រាជធានីភ្នំពេញ៖អំពើហិង្សាក្នុងគ្រួសារមួយបានកើតឡើងប្រពន្ធបានយកកាំបិតចាក់ប្តីមួយកាំបិតចំត្រង់ដោះខាងឆ្វេងរងរបួសធ្ងន់ត្រូវបានគេបញ្ជូនទៅមន្ទីរពេទ្យ ចំណែកប្រពន្ធដែលជាជនដៃដលបានរត់គេចខ្លួនបាត់។ ហេតុការណ៍នេះកើតឡើងនាយប់ថ្ងៃទី៧ ខែមិថុនា ឆ្នាំ២០១៦នេះ ស្ថិតនៅភូមិព្រៃព្រីងខាងជើង សង្កាត់ចោមចៅ ខណ្ឌពោធិ៍សែនជ័យ។
តាមសមត្ថកិច្ចមូលដ្ឋានបាននិយាយថា ជនរងគ្រោះឈ្មោះ ច្រេង សុភា អាយុ៣៦ឆ្នាំ រីឯប្រពន្ធមិនទាន់អត្តសញ្ញាណនៅឡើយទេ ហើយបានរត់គេចខ្លួនបាត់ ហើយប្តីត្រូវបានក្រុម៧១១ របស់កងពលលេខ៧០ ចុះទៅជួយអន្តរាគមន៍ ដឹកយកទៅសង្គ្រោះភ្លាមៗផងដែរ។
ប្រភពដដែលបញ្ជាក់ថា មុនពេលកើតហេតុ ជនរងគ្រោះជាអ្នករត់ម៉ូតូឌុប ហើយរាល់ដងតែងតែចូលផ្ទះ នៅយប់ជ្រៅ តែថ្ងៃនេះចូលផ្ទះពីក្បាលព្រលប់ ស្រាប់តែមកដល់ផ្ទះមិនឃើញមានបាយសម្ល ទើបនាំឲ្យកើតជម្លោះ រហូតវាយតប់គ្នា។ ពេលកំពុងឈ្លោះប្រកែកគ្នា និងវាយគ្នានោះ ស្រាប់ប្រពន្ធ បានយកកាំបិតចុងស្រួចចាក់ចំដោះ ប្តីខាងឆ្វេង បណ្តាលហូរឈាម យ៉ាងខ្លាំងតែម្តង៕
រាជធានីភ្នំពេញ៖យោងតាមគេហទំព័រអគ្គស្នងការនគរបាលជាតិបានចុះផ្សាយថា មនុស្ស៣៧នាក់ ត្រូវបានកម្លាំងនគរបាលឃាត់ខ្លួន ពាក់ព័ន្ធនឹងករណីជួញដូរ រក្សាទុក និងប្រើប្រាស់គ្រឿងញៀន ទូទាំងប្រទេសថ្ងៃទី៧ ខែមិថុនាម្សិលមិញ។
ប្រភពបញ្ជាក់ថា នៅថ្ងៃទី០៧ ខែមិថុនា ឆ្នាំ២០១៦ (គិតត្រឹមម៉ោង១៦ល្ងាច) កម្លាំននគរបាលបង្ក្រាបបទល្មើសជួញដូរ /រក្សាទុក និងប្រើប្រាស់១៧ករណី ឃាត់មនុស្ស៣៧នាក់ (ស្រី៧នាក់) ក្នុងនោះមុខសញ្ញាជួញដូរ២៣នាក់ និងមុខសញ្ញាប្រើប្រាស់១៤នាក់ ដោយដកហូតបានថ្នាំញៀន មេតំហ្វេតាមីន (ice) ចំនួន៥៣៦.៨៣ក្រាម, ៤កញ្ចប់ធំ, ៤៤កញ្ចប់តូច និង មេតំហ្វេតាមីន (wy)ចំនួន ១.៤៨ក្រាម។
