រាជធានីភ្នំពេញ ៖ យោងតាមសេចក្តីជូនដំណឹងរបស់ក្រសួងសុខាភិបាល បានឲ្យដឹងថា ប្រជាពលរដ្ឋក្នុងឃុំគគីរ ស្រុករមាសហែក ខេត្តស្វាយរៀងដែររងឥទ្ធិពលគ្រប់បែកគីមី របស់អាមេរិកបានកើនរហូតដល់៣២នាក់ហើយ ហើយកំពុងសម្រាកព្យាបាល ជំងឺនៅក្នុង មន្ទីរពេទ្យគន្ធបុប្ផា និងមន្ទីរពេទ្យបង្អែកខេត្តស្វាយរៀង។
ក្រសួងសុខាភិបាលបានចេញសេចក្តីប្រកាសព័ត៌មានមួយនៅថ្ងៃទី២០ ខែតុលា ឆ្នាំ២០១៧នេះ បានបង្ហាញថា ក្រសួងមួយនេះបានយកចិត្តទុកដាក់លើសុខទុក្ខប្រជាជនទូទៅ ជាពិសេស ប្រជាពលរដ្ឋដែលរស់នៅក្នុងតំបន់ដែលមានគ្រាប់បែកគីមីរបស់សហរដ្ឋអាមេរិកបន្សល់ទុកពីស័យសង្គ្រាម ។
ទន្ទឹមនោះក្រុមការងាររបស់ខ្លួនបានរកឃើញគ្រាប់ បែកគីមីរបស់ អាមេរិកនេះ កំពុងបង្កផលប៉ះពាល់ខ្លាំងដល់ប្រជាពលរដ្ឋនៅក្នុងឃុំគគីរ ស្រុករមាសហែក ខេត្តស្វាយរៀង ដែលមានដូចជា សភាពជំងឺមិនប្រក្រតី (វិរូបកម្ម) រួមមាន៖ មាត់វៀច ក្បាលធំ និងជំងឺស្បែក ។ ប៉ុន្តែស្ថានទូតអាមេរិកបានចេញសេចក្តីថ្លែងការណ៍បដិសេធ ហើយថា គ្រាប់ទាំងនោះជាគ្រាប់បែកបង្ហូរទឹកភ្នែកទៅវិញ ៕
ភ្នំពេញ ៖ យុវជនម្នាក់ដូចជាសាហាវពេកហើយ ធ្វើសកម្មភាពចាប់រំលោភទៅលើនារីម្នាក់ តែមិនបានសម្រេចដោយសារប្រដាប់ភេទអត់ឡើង កើតក្តីម៉ួរម៉ៅ បានឱកាសហើយ តែមិនបានសម្រេច ខឹងបែជាយកដងអំបោសទៅរុកប្រដាប់ភេទនារីរងគ្រោះបណ្តាលឲ្យរងរបួស កាលពីយប់ថ្ងៃទី១៩ ខែតុលា ឆ្នាំ២០១៧ ស្ថិតនៅបន្ទប់ជួលក្នុងភូមិទួលពង្រ សង្កាត់ចោមចៅ២ ខណ្ឌពោធិសែនជ័យ ហើយរត់គេចខ្លួន រហូតដល់វេលាម៉ោង១០និង៣០នាទីព្រឹកថ្ងៃទី២០ ខែតុលា ត្រូវបានកម្លាំងនគរបាលប៉ុស្តិ៍ចោមចៅ រួមជាមួយកម្លាំងជំនាញ អធិការដ្ឋានខណ្ឌ ស្រាវជ្រាវតាមចាប់ជនសង្ស័យបាន នៅក្បែរសាលាអងអេង សង្កាត់បឹងកេងកង៣ ខណ្ឌចំការមន ។
ជនសង្ស័យ ឈ្មោះ គុយ សុគុន ភេទប្រុស អាយុ២១ឆ្នាំ មុខរបរ កម្មករឃ្លាំងទំនិញ ស្នាក់នៅបន្ទប់ជួល ក្មាបែរសាលាព្រះអង្គអេង សង្កាត់បឹងកេងកង៣ ខណ្ឌចំការមន មានស្រុកកំណើត ភូមិគេន្ធាក ឃុំសាគ្រាម ស្រុកប្រាសាទបល័ង្គ ខេត្តកំពង់ធំ ។ ចំណែកជនរងគ្រោះ ឈ្មោះ ជ ស រ អាយុ២២ឆ្នាំ មុខរបរកម្មការនីរោងចក្រ ស្នាក់នៅផ្ទះជួលកន្លែងកើតហេតុ មានស្រុកកំណើត ស្រុកប្រាសាទបាល័ង្គ ខេត្តកំពង់ធំ ។
តាមសម្តីនារីរងគ្រោះបានឲ្យដឹងថា បន្ទប់ស្នាក់នៅរាល់ថ្ងៃមានគ្នា៥នាក់ ហើយនៅវេលាម៉ោង ៤ល្ងាចថ្ងៃទី១៩ ខែតុលា នាងបានចេញមកពីរោងចក្រមុនគេ ហើយចូលផ្សារ រកទិញម្ហូមរួច ដល់វេលាម៉ោង៥ល្ងាច ដើរចូលដល់បន្ទប់ជួល ស្រាប់តែលេចមុចជនសង្ស័យ ចូលទៅដែរ ខ្ទាស់គន្លឹះទ្វារជាប់ចាប់ បោចសម្រាតខោអាវចោលអស់ ចងដៃចងជើង រួចធ្វើសកម្មភាពរំលោភ តែមិនបានសម្រេច ជនសង្ស័យប្រើហឹង្សាដោយ ដៃលូកខ្វេះ និងយកដងអំបោសរុក ឆ្គៀលប្រដាប់ភេទ បណ្តាលឲ្យរងរបួស រហូតដល់ មិត្តភ័ក្រ ស្នាក់នៅបន្ទប់ជាមួយមកដល់គោះទ្វារហៅ ទើបផ្អើល ជនសង្ស័យរត់គេចខ្លួន តែទោះជាយ៉ាងណាក្តី ជនសង្ស័យ ជាអ្នកស្គាល់ រស់នៅស្រុក ភូមិជាមួយគ្នា ជាឱកាសមួយ ងាយស្រាវជ្រាវតាមចាប់ខ្លួន ។
