All posts by មេគង្គ ប៉ុស្តិ៍

ពលរដ្ឋច្រើននាក់ប្រមូលផ្តុំគ្នាតវ៉ាប្រឆាំងការវាយប្រហារយោធាលើក្រុងអាឡេប៉ូ

December 14, 2016ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

អាល្លឺម៉ង់៖មនុស្សរាប់រយនាក់នៅក្នុងទីក្រុងប៊ែកឡាំងនៃប្រទេសអាល្លឺម៉ង់កាលពីថ្ងៃអង្គារម្សិលមិញបានប្រមូលផ្ដុំគ្នាដើម្បីប្រឆាំងនឹងការវាយប្រហារយោធាទៅលើទីក្រុងអាឡេប៉ូនៃប្រទេសស៊ីរី។ ក្រុមអ្នកតវ៉ាទាំងនេះគឺភាគច្រើនជាពលរដ្ឋស៊ីរីដែលបានភៀសខ្លួនទៅរស់នៅក្នុងឋានៈជាអ្នកស្វែងស្វែងរកជ្រកកោននៅប្រទេសអាល្លឺម៉ង់ ហើយពួកគេបានប្រមូលផ្ដុំគ្នានៅខាងក្រៅស្ថានទូតសហរដ្ឋអាមេរិកនៅជិតវិមានប្រានដិនប៊ើកនៅប្រទេសអាល្លឺម៉ង់។
ក្រោយពីបានស្រែកទាមទារឲ្យរដ្ឋាភិបាលសហរដ្ឋអាមេរិកខិតខំប្រឹងប្រែងថែមទៀតក្នុងការបញ្ចប់ការវាយប្រហារនេះហើយ ក្រុមអ្នកតវ៉ាបានបន្តក្បួនរបស់ពួកគេអហិង្សាទៅកាន់ស្ថានទូតនៃប្រទេសរុស្ស៊ីនៅក្នុងទីក្រុងប៊ែកឡាំងជាបន្តទៀត។
ក្រុមអ្នកតវ៉ាជាច្រើនបានកាន់បដាដែលសរសេរថា លោក វ្ល៉ាឌីមៀ ពូទីន ប្រធានាធិបតីនៃប្រទេសរុស្ស៊ីបានមានការពាក់ព័ន្ធនឹងអ្វីដែលពួកគេបានអះអាងថាគឺជាអ្នកសម្លាប់ជនស៊ីវិលនៅក្នុងទីក្រុងអាឡិបប៉ូនៃប្រទេសស៊ីរី។
គួរបញ្ជាក់ថា កាលពីយប់ថ្ងៃអង្គារ ក្រុមឧទ្ទាមនៅប្រទេសស៊ីរីបានសម្រេចកិច្ចព្រមព្រៀងស្ដីពីបទឈប់បាញ់គ្នាមួយដើម្បីជម្លៀសជនស៊ីវិលចេញពីភាគខាងកើតនៃទីក្រុងអាឡេប៉ូ ខណៈភាគីរុស្ស៊ីបានប្រកាសថា សកម្មភាពយោធាទាំងអស់បានបញ្ឈប់ហើយៗពេលនេះរដ្ឋាភិបាលស៊ីរីត្រូវបន្តគ្រប់គ្រងទីក្រុងអាឡិបប៉ូនេះឡើងវិញ៕