នៅថ្ងៃម្សិលមិញកម្លាំងនគរបាលបង្ក្រាបរួមមាន៖ មន្ទីរប្រឆាំងគ្រឿងញៀនបង្ក្រាបបាន១ករណី ឃាត់ខ្លួនម្នាក់, រាជធានីភ្នំពេញ បង្រា្កប២ករណី ឃាត់ខ្លួន៤នាក់, កណ្ដាល បង្ក្រាប៣ករណី ឃាត់ខ្លួន៥នាក់, តាកែវបង្ក្រាប២ករណី ឃាត់ខ្លួន៨នាក់, ពោធិ៍សាត់បង្ក្រាប២ករណីឃាត់ខ្លួន៩នាក់, បាត់ដំបងបង្ក្រាប៣ករណី ឃាត់ខ្លួន៣នាក់, បន្ទាយមានជ័យ បង្ក្រាប១ករណី ឃាត់ខ្លួន៣នាក់, កំពង់ឆ្នាំង បង្ក្រាប១ករណី ឃាត់ខ្លួនម្នាក់, ព្រៃវែងបង្ក្រាប១ករណី ឃាត់ខ្លួន២នាក់ និងក្រចេះបង្ក្រាប១ករណី ឃាត់ខ្លួនម្នាក់៕
ខេត្តរតនគិរី៖ក្រុមចោរប្រដាប់អាវុធបានធ្វើសកម្មភាពបាញ់ប្លន់យកទ្រព្យសម្បត្តិរបស់ប្រជាពលរដ្ឋអស់មួយចំនួនរត់គេចបាត់ដោយសុវត្តិភាព។ ហេតុការណ៍នេះកើតឡើងនៅវេលាម៉ោង៩ និង៥០នាទីយប់ថ្ងៃទី០៧ ខែមិថុនា ឆ្នាំ២០១៦នៅចំណុចភូមិអូរទទឹង ឃុំឡាបាំង១ ស្រុកលំផាត់ ខេត្តរតនគីរី។
បើតាមប្រភពព័ត៌មានពីកន្លែងកើតហេតុបានអោយដឹងថា ក្រុមចោរមួយក្រុមមានគ្នាចំនួន៤នាក់ប្រដាប់ដោយកាំភ្លើងវែង និងខ្លីបានចូលមកប្លន់យកលុយអស់ជាង២ពាន់ដុល្លារ និងទ្រព្យសម្បតិមួយចំនួនទៀត ថែមទាំងបាញ់ម្ចាស់ផ្ទះឈ្មោះ បូរិន អាយុ២៧ឆ្នាំ១គ្រាប់ធ្លាយឆ្អឹងជំនីពីម្ខាងទៅម្ខាងរងរបួសធ្ងន់។ក្រោយពីធ្វើសកម្មភាព ហើយក្រុមចោរបានយកលុយ និងទ្រព្យសម្បត្តិរត់គេចបាត់ដោយសុវត្តិភាព។ចំណែកជនរងគ្រោះត្រូវបានសាច់ញាតិដឹកយកទៅសង្គ្រោះបន្ទាន់នៅមន្ទីរពេទ្យបង្អែកខេត្ត ហើយបើតាមសាច់ញាតិជនរងគ្រោះបានអោយដឹងថាគេនិងបញ្ជូនជនរងគ្រោះទៅសង្គ្រោះនៅប្រទេសវៀតណាមទាំងយប់ផងដែរ។
ក្រោយពីកើតហេតុសមត្តកិច្ចគ្រប់ស្ថាប័នបានចុះទៅដល់កន្លែងកើតហេតុទាំងយប់ដើម្បីធ្វើកំណត់ហេតុនិងតាមចាប់ក្រុមចោរទាំងនេះយកប្ដន្ទាទោសតាមច្បាប់។ប៉ន្តែសមត្តកិច្ចមិនទាន់បញ្ជាក់ពីមុខសញ្ញាប្លន់នេះនៅឡើយទេ ព្រមទាំងទ្រព្យសម្បត្តិដែលក្រុមចោរប្លន់យកទៅបាត់នោះក៍មិនទាន់ដឹងចំនួនពិតប្រាកដនៅឡើយដែរ សមត្តកិច្ចនិងធ្វើការនេះបន្តទៀត។
សូមបញ្ជាក់ថា ភូមិទទឹងនេះនៅតាមបណ្ដោយផ្លូវជាតិលេខ៧៦ពីទីរួមខេត្តទៅស្រុកលំផាត់គឺជាភូមិដាច់ស្រយាលពីស្រុកលំផាត់ទើបជាឳកាសល្អរបស់លោកចោរទាំងនេះ៕
រាជធានីភ្នំពេញ៖នៅថ្ងៃទី៧ ខែមិថុនា ឆ្នាំ២០១៦ម្សិលមិញនេះ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន៩លើក (យប់៦លើក) បណ្តាលឲ្យមនុស្សស្លាប់៥នាក់ រងរបួសធ្ងន់៩នាក់និងរបួសស្រាលម្នាក់។ នេះបើតាមការចុះផ្សាយរបស់គេហទំព័រ អគ្គស្នងការនគរបាលជាតិ។