តែបើតាមសម្តី ជនសង្ស័យវិញ បានឲ្យដឹងថា ខ្លួនតាមលួចស្រឡាញ់ សុំស្នេហ៍នាង ២ឆ្នាំកន្លងមកហើយ តែនាងចេះតែបដិសេដ លុះមកដល់ល្ងាចថ្ងៃទី១៩ ខែតុលា អត់ទ្រាំលែងបាន ចេញពីធ្វើការងារ សំដៅទៅបន្ទប់ជួលរបស់នាង សុំស្នេហ៍ មិនបានខឹង ទ្រាំមិនបានចាប់រំលោភតែម្តង មិនបានសម្រេច ដោយសារប្រដាប់អត់ឡើង ប្រើដៃលូកខ្វេះ និងយកដងអំបោសរុក តែម្តង ។
តាមនគរបាលបានឲ្យដឹងថា ជនសង្ស័យខាងលើ បានធ្វើសកម្មភាពល្មើស ចូលទៅចាប់ចងដៃជើងនារីរងគ្រោះ ហើយចាប់រំលោភនារីម្នាក់ នៅបន្ទប់ជួល ក្នុងភូមិទួលពង្រ សង្កាត់ចោមចៅ២ តែមិនបានសម្រេច ដោយសារប្រដាប់ភេទរបស់ជនសង្ស័យអត់ឡើង ទើប ជនសង្ស័យប្រើអំពើហឹង្សា ដោយយកដងអំបោសទៅរុកប្រដាប់ភេទនារីរងគ្រោះ ហើយរត់គេចខ្លួនបាត់ ចំណែកនារីរងគ្រោះ ត្រូវបានសាច់ញាតិដឹកបញ្ជូនទៅពិនិត្យនៅមន្ទីរពេទ្យ រួចប្តឹងទៅសមត្ថកិច្ច តែម្តង ។ នគរបាលបន្តទៀតថា ក្រោយពីទទួលបណ្តឹងពីក្រុមគ្រួសារជនរងគ្រោះ ទើបកម្លាំងនគរបាលប៉ុស្តិ៍ចោមចៅ និងកម្លាំងផ្នែកជំនាញ ក្រោមបញ្ជារបស់លោកវរសេនីយ៍ឯក យឹម សារ៉ាន់ អធិការខណ្ឌ ធ្វើការស្រាវជ្រាវ តាមអត្តសញ្ញាណ ជនសង្ស័យ ដែលបានរត់គេចខ្លួនក្រោយកើតហេតុ ទីបំផុតនៅព្រឹកថ្ងៃទី២០ ខែតុលា នេះទើបកម្លាំងតាមស្រាវជ្រាវ ចាប់ខ្លួនបានជនសង្ស័យដែលរត់ទៅសងកងំលាក់ខួននៅ សង្កាត់បឹងកេងកង៣ ខណ្ឌចំការមន រួចនាំទៅចូលប៉ុស្តិ៍ចោមចៅ ដើម្បីសាកសួរនិងកសាងសំណុំរឿងបញ្ជូនទៅផ្នែកជំនាញចាត់ការបន្តទៅតាមនីតិវិធី ៕
ម៉ិកស៊ិក ៖ ប្រជាពលរដ្ឋម៉ិកស៊ិកដែលបានទទួលរងនូវការខូចខាតទ្រព្យសម្បត្តិដោយសារគ្រោះរញ្ជួយដីនៅក្នុងទីក្រុងម៉ិកស៊ីកូស៊ីធី (Mexico City) កាលពីខែមុននោះបាននាំគ្នាធ្វើការតវ៉ានៅតាមដងផ្លូវដើម្បីទាមទារឲ្យរដ្ឋាភិបាលជួយសាងសង់ផ្ទះរបស់ពួកគេឡើងវិញ និងផ្តល់តម្រូវការផ្សេងៗទៀត។
ក្រុមបាតុករបានដើរជាក្បួនឆ្ពោះទៅកាន់ទីតាំងដ៏សំខាន់មួយរបស់ទីក្រុងម៉ិកស៊ីកូស៊ីធី (Mexico City) ដោយបានធ្វើការទាមទារឲ្យរដ្ឋាភិបាលជួយសាងសង់ផ្ទះរបស់ពួកគេឡើងវិញដោយគ្មានអំពើពុករលួយ, ផ្តល់ការការពារសិទ្ធិស៊ីវិលយ៉ាងតឹងរឹង និងជួយផ្លាស់ប្តូរទីតាំងរស់នៅរបស់ពួកគេទៅកាន់តំបន់ដែលមានសុវត្ថិភាព។
សូមរំលឹកថា រញ្ជួយដីកម្រិត៧.១រ៉ិចទ័រដែលបានកើតឡើងកាលពីថ្ងៃទី១៩ ខែកញ្ញាបានសម្លាប់មនុស្សសរុបចំនួន៣៦៩នាក់ និងវាយប្រហារមកលើទីក្រុងម៉ិកស៊ីកូស៊ីធី (Mexico City) យ៉ាងធ្ងន់ធ្ងរដោយអគារចំនួន៤០កន្លែងត្រូវបានដួលរលំ ហើយទ្រព្យសម្បត្តិជាច្រើនទៀតត្រូវរងការខូចខាតយ៉ាងដំណំ។
អាជ្ញាធរប្រទេសម៉ិកស៊ិកបាននិយាយថា ទីក្រុងម៉ិកស៊ីកូស៊ីធី (Mexico City) ត្រូវការលុយប្រហែលជាង១ពាន់លានដុល្លារអាមេរិកដើម្បីស្ថាបនាទីក្រុងនេះឡើងវិញ៕
