All posts by មេគង្គ ប៉ុស្តិ៍

Ronaldinho អាចមកលេងនៅអង់គ្លេស ខណៈក្លិបធំមួយចំនួនកំពុងទាក់ទង

January 6, 2016កីឡាមេគង្គ ប៉ុស្តិ៍

បាល់ទាត់៖យោងតាមសារព័ត៌មាន The Sun បានផ្សាយថា កីឡាករជើងចាស់ប្រេស៊ីល Ronaldinho អាចនឹងមកប្រកបអាជីពនៅក្របខ័ណ្ឌ English Premier League (EPL) ជាលើកដំបូង បន្ទាប់ពីមានក្លិបមួយចំនួនកំពុងទាក់ទង។
ខ្សែបម្រើប្រយុទ្ធវ័យ៣៥ឆ្នាំធ្លាប់ប្រឡូកក្នុងពិភពបាល់ទាត់នៅ តាមបណ្ដាប្រទេសធំៗជាច្រើនកន្លងមក មានដូចជា ប្រេស៊ីល បារាំង អេស្ប៉ាញ អ៊ីតាលី និងម៉ិកស៊ិក ហើយរំពឹងថានឹងអាចលេងបាល់យ៉ាងតិច ៤ឆ្នាំទៀតមុននឹងព្យួរស្បែកជើងបញ្ចប់អាជីព។
គួរបញ្ជាក់ថា Ronaldinho បច្ចុប្បន្នកំពុងចុះកុងត្រាលេងរយៈពេលខ្លីជាមួយ Fluminense ក្នុងការប្រកួតកម្មវិធីមិត្តភាពមុនបើករដូវកាលនៅអាមេរិក ហើយគេនឹងទំនេរពីការលេងបាល់ទាត់នៅខែក្រោយ។ ទោះជាយ៉ាងណាក៏ដោយ មិនទាន់មានប្រភពបញ្ជាក់ច្បាស់ថាក្លិបណាខ្លះនៅអង់គ្លេសចង់បាន រូបគេនៅឡើយ៕

ខេត្តកំពត ប្រារព្ធពិធីរំឭកខួបអនុស្សា វរីយ៍លើកទី៣៧ ទិវាជ័យជំនះ៧មករា

January 6, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ខេត្តកំពត ៖លោក ខូយ ឃុនហ៊ួរ សមាជិកគណៈកម្មាធិការគណបក្សប្រជាជនកម្ពុជា ប្រធានគណៈកម្មាធិការគណបក្សខេត្តកំពត និងជាអភិបាលនៃគណះអភិបាលខេត្តកំពតនៅ ព្រឹកថ្ងៃទី6 ខែមករា ឆ្នាំ2016 នៅវេលាម៉ោង6និង30នាទី បានអញ្ជើញជាអធិបតី នៅក្នុងអង្គមីទ្ទិញអបអរសាទរ រំលឹកខួបអនុស្សាវរីយ៍ លើកទី៣៧ ទិវាជ័យជំនះ៧មករា (៧មករា១៩៧៩-៧មករា២០១៦)។

ពិធីនេះ បានប្រព្រឹត្តនៅខាងកេីតសាលាខេត្តកំពតត្រង់ចំណុចសួនច្បារស្រះឈូក ព្រមទាំងមានការអញ្ជេីញចូលរួម ពីសំណាក់លោកអភិបាលរងខេត្ត អភិបាលស្រុក អភិបាលរងស្រុកទាំងប្រាំបីស្រុក មន្ត្រីរាជការគ្រប់លំដាប់ថ្នាក់ កងកម្លាំងប្រដាប់អាវុធ ទាំងបីប្រភេទ. លោកគ្រូ. អ្នកគ្រូ. សិស្សានុសិស្ស រួមនឹងប្រជាពលរដប្រមាណប្រាំពីពាន់នាក់ចូលក្នុងឱកាសនោះដែរ។ឯកឧត្តមបានមានប្រសាសន៍ថា ៖ រយៈពេល ៣៧ ឆ្នាំ កន្លងទៅ ផ្តើមចេញពីជ័យជំនះ ៧មករា ឆ្នាំ១៩៧៩ ប្រជាជនកម្ពុជា សម្រេចផ្លាស់ប្តូរសង្គម យ៉ាងធំធេង ដែលគ្មាននរណា និងនឹកស្មានដល់។ កម្ពុជាប្រែក្លាយពីវាលពិឃាដ នៃរបបប្រល័យពូជសាសន៍ ប៉ុល ពត ពីសមរភូមិនៃសង្គ្រាមដ៍រ៉ាំរ៉ៃ ការបែកបាក់ជាតិការបែងចែកទឹកដី ក្លាយជាប្រទេសតែមួយដ៍ មានសុខសន្តិភាព. សេរីភាព. ឯកភាព. ស្ថិរភាព និងការអភិវឌ្ឍ លើគ្រប់វិស័យ ធ្វើឲ្យជីវភាពប្រជាជន ត្រូវបានលើកកំពស់ឥតឈប់ឈរ។ នេះគឺជាលើកដំបូង ក្នុងប្រវត្តិសាស្ត្រ រយៈពេលជាង ៥០០ ឆ្នាំមកនេះ បន្ទាប់ពីសម័យអង្គរដ៍រុងរឿង ដែលប្រជាជនកម្ពុជា ទទួលបាននូវសន្តិភាព ពេញលេញ មានការឯកភាពជាតិ ឯកភាពទឹកដី និងកំពុងរស់នៅ យ៉ាងសុខដុមរមនា ក្រោមដំបូលរដ្ឋធម្មនុញ្ញតែមួយ។

ការពិតជាក់ស្តែង ដូចបានលើកឡើងទាំងអស់ ខាងលើនេះ គឺគ្មានជនណា ឬមជ្ឈដ្ឋានណា អាចមកបដិសេធ ឬមូលបង្កាច់បានឡើយ ព្រោះថ្ងៃ៧មករា ជាថ្ងៃកំណើតទី២ របស់ប្រជាជនកម្ពុជា “បើគ្មានថ្ងៃមករា ក៍គ្មានអ្វីៗនៅថ្ងៃនេះដែរ”៕ដោយ៖អ៊ួង វឹង

