All posts by មេគង្គ ប៉ុស្តិ៍

ចោរកាំភ្លើងអាកាប្លន់អ្នកលក់មាសនៅផ្សារតាឡាត់ ស្រុកភ្នំស្រួច យកផ្លាទីនជាង២០តម្លឹង

December 19, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

កំពង់ស្ពឺ៖ អាជីវករក្នុងផ្សារម្នាក់បានត្រូវគ្រាប់កាំភ្លើងស្លាប់ខណៈក្រុមចោរចូលបាញ់ប្លន់អ្នកលក់មាស និងប្លាទីនអស់ប្រហែល២០តម្លឹង នៅផ្សារតាឡាត់ ស្ថិតក្នុងភូមិតាឡាត់ ឃុំអូរ ស្រុកភ្នំស្រួច ខេត្តកំពង់ស្ពឺ នៅវេលាម៉ោង១១ព្រឹកថ្ងៃទី១៩ ខែធ្នូ ឆ្នាំ២០១៥ នេះ។

សាក្សីបានឲ្យដឹងថា ជនរងគ្រោះដែលត្រូវចោរបាញ់ស្លាប់ឈ្មោះអ៊ិន ធឿនហៅ ប៉ោ ជាស្មៀនឃុំជាំសង្កែ និងជាអាជីវករលក់ដូរនៅក្នុងផ្សារតាឡាត់នេះដែរ។ពេលឃើញហេតុការណ៍នោះ ជនរងគ្រោះមានបំណងទៅជួយតែត្រូវចោរបានបាញ់សំដៅលើគាត់ បណ្តាលឲ្យដួលរងរបួសធ្ងន់ និងបានដាច់ខ្យល់ស្លាប់ពេលដល់មន្ទីរពេទ្យ។

លោក ហុក ឃឿន មេបញ្ជាការស្តីទីកងរាជអាវុធហត្ថស្រុកភ្នំស្រួច បញ្ជាក់ថា ក្រុមចោរមិនស្គាល់មុខមានគ្នីគ្នា២នាក់ស្លៀកពាក់ស៊ីវិល មានកាន់កាំភ្លើងAK កាត់ស្វាយ មួយដើម ជិះម៉ូតូម៉ាកស្មាក់ ពណ៌ក្រហម បានដើរសំដៅទៅទូមាស ហើយទាញញញួរវាយទូមាសប្លន់ ម្ចាស់ផ្ទះ ឈ្មោះ ផាន ផាន្នី ប្រុសអាយុ ៤២ឆ្នាំយកប្លាទីនអស់ប្រហែល២០តម្លឹង។អាជីវករនោះគាត់លក់តែប្លាទីនប៉ុណ្ណោះ ខណះនោះចោរបានបាញ់សំដៅស្មៀនឃុំម្នាក់ដែលឈរជិតនោះបណ្តាលឲ្យរងរបួសធ្ងន់ ហើយបានស្លាប់ក្រោយពេលបញ្ជូនទៅសង្គ្រោះនៅមន្ទីរពេទ្យ។

ម្ចាស់តូបលក់មាសបានរាយការណ៍ប្រាប់សមត្ថកិច្ចថា នៅវេលាខាងលើក្រុមចោរ បានដើរចូលមកក្បែរទូមានរបស់គាត់ ដោយកាំភ្លើងដាក់ក្នុងអាវ ពេលចូលដល់ពួកវាបានវាយទូរបំបែក ប្រមូលផ្លាកទីនទាំងអស់ក្នុងទូ ។

ប្រភពបានបន្តថា ពេលកំពង់ធ្វើសកម្មភាព លោក អ៊ិន ធឿនហៅ ប៉ោ ជាស្មៀនឃុំជាំសង្កែ ក៏មានវត្តមាននៅទីនោះដែរ ហើយគាត់(ស្មៀនឃុំ)មានបំណងដើរចេញពីហេតុការណ៍ដែរតែក្រុមចោរបានទៅងាកឃើញគាត់ចង់រត់ ឬគិតថាចង់ថាចង់ជួយ ទើបចោរបានបាញ់សំដៅមកលើគាត់បណ្តាលឲ្យរងរបួសធ្ងន់រហូតដល់ស្លាប់បែបនេះ។

តាមអ្នកឃើញហេតុការណ៏ខ្លះបាននិយាយចោរកាន់កាំភ្លើង AKចាស់កាត់ស្វាយហើយចោរមានអាយុមិនតិចជាង៤០ឆ្នាំទេ ក្នុងសកម្មភាពបាញ់ប្លន់ពួកគេបានធ្វើឡើងដោយមិនញញើតដៃហើយមិនខ្លាច ដែលមើលហាក់មានបទពិសោធន៍ខ្លាំងណាស់។

គិតមកដល់ម៉ោង ១៤ និង៤០នាទី រសៀលថ្ងៃទី ១៩ ខែធ្នូ ឆ្នាំ២០១៥ នេះសមត្ថកិច្ចបានឡោមព័ទ្ធ កន្លែងដែលជនសង្ស័យបានផ្តួល ម៉ូតូចោល នៅភូមិចេក ឃុំអូរ ស្រុកភ្នំស្រួច ខេត្តកំពង់ស្ពឺ នៅកន្លែងគេបានឃើញមួក សុវត្តិភាពម៉ូតូ ៕ដោយ៖រដ្ឋា

រថយន្តកូរ៉ូឡាបើកបុកអ្នកជិះម៉ូតូស្លាប់ម្នាក់ និងរបួសធ្ងន់ម្នាក់

December 19, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ៖បុរសម្នាក់បោកក្បាលនិងថ្មស្លាប់ម្នាក់និងរងរបួសធ្ងន់ម្នាក់បន្ទាប់ពីត្រូវរថយន្តកូរ៉ូឡាបើកបុកត្រង់ចំនុចផ្លូវបែកជាបួនស្របនិងគ្នានោះដែររថយន្តតាក់ស៊ីបើកមកក៏បានគេចម៉ូតូគុបមូលនោះបួងចង្កូតរហូតក្រឡាប់។

ហេតុការណ៍នេះកើតនៅវេលាម៉ោង១និង៣០នាទីរំលងអាត្រាតឈានចូលថ្ងៃទី១៩ខែឆ្នូឆ្នាំ២០១៥ ចំនុចកើតហេតុតាមបណ្តោយផ្លូវលេខ៤៣២កែងនិង១៥៥ស្ថិតក្នុងសង្កាត់ទទួលទំពូង១ ខណ្ឌចំកាមន។