ឃាត់ខ្លួនជនសង្ស័យម្នាក់រួមនិងថ្នាំញៀន២កញ្ចប់

December 14, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ដោយ៖ប៉ែន សុផល
បាត់ដំបង៖កម្លាំងនគរបាលអន្តរាគមន៍ក្រុងបាត់ដំបងបានចុះប្រតិបត្តិការបង្ក្រាបករណីរក្សាទុកដឹកជញ្ជូនឬជួញដូរដោយខុសច្បាប់នូវសារធាតុញៀនមួយករណីកាលពីវេលាម៉ោង១៨ និង១០នាទី ថ្ងៃទី១៣ ខែធ្នូឆ្នាំ២០១៦នៅចំណុចក្រុមទី៨ ភូមិជ្រៃកោង សង្កាត់ស្លាកែត ក្រុងបាត់ដំបង។
លោក ប៉ាង ហៀង អធិការក្រុងបាត់ដំបងបានប្រាប់អោយដឹងថា ក្នុងកិច្ចប្រតិបត្តិការបង្ក្រាបខាងលើនេះក្នុងបទល្មើសជាក់ស្តែងសមត្ថកិច្ចជំនាញបានធ្វើការឃាត់ខ្លួនជនសង្ស័យចំនួនម្នាក់ ៖
ឈ្មោះ ទូច ស្រីអូន ភេទស្រី អាយុ២៥ឆ្នាំ រស់នៅភូមិកំពង់ក្របី សង្កាត់ស្វាយប៉ោ ក្រុងបាត់ដំបង(ជាអ្នកកាន់ថ្នាំញៀន) និងបក្ខពួកម្នាក់ទៀតជា(មេខ្លោង)បានជិះម៉ូតូរត់គេចខ្លួនបាត់។
វត្ថុតាងដកហូតបានរួមមានថ្នាំញៀនម្សៅក្រាមពណ៌សថ្លាច្រកក្នុងថង់ប្លាស្ទិចចំនួន01ថង់ធំនិងម្សៅក្រាមពណ៌សថ្លាសង្ស័យថាថ្នាំញៀនខ្ចប់ និងក្រដាស់ប្រាក់៥០០រៀល និង១០០០រៀលចំនួន១កញ្ចប់ទៀត។
ក្រោយពីធ្វើការឃាត់ខ្លួនបានជនសង្ស័យរួមនិងវត្ថុតាងថ្នាំញៀនត្រូវបានបញ្ជូនមកអធិការដ្ឋាននគរបាលក្រុងបាត់ដំបងដើម្បី ចាត់ការតាមនីតិវិធីច្បាប់៕

ប៉ូលិសហុងកុងចាប់មនុស្ស២៩នាក់សង្ស័យប្រព្រឹត្តអំពើសូកប៉ាន់

December 14, 2016ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

ហុងកុង៖មនុស្សចំនួន២៩ដែលបច្ចុប្បន្នជាបុគ្គលិក និងជាអតីតបុគ្គលិកនៃស្ថាប័នហិរញ្ញវត្ថុចំនួន ៥ ក្នុងនោះមានទាំងធនាគារចំនួន៤ផងដែរ ត្រូវបានសមត្ថកិច្ចចាប់ខ្លួន ក្រោមការសង្ស័យថាប្រព្រឹត្តអំពើសូកប៉ាន់ ទាក់ទងនឹងការទម្លាយព័ត៌មានរបស់អតិថិជន។ នេះបើយោងតាមទីភ្នាក់ងារសារព័ត៌មាន Reuters ដែលបានដកស្រង់សម្ដីពី កាលពីថ្ងៃម្សិលមិញ។
បើតាមសេចក្ដីប្រកាសព័ត៌មានរបស់គណៈកម្មការឯករាជ្យប្រឆាំងអំពើពុករលួយបានឲ្យដឹងថា បុគ្គលិកធនាគារនេះត្រូវបានចាប់ខ្លួនពីបទសូកប៉ាន់ថ្នាក់លើដើម្បីទទួលបានព័ត៌មានផ្ទាល់ខ្លួនរបស់អតិថិជន។សេចក្ដីប្រកាសនេះកើតឡើងបន្ទាប់ពីក្រុមហ៊ុន DBS Group Holdings បាននិយាយកាលពីថ្ងៃសុក្រសប្ដាហ៍មុនថា ខ្លួនសហការជាមួយអាជ្ញាធរហុងកុងជុំវិញការលេចធ្លាយព័ត៌មានសម្ងាត់របស់អតិថិជន។
ទោះបីយ៉ាងមនុស្សដែលត្រូវបានចាប់ខ្លួនទាំងអស់ត្រូវបានគេដោះលែងឲ្យនៅក្រៅឃុំវិញ ប៉ុន្តែការស៊ើបអង្កេតកំពុងតែដំណើរការបន្ត ដោយស្ថាប័នហិរញ្ញវត្ថុទាំងអស់ បានយល់ព្រមសហការជាមួយស្ថាប័នប្រឆាំងអំពើពុករលួយ៕

តម្លៃប្រេងឥន្ធនៈលក់រាយពីថ្ងៃនេះដល់ថ្ងៃទី២១ ខែធ្នូ

December 14, 2016ព័ត៌មានថ្មីចុងក្រោយ, ព័ត៌មានអន្តរជាតិ, សេដ្ឋកិច្ចមេគង្គ ប៉ុស្តិ៍

រាជធានីភ្នំពេញ៖ក្រសួងពាណិជ្ជកម្ម បានចេញសេចក្តីជូនដំណឹង បញ្ជាក់ពីតម្លៃប្រេងឥន្ធនៈ ដែលត្រូវលក់រាយតាមស្ថានីយ៍ ចាប់ពីថ្ងៃនេះដល់ថ្ងៃទី២១ ខែធ្នូ ឆ្នាំ២០១៦ ដោយសាំងធម្មតាលក់ ៣៥០០រៀលក្នុងមួយលីត្រ និងសាំងស៊ុបពែរ ថ្លៃ៣៥៥០រៀលក្នុងមួយលីត្រ និងម៉ាស៊ូត ថ្លៃ៣១៥០រៀលក្នុងមួយលីត្រ៕

