ខេត្តកំពត៖នគរបាលក្រុងកំពតបានឃាត់ខ្លួនយុវជនម្នាក់ ក្រោយពីប៉ុនប៉ងរំលោភសេពសន្ថវៈលើនារីរងគ្រោះ នៅថ្ងៃទី២៩ ខែសីហា ឆ្នាំ២០១៦ ក្នុងបន្ទប់ជួល ចំណុចក្រោយហាងខារ៉ាអូខេ «ខូល» ក្នុងភូមិសុវណ្ណសាគរ សង្កាត់កំពង់កណ្តាល ក្រុងកំពត។
ជនសង្ស័យឈ្មោះ ជីវ សុខលាង អាយុ២៥ឆ្នាំ រស់នៅភូមិស្នំប្រាំពីរ ឃុំម៉ាក់ប្រាង្គ ស្រុកទឹកឈូ ខេត្តកំពត រីឯនារីរងគ្រោះ ឈ្មោះ ផ ស ន អាយុ១៧ឆ្នាំ រស់នៅភូមិកំពង់បាយខាងជើង សង្កាត់កំពង់បាយ ក្រុងកំពត ខេត្តកំពត។
តាមប្រភពព័ត៌មានពីមន្ដ្រីនគរបាលបានឲ្យដឹងថា មុនកើតហេតុ ជនសង្ស័យខាងលើ និងសង្សារ របស់នារីរងគ្រោះ ឈ្មោះ ណូ លីណារិទ្ធ បានជក់ថ្នាំញៀន នៅបន្ទប់ជួលខាងក្រោយខារ៉ាអូខេ «ខូល» ហើយជនសង្ស័យបានស្នាក់នៅក្នុងបន្ទប់ហ្នឹងដែរក្រោយជក់ថ្នាំញៀន។ ប្រភពដដែលបញ្ជាក់ថា លុះពេលដែលនារីរងគ្រោះ ដេកលក់បានសើយសំពត់ ពេលនោះជនរងគ្រោះបានភ្ញាក់ រួចបានច្រានជនសង្ស័យចេញ។
ក្រោយពេលកើតហេតុ នារីរងគ្រោះ បានប្តឹងកម្លាំងនគរបាល មកដល់ឃាត់ខ្លួននាំយក ទៅសាកសួរនាំ នៅអធិការដ្ឋាននគរបាល ក្រុងកំពត ដើម្បីកសាងសំណុំរឿង ចាត់ការតាមនីតិវិធីច្បាប់៕
បាល់ទាត់៖លោក Sam Allardyce បានប្រកាសថាខ្សែប្រយុទ្ធខ្សែប្រយុទ្ធ Wayne Rooney របស់ក្រុមបិសាចក្រហម Manchester United នៅតែជាប្រធានក្រុមរបស់ក្រុមជម្រើសជាតិអង់គ្លេសដដែល។
គ្រួបង្វឹកវ័យ៦១ឆ្នាំរូបនេះ បានក្លាយជាគ្រួបង្វឹកថ្មីរបស់តោកំណាចអង់គ្លេសកាលពីដើមខែមុន ហើយ ការជ្រើសរើសប្រធានក្រុមថ្មីសម្រាប់ក្រុមជម្រើសជាតិអង់គ្លេសត្រូវបានលោកពន្យារពេល រហូតដល់ការប្រកួតលើកដំបូងក្រោមការដឹកនាំរបស់លោកនៅសប្តាហ៍នេះ ជាមួយក្រុមជម្រើសជាតិស្លូវ៉ាគី។
ពាក្យចចាមអារ៉ាមថាលោក Allardyce នឹងចាប់ផ្តើមយុគសម័យថ្មីសម្រាប់ ប្រធានក្រុមថ្មីប៉ុន្តែអតីតគ្រួបង្វឹកក្រុមឆ្មាខ្មៅ Sunderland បានរក្សាទុកជំនឿលើកីឡាករ Rooney ដែលលោកជឿជាក់ថាគឺជាបុរសល្អបំផុតសម្រាប់តំណែងនេះក្នុងដំណើរចូលរូមការប្រកួតវគ្គជម្រុះ World Cup 2018 ។
លោក Allardyce បានប្រាប់គេហទំព័រផ្លូវការសមាគមកីឡាបាល់ទាត់អង់គ្លេសថា “ខ្សែប្រយុទ្ធ Wayne Rooney នៅតែជាប្រធានក្រុមអង់គ្លេសពីព្រោះឋគាត់មានលក្ខណៈគ្រប់គ្រាន់ក្នុងការបំពេញតួនាទីនេះ »។គាត់គឺជាសមាជិកជាន់ខ្ពស់បំផុតរបស់ក្រុមនេះហើយគាត់ត្រូវបានគោរពយ៉ាងខ្លាំងដោយមិត្តភក្តិរបស់គាត់។ »។
