ភ្នំពេញ ៖ បុរសម្នាក់មានអាវុធខ្លីនៅជាប់តាមខ្លួន ចូលកន្លែងផឹកស៊ីដកបញ្ចេញមកសំញ៉ែងបង្អួត គ្រាន់តែក្រឡេកឃើញសមត្ថកិច្ច បែរជាស្ទុះងើបបើកម៉ូតូរត់ទៅវិញ ធ្វើឲ្យសមត្ថកិច្ចកាន់តែសង្ស័យ ក៏បញ្ជាកម្លាំងដេញតាមបំណងឃាត់សាកសួរ តែត្រូវបានជនខាងលើបាញ់មកលើកម្លាំងសមត្ថកិច្ចទៅវិញ ធ្វើឲ្យសមត្ថកិច្ចប្រកាសបន្ថែមកម្លាំងដេញតាម តាំងពីសង្កាត់ព្រៃស ខណ្ឌដង្កោ រហូតដល់ ភូមិដីថ្មី សង្កាត់ស្ទឹងមានជ័យ៣ ខណ្ឌមានជ័យ សមត្ថកិច្ចសម្រេចតបតវិញ បណ្តាលឲ្យត្រូវចំជើងម្នាក់ទើបដួលចាប់ខ្លួនបាន ចំណែកបក្ខពួកម្នាក់ទៀតរត់គេចខ្លួនបាត់ បង្កឲ្យភ្ញាក់ផ្អើល កាលពីវេលាម៉ោង៣រសៀល ថ្ងៃទី០៤ ខែធ្នូ ឆ្នាំ២០១៨ ។
តាមសមត្ថកិច្ចបានឲ្យដឹងថា ករណីខាងលើនេះ បានឲ្យដឹងថា មុនពេលកើតហេតុ ជនសង្ស័យមានគ្នា២នាក់កំពុងផឹកស៊ីនៅសង្កាត់ព្រៃស ខណ្ឌដង្កោ ហើយពួកគេបានដកកាំភ្លើងម៉ាក ឡុក សំញ៉ែង បង្អួតដល់អ្នកដទៃ ស្របពេលនោះក៏មានកម្លាំងសមត្ថកិច្ចឃើញ បែជានាំគ្នាជិះម៉ូតូម្នាក់មួយគ្រឿងចេញពីកន្លែងផឹកស៊ី រត់គេច កាន់តែសង្ស័យ កម្លាំងសមត្ថកិច្ចខណ្ឌដង្កោដេញតាម និងមានកិច្ច សហការជាមួយកម្លាំងសមត្ថកិច្ចប៉ុស្ដិ៍ស្ទឹងមានជ័យ៣ផង ដេញតាមពីក្រោយ ខណះមកដល់ផ្លូវទាល់ម្ដុំផ្សារដីថ្មី ក្នុងសង្កាត់ស្ទឹងមានជ័យ៣ ខណ្ឌមានជ័យ ជនសង្ស័យក៏ដកកាំភ្លើងបាញ់មកលើសមត្ថកិច្ចចំនួន៤គ្រាប់ ហើយត្រូវសមត្ថកិច្ចបាញ់តបតវិញមួយគ្រាប់ ចំជើងម្ខាង បណ្ដាលឲ្យដេកដួលលើម៉ូតូ ហើយសមត្ថកិច្ចបានចាប់វ៉ៃខ្នោះ និងដកហូតកាំភ្លើងខ្លីម៉ាកឡុកមួយដើម ចំណែកបក្ខពួកម្នាក់ទៀតរត់គេចខ្លួនបាត់ ។
ក្រោយកើតហេតុ សមត្ថកិច្ចនគរបាលខណ្ឌដង្កោ បានដឹកបញ្ចូនជនសង្ស័យដែលរបួសជើងទៅកាន់មន្ទីរពេទ្យ រង់ចាំធ្វើសាកសួរបន្តនៅពេលក្រោយ ៕
ភ្នំពេញ ៖ ម្ចាស់កំពង់ចម្លងកំពង់ដអរិយក្សត្រ ដែលគេស្គាល់ថា ជាឧកញ្ញ៉ាមួយរូប បានបញ្ចប់ជីវិតខ្លួនឯងដោយមិនដឹងមូលហេតុបង្កការភ្ញាក់ផ្អើលដល់សមត្ថកិច្ច។
ហេតុការណ៍នេះ បង្កអោយមានការភ្ញាក់ផ្អើលកាលពីវេលាម៉ោង ៥ និង ១៥នាទី ល្ងាចថ្ងៃទី៤ ខែធ្នូ ឆ្នាំ២០១៨ តាមបណ្តោយផ្លូវលំនៅចំណុចដរ អរិយក្សត្រ ស្ថិតនៅក្នុងភូមិអរិយក្សត្រ ឃុំអរិយក្សត្រ ស្រុកល្វាឯង ខេត្តកណ្តាល។
ជនរងគ្រោះមានឈ្មោះ វណ្ណ រ៉ាម៉ុន ភេទប្រុស អាយុ៥៨ឆ្នាំ ស្នាក់នៅ ភូមិអរិយក្សត្រ ឃុំអរិយក្សត្រ ស្រុកល្វាឯម ខេត្តកណ្តាល។