ភ្នំពេញ ៖ លោកបណ្ឌិតសភាចារ្យ ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា បានថ្លែងថា ជំនួយរបស់សហភាពអឺរ៉ុប(EU)ជួយមកដល់ប្រទេសកម្ពុជា លើផ្នែកអប់រំ ពិតជាចំគោលដៅយ៉ាងពិតប្រាកដ។
ផ្លែងក្នុងពិធីសម្ពោធកម្មវិធី សហប្រតិបត្តិការបែលហ្ស៊ិក រយៈពេល៥ឆ្នាំ ចាប់ពីឆ្នាំ២០១៧ដល់២០២១ របស់អង្គការក្រៅរដ្ឋាភិបាល របស់សហភាព អឺរ៉ុប នៅរសៀលថ្ងៃទី១៩ ខែតុលា ឆ្នាំ២០១៧នេះ រដ្ឋមន្ត្រីក្រសួងអប់រំបានថ្លែងថា ជំនួយដែលសហភាព អឺរ៉ុបផ្តល់ឲ្យពិតជាត្រឹមត្រូវមែនទែន ហើយចំណុចដែលផ្តោតនោះ គឺលើវិទ្យាសាស្ត្រ គណិតវិទ្យា”។ ហើយកម្ពុជានឹងបង្កើតគំនិតថ្មី នៅក្នុងវិស័យបច្ចេកវិទ្យា ខណៈដែលជំនួយដែលផ្តល់ដោយ EU បានជួយបណ្តុះបណ្តាលឲ្យមានជំនាញ ចំណេះដឹងនិងជួយឲ្យមានឥរិយាបថល្អ។
លោករដ្ឋមន្ត្រីបន្តថា តាមរយៈការជួយជ្រោមជ្រែងពី EU និងបែលហ្ស៉ិក នឹងធ្វើឲ្យកម្ពុជាបានសម្រេចគោលដៅក្នុងវិស័យអប់រំ ក្រោយពីបញ្ចប់សង្គ្រាម និងបានធ្វើឲ្យកម្ពុជាមានការរីកចំរើនផងដែរ។
ទាក់ទិននឹងការផ្តល់គម្រោង៥ឆ្នាំនេះ លោក ហ្វីលីព គ្រីឌែលកា (Philippe Kridelka)ឯកអគ្គរាជទូតនៃព្រះបាទព្រះមហាក្សត្រ នៃប្រជាជនប៊ែលហ្ស បានមានប្រសាសន៍ថា ដោយមើលឃើញថា ប្រទេសកម្ពុជាមានសុខសន្តិភាព មានស្ថេរភាពនយោបាយ មានការអភិវឌ្ឍន៍ និងត្រូវការអភិវឌ្ឍបន្ថែមលើវិស័យសំខាន់ៗមួយចំនួនទៀត ទើបរដ្ឋាភិបាលប៊ែលហ្សិក តាមរយៈ EU បានសម្រេចផ្តល់ថវិកាមួយចំនួនដល់អង្កការចំនួន៩នៅក្នុងប្រទេសកម្ពុជា ដើម្បីអនុវត្តនូវគម្រោង៥ឆ្នាំនេះ។ តាមរយៈគម្រោង៥ឆ្នាំនេះដែរ គ្រោងចំណាយថវិកាប្រមាណជា២០លានយូរ៉ូ ទៅលើខេត្តគោលដៅមួយចំនួន ដោយផ្តោតទៅលើវិស័យ អប់រំ សុខាភិបាល កសិកម្ម ការពាធនធានធម្មជាតិ និងការការពារសិទ្ធិមនុស្សនៅកម្ពុជា ជាដើម៕
ម៉ានីល ៖ បើទោះជាទីក្រុងម៉ារ៉ាវី (Marawi) ត្រូវបានរំដោះចេញពីកណ្តាប់ដៃក្រុមបណ្តាញភេរវករគាំទ្រ ISIS នៅភាគខាងត្បូងប្រទេសក៏ដោយ ប្រធានាធិបតីហ្វីលីពីន លោក រ៉ូឌ្រីហ្គោ ឌូតឺតេ នៅតែអះអាងថា ច្បាប់អាជ្ញាសឹកនៅខេត្តនោះនៅតែស្ថិតជាធរមានដដែលដើម្បីរក្សាសុវត្ថិភាពរបស់ជនស៊ីវិលនានា នៅក្នុងខេត្តនេះ។ នេះបើតាមទីភ្នាក់ងារព័ត៌មានចិន ស៊ីនហួរ ចេញផ្សាយនាព្រឹកថ្ងៃសុក្រនេះ។
លោក ឌូតឺតេ បានបញ្ជាក់ថា ច្បាប់អាជ្ញាសឹក នឹងស្ថិតនៅរហូតដល់ក្រុមភេរវករទាំងអស់នៅតំបន់ភាគខាងត្បូង ត្រូវបានបោសសម្អាត។ នៅពេលដែលខ្ញុំបានដាក់ច្បាប់អាជ្ញាសឹក គ្រប់គ្នាបានសួរថា តើពេលណាវានឹងបញ្ចប់? ខ្ញុំនឹងដកចេញនៅពេលណាដែលភេរវករចុងក្រោយត្រូវបានកម្ចាត់ ។