គួរបញ្ជាក់ថា Rooney បានទទួលតំណែងជាប្រធានក្រុមបន្ទាប់ពីកីឡាករ Steven Gerrard ក្រោយការប្រកួត World Cup 2014 ហើយ Rooney បានបង្ហាញខ្លួនឲ្យក្រុមជម្រើសជាតិអង់គ្លេស ចំនួន ១១៦ប្រកួត ហើយនៅថ្លៃអាទិត្យនេះ នឹងជួបប្រកួតជាមួយ ស្លូវ៉ាគី នៅ Trnava ៕
យេមែន៖កងកម្លាំង Houthi យេមែនបានបាញ់គ្រាប់រ៉ុក្កែតថ្មីទៀតដាក់ជ្រុងភាគខាងត្បូងនៃប្រទេសអារ៉ាប៊ីសាអ៊ូឌីតដោយបានបញ្ចប់ភាពស្ងប់ស្ងាត់ជាច្រើនសប្តាហ៍និងកិច្ចខិតខំប្រឹងប្រែងដ៏ស្មុគស្មាញដើម្បីស្រោចស្រង់កិច្ចពិភាក្សាឡើងវិញលើការបញ្ចប់សង្គ្រាមស៊ីវិល១៨ខែរបស់យេមែន។
ការដួលរលំនៃកិច្ចចរចាស្តីពីជម្លោះយេមែននៅខែនេះកំពុងតែបង្កផលប៉ះពាល់ក្នុងទីក្រុង Najran របស់ប្រទេសអារ៉ាប៊ីសាអ៊ូឌីតបើទោះបីជាវាមានទំហំតូចជាងនៅក្នុងប្រទេសយេមែនក៏ដោយ។
កាលពីសប្តាហ៍មុន រ៉ុក្កែតមួយគ្រាប់ដែលបាញ់ដោយចលនា Houthi សម្ព័ន្ធមិត្តអ៊ីរ៉ង់ចេញពីភាគខាងជើងប្រទេសយេមែនបានធ្លាក់នៅទីក្រុង Najran ដែលស្ថិតនៅចម្ងាយ៣០គីឡូម៉ែត្រ ពីព្រំដែន។ វាបានវាយប្រហារកន្លែងដាក់រថយន្តអេតចាយមួយដោយសម្លាប់ពលរដ្ឋអារ៉ាប៊ីសាអ៊ូឌីតចំនួនប្រាំនាក់និងយេមែនពីរនាក់នៅពេលដែលពួកគេកំពុងបើកបរឆ្លងកាត់។
រ៉ុក្កែតមួយទៀតបានវាយប្រហារស្ថានីយ៍ថាមពល Electricity Company (SEC) របស់អារ៉ាប៊ីសាអ៊ូឌីតក្នុងទីក្រុង Najran កាលពីថ្ងៃសុក្រដោយធ្វើឲ្យហូរប្រេងម៉ាស៊ូតចេញពីធុងធ្លុះចូលទៅក្នុងបឹង។
អារ៉ាប៊ីសាអ៊ូឌីតនិងសម្ព័ន្ធមិត្តរបស់ខ្លួនបានចាត់ទុកពួកមូស្លីមនិកាយស៊ុននី Houthi ថាជាតំណាងរបស់ប្រទេសអ៊ីរ៉ង់។ ទោះជាយ៉ាងណាក៏ដោយ ពួក Houthi បានបដិសេធចំពោះការអះអាងនេះដោយនិយាយថា រដ្ឋាភិបាលនិរទេសខ្លួនរបស់យេមែន និងអារ៉ាប៊ីសាអ៊ូឌីតគឺជាកូនអុករបស់ប្រទេសលោកខាងលិចដែលកំពុងព្យាយាមគ្របដណ្តប់យេមែននិងដកពួកគេចេញពីមហាអំណាច។
អាជ្ញាធរអារ៉ាប៊ីសាអ៊ូឌីតបាននិយាយថា រលកថ្មីបំផុតនៃការបាញ់ផ្លោងបានសម្លាប់ជនស៊ីវិល២៩នាក់និងរងរបួសជាង៣០០នាក់នៅទីក្រុង Najran ដែលជាទីក្រុងមួយហ៊ុមព័ទ្ធដោយភ្នំដែលបែងចែងប្រទេសអារ៉ាប៊ីសាអ៊ូឌីតនិងយេមែន។