តាមប្រភពពត៌មានពីសមត្ថកិច្ចបានអោយដឹងថា មុនពេលកើតហេតុជនរងគ្រោះបានបើក រថយន្ត មួយគ្រឿងមកសម្រាកនៅផ្ទះរបស់គាត់ដែលនៅជាប់នឹងកន្លែងរកស៊ីនៅម្តុំកំពង់ចម្លង អរិយក្សត្រ តាំងពីម៉ោង ១១ព្រឹក តែម្នាក់ឯង មិនដឹងមូលហេតុ រួចចាក់សោររបងដោយខុសពីរាល់ដង ហើយក៌ មិនដែលឃើញគាត់ចាក់សោរបើកវិញនោះទេ រហូតដល់ម៉ោងកើតហេតុខាងលើនេះ ក៏អ្នកបើក ប្រេងអោយបុគ្គលិកគាត់មានការងឿងឆ្ងល់ថា ហេតុអី បានជាគាត់ដេកមិនព្រមងើប ដោយឆ្ងល់ ក៏ផ្លោះរបងចូលទៅគាស់ទ្វាហើយឃើញថា ចាក់សោរហើយហៅអត់ឮ ក៏ហៅបុគ្គលិកអោយមក ជួយមើលនឹងរាយការណ៍ទៅអោយសមត្ថកិច្ចមូលដ្ឋានគាត់ចុះមកដល់កន្លែងកើតហេតុរួចការពារជុំវិញកន្លែងកើតហេតុនិងទំនាក់ទំនងហៅខាងកោសលវិច្ច័យដើម្បីពិនិត្យអស់រយៈពេលជិត៦ម៉ោង ទើបដឹងលោកឧកញ៉ា បានបញ្ចប់ជីវិតខ្លួនឯង ដោយបាញ់នឹងកាំភ្លើងខ្លី ចំសៀតផ្កាស្លាប់បាត់ទៅហើយ។ តាមប្រភពព័ត៌មានពីប្រជាពលរដ្ឋបាននិយាយថា លោកឧកញ៉ា ជាម្ចាស់កំពង់ចម្លងអរិយក្សត្ររូបនោះគាត់ជាមនុស្សល្អណាស់មិនដែលមានទំនាស់ជាមួយអ្នកណាម្នាក់នោះឡើយ គឺប្រជាពលរដ្ឋគោរពស្រលាញ់គាត់ណាស់ហើយបច្ចុប្បន្នគាត់មានកូនស្រី៣នាក់ គឺធំៗ ហើយមានប្តីរៀងៗខ្លួនអស់ ហើយសមត្ថកិច្ចក៏បញ្ជាក់ ផងដែលថា ជនរងគ្រោះពិតជាធ្វើអត្ថឃាតខ្លួនឯងពិតមែនដោយប្រើកកាំភ្លើងម៉ាក K59បាញ់ មួយគ្រាប់ចំស្នៀតផ្កា ដោយដេកនៅលើពូកផ្កាប់មុខ។
ក្រោយពេលកើតហេតុសពជនរងគ្រោះត្រូវបានក្រុមគ្រួសារសាច់ញាតិដឹកយកទៅធ្វើបុណ្យនៅឯផ្ទះឪពុកនៅវត្តខ្សាច់ ទៅតាមប្រពៃណីផងដែរ៕
ភ្នំពេញ ៖ ស្ត្រីវ័យ៣៥ឆ្នាំម្នាក់ ត្រូវបានអ្នកនេសាទជួយសង្គ្រោះស្រង់ឡើងលើគោកទាន់ពេលវេលា បន្ទាប់ពីរូបនាងបានទុកកូនប្រុសតូចមួយ អាយុប្រហែល២ឆ្នាំ ចោលនៅលើស្ពាន ហើយបានលោតទឹកសម្លាប់ខ្លួន បានបង្កអោយមានការភ្ញាក់ផ្អើលអ្នកធ្វើដំណើរតាមផ្លូវ កាលពីវេលាម៉ោង ១និង១០នាទី ថ្ងៃទី៤ ខែធ្នូឆ្នាំ២០១៨ នៅចំណុចស្ពានព្រះមុនីវង្សចាស់( ស្ពានក្បាលថ្នល់) ស្ថិតនៅភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ ។
