កាប៊ុល៖ក្រុមមន្ត្រីសុខាភិបាលអាហ្វហ្គានីស្ថាន បានប្រាប់ទីភ្នាក់ងារ សារព័ត៌មាន Reuters នៅមុននេះបន្តិច ថា ចំនួនអ្នកស្លាប់កើនឡើងដល់០៨នាក់ និង២៨នាក់ទៀតរងរបួសហើយ ក្នុងហេតុការណ៍វាយប្រហារដោយបំផ្ទុះគ្រាប់បែកអត្តឃាតមួយបានកើតមានឡើង នៅចំកណ្ដាលរដ្ឋធានីកាប៊ុល ប្រទេសអាហ្វហ្គានីស្ថាននៅថ្ងៃពុធនេះ។
សារព័ត៌មានដដែលបានបញ្ជាក់ថា ការវាយប្រហារនេះបានកើតឡើង នៅក្បែរស្ថានទូតអាមេរិកប្រចាំរដ្ឋធានីកាប៊ុល ដោយមានគោលដៅលើក្បួនរថយន្ដរបស់កងកម្លាំងអង្គការណាតូ ដែលកំពុងជួយបណ្ដុះបណ្ដាលកម្លាំងអាហ្វហ្គានីស្ថាន ក្នុងការប្រយុទ្ធប្រឆាំងនឹងក្រុមឧទ្ទាមតាលីបង់ ដែលតែងតែដឹកនាំ សកម្មភាពវាយប្រហាររបៀបនេះនៅអាហ្វហ្គានីស្ថាន។
យ៉ាងណាមិញ ករណីនេះ ពុំទាន់មានក្រុមណាមួយ ចេញមុខអះអាងថាជាអ្នកប្រព្រឹត្តនៅឡើយទេ៕
ការ៉ាកាស់៖ទីភ្នាក់ងារសារព័ត៌មាន Reuters បានរាយការណ៍ថា ចំនួនមនុស្សស្លាប់បណ្តាលមកពីបាតុកម្មទ្រង់ទ្រាយធំបំផុត ដែលបានផ្ទុះឡើងចាប់តាំងដើមខែមេសាមកនោះ បានកើនដល់៣១នាក់ និងរងរបួស៤០០នាក់ រីឯរាប់រយនាក់ផ្សេងទៀតត្រូវបានចាប់ខ្លួន ខណៈកងកម្លាំងសន្តិសុខវេណេស៊ុយអេឡា និងក្រុមអ្នកតវ៉ានៅក្នុងរដ្ឋធានីការ៉ាកាស់ នៅតែបន្តប្រឈមមុខដាក់គ្នាឥតឈប់ឈរ។
ក្រុមអ្នកគាំទ្រ គណបក្សប្រឆាំងរបស់ប្រទេសវេណេស៊ុយអេឡា បាននាំគ្នាបិទផ្លូវធ្វើដំណើរជាច្រើនខ្សែ នៅក្នុងរដ្ឋធានីការ៉ាកាស់ ដើម្បីថ្កោលទោសចំពោះការ សម្រេចចិត្តរបស់ប្រធានាធិបតី លោក Nicolas Maduro ក្នុងការទាមទារឲ្យធ្វើវិសោធនកម្មរដ្ឋធម្មនុញ្ញ។ ជុំវិញការស្នើឲ្យធ្វើវិសោធនកម្មរដ្ឋធម្មនុញ្ញនេះ លោក Maduro ក៏បានអះអាងដែរថា វេណេស៊ុយអេឡា គួរតែមានសភាប្រជាជននិងរដ្ឋធម្មនុញ្ញថ្មីមួយ ដើម្បីស្ដារឡើងវិញនូវសន្តិភាពក៏ដូចជា ទប់ស្កាត់ ការធ្វើរដ្ឋប្រហារ។ ក៏ប៉ុន្តែក្រុមគណបក្សប្រឆាំង ដែលគ្រប់គ្រងសភាជាតិបានច្រានចោលសំណើនេះ និងចោទថា លោកប្រធានាធិបតីមានចេតនាបំផ្លាញបទបញ្ញត្តិ នៃរដ្ឋធម្មនុញ្ញបច្ចុប្បន្ន ដើម្បីសំដៅពង្រឹងអំណាចរបស់ខ្លួនឯងទៅវិញ។
