អាមេរិក៖ប្រធានាធិបតីជាប់ឆ្នោតសហរដ្ឋអាមេរិលោក Donald Trump បាននិយាយថា សហរដ្ឋអាមេរិកមិនចាំបាច់ត្រូវបញ្ចប់គោលជំហរយូរអង្វែងរបស់ខ្លួនដែលថា តៃវ៉ាន់គឺជាផ្នែកមួយនៃគោលនយោបាយ “ចិនតែមួយ” នោះឡើយ។
ការលើកឡើងរបស់លោក Trump នៅក្នុងកម្មវិធី “Fox News Sunday” បានកើតឡើងបន្ទាប់ពីលោកបានបង្កឲ្យមានការតវ៉ាផ្នែកការទូតពីសំណាក់ប្រទេសចិនលើការសម្រេចចិត្តរបស់លោកក្នុងការទទួលទូរស័ព្ទពីប្រធានាធិបតីតៃវ៉ាន់កាលពីថ្ងៃទី២ខែធ្នូ។
លោក Trump បានប្រាប់ Fox ថា “ខ្ញុំយល់យ៉ាងច្បាស់អំពីគោលនយោបាយ ‘ចិនតែមួយ’ ប៉ុន្តែខ្ញុំមិនដឹងថា ហេតុអ្វីបានជាយើងត្រូវតែជាប់ពាក់ព័ន្ធដោយគោលនយោបាយចិនតែមួយនេះទេ លុះត្រាតែយើងធ្វើកិច្ចព្រមព្រៀងមួយជាមួយប្រទេសចិនដើម្បីធ្វើជាមួយរឿងផ្សេងទៀតរួមទាំងពាណិជ្ជកម្មជាដើម”។
ការនិយាយទូរស័ព្ទរបស់លោក Trump ជាមួយលោកស្រីប្រធានាធិបតី Tsai Ing-wen គឺជាទំនាក់ទំនងតាមបែបនេះជាលើកដំបូងជាមួយកោះតៃវ៉ាន់ដោយប្រធានាធិបតីជាប់ឆ្នោតឬប្រធានាធិបតីរបស់សហរដ្ឋអាមេរិកចាប់តាំងពីលោកប្រធានាធិបតី Jimmy Carter បានប្តូរការទទួលស្គាល់ផ្នែកការទូតពីកោះតៃវ៉ាន់ទៅប្រទេសចិនក្នុងឆ្នាំ១៩៧៩ដោយបានទទួលស្គាល់ថា កោះតៃវ៉ាន់គឺជាផ្នែកមួយនៃគោលនយោបាយ “ចិនមួយ” ។
បន្ទាប់ពីការសន្ទនាតាមទូរស័ព្ទរបស់លោក Trump ជាមួយប្រធានាធិបតីតៃវ៉ាន់ រដ្ឋបាលលោក Obama បានឲ្យដឹងថា ជំនួយការជាន់ខ្ពស់សេតវិមានបាននិយាយជាមួយក្រុមមន្ត្រីចិនដើម្បី ទទូចថា គោលនយោបាយ “ចិនតែមួយ” របស់ក្រុងវ៉ាស៊ីនតោននៅតែដដែល។ រដ្ឋបាលនេះក៏បានព្រមានផងដែរថា ការរីកចម្រើនដែលបានធ្វើក្នុងទំនាក់ទំនងសហរដ្ឋអាមេរិកជាមួយប្រទេសចិនគឺអាចនឹងត្រូវបានរងផលប៉ះពាល់ដោយការផ្ទុះឡើងនៃបញ្ហាតៃវ៉ាន់។
នៅក្នុងបទសម្ភាសរបស់ Fox លោក Trump បានរិះគន់ចិនលើគោលនយោបាយរូបិយប័ណ្ណ សកម្មភាពរបស់ចិននៅសមុទ្រចិនខាងត្បូងនិងជំហររបស់ចិនឆ្ពោះទៅកាន់ប្រទេសកូរ៉េខាងជើង។ លោកបាននិយាយថា វាមិនមែនអាស្រ័យទៅលើក្រុងប៉េកាំងទេដើម្បីសម្រេចថាតើគាត់គួរតែទទួលទូរស័ព្ទពីមេដឹកនាំរបស់កោះតៃវ៉ាន់ដែរឬក៏អត់៕
អេហ្ស៊ីប៖សារព័ត៌មាន Washington Post ចេញផ្សាយនៅព្រឹកថ្ងៃចន្ទ ទី១២ ខែធ្នូ ឆ្នាំ២០១៦នេះបានឲ្យដឹងថា យ៉ាងហោចណាស់មនុស្ស២៥នាក់បានស្លាប់ ខណៈដែលចំនួន ៤៩នាក់ផ្សេងទៀតរងរបួសក្នុងករណីបំផ្ទុះគ្រាប់បែកដ៏កក្រើកនៅក្នុងព្រះវិហារមួយកន្លែងនៃទីក្រុងគែរ ប្រទេសអេហ្ស៊ីប។
