ដោយ៖សួង សាម
ភ្នំពេញ៖ បុរសជាកម្មករអនាម័យនៃស្នងការនគរបាលរាជធានីម្នាក់ ត្រូវបានមន្ត្រីពន្ធនាគារធ្វើការឃាត់ខ្លួន សាកសួរក្រោយពីសង្ស័យរូបនោះជាប់ពាក់ព័ន្ធ និងការនាំយកគ្រឿងញៀនខុសច្បាប់ចូលមន្ទីឃុំឃាំង។
ហេតុការណ៍នៃការឃាត់ខ្លួននេះបានធ្វើឡើងកាលពីវេលាម៉ោង ថ្ងៃទី១៨ខែមករា ឆ្នាំ២០១៦នេះ នៅច្រកចូលពន្ធនាគារ ក្នុងស្នងការនគរបាលរាជធានី ស្ថិតក្នងសង្កាត់ច្រាំងចំរេះ២ ខណ្ឌឬស្សីកែវ។
សមត្ថកិច្ចបានអោយដឹងថា ជនសង្ស័យ ដែលបានឃាត់ខ្លួននោះមានឈ្មោះ ម៉ន ភារុន អាយុ២៥ឆ្នាំ កម្មករអនាម័យនៃស្នងការនគរបាលរាជធានី មានទីលំនៅភូមិជ្រោយអំពិល ឃុំក្បាលកោះ ស្រុកកៀនស្វាយ ខេត្តកណ្តាល។
តាមចំលើយសារភាពរបស់ជនសង្ស័យជាកម្មកររូបនោះ បានអោយដឹងថា កាលពីថ្ងៃទី១៥ មករា ខ្លួនក៏បានចេញទៅចាក់សំរាមដូចធម្មតា ស្រាប់តែមានយុវជនម្នាក់អាយុប្រម៉ាណ២០ឆ្នាំជិះម៉ូតូគុបស្ទាំងពណ៌ក្រហមហើយបោះកញ្ចប់បារីសេកមកដីហើយប្រាប់ថាអោយយកកញ្ចប់នេះបោះចូលកន្លែងពន្ធនាគា ហើយគេអោយប្រាក់៥០ដុល្លារ។
លុះដល់ពេលរសៀលមានលេខទូរស័ព្ទមួយបានតេមកខ្លួនអោយបោះកញ្ចប់នោះនៅត្រង់ជ្រុងខាងលិចនៃរបងពន្ធនាគាទៅមានអ្នកមកយកហើយ ។ចំណែករូបខ្លួនក៏បានធ្វើតាមគេប្រាប់ចប់សព្វគ្រប់។រហូតមកដល់ថ្ងៃទី១៨ មករាវេលាម៉ោង ៣ និង៣០នាទីរសៀល រូបគេក៏បានទទួលទូរស័ព្ទលេខដដែលនោះថា អោយមកយកប្រាក់ចំនួន៥០ដុល្លារដែលបានសន្យាថាអោយ ស្រាប់តែមកតាមការណាត់ក៏ត្រូវមន្ត្រីពន្ធនាគារឃាត់ខ្លួនតែម្តង។
បច្ចុប្បន្នជនសង្ស័យត្រូវបានឃាត់ខ្លនបញ្ជូនមកកាន់ អធិការដ្ឋាននគរបាលឬស្សីកែវ ដើម្បីកសាងសំណុំរឿងចាត់ការទៅតាមផ្លូវច្បាប់៕
ដោយ៖សុខណាត
មណ្ឌលគិរី៖ ពិធីបូកសរុបសន្និបាតត្រួតពិនិត្យលទ្ធផលការងារឆ្នាំ២០១៥ និងលើកទិសដៅការងារឆ្នំ២០១៦ របស់រដ្ឋបាលខេត្តមណ្ឌលគិរី ត្រូវបានប្រារព្ធពិធីនៅព្រឹកថ្ងៃទី២០ខែមករា នេះ ។
ពិធីអង្គសន្និបាតក្រោមអធិបតីភាពលោក មែន ង៉ុយ ប្រធានក្រុមប្រឹក្សាខេត្តលោក អេង ប៊ុនហ៊ាង អភិបាលខេត្តមណ្ឌលគិរី និងមានការអញ្ជើញចូលរួមពី មន្ត្រីអ្នកមុខអ្នកការ សមាជិកក្រុមប្រឹក្សាខេត្ត លោក អភិបាលរងខេត្ត ព្រះរាជអាជ្ញាអមសាលាដំបូងខេត្ត មេបញ្ជាការកងកម្លាំងប្រដាប់អាវុធទាំងបីប្រភេទ អភិបាលក្រុង-ស្រុក អធិការរដ្ឋានក្រុង-ស្រុក មេយោធាក្រុង-ស្រុក លោក លោកស្រីប្រធានមន្ទីរអង្គភាពជុំវិញខេត្តជាច្រើននាក់ផងដែរ ៕