ប្រភពដដែលបន្តថា នៅក្នុងហេតុការណ៍គ្រោះថ្នាក់ចរាចរណ៍៩លើកនេះ បណ្តាលឲ្យខូចខាតយានយន្ត សរុបចំនួន១៥គ្រឿង រួមមានម៉ូតូចំនួន៨គ្រឿង, រថយន្តធុនតូច៥, រថយន្តធុនធំ២គ្រឿង។ ប្រភពបញ្ជាក់ថា មូលហេតុដែលបណ្តាលឲ្យកើត មានករណីគ្រោះថ្នាក់ចរាចរណ៍ រួមមានល្មើសល្បឿន៤លើក, មិនគោរពសិទ្ធិ២លើក, មិនប្រកាន់ស្តាំ៣លើក។ ក្នុងនោះអ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍ ៩នាក់។
ជាមួយគ្នានោះលទ្ធផលត្រួតពិនិត្យអនុវត្តច្បាប់ចរាចរណ៍ផ្លូវគោកឃើញថា យានយន្តដែលល្មើសសរុបទូទាំងប្រទេសមាន ចំនួន ៤,១០៣គ្រឿង ក្នុងនោះបានធ្វើការអប់រំចំនួន ១,៨៥៤គ្រឿង និងពិន័យសរុប ២,២៤៩គ្រឿង៕
អ៊ីស្តង់ប៊ុល៖មានករណីវាយប្រហារដោយគ្រាប់បែកនៅកណ្តាលទីក្រុងអ៊ីស្តង់ប៊ុល ប្រទេសតួកគីបណ្តាលឲ្យមនុស្សយ៉ាងហោចណាស់២នាក់បានស្លាប់ និង៥នាក់ផ្សេងទៀតបានរងរបួស។ នេះបើយោងតាមការចេញផ្សាយរបស់ Reuters នៅមុននេះបន្តិច។
ករណីវាយប្រហារនេះធ្វើឡើងលើរថយន្តប៉ូលិសនៅក្នុងតំបន់ Vezneciler ស្ថិតនៅកណ្ដាលទីក្រុងអ៊ីស្តង់ប៊ុល ជាទីកន្លែងដែលសម្បូរដោយសកលវិទ្យាល័យ និងតំបន់ទេសចរណ៍ កាលពីព្រឹកមិញ។
ទោះជាយ៉ាងណាករណីវាយប្រហារនេះ គេនៅមិនទាន់ដឹងច្បាស់ថា ជាទង្វើរបស់ក្រុមណានោះទេ ប៉ុន្តែអាជ្ញាធរអ៊ីស្តង់ប៊ុល បានសន្និដ្ឋានជាជំហានដំបូងថា អាចជាទង្វើរបស់ក្រុមសកម្មប្រយុទ្ធឃើដ៕
បាល់ទាត់៖សេចក្តីរាយការណ៍មួយបានឲ្យដឹងថា ក្រុមហង្សក្រហម Liverpool បានខិតជិតដល់ការព្រមព្រៀងក្នុងការចុះហត្ថលេខានាំយកខ្សែប្រយុទ្ធឆ្នើម Gonzalo Higuain របស់ក្រុម Napoli។
ខ្សែប្រយុទ្ធសញ្ជាតិអាហ្សង់ទីនវ័យ២៨ឆ្នាំរូបនេះ បានក្លាយជាគោលដៅធំ របស់លោក Jurgen Klopp អ្នកចាត់ការហង្សក្រហមដោយចង់ពង្រឹងនៅតំបន់ប្រយុទ្ធឲ្យខ្លាំងជាងមុន នៅរដូវកាលថ្មី ។យ៉ាងណាមិញ បើតាមសារព័ត៌មាន BeIN Sports បានឲ្យដឹងថា Liverpool នឹងចុះកុងត្រាជាមួយអតីតខ្សែប្រយុទ្ធក្រុម Real Madrid រូបនេះ បានផ្លូវការឆាប់ៗខាងមុខនេះ។