យោងតាមសាក្សីជាច្រើននាក់ ហេតុការណ៍ខាងលើនេះកើតឡើងនាវេលាម៉ោង ៩ និង៤៥នាទីព្រឹកម្សិលមិញ (ម៉ោងនៅអេហ្ស៊ីប) នៅក្នុងព្រះវិហារ Coptic Orthodox ក្រោយពេលដែលអ្នកគោរពសាសនាគ្រឹស្តប្រមាណជាង២០០នាក់បានបញ្ចប់ការសូត្រព្រះគម្ពីររបស់ពួកគេ ខណៈបុព្វជិតនៅទីនោះបានរៀបចំខ្លួនដើម្បីចាប់ផ្តើមការធ្វើធម្មទេសនាជាបន្ត។
រហូតមកដល់ពេលនេះគេពុំទាន់ឃើញមានក្រុមភេរវករណាមួយចេញមុខទទួលខុសត្រូវនៅឡើយទេ តែគេបានដាក់ការសង្ស័យទៅលើក្រុមជ្រុលនិយមអ៊ីស្លាម ដោយរួមបញ្ចូលទាំងក្រុមរដ្ឋអ៊ីស្លាម ISIS នៅក្នុងប្រទេសអេហ្ស៊ីបផងដែរ។
គួរបញ្ជាក់ថា នេះជាការវាយប្រហារដ៏សាហាវជាងគេបំផុត ទៅលើអ្នកកាន់សាសនាគ្រឹស្តនៅអេហ្ស៊ីបនាប៉ុន្មានឆ្នាំចុងក្រោយនេះ បន្ទាប់ពីហេតុការណ៍បំផ្ទុះគ្រាប់បែកមួយផ្សេងទៀត ដែលសម្លាប់ជីវិតមន្ត្រីប៉ូលិសចំនួន ០៦នាក់ និងបណ្តាលឲ្យបីនាក់ផ្សេងរងរបួសនៅតាមដងវិថីឆ្ពោះទៅកាន់សំណង់ប្រាសាទពីរ៉ាមីដ ដ៏អស្ចារ្យរបស់ប្រទេសអេហ្ស៊ីប៕
ខេត្តឧត្តរមានជ័យ៖រឿងដែលពុំនិកស្មានដល់ ខណៈដែលមនុស្សមួយក្រុមបានបន្លំធ្វើជាអាជ្ញាធរ ហើយ ចុះទៅកំណត់ទីតាំង ព្រំប្រទល់ ! លើដីប្រជាពលរដ្ឋ ដែលកំពុងអាស្រ័យផល ដំណាំដំឡូង នៅចំនុច ភូមិដីក្រហម ឃុំលំទង ស្រុក អន្លង់វែង មិនតែប៉ុណ្ណោះជនទាំងនោះបានកាច់ បំផ្លាញផល ដំឡូង អស់មួយចំនូនទៀតផង ។ ហេតុការណ៍នោះបានកើតឡើង កាលពីថ្ងៃទី០៩ ខែធ្នូ ឆ្នាំ២០១៦ កន្លងមកថ្មីៗនេះ ។
តំណាងប្រជាពលរដ្ឋបានលើកឡើងថា៖ ពួកគាត់រស់នៅលើ ដី នេះម្នាក់ៗចាប់តាំងពីឆ្នាំ ២០០៧ មកម្លេះ ហើយអាស្រ័យផលលើដី របស់គាត់ រៀងៗខ្លួន យ៉ាងហោចណាស់ ចាប់ ពី ០៣ ឆ្នាំ ដែរ មិនដែលមានអ្នកណាមកអះអាងថា ជាដីរបស់ខ្លួនឡើយ រហូតមកដល់ពេលនេះស្រាប់តែលេចមុខ ជនទាំង០៣ មានម្នាក់ ពាក់ម៉ាស់ជិត បានគម្រាមដាក់គាត់ថា ដីនៅ ចំនុចនេះ សុទ្ធសឹង ជាដីរបស់ពួកគេ ទាំងអស់ ខណៈនោះរូបគាត់ក៍សួរនាំទៅកាន់ជន ទាំង០៣នាក់ ផងដែរ ប៉ុន្តែជននោះ មិនបានបញ្ជាក់ពី អត្តសញ្ញាណ្ណ ប្រាប់គាត់ឡើយ រួចហើយពួកគេទាំង០៣ ដើរចេញតែម្តងទៅ ។
លោក យី ណយ មេភូមិដីក្រហម បានបញ្ជាក់ប្រាប់អ្នកព័ត៌មានថា៖ ជនទាំង០៣នាក់ខាងលើ ចុះមកកំណត់ទីតាំងដីនេះ មិនបានប្រាប់គាត់ទេ ! ហើយជននោះមិន ទាន់ ដឹង ជាអ្នកណាដែរ ហើយពេលនោះកំពុងស្ថិតក្នុងតាមដាននៅឡើយ ។
លោក មេភូមិបានបញ្ជាកបន្ថែមថា៖ ប្រជាពលរដ្ឋរស់នៅចំនុចដីក្រហម មានចំនួន ១៤៨ គ្រួសារ ម្នាក់ៗរស់នៅ អាស្រ័យផលចាប់តាំង ពីឆ្នាំ ២០០៧ មិនដែលមានបញ្ហាអ្វីកើតឡើង ឡើយ !!! កាលពីកន្លងមកទំនាស់បែបនេះ មាន ! នៅភូមិគេផ្សេង ! ប៉ុន្តែជនខិលខូចទាំងនោះ រំលោភ យកពីប្រជាជនមិនបាន ! ឥឡូវបានរាលដាលដល់ភូមិដីក្រហមម្តងហើយ ។