ដោយ ៖ ប៉ែនសុផល
បាត់ដំបង៖បុរសជនជាតិឥណ្ឌាម្នាក់ត្រូវគេប្រទះឃើញស្លាប់ដោយចងក ជាប់នឹងធ្នឹមផ្ទះកាល រសៀលម៉ោង៣.២០នាទីថ្ងៃទី១៩ខែមករាឆ្នាំ២០១៦ នៅត្រង់ចំណុច ផ្ទះជួលក្រុមទី៥ ភូមិបែកចានថ្មី សង្កាត់ព្រែកព្រះស្ដេច ក្រុងបាត់ដំបង។
សមត្ថកិច្ចបានប្រាប់ថា ជនរងគ្រោះ ឈ្មោះ វ៉ៃ ណាអាណូប ភេទប្រុសអាយុ ៥១ឆ្នាំ ជនជាតិ ឥណ្ឌា កាន់លិខិតឆ្លងដែនលេខ H9360487 ស្នាក់នៅផ្ទះជួលនៅភូមិ ឃុំខាងលើបានចងក ស្លាប់ដោយមិនទាន់ដឹងមូលហេតុ ។ ជនរងគ្រោះបានមករស់នៅក្នុងប្រទេសកម្ពុជា រយៈពេល៥ឆ្នាំហើយ មានមុខរបលក់បាយ។
បើតាមប្រភពព័ត៍មានបានអោយដឹងថា ជនរងគ្រោះមានប្រពន្ធឈ្មោះ សន វិសាល អាយុ ២៦ឆ្នាំ មានទីលំនៅផ្ទះលេខ ៧២០ ភូមិអូរដំបង១ ឃុំ អូរដំបង២ ស្រុកសង្កែ ខេត្តបាត់ដំបង។
បើតាមការបញ្ចាក់របស់ប្រពន្ធបានអោយដឹងថាពេលខ្លួនមកដល់ផ្ទះជួលក៏ឃើញប្ដីចងក ស្លាប់ ក៏បានស្រែកហៅអ្នកជិតខាងអោយជួយយកមកទៅសង្គ្រោះនៅពេទ្យ(Emergency)តែជនរងគ្រោះបានស្លាប់ទៅហើយ។ក្រោយពីទទួលបានដំណឹងភ្លាម ព្រះរាជអាជ្ញារខេត្តបាត់ដំបង បាននាំគ្រូពេទ្យបង្អែកខេត្តបាត់ដំបង លោកស្នងការរង និងកម្លាំងនគរបាល បច្ចេកទេសវិទ្យាចុះទៅពិនិត្យកន្លែងកើតហេតុ និងធ្វើកោសល្យវិច្ច័យលើខ្លួនប្រាណសាកសពពិតជាធ្វើអត្តឃាតដោយចងក ពិតប្រាកដមេន។
សាកសពតម្កល់ទុកនៅពេទ្យ(Emergency)ខេត្តបាត់ដំបងរង់ចាំចំណាត់ពីស្ថានទូតឥណ្ឌា៕
រោគសញ្ញាផ្តាសាយមានដូចជា ឈឺសន្លាក់ ឈឺក្បាលខ្លាំង ក្តៅខ្លួន និងតឹងច្រមុះផងដែរ។ ជាមួយនឹងអាការៈឈឺសន្លាក់រយៈពេលខ្លី អ្នកត្រូវសម្រាកលើគ្រែអោយបានច្រើនដើម្បីអោយឆាប់ជាសះស្បើយ។ ការធ្វើការច្រើនពេក ឬហួសកម្លាំង ហើយទទួលទានអាហារមានជាតិខ្លាញ់ និងស្ករច្រើនពេក វាងាយនឹងអោយយើងមានជំងឺផ្តាសាយ។ ប្រសិនបើអ្នកទទួលទានបង្អែម និងសូកូឡា ព្រមទាំងទៅស្និទ្ធស្នាលជាមួយអ្នកផ្តាសាយហើយ ឱកាសនៃការឆ្លងជំងឺនោះមានរហូតដល់ពីរដង។
នៅពេលអ្នកមានជំងឺផ្ដាសាយ អាហារដែលគួរទទួលទានមានដូចជា៖
– ទទួលទានទឹកខ្ញី និងទឹកក្រូចឆ្មាអោយបានច្រើន។
– បង្កើនការទទួលទានទឹក ដើម្បីបង្គ្រប់ជាតិទឹកក្នុងខ្លួន។
– ខ្ទឹមស និងខ្ទឹមបារាំង គឺជាអាហារដ៏ល្អ ព្រោះវាមានសមាភាពជាថ្នាំប្រឆាំងបាក់តេរី និងសម្លាប់មេរោគផងដែរ។
– នៅពេលមានជំងឺផ្តាសាយ អ្នកគួរទទួលទានផ្លែឈើ បន្លែ និងអង្ករសម្រូបអោយបានច្រើន ប៉ុន្តែគួរកាត់បន្ថយការទទួលទានសាច់ត្រី និងសាច់មាន់៕