ស្ត្រីដែលប៉ុនប៉ងលោតទឹកសម្លាប់ខ្លួនចោលកូនតូចខាងលើមានឈ្មោះ ជិត ទៀង ភេទស្រី អាយុ៣៥ឆ្នាំ បច្ចប្បុន្នស្នាក់នៅ ខេត្តព្រៃវែង ហើយបានរៀបរាប់ប្រាប់សមត្ថកិច្ចថា៖ ប្ដីធ្វើបាបចិត្តខ្លាំងពេកមិនអាទ្រាំទ្របាន ទើបពរកូនប្រុសរត់ចេញេពីផ្ទះ និងជិះរថយន្តតាក់ស៊ី មកដល់ភ្នំពេញតាំងពីយប់មិញហើយដើរដេកតាមចិញ្ចើមផ្លូវ លុះនៅរសៀលនេះ ក៏បានពរកូនប្រុសឡើងលើស្ពានព្រះមុនីវង្សចាស់ ដោយ ទុកកូនប្រុសនៅលើស្ពានរួចខ្លួនក៏បានឡើងបង្កាន់ដៃស្ពានលោតចូលក្នុងទឹកគោលបំណងចង់ធ្វើអត្តឃាតតែម្តង។
ក្រោយពីមានការជួយសង្គ្រោះពីអ្នកនេសាទ សមត្ថកិច្ខបាននាំទៅកាន់ប៉ុស្តិ៍នគរបាលច្បារអំពៅ២ ដើម្បីធ្វើការសាកសួររកសាច់ញាតិ រួចក៏បានសមត្ថកិច្ចជូនដំណើរនាងទៅកាន់ស្រុកកំណើតផ្ទាល់ដើម្បីមកទទួលយកត្រឡប់ទៅផ្ទះវិញ៕
បាត់ដំបង ៖ ដែនអភិរក្សមច្ឆជាតិឡូត៍លេខ២ និងដែនជម្រកសត្វស្លាបចម្រុះ កំពុងរងការទន្ទ្រានពីឈ្មួញអ្នកមានដាក់ពង្រាយឧបករណ៍បរណរ៉ាវនេសាទត្រីខុសច្បាប់យ៉ាងគគ្លើន ចំណែកឯជំនាញសម្ងំនៅស្ងៀម។
ប្រជានេសាទរស់ក្នុងភូមិថ្វាង ឃុំកោះជីវាំង បានបង្ហើបអោយដឹងកាលពីថ្ងៃទី២ ខែធ្នូ ឆ្នាំ២០១៨ នេះថា បច្ចុប្បន្នរបរនេសាទជាលក្ខណៈគ្រួសាររបស់ពួកគាត់ កំពុងប្រឈមនឹងការខាតបង់ខ្លាំងទៅៗដោយសារផលត្រីរកបានតិច តែត្រូវបង់សេវាសោហ៊ុយប្រេងសាំង និងថ្លៃបាយទឹកជូនដល់មន្ត្រីជំនាញរួមទាំងសមត្ថកិច្ចពាក់ពន្ធ័ច្រើនផ្នែក បើពុំនោះទេ ត្រូវគេកាប់បរណរ៉ាវ ចោល ទោះជាទ្រង់ទ្រាយតូចជាលក្ខណៈគ្រួសារក៏ដោយ ដែលការជូនសោហ៊ុយនេះ ពេលខ្លះរងការបោះសម្តីគំរោះគំរើយនិង ត្រូវបត់ជើងហើយជូនលុយដៃ២ ថែមទៀត ។
មិនថាពីកន្លងមកឬបច្ចុប្បន្ននោះទេ ប្រជានេសាទតូចតាច មិនដែលថ្លើមដាក់ពង្រាយឧបករណ៍ បរណរ៉ាវ ល្មើសច្បាប់មានប្រវែងរាប់រយម៉ែត្រឡើយ ផ្ទុយទៅវិញបច្ចុប្បន្នមានតែក្រុមឈ្មួញធំៗប៉ុណ្ណោះ ដែលផ្គើននឹងច្បាប់ត្រូវរ៉ូវគ្នាជាជំនាញ និងសមត្ថកិច្ចហើយដាក់ពង្រាយ បរណរ៉ាវ វែងរាប់គីឡូម៉ែត្រ ដែលសូម្បីតែតំបន់អភិរក្សមច្ឆាជាតិ (ឡូលេខ២ )និងដែនអភិរក្សជម្រកសត្វស្លាបក៌ហ៊ានបំពាន ។ បើទោះបីមានករណីបង្ក្រាបម្តងម្កាលក៏ភាគច្រើនក្រុមមេឈ្មួញធំៗតែងគេចផុតរួចខ្លួនទាំងអស់ដែរ ដោយបង្ក្រាបតែប្រជានេសាទជាលក្ខណះគ្រួសារប៉ុណ្ណោះ សព្វថ្ងៃសេដ្ឋកិច្ចគ្រួសាររបស់ប្រជានេសាទពី១ឆ្នាំទៅ១ឆ្នាំកាន់តែយ៉ាប់ទៅៗស្ទើចិញ្ចឹមជីវិតមិនរស់ ។
ជុំវិញបញ្ហាខាងលើក្នុងបទសម្ភាសន៍រវាងអ្នកយកព័ត៌មាន តាមទូរសព្ទ័លោក ជួង សុភា នាយខណ្ឌ័រដ្ឋបាលជលផលបាត់ដំបងបានបំភ្លឺថា លោកនឹងចាត់អោយមន្ត្រីរបស់លោកចុះទៅពិនិត្យហើយសហការជាមួយកម្លាំងគណះបញ្ជាខេត្តដើម្បីចុះបង្ក្រាបនៅពេលខាងមុខនេះ។