បក្សប្រឆាំងគ្រោងប្តឹងឲ្យលុបឈ្មោះជនបរទេសជិត៥ពាន់នាក់ចេញពីបញ្ជីបោះឆ្នោត

December 13, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

រាជធានីភ្នំពេញ៖មន្ត្រីទទួលបន្ទុកកិច្ចការបោះឆ្នោតរបស់គណបក្សសង្គ្រោះជាតិ លោកស្រី ម៉េង សុភារី បានប្រាប់អ្នកកាសែតនៅថ្ងៃនេះថា គណបក្សសង្គ្រោះជាតិ នឹងដាក់ពាក្យប្តឹឲ្យលុបឈ្មោះជនបរទេសចំនួន៤៨៤០នាក់ ចេញពីបញ្ជីបោះឆ្នោតវិញ បន្ទាប់ពីគណបក្សបានរកឃើញថា អ្នកទាំងនោះមិនបានបំពេញលក្ខណៈតាមច្បាប់សញ្ជាតិរបស់កម្ពុជា ។
យ៉ាងណាក៏ដោយ លោកស្រី ម៉េង សុភារី បញ្ជាក់ថា ការប្តឹងឲ្យលុបឈ្មោះ គ្រាន់តែជាជំហ៊ានដំបូងប៉ុណ្ណោះ បន្ទាប់មក យើងនឹងពិនិត្យមើលថា តើជនណាដែលយើងត្រូវប្តឹងទៅក្រសួងមហាផ្ទៃនិងទៅតុលាការ បន្តទៀត ទាក់ទិននឹងការប្រើប្រាស់ឯកសារមិនត្រឹមត្រូវ ក្នុងការមកចុះឈ្មោះបោះឆ្នោត រួមទាំងការប្រើអត្តសញ្ញាណប័ណ្ណសញ្ជាតិខ្មែរដែលអត់ស្របច្បាប់ ។
ទាក់ទិនករណីនេះ អ្នកនាំពាក្យ គ.ជ.ប លោក ហង្ស ពុទ្ធា អះអាងថា ដំណាក់កាលនេះ គ.ជ.ប មិនទាន់អាចបង្ហាញបានថា តើមានឈ្មោះជនបរទេសប៉ុន្មាននាក់ ដែលបានចុះឈ្មោះរួច ហើយត្រូវលុបចេញពីបញ្ជីវិញ ដោយសារតែពួកគេមិនបានបំពេញលក្ខណៈសញ្ជាតិនោះទេ ដោយថាត្រូវរងចាំថ្ងៃបិទប្រកាសបញ្ជីដំបូងនៅដើមខែក្រោយជាមុនសិន ។ ប៉ុន្តែក្រោយបិទបញ្ចប់ការចុះឈ្មោះ គ.ជ.ប ទទួលបានពាក្យបណ្តឹងចំនួន៩៧ លោកថាក្នុងនោះមាន៤បណ្តឹង ប្តឹងពីជនបរទេសដែលបានចុះឈ្មោះរួចហើយ៕

លោក ស៊ាង ចែត បន្តការងារមេឃុំក្រោយចេញពីពន្ធនាគារ

December 13, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ខេត្តកំពង់ចាម៖តាមព័ត៌មានទទួលបានលោក ស៊ាង ចែត មេឃុំមកពីគណបក្ស សម រង្ស៊ី បានចូលទៅកាន់តំណែងជាមេឃុំឡើងវិញ បន្ទាប់ពីចេញពីពន្ធនាគារព្រៃសជិតមួយសប្តាហ៍។ មេឃុំរូបនោះក៏បានបង្ហាញនូវក្តីសប្បាយរីករាយផងដែរ ខណៈបានទៅកាន់មុខតំណែងដែលបានបាត់បង់ជិត១ឆ្នាំ។
លោក ស៊ាង ចែត មេឃុំស្រកនៃស្រុកកំពង់សៀម ខេត្តកំពង់ចាមត្រូវបានព្រះមហាក្សត្រលើកលែងទោសកាលពីថ្ងៃទី ៨ ខែធ្នូតាមរយៈការសម្រុះសម្រួលនយោបាយរវាងមេដឹកនាំគណបក្សប្រជាជន និងគណបក្សសង្គ្រោះជាតិបន្ទាប់ពីឃុំខ្លួនជាង ៦ ខែនៅពន្ធនាគារព្រៃស។
លោក ស៊ាង ចែត បានថ្លែងប្រាប់អ្នកសារព័ត៌មានថា លោកនៅតែទទូចឱ្យមេដឹកនាំគណបក្សទាំងពីរធ្វើយ៉ាងណាឱ្យលោកមានសិទ្ធិចុះឈ្មោះបោះឆ្នោតឃុំសង្កាត់នៅឆ្នាំ ២០១៧ បន្ទាប់ពី គជប បានបញ្ចប់ការចុះឈ្មោះនៅថ្ងៃទី ៣០ ខែវិច្ឆិកាមុនពេលលោកចេញពីពន្ធនាគារ៕