បាល់ទាត់៖ខណៈដែលក្លិបធំៗមួយចំនួននៅតំបន់អឺរ៉ុបចង់បានតារាជើងស៊ុត Romelu Lukaku ក្លិប Everton បានដំឡើងថ្លៃតារារូបនេះកប់ពពក ប្រមាណ៦៤លានផោន។ នេះបើយោងសារព័ត៌មាន The Sun។
ការដំឡើងថ្លៃនេះដោយសារក្រុមដែលស្ថិតនៅលេខ១១ក្នុងតារាងក្របខ័ណ្ឌកំពូលអង់គ្លេសមួយនេះ ចង់រក្សាទុកខ្សែប្រយុទ្ធស្បែកខ្មៅវ័យ ២២ឆ្នាំ នៅទឹកដី Goodison Park តទៅទៀត បន្ទាប់ពីបង្ហាញទម្រង់លេងគួរឲ្យភ្ញាក់ផ្អើលនៅរដូវកាលនេះ។
តាមប្រភពព័ត៌មានខាងលើបានបញ្ជាក់ថា ក្រៅពី Man Utd នៅមានបណ្តាក្លិបធំៗមួយចំនួនទៀត ចង់បាន Lukaku ដែរ ដូចជា Real Madrid, Paris Saint-Germain, Manchester City និង Chelsea ជាដើម។
គួរបញ្ជាក់ថា ខ្សែប្រយុទ្ធបែលហ្សិករូបនេះ ត្រូវ Everton ទិញដាច់ពី Chelsea ក្នុងតម្លៃកំណត់ត្រាក្លឹប ២៨លានផោន នៅឆ្នាំ២០១៤ ហើយរដូវកាលនេះគេស៊ុតបញ្ចូលទី១៩គ្រាប់នៅគ្រប់កម្មវិធីប្រកួត៕
អ៊ីរាក់៖មនុស្ស១៨.៨០២នាក់បានស្លាប់ និង៣៦.២៤៥នាក់ផ្សេងទៀតរងរបួសដោយសារជម្លោះនៅចន្លោះពីថ្ងៃទី០១ ខែមករា ឆ្នាំ២០១៤ ដល់ថ្ងៃទី៣១ ខែតុលា ឆ្នាំ២០១៥ ខណៈមនុស្សចំនួន ៣,២លាននាក់ផ្សេងទៀតបានផ្លាស់ទីលំនៅ ចាប់តាំងពីខែមករា ឆ្នាំ២០១៤ ក្នុងនោះរួមទាំងជាងកុមារជាង១លាននាក់ ដែលគ្រប់អាយុក្នុងការសិក្សា។
យោងតាមរបាយការណ៍ចេញផ្សាយពីអង្គការសហប្រជាជាតិ (UN) បានឲ្យដឹងថា យ៉ាងហោចណាស់ជនស៊ីវិល៣.៨៥៥នាក់ ត្រូវបានសម្លាប់ និង ៧.០៥៦នាក់ទៀតបានរងរបួស ដោយចំនួនពាក់កណ្តាលនៃពួកគេ បានស្លាប់នៅក្នុងទីក្រុងបាដាដ ប្រទេសអ៊ីរ៉ាក់។ របាយការណ៍បានបញ្ជាក់ថា ការសម្លាប់ ដោយក្រុមឧទ្ទាម ISIL តាមរយៈទិដ្ឋភាពជាសាធារណៈ គួរឲ្យភ័យខ្លាច ក្នុងនោះរួមទាំងការបាញ់សម្លាប់, កាត់ក្បាល, ដុតសម្លាប់ទាំងរស់ និងបោះមនុស្សទម្លាក់ពីលើកំពូលអគារផងដែរ៕
ដោយ៖រដ្ឋា
ភ្នំពេញ៖ រនាំងដែកពុះចែកទ្រូងផ្លូវបានបាក់អស់១២ផ្ទាំងដោយសារតែបុរសម្នាក់បើករថយន្តកាមរីគូទប៉ោងក្នុងល្បឿនលឿនដូចហោះទៅបុកបណ្ដាលឲ្យរថយន្តវិល២ជុំខ្ទេចអស់មួយកំណាត់មុខបើកទៅមុខលែងរួច។
ហេតុការណ៍នេះបានកើតឡើងនៅវេលាម៉ោង១ និង២០នាទី រំលងអាធ្រាត្រឈានចូលថ្ងែទី២០ ខែមករា ឆ្នាំ២០១៦ តាមបណ្ដោយផ្លូវសហព័ន្ធរុស្ស៊ី ស្ថិតក្នុងសង្កាត់មិត្តភាព ខណ្ឌ៧មករា។
តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញបុរសម្នាក់បើករថយន្តកាមរីគូទប៉ោងស៊េរីឆ្នាំ៩៥ ពណ៌ខ្មៅដែលមានពាក់ស្លាកលេខបាត់ដំបង2A-0744 ទិសដៅពីលិចទៅកើតក្នុងល្បឿនលឿនដូចហោះ ខណៈមកជិតដល់ត្រង់ចំណុចកើតហេតុទល់មុខនឹងរូបចម្លាក់ក្ដាន់ពីរ ក៏បុកនឹងរនាំងដែកពុះចែកទ្រូងផ្លូវបាក់អស់ចំនួន១២ផ្ទាំងបណ្ដាលឲ្យរថយន្តវិល២ជុំខ្ទេចអស់មួយកំណាត់មុខបើកទៅមុខលែងរួច បន្ទាប់មកម្ចាស់រថយន្តខាងលើបានបើកទ្វាររថយន្តរួចរត់គេចខ្លួនបាត់។
ក្រោយពេលកើតហេតុសមត្ថកិច្ចចរាចរជំនាញបានចុះមកធ្វើការវាស់វែង និងស្តូចយករថយន្តទៅរក្សាទុកនៅការិយាល័យចរាចរណ៍ជើងគោកនៃស្នងការដា្ឋននគរបាលរាជធានីភ្នំពេញ ដើម្បីរង់ចាំម្ចាស់រថយន្តបង្កហេតុចូលខ្លួនមកធ្វើការដោះស្រាយទៅតាមផ្លូវច្បាប់៕
ដោយ៖រដ្ឋា
ខេត្តក្រចេះ ៖ រយៈពេល ៤យប់ ៤ថ្ងៃហើយ ដែលមន្ត្រីជំនាញនៃគណៈកម្មការជាតិបង្ក្រាបបទល្មើសព្រៃឈើបានឡោមព័ទ្ធទីតាំងស្តុកឈើក្នុងបរិវេណដីសម្បទានក្រុមហ៊ុនចិន និងស្រាវជ្រាវរកប្រភពនៃកំណាត់ឈើរាប់ពាន់ម៉ែត្រគីបទាំងនោះ។
គណៈកម្មការបង្ក្រាបបទល្មើសព្រៃឈើថ្នាក់ជាតិ បានប្រើប្រាស់កងកម្លាំងប្រដាប់អាវុធចម្រុះជាង ១០០នាក់ មន្ត្រីជំនាញនៃ ដើម្បីយាមកាម និងត្រួតពិនិត្យវាស់វែង ប៉ុន្តែនៅមិនទាន់សន្និដ្ឋានបានយ៉ាងណានៅឡើយទេថា ទីតាំងស្តុកឈើចំនួន ៣កន្លែងផ្សេងគ្នានោះ មានចំនួនប៉ុន្មានម៉ែត្រគូប បន្ទាប់ពីតំណាងក្រុមហ៊ុនបង្ហាញឯកសារឈើ ១គំនរ មានចំនួនជិត ៣ពាន់ម៉ែត្រគូប។
លោក សៅ សុខា ប្រធានគណៈកម្មការជាតិបង្ក្រាបបទល្មើសព្រៃឈើ និងជាអគ្គមេបញ្ជាការកងរាជអាវុធហត្ថលើផ្ទៃប្រទេស បានបញ្ជាឲ្យក្រុមជំនាញបច្ចេកទេសស្រាវជ្រាវរកប្រភពកំណាត់ឈើមូលរាប់ពាន់ម៉ែត្រគូប ចំនួន ៣កន្លែងដែលសមត្ថកិច្ចកំពុងឡោមព័ទ្ធ ៤ថ្ងៃកន្លងមក ឋិតក្នុងបរិវេណក្រុមហ៊ុនដីសម្បទានសេដ្ឋកិច្ចចិន ឈ្មោះ ឆាយណា ដាយណាម៉ិច (CHINA DYNAMIC INVESTMENT C0., LTD.) នៅក្នុងឃុំរលួស ស្រុកសំបូរ ខែត្រក្រចេះ៕
អគ្គមេបញ្ជាការកងរាជអាវុធហត្ថលើ ផ្ទៃប្រទេស លោក សៅ សុខា (រូបច្រត់ជង្គង់) ពេលចុះត្រួតពិនិត្យគំនរឈើក្នុងបរិវេណក្រុមហ៊ុនដីសម្បទាន សេដ្ឋកិច្ចចិនក្នុងឃុំរលួស ស្រុកសំបូរ ខែត្រក្រចេះ នៅថ្ងៃទី១៩ មករា ឆ្នាំ២០១៦។(រូបថត៖RFA)