តាមប្រភពពត័មានពីកន្លែងកើតហេតុបានអោយដឹងថានៅមុនពេលកើតហេតុមានម៉ូតូគុបមូលសេរីចាស់មួយគ្រឿងគ្មានស្លាកលេខជិះដោយបុរស២អ្នកបើកតាមបណ្តោយផ្លូវ៤៣២ក្នុងទិសដៅពីកើតទៅលិចតែខណៈពេលមកដល់ចំនុចកើតហេតុកែងនិងផ្លូវលេខ១៥៥ក៏មានរថយន្តកូរ៉ូឡាមួយគ្រឿងពណ៌ខៀវមិនចាំស្លាកលេខបើកក្នុងទិសដៅច្រាស់គ្នាទៅបុកម៉ូតូគុបមូលនោះពេញទំហឹងបណ្តាលអោយបុរស២អ្នកនោះដួលបើកនិងថ្នល់ម្នាក់ស្លាប់នៅនិងកន្លែងនិងម្នាក់ទៀតរងរបួសធ្ងន់បន្ទាប់មករថយន្តបង្ករនោះក៏បានបត់ឆ្វេងគេចខ្លួនបាត់ទៅ តែស្របគ្នានោះដែរក៏មានរថយន្តតាក់ស៊ីម៉ែតពណ៌លឿងបើកតាមបណ្តោយផ្លូវលេខ១៥៥ក្នុងទិសដៅពីត្បូងទៅជើងដោយឃើញរថយន្តបុកម៉ូតូនៅពីមុខហើយរថយន្តកំពុងតែលឿនផងនោះក៏បានបួងចង្កូតបត់ឆ្វេងដើម្បីគេតែបែរជាក្រឡាប់ទៅវិញ។

ក្រោយពេលកើតហេតុបុរសដែលរងរបួសធ្ងន់ត្រូវបានរថយន្តសាមុយមកដឹកយកទៅមន្ទីពេទ្យ ចំនែកសពរបស់ជនរងគ្រោះសមត្ថកិច្ចបានទំនាក់ទំនងក្រុមគ្រួសារអោយមកទទួលយកសពដើម្បីយកទៅធ្វើបុណ្យតាមប្រពៃណី ចំនែករថយន្តនិងម៉ូតូសមត្ថកិច្ចជំនាញបានមក ធ្វើការវាស់វែងនិងស្ទូចយករថយន្តនិងម៉ូតូទៅការិយាល័យចរាចរណ៍ជើងគោកនៃស្នងការដ្ឋាននគបាលរាជធានីភ្នំពេញដើម្បីរងចាំការដោះស្រាយគ្នានៅពេលក្រោយ៕ដោយ៖រដ្ឋា

ទារកកើតមិនគ្រប់ខែមានគ្រឿងក្នុងនៅក្រៅខ្លួន

December 19, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

មណ្ឌលគិរី៖ មានការភ្ញាក់ផ្អើលមួយកើតឡើងដោយសាទារកមួយកើតមកហើយបែរជាគ្រឿងក្នុងនៅក្រៅដងខ្លួនទៅវិញគឺដងខ្លួនមួយកំណាត់មានជើងមួយចំហៀងនិងមានម្រាមដៃដុះតែមួយប៉ុណ្ណោះ។ហេតុការភ្ញាក់ផ្អើលនេះកើតឡើងនៅមណ្ឌុលសុខភាពអូរអាមស្រុកកែវសីម៉ាខេត្តមណ្ឌលគិរីកាលវេលាម៉ោង១៦ និង២០ល្ងាច ថ្ងៃទី១៦ ខែធ្នូ ឆ្នាំ២០១៥។
សមត្ថកិច្ចមូលដ្ឋានបានអោយដឹងថា៖ ស្ត្រីបង្កើតកូនបែបចំលែកមានឈ្មោះ ថាង ស្រីនិច អាយុ២៥ឆ្នាំ និងប្តីឈ្មោះ ជួន រតនៈ មានទីលំនៅភូមិឆ្នែងឃុំស្រែខ្ទុមស្រុកកែសីម៉ាខេត្តមណ្ឌលគិរីបានមកសំរាលកូននៅមណ្ឌុលសុខភាពអូរអាម ស្រុកកែវសីមា ខេត្តមណ្ឌលគិរី បានទារកមួយមិនគ្រប់ខែ ហើយបានប៉ុន្មាននាទីក៏ស្លាប់ទៅវិញ មិនដឹងភេទប្រុស ឬស្រីទេទារកនោះមានទម្ងន់១,៨០គីឡូក្រាម។ចំណែកស្ត្រីជាម្តាយនោះមានសុខភាពធម្មតាទេ។
គ្រូពេទ្យមណ្ឌលសុខភាពស្រុកបានអោយដឹងថា៖នេះមកពីម្តាយទារកមិនបានយកចិត្តទុក្ខដាក់និងថែរក្សាសុខភាពពេលមានផ្ទៃពោះហើយមិនបានមកពិនិត្យសុខភាពរបស់ទារកកំពុងតែពផ្ទៃទើបមានហេតុភេទចំឡែករបៀបនេះ។
គ្រូពេទ្យសំណូមពរដល់ស្ត្រីដែលមានមានផ្ទៃពោះសូមមកមន្ទីរពេទ្យដើម្បីចាក់ថ្នាំបង្ការការពារការវិវត្តន៍នៃទារករហូតដល់ពេលប្រសូតតែម្តង។រឿងហេតុទារកកើតមកមិនប្រក្រតីនេះមានពីរលើកមកហើយក្នុងស្រុកកែវសីម៉ានេះដោយលើកទីមួយទារកកើតមកហើយមានដងខ្លួនពេញលេញចំលែកត្រង់មានលលាដ៍ក្បាលពីរ៕ស.គ

