះនៃបញ្ជាការឯកភាពស្រុក និងកម្លាំងចម្រុះបញ្ជាការឯកភាពខេត្ត បាននាំយក រថយន្តល្មើសច្បាប់ទាំង ២គ្រឿងណោះ ទៅដុតកម្ទេចចោល នៅភូមិសោមត្រក ឃុំសោមធំ ស្រុក អូរយ៉ាដាវ ខេត្តរតនគិរី នាល្ងាចថ្ងៃដដែលនេះដែរ៕

ភ្នំពេញ ៖ ថ្លែងនៅក្នុងកិច្ចប្រជុំគណៈរដ្ឋមន្ត្រីនាព្រឹកថ្ងៃទី១២ ខែកក្កដា ឆ្នាំ២០១៩ នេះសម្តេចតេជោនាយករដ្ឋមន្ត្រី បានគូសបញ្ជាក់ថា នឹងចាត់វិធានការយ៉ាងម៉ឺងមាត់ចំពោះគណនីហ្វេសប៊ុកណាមួយប្រឌិតបំភ្លៃព័ត៌មាន (Fake News) ដែលធ្វើឱ្យមានការជ្រួលច្របល់។

លោក ផៃ ស៊ីផាន អ្នកនាំពាក្យរាជរដ្ឋាភិបាល បានបញ្ជាក់ឱ្យដឹងតាមទំព័រហ្វេកប៊ុករបស់លោកយ៉ាងដូច្នេះថា«កិច្ចប្រជុំពេញអង្គគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ប្រសិនបើគណនីហ្វេសប៊ុកណាមួយប្រឌិតបំភ្លៃព័ត៌មាន (Fake News) ដែលធ្វើឱ្យមានការជ្រួលច្របល់មតិសាធារណៈជាហេតុផលធ្វើឱ្យប៉ះពាល់ដល់សន្តិសុខជាតិ ដោយប្រឌិតស្ថានភាពអាក្រក់ពីសុខភាពរបស់នាយករដ្ឋមន្ត្រី នៅក្នុងតំណែង គឺជាបទល្មើសព្រហ្មទណ្ឌ។ រាជរដ្ឋាភិបាល និងចាត់វិធានការយ៉ាងហ្មឹងម៉ាត់ចំពោះសកម្មភាពឧក្រិដ្ឋនេះ»។

សម្តេចតេជោ ហ៊ុន សែន បានថ្លែងក្នុងកិច្ចប្រជុំនោះថា គណនី Facebook ទាំងឡាយណាដែលប្រឌិតព័ត៌មានអាក្រក់លើស្ថានភាពសុខភាពរបស់នាយករដ្ឋមន្ត្រីនៅក្នុងតំណែងនាំឱ្យមានការជ្រួលច្របល់មតិសាធារណៈប៉ះពាល់ដល់សន្តិសុខជាតិ គឺជាការប្រព្រឹត្តនូវបទល្មើសព្រហ្មទណ្ឌ៕

ភ្នំពេញ ៖ តាមសំណើររបស់រាជរដ្ឋាភិបាល ក្នុងការជម្រុញការអភិវឌ្ឍន៍វិស័យឋាមពល ដើម្បីឆ្លើតបនឹងតម្រូវការចាំបាច់ឆ្លើយតបនឹងកំណើនតម្រូវការអគ្គិសនី រាជរដ្ឋាភិបាលកម្ពុជា បានយកចិត្តទុកដាក់ជំរុញ ការអភិវឌ្ឍវិស័យថាមពល ទាំងប្រភពថាមពល និងបណ្តាញបញ្ជូនអគ្គិសនី ដើម្បីធានាការផ្គត់ផ្គង់អគ្គិសនី ឱ្យបានគ្រប់គ្រាន់ មាននិរន្តរភាព ស្ថិរភាព ប្រសិទ្ធភាព និងមានតម្លៃសមរម្យ។