កោះកុង៖តំណាងប្រជាពលរដ្ឋជាង ៧០០គ្រួសារក្នុងស្រុកស្រែអំបិល នៅថ្ងៃទី២០ ខែមករា នេះ នឹងប្រមូលផ្តុំគ្នានៅចំណុចចំការអំពៅមួយកន្លែងស្ថិតក្នុងភូមិជីថ ឃុំជីថ ស្រុកស្រែអំបិល ខេត្តកោះកុងដើម្បីធ្វើការតវ៉ាពាក់ព័ន្ធនឹងករណីទំនាស់ដីធ្លី៕
កិច្ចប្រជុំប្រចាំខែរបស់គណៈកម្មាធិការទទួលបន្ទុកកិច្ចការស្ត្រី និងកុមារឃុំស្រែអំបិលប្រចាខែ០៥ នាថ្ងៃទី៣០ ឆ្នាំ២០១៣ នៅសាលាឃុំស្រែអំបិល។(រូបថតឯកសារ)
ដោយ៖ស. ភារម្យ
ខេត្តមណ្ឌលគិរី ៖ ខណៈដែលរាជរដ្ឋាភិបាលកំពុងចាត់វិធានការក្តៅដើម្បីបង្ក្រាបបទល្មើសរត់ពន្ធឈើឆ្លងដែនទៅវៀតណាមនោះ ឈើខុសច្បាប់របស់ក្រុមឈ្មួញ និងឧកញ៉ាខ្លះ បានសម្រុកដឹកយកទៅជ្រកក្រោមស្លាកក្រុមហ៊ុនស្របច្បាប់នានាយ៉ាងគំហុក ។
ដោយឡែកនៅឯខេត្តមណ្ឌលគិរី ប្រជាសហគមន៍បានផ្តល់ព័ត៌មានថា មួយសប្តាហ៍កន្លងមកនេះ គេឃើញរថយន្តធុនធ្ងន់ប្រភេទបង្កងបានសម្រុកដឹកឈើចេញពីតំបន់ព្រៃការពារ WWF យ៉ាងគំហុកចូលក្រុមហ៊ុន DTC ដែលមានទីតាំងនៅឃុំពូជ្រៃ ស្រុកពេជ្រាដា ខេត្តមណ្ឌគិរី។
គួររំឮកថា កាលពីថ្ងៃទី១៦ ខែមករា ឆ្នាំ២០១៦ កន្លសងមកនេះ សមត្ថកិច្ចស្រុកពេជ្រាដា បានឃាត់រថយន្តដឹកឈើមួយគ្រឿង ដែលធ្វើសកម្មភាព ដឹកឈើចេញពីចំណុចអូរអង្គល់ ជិតអូរទេ ស្ថិតក្នុងភូមិអូរទេ ឃុំក្រងតេះ ស្រុកពេជ្រាដា ខេត្តមណ្ឌលគិរី តែក្រោយមកត្រូវដោះលែងវិញ ស្ងាត់ៗទៅវិញក្រោយពេលឃាត់បានបន្តិច ដោយសារមានការអន្តរាគមន៍ពីអភិបាល ខេត្តមណ្ឌលគិរី។
លោក តាន់ ហឿន មេការក្រុហ៊ុន DTC និយាយ ប្រាប់អ្នកកាសែតថា ឈើរបស់អភិបាលខេត្ត យកទៅធ្វើសាលាបក្សខេត្តមណ្ឌលគិរី និងធ្វើផ្ទះ លោកអភិបាលខេត្ត៕
រថយន្តបង្កង់ដែលអាចស៊ូទ្រាំក្នុងការដឹកជញ្ជូនឈើក្នុងស្ថានភាពផ្លូវលំបាក
ដោយ៖រដ្ឋា
ភ្នំពេញ៖ នៅវេលាម៉ោង៩និង៣០នាទីព្រឹកថ្ងៃទី១៩-០១-២០១៦ កំលាំងអាវុធហត្ថខណ្ឌមានជ័យ សហការណ៍ជាមួយកំលាំង ការិយាល័យបទ ល្មើសព្រហ្មទណ្ឌ អាវុធហត្ថរាជធានីភ្នំពេញ តាមប្រមាញ់បានក្រុមចោរប្រដាប់អាវុធ៦នាក់( )បន្ទាប់ពីក្រុមនេះធ្វើសកម្មភាពប្លន់កាលពីយប់ម៉ិញ។
ប្រតិបត្តិការនេះ ដឹកនាំដោយលោកវរសេនីយ៍ទោ ម៉ាំង សុខ លុច នាយការិយាល័យបទល្មើស ព្រហ្មទណ្ឌ និងចូលរួមដោយលោក សៀង សុខ ព្រះរាជអាជ្ញារងអមសាលាដំបូងក្រុងភ្នំពេញបាន បន្តតាមចាប់បក្ខពួកប្លន់ដល់កន្លែងលាក់ខ្លួន។
យោងតាមចម្លើយសារភាព របស់ជនសង្ស័យឈ្មោះ លុន រដ្ឋា ដែលឃាត់ខ្លួនបានកាលពីវេលាម៉ោង១ និង២០នាទី រំលងអាធ្រាត្រចូលថ្ងៃទី១៩-០១- ២០១៦ សមត្ថកិច្ចបានបន្តឃាត់ខ្លួន ជនសង្ស័យបានចំនួន៦នាក់ ប្រុស៤នាក់ស្រី២នាក់ដែលពាក់ព័ន្ធ ករណីប្លន់ម៉ូតូនិងទូរស័ព្ទនេះដែររួមមាន៖