ក្រុមសកម្មប្រយុទ្ធ៦១នាក់ត្រូវយោធាអេហ្ស៊ីសម្លាប់នៅខេត្តស៊ីណៃ

January 6, 2016ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

អេហ្ស៊ីប៖យោធាអេហ្ស៊ីបានសម្លាប់សមាជិកក្រុមសកម្មប្រយុទ្ធ៦១នាក់ និង១០នាក់ផ្សេងទៀតត្រូវបាន ចាប់ខ្លួន និងបំផ្លាញគ្រឿងផ្ទុះ រួមទាំងថ្នាំញៀនជាង៨០តោនក្នុងសកម្មភាពយោធានៅភាគខាងជើង ខេត្តស៊ីណៃ ប្រទេសអេហ្ស៊ីប។
បើតាមយោធាអេហ្ស៊ីបបានបញ្ជាក់ថា ប្រទេសអេហ្ស៊ីទទួលរងការវាយប្រហារអំពើភេរវកម្មជាបន្តបន្ទាប់ ហើយបានសម្លាប់មនុស្សទាហានអេហ្ស៊ីបជាច្រើននាក់ បន្ទាប់ពីកងទ័ពបណ្ដេញចេញអតីតប្រធានាធិបតីអេហ្ស៊ីបលោកMohamed Morsi កាលពីខែកក្កដា ឆ្នាំ២០១៣។
គួរបញ្ជាក់ថា យោធាអេហ្ស៊ីបចាប់ផ្ដើមធ្វើយុទ្ធនាការប្រឆាំងអំពើភេរវកម្ម ទ្រង់ទ្រាយធំរយៈ២ថ្ងៃ នៅភាគខាងជើងខេត្តស៊ីណៃ ដោយចាប់ផ្ដើមពីថ្ងៃទី០៣មករា៕

របាយករណ៍ទី១នៃអំពើភេរវកម្មនិយមរបស់ក្រុមតាលីបង់ក្នុងឆ្នាំ២០១៥

January 6, 2016ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

ប៉ាគីស្ថាន៖ចលនាឧទ្ទាមតាលីបង់ដែលមានមូលដ្ឋានក្នុងប្រទេសប៉ាគីស្ថានឈ្មោះ Tehreek-e-Taliban បានចេញជាលើកទី១នូវរបាយការណ៍បូកសរុបពីស្នាដៃភេរវកម្មរបស់ខ្លួននៅក្នុងទឹកដីប៉ាគីស្ថានពីថ្ងៃទី៣ មករាដល់ថ្ងៃទី២៦ ធ្នូ ឆ្នាំ ២០១៥។
នៅក្នុងរបាយការណ៍បញ្ជាក់ពីទង្វើដែលខ្លួនសម្រេចបាន រួមមាន ឃាតកម្មចំទិសដៅចំនួន៧៣ដង ឆ្មក់វាយប្រហារចំនួន ១២ដង ភេរវកម្មអត្តឃាតចំនួន ៥ដង បាញ់មីស៊ីលចំនួន ១៧ដង និងបើកការប្រយុទ្ធតទល់ចំនួន ១០ដងដែលសរុបទៅបានបណ្តាលឲ្យមាមមនុស្សស្លាប់៦៨៦នាក់។ តែអ្នកសង្កេតការណ៍បានចាត់ទុកតុល្យការលើកឡើងដោយតាលីបង់ថា ជាការបំផ្លើស។
លោក រ៉ាហ៊ីមូឡា យូសាហ្សាយ អ្នកជំនាញប៉ាគីស្ថានបានបញ្ជាក់ថា ក្រុមតាលីបង់បានបំប៉ោងតួលេខនៅក្នុង ទង្វើភេរវនិយមរបស់ខ្លួន និងថា គ្មានភស្តុតាងណាមួយដែលអាចបញ្ជាក់ពីតុល្យការលើកឡើងដោយពួកឧទ្ទាម តាលីបង់នោះទេ។ ជាក់ស្តែងនៅក្នុងការវាយប្រហារប្រឆាំងនឹងមូលដ្ឋានទ័ពអាកាសក្នុង ទីក្រុងប៉េស្ហាវ៉ាកាលពីខែកញ្ញា ឆ្នាំ ២០១៥ តាលីបង់បានបញ្ជាក់ពីការសម្លាប់មនុស្សបាន ២៤៧នាក់ តែតួលេខផ្លូវការពិតប្រាកដមានស្លាប់តែ ២៩នាក់ប៉ុណ្ណោះ។
គួរបញ្ជាក់ថា អស់ជាច្រើនឆ្នាំមកហើយដែលប៉ាគីស្ថានបានប្រឈមមុខនឹងការ បះបោររបស់ពួកឧទ្ទាមតាលីបង់ និងដែលគិតមកដល់ថ្ងៃនេះ មានស្លាប់ជនស៊ីវិល និងកម្លាំងសន្តិសុខប្រមាណជា២៧០០០នាក់។
ទោះជាយ៉ាងនេះក្តី Tehreek-e-Taliban និងតែជាចលនាឧទ្ទាមដែលកំពុងមានសកម្មភាពយ៉ាងសកម្មនៅក្នុងទឹកដី ប៉ាគីស្ថាន និងដែលរដ្ឋាភិបាលត្រូវប្រើពេលយូរទៅមុខទៀតដើម្បីអាចគាស់រំលើង ទាំងឫសបាន៕

ក្រុមស្ទាវដាវសាម៉ូរ៉ៃចូលកាប់យុវជនម្នាក់ដល់ក្នុងផ្ទះ និងវាយកម្ទេចម៉ូតូ៤គ្រឿងនៅខណ្ឌពោធិសែនជ័យ

January 6, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ៖យុវជនម្នាក់បានរងរបួសយ៉ាងធ្ងន់ធ្ងរត្រង់លលាដ៍ក្បាលសន្លប់នៅនឹងកន្លែង និងម៉ូតូ៤គ្រឿងទៀតត្រូវរងការវាយកម្ទេចពីក្មេងស្ទាវប្រើដាវសាម៉ូរ៉ៃមួយក្រុម ចូលទៅកាប់ និងវាយដល់ក្នុងផ្ទះជនរងគ្រោះ។សមត្ថកិច្ចថា ជារឿងគំនុំ ប៉ុន្តែនៅមិនទាន់ចាប់បានក្រុមជនបង្កហេតុទាំងនោះនៅឡើយទេ។

យុវជនម្នាក់បានរងរបួសធ្ងន់ដាច់របើកលលាដ៍ក្បាលមួយដុំសន្លប់នៅកន្លែង និងម៉ូតូចំនួន៤គ្រឿងបានរងការខូចខាតបាក់បែកកុងទ័រ ក្នុងនោះមានម៉ូតូ២គ្រឿង ត្រូវបាន ដាច់ស្លាកលេខទាំងស្រុង បន្ទាប់ពីមានក្មេងទំនើងមួយក្រុមមានគ្នីគ្នាជាង១០នាក់ ប្រដាប់ដោយដាវសាំម៉ូរ៉ៃធ្វើសកម្មភាពប៉ុនប៉ងកាប់ប្រហារផ្តាច់ជីវិត រួចនាំគ្នារត់គេចខ្លួនបាត់ស្រមោល បង្កឱ្យភ្ញាក់ផ្អើលភ្ញៀវនៅក្នុងហាងរត់ជាន់ជើងគ្នា កាលពីវេលាម៉ោង៣និង៥០នាទីរសៀលថ្ងៃទី០៥ ខែមករា ឆ្នាំ២០១៦ ស្ថិតនៅផ្ទះល្វែងលេខ B26 លក់ភេសជ្ជ: យីហោ Honey Milk’s តាមផ្លូវបេតុង ខាងកើតជាប់របងវិទ្យាល័យជម្ពូវ័ន ភូមិព្រៃព្រីងត្បូង សង្កាត់ចោមចៅ ខណ្ឌពោធិសែនជ័យ ។