គម្រោងវារីអគ្គិសនី ស្ទឹងពោធិ៍សាត់១ ដែលមានអានុភាព៨០មេហ្កាវ៉ាត់ គឺជាគម្រោងអាទិភាពមួយ ដែលរាជរដ្ឋាភិបាលបានបញ្ចូល ក្នុងផែនការមេអភិវឌ្ឍន៍វិស័យអគ្គិសនី ដែលនឹងត្រូវដាក់ឱ្យដំណើរការនៅឆ្នាំ២០២៣ ។

ការធ្វើការវិនិយោគដំឡើងបន្ថែមផ្ទាំងសូឡាផលិតអគ្គិសនីដើរដោយពន្លឺព្រះអាទិត្យមានអានុភាព២០មេហ្កាវ៉ាត់ ដែលអាចនឹងដាក់ឱ្យដំណើរការនៅក្នុងខែធ្នូឆ្នាំ២០១៩នេះ លើទីតាំងដែលមានស្រាប់បច្ចុប្បន្ន ស្ថិតក្នុងគម្រោងស្ថានីយផលិតអគ្គិសនីដើរដោយពន្លឺព្រះអាទិត្យ អានុភាព៦០មេហ្កាវ៉ាត់ នៅតំបន់ត្មាតពងស្រុកឧដុង្គខេត្តកំពង់ស្ពឺ និង គម្រោងអភិវឌ្ឍន៍ ដើរដោយព្រះអាទិត្យមានអានុ-ភាពសរុប១២០មេហ្កាវ៉ាត់មានចំនួន២កន្លែងគឺទី១អានុភាព៦០មេហ្កាវ៉ាត់នៅខេត្តកំពង់ឆ្នាំង និងទី២អានុភាព៦០មេហ្កាវ៉ាត់នៅខេត្តពោធិ៍សាត់ ដែលអាចនឹងដាក់ឱ្យដំណើរការនៅចុងឆ្នាំ២០២០និងនៅដើមឆ្នាំ២០២១ខាងមុខ ជាលក្ខណៈបន្ទាន់នោះ នៅព្រឹកថ្ងៃទី១១ខែកក្កដានេះ ត្រូវបានព្រឹទ្ធសភាលើកយកមក ពិនិត្យនិងឱ្យយោបល់និងឯកភាពទាំងស្រុង តាមសំណើររបស់រាជរដ្ឋាភិបាល នៅក្នុងសម័យប្រជុំលើកទី៣ ព្រឹទ្ធសភា នីតិកាលទី៤របស់ខ្លួន ដោយមានសមាជិកព្រឹទ្ធសភាគាំទ្រចំនួន៤៨រូប។

លោក ម៉ម ប៊ុននាង អ្នកនាំពាក្សព្រឹទ្ធសភា បានមានប្រសាសន៍ឱ្យដឹងនៅក្រោយកិច្ចប្រជុំនេះថា សេចក្តីព្រាងច្បាប់សំខាន់ៗនេះ គឺផ្តល់នូវផលប្រយោជន៍ជាច្រើនដល់កម្ពុជា ដូចជា ៖ ទទួលបាននូវប្រភពអគ្គិសនីមួយ ដែលចេញពីធនធានធម្មជាតិ ក្នុងស្រុកកាត់បន្ថយការប្រើប្រាស់ប្រេង និងមានថ្លៃលក់ថេរ ក្នុងរយៈពេល៣៥ឆ្នាំគឺ៧,៩សេនអាមេរិកក្នុង១គីឡូវ៉ាត់ម៉ោង ដែលជួយធានានូវសន្តិសុខថាមពល ធ្វើឱ្យកម្ពុជាមានលទ្ធភាពអភិវឌ្ឍន៍សេដ្ឋកិច្ចនិងសង្គមបានឆាប់រហ័ស។ បង្កើតប្រាក់ចំណូលដល់ប្រជាជនមូលដ្ឋាន សម្រាប់ថ្នាក់ខេត្ត និងថ្នាក់ជាតិដោយការផ្តល់ការងារយ៉ាងច្រើន នៅពេលសាងសង់ និងប្រតិបត្តិការ។