នៅក្នុងរយៈពេលប្រមាណមួយខែចុងក្រោយនេះបាតុកម្មផ្ទុះអំពើហិង្សាដែលរៀបចំឡើងដោយក្រុមបក្សប្រឆាំង បានកើតមានឡើងស្ទើរតែជារៀងរាល់ថ្ងៃ នៅក្នុងប្រទេសអាមេរិកឡាទីនមួយនេះ ក្នុងគោលបំណងសំដៅទាមទារឲ្យលោក Nicolas Maduro ប្រធានាធិបតីវេណេស៊ុយអេឡាចុះចេញពីអំណាច និងស្នើឲ្យមានការបោះឆ្នោតនៅមុនពេលកំណត់។ ជាការឆ្លើយតបរដ្ឋាភិបាល ក៏បានសម្រេចប្រើប្រាស់កម្លាំងកងសន្តិសុខរួមទាំង ការដង្ហែរបាតុកម្មតបតទៅវិញដោយក្រុមអ្នកគាំទ្រលោក Maduro៕
រាជធានីភ្នំពេញ៖ក្រសួងមហាផ្ទៃនៅថ្ងៃទី០៣ ខែឧសភា ឆ្នាំ២០១៧នេះ បានសម្រេចទទួលស្គាល់ការធ្វើវិសោធនកម្មលក្ខន្តិកៈ ប្រកា៤៧ថ្មីរបស់គណបក្សសង្គ្រើជាតិ ពាក់ព័ន្ធនឹងការជ្រើសរើសអនុប្រធាន៕
រាជធានីភ្នំពេញ៖នៅថ្ងៃទី០៣ ខែឧសភា ឆ្នាំ២០១៧នេះ គណៈកម្មាធិការជាតិរៀបចំការបោះឆ្នោត (គ.ជ.ប) បានបង្ហាញពី Page Facebook និងលេខទូរស័ព្ទផ្លូវការរបស់លេខាធិការដ្ឋានរាជធានី-ខេត្ត រៀបចំការបោះឆ្នោតទាំង២៥។
សូមមើល និង Like Page Facebook របស់លេខាធិការដ្ឋានរាជធានី-ខេត្ត រៀបចំការបោះឆ្នោតនីមួយៗ ដូចខាងក្រោម៖
ដោយ៖កូននាគកំណាច
ខេត្តក្រចេះ៖លោក ចាន់ សុគុណ ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្ត និងជាអនុប្រធានប្រចាំកាសមាគមន៍អតីតយុទ្ធជនកម្ពុជាខេត្តក្រចេះ បានបញ្ជាក់ថា នៅក្នុងឆ្នាំ២០១៦ សមាគមន៍អតីតយុទ្ធជនកម្ពុជាខេត្ត បានប្រគល់ប្រាក់បេឡាមរណៈជូនគ្រួសារសពសមាជិកសមាគមន៍ចំនួន ២៥សព ស្មើនឹងទឹកប្រាក់ចំនួន ១០០លានរៀល និងនៅដើមឆ្នាំ២០១៧នេះ ចំនួន ៨សព ស្មើនឹងទឹកប្រាក់ចំនួន ៣២លានរៀល និងសរុបគិតចាប់ពីឆ្នាំ២០០៧ នៃការកកើតសមាគមន៍រហូតមកដល់ពេលនេះ សមាគមន៍បានបើកផ្ដល់ប្រាក់បេឡាមរណៈជូនគ្រួសារសព ដែលជាសមាជិកសមាគមន៍បានចំនួន ១៧៣សព ទឹកប្រាក់សរុប ៦៩២លានរៀល ។
