កណ្តាល ៖ ឈ្មោះ អ៊ិន ដារ៉ាឆាយរ៉ាត់ ដែលរងការចោទប្រកាន់ថា បានស្ទាក់កាប់ប្រហារលើអតីតប្រពន្ធ បណ្តាល ឲ្យស្លាប់នៅក្នុងថ្លុកឈាមកាលពីរសៀលថ្ងៃទី១៩ ខែ មេសា ឆ្នាំ ២០១៨ នៅចំណុច បរិវេណសាលាវិទ្យាល័យកំពង់ចម្លងអ្នកលឿងស្ថិតក្នុងភូមិកំពង់ចម្លង ឃុំព្រែកទន្លាប់ ស្រុកលើក ដែក ខេត្តកណ្តាល រួចត្រូវបានគេសន្និដ្ឋានថា បានទៅលោតទឹកពីលើស្ពាន ត្សឹបាសា ហៅស្ពាន អ្នកលឿង សម្លាប់ខ្លួនតាមរយៈ បានប្រទះឃើញម៉ូតូ និងទូរស័ព្ទដៃមួយគ្រឿងនៅលើស្ពាន ត្រង់ ចំណុចខ្សែកាប ទីប្រាំ ហើយសមត្ថកិច្ចបានឆែករកឃើញ វីដឺអូឃ្លីបមួយ បានឡាយតាមហ្វេសប៊ុក លោតទឹកសម្លាប់ខ្លួននោះ ឥឡូវស្រាប់តែមានការភ្ញាក់ផ្អើល តាមបណ្តាញហ្វេសប៊ុកថា ជនរូបនេះ កំពុងលាក់ខ្លួននៅក្នុងភូមិឫស្សី សង្កាត់ស្ទឹងមានជ័យ ខណ្ឌមានជ័យ ។
ការភ្ញាក់ផ្អើលនេះ ត្រូវបាន នគរបាលខណ្ឌមានជ័យអះអាងថា ជាព័ត៌មានមិនពិត ព្រោះនៅក្នុងមូលដ្ឋានមិនមាន ជនរូបនេះ បាន ស្នាក់នៅឡើយ ។ ការភ្ញាក់ផ្អើលនេះដែរ គឺស្របពេលដែលសមត្ថកិច្ចនៅខេត្តកណ្តាល កំពុង បើកការស៊ើបអង្កេតស្វែងរកចាប់ខ្លួនជនរូបនេះផងដែរ ។
លោក រស់ ចាន់ថា អធិការនគរបាលស្រុកលើកដែក បានបញ្ជាក់ប្រាប់ ភ្នាក់ងារ ព័ត៌មាន ទូរទស្សន៍អាស៊ីអាគ្នេយ៍ប្រចាំខេត្តកណ្តាលតាមទូរស័ព្ទនៅរសៀលថ្ងៃទី ៥ ខែ ឧសភា នេះថា រហូត មកដល់ថ្ងៃនេះ ពាក់ព័ន្ធនឹងករណីកាប់សម្លាប់អតីតប្រពន្ធហើយបានទៅលោតទឹកសម្លាប់ខ្លួននោះ សមត្ថកិច្ចកំពុងបើកការស៊ើបអង្កេត ។ លោកថា មូលហេតុដែលបើកការស៊ើបអង្កេតនេះ ដោយ សារ តែមិនឃើញសាកសពអណ្តែតទឹក ។
គួររំលឹកថា នៅព្រឹកថ្ងៃទី៤ ឧសភា មានការភ្ញាក់ផ្អើលក្នុងបណ្តាញហ្វេសប៊ុក ដែលបាន បង្ហោះព័ត៌មានថា ឃាតកររូបនោះកំពុងលាក់ខ្លួននៅក្នុងភូមិប្ញស្សី សង្កាត់ស្ទឹងមានជ័យ ខណ្ឌ មាន ជ័យ ។
ប៉ុន្តែជាមួយនឹងប្រភពព័ត៌មាននោះ មន្ត្រីប៉ូលិសប៉ុស្តិ៍ ក៏បានធ្វើការបដិសេធ ប្រាប់អ្នកសារព័ត៌ មាន ថា មិនមានឃាតកររូបនោះ មកលាក់ខ្លួនក្នុង មូលដ្ឋានរបស់ខ្លួន គឺជាព័ត៌មានមិនពិត ។ រហូតមកដល់ពេលនេះ ក្រុមគ្រួសារជនរងគ្រោះនិងមហាជនទូទៅ នៅតែមានមន្ទិលសង្ស័យថា