ជនរងគ្រោះដែលរងរបួសធ្ងន់មានឈ្មោះ អ៊ូ សុខហេង ភេទប្រុស អាយុ២៤ឆ្នាំ ជានិស្សិត ត្រូវជាកូនម្ចាស់ផ្ទះកើតហេតុខាងលើ រងការកាប់បណ្តាលឲ្យរបើកលលាដ៍ក្បាលមួយដុំ និងស្នាមមុតរយ´ ត្រូវគ្រូពេទ្យដេរ៧ថ្នេរ សន្លប់ឈឹងនៅនឹងកន្លែង ។

ក្រៅពីកាប់យុវជនខាងលើឲ្យរបួស ក្រុមដាវសាម៉ូរ៉ៃបានវសយកម្ទេចម៉ូតូចំនួន៤គ្រឿងឲ្យរងការខូចខាតបាក់បែក និងដាច់ស្លាកលេខបាត់ ៖

ទី១- ម៉ូតូម៉ាក ហុងដា សេ១២៥ ស៊េរី២០១៥ ពណ៌ខ្មៅ ពាក់ស្លាកលេខ ភ្នំពេញ 1CL-0748 បែកកុងទ័រ ជាម៉ូតូរបស់ជនរងគ្រោះ ។

ទី២- ម៉ូតូម៉ាក ហុងដា សេ១២៥ ស៊េរី២០១៥ ពណ៌ខ្មៅ ពាក់ស្លាកលេខ ភ្នំពេញ 1EF-5012 មានម្ចាស់ឈ្មោះ ហ៊ួរ សុភ័ក្រ ភេទប្រុស អាយុ១៨ឆ្នាំ មុខរបរ សិស្សសាលា រស់នៅភូមិព្រៃជីសាក់ សង្កាត់ចោមចៅ ( ម៉ូតូត្រូវបានជនល្មើស កាប់យកស្លាកលេខទៅបាត់ និងបែកកុងទ័រ ) ។

ទី៣- ម៉ូតូម៉ាក ហុងដា សេ១១០ សេរី២០១២ ប៊ិច ពណ៌ខ្មៅ ពាក់ស្លាកលេខ ភ្នំពេញ 1BT-5518 ជាម៉ូតូ របស់ម្ចាស់ឈ្មោះ អេង សុខណា ភេទប្រុស អាយុ១៨ឆ្នាំ មុខរបរសិស្សសាលា រស់នៅភូមិអង្គកែវ សង្កាត់ចោមចៅ ( ម៉ូតូត្រូវបានជនល្មើស កាប់យកស្លាកលេខទៅបាត់ និងបែកកុងទ័រ ) ។

ទី៤- ម៉ូតូម៉ាក ស្កុបពី ពណ៌ស លាយផ្កាឈូក ពាក់ស្លាកលេខ ភ្នំពេញ 1AX-2418 មានម្ចាស់ឈ្មោះ ម៊ិល យ៉ុងវ៉ាន់សាក់ ភេទប្រុស អាយុ១៧ឆ្នាំ មុខរបរសិស្សសាលា រស់នៅភូមិព្រៃព្រីងជើង សង្កាត់ចោមចៅ ខណ្ឌពោធិ៍សែនជ័យ ។ ម្ចាស់ម៉ូតូទាំង៣គ្រឿងខាងលើ ជាភ្ញៀវ ចូលហូបភេសជ្ជ:នៅផ្ទះកើតហេតុពុំមានរងរបួសទេព្រោះបានរត់គេចផុតពីផ្លែដាវរបស់ ក្រុមក្មេងស្ទាវទាំងនោះ ។

តាមសម្តីបងប្រុសរបស់ជនរងគ្រោះ ជាម្ចាស់ផ្ទះបានឱ្យដឹងថា មុនពេលកើតហេតុ ផ្ទះរបស់គាត់មានភ្ញៀវចូលហូប ៦ទៅ៧នាក់ ចំណែកជនរងគ្រោះត្រូវជាប្អូនបង្កើត កំពុងអង្គុយ លាយម្សៅ សម្រាប់ធ្វើនំលក់នៅខាងក្រោយកន្លែងចង្ក្រានបាយ ។លុះដល់វេលាខាងលើ ស្រាប់តែលេចមុខក្មេងស្ទាវមួយក្រុមជាង១០នាក់ ជិះម៉ូតូចំនួន៧គ្រឿង មកឈប់ពីខាងមុខផ្ទះប្រដាប់ទៅដាវសាំម៉ូរ៉ៃ កាន់នឹងដៃដើរចូលទៅកាប់ប្រហារជនរងគ្រោះដែលកំពុងអង្គុយលាយម្សៅជាមួយម្តាយបង្កឱ្យផ្អើលពេញផ្ទះ ធ្វើឱ្យភ្ញៀវរត់គេចជាន់ជើងគ្នា ហើយក្រុមជនល្មើសទាំងនោះ កាប់វាយទៅលើម៉ូតូ និងកាប់យកស្លាកលេខម៉ូតូ២គ្រឿង ហើយនាំគ្នា ឡើងជិះម៉ូតូរត់គេចខ្លួនបាត់អស់។

ក្រោយកើតហេតុ ទើបក្រុមគ្រួសារជនរងគ្រោះ មកប្តឹងនគរបាលប៉ុស្តិ៍ចោមចៅ ឱ្យជួយអន្តរាគមន៍ និងដាក់បណ្តឹងឱ្យជួយស្រាវជ្រាវ ៕ដោយ៖សួង សាម

លោក សម រង្ស៊ី ត្រូវតុលាការបង្កាប់ឲ្យ ចាប់ខ្លួនពាក់ព័ន្ធសមគំនិតក្លែងឯកសារ សន្ធិសញ្ញា

January 5, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ៖សាលាដំបូងរាជធានីភ្នំពេញ បានចេញដីកាបង្គាប់ដោយបញ្ជាដល់កងកម្លាំងសាធារណៈ ឲ្យស្រាវជ្រាវរកចាប់ និងឲ្យនាំខ្លួនខ្លួនលោក សមរង្ស៊ី ប្រធានគណបក្សសង្គ្រោះជាតិ ទៅឃុំខ្លួននៅមណ្ឌលអប់រំកែប្រែនៃក្រសួងមហាផ្ទៃ ពាក់ព័ន្ធនឹងការចោទ ប្រកាន់បទសមគំនិតក្លែងបន្លំឯកសារ ក្នុងសំណុំរឿងរបស់អតីតសមាជិកព្រឹទ្ធសភាមកពីគណបក្សសម រង្ស៊ី លោក ហុង សុខហួរ។

ដីកាបង្គាប់ឲ្យចាប់ខ្លួនមេបក្សប្រឆាំងនៅកម្ពុជាដែលកំពុងស្ថិតនៅក្រៅប្រទេសនោះ ចុះហត្ថលេខាដោយចៅក្រមស៊ើបសួរលោក កោ វណ្ឌី តាំងពីថ្ងៃទី៩ ខែធ្នូ ឆ្នាំ២០១៥ តែទើបត្រូវបានផ្សព្វផ្សាយកាលពីព្រលប់ថ្ងៃទី៥ ខែមករា ឆ្នាំ២០១៦ នេះ ។