តួលេខទាំងនោះគឺមានចំនួនតិចជាងចំនួនជនស៊ីវិលដែលត្រូវបានសម្លាប់ដោយការវាយប្រហារតាមអាកាសរបស់ក្រុមចម្រុះនៅក្នុងការគាំទ្ររដ្ឋាភិបាលទទួលស្គាល់ជាអន្តរជាតិដែលយោធាអារ៉ាប៊ីសាអ៊ូឌីតរងការរិះគន់យ៉ាងខ្លាំងពីសំណាក់អន្តរជាតិ៕
រាជធានីភ្នំពេញ៖លោក ណៃ វ៉ង់ដា មន្ត្រីសិទ្ធិមនុស្សនៃសមាគមអាដហុក (ADHOC) ដែលជាប់ចោទពីបទសូកប៉ាន់សាក្សី លើសំណុំរឿងអាស្រូវលោក កឹម សុខា បានដួលសន្លប់ ខណៈលោកកំពុងស្ថិតក្នុងសវនាការសាលាឧទ្ធរណ៍ នៅព្រឹកថ្ងៃទី៣០ សីហានេះ ។ ភ្លាមៗ នោះលោក ណៃ វ៉ង់ដា ត្រូវបានបញ្ជូនមកកាន់បន្ទប់ដាច់ដោយឡែកមួយ ដើម្បីជួយសង្គ្រោះ ។
គួរបញ្ជាក់ថា សវនាការនាពេលនេះ មេធាវីការពារឲ្យមន្ត្រីអាដហុកទាំង៤រូប ស្នើមកកាន់សាលាឧទ្ធរណ៍ ដើម្បីមោឃភាពនីតិវិធីរបស់អង្គភាពប្រឆាំងអំពើពុករលួយ ដោយមេធាវីហៅការឃុំខ្លួនអ្នកទាំង៤នេះ ជាការខុសនីតិវិធីច្បាប់។
មន្ត្រីសិទ្ធិមនុស្សនៃសមាគមអាដហុកទាំង៤រូប គឺលោក ណៃ វ៉ង់ដា អ្នកស្រី លឹម មុន្នី លោក នី សុខា និងលោក យី សុខសាន្ត ត្រូវបានតុលាការក្រុងភ្នំពេញចោទប្រកាន់ពីបទសូកប៉ាន់សាក្សី លើសំណុំរឿងអាស្រូវផ្លូវភេទរបស់លោក កឹម សុខា និងកញ្ញា ខុម ចាន់តារាទី ហៅស្រីមុំ៕
រាជធានីភ្ន្នំពេញ៖តាអាយុ៧២ឆ្នាំម្នាក់ត្រូវរថយន្តឈ្នួលជែងគ្នាជ្រុលបុក និងកិនបណ្តាលឲ្យស្លាប់ភ្លាមនៅនឹងកន្លែងយ៉ាងអាណោចអាធ័ម ខណៈកំពុងជិះកង់នៅតាមបណ្តោយផ្លូវជាតិលេខ៦ ក្នុងទិសដៅពីជើងមកត្បូង។ ហេតុការណ៍ដ៏រន្ធត់នេះកើតឡើងនៅវេលាម៉ោង៧ និង៣០នាទីព្រឹកថ្ងៃទី៣០ ខែសីហាឆ្នាំ២០១៦នេះ នៅចំណុចខាងមុខការ៉ាស់សាំងតេលា ស្ថិតនៅក្នុងភូមិចំបក់មាស សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ ។
ជនរងគ្រោះមានឈ្មោះ គុជ លន់ ភេទប្រុស អាយុ៧២ឆ្នាំ ស្នាក់នៅភូមិក្តីចាស់ សង្កាត់បាក់ខែង ខណ្ឌជ្រោយចង្វា។
ករណីនេះបង្កឡើងរវាងរថយន្តរត់ឈ្នួលម៉ាកសាំយ៉ុងពណ៌សពាក់ស្លាក់លេខភ្នំពេញ2L-9454 បើកបដោយយុវជនម្នាក់ឈ្មោះ ឆន រ៉ាវុធ អាយុ១៨ឆ្នាំ ស្នាក់នៅភូមិដីក្រហម ឃុំមៀន ស្រុកព្រៃឈរ ខេត្តកំពង់ចាម បើកមកពីក្រោយ ហើយជែងរថយន្តមួយគ្រឿងទៀតធ្វើដំណើរស្របទិសគ្នា ក៏ជ្រុលចង្កូតទៅបុកកិនបែកក្បាលបណ្តាលឲ្យស្លាប់តែម្តង។ ចំណែករថយន្តបង្កបានព្យាយាម បើករត់គេចតែត្រូវបានសមត្ថកិច្ចដេញតាមចាប់បានទាំងរថយន្ត និងតៃកុងរួចប្រគល់ឲ្យកម្លាំងការិយាល័យក្រុងចាត់ការបន្ត។
