ភ្នំពេញ ៖ សម្តេចតេជោ នាយករដ្ឋមន្ត្រីបានទទួលជួបពិភាក្សាការងារជាមួយសមាជិ កសភា និងជាទីប្រឹក្សានាយករដ្ឋមន្ត្រីជប៉ុនលោក Kentaro SONOURA នៅវិមាន សន្តិភាពនៅរសៀល ថ្ងៃសុក្រទី២៣ មីនានេះ។
ក្នុងជំនួបនោះលោកទីប្រឹក្សានា យករដ្ឋមន្ត្រីជប៉ុនបានស្នើសុំការពន្យល់ និងលទ្ធភាពរបស់សម្តេចថាតើអាចឲ្យអ្នកត្រូវកាត់សិទ្ធិនយោបាយ អាចវិលចូលឆាកនយោបាយ វិញ។ទីប្រឹក្សានាយករដ្ឋមន្ត្រីជប៉ុនលោក Kentaro SONOURA បានបញ្ជាក់ថា លោកចង់ ដឹងពីលទ្ធភាពរបស់សម្តេចតេជោនាយករដ្ឋមន្ត្រី ថាតើអាចមានការចរ ចារណាមួយជាមួយអ្នក នយោបាយរបស់អតីតគណបក្សប្រឆាំងដែលត្រូវកាត់ សិទ្ធិនយោបាយ៥ឆ្នាំឲ្យចូលធ្វើ នយោបាយ ដែររឺយ៉ាងណា។
យ៉ាងណាក៍ដោយ សម្តេចតេជោ នាយករដ្ឋមន្ត្រីបានបកស្រាយ និងពន្យល់ថា កម្ពុជារហូតមកដល់ ពេលនេះមិនមានច្បាប់ណាលើកលែងអ្នកត្រូវកាត់សិទ្ធិនយោបាយទេ ហើយ ហើយគ្មាននរណាហ៊ានប្រឆាំងទៅនឹងសាលដីការរបស់តុលាការកំពូលនោះដែរ ។
សម្តេចបានអះអាងថា សម្តេចធ្លាប់ផ្តល់សារឲ្យសមាជិកដទៃផ្សេងទៀតក្រៅ អ្នកនយោបាយ ចំនួន ១១៨នាក់ដែលត្រូវបានកាត់សិទ្ធិនោះ ទៅបង្កើតបក្សនយោ បាយដើម្បីចូលរួមប្រកួតការ បោះឆ្នោតដែរ តែពួកគេមិនព្រម។
យ៉ាងណាលោក ទីប្រឹក្សានាយករដ្ឋមន្ត្រីជប៉ុនបានបញ្ជាក់ថា ជប៉ុននឹងបន្តគាំទ្រនូវការអនុវត្តនីតិ រដ្ឋនៅកម្ពុជា ការថែរក្សាឯករាជ្យភាព និងការ រក្សាបាននូវ សុខ សន្តិភាពនិងការ រីកចំរើនរបស់កម្ពុជាផងដែរ។ លោកថា លោកនឹងធ្វើការពាំនាំនូវស្ថានភាព នយោបាយរបស់កម្ពុជាទៅកាន់ថ្នាក់ដឹកនាំកំពូលរបស់ជប៉ុនឲ្យយល់ពីសភាព ការពិតរបស់កម្ពុជា។
ក្រៅបញ្ហានយោបាយសម្តេចតេជោ នាយករដ្ឋមន្ត្រីបានស្នើឲ្យភាគីជប៉ុនពិចារណា ជួយធ្វើការគាំទ្រ ដល់មជ្ឈមណ្ឌលមីនអាស៊ាននៅកម្ពុជាដោយសារមជ្ឈ មណ្ឌលនេះមិនមែនគ្រាន់តែសម្រាប់ ប្រទេស ក្នុងតំបន់អាស៊ានប៉ុណ្ណោះទេ ប៉ុន្តែ គ៍សម្រាប់ប្រទេសដទៃទៀតនៅក្នុងតំបន់ មកធ្វើការ ហ្វឹកហាត់ រៀនសូត្រពីកម្ពុជា លើជំនាញដោះមីន។
ជាការឆ្លើយតប Kentaro SONOURA បានបញ្ជាក់ថា ជប៉ុនកំពុងធ្វើការសិក្សាពីនីតិវិធី ជួយធ្វើយ៉ាងម៉េច ដើម្បីឲ្យមជ្ឈមណ្ឌលមួយនេះ អាចដំណើរការបានដោយរលូន។
ក្នុងនោះដែរសម្តេចតេជោ នាយករដ្ឋមន្ត្រីក៍បានប្រកាសគាំទ្រចំពោះគោល នយោបាយរបស់ ជប៉ុនអ៊ិនប៉ាស៊ីហ្វិកសេរី និងបើកចំហរ ព្រោះជាគំនិតប្រហាក់ ប្រហែលគ្នាជាមួយបណ្តា ប្រទេស ក្នុង តំបន់អាស៊ានមួយចំនួនទៀត ក៍ដូចជា ចិន កូរ៉េ និងឥណ្ឌាជាច្រើន ដោយសម្តេចស្នើសុំឲ្យមាន ការប្រមូលផ្តុំនូវគំនិត និងរកចំណុចប្រសព្វរួមដើម្បីអនុវត្តឲ្យកាន់តែមានប្រសិទ្ធភាព៕
