រាជធានីភ្នំពេញ៖រថយន្តស៊េរីទំនើបមួយគ្រឿងម៉ាកមែរសឺដេសបើកបុករះរថយន្ត៣គ្រឿង ហើយជ្រុលទៅបុកបង្គោលភ្លើង បណ្តាលឲ្យរងការខូចខាតខ្ទេចមុខ តែសំណាងល្អមិនមានជនរងគ្រោះដល់អាយុជីវិតឡើយ។ ហេតុការណ៍គ្រោះថ្នាក់នេះកើតឡើងកាលពីវេលាម៉ោង៥ និង៣០នាទីព្រឹក ថ្ងៃទី៣០ ខែវិច្ឆិកា ឆ្នាំ២០១៦ ស្ថិតនៅតាមបណ្តោយផ្លូវព្រះមុនីវង្ស សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។
ប្រភពព័ត៌មានបានឲ្យដឹងថា មុនពេលកើតហេតុគេឃើញបុរសម្នាក់មិនស្គាល់អត្តសញ្ញាណ បានបើករថយន្តស៊េរីទំនើបម៉ាកមែរសឺដេស ពណ៌ស ពាក់ស្លាកលេខ ភ្នំពេញ 2AG-9888 ធ្វើដំណើរពីត្បូងជើងក្នុងល្បឿនយ៉ាងលឿនតាមបណ្តោយផ្លូវព្រះមុន្នីវង្សរេពេញផ្លូវ លុះមកដល់មុខមជ្ឈមណ្ឌលកំសាន្តរ៉ក់បានបួងចង្កូតត្រលប់ក្រោយក៏បានកៀររថយន្តតាក់ស៊ីម៉ែត្រ បណ្តាលឲ្យកូដថ្នាំខាងឆ្វេងបន្តិច ហើយរថយន្តបង្កបានបន្ថែមល្បឿនទៅមុខក៏ជ្រុលបុកបង្គោលភ្លើងតាមផ្លូវ ហើយរថយន្តបង្កបន្ថែមល្បឿនទៀតក៏បានទៅបុករថយន្តម៉ាកតាកូម៉ាចតទុកមុខផ្ទះ បណ្តាលឲ្យកំពិតគូថខាងក្រោមបន្តិច។
ក្រោយបង្កហេតុបុករះរថយន្តជាច្រើនហើយ រថយន្តបង្កបន្តខំប្រឹងបន្ថែមល្បឿនទៀតទៅដល់ច្រមុះជ្រូកក្បាលថ្នល់ក៏បានបុករថយន្តម៉ាកហាយលែនឌ័រចតទុកមុខផ្ទះមួយទៀត បណ្តាលឲកំពិតគូថក្រោយ និងកូដថ្នាំចំហៀងខាងឆ្វេងតែម្តង ហើយរថយន្តមែរសឺដេសនោះទៅមុខលែងរួច ដោយសារបុកជាប់រថយន្តហាយលែនឌឺរ។
ក្រោយពេលកើតហេតុ ខាងរថយន្តរងគ្រោះ២គ្រឿងទៀតខូចខាតតិចមិនទាមទារសំណងទេ ចំណែករថយន្តហាយឡែនមិនចង់ពាក់ព័ន្ធនិងទារសំណងទេ ប្រញាប់ទៅខេត្តសៀមរាប បានបើករថយន្តចេញទៅបានបន្តិច ស្រាប់តែរថយន្តខូចបើកទៅមុខលែងរួចទើបបត់ត្រឡប់ក្រោយមកកន្លែងកើតហេតុវិញ ។ ចំណែកអ្នកបើករថយន្តបង្កត្រូវសមត្ថកិច្ចឃាត់ខ្លួនដោយសង្ស័យថា បែកថ្នាំ ព្រោះអ្នកបើកបរនោះនៅរវើរវាយសួរនាំមិនដឹងអី ហើយសមត្ថកិច្ចបានវាស់វែង និងយករថយន្តទៅរក្សាទុក ដើម្បីរង់ចាំដោះស្រាយតាមក្រោយ៕
រាជធានីភ្នំពេញ៖នៅព្រឹកថ្ងៃទី៣០ ខែវិច្ឆិកា នេះ តុលាការកំពូល សម្រេចតម្កល់សាលដីការបស់សភាស៊ើបសួរសាលាឧទ្ធរណ៍ ទុកជាបានការដដែល ពោលគឺ បន្តឃុំខ្លួនមន្ត្រីអាដហុក៤រូប និងអគ្គលេខាធិការរង គ.ជ.ប មួយរូបក្នុងពន្ធនាគារដដែល។