ប្រធាន UN ថ្មីស្បថចូលកាន់តំណែងជំនួសលោក Ban Ki-moon

December 13, 2016ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

អន្តរជាតិ៖លោក Antonio Guterres បានស្បថចូលកាន់តំណែងកាលពីថ្ងៃចន្ទជាអគ្គលេខាធិការទីប្រាំបួននៃអង្គការសហប្រជាជាតិដោយនិយាយថា អង្គការពិភពលោកមួយនេះត្រូវតែផ្លាស់ប្តូរស្របពេលប្រឈមនឹងវិបត្តិជាសកលដូចជាសង្គ្រាមនៅប្រទេសស៊ីរីជាដើម។
ក្នុងអំឡុងពិធីបុណ្យមួយនៅឯមហាសន្និបាត អតីតនាយករដ្ឋមន្ត្រីរបស់ប្រទេសព័រទុយហ្គាល់រូបនេះបានស្បថចូលកាន់តំណែងអមជាមួយប្រធានមហាសន្និបាតលោក Peter Thomson ។
លោក Guterres នឹងត្រូវចូលកាន់កាងារជំនួសលោក Ban Ki-moon នៅថ្ងៃទី១ខែមករាស្របពេលការបង្ហូរឈាមនៅតែកំពុងបន្តក្នុងប្រទេសស៊ីរីនិងសំណួរថាតើតួនាទីរបស់អាមេរិកនៅក្នុងពិភពលោកនឹងត្រូវផ្លាស់ប្តូរដោយរបៀបណាក្រោមការដឹកនាំរបស់ប្រធានាធិបតីជាប់ឆ្នោតលោក Donald Trump ។
លោក Guterres បានឲ្យដឹងនៅក្នុងសុន្ទរកថាមួយថា “អង្គការនេះគឺជាគ្រឹះនៃពហុភាគីនិយមហើយបានរួមចំណែកដល់សន្តិភាពអស់រយៈពេលជាច្រើនទសវត្សរ៍មកហើយប៉ុន្តែឥឡូវនេះបញ្ហាប្រឈមគឺបានកើនឡើងលើសពីសមត្ថភាពរបស់យើងដើម្បីឆ្លើយតប។ អង្គការសហប្រជាជាតិត្រូវតែត្រៀមខ្លួនដើម្បីផ្លាស់ប្តូរ”។
អ្នកនយោបាយសង្គមនិយមវ័យ៦៧ឆ្នាំរូបនេះបានឲ្យដឹងទៀតថា អង្គការសហប្រជាជាតិត្រូវតែទទួលស្គាល់កំហុសរបស់ខ្លួននិងកែទម្រង់របៀបដែលខ្លួនធ្វើការដោយលោកបានលើកឡើងពីការបរាជ័យដើម្បីទប់ស្កាត់វិបត្តិភាពនានាដូចជាភាពទន់ខ្សោយខ្លាំង។
ដោយធ្លាប់ជាប្រធានផ្នែកជនភៀសខ្លួនរបស់អង្គការសហប្រជាជាតិសម្រាប់រយៈពេលមួយទសវត្សរ៍ លោក Guterres បានស្បថចូលកាន់តំណែងចំពេលដែលកងកម្លាំងស៊ីរីបានវាយយកទីក្រុងអាឡេប៉ូទាំងមូលមកវិញដែលជាចំណុចរបត់ដ៏មានសក្តានុពលមួយនៅក្នុងសង្គ្រាមជិតប្រាំមួយឆ្នាំមកនេះ។
លោក Guterres បានប្តេជ្ញាចូលរួមដោយផ្ទាល់ក្នុងការដោះស្រាយជម្លោះដែលជាសញ្ញាបង្ហាញពីតួនាទីដ៏សកម្មរបស់អគ្គលេខាធិការ៕