សូមបញ្ជាក់ថា ប្រធានាធិបតីហ្វីលីពីន លោក រ៉ូឌ្រីហ្គោ ឌូតឺតេ បានប្រកាសជាឱឡារឹកនូវការដណ្តើមបានមកវិញទាំងស្រុង ចំពោះទីក្រុង ម៉ារ៉ាវី (Marawi) ស្ថិតនៅក្នុងប្រជុំកោះ មីនដាណាវ ភាគខាងត្បូងប្រទេសហ្វីលីពីន ពីកណ្តាប់ក្រុមឧទ្ទាមកាលពីថ្ងៃអង្គារ ទី១៧ ខែតុលា ឆ្នាំ២០១៧ ខណៈដែលការប្រកាសអំពីជ័យជម្នះដ៏ធំនេះ ត្រូវបានធ្វើឡើងបន្ទាប់ពីរយៈពេល ១៤៨ថ្ងៃ ដែលសង្គ្រាមដ៏ក្តៅគគុកនៅភាគខាងត្បូងហ្វីលីពីននេះ បានអូសបន្លាយដែលជាហេតុបង្កឲ្យមនុស្សរាប់រយនាក់បាត់បង់ជីវិតរួមមានទាំងយោធា ជនស៊ីវិល និងក្រុមឧទ្ទាមគាំទ្រ ISIS ផងដែរ៕
រាជធានីភ្នំពេញ ៖ សេចក្តីស្នើវិសោធនកម្មច្បាប់បោះឆ្នោតចំនួន៤ ពាក់ព័ន្ធនឹងនឹងការបែងចែកអាសនៈ ពេលរំលាយបក្សនយោបាយក្នុងរដ្ឋសភា ត្រូវបានព្រឹទ្ធសភាអនុម័តទាំងស្រុង នៅក្នុងកិច្ចប្រជុំពេញអង្គនាព្រឹក ថ្ងៃទី២០ ខែតុលា ឆ្នាំ២០១៧នេះ ដោយសំឡេង៤០នៃសមាជិកព្រឹទ្ធសភាទាំងមូល។
សេចក្តីស្នើច្បាប់បោះឆ្នោតចំនួន៤នោះ រួមមាន៖
១៖ វិសោធនកម្មច្បាប់ស្តីពីការបោះឆ្នោតជ្រើសតាំងតំណាងរាស្ត្រ
២៖ វិសោធនកម្មច្បាប់ស្តីពីការបោះឆ្នោតជ្រើសតាំងព្រឹទ្ធសភា
៣៖ វិសោធនកម្មច្បាប់ស្តីពីការបោះឆ្នោតជ្រើសរើសក្រុមប្រឹក្សាឃុំ/សង្កាត់
៤៖ វិសោធនកម្ម ច្បាប់ស្តីពីការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ៕
រាជធានីភ្នំពេញ ៖ នៅព្រឹកនេះ ព្រឹទ្ធសភានឹងបើកកិច្ចប្រជុំពេញអង្គ ដើម្បីពិនិត្យ និងឱ្យយោបល់លើសេចក្តីស្នើច្បាប់បោះឆ្នោតចំនួន៤ ដែលពាក់ព័ន្ធនឹងការបែងចែកអសនៈរបស់ គណបក្សនយោបាយក្នុងរដ្ឋសភាដែលត្រូវរំលាយ។ នេះបើតាមការប្រកាសរបស់ព្រឹទ្ធសភា។
សេចក្តីស្នើច្បាប់បោះឆ្នោតចំនួន៤នោះ រួមមាន៖
១៖ វិសោធនកម្មច្បាប់ស្តីពីការបោះឆ្នោតជ្រើសតាំងតំណាងរាស្ត្រ
២៖ វិសោធនកម្មច្បាប់ស្តីពីការបោះឆ្នោតជ្រើសតាំងព្រឹទ្ធសភា
៣៖ វិសោធនកម្មច្បាប់ស្តីពីការបោះឆ្នោតជ្រើសរើសក្រុមប្រឹក្សាឃុំ/សង្កាត់
៤៖ វិសោធនកម្ម ច្បាប់ស្តីពីការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ។
រាជធានីភ្នំពេញ ៖ តាមព័ត៌មានទទួលបានគឺក្រុមមន្ត្រីធ្វើការងារលើកស្ទួយសិទ្ធិស្ត្រី បាន ស្នើទៅអាជ្ញាធរចាត់វិធានការតាមផ្លូវច្បាប់ លើអ្នកដែលបានថតរូបអាក្រាតនៃសពរបស់តារាចម្រៀង សាន ស្រីឡៃ ចែកចាយក្នុងបណ្ដាញសង្គម ។ មន្ត្រីទាំងនោះបានចាត់ទុកទង្វើបែបនោះធ្វើឲ្យប៉ះពាល់ដល់បូរណភាពនៃសាកសព និងស្ត្រីផ្សេងទៀត នៅក្នុងប្រទេសកម្ពុជា ។
លោកស្រី រស់ សុភាព នាយិកាអង្គការយ៉េនឌី និងអភិវឌ្ឍន៍ដើម្បីកម្ពុជា (GADC) ត្រូវបានវិទ្យុក្នុងស្រុកមួយដកស្រង់សំដីថា នៅថ្ងៃទី១៩ ខែតុលានេះថា ការថត និងចែកចាយរូបអាក្រាតរបស់ជនរងគ្រោះ ជាពិសេសស្ត្រី មិនមែនមានតែករណីតារាចម្រៀង សាន ស្រីឡៃ តែម្នាក់នោះទេ។ លោកស្រីថា ករណីបែបនេះ កើតឡើងជាញឹកញាប់ទៅលើស្ត្រី ដែលរងគ្រោះដោយសាររំលោភផ្លូវភេទ អំពើហិង្សា និងឃាតកម្មជាដើម។