ទាក់ទងនឹងការដាក់បរណរ៉ាវនៅក្នុងដែនអភិរក្សសត្វស្លាបបង្កការភ្ញាក់ផ្អើលដល់ហ្វូងសត្វស្លាបគ្រប់ប្រភេទ លោក កត បូរ៉ាន ប្រធានមន្ទីរបរិស្ថានខេត្ត ដំបូងឡើយ បានអះអាងថា តំបន់អភិរក្សជម្រកសត្វស្លាបជាតំបន់ហាមឃាត់មិនមានអ្នកចូលផ្តេសផ្តាសទេ បើត្រូវការចូលទាល់តែទិញសំបុត្រ ដូចនេះមិនមានបទល្មើសឡើយ តែក្រោយមកអ្នកយកព័ត៌មាន បានសួរ ចំៗចំនុចពេក លោកប្រធានមន្ទីរបរិស្ថានបានធ្លោយពាក្យថា វាតែងតែមានតិចតួចខ្លះហើយ គួរអនុគ្រោះបាន អនុគ្រោះខ្លះទៅលោកនឹងកែតម្រូវ៕
ភ្នំពេញ ៖ រថភ្លើងដឹកអ្នកដំណើរចូលព្រលានយន្តហោះអន្តរជាតិភ្នំពេញបានបុករះបង្កឲ្យខូចខាតរថយន្តតូចធំ និងម៉ូតូជាច្រើនគ្រឿង បណ្តាលឲ្យមនុស្សចំនួន២នាក់ បានរងបួសធ្ងន់។ ហេតុការណ៍នេះកើតឡើងនៅព្រឹកថ្ងៃទី៣ ខែធ្នូ នៅចំណុចមុខ អាកាសយានដ្ឋានអន្តរជាតិភ្នំពេញ តាមមហាវិថីសហព័ន្ធរុស្សី កែងផ្លូវចូលវត្តតាំងកសាង ក្នុងភូមិក្បាលដំរី សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ។
តាមសមត្ថកិច្ចឲ្យដឹងថា រថយន្តដែលបានរងការខូចខាតនោះរួមមាន ៖ រថយន្តម៉ាក ហ៊ីយ៉ាន់ដាយ ពណ៌ស ពាក់ស្លាកលេខ បាត់ដំបង៣A-០៣៨០ អ្នកបើកបរបានរត់គេចខ្លួនបាត់ និង១គ្រឿងទៀត ម៉ាកកាមរីបាឡែន ពណ៌ស្ករ ពាក់ស្លាកលេខ ភ្នំពេញ ២H-៦៣៤៤ បើកបរដោយបុរសម្នាក់ពុំបានស្គាល់ឈ្មោះឡើយ។ ចំណែកម៉ូតូម៉ាកហុងដា សេ១២៥ពណ៌ខ្មៅ ជិះដោយបុរសម្នាក់ និងស្ត្រីម្នាក់ បានរងរបួសធ្ងន់មិនត្រូវបានស្គាល់អត្តសញ្ញាណនៅឡើយទេ។
បើតាមសមត្ថកិច្ចបន្តថា នៅមុនពេលកើតហេតុ គេឃើញរថយន្ត និងម៉ូតូខាងលើ បានឈប់ជាបន្តបន្ទាប់ នៅចំណុចស្តុបខាងលើ ខណៈនោះមានរថភ្លើងបានធ្វើដំណើរដឹកភ្ញៀវអន្តរជាតិ ក្នុងទិសដៅពីជើងទៅត្បូង ចូលអាកាសយានដ្ឋានអន្តរជាតិភ្នំពេញ ក៏បានបុកពីក្រោយរថយន្តម៉ាកហ៊ីយ៉ាន់ដាយ ដែលឈប់រំលោភលើផ្លូវរថភ្លើង។
ប្រភពបន្តទៀតថា នៅពេលគ្រោះថ្នាក់រថភ្លើង បានបុករុញរថយន្ត១គ្រឿង ទៅបុករថយន្តកាមរីចំហៀង ហើយរុញទៅផ្ទប់បង្គោលភ្លើង និងចូលផ្ទះបណ្តាលឲ្យបាក់បង្គោលបាណូ។ ខណៈនោះមានម៉ូតូ១គ្រឿង ក៏ត្រូវបានរថភ្លើង បុករុញរថយន្តទៅបុកបណ្តាលឲ្យអ្នកបើកបរ និងអ្នករួមដំណើរបានរងរបួស ទាំង២នាក់ផងដែរ។ បន្ទាប់ពីកើតមានគ្រោះថ្នាក់រថភ្លើង ក៏បានបើកចូលរ៉ាក្នុងអាកាសយានដ្ឋាន អន្តរជាតិភ្នំពេញ។