ជនជាតិចិនបើករថយន្តMercedes ទាំងស្រវឹងជ្រុលបុកបង្គោលភ្លើងបាក់មួយដើម

December 19, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ៖ គ្រោះថ្នាក់ចរាចរណ៍ បង្កឡើងដោយ អ្នកបើករថយន្តទំនើបMercedes GL550 មួយគ្រឿងជាជនជាតិចិនបានបើកបរហួសល្បឿនកំនត់ក៏ រេចង្កូតជ្រុលទៅបុកបង្គោលភ្លើងយ៉ាងពេញទំហឹង បណ្តាលអោយបាក់ បង្គោលភ្លើងមួយដើម រាបដល់ដី តែសំណាងល្អ មិនបង្កគ្រោះ ថ្នាក់ដល់អ្នកដទៃ ចំណែកអ្នកនៅក្នុង រថយន្តរបួសបន្តិចបន្តួច ។

ហេតុការណ៍នេះ បានកើតឡើងកាលពី វេលាម៉ោង៣ និង២០ នាទីទៀបភ្លឺ ឈានចូលថ្ងៃទី១៩ ខែធ្នូ ឆ្នាំ២០១៥ មុខមន្ទីរពេទ្យសំរាកព្យាបាល ឈួអីុសេង តាមបណ្តោយ ផ្លូវជាតិលេខ១៩៣ កែងនិងផ្លូវលេខ ៣៦៦ ស្ថិតក្នុងសង្កាត់ទួលស្វាយព្រៃ១ ខណ្ឌ ចំការមន ។

បុរសសន្តិសុខម្នាក់ឃើញហេតុការណ៍នេះនិយាយថា មុនពេលកើតហេតុ គាត់បានឃើញរថយន្ទទំនើប Mercedes GL550មួយគ្រឿង ពណ៌ទឹកស ពាក់ ស្លាកលេខ ភ្នំពេញ 2-AJ6888 ដែលក្នុងនោះមានបុរសជនជាតិចិនបីនាក់ នៅក្នុងរថយន្ត បានបើកបរតាមបណ្តោយផ្លូវជាតិលេខ១៩៣ ក្នុងទិសដៅពីជើងទៅត្បូង ទាំងស្ថានភាព ស្រវឹង ផងនោះ ស្រាប់តែមកដល់ចំណុចផ្លូវកែងលេង ៣៦៦ រថយន្ត ក៏បួងចង្កូតបត់ទៅខាងឆ្វេងដៃ ក្នុងល្បឿនលឿន ក៏ជ្រុលទៅបុកបង្គោលភ្លើង បណ្តាលឱ្យរលើងបាក់ដល់ដី និងដាច់ខ្សែរភ្លើងរប៉ារប៉ាយ ពេញផ្លូវ ហើយចំណែករថយន្តបង្កបានរងកាខូចខាតផ្នែកខាងមុខយ៉ាងដំណំធ្វើអោយរថយន្តទៅមុខលែងរួចតែម្តង ។

ប្រភពបានបន្តទៀតថា បន្ទាប់ពីកើតហេតុភ្លាមៗ អ្នកបើករថយន្តរួមទាំងអ្នករួមដំណើរជាមួយគ្នានោះ ក៏ចុះចេញពីរថយន្តរបស់គេ គេចខ្លួនទៅបាត់ស្រមោល ។

ភ្លាមនោះសមត្ថកិច្ចមូលដ្ឋាន បានចុះមកអន្តរាគមន៍ដល់កន្លែងកើតហេតុ និងបានសហការ ជាមួយជំនាញធ្វើការវាស់វែង យករថយន្តបង្ក ទៅរក្សាទុកនៅ ការិយាល័យចរាចរណ៍ ជើងគោក រាជធានីភ្នំពេញ ដើម្បីចាត់ការទៅតាមផ្លូវច្បាប់ ៕ដោយ៖រដ្ឋា

លោកមេទ័ព ស្រី ឌឹក ៖បើថៃធ្វើរបៀប នេះទៀត កម្ពុជានឹងប្រើសិទ្ធិការពារ អធិបតេយ្យភាពរបស់ខ្លួន

December 18, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ព្រះវិហារ៖មេបញ្ជាការយោធាការពារព្រំដែនខ្មែរ-ថៃ នៅជិតតំបន់ប្រាសាទព្រះវិហារ បានជួបពិភាក្សាគ្នាកាលពីព្រឹកថ្ងៃសុក្រ ទី១៨ ខែធ្នូ ឆ្នាំ នេះ ក្នុងបំណងធានាឱ្យស្ថានភាពមិនប្រឈមមុខដាក់គ្នាបានស្ថិតក្នុងសភាពដដែលតទៅទៀត ក្រោយពេលដែលកម្លាំងកម្ពុជា-ថៃព្រមព្រៀងយកសោចាក់បិទទ្វារច្រកព្រំដែនមុខប្រាសាទព្រះវិហារឡើងវិញប្រដាប់អាវុធក្នុងរឿងជម្លោះព្រំដែនជិតប្រាសាទព្រះវិហារបានស្ងប់ស្ងាត់ជាយូរមកហើយ ។

តាមប្រភព RFA បានផ្សាយនៅថ្ងៃនេះថា ការជួបប្រជុំគ្នាជាបន្ទាន់ ធ្វើឡើងបន្ទាប់ពីមានទាហានឈុតខ្មៅ ទាហានប៉ារ៉ា ព្រមទាំងជនស៊ីវិលថៃ ខ្លះទៀត នាំគ្នាទៅកាត់ផ្ដាច់ច្រវាក់សោទ្វារដែលចាក់បិទច្រកព្រំដែន ប្រាសាទព្រះវិហារ អស់រយៈពេល ៧ឆ្នាំមកហើយនោះមក។

មេបញ្ជាការកងយោធពលខេមរភូមិន្ទនៃកងពលធំអន្តរាគមន៍លេខ៣ ដែលគ្រប់គងកម្លាំងការពារព្រំដែនខ្មែរ ជុំវិញប្រាសាទព្រះវិហារ គឺលោកឧត្ដមសេនីយ៍ឯក ស្រី ឌឹក។ លោកមានប្រសាសន៍កាលពីវេលាម៉ោង ៦ល្ងាចថ្ងៃសុក្រ ទី១៨ ខែធ្នូ ថា មេបញ្ជាការទាហានខ្មែរ-ថៃ បានយល់ព្រមជាមួយគ្នាយកសោថ្មីមកចាក់បិទទ្វារព្រំដែនប្រាសាទ ព្រះវិហារវិញហើយ តាំងតែពីព្រឹកព្រលឹមម្ល៉េះ។