ឃាតករដែលបានកាប់អតីតប្រពន្ធយ៉ាងសាហាវព្រៃផ្សៃបណ្តាលឱ្យស្លាប់យ៉ាងអាណោចអធម្មនៅក្នុងថ្លុកឈាម កាលពីពេលថ្មីៗកន្លងទៅ គឺជននេះមិនទាន់ស្លាប់ទេ ហើយកំពុងតែរត់គេចខ្លួន ។ ម្យ៉ាងទៀត ចំពោះព័ត៌មានដែលថា ជននោះបានលោតទឹកពីលើស្ពានត្សឹបាសា ហៅស្ពានអ្នកលឿង នោះ ក៏រហូតមកដល់ពេលនេះ មិនឃើញសពអណ្តែតដែរ ។
គួររំលឹកផងដែរកាលពីថ្ងៃទី១៩មេសាវេលាម៉ោងប្រហែល២រសៀលនៅចំណុចក្នុងបរិវេណសាលាអនុវិទ្យាល័យកំពង់ចម្លងអ្នកលឿងមានករណីឃាតកម្មមួយដោយស្ត្រីរងគ្រោះឈ្មោះទន់.ស្រីណយអាយុ២០ឆ្នាំជនជាតិខ្មែរមានទីលំនៅភូមិស្ពានដែក.ឃុំព្រែកទន្លាប់.ស្រុកលើកដែកត្រូវជនដៃដល់ឈ្មោះ អ៊ិន.ដារ៉ាឆៃរ៉ាត់ ភេទប្រុស អាយុ២១ឆ្នាំ ជនជាតិខ្មែរមានទីលំនៅ ភូមិអំពិលទឹក. ឃុំកំពង់ភ្នំ. ស្រុកលើកដែក ដែលជាអតីតប្តី បានយកកាំបិតកាចែត កាប់ប្រហារទៅលើស្ត្រីរងគ្រោះ អតីតប្រពន្ធជាច្រើនកាំបិតបណ្តាលឲ្យស្លាប់យ៉ាងអាណោចអាធ៌មក្នុងថ្លុកឈាម។ បើតាមក្រុមគ្រួសារស្ត្រីរងគ្រោះបាននិយាយថា កូនស្រីគាត់”ស្ត្រីរងគ្រោះ”និងជនល្មើសបានរៀប ការស្របច្បាប់ជាប្តីប្រពន្ធជាមួយគ្នារយៈពេល២ឆ្នាំមកហើយ! ដោយទៅរស់នៅជាមួយខាងប្រុស! តែពុំទាន់មានកូនទេ។ក្រុមគ្រួសារជនរងគ្រោះបន្តថា ចាប់តាំងពីការរួចប្តីប្រពន្ធទាំង២នាក់នេះ រស់ នៅពុំចុះសម្រុងគ្នាទេដោយបុរសអតីតប្តីជាមនុស្សញៀនថ្នាំគឺតែងតែវាយធ្វើបាបកូនស្រីគាត់ប៉ោង មុខ.ប៉ោងមាត់.ប៉ោងក្បាលរត់មកផ្ទះគាត់វិញជាច្រើនលើលច្រើនសារ!តែកូនស្រីគាត់នៅតែចិត្តមិនដាច់ពីប្តីចេះតែរត់ទៅវិញរហូត!ទោះបីជាខាងម្តាយនិងឪពុកក្មេកមិនពេញចិត្តដៀលខ្មោះកូនស្រី គាត់យ៉ាងណាក៍ដោយ! ហើយគាត់ក៍មិនហ៊ានឃាត់កូនស្រីដែរ។ រហូតដល់ថ្ងៃទី១៩ ខែកុម្ភៈ ឆ្នាំ២០១៨ ជនអតីតប្តី បានបិតទ្វារផ្ទះវាយកូនស្រីគាត់ “ស្ត្រីរងគ្រោះ” បែកមុខ និងបោងក្បាល កូនស្រីគាត់ទ្រាំលែងបានក៍រើបំវិុចខោអាវ ដាក់កង់បី មកផ្ទះ។