១- សល់ ឡាយសេង ភេទប្រុសអាយុ១៦ ឆ្នាំ មុខរបរសិស្ស ស្នាក់នៅផ្ទះលេខ៥៤០ ក្រុម១ ភូមិត្នោតជ្រុំ៤។២-មាស ចិត្រា ភេទប្រុស អាយុ១៦ឆ្នាំមុខរបរ លាងម៉តូ ស្នាក់នៅផ្ទះជួល ភូមិឬស្សីសង្កាត់ស្ទឹងមានជ័យ។៣-អ៑ួង ចាន់ថន ភេទប្រុស អាយុ២១ឆ្នាំមុខ របរកម្មករលើកឥវ៉ាន់ ស្នាក់នៅផ្ទះជួល ភូមិត្នោតជ្រុំ៣ សង្កាត់បឹងទំពុន។៤-អ៊ុំ គង្គា ភេទប្រុស អាយុ១៧ឆ្នាំ មុខរបរបង្ហាត់បាល់ទាត់ ស្នាក់នៅផ្ទះជួលភូមិឬស្សី សង្កាត់ស្ទឹងមានជ័យ។
៥- ញេន ស្រីណេ ភេទស្រី អាយុ១៧ឆ្នាំ គ្មានមុខរបរ ស្នាក់នៅផ្ទះជួល បន្ទប់លេខ៥ភូមិ ជពូវ័ន្ត សង្កាត់ចោមចៅ។៦-ឈុន ស្រីណែត ភេទស្រី អាយុ១៦ឆ្នាំ មុខរបរកម្មកររោងចក្រ ស្នាក់នៅផ្ទះលេខ៧១ភូមិត្នោតជ្រុំ៤សង្កាត់បឹងទំពន់។
ដកហូតវត្ថុតាងរួមមាន៖
-ម៉ូតូចំនួន០១គ្រឿងម៉ាកសេ១២៥ ស៊េរី ០១៤ពណ៍ ស្លាកលេខPP1BB-8720(ជាម៉ូតូរបស់ជនរងគ្រោះដែលក្រុមល្មើសប្លន់ពីយប់មិញ)។
បច្ចុប្បន្ធជនសង្ស័យ និងវត្ថុតាងត្រូវបានបញ្ជូន ទៅបញ្ជាការដ្ឋានកងរាជអាវុធហត្ថរាជធានីភ្នំពេញ ដើម្បីកសាងសំណុំរឿងតាមនីតិវិធី៕
ដោយ៖សួង សាម
ភ្នំពេញ៖ពលរដ្ឋដែលរស់នៅក្នុង ភូមិព្រៃព្រីងខាងជើង សង្កាត់ចោមចៅ ខណ្ឌពោធិសែនជ័យ កើតក្តីកង្វល់ចំពោះបញ្ហាដែលរថយន្តធំៗដឹកដីយ៉ាងគគ្រឹកគគ្រេង បង្កឲ្យមានភាពភ័យខ្លាច និងផលប៉ះពាល់ដល់ពលរដ្ឋដែលរស់នៅក្នុងភូមិនេះយ៉ាងខ្លាំង។
សូមជម្រាបថា ផ្លូវបេតុងក្នុងភូមិមានសភាពប្រេះខូចជាបណ្តើរៗហើយដោយសារតែរថយន្តដឹកដីរបស់ ក្រុមហ៊ុន មួយចំនួនដែលប្រកប មុខរបប រកស៊ី ជីកដីលក់ខាងលើនេះ។ ម្យ៉ាងវិញទៀតការដឹកដី ជាងរៀងរាល់ថ្ងៃនេះគឺធ្វើឲ្យមានសំលេងថ្លង់ ហុយ និងងាយបង្កឲ្យមានគ្រោះថ្នាក់ដោយចៃដន្យ ក៏អាចបង្កផលប៉ះពាល់ដល់សុខភាពបងប្អូនប្រជាពលរដ្ឋដែលរស់នៅក្នុងភូមិទាំងមូលផងដែរ ។
ទាក់ទិននឹងបញ្ហាខាងលើនេះ ប្រជាពលរដ្ឋដែលរស់នៅក្នុងភូមិព្រៃព្រីងខាងជើង សូមសំណូមពរដល់ក្រុមហ៊ុនមេត្តាកុំឲ្យរថយន្តបើកលឿនពេកខ្លាចមានប៉ះពៀរក្មេងៗដែលវារត់លេងនៅក្នុងភូមិ ចំណែកអាជ្ញាធរមូលដ្ឋានមេត្តាចុះធ្វើការណែនាំដល់ក្រុមរថយន្តទាំងអស់នោះផង ៕
ដោយ៖ ស សាន