លោកឧត្ដមសេនីយ៍ ស្រី ឌឹក បញ្ជាក់ថា មេបញ្ជាការយោធាខ្មែរ បានសំណូមពរទៅមេបញ្ជាការយោធាថៃ កុំឱ្យមានពលទាហានមកធ្វើសកម្មភាពកាត់ផ្ដាច់សោទ្វារព្រំដែនដោយ ឯកតោភាគីបែបនេះតទៅទៀត។

លោក ស្រី ឌឹក មិនហ៊ានប្រើពាក្យធ្ងន់ធ្ងរទៅកាន់ភាគីថៃទេ ប៉ុន្តែលោកថា ប្រសិនបើទាហានថៃ នៅធ្វើបែបនេះតទៀត ហើយបើចូលមកទឹកដីខ្មែរពេលណា គឺកងការពារព្រំដែនខ្មែរនឹងប្រើសិទ្ធិការពារអធិបតេយ្យភាព។

គួរំឭកថា នៅវេលាថ្ងៃត្រង់ ថ្ងៃទី១៧ ខែធ្នូ ឆ្នាំ២០១៥ កន្លងទៅ ទាហានឈុតខ្មៅ និងប៉ារ៉ា ព្រមទាំងមានជនស៊ីវិលថៃ ខ្លះទៀត បានបើករថយន្តជាច្រើនគ្រឿងមកឈប់នៅក្បែរច្រកទ្វារព្រំដែនប្រាសាទ ព្រះវិហារ ហើយនាំគ្នាយកកន្ត្រៃធំកាត់ផ្ដាច់ និងយកច្រវាក់ចាក់សោទ្វារព្រំដែន នៃប្រាសាទព្រះវិហារ ទៅបាត់ ដោយមិនបានប្រាប់ឱ្យកងការពារព្រំដែនខ្មែរដឹងជាមុននោះទេ។

សូមរំឭកថា ជម្លោះប្រាសាទព្រះវិហាររវាងកម្ពុជានិងថៃគឺជាចំណុចល្អក់កករនៃ ទំនាក់ទំនងរវាងប្រទេសក្បែរខាងទាំងពីរក្នុងចំណោមបញ្ហាជាច្រើន ហើយជាជម្លោះដែលធ្លាប់ឈានដល់ការប៉ះទង្គិចប្រដាប់អាវុធកាលពីឆ្នាំ ២០០៨ដល់ឆ្នាំ២០១៣។

បញ្ហាប្រសាទព្រះវិហារនេះ នៅមិនទាន់ត្រូវបានដោះស្រាយឱ្យចប់នៅឡើយទេ បើទោះបីជាតុលាការយុត្តិធម៌អន្តរជាតិទីក្រុងឡាអេកាលពីឆ្នាំ២០១៣ បានសម្រេចឱ្យភាគីថៃដកកងទ័ពរបស់ខ្លួនចេញពីតំបន់ជម្លោះនៅ ប្រសាទនេះក៏ដោយ ប៉ុន្តែភាគីថៃមិនទាន់បានអនុវត្តសាល ក្រម ដែលបានប្រកាសអស់រយៈ២ឆ្នាំមកហើយនេះ ដែលកាលណោះប្រទេសថៃ បានបញ្ជូនកងទ័ពចូលក្នុងតំបន់ប្រាសាទព្រះវិហារដែលជាអធិបតេយ្យភាព របស់កម្ពុជាហើយទាមទារកាន់កាប់ប្រាសាទបូរាណមួយនេះ ហើយកាលពីថ្ងៃទី១៧ធ្នូម្សិលមិញ មុនដំណើរទស្សនៈកិច្ចមួយថ្ងៃរបស់លោកនាយករដ្ឋមន្ត្រីហ៊ុន សែនទៅកាន់ប្រទេសថៃ ទាហានថៃបានចូលទៅកាត់សោច្រកទ្វារចូលមកប្រសាទព្រះវិហារថែមទៀតផង ដែលរឿងនេះបានធ្វើឱ្យមានប្រតិកម្មភ្លាមៗពីខាងភាគីខ្មែរ។

បើទោះបីជាយ៉ាងនេះក្តី ក៏តាមរបៀបវារៈនៃដំណើរទស្សនៈកិច្ចរបស់ប្រមុខដឹកនាំរាជរដ្ឋាភិបាលខ្មែរលើកនេះ គ្មានបញ្ហាព្រំដែននោះឡើយ។ នៅក្នុងនោះ សេចក្តីថ្លែងការណ៍រួមនៃកិច្ចប្រជុំគណៈរដ្ឋមន្ត្រីចំរុះលើកទី២ គឺអនុស្សារណៈស្តីពីការអភិវឌ្ឍន៍ច្រកទ្វារអន្តរជាតិស្ទឹងបត់-ណងអៀន អនុស្សារណៈស្តីពីវិស័យការងារ កិច្ចព្រមព្រៀងស្តីពីការប្រើប្រាស់កម្លាំងពលករ និងកិច្ចព្រមព្រៀងសហប្រតិបត្តិការរវាងក្រុមធុរៈកិច្ចរវាងប្រទេសទាំងពីរប៉ុណ្ណោះ៕ដោយ៖បូរ៉ាស៊ី

ផែនទីតំបន់ជម្លោះខ្មែរ-ថៃ នៅប្រាសាទព្រះវិហារ RFA

សត្វព្រៃ១៨ប្រភេទកំពុងរងគ្រោះថ្នាក់យ៉ាងខ្លាំង ដែលតម្រូវឲ្យគ្រប់គ្នាចូលរួមអភិរក្ស

December 18, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

មណ្ឌលគិរី៖តំណាង អង្គការ WWFកម្ពុជា លោក មូល ផាត បានមាន ប្រសាសន៍ថា ខេត្ត មណ្ឌលគិរី ជាតំបន់ អាទិភាព ក្នុងការ អភិរក្សសត្វ ដែលកំពុង រងគ្រោះ ថ្នាក់ទាំង១៨ ប្រភេទ ដូចជា ដំរីព្រៃ ទន្សោង ខ្ទីង ល្មូន បក្សី និងសត្វ ទោចជាដើម។

មណ្ឌលគិរី ជាតំបន់ដែលសំបូរទៅដោយព្រៃ ស្រោង និងពាក់ កណ្តាលស្រោង ជាពិសេស ជាតំបន់ សំខាន់ បំផុត សម្រាប់ ជីវៈចម្រុះ ក្នុងចំណោម តំបន់ ទាំង ២០០ កន្លែង នៅទូទាំង ពិភពលោក។