គួរបញ្ជាក់ដែរថា ខ្សែប្រយុទ្ធ Higuain ដែលជាកីឡាករមួយរូបបំបែកកំណត់ត្រានៅក្របខ័ណ្ឌកំពូល Serie A របស់អ៊ីតាលីរដូវកាលនេះ បន្ទាប់ពីស៊ុតបញ្ចូលទីបានចំនួន៣៦គ្រាប់ ក្នុងការបង្ហាញខ្លួន៣៥ប្រកួត៕
ស៊ីដនី៖សារព័ត៌មានស៊ិនហួបានផ្សាយថា ខ្យល់ព្យុះដ៏កំណាចមួយបានវាយប្រហារភាគខាងកើតប្រទេសអូស្ត្រាលី បានបង្កជាទឹកជំនន់បណ្តាលឲ្យមនុស្សបួននាក់បានស្លាប់ និងបីនាក់ផ្សេងទៀតកំពុងបាត់ខ្លួន និងខូចខាតហេដ្ឋារចនាសម្ព័ន្ធជាច្រើនទៀត។
ការវាយប្រហារដោយព្យុះ នៅតំបន់ឆ្នេរភាគខាងកើតនោះព្យុះបានវាយប្រហារចាប់តាំងពីថ្ងៃសៅរ៍ និងអាទិត្យសប្តាហ៍មុនដោយបណ្តាលឲ្យរលកទឹកសមុទ្រកើនឡើង និងវាយប្រហារឆ្នេរភាគខាងជើងទីក្រុងស៊ីដនីប្រវែង ៥០ម៉ែត្រ ឲ្យខូចខាតទាំងស្រុងតែម្តង។
បើតាមផ្នែកព្យាករណ៍អាកាសធាតុនៃសកលវិទ្យាល័យ New South Wales បានឲ្យដឹងថា រលក ធំៗនឹងបន្តវាយប្រហារមកលើឆ្នេរភាគខាងកើតប្រទេសបន្ថែមទៀត។ទន្ទឹមនោះ ប្រជាជនរាប់ម៉ឺននាក់ត្រូវបាន អាជ្ញាធរប្រាប់ ឲ្យប្រុងប្រយ័ត្នកម្រិតខ្ពស់បំផុត៕
បាល់ទាត់៖ខ្សែបម្រើអាហ្សង់ទីនគឺកីឡាករ Ever Banega បានបញ្ជាក់ថា គាត់នឹងមកចូលរួមជាមួយក្លឹប Inter Milan នៅរដូវក្តៅនេះ។
ខ្សែបម្រើសញ្ជាតិអាង្សង់ទីនវ័យ២៦ឆ្នាំរូបនេះ បានបញ្ជាក់ជាផ្លូវការនាពេលបច្ចុប្បន្ននេះថាកិច្ចព្រមព្រៀងជាមួយក្លិប Sevilla នៅមិនទាន់ផុតកំណត់ទេ ប៉ុន្តែ កីឡាកររូបនេះបានបង្ហើបឲ្យដឹងថារូបគេនឹងមានការផ្លាស់ប្តូរទៅកាន់ទឹកដី San Siro បន្ទាប់ពីការចាកចេញពីទឹកដី Estadio ។
Banega បានប្រាប់ Goal.com «ខ្ញុំនឹងចាកចេញពីក្រុមនេះ ដើម្បីទៅចូលរួមលេងជាមិត្តរួមជាតិគឺកីឡាករ Sanchez Pizjuan លេងនៅទីរួចទៅហើយនោះ»។«ខ្ញុំបានសម្រេចចិត្តចាកចេញពីក្រុមមួយនេះវាគឺជាការលំបាក ប៉ុន្តែឱកាសនៅទីនោះគឹវាអស់ន័យសម្រាប់ខ្ញុំហើយ ខ្ញុំគឹចង់ផ្លាស់ប្តូរមកលេងនៅប្រទេសអ៊ីតាលីវិញពិសេសគឺក្រុម Inter Milan នេះតែម្តង ហើយ ខ្ញុំរង់ចាំឱកាសនេះយូរមកហើយដែរ។