ក្នុងដីកាបង្កាប់នេះ លោក សម រង្ស៊ី ត្រូវបានចោទប្រកាន់ពីបទសមគំនិតក្នុងអំពើក្លែងបន្លំឯកសាធារណៈ ប្រើប្រាស់ឯកសារសាធារណៈក្លែង និងញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម ដែលបានប្រព្រឹត្តិនៅរាជធានីភ្នំពេញ កាលពីថ្ងៃទី១២ និងថ្ងៃទី១៣ ខែសីហា ឆ្នាំ២០១៥។ ពោលគឺជាប់ពាក់ព័ន្ធនឹងករណីលោក ហុង សុខហួរ សមាជិកព្រឹទ្ធសភាគណបក្សសមរង្ស៊ី ដែលបានបង្ហោះតាមហ្វេសប៊ុកនូវសន្ធិសញ្ញាព្រំដែនកម្ពុជាវៀតណាមក្លែង ហើយត្រូវបានប៉ូលិសចាប់ខ្លួនកាលពីថ្ងៃទី១៥សីហា ឆ្នាំ២០១៥។

គួររំឭកថា លោក សម រង្ស៊ី បានរងនូវបណ្តឹងចំនួនបីជាបន្តបន្ទាប់ គឺសំណុំរឿងពាក់ព័ន្ធការក្លែងឯកសារសាធារណៈ ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម ដែលត្រូវតុលាការក្រុងភ្នំពេញចេញដីការបង្គាប់ឲ្យចាប់ឃុំខ្លួននៅមណ្ឌលអប់រំកែប្រែនៃក្រសួងមហាផ្ទៃ។សំណុំរឿងទីពីរ ពាក់ព័ន្ធនឹងបទបរិហារកេរ្តិ៍ និងផ្សាយព័ត៌មានមិនពិតលើរូបលោក ហោ ណាំហុង ដែលត្រូវបានចៅក្រមស៊ើបសួរចេញដីកាបង្គាប់ឲ្យចូលខ្លួន កាលពីថ្ងៃទី៤ ខែធ្នូ ឆ្នាំ២០១៥ កន្លងមក តែពុំបានមកបង្ហាញខ្លួនចំពោះមុខតាមការកំណត់ឡើយ។

ចំណែក បណ្តឹងមួយទៀតនៅសាលាដំបូងរាជធានីភ្នំពេញរបស់លោកមេធាវីការពារក្តីសម្តេច ហេង សំរិន ក្នុងសំណុំរឿងបរិហារកេរ្តិ៍ និងផ្សាយព័ត៌មានមិនពិត។បណ្តឹងនេះត្រូវបានតុលាការចេញដីកាកោះហៅលោក សម រង្ស៊ី ឲ្យចូលបំភ្លឺកាលពីថ្ងៃទី៤ ខែមករា ឆ្នាំ២០១៥ ខណៈលោក សម រង្ស៊ី កំពុងស្ថិតនៅក្រៅប្រទេសមិនបានចូលមកបំភ្លឺទេ ដោយឆ្លើយតបតាមប្រព័ន្ធហ្វេសប៊ុករបស់លោកទៅតុលាការវិញថា លោកចង់ឆ្លើយបំភ្លឺតាមប្រព័ន្ធ Skype មកពីបរទេស ប៉ុន្តែត្រូវតុលាការបដិសេធ។

ទោះជាយ៉ាងណាក្តី ក៏គណបក្សសង្គ្រោះជាតិបានចាត់ទុកករណីនេះជារឿងនយោបាយ មិនមែនជាបទល្មើសជាក់ស្តែង និងជាការសម្តែងមតិរបស់សមាជិកព្រឹទ្ធសភា។ លោក សម រង្ស៊ី ត្រូវបានចោទប្រកាន់ថាបានផ្តល់ទំព័រហ្វេសប៊ុករបស់លោក សម្រាប់ចែកចាយឯកសារទាំងនោះ៕ដោយ៖ខេមរា

លោក ណុប សារឹម មេប៉ុស្តិ៍អន្តោ ប្រវេសន៍ព្រែកចាកទើបឡើងថ្មីរងការរិះគន់

January 5, 2016ព័ត៌មានគួរចាប់អារម្មណ៍, ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ខេត្តកំពត៖ប្រភពព័ត៌មានពសមត្ថកិច្ចច្រកទ្វារអន្តរជាតិ ព្រែកចាក ខេត្តកំពត សុំមិនបញ្ចេញឈ្មោះបានប្រាប់ មេគង្គប៉ុស្តិ៍ ថា បច្ចុប្បន្ននេះមានប្រជាពលរដ្ឋជាច្រើនបានរអ៊ូរទាំថា ពិបាករកស៊ីខ្លាំងណាស់ក្រោយពីមានការផ្លាស់ប្តូរមេច្រកទ្វារថ្មីរួចមក ព្រោះមន្ត្រីនគរបាលអន្តោប្រវេសន៍ខិលខូចខ្លះបានកំណត់ឱ្យបង់សេវាលើម៉ូតូដឹកទំនិញឆ្លងដែនចេញចូលតម្លៃ ២ម៉ឺនរៀល ក្នុងមួយមួយគ្រឿង ហើយបើដឹកមនុស្សឆ្លងដែនវិញ គេដំឡើងថ្លៃក្នុងម្នាក់១០ម៉ឺនដុង ខុសពីគ្រាមុនពេលដឹកមនុស្សឆ្លងដែនម្នាក់យកតែ៥ម៉ឺនដុងប៉ុណ្ណោះ។

ប្រភពដដែលបានបញ្ជាក់ថា មន្ត្រីនគរបាលអន្តោប្រវេសន៍ក្រោមការគ្រប់គ្រងរបស់លោក ណុប សារឹម បំពេញការងារមិនត្រឹមត្រូវតាមគោលការណ៍ច្បាប់នោះទេ ហើយថែមទាំងជាប់ពាក់ព័ន្ធជាមួយបទល្មើសសេដ្ឋកិច្ចទៀតផង។

ប្រជាពលរដ្ឋដែលរកស៊ីដឹកឥវ៉ាន់បន្តិចបន្តួចឆ្លងកាត់ច្រកទ្វារអន្តរជាតិព្រែកចាកស្ទើររាល់ថ្ងៃបានបង្ហើបថា ក្រោយពីមានការផ្លាស់ប្តូរមេនគរបាលអន្តោប្រវេសន៍ប្រចាំច្រកទ្វារអន្តរជាតិព្រែកចាករួចមក បែរជាបានដំឡើងថ្លៃសេវាក្នុងការឆ្លងដែនទៅមក និងគាបយកលុយពីអាជីវករដែលរកស៊ីដឹកឥវ៉ាន់បន្តិចបន្តួចតាមម៉ូតូចេញចូលដោយតម្រូវឱ្យបង់២ម៉ឺនរៀលក្នុងម៉ូតូមួយគ្រឿង។ ប្រភពដដែលបានរៀបរាប់ថា ចាប់តាំងពីលោក ណុប សារឹម មកកាន់តំណែងមក លោកបានប្រមូលលិខិតឆ្លងដែនពីអ្នកឆ្លងដែនបោះត្រាមួយតម្លៃ៣០ដុល្លារដោយមានអ្នករត់ការចាំប្រមូលម្តងៗរាប់រយលិខិតឆ្លងដែន។