លោកស្រី រស់ សុភាព ហៅទង្វើរបស់អ្នកបង្ហាញរូបអាក្រាតស្ត្រីបែបនេះថា ជាការរំលោភបំពានទៅលើសេចក្ដីថ្លៃថ្នូររបស់សព ក្រុមគ្រួសារ និងស្ត្រីផ្សេងៗទៀត នៅក្នុងប្រទេសកម្ពុជា។ លោកស្រី ស្នើទៅអាជ្ញាធរចាត់វិធានការច្បាប់លើបុគ្គលដែលបង្ហាញរូបអាក្រាតតារាចម្រៀងរូបនោះ ដោយថាកុំឲ្យបន្តកើត មានឡើងទៀតនៅក្នុងប្រទេសកម្ពុជា ៕
រាជធានីភ្នំពេញ ៖ អគ្គិសនីកម្ពុជា បានចេញសេចក្ដីជូនដំណឹងមួយ ស្ដីពីការផ្អាកផ្គត់ផ្គង់ចរន្ដអគ្គិសនី ចំនួន៣ថ្ងៃ ចាប់ពីថ្ងៃទី២០ ដល់ថ្ងៃទី២២ ខែតុលា ឆ្នាំ២០១៧ នៅតាមតំបន់មួយចំនួន ក្នុងរាជធានីភ្នំពេញ ខេត្តកណ្ដាល និងខេត្តព្រៃវែង ដោយមូលហេតុ ជួសជុល ផ្លាស់ប្ដូរ ដំឡើងបរិក្ខារ និងរុះរើគន្លងខ្សែបណ្ដាញ៕
បាល់ទាត់ ៖ លោក Leonardo Vitorino បានលាលែងពីតំណែងគ្រូបង្វឹកក្រុមជម្រើសជាតិកម្ពុជា ហើយកាលពីយប់មិញនេះ ក្រោយដឹកនាំជម្រើសជាតិកម្ពុជាបានតែ៩ខែ ពោលគឺតាំងពីខែមករាជំនួសកៅអីលោក Lee Tae Hoon។
គ្រូបង្វឹកសញ្ជាតិប្រេស៊ីលរូបនេះបានបង្ហោះសារមួយលើប្រព័ន្ធទំនាក់ទំនងសង្គមរបស់ខ្លួន នារាត្រីថ្ងៃទី១៩ ខែតុលានេះ ដែលខ្លឹមសាសរក្នុងសាររបស់លោក ហាក់បញ្ជាក់ពីគម្រោងលាឈប់ពីក្រុមជម្រើសជាតិកម្ពុជា។
សារសរសេរថា «សូមអរគុណដល់អ្នកគាំទ្រកម្ពុជាចំពោះពេលវេលាដ៏អស្ចារ្យ ។ ខ្ញុំសូមថ្លែងអំណរគុណយ៉ាងជ្រាលជ្រៅ ចំពោះប្រជាជនទាំងអស់ដែលធ្វើអោយខ្ញុំមានឱកាសធ្វើការនៅទីនេះ (បុគ្គលិកមន្ត្រីរាជការ កីឡាករអ្នកគ្រប់គ្រ ងនិងគ្រូបង្វឹក)។ សូមអភ័យទោសចំពោះការមិនអាចផ្លាស់ប្តូរអ្វីមួយបាន»។
លោកបន្ដថា «ខ្ញុំសូមជូនពរដល់សហព័ន្ធកីឡាបាល់ទាត់កម្ពុជាទទួលបានការរីកចំរើន និងល្អបំផុត ហើយសូមអរគុណចំពោះឱកាសអោយខ្ញុំ ដើម្បីដឹកនាំបាល់ទាត់ក្រុមជំរើសជាតិកម្ពុជា។ សូមអរគុណផងដែរ អ្នកឧបត្ថម្ភ៖ Smart, SCG, Clear … នឹង អ្នកដទៃទៀត ។ ខ្ញុំនឹងមិនភ្លេចអ្នកគាំទ្រកម្ពុជាទេ !!!»។
ជុំវិញការលាឈប់របស់បង្វឹកសញ្ជាតិប្រេស៊ីលរូបនេះដែរមន្ត្រីសហព័ន្ធកីឡាបាល់ទាត់កម្ពុជា FFC ថ្លែងថា ការប្រកួតដែលនៅសេសសល់ក្នុងឆ្នាំ២០១៧ នេះ មន្ត្រីបច្ចេកទេស លោក អូហារ៉ា នឹងដឹកនាំបណ្តោះអាសន្ន ពេលកម្ពុជាប្រកួតទល់នឹងហ្ស៊កដានី និងអាហ្វហ្គានីស្ថាន ក្នុងវគ្គជម្រុះពានអាស៊ី AFC Asian Cup 2019៕
ភ្នំពេញ ៖ ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណៈរដ្ឋបារាំង ប្រចាំនៅកម្ពុជាថ្មី បានថ្លែងអោយដឹងក្នុងជំនួបពិភក្សាការងារជាមួយនឹងសម្តេចវិបុលសេនាភក្តី សាយ ឈុំ ប្រធានព្រឹទ្ធសភាកម្ពុជាថា បារាំងនិងមិនលូកដៃចូលកិច្ចការផ្ទៃក្នុងរបស់កម្ពុជាឡើយ។
អ្នកនាំពាក្យព្រឹទ្ធសភា លោក ម៉ម ប៊ុននាង បានថ្លែងប្រាប់ក្រុមអ្នកសារព័ត៌មាននៅក្រោយពីជំនួបពិភាក្សាការងារ និងសំដែងការគួរសមរវាង លោកជំទាវ អ៊ីវ៉ា ង្វៀង ប៊ីញ ឯកអគ្គរដ្ឋទូត និងពេញសមត្ថភាពនៃសាធារណៈរដ្ឋប្រទេសបារាំងថ្មីប្រចាំងនៅកម្ពុជា និងសម្តេចវិបុលសេនាភក្តី សាយ ឈុំ ប្រធានព្រឹទ្ធសភានៅថ្ងៃទី ១៩ ខែតុលា ឆ្នាំ ២០១៧ នាវិមានព្រឹទ្ធសភាថា ប្រទេសបារាំងនឹងមិនលូកដៃចូលកិច្ចផ្ទៃក្នុងប្រទេសកម្ពុជា ជាពិសេស ដែលកើតមាននាពេលបច្ចុប្បន្ននេះ ។