លោក បានលើកឡើងយ៉ាងដូច្នេះ នៅព្រឹកថ្ងៃទី០៣ ខែឧសភា ឆ្នាំ២០១៧នេះ ក្នុងពិធីអបអរសាទរ ខួបលើកទី១០ ទិវាអតីតយុទ្ធជនកម្ពុជា ២១ មិថុនា ២០០៧- ២១ មិថុនា ២០១៧ ក្រោមវត្តមានលោក ជាក់ ម៉េងហ៊ាង អភិបាលរងខេត្តក្រចេះ តំណាងលោក សរ ចំរុង អភិបាលនៃគណៈអភិបាលខេត្ត និងជាប្រធានកិត្តិយសសមាគមន៍អតីតយុទ្ធជនកម្ពុជា នៅសាលមហោស្រពខេត្ត។
ក្នុងពិធីនោះក៏មានវត្តមានចូលរួមពីឯកឧត្តម លោកជំទាវ ក្រុមប្រឹក្សាខេត្ត អភិបាលរងខេត្ត លោក លោកស្រី ប្រធានមន្ទីរ អង្គភាពជុំវិញខេត្ត កងកម្លាំងទាំងបី ក្រុមប្រឹក្សាស្រុក អភិបាលស្រុក ប្រធានក្រុមប្រឹក្សាឃុំ គ្រប់ឃុំ ប្រធានសមាគមអតីតយុទ្ធជនកម្ពុជាគ្រប់ឃុំ ការិយាល័យ អង្គភាពជុំវិញស្រុក អតីតយុទ្ធជន និងគ្រួសារពលី មរណៈ ចំនួន ២៥០នាក់ ។
លោក ចាន់ សុគុណ ប្រធានមន្ទីរសង្គមកិច្ច បានបន្តឲ្យដឹងថា ក្រោមការដឹកនាំដ៏ឈ្លាសវៃរបស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានយកចិត្តទុកដាក់ក្នុងការផ្ដល់អាទិភាពដល់ការអនុវត្តគោលនយោបាយចំពោះអតីតយុទ្ធជន ដើម្បីឆ្លើយតបឲ្យបានស័ក្តសមទៅនឹងគុណបំណាច់របស់អតីតយុទ្ធ ដែលបានធ្វើពលិកម្ម ដើម្បីបុព្វហេតុជាតិមាតុភូមិ សំដៅលើកកម្ពស់មនសិការស្នេហាជាតិ ស្មារតីលះបង់របស់ប្រជាជនគ្របស្រទាប់ក្នុងបុព្វហេតុជាតិមាតុភូមិ ។
លោក បានបន្តថា រាជរដ្ឋាភិបាលបានដាក់ចេញ និងអនុវត្តគោលនយោបាយស្ដីពីការផ្ដល់សម្បទានដីសង្គមកិច្ច ដល់អតីតយុទ្ធជន និងគ្រួសារអតីតយុទ្ធ, ការដោះស្រាយការងារ មុខរបរ, ការដោះស្រាយជីវភាពចំពោះយោធិនរំសាយ ចូលនិវត្តន៍ ជនបាត់បង់សមត្ថភាពការងារ ជនពិការ និងគ្រួសារយុទ្ធជនពលីមរណៈ ដើម្បីឲ្យអតីតកងកម្លាំងប្រដាប់អាវុធ ព្រមទាំងក្រុមគ្រួសារ មានធនធានដីធ្លីសម្រាប់សាងសង់លំនៅដ្ឋាន និងប្រកបរបរធ្វើស្រែចម្ការបង្កើនផលកសិកម្មសម្រាប់ផ្គត់ផ្គង់ជីវភាពគ្រួសារ និងរួមចំណែកអភិវឌ្ឍន៍ប្រទេសជាតិ ។