ភ្នំពេញ៖ យោងតាម AKP ដែលចុះផ្សាយនៅថ្ងៃទី១៨ ខែមករា ឆ្នាំ២០១៦ បានឲ្យដឹងថា ព្រះអង្គម្ចាស់ក្សត្រីថៃព្រះនាម មហាចក្រី ស៊ីរីនដន (Maha Chakri Sirindhorn) នឹងយាងមកបំពេញព្រះរាជទ ស្សនៈកិច្ចជាផ្លូវការនៅប្រទេសកម្ពុជា ចាប់ពីថ្ងៃទី២២ ដល់២៤ ខែកុម្ភៈ ឆ្នាំ២០១៦ ។
ម្ចាស់ក្សត្រី មហាចក្រី ស៊ីរីនដន (Maha Chakri Sirindhorn) នឹងយាងមកដល់ ភ្នំពេញ នៅព្រឹកថ្ងៃទី២២ ខែកុម្ភៈ នឹងទទួលស្វាគមន៍យ៉ាងកក់ក្តៅ ពីសំណាក់រដ្ឋមន្ត្រីក្រសួងអប់រំ យុវជន និងកីឡា លោក ហង់ ជួនណារ៉ុន នៅព្រលានយន្តហោះអន្តរជាតិភ្នំពេញ ។
ក្នុងអំឡុងពេលស្នាក់នៅក្នុង ប្រទេសកម្ពុជា ព្រះអង្គម្ចាស់ក្សត្រីថៃ នឹងយាងចូលគាល់សម្តែងការគួរសម ព្រះបាទនរោត្តមសីហមុនី ព្រះមហាក្សត្រនៃ ព្រះរាជាណាកម្ពុជា និង សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃ ព្រះរាជាណាចក្រកម្ពុជា ។
បន្ទាប់ពីសម្តែងការគួរសម ជាមួយនឹងព្រះមហាក្សត្រខ្មែរ និងនាយករដ្ឋមន្ត្រីកម្ពុជា ព្រះអង្គម្ចាស់ក្សត្រី នឹងយាងជាព្រះរាជអធិបតីភាព បើកការដ្ឋានសាងសង់ វិទ្យាស្ថានបច្ចេកវិទ្យានៅខេត្តកំពង់ស្ពឺ ។
លើសពីនេះទៅទៀត ព្រះអង្គម្ចាស់ក្សត្រីថៃ មហាចក្រី ស៊ីរិនដន (Maha Chakri Sirindhorn) នឹងយាងបើកការសម្ពោធដាក់ឲ្យប្រើប្រាស់ វិទ្យាល័យកំពង់ឆ្នេរ អូរឈើទាល និង ពិធីប្រគល់អគារ បន្ទប់ថាមពលដើរ ដោយព្រះអាទិត្យ នៅខេត្តកំពង់ធំ ។
ក្នុងការយាងនោះដែរព្រះអង្គម្ចាស់ក្សត្រី នឹងយាងទស្សនៈកិច្ចនៅ សាលាបឋមសិក្សា ផ្សេងៗទៀត នៅខេត្តកំពង់ស្ពឺ ខេត្តត្បូងឃ្មុំ និង ខេត្តព្រៃវែង ព្រមទាំងរោងចក្រស្ករសឧកញ៉ា លី យ៉ុងផាត់ នៅខេត្តកំពង់ស្ពឹផងដែរ៕
ដោយ៖សហការី
ខេត្តកោះកុង ៖ផ្លូវបេតុង១ខ្សែ ប្រវែង៥២៧ម៉ែត្រ មានទីតាំងស្ថិតនៅភូមិ៤ សង្កាត់ដងទង់ ក្រុងខេមរភូមិន្ទ ខេត្តកោះកុងត្រូវបានបើការដ្ឋានស្ថាបនា នៅព្រឹកថ្ងៃទី១៩ ខែមករា ឆ្នាំ២០១៦ ។
ក្នុងពិធីបើកការដ្ឋានសាងសង់ផ្លូវបេតុងនេះមានការចូលរួមក្រោមអធិបតីភាព លោក ប៊ុន លើតអភិបាលខេត្ត នៃគណៈអភិបាលខេត្តកោះកុងរួមទាំងអភិបាលរងខេត្តនិងមន្ត្រីក្រោមឱវាទ លោក ផាត់ ប៊ុនហួរ អគ្គនាយក រងក្រុមហ៊ុន L.Y.P. និងមានការចូលរួមពីសំណាក់ប្រជាពលរដ្ឋជាច្រើននាក់ ។
