បាល់ទាត់ ៖ខ្សែបម្រើរបស់ក្រុមមេឃខៀវ Manchester City គឺកីឡាករ Fernandinho ត្រូវបានគេរាយការណ៍ថា នឹងត្រូវបានផ្ដល់នូវកិច្ចសន្យាថ្មីដោយក្រុម Man City បន្ទាប់ពីមានការស្ងើចសរសើរពីសំណាក់លោកគ្រូបង្វឹក Pep Guardiola អំឡុងពេលការដឹកនាំរបស់លោកក្នុងរយៈពេលពីរបីខែកន្លងមកនេះ ។
ហៃទី ៖មនុស្ស២៩៩នាក់បានស្លាប់បាត់បង់ជីវិតដោសារតែព្យុះ Matthew វាយប្រហារភាគខាងត្បូងប្រទេសហៃទី ដែលបង្កជាទឹកជំនន់ ។ នេះបើតាមការចុះផ្សាយលើគេហទំព័រBBC។
រាជធានីភ្នំពេញ ៖កម្លាំងនគរបាលខណ្ឌសែនសុខបានឃាត់ខ្លួនយុវជនពីរនាក់ និងមន្ត្រីយោធាម្នាក់យកទៅសួរនាំ បន្ទាប់ពីរកឃើញថ្នាំញៀន ហើយមន្ត្រីយោធានោះមកស្រែកឡូឡា ពេលកម្លាំងកំពុងធ្វើការ នៅម៉ោង១០ និង៤០នាទីយប់ថ្ងៃទី៦ ខែតុលា ឆ្នាំ២០១៦ នៅប្លុកភូមិត្រពាំងឈូកសង្កាត់ទឹកថ្លា។
រាជធានីភ្នំពេញ ៖រដ្ឋសភា បានបើកសម័យប្រជុំរដ្ឋសភាលើកទី៧ នីតិកាលទី៥ ក្រោមអធិបតីភាព សម្តេច ហេង សំរិន ប្រធានារដ្ឋសភា ដោយមានការពិភាក្សា និងអនុម័តលើរបៀបវារៈចំនួន៨ នាព្រឹកថ្ងៃទី០៧ ខែតុលា ឆ្នាំ២០១៦នេះ។
ដោយ៖ប៉ែន សុផល បាត់ដំបង ៖កម្លាំងបង្ការបង្ក្រាបនៃស្នងការនគរបាលខេត្តបាត់ដំបង ចុះបង្ក្រាបទីតាំងប្រជល់មាន់លួចលាក់១កន្លែងឃាត់ខ្លួនអ្នកពាក់ពន្ធ័ចំនួន៥នាក់ បន្ទាប់ពីមានពាក្យបណ្ដឹងរបស់ប្រជាពលរដ្ឋ។
ខេត្តពោធិ៍សាត់ ៖បុរសម្នាក់កំពុងបណ្តើរឆ្កែចូលព្រៃ ដើម្បីបេះផ្កាព្រៃមកលក់ ក៏ជាន់មីនបណ្តាលឲ្យដាច់ប្រអប់ជើងខាងស្តាំ ភា្លមៗនោះក៏បាន បញ្ជូនទៅសង្គ្រោះបន្ទាន់នៅមន្ទីរពេទ្យខេត្តត្រាត ប្រទេសថៃឡង់ដ៏។ ហេតុការណ៍នេះកើតឡើងកាលពីវេលាម៉ោង ០៩ និង១០នាទីព្រឹក ថ្ងៃទី០៦ ខែតុលា ឆ្នាំ២០១៦នេះ នៅចំណុចច១ (ជិតកែងអូរសួស្តី បំបែកទៅវាលក្តួច) ស្ថិតក្នុងភូមិឯកភាព ឃុំថ្មដា ស្រុកវាលវែង ខេត្តពោធិ៍សាត់។
រាជធានីភ្នំពេញ ៖គិតត្រឹមម៉ោង៦ល្ងាច ថ្ងៃទី០៥ ខែតុលា ឆ្នាំ២០១៦ម្សិលមិញនេះមានប្រជាពលរដ្ឋខ្មែរចំនួន៤,៥៩២,៦៧៩នាក់ហើយ បានទៅចុះឈ្មោះបោះឆ្នោត។ នេះបើយោងតាមសេចក្តីប្រកាសព័ត៌មាន គណៈកម្មាធិការជាតិរៀបចំការបោះឆ្នោត (គ.ជ.ប)។
ខេត្តប៉ៃលិន ៖យុវជនម្នាក់បានសម្រេចចិត្តផឹកថ្នាំបាញ់សម្លាប់ខ្លួន ព្រោះខឹងបងប្អូនស្តីបន្ទោស ដែលហេតុការណ៍នេះកើតឡើងកាលពីថ្ងៃទី០៥ ខែតុលា វេលាម៉ោង១៤ និង៣០នាទីនៅភូមិបរតាំងស៊ូ សង្កាត់បរយ៉ាខា ក្រុងខេត្តប៉ៃលិន ខេត្តប៉ៃលិន។