បង្ក្រាបទីតាំងហ្គេមបាញ់ត្រីបង្កប់ការជក់គ្រឿងញៀនឃាត់មនុស្ស៦នាក់ ម៉ូតូ២គ្រឿង

December 13, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ដោយ៖បញ្ញា
ភ្នំពេញ៖គណៈបញ្ជាការឯកភាពខណ្ឌពោធិ៍សែនជ័យចុះបង្ក្រាបទីតាំងហ្គេមបាញ់ត្រី ឃាត់យុវជនប្រុសស្រី៦នាក់ត្រូវបានមកប្រមូលផ្តុំគ្នាសេបគ្រឿងញៀននៅក្នុងផ្ទះដែលបានបើកហ្គេមបាញ់ត្រីនេះដែលស្ថិតនៅតាមបណ្តោយផ្លូវវែងស្រេង ភូមិចោមចៅ សង្កាត់វោមចៅ ខណ្ឌពោធិ៍សែនជ័យ កាលពីវេលាម៉ោង១០ និង១០នាទីព្រឹកថ្ងៃទី១៣ ខែធ្នូ ២០១៦នេះ។
ការចុះបង្ក្រាបនេះដោយសារតែមានការចូលរួមសហការពីប្រជាពលរដ្ឋ និងអាណាព្យាបាលរាយការណ៍បន្ទាប់ពីបានពង្វក់កូនរបស់ពួកគាត់ភ្លេចទាំងសាលា មិនទាំងចូលផ្ទះ ហើយខ្លះចេះលួចទ្រព្យសម្បត្ដិ លុយកាក់ក្នុងផ្ទះយកមកលេងហ្គេមនេះទៀតផង។
សេចក្ដីរាយការណ៍បានឲ្យដឹងថា ផ្ទះបើកហ្គេមបាញ់ត្រីខុសច្បាប់ក្នុងខណ្ឌពោធិ៍សែន មានសរុបមិនតិចជាង១០កន្លែងទេដោយឡែកពេលចុះត្រួតពិនិត្យទីតាំងខាងលើអាជ្ញាធរខណ្ឌបានឃាត់ខ្លួនមនុស្សប្រុសស្រីចំនួន៦នាក់ ទូហ្គេមបាញ់ត្រី២ទូ ម៉ូតូ២គ្រឿង ថ្នាំញៀនមួយកញ្ចប់ កៅអី២០ កង្ហាល់១ ធុងទឹកកក១ ទឹកសុទ្ធ២យួរ និងសំភារៈប្រើប្រាស់មួយចំនួន។
ក្រោយពេលបង្ក្រាបទីតាំងហ្គេមបាញ់ត្រីខុសច្បាប់ខាងលើ មនុស្សទាំង៦នាក់ត្រូវបាននាំខ្លួនទៅកាន់សាលាខណ្ឌពោធិ៍សែនជ័យដើម្បីធ្វើការអប់រំ រីឯទូរហ្គេមយកទៅរក្សាទុកនៅអធិការខណ្ឌពោធិ៍សែនជ័យរង់ចាំការកម្ទេចចោលនៅពេលក្រោយ៕

លទ្ធផលចាប់ឆ្នោតវគ្គ១៦ក្រុមចុងក្រោយ Champions League

December 13, 2016កីឡាមេគង្គ ប៉ុស្តិ៍

បាល់ទាត់៖បន្ទាប់ពីការចាប់ឆ្នោតរើសគូនៅវគ្គ១៦ក្រុមចុងក្រោយនៃពានរង្វាន់ Champions League ប្រព្រឹត្តិទៅរួចរាល់ហើយកាលពីថ្ងៃម្សិលមិញក្នុងនោះក្រុមខ្លាំងៗនៅអឺរ៉ុបមួយចំនួនសុទ្ធតែមិនបានជួបគ្នា។
ក្រុមអង់គ្លេសទាំង៣និងប្រឈមមុខជាមួយក្រុមជើងខ្លាំង ដូចជា Arsenal ប៉ះ Bayern Munich។ Manchester City ប៉ះ Monaco ។ចំណែកជើងឯកអង់គ្លេស Leicester ត្រូវប៉ះ Sevilla របស់អេស្ប៉ាញ។
ជាមួយគា្ននោះដែល ក្រុមការពារតំណែងជើងឯក Real Madridប៉ះក្រុមមកពីអ៊ីតាលី Napoli, Atletico Madrid ប៉ះ Bayer Leverkusen ខណៈត្រូវប៉ះ Barcelona ត្រូវប៉ះជើងឯកបារាំង Paris St-Germain។
គួរបញ្ជាក់ថា សម្រាប់ការប្រកួតជើងទី១ Champions League វគ្គ១៦ក្រុមចុងក្រោយ នឹងត្រូវធ្វើឡើងនៅថ្ងៃទី១៤/១៥ និង ២១/២២ ខែកុម្ភៈ ហើយចំណែកជើងទី២វិញនិងត្រូវធ្វើថ្ងៃទី ៧/៨ និង ១៤/១៥ ខែមិនាឆ្នាំ ២០១៧៕