មន្ត្រីគយមួយរូបសុំលាក់ឈ្មោះ បានបញ្ជាក់ដែរថា តាំងពីលោក ណុប សារឹម ចូលកាន់តំណែងជាមេប៉ុស្តិ៍អន្តោប្រវេសន៍ព្រែកចាកមក ការបង្កភាពក្តៅក្រហាយទៅលើប្រជាពលរដ្ឋ និងឈ្មួញរកស៊ីនាំទំនិញចូលស្រុកព្រមទាំងអ្នកឆ្លងដែនឱ្យបង់លុយច្រកហោប៉ៅឱ្យពួកខ្លួនយ៉ាងគឃ្លើន ។ ប្រភពដដែលបានបញ្ជាក់ថា មេប៉ុស្តិ៍អន្តោប្រវេសន៍ព្រែកចាកលោក ណុប សារឹម មិនត្រឹមតែរងការរិះគន់ថាបំពេញការងារមិនត្រឹមត្រូវតាមគោលការណ៍ច្បាប់អន្តោប្រវេសន៍នោះទេ តែក៏ជាប់ពាក់ព័ន្ធនឹងការសម្របសម្រួលឲ្យមានការនាំចូលទំនិញគេចពន្ធផងដែរ។

លោក គយ ដដែលនេះបន្តថា ប្រសិនបើលុយដែលក្រុមលោក ណុប សារឹម ប្រមូលបានមកនោះដាក់បញ្ចូលជាចំណូលថវិការដ្ឋនោះជាការប្រពៃណាស់ ប៉ុន្តែតាមការទម្លាយឲ្យដឹងគឺមិនដូច្នោះទេ ។

ប្រភពដដែលបន្តទៀតថា សូម្បីតែអាជ្ញាធរខេត្តកំពតក៏មិនសប្បាយចិត្តចំពោះការបំពេញការងាររបស់លោក ណុប សារឹម និងបក្ខពួកផងដែរ ពីព្រោះពួកគេរិះគន់លោក ណុប សារឹម ថាបានដើរតួជាអ្នកសម្របសម្រួលឱ្យឈ្មួញគៃបំបាត់ពន្ធរដ្ឋ។ ប្រភពដដែលបានសំណូមពរថាមន្ត្រីជាន់ខ្ពស់នៅក្រសួងមហាផ្ទៃ គួរត្រួតពិនិត្យសកម្មភាពបំពេញការងាររបស់លោក ណុប សារឹម ឡើងវិញដើម្បីបង្ហាញពីភាពស្អាតស្អំ និងប្រសិទ្ធភាពការងាររបស់អង្គភាពរដ្ឋ៕

សារព័ត៌មាន មេគង្គគប៉ុស្តិ៍ មិនអាចសុំការបំភ្លឺពីលោក ណុប សារឹម មេប៉ុស្តព្រែកចាកបានទេ ដោយសារទូរសព្វ័របស់លោកមិនអាចទាក់ទងបាន ដែលទំនងជាលោកដាក់ប្រពន្ធ័ជាប់រវល់៕ដោយ៖អ.វរិន្ទ

គន្លឹះងាយៗ ៦យ៉ាងសម្រាប់ដាស់អារម្មណ៍ភេទស្ត្រី

January 5, 2016សុខភាពមេគង្គ ប៉ុស្តិ៍

បុរសអាចដាស់ភាព ពុះកញ្ច្រោលផ្លូវអារម្មណ៍ស្ត្រីឲ្យមានចំណង់ ខ្លាំងចង់រួមភេទជាមួយអ្នកបានតាមរយៈទង្វើចំណុចខាងក្រោម។
១. ត្រូវមានឈុតក្នុងជាប់កាយខ្លះ៖ការដោះសម្លៀកបំពាក់អាក្រាតកាយ ចាត់ទុកជាគំនិតដែលមិនប្រសើរនោះទេ អ្នកគួរតែមានស្លៀកឈុតក្នុងខ្លះ ព្រោះថានៅពេលដែលមិនទាន់មានតម្រេក អវយវៈភេទរបស់បុរស មិនមានអ្វីទាក់ទាញអារម្មណ៍ស្ត្រីទេ។ ផ្ទុយទៅវិញប្រសិនបើ អង្គជាតរបស់ឡើងរឹង ហើយបានប្រទះនឹងភ្នែករបស់នាងនោះ វានឹងបញ្ជូនសញ្ញាប្រាប់អំពីតម្រូវការរបស់វាចំពោះស្ត្រី ឲ្យបានជ្រាបហើយជាប្រតិកម្មដែលធ្វើឲ្យកើតមានតម្រេកផ្លូវភេទ ភ្លាមៗដែរ។
២. បបួលជជែកគ្នាលេង ៖ សុភាពបុរសនឹងមិននិយាយរឿងការរួមភេទចំៗពេកនោះទេ ប៉ុន្តែឆ្លៀតលួចបញ្ចូលអារម្មណ៍ដល់ភាគីស្ត្រី ដោយការរំឭកពីចំណុចដែលអ្នកធ្លាប់ធ្វើឲ្យនាងមានភាពសុខស្រួល ខ្លាំង ឬក៏បបួលនាងនិយាយរឿងកំប្លែងសប្បាយៗរហូតដល់រឿងលើគ្រែ។
៣. ស្ទាបអង្អែលចំណុចពុះកញ្ច្រោល ៖ ការបានចាប់ប៉ះពាក់ចំណុចដែលមានសាច់ទន់ភ្លន់របស់ស្ត្រី ពិតណាស់វានឹងជួយបង្កើនភាពរោលរាលក្នុងអារម្មណ៍របស់បុរសយ៉ាងខ្លាំង ។ ជាមួយនេះដែរ នៅពេលដែលបុរសថ្នាក់ថ្នមលួងលោមស្ទាបអង្អែលត្រូវត្រង់ចំណុចកំពូល យុទ្ធសាស្ត្រហើយនោះ មិនប៉ុន្មានវិនាទីក្រោយមកក៏ឈានដល់ការប្រើប្រាស់ក្បាច់ពិសេសបំផុត គឺ មាត់ និងអណ្តាត វាយលុកលុយយ៉ាងពេញទី ត្រង់ចំណុចពិសេសរបស់នាង ហើយពេលនោះនាងនឹងបាត់ភាពម្ចាស់ការលើខ្លួនឯងទាំងស្រុងតែម្តង។ ត្រូវចាំថាបើនាងចូលចិត្តត្រង់ចំណុចណាជាពិសេសជាងគេបុរសគួរតែបន្ថែម ពេលវេលាជាមួយនឹងចំណុចនោះ ឲ្យកាន់តែច្រើនបន្តិចជាការល្អ។
៤. ប្រើប្រាស់របស់ដទៃទៀតជាប្រយោជន៍ ៖ ជំនួយឲ្យការបង្ហាញអារម្មណ៍ ចំពោះរូបនាងផ្ទាល់ បុរសៗគ្រាន់តែបង្ហាញ និងបញ្ជាក់អំពីតម្រូវការតាមរយៈនោះដូចជាសៀវភៅរូបភាពស្រើបស្រាល ដែលមានរូបបុរស ស្ត្រីឱបរឹតគ្នាជាដើម ឬតាមរយៈការមើលភាពយកបែបស្រើបស្រាលបន្តិចដើម្បីឲ្យនាងបានសន្សំ អារម្មណ៍ ពុះកញ្ច្រោលក្នុងរឿងផ្លូវភេទខ្លះជាបណ្តើរៗ។
៥. ឲ្យនាងបានប៉ះពាល់ ៖ ប្រសិនបើភាគីស្ត្រីបានប៉ះពាល់អវយវៈភេទអ្នក នៅពេលដែលវាកំពុងតែធំឡើងឬទ្ធិនោះ ក៏អាចនាំឲ្យអារម្មណ៍របស់នាងអណ្តែតអណ្តូងបានយ៉ាងមានប្រសិទ្ធភាព។ ជាពិសេស នឹងជំរុញឲ្យនាងកើតអារម្មណ៍ផ្លូវភេទយ៉ាងឆាប់រហ័ស។
៦. ដាក់អន្ទាក់ផ្លូវអាក្រក់ ៖ អន្ទាក់ផ្នែកផ្លូវអារម្មណ៍ដែលបុរសៗភាគច្រើនតែងតែដាក់នោះ គឺអាចជាតិចនិកឬទេពកោសល្យផ្ទាល់ខ្លួនរបស់គេ ដែលអាចធ្វើឲ្យនាងមិនអាចបដិសេធបាន។ ឧទាហរណ៍ដូចជា ហៅឲ្យនាងជួយហុចកន្សែងជូតខ្លួនឲ្យអ្នក នៅពេលដែលអ្នកកំពុងស្ថិតក្នុងភាពអាក្រាតកាយ ក្នុងបន្ទប់ទឹក។ លុះដល់ពេលនាងចូលមកជិត អ្នកក៏បិទទ្វារបន្ទប់ទឹក ទាំងដែលរូបនាងនៅក្នុងនោះផងដែរ។ ក្រៅពីនេះអ្នកក៏អាចប្រើល្បិចផ្សេងៗទៀត ដើម្បីទាក់ទាញនាងឲ្យមកនែបនិត្យជិតកាយ៕