លោកជំទាវបានលើកឡើងថា ក្នុងនាមប្រទេសបារាំងគ្រាន់តែចូលរួមពង្រឹងកិច្ចសហប្រតិបត្តិការទ្វេភាគី និងទំនាក់ទំងការទូតដែលមានជាយូលង់ណាស់មកហើយអោយកាន់តែមានភាពរឹងមាំបន្ថែមទៀត។
អ្នកនាំពាក្សបាន បញ្ជាក់ថា លោកជំទាវ បានសន្យាថា ប្រទេសបារាំងគាំទ្រពេញទំហឹង ដល់ព្រឹទ្ធសភាកម្ពុជា នឹងផ្តល់អាហារូបករណ៍ដល់មន្ត្រីព្រឹទ្ធសភា និងនិស្សិតកម្ពុជា អោយបន្តការសិក្សា នៅប្រទេសបារាំង បន្ថែមទៀតក្រោយពីព្រឹទ្ធសភារៀបចំការបោះឆ្នោតជ្រើសតាំងសមាជិកព្រឹទ្ធសភា និងរៀបចំគណះកម្មាធិការនានា និងថ្នាក់ដឹកនាំព្រឹទ្ធសភារួចរាល់នៅឆ្នាំ ២០១៨ ព្រមទាំងផ្លាស់ប្តូរទស្សនកិច្ចរវាងថ្នាក់ដឹកនាំព្រឹទ្ធសភាកម្ពុជា និងថ្នាក់ព្រឹទ្ធសភាសាធារណរដ្ឋបារាំង ទៅវិញទៅមកនាពេលខាងមុខ។
ជាការឆ្លើយតប សម្តេចវិបុលសេនាភក្តី សាយ ឈុំ ប្រធានព្រឹទ្ធសភាកម្ពុជា បានអបអរសាទរលោកជំទាវ អ៊ីវ៉ា ង្វៀង ប៊ីញ ដែលត្រូវបានតែងតាំងជាឯកអគ្គរដ្ឋទូតប្រចាំនៅកម្ពុជា និងថ្លែងអំណរគុណ ដល់រដ្ឋាភិបាលបារាំងដែលបានធ្វើអោយប្រទេសទាំងពីរកម្ពុជា-បារាំងមានទំនាក់ទំនងកាន់តែល្អប្រសើរ ព្រមទាំងបានធ្វើទស្សនកិច្ច ថ្នាក់ដឹកនាំកំពូលរបស់ប្រទេសទាំងពីរទៅវិញទៅមកកាន់តែមានភាពស្អិតរមួតនាពេលកន្លងមក៕
ភ្នំពេញ ៖ បន្ទាប់ពីក្រុមហ៊ុនអភិវឌ្ឍន៍ប្រេងដ៏ធំរបស់អាមេរិកដកថយទៅវិញ លើការអភិវឌ្ឍប្រេងនៅកម្ពុជា ពេលនេះ ក្រុមហ៊ុន របស់សាំងហ្កាពួរ KrisEnergy បានចុះកិច្ចព្រមពៀងថ្មីមួយជាមួយកម្ពុជា ក្នុងការអភិវឌ្ឍប្រេងនៅប្លុកA នៅឈូងសមុទ្រកម្ពុជា ។ ព្រឹត្តិការកិច្ចព្រមព្រៀងនេះ បានធ្វើឡើងកាលពីព្រឹកថ្ងៃទី១៩ តុលា នេះ នៅសណ្ឋាគារស៊ូហ្វីតែលភ្នំពេញភូគីត្រា ដោយមានការចូលរួមពី ស៊ុយសែម រដ្ឋមន្ត្រីក្រសួងរ៉ែ និងថាមពល និងលោក អូន ពន្ធ័មុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុផងដែរ ។
លោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានមានប្រសាសន៍ថា កិច្ចព្រមព្រៀងប្រេងកាតនេះ ត្រូវបានចុះហត្ថលេខាជាលើកដំបូង ជាមួយក្រុមហ៊ុន Chevron និងមានការចូលរួមពីក្រុមហ៊ុន គ្រីសអ៊ិនើជី (KrisEnergy )ក្នុងឆ្នាំ ២០១១ ឆ្នាំ ២០១៤ និងឆ្នាំ២០១៦ បន្តបន្ទាប់ រហូតដល់ក្រុមហ៊ុន KrisEnergy បានក្លាយជាប្រតិបត្តិករ ណិងមានភាគហ៊ុនសរុបចំនួន៩៥% ។
លោក បន្តថា ការចរចាត្រូវអូសបន្លាយពេលជាយូរ ក្នុងការធ្វើឱ្យការអភិវឌ្ឍប្រេងកាតលេចជារូបរាងឡើង ។ ការអូសបន្លាយនេះ គឺដោយសារតែភាគីទាំងអស់មានការប្រុងប្រយ័ត្នខ្ពស់បំផុត ក្នុងនោះបានខិតខំចរចាយ៉ាងស្វិតស្វាញជាមួយក្រុមហ៊ុន ពិនិត្យសិក្សាមូលដ្ឋានច្បាប់ និងបច្ចេកទេសច្បាស់លាស់ ដកបទពិសោធន៍ពីប្រទេសផលិតប្រេងផ្សេងៗទៀត ដើម្បីការពារផលប្រយោជន៍ជាតិឱ្យបានជាអតិបរិមា ធានាបាននូវតម្លាភាព និងគណនេយ្យភាព ហើយម្យ៉ាងទៀតដោយតែភាពមិនអំណោយផលនៃសេដ្ឋកិច្ចសកលលោក ជាពិសេសតម្លៃប្រេងឡើងចុះមិនអាចប៉ាន់ស្មានបាន ។