លោក សម រង្ស៊ី អះអាងថា នរណាប៉ុនប៉ងបំបែកសម រង្ស៊ី ពី កឹម សុខា គឺកំពុងតែយល់សប្តិ

December 13, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

រាជធានីភ្នំពេញ៖លោក សម រង្ស៊ី ដែលកំពុងនិទេសខ្លួននៅក្រៅប្រទេស បានលើកឡើងថា អ្នកដែលប៉ុនប៉ងបំបែករូបលោកចេញពីលោក កឹម សុខា គឺកំពុងតែយល់សប្តិសុទ្ធសាធ។ លោកថា សម រង្ស៊ី និង កឹម សុខា តំណាងឲ្យកិត្តិយស និងសេចក្តីថ្លៃថ្នូររបស់ប្រជារាស្ត្រខ្មែរ។
នៅលើទំព័រហ្វេសប៊ុករបស់លោក សម រង្ស៊ី លោកសរសេរថា រូបលោកនិងលោក កឹម សុខា មិនចាញ់សម្លុតគេ និងមិនលក់ខ្លួនឲ្យគេនោះទេ។ លោកបញ្ជាក់ថា កុលបុត្រខែ្មរទាំង២នាក់នេះបង្ហាញថា នៅមានកូនខ្មែរដ៏ឆ្នើមនិងថ្លៃថ្នូរដែលដាច់ខាតមិនចាញ់សម្លុតគេ និងមិនលក់ខ្លួនឲ្យគេ។ នរណាដែលកំពុងប៉ុនប៉ងបំបែក សម រង្ស៊ី ពី កឹម សុខា គឺកំពុងតែយល់សប្តិសុទ្ធសាធ។
គេមិនដឹងថា តើអ្នកណាដែលបំបែកបំបាក់លោក សម រង្ស៊ី និងលោក កឹម សុខា នោះទេ, ហើយក៏មិនដឹងថា តើលោក សម រង្ស៊ី ឬ អ្នកផ្សេងទៀតដែលកំពុងតែយល់សប្តិសុទ្ធសាធនោះ៕

Ronaldo ឈ្នះពានកីឡាករល្អបំផុតរបស់ពិភពលោកលើកទី៤

December 13, 2016កីឡាមេគង្គ ប៉ុស្តិ៍

បាល់ទាត់៖យោងតាមសារព័ត៌មានប៊ីប៊ីស៊ីផ្សាយថា កីឡាករ Cristiano Ronaldo បានឈ្នះពានកីឡាករលេងល្អបំផុតរបស់ពិភពលោក ឆ្នាំ២០១៦ Ballon d’Or បន្ទាប់ពីជួយឲ្យក្លឹប Real Madrid ឈ្នះជើងឯក UEFA Champions League និងព័រទុយហ្គាល់ ឈ្នះពាន Euro នៅទឺកដីប្រទេសបារាំង។
នេះជាលើកទី៤ហើយ ដែលកីឡាករវ័យ៣១ឆ្នាំ ជនជាតិព័រទុយហ្គាល់រូបនេះឈ្នះពានលំដាប់កំពូលរបស់ FIFA ប្រចាំឆ្នាំ២០១៦ ក្រៅពីធ្លាប់ឈ្នះ៣ដងផ្សេងទៀតក្នុងឆ្នាំ២០០៨-២០១៣ និងឆ្នាំ២០១៤ នាពេលកន្លងទៅ គ្រាដែល Lionel Messi របស់ក្លឹប FC Barcelona ធ្លាប់ឈ្នះបាន៥ដង។
គួរបញ្ជាក់ថា ក្នុងការបោះឆ្នោតជុំផ្តាច់ព្រ័ត្រលើកទី៣ យប់ថ្ងៃច័ន្ទ ទី១២ ខែធ្នូ ឆ្នាំ២០១៦ នៅក្នុងទីក្រុង Nyon ប្រទេសបារាំង នៃទីស្នាក់ការកណ្តាលរបស់ UEFA ក្នុងកម្មវិធីចាប់ឆ្នោតជ្រើសរើសគូប្រកួតក្នុង UEFA Champions League និង UEFA Europa League អតីតកីឡាករក្លឹប Manchester United និង Sporting Lisbon ខាងលើទទួលបានសំឡេងគាំទ្រច្រើនជាងគេ គ្រាដែល Messi ឈ្នះនៅលេខ២ និង Antoine Griezmann របស់ក្លឹប Atletico Madrid បញ្ចប់ទៅដោយចំណាត់ថ្នាក់លេខ៣៕