មន្ត្រីអាដហុកទាំង៤រូបនោះរួមមាន៖ លោក នី សុខា ប្រធានផ្នែកស៊ើបអង្កេតសមាគមអាដហុក លោក យី សុខសាន្ត អនុប្រធានសមាគមអាដហុក លោក ណៃ រ៉ង់ដា អនុប្រធានសមាគមអាដហុក និង លោកស្រី លឹម មុន្នី មន្ត្រី ជាន់ខ្ពស់សមាគមអាដហុក ត្រូវបានលោកព្រះរាជអាជ្ញារង គុជ គឹមឡុង ចោទពីបទ សូកប៉ាន់សាក្សី តាមមាត្រា៥៤៨នៃក្រមព្រហ្មទណ្ឌ។ ដោយឡែកលោក នី ចរិយា អគ្គលេខាធិការរងគណៈកម្មាធិការជាតិរៀបចំការបោះឆ្នោត ត្រូវបានតុលាការចោទប្រកាន់ពីបទសមគំនិតក្នុងអំពើសូកប៉ាន់សាក្សី តាមមាត្រា២៩ និង មាត្រា ៥៤៨ នៃក្រមព្រហ្មទណ្ឌ៕
ភ្នំពេញ៖ប៉ុន្មានថ្ងៃកន្លងទៅនេះមានក្រុមចោរប្រដាប់អាវុធនិងបានធ្វើសកម្មភាពផ្សេងៗយ៉ាងកក្រើកដូចជាករណីប្លន់-លួច-ឆក់ហើយគេចខ្លួនដោយសុវត្ថិភាពពុំមានសមត្ថកិច្ចណាអាចជួយអន្តរាគមន៍បានទាន់ពេលវេលាទេជា ហេតុធ្វើអោយប្រជាពលរដ្ឋអស់ជំនឿទុកចិត្តលើសមត្ថកិច្ចខណ្ឌមានជ័យ។
ជាក់ស្តែងកាលពីថ្ងៃទី២៦ខែវិច្ឆិកាឆ្នាំ២០១៦នេះវេលាម៉ោង៩និង៤៥នាទីយប់មានករណីប្លន់ម៉ូតូហុងដា២០១៧បានសម្រេចនៅភូមិឬស្សីសង្កាត់ស្ទឹងមានជ័យខណ្ឌមានជ័យ ថ្ងៃទី២៩ខែវិច្ឆិកាឆ្នាំ២០១៦ម៉ោង៦និង៣០នាទីល្ងាចមានករណីកាច់.កម៉ូតូនៅម៉ាតតេលាភូមិឬស្សីសង្កាត់ស្ទឹងមានជ័យខណ្ឌមានជ័យ។
ក្នុងហេតុការណ៍ករណីណាក៏ដោយប្រជាពលរដ្ឋមិនដែរឃើញសមត្ថកិច្ចយកចិត្តទុកដាក់បង្ក្រាបបានម្តងឡើយ ដែលជាហេតុធ្វើឲ្យប្រជាពលរដ្ឋក្នុងខណ្ឌមានជ័យស្ទើរតែអស់ជំនឿលើសមត្ថកិច្ចហើយ។
ប្រជាពលរដ្ឋក៏បានសុំអំពាវនាវឲ្យលោក តេង ស៊ីណូ អធិការខណ្ឌមានជ័យ ចាត់វិធានការពង្រឹងសន្តិសុខសង្គមឡើងវិញជាបន្ទាន់ ព្រោះបច្ចុប្បន្នបទល្មើសប្លន់ប្រដាប់អាវុធ គ្រឿងញៀន និងល្បែងស៊ីសងរាលដាលកាន់តែខ្លាំងហើយ។
សូមរក្សាសន្តិសុខជូនប្រជាពលរដ្ឋស្របទៅតាមគោលនយោបាយភូមិ-ឃុំមានសុវត្ថិភាពទាំង៩ចំណុច៕
តួកគី៖យ៉ាងហោចណាស់មនុស្ស១២នាក់បានស្លាប់បាត់បង់ជីវិត និង២២នាក់ផ្សេងទៀតរងរបួសក្នុងហេតុការណ៍គ្រោះអគ្គិភ័យមួយបានកើតឡើងនៅកន្លែងស្នាក់នៅរបស់សិស្សស្រីមួយកន្លែងនៅភាគខាងត្បូងនៃប្រទេសតួកគីកាលពីយប់មិញ។