សមត្ថកិច្ចបានបញ្ជាក់ថា ក្រោយកើតហេតុជនរងគ្រោះ ត្រូវបានបញ្ជូនទៅកាន់មន្ទីរពេទ្យ ហើយរថយន្តទាំង២គ្រឿង និងម៉ូតូ១គ្រឿង ត្រូវបាននគរបាលចុះទៅវាស់វែង បញ្ជូនទៅកាន់ការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ដើម្បីដោះស្រាយ៕
ភ្នំពេញ ៖ នាយកដ្ឋានប្រយុទ្ធនឹងជំងឺឆ្លងឲ្យដឹងថា នៅចុងខែវិច្ឆិកា និងដើមខែធ្នូ ឆ្នាំ២០១៨ នេះ មានការកើន ឡើងនៃករណីជំងឺគ្រុនឈាមលើកុមារ និងមនុស្សធំ ដែលបណ្តាលឲ្យបណ្តាខេត្ត រាជធានីបានចាត់ វិធានបាញ់ថ្នាំសម្លាប់មូសខ្លា និងបើកយុទ្ធនាការដាក់ថ្នាំអាបែតបន្ថែម រួមទាំងដកើមន្ត្រីចុះធ្វើការ អប់រំសុខភាពផងដែរ។
នាយកដ្ឋានប្រយុទ្ធនឹងជំងឺឆ្លង ក៏បានអំពាវនាវដល់ ប្រជាពលរដ្ឋ ឲ្យចូលរួមបង្ការកុំឲ្យផ្ទុះជំងឺ គ្រុន ឈាមក្នុងតំបន់ដែលបងប្អូនរស់នៅ សូមចូលរួមក្នុងការបំបាត់ជំរកដង្កូវទឹក ងផ្ទះ ជុំវិញផ្ទះ ទីសាធារ ណៈនានា ការពារកូនកុំឲ្យមូសខាំ ដោយពាក់ខោ វ គ្របជិតខ្លួនកូន ពាក់ស្រោមជើង គេងក្នុងមុង និច្ច ទាំងពេលថ្ងៃ និងពេលយប់។
ទន្ទឹមនោះសូមបងប្អូននាំកូនទៅមន្ទីរពេទ្យជាបន្ទាន់ បើឃើញកូនក្តៅខ្លួនខ្លាំងផ្តល់ថ្នាំមិនចុះកំដៅ ឬសង្ស័យថា មានជំងឺគ្រុនឈាម។រោគសញ្ញាជំងឺគ្រុនឈាម រួមមាន គ្រុនក្តៅ ខ្លាំង ឈឺក្បាល ឈឺ ក្រោយរង្វង់ភ្នែក ឈឺពោះ ក្អួត និងករណីខ្លះមានកន្ទួលក្រហមលើស្បែក ឬសញ្ញាហូរឈាម៕
ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជានៅព្រឹកថ្ងៃទី៤ ខែធ្នូ ឆ្នាំ២០១៨ បានអញ្ជើញជាអធិបតីក្នុងពិធីអបអរសាទរខួប២៥ឆ្នាំ នៃការបង្កើតគណៈកម្មាធិការអន្តរជាតិសម្របសម្រួលកិច្ចគាំ ពារនិងអភិវឌ្ឍន៍តំបន់អង្គរហៅកាត់ថា អាយស៊ីស៊ី អង្គរ (ICC-Angkor) ដែលរៀបចំឡើងនៅសណ្ឋាគារ សុខា អូតែល ។
ពិធីអបអរសាទរនេះក៏នឹងមានការអញ្ជើញចូលរួមពីមន្ត្រីជាន់ខ្ពស់រាជរដ្ឋាភិបាលកម្ពុជា និង ប្រធានអង្គការយូណេស្កូ លោកស្រី Audrey Azoulay ផងដែរ ។
ដោយសារគណៈកម្មាធិការ អាយស៊ីស៊ី អង្គរ បានបំពេញការងារយ៉ាងល្អ និងប្រសិទ្ធភាពនៅអង្គរទើបសហគមន៍អន្តរជាតិបានមូលមតិគ្នាយកសកម្មភាពអាយស៊ីស៊ី អង្គរ នៅអង្គរជាគំរូហើយយក ទៅអនុវត្តនៅបណ្តាប្រទេសផ្សេងៗទៀត។ ហេតុដូច្នេះហើយ អាយស៊ីស៊ី អង្គរ នៅកម្ពុជាបានភ្ជាប់ពាក្យអង្គរ គឺ ICC-អង្គរ ដើម្បីកុំឲ្យច្រឡំនឹង ICC ដែលកំពុងដំណើរការនៅតាមប្រទេសដទៃ ទៀត៕
ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា និងជាប្រធានកិត្តិយសក្រុម ប្រឹក្សា សកម្មភាពជនមានពិការភាព បានផ្ញើសារលិខិតជូនជនរួមជាតិ ក្នុងឱកាសទិវាជន មាន ពិការភាពកម្ពុជា លើកទី២០ និងទិវាជនមានពិការភាព អន្ដរជាតិ លើកទី៣៦ ថ្ងៃទី០៣ ខែធ្នូ ឆ្នាំ ២០១៨។
ក្នុងសារលិខិតដែល សម្ដេចចតេជោ ហ៊ុន សែន បានបញ្ជាក់ថា ទិវាជនមានពិការភាពកម្ពុជា និង ទិវាជនមានពិការភាពអន្ដរជាតិ ឆ្នាំ២០១៨ នេះ ត្រូវបានប្រារព្ធឡើងក្រោមប្រធានបទ «លើក កម្ពស់សិទ្ធិជនមានពិការភាព ធានដល់
ការធ្វើបរិយាប័ន្ន និងសមភាព»៕
ភ្នំពេញ ៖ រដ្ឋសភាជាតិកម្ពុជា កំពុងសិក្សាពិនិត្យបទប្បញ្ញតិ្តច្បាប់ផ្សេងៗ ដើម្បីអនុញ្ញាតិឲ្យបុគ្គលដែលជាប់បម្រាមដោយច្បាប់ក្នុងសកម្មភាពនយោបាយ អាចចាប់ផ្ដើមសកម្មភាពនយោបាយរបស់ខ្លួនឡើងវិញបាន។
រដ្ឋសភាកម្ពុជា នៅវេលាម៉ោង ១៧:០០ ល្ងាចថ្ងៃទី០៣ ខែធ្នូ នេះ បានធ្វើសន្និសីទសារព័ត៌មានពន្យល់ ពីសេចក្តីស្នើច្បាប់ស្តីពីវិសោធនកម្មមាត្រា ៤៥ថ្មី(ស្ទួន) នៃច្បាប់ស្តីពីគណបក្សនយោបាយ នៅវិមានរដ្ឋសភាជាតិ។
លោក ឡេង ប៉េងឡុង អគ្គលេខាធិការរដ្ឋសភា ថ្លែងប្រាប់បណ្តាញព័ត៌មាន ថា សេចក្តីស្នើច្បាប់ស្តីពីវិសោធនកម្មមាត្រា ៤៥ថ្មី (ស្ទួន) នៃច្បាប់ស្តីពីគណបក្សនយោបាយនេះ ជាការបន្ថែមនូវវាក្យខណ្ឌមួយថ្មីក្នុងមាត្រា៤៥ថ្មី (ស្ទួនមួយ) គឺ “ បុគ្គលដែលត្រូវបានតុលាការសម្រេចហាមឃាត់ការធ្វើសកម្មភាពនយោបាយមិនអាចបង្កើតគណបក្សនយោបាយ ឬចូលរួមក្នុងគណបក្សនយោបាយណាមួយ ឬឈរឈ្មោះឲ្យគេបោះឆ្នោត ឬធ្វើសកម្មភាពណាមួយគាំទ្រ ឬប្រឆាំងគណបក្សណាមួយបានឡើយ។
លោកថា បុគ្គលដែលបានតុលាការសម្រេចហាមឃាត់ធ្វើសកម្មភាពនយោបាយនេះ នឹងអាចទទួលបាននូវសិទ្ធិនយោបាយពេញលេញដោយពេញច្បាប់ បន្ទាប់ពីផុតរយៈពេលនៃការហាមឃាត់ដែលកំណត់ដោយសាលដីការបស់តុលាការកំពូល ឬក្នុងករណីដែលបុគ្គលនោះត្រូវបានផ្តល់នីតិសម្បទាឡើងវិញដោយព្រះមហាក្សត្រ តាមសំណើរបស់នាយកករដ្ឋមន្ត្រី តាមសេចក្តីស្នើសុំរបស់រដ្ឋមន្ត្រីក្រសួងមហាផ្ទៃ”។