ផ្អើលភ្ញៀវរត់ចែកជើងគ្នាព្រាតពេញរោងការ

December 13, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

រាជធានីភ្នំពេញ៖រោងមង្គលការប្រែក្លាយជារោងប្រយុទ្ធគ្នារវាងភ្ញៀវខាងកូនកំលោះជាមួយនឹងភ្ញៀវខាងកូនក្រមុំ ធ្វើឲ្យភ្ញៀវផ្សេងទៀត ដែលមកចូលរួមនាំគ្នារត់ចែកជើងគ្នាព្រាតពេញរោង។ ករណីភ្ញាក់ផ្អើលនេះកើតឡើងកាលពីវេលាម៉ោង១០ និង៤០នាទីយប់ ថ្ងៃទី១២ ខែធ្នូ ឆ្នាំ២០១៦ ស្ថិតនៅក្នុងភូមិត្រពាំងធ្នង់ សង្កាត់សំរោងក្រោម ខណ្ឌពោធិសែនជ័យ រាជធានីភ្នំពេញ។
ប្រភពព័ត៌មានបានឲ្យដឹងថា មុនពេលកើតហេតុគេឃើញភ្ញៀវខាងកូនកំលោះបានប៉ះទង្គិចពាក្យសំដីគ្នាជាមួយនឹងភ្ញៀវខាងកូនក្រមុំ តែត្រូវបានចាស់សម្រួលក៏បានស្ងាត់ទៅ ស្រាប់តែដល់វេលាកើតហេតុភ្ញៀវខាងកូនកំលោះមិនអស់ចិត្តបានទៅរករឿងជាមួយភ្ញៀវម្ខាងទៀតក៏កើតជាហិង្សាវាយតបគ្នា ហើយគប់កែវ គប់ដបពេញរោងការ ធ្វើឲ្យផ្អើលរោងការតែម្តង។
ក្រោយកើតហេតុសមត្ថកិច្ចបានចុះមកដល់កន្លែងកើតហេតុបានឡោមព័ទ្ធចាប់បានមនុស្សចំនួន១៤នាក់ និងម៉ូតូចំនួន៩គ្រឿងយកទៅកាន់អធិការនគរបាលខណ្ឌពោធិសែនជ័យតែម្តង ដើម្បីកសាងសំណុំរឿង និងធ្វើការឃុំខ្លួនបណ្តោះអាសន្ន រងចាំចាត់វិធានការតាមផ្លូវច្បាប់៕

សហរដ្ឋអាមេរិកគាំទ្រចំពោះការលើកលែងទោស លោក កឹម សុខា

December 12, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

រាជធានីភ្នំពេញ៖តាមរយៈ Facebook ស្ថានទូតអាមេរិក ប្រចាំកម្ពុជាបានឲ្យដឹងថា លោកឯកអគ្គរដ្ឋទូត Heidt បានជួបជាមួយប្រធានស្តីទីគណបក្សសង្គ្រោះជាតិ លោក កឹម សុខា នៅថ្ងៃទី១២ ខែ ធ្នូ ឆ្នាំ ២០១៦នេះ នៅស្ថានទូតអាមេរិក ហើយបានពិភាក្សាពីស្ថានភាពនយោបាយ នៅក្នុងប្រទេស និងទំនាក់ទំនង រវាងសហរដ្ឋអាមេរិក និងប្រទេសកម្ពុជា។
ទន្ទឹមនោះលោកទូតបានបញ្ជាក់ថា សហរដ្ឋអាមេរិកគាំទ្រការលើកលែងទោស លោក កឹម សុខា ដែលជាការបានអនុញ្ញាត ឲ្យលោកបន្តឡើងវិញ នូវការងាររបស់លោកនៅក្នុងរដ្ឋសភាជាតិ ដែលនឹងធ្វើឲ្យស្ថានភាពនយោបាយ មានប្រក្រតីភាពឡើងវិញ នៅប្រទេសកម្ពុជា នៅមុនការបោះឆ្នោតឃុំ សង្កាត់ នៅឆ្នាំ ២០១៧៕