គួរបញ្ជាក់ដែរថា ខ្សែបម្រើ Banega បានជួយក្លឹប Sevilla ឈ្នះពាន Europa League នៅរដូវកាលនេះ ហើយពេលថ្មីៗនេះធ្លាប់ត្រូវបានផ្សារភ្ជាប់ជាមួយនឹងការផ្លាស់ប្តូរទៅលេងនៅ Premier League នោះជាការមិនពិក៕
ខេត្តកំពង់ឆ្នាំង៖បុរសម្នាក់ត្រូវរន្ទះបាញ់ស្លាប់ចោលប្រពន្ធ និងកូន២នាក់ ខណៈដែលកំពុងអង្គុយជ្រកភ្លៀងនៅលើគ្រែក្រោមផ្ទះ។ ហេតុការណ៍នេះ កើតឡើងនៅកាលពីវេលាម៉ោង០៧ និង២០នាទីយប់ថ្ងៃទី៥ មិថុនា ២០១៦ នៅភូមិកណ្តាល ឃុំអញ្ចាញរូង ស្រុកបរិបូរណ៌ ខេត្តកំពង់ឆ្នាំង។
បុរសដែលស្លាប់ឈ្មោះ សេង សៀង អាយុ៤៣ឆ្នាំ មានប្រពន្ធឈ្មោះ ខៀវ ផា អាយុ៣៩ឆ្នាំ មានកូន២នាក់។
ប្រភពពីស្ត្រីជាប្រពន្ធថា មុនពេលកើតហេតុ មានភ្លៀងនិងខ្យល់ខ្លាំងគាត់និងកូន២នាក់បាននៅលើផ្ទះ ។ ចំណែកប្តីគាត់ជ្រកភ្លៀងដោយនៅអង្គុយលើគ្រែនៅក្រោមផ្ទះ ស្រាប់តែភ្លាមនោះ មានផ្លេកបន្ទោរឆ្វាចចំផ្ទះគាត់ បន្ទាប់មកក៏បាញ់ផាំងឡើងហឹងត្រចៀក និងងងិតមើលអ្វីមិនឃើញទេ។
ពេលនោះគាត់ស្រវាដុតចង្កៀងបំភ្លឺ មើលកូនចៅឃើញនៅជុំគ្នា ហើយក៏បានស្រែកហៅប្តីគាត់នៅក្រោមផ្ទះ តែមិនឮឆ្លើយ ទើបប្រើកូនឱ្យចុះទៅមើល ស្រាប់តែឃើញប្តីគាត់ត្រូវរន្ទះបាញ់ស្លាប់បាត់ទៅហើយ។
ក្រោយពីពិនិត្យធ្វើកោសល្យពិច្ច័យ សមត្ថកិច្ចបានបញ្ជាក់ថា ជនរងគ្រោះពិតជាស្លាប់ដោយរន្ទះបាញ់មែន ហើយបានប្រគល់សពទៅក្រុមគ្រួសារធ្វើបុណ្យតាមប្រពៃណី៕
ខេត្តកំពង់ធំ៖រន្ទះបាញ់បានប្រល័យជីវិតស្រីវ័យចំណាស់ម្នាក់ទៀតហើយ ខណៈកំពុងតែទប់សំអាតភ្លឺស្រែនៅខាងក្រោយផ្ទះ។ ហេតុការណ៍កើតឡើងកាលពីវេលាម៉ោង៥ និង៣០នាទីល្ងាចថ្ងៃទី៦ ខែមិថុនា ឆ្នាំ២០១៦ ស្ថិតនៅភូមិល្អក់ ឃុំកំពង់ថ្ម ស្រុកសន្ទុក ខេត្តកំពង់ធំ។