ក្រោយកើតហេតុរថយន្តបង្ក កង់របស់ជនរងគ្រោះ និងតៃកុងរថយន្តត្រូវបានបញ្ជូនទៅកាន់ការិយាល័យចរាចរណ៍ផ្លូវគោករាជធានីភ្នំពេញចាត់ការបន្តតាមនីតិវិធីច្បាប់៕
រាជធានីភ្នំពេញ៖លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន បានជំរុញឲ្យគ្រប់គណបក្សនយោបាយតាមដានការចុះឈ្មោះបោះឆ្នោត និងបោះឆ្នោតទាំងអស់គ្នា ចៀសវៀងការប្រកាសលទ្ធផលបោះឆ្នោតមានការតវ៉ាកើតឡើង ។ លោកថ្លែងបែបនេះនៅក្នុងពិធីបើកសិក្ខាសាលាផ្សព្វផ្សាយស្ដីពីនីតិវិធី និងច្បាប់បោះឆ្នោតនៅកម្ពុជា នាទីស្ដីការក្រសួងព័ត៌មាន នៅព្រឹកថ្ងៃអង្គារ៍នេះ។
សូមជម្រាបថា សិក្ខាសាលានេះ ធ្វើឡើងដោយមានចូលរួមពីអគ្គនាយកដ្ឋានព័ត៌មាន និងសោតទស្សន៍, គណៈកម្មាធិការជាតិរៀបចំការបោះឆ្នោត និងមន្ត្រីរាជការពាក់ព័ន្ធជាច្រើននាក់៕
រាជធានីភ្នំពេញ៖ព្រះតេជគុណ ប៊ុត ប៊ុនតិញ ប្រធានបណ្តាញព្រះសង្ឃឯករាជ្យ បានអះអាងតាមរយៈវិទ្យុបរទេសនិយាយភាសាខ្មែរមួយ កាលពីយប់ថ្ងៃទី២៩ សីហា នេះ ដោយព្រះអង្គបញ្ជាក់ថា ភរិយា និងកូនៗ លោក កែម ឡី បានចាកចេញពីកម្ពុជាហើយ កាលពីថ្ងៃទី២៨ ខែសីហា ឆ្នាំ២០១៦នេះ ។ ប៉ុន្តែព្រះអង្គមិនបានប្រាប់ទេថា តើភរិយានិងកូនៗ លោក កែម ឡី នឹងទៅកាន់ប្រទេសណានោះ ។
ព្រះតេជគុណ ប៊ុត ប៊ុនតិញ បានបន្ថែមថា ពិធីបុណ្យ១០០ថ្ងៃសពលោកបណ្ឌិត កែម ឡី នឹងប្រព្រឹត្តទៅរយៈពេល៣ថ្ងៃគឺនៅថ្ងៃទី១៤ដល់ថ្ងៃទី១៦ តុលា ២០១៦ ហើយលោកស្រីភរិយាលោកកែម ឡី បានប្រគល់សិទ្ឋិប្រគេនព្រះតេជគុណជាអ្នករៀបចំចាត់ចែងពិធីបុណ្យ១០០ថ្ងៃនេះ ផងដែរ៕
ខេត្តកណ្ដាល៖មេបញ្ជាការរងកងពលតូចដឹកជញ្ជូនលេខ៩០ម្នាក់បានស្លាប់នៅទីបញ្ជាការដ្ឋាន ស្ថិតក្នុងស្រុកអង្គស្នួល ខេត្តកណ្ដាល កាលពីវេលាម៉ោង៣ និង៥០នាទីទៀបភ្លឺថ្ងៃទី៣០ ខែសីហា ឆ្នាំ២០១៦ នេះ។
មន្ត្រីយោធាម្នាក់បានឲ្យដឹងថា កាលពីរសៀលម្សិលមិញ លោកឧត្តសេមនីយ៍ត្រី ឡុង សាវុធ មេបញ្ជាការរងកងពលតូចដឹកជញ្ជូនលេខ៩០ បានអង្គុយនៅសាឡុងមុខទីបញ្ជាការដ្ឋាន ហើយនិយាយថា «ឈឺគ្រាប់ភ្នែក» មិនបានទៅហូបបាយទេ រួចក៏ចូលទៅសម្រាកក្នុងបន្ទប់លុះដល់ម៉ោងខាងលើ គាត់ក៏បានក្រោកមកបន្ទប់ទឹក ស្រាប់តែប្រទះឃើញគាត់ស្លាប់នៅលើសួនច្បារ ខាងមុខទីបញ្ជាការបាត់ទៅហើយ ។