អភិបាលក្រុងអាដាណា ប្រទេសតួកគី លោក Mahmut Demirtas បាននិយាយថា គ្រូម្នាក់ និងសិស្សចំនួន១១នាក់បានស្លាប់ក្នុងគ្រោះអគ្គិភ័យមួយនេះ ហើយអ្នករងរបួសទាំងប៉ុន្មានត្រូវបានបញ្ជូនទៅមន្ទីរពេទ្យមូលដ្ឋានមួយកន្លែង។ លោកបញ្ជាក់ថា នៅកន្លែងស្នាក់នៅរបស់កូនសិស្សស្រីនោះគឺមានមនុស្សចំនួន៣៤នាក់នៅពេលគ្រោះថ្នាក់នេះបានកើតឡើងកាលពីយប់ថ្ងៃអង្គារ។
លោកបានបញ្ជាក់ទៀតថា មូលហេតុដែលនាំឲ្យមានអគ្គិភ័យនេះគឺប្រហែលជាបណ្ដាលមកពីបញ្ហាអគ្គិសនី ហើយមកដល់ពេលនេះក្រុមអ្នកជួយសង្គ្រោះបានជម្លៀសមនុស្សចេញពីកន្លែងកើតហេតុនេះអស់ហើយ៕
កូឡុំប៊ី៖អាជ្ញាធរអាកាសចរណ៍ស៊ីវិលនៅប្រទេសកូឡុំប៊ីបាននិយាយថា គេបានរកឃើញប្រអប់ខ្មៅនៅក្នុងយន្តហោះដែលបានធ្លាក់នៅខាងក្រៅទីក្រុងម៉េដេលីន នៃប្រទេសកូឡុំប៊ីកាលពីថ្ងៃអង្គារដោយបានសម្លាប់មនុស្សចំនួន៧៦នាក់រួមទាំងក្រុមបាល់ទាត់ប្រេស៊ីលម្នាក់ផងដែរ។
មន្ត្រីអាជ្ញាធរអាកាសចរណ៍ស៊ីវិលបាននិយាយថា ពេលនេះពួកគេកំពុងធ្វើការស៊ើបអង្កេតគ្រប់ទិន្នន័យទាំងអស់នៅក្នុងប្រអប់ខ្មៅនេះ ខណៈក្រុមស្វែងរកនិងជួយសង្គ្រោះកំពុងបន្តប្រតិបត្តិការរបស់ខ្លួននៅកន្លែងធ្លាក់ជាបន្តទៀត។
នៅមុនពេលគ្រោះថ្នាក់នេះកើតឡើង គឺយន្តហោះ Avro RJ85 កំពុងធ្វើដំណើរកាលពីយប់ថ្ងៃចន្ទចេញពីទីក្រុងសានតាគ្រូសនៃប្រទេសបូលីវីទៅទីក្រុងម៉េដេលីននៃប្រទេសកូឡុំប៊ីដោយដឹកអ្នកដំណើរចំនួន៧២នាក់និងអាកាសយានិកចំនួន៩នាក់ហើយបានធ្លាក់នៅជិតទីក្រុងរីយ៉ូណេក្រូ (Rionegro) នៃប្រទេសកូឡុំប៊ី។
មន្ត្រីប៉ូលិសបាននិយាយថា មានអ្នករងរបួសចំនួន៥នាក់ ខណៈអ្នកដំណើរម្នាក់ទៀតបានស្លាប់នៅក្នុងមន្ទីរពេទ្យ ហើយនៅលើយន្តហោះនេះគឺមានសមាជិកក្រុមបាល់ទាត់ឆាផេសិន (Chapecoense) ទាំងអស់នៃប្រទេសប្រេស៊ីលព្រមទាំងអ្នកកាសែតមួយចំនួនទៀតផងដែរ។
ពេលនេះអង្គភាពពន្លត់អគ្គិភ័យ មន្ត្រីប៉ូលិស និងបុគ្គលិកមកពីអង្គភាពកាកបាទក្រហមរាប់រយនាក់នៅប្រទេសកូឡុំប៊ីបាននិងកំពុងស្វែងរកនិងជួយសង្គ្រោះនៅកន្លែងធ្លាក់យន្តហោះនេះដោយសង្ឃឹមថានឹងអាចរកឃើញអ្នកនៅមានជីវិតបន្ថែមទៀត។