តាមប្រភពព័ត៌មានពីអ្នកជិតខាងឲ្យដឹងថា រងគ្រោះឈ្មោះសៀ លាងអាយុ ៦៨ឆ្នាំ ជាស្ត្រីមេម៉ាយទីលំនៅភូមិល្អក់ ឃុំកំពង់ថ្មស្រុកសន្ទុក មានកូនចំនួន៤នាក់ស្រី៣ប្រុស១តែ ហើយ បច្ចុុប្បន្នកូនៗទាំង៤នាក់ មានប្តីប្រពន្ធអស់ហើយសព្វថ្ងៃ គាត់រស់នៅជាមួយកូនទី២។ ប្រភពបន្តថា មុនពេលកើតហេតុ ជនរងគ្រោះបានលីចបទៅទប់ភ្លឺស្រែ នៅខាងក្រោយផ្ទះ ប្រមាណ៥០ម៉ែត្រប៉ុណ្ណោះ ពេលនោះមេឃស្រទំ ហើយធ្លាក់ភ្លៀង មិនបានប៉ុន្មានដំណក់ផងព្រមទាំងពុំមានខ្យល់កន្ត្រាក់អ្វីផង ស្រាប់តែឮសំឡេងឆាំង ពេលនោះឃើញលោកយាយ ដួលដាច់ខ្យល់ស្លាប់ទៅហើយ ឃើញស្នាមរហែកសំពត់ និងអាវព្រមទាំងតបើកដើមចន្ទីទៀតផង។
ក្រោយពិនិត្យសាកសពស្ត្រីរងគ្រោះត្រូវបានកូនចៅ យកទៅធ្វើបុណ្យតាមប្រពៃណី៕
រាជធានីភ្នំពេញ៖ប្រជាពលរដ្ឋបានចាប់ជនសង្ស័យចោរកាច់កម៉ូតូ ម្នាក់ក្នុងចំណោមបក្ខពួក៣នាក់ព្រួតវាយស្ទើស្លាប់ បន្ទាប់ពីធ្វើសកម្មភាពកាច់កម៉ូតូ។ ហេតុការណ៍នេះកើតឡើងនៅយប់ថ្ងៃទី៦ ខែមិថុនា ឆ្នាំ២០១៦នេះ ស្ថិតក្នុងសង្កាត់បឹងកក់២ ខណ្ឌទួលគោក រាជធានីភ្នំពេញ។
តាមប្រភពព័តមានបានឱ្យដឹងថា មុនកើតហេតុគេឃើញជនសង្ស័យមួយក្រុមមានគ្នា៣នាក់ ជិះម៉ូតូមួយគ្រឿមិនចាំម៉ាក បានធ្វើសកម្មភាពកាច់កម៉ូតូមួយគ្រឿងម៉ាក់ MSX ពាក់ស្លាកលេខភ្នំពេញ1CJ-3933។ ប្រភពបន្តថា ក្រោយធ្វើសកម្មភាពបានសម្រេចតែបន្ដិច ក៏ត្រូវម្ចាស់ម៉ូតូ និងប្រជាពលរដ្ឋឃើញទាន់ នាំដេញចាប់វាយស្ទើរស្លាប់ ចំណែកបក្សពួក២នាក់ទៀត នាំគ្នាជិះម៉ូតូរត់គេចខ្លួនបាត់ស្រមោល។
ក្រោយពេលកើតហេតុ ជនសង្ស័យដែលប្រជាពលរដ្ឋ វាយត្រូវបានឡានពេទ្យដឹកយកទៅសង្គ្រោះ នៅមន្ទីរពេទ្យដោយសារតែមានរបួសធ្ងន់ធ្ងរពេក៕
ហូជីមិញ៖រដ្ឋាភិបាលវៀតណាមគ្រោងចំណាយទឹកប្រាក់ដ៏ច្រើនសន្ធឹកសន្ធាប់ ដើម្បីសាងសង់ទំនប់ការពារទឹកជំនន់ ទ្វារទឹក និងបំពង់បង្ហូរទឹក ប្រមាណ ៤៤១,១លានដុល្លារអាមេរិក ដោយចាប់ផ្ដើមនៅចុងខែនេះ។
បើតាមមន្ត្រីក្រុមហ៊ុន Trung Nam Group ដែលចុះកុងត្រាសាងសង់ទំនប់នេះបានបញ្ជាក់ថា ទំនប់មានទ្វារទឹកចំនួន៦ ប្រវែងពី ៤០ទៅ១៦០ម៉ែត្រ និងជញ្ជាំងថ្មអមមាត់ទន្លេប្រវែង ៧,៨គីឡូម៉ែត្រ ដែលនឹងត្រូវសង់តាមដងទន្លេ Saigon ក្នុងក្រុង។ លោកបន្ថែមគម្រោង នេះមានស្ថានីយបូមទឹកចំនួន ៣កន្លែង អាចបូមទឹកបានពី ១២ ទៅ៤៨ម៉ែត្រគីបក្នុងមួយវិនាទី និងបំពង់បង្ហូរទឹកចូលទន្លេចំនួន ២៥ទៀត ដោយគ្រោងចំណាយពេលសាងសង់រយៈពេល៣ឆ្នាំ។