យ៉ាងណាក៏ដោយ លោក ឡុង សុផាន់ណា ត្រូវជាកូនបង្កើតរបស់ជនរងគ្រោះ បានបញ្ជាក់ថា ឪពុកមានជំងឺលើសឈាមជាយូរឆ្នាំមកហើយ ហើយការស្លាប់នោះអាចមកពីជំងឺប្រចាំកាយរបស់គាត់៕
រាជធានីភ្នំពេញ៖អគ្គព្រះរាជអាជ្ញារង នៃមហាអយ្យការអមតុលាការកំពូលលោក អ៊ុក គីមសិទ្ធិ បានចេញដីកាកោះហៅលោក កឹម សុខា ចូលសវនាការនៅថ្ងៃទី០២ ខែកញ្ញាខាងមុខនេះក្នុងនាមម្ចាស់បណ្តឹងសាទុក្ខ។
យោងតាមដីការបស់មហាអយ្យការអមតុលាការកំពូលបានឲ្យដឹងថា អគ្គព្រះរាជអាជ្ញារង សម្រេចបង្គាប់ឲ្យលោក កឹម សុខា (ម្ចាស់បណ្តឹងសាទុក្ខ) ចូលមកតុលាការកំពូលនៅថ្ងៃទី០២ ខែកញ្ញា ឆ្នាំ២០១៦ វេលាម៉ោង៨ព្រឹក។
នៅក្នុងដីកាបានបញ្ជាក់យ៉ាងដូច្នេះថា ក្រោយពីបានពិនិត្យសុំណរឿងព្រហ្មទណ្ឌ៤៦ ចុះថ្ងៃទី២២ ខែសីហា ឆ្នាំ២០១៦ ដែលមានជនត្រូវចោទឈ្មោះ កឹម សុខា ភេទប្រុស អាយុ៦៣ឆ្នាំ ជាតិខ្មែរ(ម្ចាស់បណ្ដឹងសាទុក្ខ), ត្រូវដាក់ឲ្យស្ថិតក្រោមការពិនិត្យពីបទ បដិសេធក្នុងការចូលខ្លួន (ពាក្យស្នើសុំបំពេញកិច្ច) ប្រព្រឹត្តទៅរាជធានីភ្នំពេញ កាលពីថ្ងៃទី២៦ ខែឧសភា ឆ្នាំ២០១៦ បទល្មើសព្រហ្មទណ្ឌដែលមានចែងឲ្យផ្តន្ទាទោស តាមញ្ញត្តិមាត្រា ៥៣៨ នៃក្រមព្រហ្មទណ្ឌ៕
ដោយ៖ប្រុញ វិធិន
ខេត្តក្រចេះ៖នៅព្រឹកថ្ងៃតី២៩ ខែសីហានេះ មន្ទីរសាធារណការ និងដឹកជញ្ជូនខេត្តក្រចេះ ដឹកនាំដោយលោក ស្រេង ស្រស់ ប្រធានមន្ទីរខេត្ត ក្រោមវត្តមានលោក វ៉ា ថន អភិបាលរងនៃគណៈអភិបាលខេត្តក្រចេះ និងមានការចូលរួមពីមន្ត្រីនគរបាលចរាចរផ្លូវគោក និងអាជ្ញាធរទាំង៥ស្រុក-ក្រុង១ បានបើកយុទ្ធនាការចែក ស្ទីកឃើ ចំណាំងផ្លាតនៅពេលយប់ ចំនួន ៣៥,៧៨២សន្លឹក ជូនប្រជាពលរដ្ឋ និងមានការបិតផ្ទាល់លើគោយន្ត ជិត ៩០គ្រឿង និងម៉ូតូ ប្រមាណជាង ១០០គ្រឿង ដែលគ្មានភ្លើងបំភ្លឺផ្លូវនៅពេលយប់ផងដែរ ។
លោក វ៉ា ថន អភិបាលរងខេត្ត បានប្រសាសន៍ថា សព្វថ្ងៃនេះ បងប្អូនប្រជាកសិករ ភាគច្រើនបានប្រើប្រាស់គោយន្តកន្ត្រៃ ឬតាឡេថង ដើម្បីធ្វើស្រែចំការ និងបើកបរលើផ្លូវសាធារណៈ ជាពិសេសលើផ្លូវជាតិតែម្តង ។ ដូច្នេះ បងប្អូនប្រជាពលរដ្ឋ ត្រូវយកស្ទីកឃើ ឬសន្លឹកចំណាំងផ្លាតនៅពេលយប់នេះ ទៅបិទលើគោយន្ត ឬទោចក្រយានយន្តឲ្យបានគ្រប់គ្នា ដើម្បីជៀសវាងបងប្អូនធ្វើដំណើរពេលយប់ជួបគ្រោះថ្នាក់ដល់អាយុជីវិត។