ប្រជាជនមួយចំនួនក៏អាចបង្កើតប្រាក់ចំណូលពីមុខរបរជំនួញផ្ទាល់របស់ពួកគេ ដែលទាក់ទងនឹងសកម្មភាពគម្រោង ព្រោះថានៅតំបន់នោះ មានភូមិសាស្រ្តធម្មជាតិ អំណោយផល ធ្វើឱ្យគម្រោងនេះ មានលក្ខណៈពិសេស ដែលអាចរក្សាទឹកទុក សម្រាប់ការផលិតថាមពលនៅរដូវប្រាំងរហូតដល់៧០% ខុសពីគម្រោងដទៃទៀត ដែលតាមធម្មតាការផលិតថាមពលនៅរដូវប្រាំងបានត្រឹម៣០% ឬករណីខ្លះធ្លាក់ចុះទាបជាងនេះ។

ដោយសារលក្ខណៈពិសេសនេះហើយ ដែលគម្រោងនេះត្រូវបានស្វាគមន៍។
ក្រៅពីនេះព្រឹទ្ធសភា ក៏បាន ពិនិត្យ និងឱ្យយោបល់ លើសេចក្តីព្រាងច្បាប់ ស្តីពី ការអនុម័តយល់ព្រមឱ្យព្រះរាជា-ណាចក្រកម្ពុជាចូលជាសមាជិកនៃកិច្ចព្រមព្រៀងស្តីពី វិធានការរដ្ឋម្ចាស់កំពង់ផែដើម្បីបង្ការ ទប់ស្កាត់ និងលុបបំបាត់ការនេសាទខុសច្បាប់ គ្មានរបាយការណ៍ និងគ្មានការអនុញ្ញាត។សេចក្តីព្រាងច្បាប់ស្តីពីការអនុម័តយល់ព្រមលើផែនការយុទ្ធសាស្រ្តអភិវឌ្ឍន៍ជាតិ ២០១៩ -២០២៣។

សូមបញ្ជាក់ថា រាល់សេចក្តីព្រាងច្បាប់និមួយៗ មានតំណាងរាជរដ្ឋាភិបាល បានអញ្ជើញមកការពារ និងពន្យល់យ៉ាងលំអិតទាក់ទង និង ផលប្រយោជន៍ តួនាទីយ៉ាងសំខាន់ ក្នុងការអនុវត្តគោលនយោបាយអាទិភាព ដែលបានកំណត់ក្នុងយុទ្ធសាស្ត្រចតុកោណដំណាក់កាលទី៤ និងគោលដៅអភិវឌ្ឍន៍នានារបស់រាជរដ្ឋាភិបាលផងដែរ៕

ខេត្តមណ្ឌលគិរី ៖ សមត្ថកិច្ច បានដាក់ម្សៅ TNT កម្ទេចចោលរថយន្ត ៤គ្រឿងនៅក្នុងព្រៃតែម្តង ក្នុងចំណោមជាង៤០គ្រឿង ដែលរឹបអូសបានពីបទល្មើសព្រៃឈើដែលប្រព្រឹត្តដោយមនុស្សមួយក្រុមដឹកនាំដោយឧកញ៉ា សឹង សំអុល។

សូមជម្រាបថា រថយន្តទាំងនោះ តរូវបានកម្លាំងសមត្ថកិច្ចនៃគណៈកម្មាធិការជាតិដើម្បីទប់ស្កាត់ និងបង្រ្កាបបទល្មើសធនធានធម្មជាតិ រឹបអូសបានពីក្រុមឈ្មួញរបស់លោកឧកញ៉ា ស៊ឹង សំអុល កាលពីថ្ងៃទី៩ ខែកក្កដា ឆ្នាំ២០១៩ នៅខេត្តមណ្ឌលគិរី ហើយឧកញ៉ា ស៊ឹង សំអុល និង គ្នីគ្នា ៣នាក់ទៀត ក៏ត្រូវបានចាប់ខ្លួននៅថ្ងៃនោះដែរ។