លោក ចាន់ សុគុណ បានបញ្ជាក់ថា បច្ចុប្បន្ន អតីតយុទ្ធជន ព្រមទាំងអ្នកនៅក្នុងបន្ទុកកំពុងទទួលប្រាក់របបគោលនយោបាយពីរដ្ឋដែលស្ថិតនៅក្រោមការគ្រប់គ្រងរបស់មន្ទីរ សរុបមានចំនួន ១,២៥៥នាក់ ។ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរកន្លងទៅថ្មីៗនេះ រាជរដ្ឋាភិបាលបានផ្ដល់ប្រាក់ឧបត្ថម្ភចំនួន ៥ម៉ឺនរៀល និងបានបន្ថែមរបបសន្តិសុខសង្គមប្រចាំខែជូនដល់អតីតយុទ្ធចាប់ពីខែមេសា ឆ្នាំ២០១៧ ។
ដោយឡែក សមាគមន៍អតីតយុទ្ធជនកម្ពុជាខេត្ត ក៏បាននឹងកំពុងបំពេញតួនាទីយ៉ាងសំខាន់ក្នុងការលើកកម្ពស់តួនាទីរបស់បងប្អូនអតីតយុទ្ធនៅក្នុងសង្គមជាតិ ។ សមាគមន៍អតីតយុទ្ធជនកម្ពុជាខេត្តមានសមាជិកសរុប ចំនួន ១,០២៣នាក់ ក្នុងនោះមាន គ្រួសារជនពលី គ្រួសារជនមរណៈ យោធិនពិកា និវត្តន៍ជន និងជនបាត់បង់សមត្ថភាពការងារ៕
កាប៊ុល៖ទីភ្នាក់ងារសារព័ត៌មាន Reuters ចេញផ្សាយថា យ៉ាងហោចណាស់មនុស្ស០៤នាក់ និង២២នាក់ទៀតរងរបួស ក្នុងហេតុការណ៍វាយប្រហារដោយបំផ្ទុះគ្រាប់បែកអត្តឃាតមួយបានកើតមានឡើង នៅចំកណ្ដាលរដ្ឋធានីកាប៊ុល ប្រទេសអាហ្វហ្គានីស្ថាននៅថ្ងៃពុធនេះ។
សារព័ត៌មានដដែលបានបញ្ជាក់ថា ការវាយប្រហារនេះបានកើតឡើង នៅក្បែរស្ថានទូតអាមេរិកប្រចាំរដ្ឋធានីកាប៊ុល ដោយមានគោលដៅលើក្បួនរថយន្ដរបស់កងកម្លាំងអង្គការណាតូ ដែលកំពុងជួយបណ្ដុះបណ្ដាលកម្លាំងអាហ្វហ្គានីស្ថាន ក្នុងការប្រយុទ្ធប្រឆាំងនឹងក្រុមឧទ្ទាមតាលីបង់ ដែលតែងតែដឹកនាំ សកម្មភាពវាយប្រហាររបៀបនេះនៅអាហ្វហ្គានីស្ថាន៕
វ៉ាស៊ីនតោន៖អតីតបេក្ខជនប្រធានាធិបតីប្រចាំបក្សប្រជាធិបតេយ្យលោកស្រី ហ៊ីលឡារី គ្លីនតុន បាន បញ្ចេញមតិជុំវិញបញ្ហាដ៏ក្តៅគគុក នៅតំបន់ឧបទ្វីបកូរ៉េកាលពីថ្ងៃអង្គារថាសហរដ្ឋអាមេរិកគួរតែមានការប្រយ័ត្នប្រយែងខ្ពស់ចំពោះកិច្ចចរចា ដែលអាចកើតមានឡើងជាមួយកូរ៉េខាងជើង។ នេះបើតាមការចេញផ្សាយដោយទីភ្នាក់ងារព័ត៌មាន យ៉ុនហាប់ នាព្រឹកថ្ងៃពុធ ទី០៣ ខែមេសា ឆ្នាំ២០១៧។