Hand of female lying on bed with a man caressing her

ស្ត្រីជនជាតិថៃម្នាក់គាំងបេះដូងស្លាប់ពេលមកលក់ទំនិញក្នុងពិធីតាំងពិព័ណ៌នៅខេត្តបាត់ដំបង

January 5, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ខេត្តបាត់ដំបង៖ជនជាតិថៃម្នាក់បានស្លាប់ដោយជំងឺ គាំងបេះដូង ខណៈចូលមកលក់ទំនិញក្នងពិធីតាំងពិព័ណ៌នៅខេត្តបាត់ដំបង។

របាយការណ៍នគរបាលជំនាញបានអោយដឹងនៅថ្ងៃទី០៤ ខែមករា ឆ្នាំ២០១៦នេះថា ស្ត្រីជនជាតិថៃម្នាក់ឈ្មោះប៊ុន ចាន់រត្ន័ម៉ានី អាយុ៣៦ឆ្នាំរស់នៅខេត្តឧត្តុងផនថានី ប្រទេសថៃ នៅថ្ងៃទី០៤ ខែមករា វេលាម៉ោង៨៖១០នាទី បន្ទាប់ពីចុកទ្រូងពិបាកដកដង្ហើមបានបញ្ជូនទៅកាន់មន្ទីរពេទ្យបង្អែកក្នុងក្រុងបាត់ដំបងដើម្បីសង្រ្គោះបន្ទាន់ ដោយសារសភាពជម្ងឺធ្ងន់ធ្ងរពេកនៅវេលាម៉ោង៨៖៤៥នាទី ជនរងគ្រោះបានដាច់ខ្យល់ស្លាប់តែម្តង។

សមត្ថកិច្ចនិងគ្រូពេទ្យជំនាញជុំវិញការស្លាប់ជនជាតិថៃនេះបានពិនិត្យច្បាស់លាស់លើសាកសពហើយបានសន្ននិដ្ឋានថា ជនរងគ្រោះបានស្លាប់ដោយសារជម្ងឺគាំងបេះដូងពិតប្រាកដ។

ពេលនេះក្រុមគ្រួសារដែលមានលោកកែវ ពិឡិកប៊ុនមី ជាស្វាមីបានមកទទួលសាកសពជនរងគ្រោះត្រឡប់ទៅកាន់ប្រទេសថៃវិញហើយដើម្បីរៀបចំធ្វើ បុណ្យទៅតាមប្រពៃណី៕
ដោយ ប៉ែន សុផល

ដាំដើមដូង១០ដើមនៅមាត់ស្ទឹងរំឭកស្នាដៃនិពន្ធ និងម្ចាស់សំឡេងមាស ស៊ិន ស៊ីសាមុត

January 5, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ខេត្តបាត់ដំបង៖ ដើមដូងចំនួន១០ដើម ដាក់ដាំឡើងវិញលើទឹកដីប្របមាត់ស្ទឹងខេត្តបាត់ដំបង ដើម្បីរម្លឹកអតីកាលបទចម្រៀងម្លប់ដូងទី១០ជាស្នាដៃកវីនិពន្ធជើងចាស់គង់ ប៊ុន ឈឿន និងកម្រងចម្រៀងអនុស្សាវរីយ៍អធិរាជសម្លេងមាស លោក ស៊ីន ស៊ីសាមុត។

លោកចន្ទ័សុផលអភិបាលខេត្តបាត់ដំបងបានអោយដឹងថា៖ គោលបំណងនៃការដាំដើមដូងចំនួន១០ដើមនាមាត់ស្ទឹងឡើងវិញរបស់ខេត្តដើម្បីលើកកម្ពស់បរិស្ថានក្រុងពិសេសរម្លឹកឡើងវិញនូវស្នាដៃអតីកាលដែលមានប្រជាប្រិយភាពយ៉ាងខ្លាំងនាទសវត្សន៍ទី៧០ក្រោមការចងក្រងឡើងនូវបទចម្រៀង១បទមានចំណងជើងថា ម្លប់ដូងទី១០និពន្ធដោយកវីនិពន្ធជើងចាស់លោក គង់ ប៊ុន ឈឿន និងការបង្ហើរសូរសៀងដ៍ផ្អែមល្ហែមរបស់អធិរាជសម្លេងមាស លោកស៊ីន ស៊ីសាមុតនាសម័យកាលនោះ។