លោក មូល ផាត បានមានប្រសាសន៍បែបនេះ ក្នុង “ទិវាសត្វព្រៃមណ្ឌលគិរី និងយើងទាំងអស់ គ្នា” ដែលធ្វើឡើងជាលើកដំបូង នៅរង្វង់មូល គោព្រៃ ក្រុងសែនមនោរម្យ កាលពីរសៀលថ្ងៃទី ១៧ ខែធ្នូនេះ ដោយមានមនុស្សចូលរួមយ៉ាង ច្រើនកុះករ។

លោកតំណាងអង្កការWWF បានបន្តថា តំបន់ព្រៃស្រោងនិងព្រៃ ល្បោះក្នុងខេត្តមណ្ឌលគិរី ជាទីជម្រកដ៏សំខាន់របស់សត្វព្រៃ ដូចជា សត្វទន្សោង ខ្ទីង ប្រើស ត្មាត ឈ្លូស ខ្លា និងសត្វផ្សេងៗទៀត។ សត្វត្រយ៉ងចង្កំ-ក-ស និងសត្វត្មាត បានផុតពូជហើយនៅប្រទេសជិខាង ដូចជាវៀតណាម និងឡាវ ហើយបច្ចុប្បន្ននៅកម្ពុជា សត្វទាំងនេះ កំពុងរងគ្រោះថ្នាក់ខ្លាំងបំផុត។

ដូច្នេះលោកបានអំពានាវដល់បងប្អូនទាំងអស់ អាជ្ញាធរដែនដី និងស្ថប័នជំនាញ គ្រប់លំដាប់ថ្នាក់ មេត្តាចូលរួមថែរក្សា និងការពារធនធានធម្មជាតិ និងបន្តការគាំទ្រចំពោះ ការទប់ស្កាត់ សកម្មភាព ជួញដូរសាច់ សត្វព្រៃគ្រប់ប្រភេទ និងការទប់ស្កាត់ ការកាប់ទន្ទ្រានដីព្រៃធ្វើជាកម្មសិទ្ធឯកជន ដែលបង្កឲ្យប៉ះពាល់ដល់ទីជម្រកសត្វ៕ដោយ៖សុខណាត

ប៉ូលិសបង្ហាញមុខជនជាប់ចោទលួចរថយន្តនៅក្រុងសែនមនោរម្យ

December 18, 2015ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

មណ្ឌលគិរី៖កម្លាំងនគរបាលខេត្តមណ្ឌលគិរីបានឃាត់ខ្លួនជនសង្ស័យ២នាក់ដោយជាប់ចោទករណីលួចរថយន្តនៅក្នុងមន្ទីរបរិស្ថានខេត្តមណ្ឌលគិរីកាលពីថ្ងៃទី១៣ ខែធ្នូ ឆ្នាំ២០១៥ កន្លងទៅ។
ការឃាត់បានធ្វើឡើងកាលពីល្ងាចថ្ងៃទី១៦ ខែធ្នូ ឆ្នាំ ២០១៥នៅក្នុងក្រុងសែនមនោរម្យ លុះដល់ថ្ងៃទី១៧ខែធ្នូ ២០១៥ ទើបសមត្ថកិច្ចនគរបាលខេត្តបង្ហាញមុខជនត្រូវចោទជាសាធារណៈ។
លោក តូច យ៉ុន ស្នងការខេត្តមណ្ឌលគិរីនា រសៀលនេះ លោកបានប្រាប់ថា បន្ទាប់ពីមានសេចក្តីរាយការណ៍ពីខាងមន្ទីរបរិស្ថានខេត្តថាមានករណីក្រុមចោរចូលលួចរថយន្តបាត់មួយគ្រឿងម៉ាក កាមរី ស្វិត
កាលពីថ្ងៃទី១៣ ធ្នូ ២០១៥ ភ្លាមនោះលោកបានចាត់ចែងកម្លាំងនគរបាលខេត្ត ក្រុងស្រាវជ្រាវដើម្បីកំណត់មុខសញ្ញារហូតដល់ថ្ងៃទី១៦ ធ្នូ ឆ្នាំ២០១៥សមត្ថកិច្ចក៏បានធ្វើការឃាត់ខ្លួនជនសង្ស័យចំនួន០២នាក់នៅក្នុងក្រុងសែនមនោរម្យ ខេត្តមណ្ឌលគិរី និងធ្វើការបញ្ជូនខ្លួនជនសង្ស័យខាងលើ ទៅកាន់ការិយាល័យព្រហ្មទ័ណ្ឌកម្រិតស្រាល ដើម្បីធ្វើការសាកសួរ។
លោកវរសេនីយ៍ឯក ស៊ុម សោភ័ណ្ណ នាយការិយាល័យព្រហ្មទ័ណ្ឌកម្រិតស្រាល នៃស្នងការដ្ឋាននគរបាលខេត្តនៅរសៀលថ្ងៃនេះលោកបានប្រាប់ថាជនសង្ស័យ២នាក់ដែលជាប់ចោទករណីលួចរថយន្តនៅក្នុងមន្ទីរបរិស្ថានខេត្តមណ្ឌលគិរីទី១ ឈ្មោះ កែវ សុវណ្ណារ៉ា ភេទប្រុស អាយុ២៥ឆ្នាំជនជាតិខ្មែរមានទីលំនៅភូមិដោះក្រមុំ សង្កាត់សុខដុម ក្រុងសែនមនោរម្យខេត្តមណ្ឌលគិរីនិងទី២ឈ្មោះ យន់ សុធាភេទប្រុស អាយុ២៩ឆ្នាំជនជាតិខ្មែរបច្ចុប្បន្នរស់នៅភូមិឃុំខាងលើជាមួយគ្នា។តាមចម្លើយជនសង្ស័យទី១ឈ្មោះកែវ សុវណ្ណារ៉ា នៅចំពោះមុខសមត្ថកិច្ចបានសារភាពថាបានជាខ្លួនចូលលូចរថយន្តនេះព្រោះឈ្មោះ យន់ សុធា ដែលជាជនសង្ស័យទី២សន្យាអោយប្រាក់គេចំនួន៥០០$។ តែចំណែកជនសង្ស័យទី២ យន់ សុធា បានឆ្លើយថាអត់បានស្គាល់ជនសង្ស័យទីមួយទេហើយក៏ពុំដែលស្គាល់គ្នាដែរពីមុនមកតែទោះបីយ៉ាងណា
លោកនាយការិយាល័យល័យព្រហ្មទ័ណ្ឌកម្រិតស្រាលកំពុងសាកសួរបន្តតាមនិតិវិធីនិងរៀបចំសំណុំរឿងបញ្ជូនទៅកាន់សាលាដំបូងខេត្តចាត់តាមច្បាប់៕ស.ន