សកម្មភាពនេះ អាចទាក់ទងក្រុមរៀបចំដីឲ្យក្រុមហ៊ុនចំនួន ២០០ ហិកតា ! ដោយសា ជនខិលខូចមួយចំនួន បានយកដីលក់ជាបន្តបន្ទាប់ ដល់ពេលក្រុមហ៊ុន ទាមទា ដីមិនមាន ក៍ដើរ ចុច GPS រំលោភលើដី ប្រជាពលរដ្ឋ ដោយសំអាងទៅលើ ប័ណ្ណកម្មសិទ្ធ ព្រោះប្រជាពលរដ្ឋមួយចំនួន រហូតមកដល់ពេលនេះ មិនទាន់ស្គាល់ ប្លង់ដី នៅឡើយទេ៕
រាជធានីភ្នំពេញ៖រដ្ឋមន្ត្រីក្រសួងបរិស្ថាន លោក សាយ សំអាល់ បានធ្វើលិខិតផ្លូវការមួយច្បាប់ផ្ញើជូនអភិបាលខេត្តចំនួន២១ក្នុងទូទាំងប្រទេស ដោយស្នើទៅអភិបាលខេត្តទាំងនោះឲ្យអនុវត្តវិធានការច្បាប់ ដើម្បីទប់ស្កាត់ និងបង្ក្រាបបទល្មើសធនធានធម្មជាតិនៅក្នុងតំបន់អភិរក្ស។ ការស្នើនោះគឺបន្ទាប់ពីក្រុមការងារបង្ក្រាបបទល្មើសធនធានធម្មជាតិក្នុងតំបន់អភិរក្សត្រូវបានបង្កើត តែក្នុងរយៈពេល២ថ្ងៃប៉ុណ្ណោះ ។
តាមរយះលិខិតខាងលើនេះ លោក សាយ សំអាល់ បានលើកឡើងថា ក្រសួងបានពិនិត្យឃើញថា ករណីបទល្មើសធនធានធម្មជាតិក្នុងតំបន់ការពារធម្មជាតិ តែងតែកើតមានឡើងច្រើនជាងធម្មតា នៅរដូវប្រាំងរៀងរាល់ឆ្នាំ ។ ដូច្នេះ ដើម្បីបង្កើនប្រសិទ្ធភាពនៃការការពារ និងអភិរក្សធនធានធម្មជាតិ លោកស្នើទៅអភិបាលខេត្ត ឲ្យពិនិត្យតាមដាន និងចាត់វិធានការបង្ការ ទប់ស្កាត់ និងបង្ក្រាបបទល្មើសធនធានធម្មជាតិ ដែលកើតនៅក្នុងតំបន់អភិរក្ស។
កត់សម្គាល់ថា បទល្មើសកាប់បំផ្លាញព្រៃឈើហាក់ដូចជា មិនទាន់ស្រាកស្រាននៅឡើយទេ ខណដែលតំបន់ព្រៃអភិរក្សមួយចំនួនធំកំពុងរងនូវការកាប់បំផ្លាញយ៉ាងធ្ងន់ធ្ងរ ហើយអាចឈានដល់រលាយហិនហោចនាពេលខាងមុខ ។
ជាក់ស្តែងតំបន់ព្រៃកោងកាងនៃជម្រកជីវៈចម្រុះក្នុងឃុំជ្រោយស្វាយ ស្រុកស្រែអំបិល ខេត្តកោះកុង កំពុងត្រូវបានក្រុមអាជ្ញាធរ មន្ត្រីជំនាញឃុបឃិតជាមួយក្រុមហ៊ុនចិនមួយតាមទម្រង់លក់ដូរ ហើយក៏កំពុងតែប្រើគ្រឿងចក្រឈូសឆាយបំផ្លិចបំផ្លាញអស់រាប់រយហិកតា ដែលគេគិតថា បើពុំមានវិធានការទប់ស្កាត់ឲ្យបានទាន់ពេលវេលាទេនោះ ប្រាកដណាស់ព្រៃកោងកាងតំបន់នេះប្រាកដជាត្រូវហិនហោចមិនខាន៕
ការវះកាត់កែសម្ផស្ស ពង្រីកដើមទ្រូង ត្រូវបានគេសង្កេតឃើញថា ជាវិធីសាស្ត្រវះកាត់ដ៏ពេញនិយម និងមានប្រសិទ្ធភាពបំផុតដើម្បីព្យាបាលបញ្ហាដើមទ្រូងតូចពីកំណើត ឬក៏ដើមទ្រូងមានសភាពយារធ្លាក់ដោយសារវ័យជ្រេ ឬក្រោយពេលសម្រាលបុត្រជាដើម។