ដោយ៖ប៉ែន សុផល បាត់ដំបង ៖យុវជនម្នាក់បានប្រើប្រាស់ម៉ូទ័រកាត់ដែកដាក់ផ្លែខុសបច្ចេកទេសដាច់ខ្ទាតមកចំកណ្ដាលដើមទ្រូងបណ្តាលអោយស្លាប់ភ្លាមៗនៅនិងកន្លែង។ ហេតុការណ៍គួរឲ្យភ្ញាក់ផ្អើលខាងលើនេះកើតឡើងកាលពីវេលាម៉ោង១២-០០នាទី ថ្ងៃទី៥ ខែតុលា ឆ្នាំ២០១៦ នៅចំណុចក្រុមទី២៤ ស្ថិតក្នុងភូមិកំពង់ឆ្លង ឃុំវត្តតាមិម ស្រុកសង្កែ ខេត្តបាត់ដំបង។
រាជធានីភ្នំពេញ ៖យោងតាមរបាយការណ៍គណៈកម្មាធិការជាតិសុវត្ថិភាពចរាចរណ៍ផ្លូវគោកបានឲ្យដឹងថា គ្រោះថ្នាក់ចរាចរណ៍ខែកញ្ញា ឆ្នាំ២០១៦ បានកើតឡើងចំនួន ២៧៥លើក បណ្តាលឲ្យស្លាប់ចំនួន ១៣៣នាក់ និងរបួស ៤៣៥នាក់ ភាគច្រើនកើតឡើងនៅ រាជធានីភ្នំពេញ ចំនួន ២៨លើក ខេត្តកំពត ចំនួន ២៤លើក និងខេត្តព្រះសីហនុ ចំនួន ២០លើក។ ចំនួនជនរងគ្រោះជាមធ្យមក្នុងថ្ងៃស្លាប់ចំនួន ៤,៤៣នាក់ និងរបួសចំនួន ១៤,៥នាក់។
ដោយ៖ប៉ែន សុផល ខេត្តបាត់ដំបង ៖កម្លាំងអធិការដ្ឋាននគរបាលស្រុកសំពៅលូន សហការជាមួយកម្លាំងប៉ុស្តិ៍ជ្រៃសីមា ឃាត់ខ្លួនបុរស២នាក់ ករណីកាន់កាប់រក្សាទុកនូវសារធាតុញៀននិងដកហូត ថ្នាំញៀនយ៉ាម៉ា១៦គ្រាប់ កាលពីម៉ោ២៣និង៤០នាទីយប់ថ្ងៃទី៥ខែតុលាឆ្នាំ២០១៦នៅចំណុចក្រុមទី០៧ ភូមអូរល្វា ឃុំជ្រៃសីមា ស្រុកសំពៅលូន។
ដោយ៖ប៉ែន សុផល បាត់ដំបង ៖ជនសង្ស័យម្នាក់ត្រូវបានកម្លាំងជំនាញនៃអធិការដ្ឋាននគរបាលស្រុកសំពៅលូនឃាត់ខ្លួនកាលពីវេលាម៉ោង១០ និង០០នាទីថ្ងៃទី៤ ខែតុលា ឆ្នាំ២០១៦ នៅចំណុចភូមិត្រពាំងព្រលិត ឃុំសន្តិភាព ស្រុកសំពៅលូន ខេត្តបាត់ដំបងពីបទរួមភេទជាមួយអនីតិជនក្រោមអាយុ១៥ឆ្នាំបានរហូត១៦លើក និងធ្វើការបញ្ជូនបន្តទៅតុលាការនៅព្រឹកថ្ងៃទី៦ ខែតុលា ឆ្នាំ២០១៦។
រាជធានីភ្នំពេញ ៖ក្រសួងធនធានទឹកបានអំពាវនាវឲ្យមានការប្រុងប្រយ័ត្ន នៅបណ្តាខេត្តមួយចំនួនដូចជា រតនគិរី មណ្ឌលគិរី ស្ទឹងត្រែង ព្រះវិហារ ឧត្តរមានជ័យ កំពង់ធំ កំពង់ស្ពឺ បន្ទាយមានជ័យ សៀមរាបនិងបាត់ដំបង អាចនឹងមានភ្លៀងធ្លាក់ច្រើនជាប់ៗគ្នា និងបង្ករឲ្យមានជំនន់ទឹកភ្លៀង ចាប់ពីថ្ងៃទី៩ ដល់ថ្ងៃទី១៣ ខែតុលា ឆ្នាំ២០១៦៕
Posts navigation
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