លោក ស្រេង ស្រស់ ប្រធានមន្ទីរសាធារណៈការ និងដឹកជញ្ជូនខេត្ត បានបញ្ជាក់ថា ដោយទទួលស្ទីកឃើ ចំណាំងផ្លាត ពីលោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណៈការ និងដឹកជញ្ជូន លើការគិតគូរពីសុវត្ថិភាពចរាចរ លោក បានសហការជាមួយលោកអភិបាលខេត្ត អាជ្ញាធរក្រុង ស្រុក ឃុំ/សង្កាត់ ដើម្បីផ្សព្វផ្សាយដល់ប្រជាពលរដ្ឋ ឲ្យមកទទួល នៅពេលដែលក្រុមារងារចុះចែកស្ទីកឃើ ឬសន្លឹកផ្ទាំងចំណាំងផ្លាតសុវត្ថិភាពសម្រាប់មធ្យោបាយ កង់ ម៉ូតូ គោយន្តកន្ត្រៃ និងរថយន្តកែចច្នៃគ្រប់ប្រភេទ ក្នុងគោលបំណង់កាត់បន្ថយគ្រោះថ្នាក់ចរាចកើតឡើងជាយថាហេតុនៅពេលយប់ ។
ដោយលោក បានលើកឡើងថា សព្វថ្ងៃនេះ នៅក្នុងព្រះរាជាណាចក្រកម្ពុជាយើង គឺមានរថយន្តកែច្នៃ និងទោចក្រយានយន្តមួយចំនួនធំ ដែលគ្មានចំណាំងផ្លាតពីក្រោយ ។ ដូច្នេះហើយ ទើបសម្ដេចតេជោ ហ៊ុន សែន លោកយល់ឃើញថា ដើម្បីកាត់បន្ថយគ្រោះថ្នាក់ចរាចនេះ គឺត្រូវតែផ្ដល់ជូនស្ទីកឃើ ឬសន្លឹកផ្ទាំងចំណាំងផ្លាតសុវត្ថិភាពនេះ ដល់ម្ចាស់យានយន្តនានា ដែលខ្វះ ដោយឥតគិតថ្លៃ ។ យុទ្ធនាការនេះ មិនមែនធ្វើឡើងតែថ្ងៃនេះ ឬនៅកន្លែងនេះ តែប៉ុណ្ណនោះទេ គឺធ្វើឡើងជារៀងរាល់ថ្ងៃ នឹងនៅគ្រប់បណ្ដាក្រុង/ស្រុក ឃុំ/សង្កាត់ ដែលមានស្រុក៥ និងក្រុង១ ក្នុងខេត្តក្រចេះទាំងមូល ។
លោក បន្ដថា នៅពេលដែលបងប្អូនទទួលបានស្ទីកឃើ នេះហើយ ត្រូវចេះថែរក្សា ហើយបើមានករណីរហែក ឬរបក ត្រូវសុំពីអាជ្ញាធរយកបិតបន្ថែមទៀត ។
លោក ស្រេង ស្រស់ ក៏បានសំណូមពរដល់បងប្អូនប្រជាពលរដ្ឋ ដែលធ្វើដំណើរតាមដងផ្លូវ សូមកុំបកស្ទីកឃើសុវត្ថិភាព ឬចំណាំងផ្លាតពីបង្គោលសុវត្ថិភាព ដែលខាងក្រសួង និងមន្ទីរបានបោះបង្គោលនៅតាមដងផ្លូវនានាតាមបណ្ដាខេត្ត ដូចជា ខេត្តក្រចេះ ក៏ដូចជានៅទូទាំងប្រទេសកម្ពុជាផងដែរ ៕
ដោយ៖ប្រុញ វិធិន
ក្រចេះ៖ប្រធានអង្គការមូលនិធិកុមារពិការ បានថ្លែងថា អង្គការនេះ ដែលបានបង្កើតឡើងអំឡុង ឆ្នាំ២០០៧ មានគោលបំណងលើកស្ទួយកុមារឲ្យមានអនាគត។