ចិនកោះហៅទូតអាមេរិកមកតវ៉ារឿង លក់គ្រឿងសព្វាវុធទៅឲ្យកោះតៃវ៉ាន់

December 18, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

ប៉េកាំង៖រដ្ឋាភិបាលក្រុងប៉េកាំងបានកោះហៅមន្ត្រីទូតអាមេរិកប្រចាំទីក្រុងប៉េកាំងមកជួបដើម្បីធ្វើការតវ៉ាជាផ្លូវការចំពោះសេចក្តីសម្រេចលក់អាវុធទៅឲ្យតៃវ៉ាន់។ ចិនបានទាមទារឲ្យអាមេរិកលុបចោលវិញនូវកិច្ចសន្យាលក់គ្រឿងសព្វាវុធ នេះ ដោយបានព្រមានថា នឹងដាក់ទណ្ឌកម្មដល់ក្រុមហ៊ុនណាដែលពាក់ព័ន្ធនឹងកិច្ចសន្យានេះ។
កិច្ចសន្យា លក់គ្រឿងសព្វាវុធ ទៅឲ្យតៃវ៉ាន់ ដែលមានតម្លៃជាទឹកប្រាក់សរុបរហូតដល់ទៅជិត ២ពាន់លានដុល្លារ ហើយក្នុងនោះក៏មាននាវាចម្បាំងដ៏ទំនើបចំនួន ២គ្រឿងផងដែរ ត្រូវបានរដ្ឋាភិបាលអាមេរិកបញ្ជូនទៅសុំភ្លើងខៀវពីសភាកាលពីថ្ងៃពុធ ។ ទោះជាយ៉ាងក៏ដោយគេរំពឹងថា សភានឹងអនុម័តចំពោះគម្រោងលក់គ្រឿងសព្វាវុធនេះ ព្រោះបច្ចុប្បន្ននេះ សភាអាមេរិកស្ថិតក្រោមការគ្រប់គ្រងរបស់គណបក្សសាធារណរដ្ឋ ដែលជាទូទៅគាំទ្រការលក់គ្រឿងសព្វាវុធទៅឲ្យតៃវ៉ាន់ស្រាប់ទៅហើយ។
ក្រោយពីទទួលដំណឹងនេះ ចិនបានបញ្ចេញប្រតិកម្មតបវិញភ្លាមៗ ដោយបានកោះហៅមន្ត្រីទូតអាមេរិកឲ្យទៅជួប ដើម្បីធ្វើការតវ៉ា ហើយបានប្រាប់ទៅរដ្ឋាភិបាលអាមេរិកថា ការលក់គ្រឿងសព្វាវុធទៅឲ្យកោះតៃវ៉ាន់នេះ គឺជាការរំលោភយ៉ាងធ្ងន់ធ្ងរលើច្បាប់អន្តរជាតិ លើវិធាននៃទំនាក់ទំនងអន្តរជាតិ និងជាពិសេស គឺជាការបំពានទៅលើអធិបតេយ្យភាព និងសន្តិសុខជាតិរបស់ចិន៕

បុរសម្នាក់ប្រឈមនឹងជាប់គុក៣៧ឆ្នាំ ដោយសារមើលងាយឆ្កែសំណព្វស្តេចថៃ

December 18, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

បាងកក៖កម្មកររោងចក្រម្នាក់ត្រូវបានអាជ្ញាធរថៃចាប់ខ្លួន និងបញ្ជូនទៅកាន់តុលាការ បន្ទាប់ពីបានប្រើពាក្យមិនសមរម្យចំពោះសត្វឆ្កែសំណព្វចិត្តរបស់ស្ដេចថៃ តាមរយៈបណ្ដាញសង្គម Facebook។ នេះបើយោងតាមការចេញផ្សាយរបស់សារព័ត៌មាន The Telegraph ។
បុរសរូបនេះឈ្មោះ Thanakorn Siripaiboon វ័យ២៧ឆ្នាំ មុខរបរជាជាងម៉ាស៊ីនអាចប្រឈមមុខនឹងការជាប់គុក៣៧ឆ្នាំ ក្រោយពីបាន «ប្រើពាក្យបណ្ដុះបណ្អាប់» ទៅលើសត្វឆ្កែមួយក្បាលដែលមានឈ្មោះថា Thong Daeng ដែលជាសត្វចញ្ចឹមសំណព្វចិត្តរបស់ស្ដេចថៃ Bhumibol Adulyadej។ បន្ថែមលើនេះ លោក Thanakorn ត្រូវបានតុលាការថៃចោទថា បានព្រមាថដល់រាជវង្សស្ដេច ជាពិសេសគឺព្រះមហាក្សត្រថៃ Bhumibol Adulyadej ព្រោះលោក Thanakorn បានមើលងាយសត្វសំណព្វចិត្តរបស់ស្ដេច ស្មើនឹងមើលងាយដល់ស្ដេចដែរ។
គួរបញ្ជាក់ថា នៅក្នុងប្រទេសថៃ គ្មាននរណាម្នាក់អាចរិះគន់ដល់គ្រួសាររាជវង្សស្ដេចបានឡើយ មិនត្រឹមតែមិនគោរពនោះទេ គឺថែមទាំងមានទោសទៀតផង៕