លោក អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស និងជាអ្នកនាំពាក្យគណៈកម្មាធិការជាតិដើម្បីទប់ស្កាត់ និងបង្រ្កាបបទល្មើសធនធានធម្មជាតិ បានសរសេរលើកគណនីហ្វេសប៊ុករបស់លោកថា ឧកញ៉ា ស៊ឹង សំអុល និងបក្សពួក អាចនឹងត្រូវបញ្ជូនទៅកាន់តុលាការភ្នំពេញ ដើម្បីចាត់ការបន្ត៕

​ដោយ ៖ សុផល

ខេត្តកំពង់ស្ពឺ ៖ រថយន្តដឹកអុសមួយគ្រឿងខុសលក្ខណៈបច្ចេកទេស ដាច់កង់ក្រោយ រត់ចោលតួរថយន្ដបណ្តាលអោយខូចបង្កអោយមានការភ្ញាក់ផ្អើលទាំងព្រឹកនៅតាមបណ្តោយផ្លូវជាតិលេខ៤ ស្ថិតនៅក្នុងសង្កាត់ រការធំ ក្រុងច្បារមន ខេត្តកំពង់ស្ពឺ។

សមត្ថកិច្ចបានឲ្យដឹងថា មូលហេតុ ដាច់កង់រត់ចោលតួរថយន្ដ ទ្រាំទ្រលែងបាន កាលពីថៃ្ងទី១១ ខែ កក្កដា ឆ្នាំ ២០១៩ ត្រង់ចន្លោះបង្គោលគីឡូ ម៉ែត្រលេខ ៤៥ទៅលេខ៤៦ ក្នុង ភូមិសាស្ត្រ សង្កាត់ រការធំ ក្រុងច្បារមន ខេត្តកំពង់ស្ពឺ មានរថយន្តកូរ៉េ មួយគ្រឿង គ្មានស្លា កលេខ (ជា ប្រភេទ រថយន្ដ ដឹកអុសឡលក់ ) បាន ដាច់កង់ក្រោយ រត់ចោលតួរថយន្ដ ដោយ សារ តែទ្រាំទ្រលែងបានជាមួយទម្ងន់ដ៏ធ្ងន់ ពិសេ ស ការ បេីកបរមិនជួសជុលតែម្ដង ពីសំ ណាក់ ថៅ កែ។

តាមការបញ្ជាក់ ពីលោកឧត្ដមសេនីយ៍ត្រី តាប់ លន ស្នងការរងទទួលផែនការងារសណ្ដាប់ធ្នាប់ នៃ ស្នងការដ្ឋាន នគរបាល ខេត្ត បានអោយដឹងថា នៅ ពេលខាងមុខនេះ កំលាំងនគរបាល ចរាចរណ៍ ទូទាំងខេត្ត បានចេញប្រតិបត្ដិការពង្រឹង ការអនុវត្ត ច្បាប់ ចរាចរណ៍ ផ្លូវគោក ដែលមានគណៈកម្មាការ សុវត្ថិភាពចរាចរណ៍ផ្លូវគោក ចូលរួមពី ស្ថា ប័ន មន្ទី រ សាធារ ណការ និងអាជ្ញាធរគ្រប់លំដាប់ថ្នាក់ ។

បច្ចុប្បន្ន រថយន្ត មួយ គ្រឿង នេះ កំលាំង ន គរបាល បានឃាត់ និង យករថយន្ដ មករក្សាទុកនៅការិយាល័យចរាចរណ៍ផ្លូវគោកខេត្ត ដើម្បីសុំគោ លការ ណ៍ បញ្ឈប់មិនអនុញ្ញាតិឲ្យប្រើប្រាស់ត ទៅ ទៀត ៕

ដោយ ៖ សុផល

ខេត្តព្រះសីហនុ ៖ លោក សំ សាមាន មេបញ្ជាការ មូលដ្ឋានកងរាជអាវុធហត្ថស្រុកកំពង់សីលា បានទទួលមរណភាពហើយ កាលពីរសៀលថ្ងៃទី១០ ខែកក្កដា ម្សិលមិញនេះ ដោយសារជំងឺគាំងបេះដូង។

នៅក្នុងលិខិតអញ្ជើញចូលរួមកម្មវិធីបុណ្យសព បានលើកឡើងថា តាងនាមយើងខ្ញុំជាភរិយា បុត្រាបុត្រី ជីតាជីដូន ឪពុកម្ដាយឪពុកក្មេកម្ដាយក្មេក ជាបងជាប្អូន ជាក្មួយមានទុក្ខជាទម្ងន់ដោយលោកវរៈសេនីយត្រី សំ សាមាន មេបញ្ជាការមូលដ្ឋាននៃកងរាជអាវុធហត្ថស្រុកកំពង់សីលា ខេត្តព្រះសីហនុ បានទទួលមរណភាព ដោយសារជំងឺគាំងបេះដូង ក្នុងពេលកំពុងចុះបំពេញភារកិច្ចការងារ នៅក្នុងស្រុកកំពង់សីលា កាលពីថ្ងៃរសៀលថ្ងៃទី១០ ខែកក្កដា ឆ្នាំ២០១៩។

សពរបស់លោកវរៈសេនីយត្រី សំ សាមាន កំកំពុងត្រូវបានតំកល់នៅក្នុង មូលដ្ឋានកងរាជអាវុធហត្ថ ស្រុកកំពង់សីលា ខេត្តព្រះសីហនុ។

ដំណឹងនេះចាត់ទុកជាការ និមន្ត យាង គោរពអញ្ជើញ បងប្អូន មិត្តភក្ដិ សាច់ញាតិជិតឆ្ងាយនៃសព ដើម្បីចូលរួមពិធីរំលែកទុក្ខ ដែលប្រព្រឹត្តិទៅ នៅ ក្នុងមូលដ្ឋានកងរាជអាវុធហត្ថស្រុកកំពង់សីលា ភូមិច័ន្ទស្រី ឃុំកំពង់សីលា ស្រុកកំពង់សីលា ខេត្តព្រះសីហនុ ៕

ដោយ ៖ សុត្ថារ៉ា

ភ្នំពេញ ៖ បន្ទាប់ពីមានព្រឹត្តិការណ៍បុរសម្នាក់ឈ្មោះ ទឹម សាវុធ វាយសង្សារជាស្ត្រីសិចស៊ីលក់ឡេ ផ្អើលពេញបណ្តាញហ្វេសប៊ុក និងដល់សមត្ថកិច្ចរួចមក ប្រព័ន្ធឃោសនាជាច្រើនបានផ្សព្វផ្សាយនូវព័ត៌មាននោះទៅតាមអ្វីដែលទទួលបានផ្សេងៗគ្នា ហើយការផ្សាយខ្លះបានរាលដាលទៅដល់ស្ត្រីជាប្រពន្ធដើម ធ្វើឲ្យស្ត្រីប្រពន្ធដើមទ្រាំមិនបាន ក៏ចេញមុខបកស្រាយ ដោយស្នើធ្វើយ៉ាងណាកុំឲ្យរឿងនោះប៉ះពាល់ដល់កិត្តិយសរបស់គាត់។ មិនតែប៉ុណ្ណោះ ក៏បានលាតត្រដាងប្រវត្តិជូរចត់ក្នុងពេលដែលគាត់បានរស់នៅជាមួយលោក ទឹម សាវុធ នោះផងដែរ។