អង្គការមូលនិធិកុមារពិការ សហការជាមួយសាលាអន្តរជាតិ ហ្គោលឌិន ថាម កាលពីថ្ងៃទី២៨ ខែសីហា ម្សិលម៉ិញ បានរៀបចំពិធីជួបសំណេះសំណាលជាមួយមាតា បិតា និង អាណាព្យាបាលសិស្សក្នុងខេត្តក្រចេះ ដើម្បីចែករំលែកបទពិសោធន៍ និង វិធីសាស្ដ្រក្នុងការអប់រំកូនឲ្យក្លាយជាកូនល្អ សិស្សល្អ មិត្តល្អ និង បុគ្គលឆ្នើមនៅពេលអនាគត ។
លោក គង់ វិចិត្រា ស្ថាបនិក និងជានាយកប្រតិបត្តិ អង្គការមូលនិធិកុមារពិការ បានបញ្ជាក់ថា អង្គការមូលនិធិកុមារពិការ បានបង្កើតឡើងនៅឆ្នាំ២០០៧ ដោយមានគោលបំណងសំខាន់ គឺជួយគាំទ្រ ផ្ដល់សិទ្ធិ និង លើកទឹកចិត្ត ផ្តល់សុខុមាលភាពដល់កុមារ និងយុវជនពិការកម្រិតមធ្យម និង ធ្ងន់ធ្ងរនៅកម្ពុជា ។
លោក បានបន្តថា បច្ចុប្បន្ននេះ អង្គការកំពុងធ្វើប្រតិបត្តិការរបស់ខ្លួននៅក្នុងរាជធានីភ្នំពេញ ខេត្តកំពត និង ខេត្តក្រចេះ ក្នុងគោលដៅពង្រីកសេវាកម្ម ដើម្បីជួយគាំទ្រដល់កុមារ និង យុវជនពិការនៅកម្ពុជាតែម្ដង ។ ដោយលោកសង្កេតឃើញថា សេវាកម្មសម្រាប់កុមារ និង យុវជនពិការកម្រិតមធ្យម និង ធ្ងន់ធ្ងរ នៅមានកង្វះខាតនៅឡើយ បើសិនជាប្រៀប ធៀបទៅនឹងសេវាកម្មជួយគាំទ្រជនពិការទូទៅ ។ ដូច្នេះ អង្គការមូលនិធិកុមារពិការ នឹងបន្តការពង្រីកសេវានេះឲ្យបានទូទាំងប្រទេស ដោយមានការគាំទ្រពីម្ចាស់ជំនួយ ដូចជា អង្គការUNICEF ម្ចាស់ជំនួយនៅប្រទេសអាល្លឺម៉ង់ ហ្វាំងឡង់ និង ប្រទេសស្វីស ។
លោក បានបន្តថា តាមរយៈតួលេខរបស់រាជរដ្ឋាភិបាល ជនពិការ មានចំនួនពីរលាននាក់ នៅទូទាំងប្រទេស នុងនោះប្រមាណ៨ម៉ឺននាក់ ស្នើនឹង២០ភាគរយ ជាកុមារ និង យុវជនពិការ ឋិតក្រោមអាយុ២០ឆ្នាំ ហើយសព្វថ្ងៃនេះ អង្គការបានជួយគាំទ្រដល់កុមារ និងយុវជនពិការ ជាងបីរយនាក់ នៅក្នុងតំបន់គោលដៅទាំងបី ។
លោក សេង វណ្ណារិទ្ធ អគ្គនាយកសាលាអន្តរជាតិ ហ្គោលឌិន ថាម បានឲ្យដឹងថា ក្នុងរយៈពេលកន្លងមក លោកតែងតែបានធ្វើ និង ចូលរួមក្នុងការងារសង្គមជាច្រើន ហើយលោកនឹងបន្តសកម្មភាពនេះជាបន្ត ដោយភាពស្រឡាញ់កុមារ៕
អ៊ីតាលី៖អាជ្ញាធរប្រទេសអ៊ីតាលីបានសន្យាថានឹងធ្វើការស៊ើបអង្កេតថាតើការធ្វេសប្រហែសឬការលួចបន្លំមិនប្រកាន់ខ្ជាប់ទៅនឹងស្តង់ដាអគារបានចូលរួមចំណែកចំពោះចំនួនអ្នកស្លាប់ខ្ពស់នៅក្នុងគ្រោះរញ្ជួយដីនៅប្រទេសអ៊ីតាលីកាលពីសប្តាហ៍មុនដែរឬក៏អត់។