លុះស្អែកឡើងថ្ងៃទី២០កុម្ភះ ទើប ហៅភាគីខាងប្រុសមកធ្វើលិខិតលែងលះគ្នានៅសាលាឃុំព្រែកទន្លាប់ដោយភាគីទាំងពីយល់ព្រមដាច់អនិតិសង្វាសពីពេលនេះតទៅប្រគល់សិទ្ធឲ្យគ្នាទៅវិញទៅមកក្នុងការរកគូរស្រករថ្មីរៀងៗខ្លួនដោយធ្វើកិច្ចសន្យាភាគីខាងប្រុសយល់ព្រម។ក្រុមគ្រួសារជនរងគ្រោះបញ្ជាក់បន្ថែមថា ចាប់ពីពេល នោះមកជនល្មើសចេះតែតេតាមទូរស័ព្ទ ឫឆាតតាមហ្វេសប៊ុក គំរាមកាប់សម្លាប់ កូនស្រីគាត់រហូត! ហើយរូបគាត់ក៍ធ្លាប់បានទូរស័ព្ទទៅប្រាប់មេប៉ុស្តិ៍នគរបាលព្រែកទន្លាប់ដែរ! តែលោកនាយប៉ុស្តិ៍ ប្រាប់ថា មិនអីទេ វាមិនហ៊ានឡើយ!រហូតដល់ជនល្មើសកាប់កូនគាត់បណ្តាល ឲ្យស្លាប់យ៉ាង អណោចអធម្ម នៅជិតរបងអធិការនគរបាលស្រុក ចម្ងាយប្រហែលជាង១០០ម៉ែត្រ ពីកន្លែងកើត ហេតុ ក៍នៅតែមិនទាន់ដឹងច្បាស់ថា មុខសញ្ញាជនល្មើសរត់ទៅណាទៀត។
ក្រុមគ្រួសារជនរងគ្រោះក៍សូមសំណូមពរដល់ប្រពន្ធ័ផ្សព្វផ្សាយក៍ដូចជាបណ្តាញសង្គមហ្វេសប៊ុ
ក មួយចំនួន ដែលយកព៌តមានបំភ្លើសការពិត ចោទកូនស្រីគាត់ថា លែងប្តីបាន២ថ្ងៃ មានប្រុសផ្សេង ឫចោទថា កូនស្រីគាត់មានសង្សាជិតដល់ថ្ងៃភ្ជាប់ពាក្យវាមិនពិតដូចការផ្សព្វផ្សាយរបស់បងប្អូន នោះទេ តាមពិតកូនស្រីគាត់មិនមានសង្សា ឫជិតភ្ជាប់ពាក្យជាមួយប្រុសផ្សេងណាឡើយ គាត់សូម ច្រានចោលទាំងស្រុង។
ពាក់ព័ន្ធនឹងករណីកាប់ប្រហារអតីតប្រពន្ធនេះ បើយោងតាមប្រភពព័ត៌មាន ពីប្រជាពលរដ្ឋ គេបានសន្និដ្ឋានថា មូលហេតុដែលជនរូបនេះដាច់ចិត្តកាប់ប្រហារអតីតប្រពន្ធនោះ ដោយសារខ្លួន បានសុំផ្សះផ្សារជាមួយប្រពន្ធមិនព្រមស្របពេលដែលលិចលឺព័ត៌មានថា ប្រពន្ធខ្លួនមាន សង្សារ ហើយ ជិតភ្ជាប់ពាក្យរៀបការផង ចាប់មានកំហឹងក៏ដាច់ចិត្តតាមកាប់ប្រហារតែម្តង ។ មុនពេលដែល សម្លាប់ប្រពន្ធគេបានឃើញជនរូបនេះបង្ហោះហ្វេសប៊ុកដោយនិយាយថា ទោះមិនបានកើតមក នៅ ថ្ងៃតែមួយ ក៏បងនិងអូនបានស្លាប់នៅថ្ងៃជាមួយគ្នាដែរ ។ សកម្មភាពផ្សេងទៀត គេបានឃើញជនរូប នេះ ឧស្សាហ៍ជិះម៉ូតូទៅលេងក្រោមស្ពាន និងអង្គុយលេងលើស្ពានត្រង់ចំណុចខ្សែកាបទី៥ ដែល លោតទឹកនោះ ។
សកម្មភាពទាំងត្រូវបានគេសង្ស័យថា ជាសកម្មភាពបង្វែងដាន គឺបានរៀបចំ គ្រោងទុកមុននឹងសម្លាប់ស្ត្រីរងគ្រោះ ។ ការសង្ស័យនេះក្រោយពេលលិចលឺព័ត៌ថា ជនរូបនេះត្រូវ បានអ្នកចំការឃើញរត់ទាំងខោអាវទទឹកជោគ ហើយស្របពេលដែលរហូតមកដល់ ពេលនេះនៅ មិន ទាន់រកឃើញសាកសពនៅឡើយ ៕