យ៉ាងណាមិញ ដូចគ្នានឹងការវះកាត់ ឬវិធីសាស្ត្រវេជ្ជសាស្ត្រដទៃទៀតដែរ ការវះកាត់ពង្រីកទ្រូងនេះអាចផ្ដល់ផលវិបាក ឬគ្រោះថ្នាក់តិច ឬច្រើនអាស្រ័យទៅតាមករណីអនុវត្តជាក់ស្ដែង។
ផលវិបាកនានាដែល អាចកើតឡើងដោយសារការវះកាត់ពង្រីកសុដន់ផលលំបាកទាំងនោះរួមមាន លទ្ធផលក្រោយការវះកាត់ពុំបានល្អ ដោយទ្រូងទាំងសងខាងធំមិនស្មើគ្នា ការហូរឈាម ឬកកឈាមក្រោយពេលវះកាត់ និងផលវិបាកបណ្ដាលមកពីកង្វះអនាម័យ ដែលបង្កជារោគរលួយជាដើម។
ប៉ុន្តែផលវិបាក និងគ្រោះថ្នាក់ទាំងនោះអាចកាត់បន្ថយដល់កម្រិតអប្បបរមា ក្នុងករណីដែលអតិថិជន និងវេជ្ជបណ្ឌិតឯកទេសវះកាត់កែសម្ផស្សធ្វើការជ្រើសរើសនូវវិធី វះកាត់បានត្រឹមត្រូវ ដោយរួមបញ្ចូលនឹងការប្រើប្រាស់សម្ភារប្រភេទអ៊ីមភ្លែន និងកន្លែងវះកាត់តាមស្ដង់ដារ។
ចំណុចគួរស្វែងយល់មុន ពេលសម្រេចធ្វើការវះកាត់កែដើមទ្រូងអតិថិជនគួរតែយល់ដឹងពី ព័ត៌មានលម្អិត វិធីសាស្ត្រនៃការវះកាត់ និងផលវិបាកតាមរយៈប្រព័ន្ធព័ត៌មានវេជ្ជសាស្ត្រក្នុងអ៊ីនធឺណិត ការសាកសួរមិត្តភក្តិដែលមានបញ្ហាប្រហាក់ប្រហែលគ្នា និងការពិភាក្សាឲ្យបានច្បាស់លាស់ជាមួយវេជ្ជបណ្ឌិតជំនាញវះកាត់កែ សម្ផស្ស។
ដូច្នេះអតិថិជនគួរតែស្វែងយល់នូវចំណុចមួយចំនួនមុននឹងសម្រេច ចិត្តទទួលយកការវះកាត់កែសម្ផស្សសុដន់៕
ខេត្តកណ្តាល៖នគរបាលខេត្តកណ្តាលបានឃាត់ខ្លួនក្រុមអ្នកញៀនល្បែងបៀរមួយក្រុមមានគ្នា១០នាក់ ខណៈកំពុងលេង នៅម៉ោង១២ និង០៥នាទីថ្ងៃត្រង់ ថ្ងៃទី១០ ខែធ្នូ ឆ្នាំ២០១៦ នៅភូមិលេខ៣ ឃុំស្វាយរលំ ស្រុកស្អាង ខេត្តកណ្តាល។
លោក សេង សុជាតិ អធិការនគរបាល ស្រុកស្អាងបានឲ្យដឹងថា ជនសង្ស័យឈ្មោះ៖
ទី១៖ សឿង សុខឃឿន ភេទប្រុស អាយុ៤១ឆ្នាំ ជនជាតិខ្មែរ មុខរបរជាងសំណង់ មានប្រាក់ជាប់ខ្លួនចំនួន ១៦០០០០រៀល ។ ទី២៖ ឈ្មោះ ឌុល ខាន់ ភេទប្រុស អាយុ៣៥ឆ្នាំ ជនជាតិខ្មែរ មុខរបរ កម្មកររោងចក្រ មានប្រាក់ជាប់ខ្លួនចំនួន ៤៤៩០០០រៀល។ ទី៣៖ ឈ្មោះ វឿន សុវណ្ណ ភេទប្រុស អាយុ២៤ឆ្នាំ ជនជាតិខ្មែរ មុខរបរកម្មកររោងចក្រ មានប្រាក់ជាប់ខ្លួនចំនួន១៥០០០រៀល។ ទី៤៖ ឈ្មោះ កន សុខហេង ភេទប្រុស អាយុ៣៥ឆ្នាំ ជនជាតិខ្មែរ មុខរបរលក់ដូរ មានប្រាក់ជាប់ខ្លួនចំនួន ៣០៥០០០រៀល។ ទី៥៖ ឈ្មោះ ចឹក វ៉េង ភេទប្រុស អាយុ៤៦ឆ្នាំ ជនជាតិខ្មែរ មុខរបរកម្មកររោងចក្រ មានប្រាក់ជាប់ខ្លួនចំនួន៥៨៤ដុល្លារ។ ទី៦៖ ឈ្មោះ កាន ស៊ីណេង ភេទប្រុស អាយុ៣៦ឆ្នាំ ជនជាតិខ្មែរ មុខរបរលក់ដូរ មានប្រាក់ជាប់ខ្លួនចំនួន ១៤០៣០០រៀល។ ទី៧៖ ឈ្មោះ ប្រាក់ សួន ភេទប្រុស អាយុ ៥៨ឆ្នាំ ជនជាតិ ខ្មែរ មុខរបរ រត់ម៉ូតូឌុបមានប្រាក់ជាប់ខ្លួនចំនួន១៩០០០រៀល។ ទី៨៖ ឈ្មោះ ថាត់ គ្រឿន ភេទប្រុស អាយុ៧៥ឆ្នាំ ជនជាតិខ្មែរ មានប្រាក់ជាប់ខ្លួនចំនួន២១៥០០រៀល។ ទី៩៖ ឈ្មោះ គង់ សេត ភេទប្រុស អាយុ៥៤ឆ្នាំ ជនជាតិខ្មែរ មុខរបរជាងសំណង់ មានប្រាក់ជាប់ខ្លួនចំនួន ៧៤០០០រៀល។ ទី១០៖ ឈ្មោះ ឡោ ភារ៉ា ភេទប្រុស អាយុ៣៤ឆ្នាំ ជនជាតិខ្មែរ មុខរបរ ពេទ្យយោធា១៧៩ មានប្រាក់ជាប់ខ្លួនចំនួន៤៤៩០០០រៀល និង៩០០ដុល្លារ។ លោកបានបន្តថា មុនពេលកើតហេតុ ដោយទទួលព័ត៌មានផ្ទះខាងលើ មានលាក់លួចលេងល្បែងស៊ីសងនោះ ទើបនគរបាលស្រុកស្អាង សហការជាជាមួយកម្លាំងការិយាល័យ ព្រហ្មទណ្ឌកំរិតស្រាល ខេត្តកណ្តាល បានប្រតិបត្ដការចុះបង្ក្រាបល្បែងស៊ីសងខុសច្បាប់ ចំនួន០២វង់ នៅចំណុចក្នុងបន្ទប់របស់ឈ្មោះ ណេង ស្ថិតភូមិលេខ៣ ឃុំស្វាយរលំ ស្រុកស្អាង និងធ្វើការឃាត់ខ្លួនជនសង្ស័យបាន១០នាក់ និងវត្ថុតាងបៀរចំនួន២ហ៊ូ តុដែក១, កំរាល២, កៅអីជ័រចំនួន១៥ ម៉ូតូចំនួន៥គ្រឿង។ បច្ចុប្បន្នជនសង្ស័យកំពុង កសាងសំណុំរឿងចាត់ការ ទៅតាមនីតិវិធី៕
រាជធានីភ្នំពេញ៖យោងតាមសេចក្តីជូនដំណឹងរបស់ក្រសួងធនធានទឹក និងឧតុនិយមបានឲ្យដឹងថា សីតុណ្ហភាពនៅកម្ពុជានឹងចុះត្រជាក់ ហើយភ្លៀងអាចនឹងធ្លាក់ក្នុងកម្រិតពីមធ្យមទៅច្រើននៅតាមបណ្ដាខេត្តមួយចំនួន។
សេចក្តីជូនដំណឹងដដែលបញ្ជាក់ថា ការចុះត្រជាក់ និងភ្លៀងនៅតែបន្តធ្លាក់ចាប់ពីថ្ងៃទី១៧ដល់ថ្ងៃទី ១៩ធ្នូ ដោយសារខ្យល់មូសុងឦសានខ្សោយ និងសម្ពាធទាបនៅសមុទ្រចិន ខាងត្បូងបាននិងកំពុងបង្កើនឥទ្ធិពលលើ ប្រទេសកម្ពុជា៕
ដោយ៖ប៉ែន សុផល
ខេត្តបាត់ដំបង៖បុរស៤នាក់ដែលបន្លំធ្វើជាសង្ឃក្លែងក្លាយដើររៃអង្កាសលុយនៅតាមទីប្រជុំជននានាក្នុងក្រុងបាត់ដំបងនាពេលកន្លងមក ត្រូវបានសមត្ថកិច្ចចាប់បកល្បែក កាលពីវេលាម៉ោង១០:៣០នាទីព្រឹកថ្ងៃទី១១ធ្នូ ខណ:កំពុងសម្ងំនៅក្នុងបន្ទប់ផ្ទះជួលមូយកន្លែង នៅភូមិអូរតាគាំ១ សង្កាត់ទូលតាឯក ក្រុងបាត់ដំបង។
មន្ត្រីការិយាល័យព្រហ្មទណ្ឌកំរិតស្រាលនិយាយថា ជនទាំង៤នាក់ដែលបន្លំខ្លួនជាសង្សនោះមាន ១,ឈ្មោះម៉ៅ ជា អាយុ៣០ឆ្នាំ នៅភូមិគោកជ័រ ឃុំស្ដៅ ស្រុករតន:មណ្ឌល ២,ឈ្មោះវិត ផល្លា អាយុ៣២ឆ្នាំ នៅភូមិទូលតាឯក សង្កាត់ទូលតាឯង ក្រុងបាត់ដំបង ៣,ឈ្មោះលឹម ម៉ៅ អាយុ៣៧ឆ្នាំ នៅភូមិពពាលខែ ឃុំអូរតាគី ស្រុកថ្មគោល និង៣,ឈ្មោះតូច សារ៉ាត់ ហៅតយ អាយុ៣៤ឆ្នាំ នៅភូមិអណ្ដូងចេញ សង្កាត់អូរចា ក្រុងបាត់ដំបង។ មន្ត្រីដដែលបានបន្តថា ក្រុមនេះតែងបន្លំខ្លួនតែងខ្លួនជាសង្ឃ ដើរសុំលុយស្ទើរគ្រប់ទិសទី លុះមួយរយះចុងក្រោយនេះ ប្រជាពលរដ្ឋមានការសង្ស័យ ក៏តាមដានដឹង ទើបរាយការណ៏ប្រាប់សមត្ថកិច្ចតាមស៊ើបអង្កេត រហូតឈានដល់ការបង្ក្រាបតែម្ដង។
