ប៉ោយប៉ែត ៖ ព័ត៌មានដែលធ្វើឲ្យកក្រើកពេញសង្គមហ្វេសប៊ុកក្នុងសប្តាហ៍នេះ គឺរឿងអតីតព្រះចៅអធិការវត្តភ្នំបាត់លើ ខេត្តបន្ទាយមានជ័យ ដែលប្រឡូកប្រឡាក់លបទៅសឹងនៅផ្ទះស្ត្រីកំណាន់ម្នាក់ ហើយត្រូវបានស្ត្រីរូបនោះលាតត្រដាងវីដេអូឃ្លីបពេញបណ្តាញសង្គមហ្វេសប៊ុក ដោយអះអាងថា សង្ឃអង្គនេះ បានចាប់រំលោភសេពសន្ថវៈនៅលើផ្ទះរបស់ខ្លួនរហូតបានសម្រេច ហើយសន្យាថា នឹងលាកចាកសិក្ខាបទដើម្បីចូលស្តីដណ្តឹងយកនាងធ្វើជាភរិយាស្របច្បាប់ តែផ្ទុយទៅវិញ សង្ឃអង្គនេះបានដោះដៃក្បត់ពាក្យសន្យា ទើបនាងសម្រេចចិត្តដាក់ពាក្យប្តឹងនាពេលនេះ។
ខាងក្រោមនេះ ជារបាយការណ៍ដែលសមត្ថកិច្ចបានទទួលពាក្យបណ្តឹងពីនាង កាយ លីតា ៖
ការិយាល័យកណ្តាលព្រហ្មទណ្ឌខេត្តបន្ទាយមានជ័យ
សូមគោរព ឯ.ឧ !
ការិយាល័យកណ្តាលនគរបាលព្រហ្មទណ្ឌ នៅថ្ងៃអង្គារ៍៧រោជខែជេស្ឋ សំរិទ្ធិស័ក ពស ២៥៦២ ត្រូវនឹងថ្ងៃទី០៦ខែមិថុនាឆ្នាំ២០១៨ ជំនាញការិយាល័យនគរបាលព្រហ្មទណ្ឌកំរិតធ្ងន់បានទទួលបណ្តឹងពីឈ្មោះ កាយ លីតា ភេទស្រីអាយុ១៩ឆ្នាំ រស់នៅភូមិក្បាលកោះ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ដែលបានប្តឹងរាយការណ៍ ថា នៅថ្ងៃទី១៧.៥.២០១៨ វេលាម៉ោងប្រហែល០២យប់ មានឈ្មោះ ស្រិល វណ្ណា ភេទប្រុស អាយុ៣៩ឆ្នាំ ជាចៅអធិការវត្តភ្នំបាក់លើ ក្នុងសង្កាត់ទឹកថ្លា ក្រុងសិរីសោភ័ណបានមកសុំសឹង (សុំដេក) នៅផ្ទះរបស់ខ្លួនចំនួន២យប់ លុះដល់ថ្ងៃទី១៨,៥,២០១៨ វេលាម៉ោងប្រហែល២១,០០នាទីយប់ ខ្លួនបានយកភេសជ្ជៈទៅប្រគេនលោក(លោកសង្ឃ ស្រិល វណ្ណា) ហើយត្រូវបានព្រះសង្ឃអង្គនេះចាប់បង្ខំរួមភេទជាមួយខ្លួនរហូតបានសម្រេចដោយសន្យាថា ខែ១១ ឆ្នាំ២០១៨ និងលាចាកសិក្ខាបទ ចូលស្តីដណ្តឹងនាងយកធ្វើជាប្រពន្ធ លុះពេលបានខ្លួនប្រាណហើយ ឈ្មោះ ស្រិល វណ្ណា បានបិទទូរស័ព្ទ មិនព្រមចូលមកដោះស្រាយជាមួយខ្លួន ទើបខ្លួនបង្ហោះឃ្លិបវីដេអូ ដែលលោកសង្ឃ ស្រិល វណ្ណា បានប្រលែងជាមួយខ្លួន និងឆាន់ពោតស្ងោនោះ អោយសាធារណជន និងលោកសង្ឃ ស្រិល វណ្ណា បានឃើញ និងសុំអោយសមត្ថកិចជួយរកយុត្តិធម៏ជូនខ្លួន និងទាមទារសំណងជំងឺចិត្តចំនួន៥០.០០០ដុល្លារ(ប្រាំមឺនដុល្លា)។ ករណីនេះ ជំនាញកំពុងស្នើសុំទៅអយ្យការដើម្បីបើកការស៊ើបអង្គេតបឋម ។
អាស្រ័យដូចបនគោរពជូនខាងលើ សូម ឯ.ឧ. មេត្តាជ្រាបដ៍ខ្ពង់ខ្ពស់ ៕
ស្នងការរងទទួលផែនព្រហ្មទណ្ឌ ឧ.ត្រី សិទ្ធិ ឡោះ