លោកស្រី គ្លីនតុន បានលើកឡើងដូច្នេះបន្ទាប់ពីលោក ត្រាំ ប្រធានាធិបតីអាមេរិកបានអះអាងថា លោកស្វាគមន៍ចំពោះជំនួបពិភាក្សា និងការចរចាជាមួយមេដឹកនាំកូរ៉េខាងជើង លោក គីម ជុងអ៊ុន នៅក្នុងបរិយាកាសដ៏ត្រឹមត្រូវមួយ។លោកស្រីបានបន្តថាបញ្ហាកូរ៉េខាងជើង តែងតែត្រូវបានចាប់អារម្មណ៍មិនមែនតែនៅជំនាន់ លោក គីម ជុងអ៊ុន នោះទេ ប៉ុន្តែកាលពីជំនាន់ឪពុក និងជីតាផងដែរ ដែលសហរដ្ឋអាមេរិកបានព្យាយាមធ្វើការចរចា ដើម្បីលុបបំបាត់ឥទ្ធិពល និងតួនាទីរបស់ពួកគេ។លោកស្រី គ្លីនតុន បានសង្កត់ធ្ងន់ទៀតថា អាមេរិកគួរតែបង្កើតយុទ្ធសាស្ត្រឲ្យទូលាយជាងនេះ។
លោក ដូណាល់ត្រាំ បានថ្លែងបញ្ជាក់ប្រាប់សារព័ត៌មាន Bloomberg News ថា លោកចង់ជួបជាមួយមេដឹកនាំកូរ៉េខាងជើង លោក គីម ជុងអ៊ុន ប្រសិនបើស្ថានភាពអំណោយផល។ «ប្រសិនបើវាសាកសមសម្រាប់ខ្ញុំ ក្នុងការជួបជាមួយលោក គីមនោះ ខ្ញុំច្បាស់ជាជួបជាមិនខាន ខ្ញុំពិតជាមានកិត្តិយសក្នុងការធ្វើបែបនេះ»៕
រាជធានីភ្នំពេញ៖នៅថ្ងៃទី០២ ខែឧសភា ឆ្នាំ២០១៧នេះ អយ្យការអមសាលាដំបូងរាធានីភ្នំពេញបានចេញសេចក្តីថ្លែងការណ៍ និងដីកាសម្រេចបង្គាប់ឲ្យជនសង្ស័យ ហួត ឃីនវុទ្ធី ហៅ ជុន ចន្ទ័បុត្រ ចូលខ្លួននៅតុលាការ និងសម្រេចបន្តចាត់ការលើសំណុំរឿងដោយអនុវត្តស្របតាមបទបញ្ញត្តិ នៃក្រមនីតិវិធី ព្រហ្មទណ្ឌ។
ការចេញដីកាបង្គាប់នេះធ្វើឡើងបន្ទាប់ពីជនសង្ស័យ ជុន ច័ន្ទបុត្រ នាយករងវិទ្យុអាស៊ីសេរីផ្នែកខេមភាសា បានរត់គេចខ្លួនទៅសហរដ្ឋ អាមេរិកដោយមិនចូលបំភ្លឺតាមការកោះហៅ ក៏ដូចជាការសន្យាតាមរយៈលិខិតរបស់ខ្លួន ដាក់ជូនតុលាការមុនពេលទៅប្រទេសថៃ។
ការចេញដីកាបញ្ជាឲ្យចូលខ្លួនពីសំណាក់អយ្យការអមសាលាដំបូងរាជធានីភ្នំពេញនៅពេលនេះ មានន័យថា សមត្ថកិច្ចនឹងនាំខ្លួនជនសង្ស័យ ជុន ច័ន្ទបុត្រ ប្រសិនបើប្រទះឃើញនៅទីកន្លែងណាមួយ៕
ខេត្តស្វាយរៀង៖ក្របីចំនួន៤ក្បាលត្រូវរន្ធះបាញ់ងាប់ដួលត្រៀបនៅវាលស្រែ ខណៈដែលម្ចាស់ព្រលែងអោយស៊ីស្មៅវាលស្រែ ដែលអភូតហេតុរន្ទះបាញ់បណ្តាលឲ្យងាប់ខាងលើនេះបានកើតឡើងកាលពីម៉ោង៥ និង០០ល្ងាចថ្ងៃទី១ ខែឧសភា ឆ្នាំ២០១៧នេះ នៅភូមិធំ ឃុំបន្ទាយក្រាំង ស្រុកកំពង់រោទិ៍ ខេត្តស្វាយរៀង។