ក្រុមសង្ឃក្លែងក្លាយទាំង៤នាក់បាននិយាយក្រោយពេលឃាត់ខ្លួនថា ពួកខ្លួនតែងចេញធ្វើសកម្មភាពជារៀងរាល់ថ្ងៃ នៅតាមភូមិសាស្ត្រនានា នៅក្នុងក្រុងបាត់ដំបង។ ក្រុមនេះបានសារភាពថា ជាទូទៅរៀងរាល់ម៉ោង៧ព្រឹក បក្សពួកខ្លួនតែងឌុបទៅកន្លែងផ្នូរសាកសពខាងក្រោយវត្តទូកតាឯក ដើម្បីផ្លាស់ប្ដូរសំលៀកបំពាក់ ស្លៀងស្បង់ចីវរ មុនពេលបែងចែកគោលដៅគ្នាចេញបិណ្ឌបាតតាមលុយពីប្រជាពលរដ្ឋ តាមភូមិ និងតាមទីប្រជុំជននានា ក្នុងក្រុងបាត់ដំបង។ ក្រុមសង្ឃក្លែងបន្លំនេះបានបញ្ជាក់ថា ពួកខ្លួនក៏ធ្លាប់ចេញធ្វើសកម្មភាពតាមបណ្ដាស្រុកដទៃទៀត ហើយក៏ឈានទៅកាន់ខេត្តផ្សេងដែរ។
មន្ត្រីការិយាល័យព្រហ្មទណ្ឌកំរិតស្រាលបានបញ្ជាក់ថា ពេលនេះមន្ត្រីជំនាញកំពុងសួរនាំជនក្លែងបន្លំទាំង៤នាក់នេះ និងរងចាំគោលការណ៏លោកស្នងការខេត្ត ដើម្បីចាត់វិធានការបន្ត៕
ដោយ៖ប៉ែន សុផល
បាត់ដំបង៖បុរសម្នាក់បានយកអាវុធប៊ិចបាញ់ធ្វើអត្តឃាតដោយខ្លួនឯងបន្ទាប់ពីមានការឈ្លោះប្រកែកគ្នាជាមួយគូរដណ្តឹងរួច។ ហេតុការណ៍គួរអោយភ្ញាក់ផ្អើលខាងលើនេះបានកើតឡើងកាលពីវេលា16:30ថ្ងៃទី៩.ខែធ្នូ ឆ្នាំ២០១៦ ត្រង់ចំណុចក្រុមទី២៣ ភូមិបោះពោធិ៍ ឃុំអូរដំបង១ ស្រុកសង្កែ ខេត្តបាត់ដំបង។
ប្រភពពីកន្លែងកើតហេតុបានប្រាប់អោយដឹងថា នៅមុនពេលកើតហេតុបុរសជាជនរងគ្រោះបានទៅហូបការក្រោយពេលត្រឡប់មកវិញក៍មានការឈ្លោះប្រកែកគ្នាជាមួយនិងគូរដណ្តឹងមួយសន្ទុះក្រោយមកស្រាប់តែមានការភ្ញាក់ផ្អើលថាបានយកអាវុធប៊ិចបាញ់ធ្វើអត្តឃាតដោយខ្លួនឯងតែសំណាងល្អមិនបណ្តាលអោយគ្រោះថ្នាក់ដល់ជីវិត។
ប្រភពបន្តថា ជនរងគ្រោះមាន ឈ្មោះមុជ វណ្ណា ភេទប្រុស អាយុ២៩ ឆ្នាំរស់នៅភូមិ ស្នឹង ឃុំស្នឹង ស្រុកបាណន់ខេត្តបាត់ដំបងរងរបួសត្រង់ក្រោមចង្កាធ្ងន់។
បច្ចុប្បន្នជនរងគ្រោះត្រូវបានក្រុមគ្រួរសារដឹកបញ្ជូនទៅសង្គ្រោះព្យាបាលនៅមន្ទីរពេទ្យអ៊ីមីចិនស៊ីខេត្តបាត់ដំបង៕
ដោយ៖ប៉ែន សុផល
បាត់ដំបង៖យកលុយក្នុងភាគហ៊ុនរកស៊ីជាមួយគ្នាចាយវាយអស់១៤០០០ដុល្លារហើយមិនទទួលខុសត្រូវ ត្រូវម្ចាស់ភាគហ៊ុនម្ខាងទៀតប្តឹងសមត្ថកិច្ចអោយឃាត់ខ្លួន។
កម្លាំងមូលដ្ឋានអាវុធហត្ថក្រុងបាត់ដំបងបានអោយដឹងថា យោងតាមពាក្យបណ្តឹងរបស់ជនរងគ្រោះនៅល្ងាចថ្ងៃទី៩ ខែធ្នូ ឆ្នាំ២០១៦នេះកម្លាំងជំនាញបានចុះប្រតិបត្តិការបង្ក្រាបករណីរំលោភលើទំនុកចិត្តបានមួយលើកលើមូលដ្ឋានផ្ទះជួលមួយកន្លែងក្នុងភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។