នៅក្នុងឱកាសនោះ លោក ប៊ុន លើត អភិបាលខេត្ត បានមានប្រសាសន៍ថា ដើម្បីអភិវឌ្ឍន៍នូវហេដ្ឋាចរនា សម្ព័ន្ធនៅតាមផ្លូវឲ្យបាន ល្អតាមបណ្តាភូមិស្រុកនានា យើងត្រូវចូលរួមថែរក្សាទាំងអស់គ្នា ពិតមែនផ្លូវ សាធារណៈ ក៏យើងត្រូវចូលរួមថែរក្សា ព្រោះនេះជាសម្បត្តិរដ្ឋ ហើយផ្លូវ១ខ្សែប្រវែង៥២៧ម៉ែត្រ ជាអំណោយ សប្បុរសជនដ៏ថ្លៃថ្លារបស់ក្រុមហ៊ុន L.Y.L របស់លោកឧកញ៉ា លីយ៉ុង ផាត់ ដែលលោកបានមើលនូវភាព លំបាករបស់បងប្អូន ដែលរស់នៅទីនេះមានភាព លំបាកក្មុងការធ្វើចរាចរ ហេតុនេះលោកឧកញ៉ាបានចំណាយ ថវិកាផ្ទាល់ខ្លួនដើម្បីសាងសងផ្លូវ១ខ្សែនេះ។
លោក ប៊ុន លើតអភិបាលខេត្តបានបន្តថា ចំពោះបងប្អូនដែលមានទីលំនៅជាប់មាត់ព្រែក ត្រូវរក្សាបរិស្ថាន ទីកន្លែងរស់នៅឲ្យបានល្អ ការថែរក្សាបរិស្ថានគឺដើម្បីសុខភាពបងប្អូន ។
នៅទីបញ្ចប់លោក បានដឹកនាំមន្ត្រី នៅក្រោមឱវាទដើរមើលការរស់នៅរបស់បងប្អូន និងសួរសុខទុក្ខដល់លំនៅដ្ឋាន ពីការស់នៅនិងជីវភាព ប្រចាំថ្ងៃ។
ប្រជាពលរដ្ឋរាប់រយគ្រួសារ ដែលបានទទួលអំណោយផ្លូវ១ ខ្សែនេះបាaនសំដែងអំណរគុណយ៉ាង ជ្រាល ជ្រៅព្រោះគាត់ពិបាកធ្វើដំណើរ យូរណាស់មកហើយៗ ពួកគាត់ក៏សូមឲ្យពន្លឿនឲ្យឆាប់ហើយផងដែរ៕
ដោយ៖សហការី
ព្រះសីហនុ៖ នៅវេលាម៉ោង១០ និង៤០នាទីថ្ងៃទី១៨ មករា ២០១៦ នេះ នៅផ្លូវជាតិលេខ
៤ ត្រង់ចំនុចមុខស្ថានីយ៍ប្រេងPTT ឃ្លាំងលើ ស្ថិតនៅភូមិ២ ស/ក១ ខេត្តព្រះសីហនុ
មានហេតុការណ៍គ្រោះថ្នាក់ ចរាចរណ៍មួយបានកើតឡើង រវាងម៉ូតូម៉ាក Honda C-125 ពណ៌ខ្មៅ ស្លាកលេខព្រះសីហនុ 1E-6774បើកបរដោយឈ្មោះ សោ ភិន ភេទប្រុស
អាយុ ៦០ឆ្នាំ មុខរបរ កម្មករ ទីលំនៅភូមិ១ សង្កាត់១ ខេត្តព្រះសីហនុ (របួសធ្ងន់)
និង អ្នករួមដំណើរ ០២នាក់ទៀតទី១-ឈ្មោះ សឹម ផល ភេទ ស្រី អាយុ៥៩ឆ្នាំ មុខរបរ មេផ្ទះ ជាប្រពន្ឋ(របួសស្រាល) ទី២-ឈ្មោះ ភឿង ឌុងហេ ភេទប្រុស អាយុ ២ឆ្នាំ ជាចៅ(របួសស្រាល)។
ជនរងគ្រោះធ្វើដំណើរក្នុងទិសដៅពីលិចទៅកើតលុះមកដល់ចំនុចកើតហេតុ ក៏មានរថយន្តម៉ាក LEXUS LX 470 ពណ៌ស្ករ ស្លាកលេខ ភ្នំពេញ 2Y-9956 បើកបរឈ្មោះ
ហម សុខឡេង ភេទប្រុស អាយុ ៣៧ឆ្នាំមុខរបរ បុគ្គលិកផ្ទះសំណាក់ ជីប៊ីធី ទីលំនៅ
ភូមិ៣ សង្កាត់២ ខេត្តព្រះសីហនុមានទិសដៅស្របគ្នា បានវ៉ាម៉ូតូខាងលើ
ហើយបត់ស្តាំ ពីមុខម៉ូតូ បណ្តាលឲ្យម៉ូតូបុកគូទរថយន្តដួលរងរបួសតែម្ដង។
នៅក្នុងហេតុការណ៍នេះបណ្តាលឲ្យមនុស្សរងរបួសស្រាល ចំនួន ៣នាក់រីវត្ថុតាងរថយន្ត និងម៉ូតូ បានយកទៅរក្សាទុក នៅការិយាល័យនគរបាលចរាចរផ្លូវគោក ៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