ទិន្នន័យយន្តហោះរបស់អាកាសចរណ៍ស៊ីវិលបានបង្ហាញឲ្យឃើញពីយន្តហោះនេះកំពុងហោះឆ្វែលជុំវិញប្រលានយន្តហោះរីយ៉ូណេក្រូនៅជិតទីក្រុងធំម៉េដេលីន បន្ទាប់មកយន្តហោះក៏បាត់ស្រមោលចេញពីប្រព័ន្ធរ៉ាដាតែម្ដង។
អាជ្ញាធរអាកាសចរណ៍ស៊ីវិលនិយាយថា គេនៅមិនទាន់ច្បាស់ពីមូលហេតុនៃការធ្លាក់យន្តហោះនេះទេប៉ុន្តែតាមមន្ត្រីនៅប្រលានយន្តហោះបាននិយាយថា អ្នកបើកយន្តហោះបានប្រកាសគ្រាអាសន្នប្រាប់មន្ត្រីគ្រប់គ្រងផ្លូវហោះហើរថា «នៅយន្តហោះពួកគេមានបញ្ហាបច្ចេកទេសហើយ»៕
ខេត្តមណ្ឌលគិរី៖ប្រជាពលរដ្ឋភ្ញៀវទេសចរណ៍មានការភ័យខ្លាចសារជាថ្មីដោយដឹងថា អាម៉ៃជាសត្វដំរីធ្លាប់ចុះព្រេងជាន់ម្ចាស់ស្លាប់ខណពេលនេះត្រូវបានរួចពីចំណងសាជាថ្មីក្រោយពេលចាប់បានដោយសារការបាញ់និងកាំភ្លើងសន្តំរបស់មន្ត្រីជំនាញកាលពីខែកញ្ញាឆ្នាំ២០១៦កន្លងទៅហើយខណនេះវានៅមិនឆ្ងាយពីភូមិដែលមានប្រជាពលរដ្ឋរស់នៅ ។
លោកឃុន ឌីយោននាយកអង្គការការពារសត្វដំរីមានស្នាក់ការនៅខេត្តមណ្ឌលគីរីបានអោយដឹងនៅថ្ងៃទី២៨ខែវិច្ឆិការនេះថា សត្វដំរីឈ្មោលមួយក្បាលខាងលើត្រូវបានម្ចាស់ព្រមព្រាងលក់ទៅអោយសមាគមន៍សត្វដំរីខេត្តរតនៈគីរីក្នុងគោលបំណងយកវាទៅបម្រើលើវិស័យទេសចរណ៍កាលពីថ្ងៃទី២៦ខែវិច្ឆិកា ឆ្នាំ២០១៦កន្លងទៅភាគីអ្នកទិញដំរីនោះបានទៅមើលវានៅទីតាំងចំណុចដែលចងវាទុកស្ថិតនៅអូរតេរ
ក្នុងភូមិពូក្រូច ឃុំស្រែអំពូម ស្រុកពេជ្រាដា ខេត្តមណ្ឌលគិរី ដែលខណនោះម្ចាស់ដំរីបានដោះច្រវ៉ាក់ដែលចងភ្ជាប់ជើងវារួចលើកដាក់លើខ្នងឬ(ញ៉ែង)របស់វានិងជិៈលើខ្នងព្រោះតែដឹងថាវាសាំងហើយដែរនោះ! ក្រោយពេលដែលម្ចាស់ចុះពីលើខ្នងសត្វដំរីឈ្មោះអាម៉ៃក៍បានដើរចេញពីទីតាំងនោះតែម្តង ដោយយល់ឃើញអាការៈចម្លែកដូច្នេះទើបមិនហា៑នចូលទៅចាប់ដោយយល់ឃើញថា វាធ្លាប់ជាន់មនុស្សស្លាប់ម្តងរួចមកហើយ ។
បើតាមប្រភពពីអង្គការការពារសត្វដំរីខាងលើបានបញ្ជាក់ថា ទោះជាយ៉ាងណាសត្វដំរីឈ្មោះអាម៉ៃនេះត្រូវបានតាមមើលពីហ្ម័រថ្មីរបស់វាយ៉ាងយកចិត្តទុកដាក់និងមានឱកាសល្អដើម្បីចាប់យកមកវិញដោយពេលនេះអាម៉ៃមិនមានចរិកកាចសាហាវដូចមុនឡើយ ។