លោកបន្ដថា៖ទោះបីការដាំមិនបានអោយចំនឹងទីកន្លែងចាស់ក៍ដោយ ក៍ប៉ុន្ដែវាបានជីកកកាយឡើងវិញនិងបានលើកស្ទួយអំពីតម្លៃនិងរម្លឹកនូវអនុស្សារីយ៍ដែលដក់ជាប់នៅក្នុងបេះដូងអ្នកស្ដាប់គ្រប់ៗគ្នាពីសិល្បះករជើងចាស់និងបានប្រាប់ដល់អ្នកជំនាន់ក្រោយអោយបានស្គាល់និងដឹងអំពីរឿងរ៉ាវពិតជាច្រើនទាក់ទងទៅនិងខេត្តបាត់ដំបងជាខេត្តចំណាស់មួយ។

ទីតាំងដែលអាជ្ញាធរខេត្តបាត់ដំបងជ្រើសរើសដាំដើមដូងចំនួន១០ដើមប្របមាត់ស្ទឹងឡើងវិញនេះនៅក្បែរគល់ស្ពានថ្មថ្មី សម្ដេចក្រឡាហោម ត្រើយខាងកើតទល់មុខវត្តកណ្ដាល ខណៈដែលកន្លែងចាស់ដើមដូងចំនួន១០ដើម ប្របមាត់ស្ទឹងខាងលើឋិតនៅត្រើយលិចទល់មុខគ្នា ក្រៅពីបទចម្រៀងម្លប់ដូងទី១០ នៅមានបទចម្រៀងជាច្រើនទៀតដែលទាក់ទងនិងខេត្តបាត់ដំបងមានដូចជាបទ ដងស្ទឹងសង្កែ បាត់ដំបងបណ្ដូលចិត្ត អនុស្សាវរីយ៍វត្តដំរីស អនុស្សារីយ៍ភ្នំសំពៅនិងភូមិវត្តកំផែងជាដើម៕ ដោយ៖ ប៉ែន សុ ផល

ឃាត់ជនសង្ស័យចែកចាយនិងសេពគ្រឿងញៀន៤នាក់

January 5, 2016ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ : ជនសង្ស័យប្រុសស្រី ចំនួន04នាក់ ជាប់ពាក់ព័ន្ធទៅនឹងករណីចែកចាយ និងសេពគ្រឿងញៀន និងបង្កអសន្តិសុខក្នុងមូលដ្ឋាន ត្រូវបានកម្លាំងអាវុធហត្ថក្រុងភ្នំពេញ ចុះប្រតិបត្តិការបង្ក្រាបចាប់ឃាត់ខ្លួនបាន រួមទាំងវត្ថុតាង កាលពីវេលាម៉ោង5 និង30 ព្រឹកថ្ងៃទី05 ខែមករា ឆ្នាំ2016 ស្ថិតនៅក្រុម14 ក្នុងភូមិត្រពាំងឈូក សង្កាត់ទឹកថ្លា ខណ្ឌសែនសុខ ។

ជនសង្ស័យឃាត់ខ្លួនបានទាំង04នាក់:ទី១-ឈ្មោះ គឹម ស្រីហួយ ភេទស្រី អាយុ19ឆ្នាំ មុខរបរមិនពិតប្រាកដ។ ទី២-ឈ្មោះ លី គីម ភេទប្រុស អាយុ23ឆ្នាំ មុខរបរ មិនពិតប្រាកដ។ ទី៣-ឈ្មោះ រស់ មុន្នីរិទ្ធ ភេទប្រុស អាយុ19ឆ្នាំ មុខរបរ មិនពិតប្រាកដ។ ទី៤-ឈ្មោះ លាង រតនា ភេទប្រុស អាយុ18ឆ្នាំមុខរបរ មិនពិតប្រាកដ។

ក្រោយពីឃាត់ខ្លួនជនសង្ស័យប្រុសស្រី បានទាំង04នាក់ខាងលើ សមត្ថកិច្ចដកហូតបានគ្រឿងញៀន (ក្រាមពណ៌សថ្លា) 6កញ្ចប់តូច01កញ្ចប់ធំ ជញ្ជីងសម្រាប់ថ្លឹងចំនួន01 និងសំភារៈសម្រាប់សេពគ្រឿងញៀន
មួយចំនួនទៀត។

បច្ចុប្បន្នជនសង្ស័យទាំង04នាក់ បន្ទាប់ពីឃាត់ខ្លួនបាននាំទៅធ្វើការសាកសួរនៅ ផ្នែកជំនាញ កងរាជអាវុធហត្ថក្រុងភ្នំពេញ ដើម្បីកសាងសំណុំចាត់ការទៅតាមនិតិវិធី៕ ដោយ៖ សួង សាម

Sadio Mane ជាគោលដៅប្រមាញ់របស់ក្លិបធំ៣នៅតំបន់អឺរ៉ុប

January 5, 2016កីឡាមេគង្គ ប៉ុស្តិ៍

បាល់ទាត់៖ខ្សែប្រយុទ្ធសញ្ជាតិសេណេហ្គាល់កីឡាករ Sadio Mane របស់ក្លិប Southampton កំពុងក្លាយគោលដៅប្រមាញ់របស់ក្លិបធំៗ៣នៅតំបន់អឺរ៉ុបក្នុងអំឡុងពេលទីផ្សារដោះដូរកីឡាករបើកទ្វារនេះ។ នេះបើយោងតាមសេចក្តីរាយការណ៍កាសែត Daily Mirror ។
ប្រភពដដែលបន្តថា ក្លិបដែលកំពុងតាមប្រមាញ់កីឡាករវ័យ២៣ឆ្នាំរូបនេះមាន៖ Chelsea , Bayern Munich និងក្លិប Manchester United ផងដែរដែលបានប្រកួតប្រជែងគ្នាក្នុងការដាក់តម្លៃទិញយក។
ទន្ទឹមនោះលោក Ronald Koeman បានអះអាងថា ខ្សែប្រយុទ្ធសញ្ជាតិសេណេហ្គាល់វ័យ២៣ឆ្នាំរូបនេះគ្រោងនឹងមិនចុះកិច្ចសន្យាថ្មីជាមួយក្រុមណានោះទេនៃការផ្លាស់ចេញក្នុងតម្លៃពលកម្មជាង៣០លានផោននោះ។
ដោយឡែកកីឡាករ Sadio Mane បានននិយាយថា Man United គឺជាក្រុមមួយដែលគួរឲ្យចាប់អារម្មណ៍ជាងគេក្នុងការជំរុញដល់កិច្ចព្រមព្រៀងនៅពេលទីផ្សារកីឡាករបើកនៅខែមករា ប៉ុន្តែឥឡូវនេះមាន ក្រុម Chelsea និង Bayern កំពុងប្រកួតប្រជែងគ្នាដណ្តើមរូបលោកផងដែរ។
ទោះជាយ៉ាងណាខ្សែប្រយុទ្ធ Mane ត្រូវបានគេរំពឹងថា នឹងអាចបន្តនៅជាមួយក្លិប Southampton រហូតដល់បញ្ចប់រដូវកាលនេះ ហើយនឹងធ្វើកិច្ចពិភាក្សាជាមួយក្រុម Southampton នៅសប្តាហ៍ក្រោយនេះផងដែរ៕