តាមការបញ្ជាក់ពីម្ចាស់ដើមបណ្តឹងបានអោយដឹងថា ជនបង្កជាអ្នករកស៊ីដាក់ហ៊ុនជាមួយគ្នាយូរមកហើយ ចុងក្រោយនេះបានរំលោភលើសេចក្តីទុកចិត្តយោយបានយកលុយថ្លៃទិញនិងលក់ឡានចំនួន១៤០០០ដុល្លារអាមេរិកទៅចាយវាយផឹកស៊ីក្រៅខ្ទង់ដោយមិនមានការឯកគ្នារវាងម្ចាស់ហ៊ុនម្ខាងទៀតឡើយ មិនតែប៉ុណ្ណោះថែមទាំងមិនបានទទួលខុសត្រូវលើលុយដែលស៊ីដាច់នេះឡើយ ក្រោយពេលកើតហេតុជនបង្ករបានភាសន៍ខ្លួនមករស់នៅក្នុងខេត្តបាត់ដំបងមួយរយះ។
ជនរងគ្រោះមានឈ្មោះ ទ្រី ស៊ីអន ភេទប្រុស អាយុ៣០ឆ្នាំ របរលក់ដូរនៅភូមិប្រាំ ឃុំរការខ្នោ ស្រុកក្រូចឆ្មា ខេត្តកំពុងចាម រីឯជនសង្ស័យឈ្មោះយូ ឈឿម ហៅឈឿម ភេទប្រុស អាយុ៤២ឆ្នាំ របរលក់ដូរនៅផ្ទះកន្លែងកើតហេតុខាងលើ។
ស្របពេលជាមួយការឃាត់ខ្លួនជនសង្ស័យខាងលើនេះ សមត្ថកិច្ចកំពុងជំរុញការកសាងសំណុំរឿងដើម្បីអនុវត្តតាមនីតិវិធី៕
រាជធានីភ្នំពេញ៖រាជរដ្ឋាភិបាលកម្ពុជាបានប្រកាសឲ្យអាជ្ញាធរ និងស្ថាប័នពាក់ព័ន្ធ ឈប់បង្គាប់ឲ្យអ្នកលក់ដូរតាមដងផ្លូវបង់ប្រាក់ដូចពេលមុនៗ ដោយថា ដើម្បីលើកស្ទួយដល់ជីវភាពអ្នកដែលមានមុខរបរតូចតាច។
សម្តេច ហ៊ុន សែន បានសរសេរនៅលើ Facebook សម្តេចថា ដើម្បីកាត់បន្ថយនូវភាពក្រីក្រនិងលើកកម្ពស់ជីវភាពរស់នៅរបស់ប្រជាពលរដ្ឋ លោកបានពិភាក្សាជាមួយរដ្ឋមន្ត្រី ក្រសួងសេដ្ឋកិច្ច និងហិរញ្ញវត្ថុ ចេញ «សារាចរស្ដីពីការលុបចោលចំពោះការបង់ថ្លៃ» ដល់ប្រជាពលរដ្ឋលក់ដូរតាម កញ្ច្រែង កញ្ជើ ល្អី គឺមិនចាំបាច់បង់ថ្លៃឡើយ។
សូមជម្រាបថា កន្លងទៅអ្នកលក់ដូរតាមដងផ្លូវមួយចំនួនបានត្អូញត្អែរថា ពួកគេត្រូវបានអាជ្ញាធរបណ្តេញពីកន្លែងមួយទៅកន្លែងមួយទៀត ឬរឹបអូសយកសម្ភារៈលក់ដូរ ដោយសំអាងពីការរៀបចំសណ្តាប់ធ្លាប់ បើទោះបីពួកគេបានបង់ប្រាក់ប្រចាំថ្ងៃឲ្យអាជ្ញាធរ អ្នកដើរទារភាស៊ីចល័ត និងប៉ូលិសសណ្តាប់ធ្លាប់ហើយក៏ដោយ៕
សេអ៊ូល៖នៅថ្ងៃសុក្រនេះសភាកូរ៉េខាងត្បូងបានបោះឆ្នោតសម្រេចឲ្យទម្លាក់ប្រធានាធិបតីលោកស្រី ផាក គឺនហេ ពីតំណែង ព្រោះតែរឿងអាស្រូវពុករលួយនយោបាយពាក់ព័ន្ធនឹងស្ត្រីឈ្មោះ ឆយ ស៊ូនស៊ីល ដែលជាមិត្តដ៏ស្និទ្ធស្នាលម្នាក់របស់ លោកស្រី។
សភាពេញអង្គនៃរដ្ឋសភាកូរ៉េខាងត្បូង បានបោះឆ្នោតយល់ព្រមឱ្យលោកស្រី ផាក ចុះចេញពីមុខតំណែងក្នុងសំឡេង ២៣៤ នៃតំណាងរាស្ត្រសរុប ៣០០។ នេះបើយោងតាមការចេញផ្សាយមុននេះបន្តិចរបស់ទីភ្នាក់ងារយ៉ុនហាប់របស់កូរ៉េខាងត្បូង៕