ម្ចាស់សំណេរនៅលើទំព័រហ្វេសប៊ុកមួយដែលអះអាងថា ជាអតីតភរិយារបស់លោក ទឹម សាវុធ បានរៀបរាប់ពីជីវិតស្នេហាពេញច្បាប់ជាមួយលោក ទឹម សាវុធ ដោយបានរួមរស់នៅជាមួយគ្នាជាង ១៣ឆ្នាំ ដោយបានចាត់ទុកថា ប្តីនេះជាមនុស្សចោលម្សៀត មិនសូវគិតគូរពីសុខទុក្ខគ្រួសារទេ តែយ៉ាងណាក៏ដោយ មិនបានប៉ះពាល់ ឬធ្លាប់វាយដុំរូបគាត់ដូចស្ត្រីលក់ឡេ ថៃ ស្រីនាង អ្នកលក់ឡេ តានអនឡាញ ធ្វើឲ្យកក្រើកពេញសង្គមហ្វេសប៊ុកនោះឡើយ។

(រូបភាពអតីតកាលរវាងលោក ទឹម សាវុធ និងអតីតភរិយា ជាមួយនិងកូន)

ក្នុងសំណេរនោះបានរៀបរាប់ថា «….ខ្ញុំសុំស្រាយបំភ្លឺរឿងខ្លះ ប៉ុន្មានថ្ងៃនេះមានសារពត៌រមាន រឿង ទឹម សាវុធ វាយតប់ស្រីស្នេហ៍លក់ឡេ ថៃ ស្រីនាង ខ្ញុំឃើញសារព័ត៌មានខ្លះសរសេរខុស អត់សូវដឹងរឿងខ្ញុំផង សរសេរដូចច្បាស់ណាស់ ខ្ញុំសុំកុំសរសេរអីអោយប៉ះពាល់ក្រុមគ្រួសារខ្ញុំ ជាពិសេសខ្ញុំនឹងឱពុកខ្ញុំ ដែលគាត់ជាអតីតចៅហ្វាយខេត្តកំពុងឆ្នាំង ខ្ញុំបានរៀបការជាមួយទឹមសាវុធនេះនៅឆ្នាំ2004 គាត់នេះជាអនុបណ្ឌិតផ្នែកជលផលមកពីដាណឺម៉ាក ទឹមសាវុធនេះជាអតីតប្រធានជលផលខេត្តកំពត នឹងន្ទាប់ដូរទៅសៀមរាប ខ្ញុំនឹងគាត់បានកូនស្រីម្នាក់ ហើយសារពត៍មានខ្លះបានសរេសរថាគាត់នេះវាយដំច្រំធាក់សូមប្បីប្រពន្ធដេីមកូនចៅហ្វាយខេត្តរាប់មិនអស់ ខ្ញុំចង់បកស្រាយថាគាត់នេះមានហេតុផលអីមកធ្វើបាបខ្ញុំជាប្រពន្ធដែលជួយទំនុបបំរុងគាត់រាប់រងបញ្ហខ្លះជំនួសប្តី ជួយបុណ្បសាក់ប្តី ទឹមសាវុធនេះរស់នៅមួយខ្ញុំមិនហ៊ានជាមួយគ្រួសារខ្ញុំទេ ខ្ញុំរៀបការជាមួយគាត់នឹង13ឆ្នាំ បើវាយទាត់ខ្ញុំដូចបាវខ្សាច់នោះតើខ្ញុំទ្រាំបានទេ មួយប្រពន្ធមួយស្រី បើផ្ទះខ្ញុំមានឱពុកម្តាយ បងប្អូននឹងអង្គរក្សយាមផ្ទះ ពេលដែលសាវុធនេះទៅធ្វើការនៅខេត្តខ្ញុំមិនដែលបានទៅរស់នៅខេត្តតាមទេ បុគ្គលនេះមិនចេះនិយាយពិរោះទេ ខ្ញុំមិនសូវដែលមានជំលួសជាមួយប្តីនេះទេដោយខ្ញុំពេលខឹងខ្ញុំអត់ដែលនិយាយរកទេ ចឹងមិនសូវមានហឹង្សាមួយបុគ្គលនេះទេ ពេលមួយដែលមានការយល់ច្រលំបុគ្គលទឹមសាវុធនេះដេីរលេងយប់ហួសម៉ោងខ្ញុំមិនចូលចិត្តបញ្ជៀអង្គរក្សអេាយបិទទ្វារផ្ទះមិនអេាយចូល សាវុធនេះបានប្រេីហិង្សារវាយឡានប្អូនខ្ញុំដែលនៅក្រៅរបង ក៍មានគេបង្វែរថាសាវុធនេះប្រេីហិង្សារលើខ្ញុំ ពេលនឹងក្នុងនាមខ្ញុំជាកូនអ្នកមានពូជអំបូរដែរតេីខ្ញុំអាចអេាយសាវុធនឹងវាធ្វេីបាបខ្ញុំទេ ខ្ញុំរស់នៅ13ឆ្នាំខ្ញុំគ្រាន់ជាមនុស្សដែលរស់នៅមួយប្តីនេះដើយលំបាកក្នុងចិត្ត ហេីយមិនសូវនិយាយរកទេនិយាយតែពេលមានការត្រូវនិយាយទេ ខ្ញុំរស់នៅមួយគាត់នឹងដើយមិនចុះសំរុង ចរិកគេជាមនុស្សដែលមិនខ្វល់ពីប្រពន្ធកូន ដេាយចូលចិត្តដើលេងច្រើនខ្ញុំក៍ទ្រាំមិនបាន ក៍សុំលែងលះដាច់ស្រាច់ ចឹងសុំសារពត៌មានសរសេរតែបុគ្គលបានហើយកុំកិត្តិយសគ្រួសារខ្ញុំទៅពាក់ពាន្ធ័អី…។