Chelsea បណ្តេញលោក Jose Mourinho ចេញពីក្លិប

December 18, 2015កីឡាមេគង្គ ប៉ុស្តិ៍

បាល់ទាត់៖លោក Jose Mourinho ត្រូវបានគេរាយការណ៍ថា ត្រូវក្លិបតោខៀវ Chelsea បណ្តេញចេញពីតំណែង ក្រោយពីមានការប្រជុំបន្ទាន់មួយជាមួយប្រធានក្លិបសេដ្ឋីរុស្សី លោក Roman Abramovich។ ការបញ្ចប់តួនាទីរបស់លោកនេះ គឺដោយសារដឹកនាំក្លឹបឲ្យធ្លាក់ដល់លេខរៀងទី១៦ មាន១៥ពិន្ទុក្នុង១៦ប្រកួត ស្ថិតនៅបាតតារាង។
តាមប្រភពព័ត៌មានជាច្រើនបានរាយការណ៍ថា បន្ទាប់បណ្តេញលោកលោក Jose Mourinhoចេញពីតំណែង ខណៈនេះក្លិបតោខៀវ Chelsea កំពុងតែទាក់ទងអតីតគ្រូបង្វឹកក្លឹប Tottenham គឺលោក Juande Ramos ដើម្បីមកជំនួសតំណែងលោក Jose Mourinho ។ ទន្ទឹមនោះទីភ្នាក់ងាររបស់លោក Juande Ramos បានធ្វើដំណើរទៅកាន់ទីក្រុងឡុង ដើម្បីពិភាក្សាពីការដោះដូរនេះ៕

រុស្ស៊ី-អាមេរិកនៅតែខ្វែងគំនិតគ្នាចំពោះដំណោះស្រាយនៅស៊ីរី

December 17, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

ម៉ូស្គូ៖អ្នកនាំពាក្យក្រសួងការបរទេសរុស្ស៊ីលោកស្រី Maria Zakharova បានថ្លែងថា រដ្ឋាភិបាលក្រុងមូស្គូ និងវាស៊ីនតោននៅតែគំនិតផ្ទុយគ្នាជាច្រើនទាក់ទងនឹងការស្វែងរកដំណោះស្រាយវិបត្តិនៅក្នុងប្រទេស ស៊ីរី។ នេះបើយោងតាមសារព័ត៌មាន Reuters។
លោកស្រី Zakharova បានបន្ថែមថា រដ្ឋមន្ត្រីការបរទេស រុស្ស៊ី លោក Sergei Lavrov គ្រោងនឹងចូលរួមក្នុងកិច្ចប្រជុំអន្តរជាតិនៅក្នុងទីក្រុង ញ៉ូវយកនៅថ្ងៃសុក្រខាងមុខ ទាក់ទងនឹងការដំណោះស្រាយវិបត្តិនៅស៊ីរី។
គួរបញ្ជាក់ថា រដ្ឋមន្ត្រីការបរទេសអាមេរិក និងរុស្ស៊ី កាលពីថ្ងៃទី១៥ ខែធ្នូកន្លងទៅនេះបានជួបប្រជុំពិភាក្សាគ្នាដើម្បីស្វែងរកសន្តិភាពដល់ប្រទេសស៊ីរី ដែលកំពុងមានសង្គ្រាមរ៉ាំរៃ និងស្ថិតក្រោមការគំរាមកំហែងពីសំណាក់ក្រុមឧទ្ទាមរដ្ឋឥស្លាម ISIS៕

Obama cancels meeting with Putin…epa03815725 (FILE) A file picture dated 17 June 2013 shows Russian President Vladimir Putin (R) and US President Barack Obama (L) during bilateral talks on the first day of the G8 summit at Lough Erne in Northern Ireland, Britain. According to reports, US President Obama has cancelled a planned meeting with Russian President Putin, after Russia granted asylum to US whistleblower Edward Snowden. EPA/ALEXEI NIKOLSKY/RIA NOVOSTI/KREM MANDATORY CREDIT

ក្លិបធំ៣នៅ Premier League កំពុងប្រជែងគ្នាទិញ Bojan

December 17, 2015កីឡាមេគង្គ ប៉ុស្តិ៍

បាល់ទាត់៖ក្លិបធំៗចំនួន៣នៅក្នុងក្របខ័ណ្ឌ Premier League គឺក្លិបបិសាចក្រហម Man United ក្លិបហង្សក្រហម Liverpool និង តោខៀវ Chelsea កំពុងតែប្រជែងគ្នាដើម្បីទិញយក ខ្សែប្រយុទ្ធដ៏ឆ្នើមរបស់ Stoke City កីឡាករ Bojan krkic។
ខ្សែប្រយុទ្ធ សញ្ជាតិអេស្ប៉ាញវ័យ២៥ឆ្នាំរូបនេះ បាននិយាយថា ការបង្ហាញខ្លួននៅ រដូវកាលនេះ ក្នុងក្របខ័ណ្ឌ Premier League បាន១២លើកនិងស៊ុតបញ្ចូលទីបាន ៣គ្រាប់ហើយត្រូវអវត្តមានយ៉ាងយូរដោយសារបញ្ហារបួសជ្គង់ ។
លោក Mark Hughes អ្នកចាត់ការទូរទៅរបស់ក្លិប Stoke City បាននិយាយថា Bojan បានផ្លាស់ពីក្លិប Barcelona កាលពីឆ្នាំ២០១៤ក្នុងតម្លៃខ្លួន១,៨លានផោនប៉ុណ្ណោះ លើកុងត្រារយៈពេល ៤ឆ្នាំ បើសិនជាមានការលក់ Bojan មែននោះ តម្លៃខ្លួនរបស់គេអាចដល់ ១៥លានផោន ។
គួរបញ្ជាក់ដែរថា Bojan krkic ជាកីឡាករត្រាច់ចរលេងឲ្យក្លិបជាច្រើនក្រោយចាកចេញពី Barcelona រួមមាន Roma, AC Milan, Ajax និងបច្ចុប្បន្នកំពុងប្រកបអាជីពជាមួយ Stoke City៕