ពួកគេក៏បានអំពាវនាវផងដែរឲ្យមានកិច្ចខិតខំប្រឹងប្រែងដើម្បីធានាថា នឹងមិនមានការធ្វើខុសកិច្ចសន្យាសាងសង់អគារដែលកិតកេងប្រាក់ដោយជាលទ្ធផលបណ្តាលឲ្យមានគ្រោះមហន្តរាយនេះទេ។
ទន្ទឹមនឹងនេះដែរបុគ្គលិកសង្គ្រោះបានបំពេញភារកិច្ចនៃការរកសាកសពពីគំនរបាក់បែកខណៈដែលក្តីសង្ឃឹមនៃការស្វែងរកអ្នកនៅរស់បន្ថែមទៀតបានបាត់បង់ទៅហើយបន្ទាប់ពីការរញ្ជួយដ៏ខ្លាំងក្លាកាលពីបួនថ្ងៃមុន។
ក្នុងរយៈពេលពីរថ្ងៃចុងក្រោយនេះ ពួកគេបានរកឃើញសាកសពចំនួន៦នាក់បន្ថែមទៀតនៅក្នុងគំនរបាក់បែកនៃសណ្ឋាគារ Roma ក្នុងទីប្រជុំជន Amatrice ដែលជាតំបន់ភ្នំភាគកណ្តាលប្រទេសអ៊ីតាលីដែលរងគ្រោះខ្លាំងក្លាបំផុត។ ពួកគេបានរកឃើញសាកសពចំនួនបីនាក់ហើយត្រឹមយប់ថ្ងៃអាទិត្យពួកគេនៅតែធ្វើការដើម្បីទៅតំបន់ផ្សេងទៀតដែលលំបាកក្នុងការឈានទៅដល់៕
ស៊ីរី៖កងទ័ពតួកគី និងសម្ព័ន្ធមិត្តបានសម្រុកចូលកាន់តែជ្រៅក្នុងប្រទេសស៊ីរីកាលពីថ្ងៃអាទិត្យដោយរឹបអូសបានទឹកដីដែលគ្រប់គ្រងដោយកងកម្លាំងបក្សសម្ព័ន្ធឃើដនៅថ្ងៃ៧នៃយុទ្ធនាការឆ្លងកាត់ព្រំដែនមួយដែលអង្គការឃ្លាំមើលបាននិយាយថា បានសម្លាប់អ្នកភូមិយ៉ាងហោចណាស់៣៥នាក់។
យន្តហោះចម្បាំងរបស់តួកគីបានចូលទៅក្នុងភាគខាងជើងប្រទេសស៊ីរីនៅពេលភ្លឺហើយកាំភ្លើងធំបានវាយប្រហារនូវអ្វីដែលប្រភពសន្តិសុខនិយាយថា គឺជាតំបន់ដែលកាន់កាប់ដោយកងកម្លាំងជីវពល YPG ឃើដបន្ទាប់ពីក្រុមអង្កេតការណ៍សិទ្ធិមនុស្សស៊ីរីបានរាយការណ៍ពីការវាយប្រយុទ្ធគ្នាយ៉ាងសាហាវនៅពេញមួយយប់ជុំវិញភូមិចំនួនពីរ។
ប្រទេសតួកគីនិយាយថា ពួកសកម្មប្រយុទ្ធឃើដ២៥នាក់ត្រូវបានសម្លាប់នៅក្នុងការវាយប្រហារតាមអាកាសរបស់ខ្លួននិងបានបដិសេធថាមានជនស៊ីវិលស្លាប់និងរបួស។
ក្រុមមន្ត្រីទួរគីបាននិយាយថា គោលបំណងរបស់ខ្លួននៅក្នុងប្រទេសស៊ីរីគឺដើម្បីធានាថា កងកម្លាំងឃើដមិនបានពង្រីកទឹកដីដែលពួកគេគ្រប់គ្រងរួចទៅហើយនៅតាមបណ្តោយព្រំដែនរបស់ប្រទេសទួរគីខណៈដែលវាក៏ជំរុញក្រុមរដ្ឋឥស្លាមចេញពីបន្ទាយរបស់ខ្លួនផងដែរ។
ទោះយ៉ាងណាក្តី ក្រុមអង្កេតការណ៍បាននិយាយថា រហូតមកដល់ពេលនេះ ការវាយលុករបស់ទួរគីបានផ្តោតលើកងកម្លាំងដែលចងសម្ព័ន្ធទៅនឹងកងកម្លាំងប្រជាធិបតេយ្យស៊ីរី (SDF) ដែលគាំទ្រដោយពួកឃើដ៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