គួរជម្រាបថា នៅមុនពេលរដ្ឋសភា ប្រកាសពីការសិក្សាវិសោធនកម្មច្បាប់ នេះ គឺរាជរដ្ឋាភិបាលកម្ពុជា បានចេញនូវសេចក្ដីថ្លែងការណ៍ស្ដីពីវិធានការនានា ដើម្បីពង្រឹងលទ្ធិប្រជាធិបតេយ្យ និងលំហនយោបាយ ចុះថ្ងៃទី៣ ខែធ្នូ ឆ្នាំ២០១៨ នេះ។បានធ្វើឡើងបន្ទាប់ពីរាជរដ្ឋាភិបាលកម្ពុជា នៅថ្ងៃទី០៣ ធ្នូនេះ បានឱ្យដឹងថា រដ្ឋសភាកំពុងសិក្សាដើម្បីដកបម្រាមធ្វើនយោបាយរបស់អតីតថ្នាក់ដឹកនាំរបស់អតីតគណបក្សសង្គ្រោះជាតិទាំង១១៨នាក់ ឱ្យធ្វើនយោបាយឡើងវិញ និងប្រកាសបើកឱកាសឱ្យប្រព័ន្ធផ្សព្វផ្សាយអាមេរិក ដូចជា វិទ្យុសំឡេងសហរដ្ឋអាមេរិក (VOA) វិទ្យុអាស៊ីសេរី (RFA) អាចបើកការិយាល័យនៅក្នុងប្រទេសកម្ពុជាឡើងវិញបាន នៅបន្ទាប់ពីបានដោះស្រាយបំណុលដល់រាជរដ្ឋាភិបាលចប់រួចរាល់៕
ភ្នំពេញ ៖ លោក ដេនីស ឡូរ៉ង់ (Denis Laurent) អនុប្រធានមន្ទីរពេទ្យគន្ធបុប្ផា បានបញ្ជាក់ឲ្យ ដឹងថា អដ្ឋិធាតុលោកវេជ្ជបណ្ឌិត Beat Richner អតីតស្ថាបនិកមន្ទីរពេទ្យគន្ធបុប្ផា នឹងត្រូវដឹកតាមយន្តហោះ ពីប្រទេសស្វីស មកកាន់ខេត្តសៀមរាប នៅថ្ងៃទី៥ ខែធ្នូ ឆ្នាំ២០១៨ ខាងមុខនេះ ដើម្បីយកមកតម្កល់ក្នុងចេតិយមួយនៅខាងមុខមន្ទីរពេទ្យគន្ធបុប្ផា ខេត្តសៀមរាប។
លោក ដេនីស ឡូរ៉ង់ បានបន្តថា នៅថ្ងៃទី ៦ ខែធ្នូ ព្រះករុណាសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចព្រះមហា ក្សត្រី ព្រះវររាជមាតាជាតិខ្មែរ ទ្រង់បានសព្វព្រះរាជហឫទ័យ នឹងយាងប្រោសព្រះរាជ ទាន ធូបទាន និងកម្រងផ្កា នាចេតិយតម្កល់អដ្ឋិធាតុលោកវេជ្ជបណ្ឌិត Beat Richner ដោយមានការនិមន្តព្រះសង្ឃជិត ៧០០អង្គ ដើម្បីប្រារព្ធពិធីបង្សុកូលតាម ទំនៀម ទម្លាប់ព្រះពុទ្ធសាសនាផងដែរ៕
»
ភ្នំពេញ ៖ យោងតាមសេចក្ដីជូនដំណឹងរបស់ក្រសួងពាណិជ្ជកម្ម នៅព្រឹកថ្ងៃចន្ទ ទី៣ ខែធ្នូ ឆ្នាំ២០១៨ នេះ បានឲ្យដឹងថា តម្លៃប្រេងឥន្ធនៈដែលត្រូវលក់រាយតាមស្ថានីយដោយតម្លៃសាំងធម្មតា ត្រូវលក់មួយលីត្រ ៣.៤៥០រៀល និងប្រេងម៉ាស៊ូតតម្លៃ ៣.៥០០រៀលក្នុងមួយលីត្រ។
សូមបញ្ជាក់ថា ដើម្បីជួយម្រួលដល់ជីវភាពរបស់ប្រជាពលរដ្ឋ និងដោយមានការចូលរួមចំណែក ពី ក្រមហ៊ុន ចែក ចាយប្រេងឥន្ធនៈនៅកម្ពុជា សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បាន សម្រេចបញ្ចុះតម្លៃលក់រាយប្រេងឥន្ធនៈនៅទូទាំងកម្ពុជាចំនួន៤សេនដុល្លារ ក្នុងមួយលីត្រ និងត្រូវ អនុវត្តចាប់តាំងពីថ្ងៃទី០១ ដល់ថ្ងៃទី១៥ ខែធ្នូ ឆ្នាំ២០១៨ ៕
»
ក្រុងព្រះសីហនុ ៖ ខេត្តព្រះសីហនុ ដែលមានតំបន់ឆ្នេរធម្មជាតិដ៏ស្រស់ត្រកាល នៅតែជាទីកន្លែងទេសចរណ៍ដែល ភ្ញៀវទេសចរអន្តរ ជាតិចម្រុះជាតិសាសន៍ ចូលចិត្តមកលេងកម្សាន្តដោយគ្មានជិនណាយ។