លោក ខេវីន តាំង ( Kevin Tang ) អគ្គនាយករងក្រុមហ៊ុន KrisEnergy បានឱ្យដឹងថា នៅក្នុងកិច្ចព្រមព្រៀងនេះ គ្រាន់តែបង្ហាញឱ្យដឹងថា ក្រុមហ៊ុនលោកមានភាគហ៊ុន៩៥% ហើយរាជរដ្ឋាភិបាលមានភាគហ៊ុន៥% តែចំពោះទុននៃការវិនិយោគប៉ុន្មាននោះ មិនអាចបង្ហាញអោយដឹងនោះទេ តែយ៉ាងណាការវិនិយោគនេះវាមានទំហំធំណាស់ ។
គួរបញ្ជាក់ថា តំបន់កិច្ចសន្យាប្លុក A កម្ពុជា មានទំហំប្រមាណ៣គីឡូម៉ែត្រការ៉េ ដែលស្ថិតនៅក្នុងអាងសមុទ្រកម្ពុជាក្នុងតំបន់ឈូងសមុទ្រថៃ ដែលមានជំរៅទឹកចន្លោះពី ៥០ម៉ែត្រ ទៅ ៨០ម៉ែត្រ ។ ដំណាក់កាលទី១នៃគម្រោងអភិវឌ្ឍន៍អណ្ដូងប្រេងអប្សរា រួមមានផ្លាតហ្វមក្បាលអណ្ដូងផលិតកម្មដែលបញ្ជាពីចំងាយ មួយទ្រទ្រង់ដល់អណ្ដូងបូមប្រេងចំនួន២៤ ដែលបញ្ជូនសន្ទនីយ ដែលបូមបានក្នុងបរិមាណ ៣ម៉ឺនបារ៉ែល ក្នុងមួយថ្ងៃ ទៅកាន់នាវាផលិតកម្មមួយដែលអាចប្រព្រឹត្តិកម្មប្រេង ដោយញែកយកឧស្មន័ ប្រេង និងទឹកចេញពីគ្នា ។ ប្រេងឆៅដែលញែកនឹងទទួលបានប្រមាណ ៨ពាន់បារ៉ែល ក្នុងមួយថ្ងៃ នេះបើយោងតាមក្រុមហ៊ុន KrisEnergy ហើយនឹងត្រូវបញ្ជូនតាមបំពង់បង្ហូរប្រវែង ១,៥គីឡូម៉ែត្រទៅកាន់នាវាបណ្ដែតផ្ទុក និងផ្ទេរប្រេង ៕
ភ្នំពេញ ៖ ទិកាផ្សព្វផ្សាយ និងពិគ្រោះយោបល់ របស់ក្រុមប្រឹក្សារាជធានីភ្នំពេញ នៅព្រឹកថ្ងៃទី១៩ខែតុលានេះ បានរៀបចំធ្វើនៅមហោស្រពចេនឡា សង្កាត់ផ្សារដើមគរ ខណ្ឌទួលគោក ដើម្បីស្តាប់នូវអ្វីដែលកង្វល់ និងការចង់បានរបស់ប្រជាពលរដ្ឋ ក្នុងកាកែលម្អរសហគមន៍ឱ្យកាន់តែល្អប្រសើរ លើបញ្ហាសន្តិសុខ សណ្តាប់ធ្នាប់ បញ្ហាបរិស្ថាននិងបញ្ហាអភិវឌ្ឍមូលដ្ឋាន។
វេទិកាសាធារណៈនេះបានធ្វើឡើងក្រោមវត្តមាន លោក ម៉ប់ សារិន ប្រធាន ក្រុមប្រឹក្សារាជធានីភ្នំពេញ លោក ឃួង ស្រេង អភិបាលរាជធានីភ្នំពេញ លោក លី ណារុន អនុប្រធានក្រុមការងារថ្នាក់ជាតិ ចុះជួយមូលដ្ឋានខណ្ឌទួលគោក និងមន្ត្រីរាជការក្រោមឱវាទជាច្រើនរូបទៀត។
លោក ឃួង ស្រេង អភិបាលរាជធានីភ្នំពេញបានបញ្ជាក់ថា វេទិការថ្ងៃនេះបានដោះស្រាយនូវ សំនួរ សំណើរ និងសំណូមពរផ្ទាល់ មាត់ចំនួន១៣ ស្មើនិង១៧បញ្ហា ហើយនៅសល់ សំណួរ សំណូមពរ ជាលេខលាក់អក្សរចំនួន៧៤ទៀត នឹងត្រូវដោះស្រាយជាបន្តបន្ទាប់ តែទាមទាឱ្យមានការពិនិត្យ ពិភាក្សាគ្នា ឱ្យបានហ្មត់ចត់ ជាមួយមន្ត្រីពាក់ព័ន្ធថ្នាក់មូលដ្ឋាន។