សូមរំលឹកថា ស្ត្រីលក់ឡេ ឈ្មោះ ថៃ ស្រីនាង បានសរសេរលើ page facebook ថ្ងៃទី ១០ ខែកក្កដា នេះ ថា នាងសុំបញ្ចប់រឿងត្រឹមនេះ ហើយសុំដកពាក្យបណ្ដឹងវិញ ក៏ព្រោះមិនចង់ឱ្យប្រុសស្នេហ៍របស់នាង បាត់បង់មុខតំណែងការងារ និងកិត្តិយស ដែលបច្ចុប្បន្ន លោក ទឹម សាវុធ មានមុខងារ ជាអនុប្រធានមន្ទីរកសិកម្ម រាជធានីភ្នំពេញ។ ថៃ ស្រីនាង បានបញ្ជាក់ ថា ពួកយើងទាំងពីរនាក់ស្រឡាញ់គ្នាខ្លាំងណាស់ ប៉ុន្តែដោយសារតែភ្លើងប្រច័ណ្ឌខ្លាំងពេក ទើបបានបង្កឲ្យមានរឿងនេះកើតឡើង។

ជាមួយគ្នានោះដែរ មជ្ឈដ្ឋានជាច្រើនបានកោតសរសើរដល់មន្ត្រីសមត្ថកិច្ចដែលបានខិតខំស្ទុះស្ទារជួយដល់ស្ត្រីសិចស៊ីលក់ឡេដែលរងគ្រោះដោយអំពើហិង្សា រហូតកាន់លិខិតប្តឹងផ្តល់ទៅឲ្យស្ត្រីរងគ្រោះផ្តិតមេដៃដល់បន្ទប់ដេក ដែលនេះគឺជាការយកចិត្តទុកដាក់ដ៏កម្រមួយរបស់សមត្ថកិច្ច បើប្រៀបធៀបនឹងហេតុការណ៍ដែលកើតមានស្រដៀងគ្នានេះនាពេលកន្លងមក៕