អារ៉ាប៊ីសាអូឌីតប្រកាសផ្តាច់ការទាក់ទង ការទូតជាមួយអ៊ីរ៉ង់

January 5, 2016ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

អារ៉ាប៊ីសាអូឌីត៖ប្រទេសអារ៉ាប៊ីសាអូឌីតបានប្រកាសកាត់ផ្តាច់ទំនាក់ទំនងការទូតជាមួយប្រទេសអ៊ីរ៉ង់ ក្រោយពីមានការវាយប្រហារលើក្រុមបេសកម្មការទូតរបស់ខ្លួន ហើយបានស្នើឲ្យមន្ត្រីការទូត ជនជាតិអ៊ីរ៉ង់ទាំងអស់ ចាកចេញក្នុងរយៈពេល៤៨ម៉ោង។ នេះបើយោងតាមសារព័ត៌មាន Xinhua។
គួរបញ្ជាក់ថា កាលពីថ្ងៃសៅរ៍សប្តាហ៍មុនក្រុមអ្នកតវ៉ាអ៊ីរ៉ង់ពោរពេញដោយកំហឹងបានធ្វើការវាយប្រហារលើក្រុមបេសកម្មការទូត អារ៉ាប៊ីសាអូឌីត ដោយតវ៉ានឹងការកាត់ទោសប្រហារជីវិតរបស់អារ៉ាប៊ីសាអូឌីតលើបុគ្គលចំនួន៤៧នាក់ដោយចោទប្រកាន់ពីបទភេរវកម្ម។
ដោយឡែករដ្ឋមន្ត្រីការទូតអារ៉ាប៊ីសាអូឌីត លោក Adel al-Jubeir បានថ្លែងថា ការវាយប្រហារនេះ បានបំពានលើកិច្ចព្រមព្រៀងអន្តរជាតិ ហើយបានចោទប្រកាន់ថា ក្រុមតវ៉ាទាំងអស់នេះ ក៏បានវាយប្រហារលើស្ថានទូត សហរដ្ឋអាម៉េរិក និងចក្រភពអង់គ្លេសកាលពីពេលមុនផងដែរ។ លោកបញ្ជាក់ថា ការវាយប្រហារនេះមិនមានអ្នករងរបួសនោះទេ ដោយពួកគេបានមកដល់ទីក្រុង Dubai សហភាពអារ៉ាប់រួម ដោយសុវត្ថិភាព។ លោក Adel al-Jubeir បានចោទប្រកាន់ក្រុមអាជ្ញាធរអ៊ីរ៉ង់ថា មិនមានការចាត់វិធានការណាមួយ ដើម្បីការពារការវាយប្រហារប្រឆាំងនឹង ស្ថានទូតរបស់ខ្លួន នៅក្នុងប្រទេស Tehran និងក្រុមកុងស៊ុល នៅក្នុងទីក្រុង Mashhad របស់អ៊ីរ៉ង់៕

មេដឹកនាំបក្សប្រឆាំងនៅស៊ីរីនឹងធ្វើ ដំណើរទស្សនកិច្ចនៅប្រទេសចិន

January 5, 2016ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

ប៉េកាំង៖អ្នកនាំពាក្យក្រសួងការបរទេសចិន លោកស្រី Hua Chunying បានថ្លែងថា ប្រធានក្រុមចម្រុះជាតិស៊ីរី ដែលជាបក្សប្រឆាំងនៅស៊ីរី លោក Khaled Khoja នឹងធ្វើដំណើរទស្សនកិច្ច ទៅកាន់ប្រទេសចិន ចាប់ពីថ្ងៃអង្គារ ដល់ថ្ងៃសុក្រខាងមុខ។នេះបើយោងសារព័ត៌មាន Xinhua។
រដ្ឋមន្ត្រីការបរទេសចិន លោក Wang Yi នឹងធ្វើជំនួបជាមួយលោក Khaled Khoja ក្នុងអំឡុងពេលដែលលោក ស្នាក់អាស្រ័យនៅក្នុងរដ្ឋធានី Beijing ដើម្បីបង្កើនការដោះស្រាយផ្នែកនយោបាយ នៅក្នុងប្រទេសស៊ីរី។ ដំណើរទស្សនកិច្ចនេះ លោក Khaled Khoja ត្រូវបានអញ្ជើញដោយ ស្ថាប័នកិច្ចការបរទេសរបស់ប្រជាជនចិន។
គួរបញ្ជាក់ថា កាលពីថ្ងៃទី២៤ ខែធ្នូ ឆ្នាំ២០១៥កន្លងទៅ រដ្ឋមន្ត្រីការបរទេសចិន លោក Wang Yi បានធ្វើកិច្ចពិភាក្សាការងារជាមួយនឹង ឧបនាយករដ្ឋមន្ត្រីស៊ីរី និងជារដ្ឋមន្ត្រីការបរទេសស៊ីរី លោក Walid al-Moallem នៅក្នុងរដ្ឋធានី Beijing ដើម្បីពិភាក្សាការងារនយោបាយ នៅក្នុងប្រទេសស៊ីរីផងដែរ៕

Zidane ក្លាយជាអ្នកចាត់ការថ្មីជំនួស Benitez

January 5, 2016កីឡាមេគង្គ ប៉ុស្តិ៍

បាល់ទាត់៖ក្លិប Real Madrid បានប្រកាសតែងតាំង លោក Zinedine Zidane ធ្វើអ្នកចាត់ការថ្មីជំនួសលោក Rafael Benitez ដែលត្រូវបានក្លិបបណ្ដេញចេញ ក្រោយដឹកនាំបានរយៈពេលតែ៧ខែ។
Real បានសម្រេចបណ្ដេញលោក Benitez ចេញពីតំណែង គឺបន្ទាប់ប្រកួតស្មើ ២-២ ទល់នឹង Valencia កាលពីថ្ងៃអាទិត្យ ដែលធ្វើឲ្យស្ដេចស មានគម្លាត៤ពិន្ទុ ពីក្រុមកំពូលតារាង Atletico Madrid នៅក្របខណ្ឌ La Liga។
គួរបញ្ជាក់ថា Zidane ដែលជាអតីតកីឡាករ Real លេងបាន២២៥ប្រកួត និងជាអ្នកចាត់ការ Real Madrid នៅឈុត B (Real Madrid Castilla) ឥឡូវបានឡើងតំណែងជាអ្នកចាត់ការក្រុមម្ចាស់ជើងឯកអឺរ៉ុប១០សម័យ កាលពេញសិទ្ធិហើយ។ Zidane នឹងចុះកុងត្រា២ឆ្នាំកន្លះនៅកីឡដ្ឋាន Santiago Bernabéu និងក្លាយជាអ្នកចាត់ការក្រុម Real Madrid ទី១៣៕