ភ្នំពេញ៖ហេតុការណ៍គ្រោះថ្នាក់ចរាចរណ៍មួយដែលកម្រមួយបានកើតឡើងរវាងរថភ្លើង បុករថយន្តក្រឡុកស៊ីម៉ង់របស់ក្រុមហ៊ុន BST មួយគ្រឿងបណ្តាលអោយក្រឡាបផ្ងារជើងតែសំណាងល្អមិនមានមនុស្សរងបួសនោះទេហេតុដ៏កម្របានឃើញនេះបានកើតឡើងនៅព្រឹកម៉ោង៩ និង៥នាទីព្រឹកថ្ងៃទី០៩ ខែធ្នូ ឆ្នាំ២០១៦នេះ ត្រង់ចំណុចផ្លូវរថភ្លើង ស្ថិតក្នុងភូមិស្រែ សង្កាត់ភ្លើងឆេះរទេះ ខណ្ឌពោធិ៍សែនជ័យ។
ប្រភពព័ត៌មានពីកន្លែងកើតហេតុបានឱ្យដឹងថា រថយន្តក្រឡុកស៊ីម៉ង់ដែលក្រឡាប់នោះ ម៉ាក OTRUK ពណ៌ស្លែ ពាក់ស្លាក់លេខ ភ្នំពេញ 5A-0975 ត្រូវក្បាលរថភ្លើងដែលមានលេខសំគាល់ BB1004 បុកចំពាក់កណ្ដាលបណ្ដាលក្រឡាប់ផ្ងារជើងឡើងលើនៅនឹងកន្លែងកើតហេតុតែសំណាងល្អមិនមានអ្នករងរបួសទេ។
ប្រជាពលរដ្ឋបានអោយដឹងថានៅមុនកើតហេតុពួកគាត់ ឃើញមានក្បាលរថភ្លើងមួយធ្វើដំណើរពីភ្នំពេញទៅយកទំនិញនៅឯខេត្តកំពតក្នុងទិសដៅពីជើងទៅត្បូង ស្រាប់តែមកចំណុចកើតហេតុ គឹឃើញរថយន្តក្រលុកស៊ីម៉ង់នោះដែលកំពុងចតស្ងៀមតាមបណ្តោយផ្លូវរថភ្លើងបានបត់ឆ្លងផ្លូវមិនប្រយ័ត្នគាប់ជួនរថភ្លើងក៏ត្រូវរថភ្លើងបុកតែម្តង តែសំណាងល្អរថភ្លើងបើកក្នុងល្បឿងយឺតទើបមិនបណ្តាលអោយមានអ្នកគ្រោះថ្នាក់ដល់ជីវិត។
ក្រោយពេលកើតហេតុតៃកុងបើករថយន្តក្រលុកនោះស៊ីម៉ង់បានរត់គេចខ្លួនបាត់ស្រមោលហើយក៏ត្រូវសមត្ថកិច្ចបានធ្វើការវាស់វែងដើម្បីធ្វើការដោះស្រាយតាមវិធានការ៕បញា
បាល់ទាត់៖យោងតាមការចេញផ្សាយរបស់សារព័ត៌មាន The Mirror បានឲ្យដឹងថា ក្រុមចិនកំពុងតែប្រមាញ់កំពូលខ្សែប្រយុទ្ធរបស់ក្រុមកាំភ្លើងធំ Arsenal គឺកីឡាករ Alex Sanchez ដោយហ៊ានផ្តល់ជាប្រាក់កម្រៃ យ៉ាងច្រើនបំផុតសម្រាប់កីឡាករ រូបនេះផ្ទាល់។
តាមប្រភពសារព័ត៌មានខាងលើបបានឲ្យដឹងទៀតថា ក្លឹបយក្សនៅលីកកំពូលចិនមួយនេះ បានធ្វើការជួបជាមួយនឹងអ្នកតំណាង របស់កីឡាករខ្សែប្រយុទ្ធសញ្ជាតិឈិលីរូបនេះ រួចរាល់ហើយហើយក្លឹប បានបញ្ជាក់ថាបានត្រៀម ខ្លួនរួចរាល់ហើយក្នុងការ ផ្តល់ឲ្យកីឡាកររូបនេះ ជាមួយនឹងទឹកប្រាក់ប្រមាណ ជា៤០០០០០ផោនក្នុងមួយសប្តាហ៍ ជាទំហំទឹកប្រាក់ដ៏ច្រើនមួយ។
យ៉ាងណមិញ គ្រូបង្វឹករបស់កាំភ្លើងធំ Arsenalពិតជាបានដឹងរួចរាល់មកហើយអំពីបញ្ហាទំនាក់ទំនងគ្នាមួយនេះហើយក៏មានការព្រួយបារម្ភខ្លះផងដែរ ដោយសារតែកុងត្រាជាមួយនឹង Sanchez មិនទាន់ត្រូវបានធ្វើការពិភាក្សានៅឡើយ៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