បើតាមម្ចាស់ក្របីខាងលើមានឈ្មោះ សឿន ឌឿន ប្រុស អាយុ៦៣ឆ្នាំ និងប្រពន្ធឈ្មោះ មុំ ស៊ីណា អាយុ៤៥ឆ្នាំ មានទីលំនៅភូមិធំ ឃុំបន្ទាយក្រាំង ស្រុកកំពង់រោទិ៍ ខេត្តស្វាយរៀងបានឲ្យដឹងថា នៅមុនពេលកើតហេតុនោះមេឃស្រទុមមានពពកខ្មៅភ្លៀងខ្យល់ផ្គររន្ទះ ក្រោយមកក៏មានផ្លេកបន្ទោលបែកផ្កាភ្លើង និងស្នូរសំឡេងផ្ទុះដូចគ្រប់បែក ស្រាប់តែក្របីនៅវាលស្រែដួលត្រៀបទើបដឹងថាត្រូវរន្ទះ។ក្រោយពីជួបអភូតហេតុដ៏អាក្រក់ខាងលើម្ចាស់ក្របីបានត្រឹមតែសោកស្តាយក្របីរបស់គាត់ប៉ុណ្ណោះ។
គួររំលឹកផងដែរថា កន្លងទៅថ្មីៗនេះនៅស្រុកកំពង់រោទិ៍ក៏ធ្លាប់មានអភូតហេតុរន្ទះបាញ់ក្របីងាប់ច្រើនក្បាល និងមានមនុស្សស្លាប់ម្នាក់ដោយសាររន្ទះបាញ់ផងដែរ។
សូមអោយបងប្អូនប្រជាពលរដ្ឋមានការប្រុងប្រយ័ត្នខ្ពស់ចំពោះគ្រោះធម្មជាតិភ្លៀងខ្យល់កន្ត្រាក់ហើយសំខាន់នោះពេកមានមេឃភ្លៀងរលឹមផ្គររន្ទះត្រូវរកកន្លែងណាដែលមានសុវត្ថិភាព៕
ខេត្តស្វាយរៀង៖យ៉ាងហោចណាស់យុវជនម្នាក់បានស្លាប់ភ្លាមៗនៅកន្លែងកើតហេតុ និងម្នាក់រងរបួសធ្ងន់ ខណៈដែលត្រូវបានរថយន្តហាយឡែនឌ័ររបស់មន្ត្រីពន្ធនាគារម្នាក់ធ្វើដំណើរស្របទិសគ្នាបុកពីក្រោយអូសជាង៥០ម៉ែត្រ។ ករណីគ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង១៧ និង៥០នាទីថ្ងៃទី១ ខែឧសភា ឆ្នាំ២០១៧ នៅលើផ្លូវជាតិលេខ១ ចន្លោះគីឡូម៉ែត្រ១៣៧/១៣៨ ស្ថិតក្នុងភូមិ ប្រសូត្រ២ ឃុំកណ្តៀងរាយ ស្រុកស្វាយទាប ខេត្តស្វាយរៀង។
បើតាមសមត្ថកិច្ចបានឲ្យដឹងថា នៅមុនពេលកើតហេតុគេម៉ូតូមួយគ្រឿងម៉ាកហុងដា សេ១២៥ ស៊េរីឆ្នាំ២០១៣ ពណ៌ខ្មៅ ស្លាកលេខ 1D 3871បើកពីទិសលិចទៅកើតស្របទិសគ្នាជាមួយរថយន្តម៉ាក ហាយឡែនដ័រ ពណ៌ ទឹកប្រាក់ ពាក់ស្លាកលេខ ភ្នំពេញ 2U 7898 លុះមកដល់ចំណុចកើតហេតុខាងលើស្រាប់តែបុកម៉ូតូរងគ្រោះពីក្រោយពេញទំហឹងផ្លោងហោះបោកក្បាលទៅកញ្ចក់រថយន្ត និងអូសជាង៥០ម៉ែត្រ។ ក្រោយពីបង្កហេតុរួចអ្នកបើកបរបានចុះពីរថយន្តរត់គេចខ្លួនបាត់ស្រមោល។