ចិន៖គោលនយោបាយចិនតែមួយនឹងមិនអាចផ្លាស់ប្ដូរជាដាច់ខាត

December 12, 2016ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

ប៉េកាំង៖ការឆ្លើយតបចំពោះការលើកឡើងរបស់ប្រធានាធិបតីអាមេរិកជាប់ឆ្នោតលោក ដូណាល់ ត្រាំ ដែលបានគំរាមលែងទទួលស្គាល់គោលនយោបាយនេះចំពោះកោះតៃវ៉ាន់ ប្រព័ន្ធផ្សព្វផ្សាយចិននៅ បានព្រមានលោក ត្រាំ ចំៗថា គោលនយោបាយចិនតែមួយនឹងមិនអាចត្រូវបានចរចាឡើងវិញ ឬផ្លាស់ប្ដូរជាដាច់ខាត។
សារព័ត៌មានចិន Global Times បានបញ្ជាក់ថា គោលនយោបាយចិនតែមួយគ្មានផ្លូវផ្លាស់ប្ដូរជាដាច់ខាត និងចាត់ទុកប្រធានាធិបតីអាមេរិកជាប់ឆ្នោតរូបនេះគ្រាន់តែជា «ក្មេងបៀមដៃម្នាក់មិនយល់ពីការទូតអ្វីទាំងអស់»។ បន្ថែមពីលើនេះបទអត្ថាធិប្បាយដដែលបន្តទៀតថា បើសិនជាសហរដ្ឋអាមេរិកគាំទ្រដោយបើកចំហឱ្យតៃវ៉ាន់មានឯករាជ្យភាព នោះចិនក៏អាចធ្វើបានដូចគ្នា គឺគាំទ្រដល់សត្រូវរបស់ទីក្រុងវ៉ាស៊ីនតោន។
គួរបញ្ជាក់ថា លោក ដូណាល់ ត្រាំ បានព្រមានថានឹងលែងទទួលស្គាល់គោលនយោបាយចិនតែមួយបើសិនជាមិនមានកិច្ចព្រមព្រៀងណាមួយជាមួយទីក្រុងប៉េកាំងទេនោះ និងចាត់ទុកថា គោលនយោបាយចិនតែមួយនេះបានជំរុញទីក្រុងវ៉ាស៊ីនតោនកាត់ផ្ដាច់ចំណងការទូតមួយផ្នែកជាមួយកោះតៃវ៉ាន់នៅឆ្នាំ១៩៧៩៕

កងទ័ពស៊ីរីដណ្តើមកាន់កាប់តំបន់ជាច្រើននៅក្នុងក្រុងអាឡេប៉ូ

December 12, 2016ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

ដាម៉ាស់៖គិតមកទល់នឹងសប្តាហ៍ថ្មីនេះតំបន់កាន់កាប់ដោយក្រុមឧទ្ទាមចំនួន៩៣ភាគរយហើយនៅក្នុក្រុងអាឡេប៉ូទាំងមូលត្រូវបានកងទ័ពរដ្ឋាភិបាលស៊ីរីលរបស់លោក បាហ្សា អាល់ អាស្សាដ អាចដណ្តើមយកមកគ្រប់គ្រងវិញ។ នេះបើតាមទីភ្នាក់ងារព័ត៌មានចិនស៊ិនហួរចេញផ្សាយនារសៀលថ្ងៃចន្ទ ទី១២ ខែធ្នូ ឆ្នាំ២០១៦នេះ។
សារព័ត៌មានរដ្ឋស៊ីរីបានចេញផ្សាយថា តំបន់ភាគច្រើនបំផុតនៃពួកឧទ្ទាមស្ថិតនៅភាគខាងកើតនៃទីក្រុងអាឡេប៉ូ ត្រូវបានកងទ័ពក្រសោបយកបានហើយ។ ទន្ទឹមនោះជនស៊ីវិលចំនួនជាង ៣,០០០នាក់បានរត់ភៀសខ្លួនចេញពីតំបន់ Sukari, Fardos, និង Salahuddien ឆ្ពោះទៅកាន់កន្លែងដែលរដ្ឋាភិបាលស៊ីរីទើបយកមកគ្រប់គ្រងឡើងវិញ គិតចាប់តាំងពីថ្ងៃសៅរ៍សប្តាហ៍មុននេះមក។
ជាមួយគ្នានេះទីភ្នាក់ងារសិទ្ធិមនុស្សបានរិះគន់រដ្ឋាភិបាលស៊ីរី បានប្រើប្រាស់កម្លាំងយ៉ាងកម្រោល វាយសង្គ្រប់ទៅលើកងកម្លាំងរបស់ពួកឧទ្ទាម ។ ទោះបែបនេះក្តីរដ្ឋាភិបាលលោក អាស្សាដ បានអះអាងថា នឹងក្រសោបយកទីក្រុងអាឡេប៉ូទាំងមូលតែម្តង៕