នៅវេលាព្រឹកថ្ងៃទី២ ខែធ្នូ ឆ្នាំ២០១៨ ម្សិលមិញនេះ កប៉ាល់ទំនើបបម្រើវិស័យទេសចរណ៍ដ៏ធំ មួយ មានប្រវែងបណ្តោយ ២៨៥,២២ម៉ែត្រ និងទទឹង ៣២.ឲ,២៥ម៉ែត្រ ជម្រៅទឹក ៨ម៉ែត្រ បាន នាំភ្ញៀវទេសចរចំនួន ១.៨៣៨នាក់ ក្នងនោះមានស្ត្រីចំនួន ៩៨៦នាក់ និងមាន៤៥ សញ្ជាតិ មក លេងកម្សាន្តក្នុងក្រុងព្រះសីហនុ ដោយសំចត នៅកំពង់ ផែស្វយ័ត ក្រុងព្រះសីហនុ។
មន្ត្រីនៅកំពង់ផែខេត្តព្រះសីហនុបានឲ្យដឹងថា កប៉ាល់ទេសចរណ៍ខាងលើនេះ បានធ្វើដំណើរចេញ មកពីប្រទេសថៃ មកប្រទេសកម្ពុជា និងឆ្ពោះទៅកាន់ប្រទេសវៀតណាម៕
ភ្នំពេញ ៖ ក្នុងអំឡុងដើមខែ និងចុងខែធ្នូ ឆ្នាំ២០១៨ នេះ កម្ពុជាមានការប្រារព្ធនូវព្រឹត្តិការណ៍ជា ប្រវត្តិសាស្ត្រ សំខាន់ៗចំនួន២ គឺនៅថ្ងៃទី២ ខែធ្នូ ឆ្នាំ២០១៨ ជាការប្រារព្ធខួបលើកទី៤០ នៃការបង្កើត រណសិរ្សសាមគ្គីសង្គ្រោះជាតិកម្ពុជា នៅលើទឹកដីនៃ ស្រុកស្នួល ខេត្តក្រចេះ និងនៅថ្ងៃទី២៩ ខែធ្នូ ឆ្នាំ២០១៨ ខាងមុខ គឺពិធីបើកសម្ពោធជាផ្លូវការនូវវិមាន និម្មិតរូប នៃសុខសន្តិភាពរបស់ប្រទេស កម្ពុជាឈ្មោះថា «វិមានឈ្នះ-ឈ្នះ»ក្នុងឱកាសខួប២០ឆ្នាំ នៃគោលនយោបាយឈ្នះ-ឈ្នះក្រោមការ ដឹកនាំរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ។
សម្តេចពញាចក្រី ហេង សំរិន បានគូសបញ្ជាក់ ថា៖ ទាំងនេះគឺជាប្រវត្តិសាស្ត្ររបស់កម្ពុជា មិនមែន ជាការនិពន្ធ ប៉ុន្តែជាការពិត និងមិន អាចប្រកែកបានឡើយ ព្រោះយើងបានធ្វើឲ្យកម្ពុជាដែលបាន ធ្លាក់ដល់ចំណុចសូន្យកាលពី ជាង៤០ឆ្នាំមុន ឲ្យមានអ្វីៗសព្វបែបយ៉ាងនាពេលនេះ៕
សៀមរាប ៖ រយៈពេល១១ខែ គឺចាប់ពីខែមករាដល់ខែវិច្ឆិកាឆ្នាំ២០១៨នេះ កម្ពុជាទទួលបានចំណូលថវិកាជាតិចំនួន ១០៤.៥២៧.៥៣១ដុល្លារ ពីការលក់បណ្ណចូលទស្សនារមណីយដ្ឋានអង្គរ កើនឡើង ៩,២៧ភាគរយ បើធៀបនឹងរយៈពេលដូចគ្នា កាលពីឆ្នាំ២០១៧។
របាយការណ៍គ្រឹះស្ថានអង្គរ ចុះថ្ងៃទី០១ ខែធ្នូ ឆ្នាំ២០១៨ បញ្ជាក់ថា រយៈពេល១១ខែដូចគ្នានេះ ភ្ញៀវទេសចរបរទេសចំនួន ២.៣២៣.១៦៨នាក់ បានទិញបណ្ណចូលទស្សនាអង្គរ កើនឡើង ៦,០៩ភាគរយ។
បើតាមរបាយការណ៍នេះ ចំណូលដែលទទួលបានជាង ១០៤លានដុល្លារនេះ រាជរដ្ឋាភិបាលបានដកចំនួន ៤.៦៤៦.៣៣៦ដុល្លារ ឧបត្ថម្ភចូលមន្ទីរពេទ្យគន្ធបុប្ផា ដើម្បីទ្រទ្រង់ដំណើរការពិនិត្យ និងព្យាបាលកុមារកម្ពុជា៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