គួរបញ្ជាក់ថា កាលពីខែកញ្ញា ឆ្នាំ២០១៦កន្លងទៅពេលអាម៉ៃរួចមានមនុស្សបាញ់និងផ្លែរស្នារអោយមានរបួសធ្វើអំពីដែកថ្នាំងអំពៅមានទំហំ០.សង់ទីម៉ែត្រនិងមានប្រវែង១.៥០សង់ទីម៉ែត្រជាប់ប្រម៉ោយអែប
ភ្លុករបស់វា!តែទោះយ៉ាងណាក្នុងករណីនេះក៍មានប្រភពពីប្រជាពលរដ្ឋជនជាតិដើមភាគតិចពូនងបានអោភ្នំពេញថ្មីដឹងថា បើលើកនេះវាមិនបង្ករអោយមានការភ្ញាក់ផ្អើលឬមានការបាត់ដល់ជីវិតមនុស្សទេគឺវាចូលព្រៃលាព្រៃលាទឹកដីដែលធ្លាប់ផ្តល់កំណើតអោយវារស់នៅតាំងពីនៅតូចជាលើកចុងក្រោយមុននិងបន្លាស់ទីទៅនៅលើទឹកដីនិងហ្វូងថ្មីរបស់វា តាមការអោយដឹងពីជនជាតិដើមភាគតិចពូនង!តែទោះយ៉ាងណាប្រជាពលរដ្ឋអាជ្ញាធរនៅតែមានការប្រុងប្រយ័ត្នជានិច្ចលើសុវត្តិភាពទូទៅរបស់ប្រជាពលរដ្ឋ និង ភ្ញៀវជាតិអន្តរជាតិគ្រប់ពេលវេលា៕
បាងកក៖រដ្ឋសភានៃព្រះរាជាណាចក្រថៃបានសម្រេចថា ព្រះអង្គម្ចាស់ មហា វ៉ាចរ៉ាឡុងកន គឺជាព្រះមហាក្សត្រថ្មីរបស់ប្រទេសថៃ ដែលត្រូវបានទទួលស្គាល់ដោយស្របច្បាប់ ខណៈព្រះរាជពិធីឡើងគ្រងរាជ្យសម្បត្តិជាផ្លូវការ នឹងត្រូវធ្វើឡើងបន្ទាប់ពីការយាងត្រឡប់មកវិញ នៃព្រះមហាក្សត្រថ្មី ពីប្រទេសអាល្លឺម៉ង់ ដែលនឹងអាចកើតឡើងនៅចុងសប្តាហ៍នេះ។ នេះបើតាមទីភ្នាក់ងារព័ត៌មានចិនស៊ិនហួរ ចេញផ្សាយនៅមុននេះបន្តិចនារសៀលថ្ងៃអង្គារ ទី២៩ ខែវិច្ឆិកា ឆ្នាំ២០១៦៕
រាជធានីភ្នំពេញ៖នៅព្រឹកថ្ងៃអង្គារនេះ ក្រុមពលរដ្ឋនៅក្នុងសហគមន៍បុរីកីឡា សង្កាត់វាលវង់ ខណ្ឌ៧មករា ប្រមាណជា៣២គ្រួសារ ដែលមិនទាន់បានទទួលលំនៅឋានពីសាលារាជធានីភ្នំពេញ ដែលប្រគល់សិទ្ធិឱ្យទៅក្រុមហ៊ុនផាន អ៊ីមិច វិនិយោគនៅកន្លែង បានប្រមូលផ្តុំគ្នាតវ៉ាជាថ្មីព្រមទាំងមានគម្រោង ចង់យកញ្ញតិទៅជូនលោក ជា សុផារ៉ា រដ្ឋមន្ត្រីក្រសួងដែនដី នគរូបនីយ៍កម្ម និងសំណង់ ផងដែរ ។