ប្រភពខាងលើបានបន្តទៀតថា ដោយក្នុងរថយន្តបង្កមានអាវមន្ត្រីពន្ធាគា ឈ្មោះ ណុប ប៊ុនលី ភេទ ប្រុស អាយុ៤២ឆ្នាំ មុខរបរ មន្ត្រីពន្ធនាគារ រស់នៅភូមិអំពិលទឹក ឃុំកំពង់ភ្នំ ស្រុកលើកដែក ខេត្តកណ្តាល។ ចំណែកអ្នកបើកម៉ូតូមានឈ្មោះ ប្រាក់ សារ៉េត ភេទប្រុស អាយុ១៧ឆ្នាំ មុខរបរសិស្ស រស់នៅភូមិ ត្រពាំងអំពិល ឃុំសំបួរ ស្រុកស្វាយទាប ខេត្តស្វាយរៀង រងរបួសធ្ងន់ (ពាក់មួកសុត្ថិភាព) ជិះឌុបគ្នា ជាមួយ ឈ្មោះ សន សុជាតិ ភេទប្រុស អាយុ១៧ ឆ្នាំ មុខរបរសិស្ស រស់នៅភូមិជប់ ឃុំកណ្តៀងរាយ ស្រុកស្វាយទាប ខេត្តស្វាយរៀង ស្លាប់នៅកន្លែងកើតហេតុ (ពាក់មួកសុវត្ថិភាព)។ សពយុវជនរងគ្រោះបាត់បង់ជីវិតត្រូវបានសមត្ថកិច្ចប្រគល់អោយក្រុមគ្រួសារយកទៅធ្វើបុណ្យតាមប្រពៃណី រីឯអ្នករងរបួសធ្ងន់បានបញ្ជូនទៅព្យាបាលនៅមន្ទីរពេទ្យបង្អែកខេត្តស្វាយរៀង។ ចំណែកមធ្យោបាយរក្សានៅកន្លែងអធិការដ្ឋាននគរបាលស្រុកស្វាយទាបដើម្បីរង់ចាំធ្វើការដោះស្រាយគ្នានៅពេលក្រោយ៕
រាជធានីភ្នំពេញ៖តាមរបាយការណ៍នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈបានឲ្យដឹងថា គ្រោះថ្នាក់ចរាចរណ៍ទូទាំងប្រទេសពេញ១ខែមេសាសា ឆ្នាំ២០១៧នេះកើតឡើង៣៧៤លើក បណ្តាលឲ្តមនុស្ស១៧៨នាក់ស្លាប់ និង៦៨៣នាក់បានរងរបួសធ្ងន់ស្រាល។
របាយការណ៍ដដែលបន្តថា មូលហេតុដែលនាំឲ្យគ្រោះថ្នាក់ចរាចរណ៍ភាគច្រើន មកពីបើកបរក្នុងល្បឿនលឿន ស្ថិតនៅក្រោមឥទ្ធិពលស្រវឹង បើកបរជែង មិនប្រកាន់ស្តាំ បើកបរមិនគោរពសិទ្ធ និងបត់គ្រោះថ្នាក់ជាដើម។ របាយការណ៍ខាងលើបញ្ជាក់ថា ខេត្តដែលមានគ្រោះថ្នាក់ចរាចរណ៍ច្រើនជាង គឺរាជធានីភ្នំពេញ បន្ទាយមានជ័យ កំពង់ធំ កណ្តាល ព្រៃវែង កំពង់ចាម ពោធិ៍សាត់ កំពង់ស្ពឺ៕
អាមេរិក៖ខ្មាន់កាំភ្លើងម្នាក់បានបើកការបាញ់ប្រហារនៅទីតាំងអាងហែលទឹកកម្សាន្តមួយកន្លែងក្នុងទីក្រុង San Diego រដ្ឋកាលីហ្វរញ៉ា សហរដ្ឋអាមេរិក បណ្តាលឲ្យមនុស្សយ៉ាតិចចំនួន០៧នាក់បានរបួសហើយជនរងគ្រោះម្នាក់ក៏បានដាច់ខ្យល់ស្លាប់ដែរ ដោយសារតែរងរបួសធ្ងន់ពេក។ នេះបើយោងតាមទីភ្នាក់ងារព័ត៌មានចិន ស៊ិនហួរ។