បារាំងចាប់ផ្តើមបាញ់មីស៊ីលចម្ងាយឆ្ងាយលើកដំបូងប្រឆាំងISIS

December 17, 2015ព័ត៌មានថ្មីចុងក្រោយ, ព័ត៌មានអន្តរជាតិមេគង្គ ប៉ុស្តិ៍

ប៉ារីស៖រដ្ឋមន្ត្រីការពារជាតិបារាំងបានលើកឡើងថា យោធារបស់ខ្លួនបានផ្តើមប្រើប្រាស់គ្រាប់មីស៊ីល ចម្ងាយឆ្ងាយជាលើកដំបូងក្នុងប្រយុទ្ធប្រឆាំងពួកឧទ្ទាម ISIS នៅភាគខាងលិចក្នុងប្រទេសអ៊ីរ៉ាក់។ នេះយោងតាមការផ្សាយរបស់សារព័ត៌មាន ចិនស៊ិនហួ។
រដ្ឋមន្ត្រីរូបនេះបានលើកឡើងក្នុងសេចក្តីថ្លែងការណ៍ថា យន្តហោះចម្បាំងរបស់ប្រទេស បារាំងសម្រាប់ទម្លាក់គ្រាប់បែក និងបាញ់គ្រាប់មីស៊ីលចំនួន ១០គ្រឿងដែលមានមូលដ្ឋាននៅសហភាពអារ៉ាប់រួម និងហ្ស៊កដានី បានចេញប្រតិបត្តិការវាយប្រហារកាលពីថ្ងៃអង្គារកន្លងទៅនេះ។ ប្រភពដដែលបានបន្ថែមថា ការវាយប្រហារតាមដែនអាកាសនេះមានគោលដៅវាយប្រហារនៅទីបញ្ជាការ និងទីតាំងហ្វឹកហាត់របស់ពួកឧទ្ទាម ដែលស្ថិតនៅក្នុងតំបន់ Al Qaim ភាគខាងលិចប្រទេស អ៊ីរ៉ាក់។
គួរបញ្ជាក់ថា បន្ទាប់ពីមានហេតុការណ៍វាយប្រហារទៅនៅទីក្រុងប៉ារីសកាលពីខែវិច្ឆិកាកន្លងទៅនេះ រដ្ឋាភិបាលបារាំងប្តេជ្ញាថា នឹងបង្កើនយុទ្ធនាការយោធាដើម្បីបង្ក្រាបបណ្តាញភេរវករ៕

Juventus គ្រោងទិញយក Oscar ពី Chelsea នៅខែក្រោយនេះ

December 17, 2015កីឡាមេគង្គ ប៉ុស្តិ៍

បាល់ទាត់៖ក្លិបសេះបង្កង់ Juventus ត្រូវបានសារព័ត៌មានរាយការណ៍ថា គ្រោងចំណាយលុយប្រមាណ ២៩លានផោន ដើម្បីទិញយកខ្សែបម្រើរបស់ក្លិបតោខៀវ Chelsea កីឡាករ Oscar នៅរដូវកាលដោះដូរកីឡាករបើកឡើងវិញនាខែមករាខាងមុខនេះ ។
កីឡាករ សញ្ជាតិប្រេស៊ីល វ័យ២៤ឆ្នាំរូបនេះត្រូវបានគេមើលឃើញថាអាចនឹងចាកចេញពីក្លិបតោខៀវ Chelsea បន្ទាប់ពីរូបគេមិនសូវជាបានជាប់ជម្រើស១១នាក់ដំបូងរបស់លោក គ្រូបង្វឹក Jose Mourinho ចាប់តាំងពីបើករដូវកាលមកម្ល៉េះ ម្យ៉ាងក្លិបមួយនេះក៏កំពុងតែស្ថិតនៅស្ថានភាពដុនដាបយ៉ាងខ្លាំងដោយនៅ ពីលើក្លិបដែលត្រូវគេកាត់ចោលត្រឹមតែមួយពិន្ទុប៉ុណ្ណោះក្នុងតារាង ចំណាត់ថ្នាក់ក្របខ័ណ្ឌ English Premier League ។
យោងតាម ការចុះផ្សាយរបស់គេហទំព័រ Fichajes.net បានឲ្យដឹងថា ក្លិបសេះបង្កង់ Juventus កំពុងតែព្យាយាមទំនាក់ទំនងជាមួយនឹងក្លិបតោខៀវ Chelsea លើកិច្ចព្រមព្រៀងនាំយកកីឡាករ Oscar មកកាន់ទឹកដីនៃប្រទេសអ៊ីតាលីឲ្យទាន់ពេលវេលានៅសប្ដាហ៍នេះ បន្ទាប់ពីក្លិបមួយនេះកំពុងតែត្រូវការកីឡាករបន្ថែមដើម្បីមកពង្រឹង ទាំងក្នុងក្របខ័ណ្ឌ Italy Serie A ក៏ដូចជាក្នុងពានរង្វាន់ UEFA Champions League ។
គួរបញ្ជាក់ថា កីឡាករ Oscar ត្រូវបានក្លិបតោខៀវ Chelsea ទិញយកមកពីក្លិបនៅប្រទេសប្រស៊ីល Internacional ក្នុងតម្លៃពលកម្មចំនួន ១៩.៥លានផោនកាលពីឆ្នាំ២០១២ ៕

កម្ពុជាធ្វើជាម្ចាស់ផ្ទះការប្រកួតកីឡាប៉េតង់ជើងឯកអាស៊ីលើកទី១៩

December 17, 2015កីឡាមេគង្គ ប៉ុស្តិ៍

រាជធានីភ្នំពេញ៖ព្រឹត្តិការណ៍នៃការប្រកួតកីឡាប៉េតង់ (ប៊ូល) ជើងឯកអាស៊ី លើកទី១៩ ឆ្នាំ២០១៥ ដែលមានកម្ពុជាធ្វើម្ចាស់ផ្ទះ ត្រូវបានបើកការប្រកួតជាផ្លូវការ ក្រោមអធិបតីភាពឧបនាយករដ្ឋមន្ត្រី សុខ អាន ប្រធានសហព័ន្ធកីឡាប៉េតង់កម្ពុជា។ ពិធីបើកសម្ពោធព្រឹត្តិការណ៍ខាងលើនេះ ត្រូវបានធ្វើឡើងនាព្រឹកមិញក្នុងបរិវេណពហុកីឡដ្ឋានជាតិអូឡាំពិក ។
គួរបញ្ជាក់ថា មានក្រុមអត្តពលិកមកពី១០ប្រទេស ដែលត្រូវប្រកួតប្រជែងគ្នានៅក្នុងពហុកីឡដ្ឋានជាតិតែមួយគត់ ក្នុងនោះមាន ថៃ ម៉ាឡេស៊ី ប្រ៊ុយណេ តៃប៉ិ ឥណ្ឌូណេស៊ី សិង្ហបុរី ជប៉ុន ឥណ្ឌា ឡាវ និងវៀតណាម ដោយកម្ពុជា ក៏បានត្រៀមកីឡាករ-កីឡាការិនីចំនួន២៤រូប រួចមកហើយទៅលើប្រភេទវិញ្ញាសាយុវជន វាយទោលបុរស-នារី និងវាយជាក្រុមបុរស-នារី ៕