ប្រជាពលរដ្ឋស់នៅបុរីកីឡាបានអះអាងថា ពួកគាត់ជាជនរងគ្រោះផ្ទួនៗគ្នា ដោយសារក្រុមហ៊ុនផាន អ៊ីមិច រំលោភលើកិច្ចសន្យាសាងសង់អគារស្នាក់នៅ២បន្ថែមទៀត តាមកិច្ចសន្យាគឺសាងសង់១០អគារកាលពីឆ្នាំ២០០៣ កន្លងទៅ ។ ទន្ទឹមនោះនៅថ្ងៃទី០៣ មករា ២០១២ ក្រុមហ៊ុននេះ បានប្រើគ្រឿចក្រ និងកម្លាំងចម្រុះមករំលោភឈូសកម្ទេចលំនៅឋានយើងខ្ញុំទាំងកំរោល ដោយគ្មានសេចក្តីជូនដំណឹង ឬសាលក្រតុលាការ ដោយអាងថាក្រុមហ៊ុនក្យ័យធន ហើយថែមទាំងបានរំលោភយកដីទំហំ៤៣០០ម៉ែត្រការ៉េ សម្រាប់សាងសង់អគារទី៩ និងទី១០របស់យើងខ្ញុំធ្វើជាកម្មសិទ្ធិថែមទៀត ។ យើងខ្ញុំត្រូវទទួលរងគ្រោះជាលើកទី២ បន្ទាប់ពីធ្វើការតវ៉ាអស់រយៈពេល៥ឆ្នាំ ក្រុមហ៊ុនបានផ្តល់សំណងតែ៣០០០ ទៅ៥០០០ដុល្លារអាមេរិក ក្នុងមួយគ្រួសារ និងគ្រួសារមួយចំនួនត្រូវបង្ខំចិត្តទទួលយកផ្ទះទំហំ៣,៧០គុណ៤,៧០ម៉ែត្រការ៉េ ស្ថិតនៅភូមិអណ្តូង ជាងរាជធានីភ្នំពេញ ដែលសំណងទាំងនោះ មិនស្មើនិងតម្លៃផ្ទះអភិវឌ្ឍន៍នៅនិងកន្លែង ព្រោះរាជរដ្ឋភិបាលតម្រូវឲ្យអភិវឌ្ឍន៍នៅបុរីកីឡា ៕
បាល់ទាត់៖សហព័ន្ធបាល់ទាត់អង់គ្លេសហៅកាត់ថា FA បានដាក់ពិន័យសាជាថ្មីលើលោក Jose Mourinho មិនឲ្យចូលបញ្ជាកូនក្រុម ដោយសារបង្ហាញកាយវិការខឹងសម្បាចំពោះការសម្រេចរបស់អាជ្ញាកណ្ដាល ដោយស្ទុះទៅទាត់ដបទឹក ក្នុងការប្រកួតដែល Manchester United ស្មើគ្នា ១-១ ជាមួយ West Ham កាលពីយប់ថ្ងៃអាទិត្យ។
ភ្លាមៗក្រោយប្រតិកម្មរបស់អ្នកចាត់ការសញ្ជាតិព័រទុយហ្គាល់ អាជ្ញាកណ្ដាល Jonathan Moss បានបណ្ដេញរូបលោកឲ្យទៅអង្គុយកន្លែងអ្នកគាំទ្រម្ដងរួចមកហើយ ប៉ុន្តែពេលនេះលោកប្រឈមនឹងការពិន័យមិនឲ្យឈរបញ្ជាកូនក្រុមចំនួន៣ប្រកួតទៀត។ ទោះជាយ៉ាងណាលោក Mourinho មានពេលត្រឹមម៉ោង៦ល្ងាច ថ្ងៃទី១ ខែធ្នូ ដើម្បីប្ដឹងឧទ្ធរណ៍។
គួរបញ្ជាក់ថា នេះគឺជាការពិន័យលើកទី២របស់ Mourinho នៅរដូវកាលនេះ បន្ទាប់ពីលើកទីមួយបុរសវ័យ៥៣ឆ្នាំ ត្រូវបណ្ដេញចេញកាលប៉ះ Burnley ហើយផាកជាទឹកប្រាក់៨ពាន់ផោន និងមិនឲ្យឈរបញ្ជាកូនក្រុម១ប្រកួត៕
ខេត្តកណ្តាល៖សមត្ថកិច្ចមូលដ្ឋានបានឲ្យដឹងថា នៅព្រឹកមិញមានករណីទូរថភ្លើងក្រុមហ៊ុន ROYAl Railway ដឹកទំនិញចេញដំណើពីកំពង់សោមមកភ្នំពេញបានដាច់ធ្លាក់ពីលើផ្លូវហើយចូលទៅប្រឡាយទឹក ប៉ុន្តែសំណាងល្អមិនបណ្តាលឲ្យមាននរណាម្នាក់រងគ្រោះនោះទេ ដោយសារតែជាទូទំនេរ។