យោងតាមប៉ូលិសប្រចាំនៅតំបន់កើតហេតុបាននិយាយថា ជនរងគ្រោះមួយចំនួនស្ថិតក្នុងស្ថានភាពធ្ងន់ធ្ងរ ដោយសារតែការវាយប្រហារខាងលើនេះ។ ប៉ូលិសបញ្ជាក់ថា ខ្មាន់កាំភ្លើងជាបុរសជនជាតិស្បែកសម្នាក់ប្រដាប់ដោយកាំភ្លើងមួយដើមត្រូវបានបាញ់សម្លាប់ដោយមន្ត្រីប៉ូលិសបីនាក់ ដែលបានមកដល់កន្លែងកើតហេតុ។
ទោះបីយ៉ាងណាជុំវិញករណីបាញ់ប្រហារខាងលើនេះសមត្ថកិច្ចបាននិងកំពុងបើកការស៊ើបអង្កេតនៅឡើយ៕
ភ្នំពេញ៖ស្ត្រីដែលជាមុខសញ្ញាចោរលូកហោប៉ៅម្នាក់ក្នុងចំណោមបក្សពួកមួយចំនួនទៀតបានធ្វើសកម្មភាពលូកយកកាបូបលុយពីស្ត្រីម្នាក់ទៀតនៅក្នុងផ្សារព្រៃទា ក្នុងភូមិព្រៃទា សង្កាត់ចោមចៅខណ្ឌពោធិ៍សែនជ័យរាជធានីភ្នំពេញកាលពីវេលាម៉ោង៩ព្រឹកថ្ងៃទី៣០ ខែមេសា ឆ្នាំ២០១៧ ត្រូវបានជជនរងគ្រោះស្រែកបង្កការភ្ញាក់ផ្អើលហើយប្រជាពលរដ្ឋជួយចាប់បានវាយបន្តិចបន្តួចរួចទើបប្រគល់ឱ្យបគរបាកប៉ុស្ដិ៍ចោមចៅចាត់ការបន្ត។
ជនរងគ្រោះមានឈ្មោះ ស៊ីម ស្រីល័ក្ខ អាយុ២៩ឆ្នាំ ស្នាក់នៅបន្ទប់ជួលភូមិព្រៃទាសង្កាត់ចោមចៅខណ្ឌពោធិ៍សែនជ័យរាជធានីភ្នំពេញ។ ចំណែកនារីជាជនសង្ស័យឈ្មោះ ប៊ុត ស្រីមុំ អាយុ៣៥ឆ្នាំ មុខរបរមិនពិតប្រាកដស្នាក់នៅសង្កាត់បឹងកក់១ខណ្ឌទួលគោករាជធានីភ្នំពេញមានស្រុកកំណើតនៅខេត្តកំពត។
ប្រភពព័ត៌មានពីសមត្ថកិច្ចបានឱ្យដឹងថានៅមុនពេលកើតហេតុជនរងគ្រោះបានដើចេញពីបន្ទប់ជួលក្នុងភូមិព្រៃទាសង្កាត់ចោមចៅខណ្ឌពោធិ៍សែនជ័យរាជធានីភ្នំពេញទៅទិញឥវ៉ាន់នៅខាងមុខផ្សាព្រៃទាស្រាប់តែជនសង្ស័យដើរមកកៀរជនរងគ្រោះម្តង ហើយម្តងទៀតពេលនោះជនរងគ្រោះក៏មើលមុខរួចក៏ដើរចេញហើយក៏មើលមកកាបូបស្ពាយរបស់ខ្លួនឃើញចំហររូតរួចបាត់កាបូបលុយតូចក្នុងកាបូបលុយនោះមានលុយចំនួន១៨០ដុល្លារ ពេលនោះជនរងគ្រោះបានដើរទៅរកជនសង្ស័យឃើញហើយក៏ធ្វើកាសួរនាំជនសង្ស័យបានឆ្លើយសារភាពរួច ហើយជនគ្រោះ និងប្តីចាប់ប្រគល់ឱ្យសមត្ថកិច្ចចោមចៅតែម្តង។
ក្រោយកើតហេតុជនសង្ស័យត្រូវបានសមត្ថកិច្ចចោមចៅឃាត់ខ្លួនសួរនាំ និងចាត់ការទៅតាមនីតិវិធី៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