ជាមួយគ្នានោះ លោកអភិបាល ស្នើឱ្យប្រជាពលរដ្ឋ ចូលរួមលើកជាមតិយោបល់អំពីអ្វីដែលជាកង្វល់របស់បងប្អូនឱ្យបានច្រើន ជាងការលើកឡើងរបស់មេភូមិ ឬ ចៅសង្កាត់ វាអាចនឹងមិនត្រូវចិត្តរបស់ប្រជាពលរដ្ឋ ហើយបញ្ហាមួយចំនួនគឺសង្កាត់ ឬ ខណ្ឌ ជាអ្នកសម្របសម្រួល និងដោះស្រាយជូន ប៉ុន្តែបើអាជ្ញាធរមូលដ្ឋានដោះមិនចេញ អាចលើកមកនៅពេលនេះ ដើម្បីយើងដោះស្រាយនៅចំពោះមុខទាំងអស់គ្នា តែយ៉ាងណាសុំកុំយកវេទិការនេះ កេងចំណេញផ្នែកនយោបាយ ឬ ផលប្រយោជន៍បក្សពួក និងផលប្រយោជន៍ផ្ទាល់ខ្លួន។
លោក ឃួង ស្រេង បញ្ជាក់ថា វេទិការសាធារណៈនេះ គឺមានគោលបំណង បង្កើតឱកាសឱ្យប្រជាពលរដ្ឋ លើកនូវចំណុចអវិជ្ជាមាន មកកែលំអរ រដ្ឋបាលថ្នាក់ក្រោម ពិសេសលើការបំរើ សេវាសាធារណៈ និងកំណែទម្រង់ស៊ីជម្រៅរបស់រាជរដ្ឋាភិបាល ដើម្បីរដ្ឋបាលថ្នាក់ក្រោមជាតិអនុវត្តឱ្យបានល្អ។ លោក ស្នើឱ្យមន្ត្រីទាំងអស់យកចិត្តទុកបំរើប្រជាពលរដ្ឋឱ្យអស់ពីលទ្ធភាព និងដោយសុទ្ធចិត្ត និងមិនយកប្រាក់ ព្រោះនេះជាបទបញ្ជានិងជាគោលការរបស់រាជរដ្ឋាភិបាល។ ដោយឡែក ពាក់ព័ន្ធនឹងការកសាងហេដ្ឋារចនា សម្ព័ន្ធ ការកកស្ទះចរាចរ នោះជារឿងរដ្ឋបាលរាជធានីភ្នំពេញជាអ្នកដោះស្រាយ។
ទាក់ទិននិងបញ្ហានេះ លោក ម៉ប់ សារិន បានអោយដឹងថា វាទិការផ្សព្វផ្សាយនិងពិគ្រោះយោបល់របស់ក្រុមប្រឹក្សារាជធានីនៅព្រឹកនេះ ផ្តោតសំខាន់ពាក់ព័ន្ធបញ្ហា៣ចំណុច ដែលទាក់ទងនឹងកង្វល់ផ្ទាល់របស់ប្រជាពលរដ្ឋ ក្នុងនោះរួមមាន បញ្ហាសន្តិសុខ សណ្តាប់ធ្នាប់ បញ្ហាបរិស្ថាន និងបញ្ហាអភិវឌ្ឍមូលដ្ឋាន។
សម្រាប់រដ្ឋបាលរាជធានីភ្នំពេញការចូលរួមមតិយោបល់ និងលើកឡើងនូវសំណើ សំណួរ សំណូមពររបស់ប្រជាពលរដ្ឋ ទោះទិទាន រិះគន់យ៉ាងណាក៏ដោយ គឺពិតជាបាននាំមកនូវសក្តានុពលយ៉ាងធំធេង និងបានធ្វើឲ្យរដ្ឋបាលរាជធានីភ្នំពេញ ឆ្លុះបញ្ចាំងនូវចំណុចអសកម្មនាពេលកន្លងមក ដើម្បីរដ្ឋបាលរាជធានីធ្វើការកែលម្អឡើងវិញ និងអភិវឌ្ឍន៍ក្នុងមូលដ្ឋានឲ្យបានល្អប្រសើរ និងស្វែងរកនូវដំណោះស្រាយជូនប្រជាពលរដ្ឋឲ្យមានតម្លាភាព និងមានប្រសិទ្ធភាពក្នុងនាមជាតំណាងរដ្ឋបាលសាធារណៈ៕
រាជធានីភ្នំពេញ ៖ យោងតាមរបាយការណ៍របស់គណៈកម្មាធិការជាតិសុវត្ថិភាពចរាចរណ៍ផ្លូវគោក បានឲ្យដឹងថា ក្នុងរយៈពេល៩ខែដើមឆ្នាំ២០១៧នេះ គ្រោះថ្នាក់ចរាចរណ៍ បានសម្លាប់មនុស្ស ៤២៦នាក់ និង១.២១៦នាក់ទៀត រងរបួស។
តាមរបាយការណ៍ដដែលបានឲ្យដឹងថា ការត្រួតពិនិត្យល្បឿនក្នុង៣ត្រីមាស ឆ្នាំ២០១៧ មានរថយន្តបើកបរល្មើសល្បឿនចំនួន៥.០៦៣គ្រឿង បានមកបង់ប្រាក់ពិន័យចំនួន ៣.៦៦០គ្រឿង ក្នុងនោះបង់រួចចំនួន ៩៥៩គ្រឿង ស្មើ២៦ភាគរយ ចំពោះម្ចាស់រថយន្តមិនទាន់មកបង់ប្រាក់ ពិន័យមានចំនួន ១.៤០៣គ្រឿង។ ចំណែកប្រាក់ពិន័យដែលទទួលបានសរុបមានចំនួន ៣៨២.១៩០.០០០រៀល។ ចំណែកខេត្តដែលមានករណីគ្រោះថ្នាក់ចរាចរណ៍ ច្រើនជាងគេ រួមមាន៖ ខេត្តកណ្ដាលអ្នកស្លាប់៥០នាក់, កំពង់ធំ អ្នកស្លាប់៣៥នាក់ និងរាជធានីភ្នំពេញអ្នកសា្លប់ចំនួន៣១នាក់។ ដូច្នេះចំនួនអ្នកសា្លប់ជាមធ្យមក្នុងមួយថ្ងៃមានចំនួន៤.៧នាក់និងរបួស ចំនួន១៣.៥នាក់ ៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