ករណីបង្កឲ្យមានការភ្ញាក់ផ្អើលនេះកើតឡើងនៅវេលាម៉ោង៥ និង៥០ទាបភ្លឺ ថ្ងៃទី២៩ ខែវិច្ឆិកា ឆ្នាំ២០១៦នេះ ស្ថិតនៅចំណុចភូមិអង្គខ្លើរឃុំត្បែង ស្រុកកណ្ដាលស្ទឹង ខេត្តកណ្ដាល។
សមត្ថកិច្ចបានបញ្ជាក់ថា រថភ្លើងក្រុមហ៊ុនខាងលើដឹកទំនិញចេញដំណើពី កំពង់សោមមកភ្នំពេញ លុះបើកមក ដល់ចំណុចកើតហេតុខាងលើបានជាន់ហ្វ្រាំងបន្ថយល្បឿន ធ្វើឲ្យទូដែលមិនមានដឹកទំនិញធ្លាក់ចុះពីលើផ្លូវ ចូលក្នុងប្រឡាយចំនួន៧កង់ តែមិនបណ្តាលឲ្យរងរបួសដល់មនុស្សទេ៕
រាជធានីភ្នំពេញ៖គិតត្រឹមថ្ងៃទី២៨ ខែវិច្ឆិកា ឆ្នាំ២០១៦ម្សិលមិញនេះមានប្រជាពលរដ្ឋខ្មែរចំនួន ៧,៧៦៤,៦៥៣នាក់ហើយបានទៅចុះឈ្មោះបោះឆ្នោត។ នេះបើតាមសេចក្តីប្រកាសព័ត៌មានរបស់គណៈកម្មាធិការជាតិរៀបចំការបោះឆ្នោត (គ.ជ.ប) ចេញផ្សាយនៅថ្ងៃទី២៩ ខែវិច្ឆិកា ឆ្នាំ២០១៦នេះ។
សូមជម្រាបថា ដំណើរការចុះឈ្មោះបោះឆ្នោតថ្មី ចាប់ផ្តើមពីថ្ងៃទី០១ ខែកញ្ញា ដល់ ថ្ងៃទី២៩ ខែវិច្ឆិកា ឆ្នាំ២០១៦។ គ.ជ.ប បញ្ជាក់ថា ប្រជាពលរដ្ឋដែលមានអាយុ១៨ឆ្នាំឡើង ហើយមានសិទ្ធិ ចុះឈ្មោះបោះឆ្នោត មានចំនួនជាង៩.៦លាននាក់៕
បាល់ទាត់៖លោក Lee Taehoon គ្រូវបង្វឹកក្រុមជម្រើសជាតិកម្ពុជាដែលគ្រូមួយរូបជួយក្រុមកម្ពុជាអាចកែប្រែប្រវត្តិសាស្ត្រជាច្រើននាពេលកន្លងមកនេះបានប្រកាសថា លោកអាចនឹងឈប់ដឹកនាំក្រុមជម្រើសជាតិកម្ពុជាហើយ។
ការប្រកាសរស់លោក Lee ក្រោយពីការវិលត្រឡប់មកពីការប្រកួត AFF Suzuki Cup ដោយលោកអះអាងថា ក្រុមកីឡាករមិនព្រមស្ដាប់ និងបង្កកំហុសដដែលៗ ប៉ុន្មានប្រកួតមកនេះ។
លោក Lee បានបញ្ជាក់ថា ក្នុងការប្រកួត AFF Suzuki Cup កន្លងទៅនៅវគ្គចែកពូលនេះ កីឡាករកម្ពុជាទាំងអស់ មានតែ២ទៅ៣នាក់ទេ ដែលមានកម្លាំងលេងពេញល្អ ក្រៅពីនោះសុទ្ធខ្សោយកម្លាំងទាំងអស់ ដោយពួកគេហាក់មិនបានថែរក្សាសុខភាពទាល់តែសោះក្រោយពីបានជាប់ឡើងទៅវគ្គចែកពូលមកនោះ។ ទន្ទឹមនោះគ្រូបង្វឹកសញ្ជាតិកូរ៉េខាងត្បូងនេះ រំពឹងថា នៅពេលក្រោយ កីឡាករកម្ពុជាអាចនឹងផ្លាស់ប្ដូរឥរិយាបថរបស់ខ្លួន កុំឱ្យនៅតែដដែលៗទៀត។
គួរបញ្ជាក់ថា លោក Lee Taehoon នឹងអស់កុងត្រាជាមួយក្រុមជម្រើសជាតិនៅខែធ្នូឆ្នាំ២០១៦នេះហើយ។ ទោះបីយ៉ាងណាលោកបញ្ជាក់ថា ទោះជាសហព័ន្ធបាល់ទាត់កម្ពុជាចង់បន្ដកុងត្រាឱ្យ ក៏លោកប្រហែលមិនព្រមទៀតដែរ ព្រោះតែកីឡាករកម្ពុជាទាំងអស់ហាក់មិនព្រមស្ដាប់ការណែនាំរបស់គាត់ទាល់តែសោះ៕
រាជធានីភ្នំពេញ៖មានការភ្ញាក់ផ្អើលមួយគ្រាដែលប្រជាពលរដ្ឋបានប្រទះឃើញសពបុរសម្នាក់ចង.កសម្លាប់ខ្លួន ដែលហេតុការណ៍នេះកើតឡើងកាលពីវេលាម៉ោង៦ និង៤៥នាទីព្រឹក ថ្ងៃទី២៩ ខែវិច្ឆិកា ឆ្នាំ២០១៦នេះ នៅចំណុចខ្ទមអ្នកតាចិន ក្នុងវត្តសំពៅមាស សង្កាត់បឹងព្រលិត ខណ្ឌ៧មករា រាជធានីភ្នំពេញ។
សមត្ថកិច្ចបានឲ្យដឹងថា ជនរងគ្រោះនៅពុំទាន់ស្គាល់អត្តសញ្ញាណនៅឡើយទេ មានអាយុ២០ឆ្នាំជាង ជនជាតិខ្មែរ។ តាមការធ្វើកោសល្យវិច្ច័យរបស់ប៉ូលីសជំនាញបានបញ្ជាក់ថា ជនរងគ្រោះពិតជាបានធ្វើអត្តឃាតចង.កសម្លាប់ខ្លួនពិតប្រាកដមែន។ បច្ចុប្បន្នសពត្រូវបានអាជ្ញាធរមូលដ្ឋានរៀបចំដឹកទៅបូជានៅវត្តឫស្សីសាញ់៕
រាជធានីភ្នំពេញ៖នារីវ័យក្មេងម្នាក់ទើបមកពីខេត្តមករកការងារធ្វើមិនទាន់បានផងត្រូវបានប្រុសព្រានចាប់រំលោភបានសម្រេច។ ហេតុការណ៍នេះកើតឡើងកាលពីវេលាម៉ោង១០ព្រឹកថ្ងៃទី២៨ ខែវិច្ឆិកា ឆ្នាំ២០១៦ ស្ថិតនៅបន្ទប់ផ្ទះជួល លេខ D3 ជាប់ទី២ ផ្លូវលំ ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ។
សមត្ថកិច្ចបានឲ្យដឹងថា នារីរថគ្រោះមានឈ្មោះ ណ ស ន អាយុ១៩ឆ្នាំ ស្នាក់នៅបន្ទប់ជួលកន្លែងកើតហេតុនេះ មានស្រុកកំណើតនៅខេត្តព្រៃវែង។
បើតាមនារីជនរងគ្រោះថា នាងទើបតែមកទីក្រុងភ្នំពេញបានរយៈពេល៣ថ្ងៃប៉ុណ្ណោះដើម្បីរកការងារធ្វើ ប៉ុន្តែដល់ថ្ងៃកើតហេតុក្រោយពីបានចាកចេញទៅធ្វើតេស្តនៅរោងចក្រ លុះមកដល់ក្នុងបន្ទប់ជួលត្រូវជនល្មោភកាមឈ្មោះ ធី សុវណ្ណ អាយុ៣២ឆ្នាំ មុខរបរ សន្តិសុខយាមរោងចក្រ ក្បែរកន្លែងកើតហេតុ ស្នាក់នៅបន្ទប់ជួល រួមជាមួយប្រពន្ធ នៅបន្ទប់លេខ I 02 ជាន់ទី២ មានស្រុកកំណើតនៅក្នុងខេត្តបាត់ដំបង បាននាងចាប់រំលោភរហូតបានសម្រេច ដោយទ្រាំមិនបានក៏រត់ទៅប្តឹងសមត្ថកិច្ច ប៉ុន្តែជនល្មើសដឹងខ្លួនក៏បានរត់គេចខ្លួនបាត់ពីបន្ទប់ជួលរបស់ខ្លួន៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