បើតាមមន្ត្រីជាន់ខ្ពស់វៀតណាមបានបញ្ជាក់ថា គម្រោងនេះរំពឹងថានឹងជួយគ្រប់គ្រងទឹកជំនន់ និងផលប៉ះពាល់ពីការប្រែប្រួលអាកាសធាតុទៅលើប្រជាជនរស់នៅក្នុងក្រុងជាង ៦,៥លាននាក់ លើផ្ទៃដី ៥៧០គីឡូម៉ែត្រការ៉េ៕
អាមេរិក៖ក្រុម Hacker បានទម្លាយនូវលេខសម្ងាត់គណនីបណ្ដាញសង្គមរបស់ស្ថាបនិក និងជានាយកប្រតិបត្តិ Facebook លោក Mark Zuckerberg ខណៈដែលមហាសេដ្ឋីវ័យក្មេងរូបនេះកំពុងតែពង្រីកឥទ្ធិពលរបស់ខ្លួនក្នុងឧស្សាហកម្មបច្ចេកវិទ្យា។
ក្រុម Hacker ហៅខ្លួនឯងថា OurMine បានបង្ហោះសារនៅលើបណ្ដាញសង្គម Twitter ថា គណនី Twitter, Instagram, LinkedIn និង Pinterest របស់លោក Mark Zuckerberg ត្រូវបានពួកគេ Hack ចូល និងបានបង្ហោះសារនៅលើ គណនីផ្ទាល់ខ្លួនរបស់ Mark Zuckerberg ថែមទៀតផង។
អ្វីដែលគួរឲ្យចាប់អារម្មណ៍នោះគឺថា ក្រុម Hacker បានទម្លាយនូវពាក្យសម្ងាត់របស់លោក Mark Zuckerberg ប្រើប្រាស់នៅលើបណ្ដាញសង្គមថែមទៀតផង ដោយបានបញ្ជាក់ថា «dadada» គឺជាពាក្យសម្ងាត់ដែលមេធំ Facebook រូបនេះ និយមប្រើ ទាំងនៅលើ Twitter និង LinkedIn។
គួរបញ្ជាក់ថា គណនី Twitter និង Pinterest របស់លោក Mark Zuckerberg មិនបានបង្ហោះអ្វីសូម្បីតែបន្តិច តាំងឆ្នាំ២០១២៕
រាជធានីភ្នំពេញ៖នារីជនជាតិចិនម្នាក់រវល់តែចុចទូរស័ព្ទបានបើករថយន្ដស៊េរីមួយគ្រឿងម៉ាក AGUARបុករបាំងដែកចែកទ្រូងផ្លូវបាក់អស់៤ផ្ទាំង ចំណែករថយន្ដបែកកង់ទៅមុខលែងរួច តែសំណាងល្អគ្មានអ្នករងរបួស។ ហេតុការណ៍នេះកើតឡើងនៅយប់ថ្ងៃទី៦ ខែមិថុនា ឆ្នាំ២០១៦នេះ តាមបណ្ដោយមហាវិថីព្រះមុន្នីវង្ស ស្ថិតក្នុងសង្កាត់ទួលស្វាយព្រៃទី២ ខណ្ឌចំការមន រាជធានីភ្នំពេញ។
បើតាមប្រភពព័ត៌មានពីកន្លែងបានឱ្យដឹងថា មុនពេលកើតហេតុគេឃើញរថយន្ដស៊េរីមួយម៉ាក JAGUAR ពាក់ស្លាកលេខ ភ្នំពេញ 2AB-1088 បើកបរដោយនារីម្នាក់ជាជនជាតិចិន ក្នុងទិសដៅពីត្បូងទៅជើង ដោយសារតែនារីជាអ្នកបើកបរកំពុង តែរវល់ចុចទូរស័ព្ទ ក៏បានជ្រុលចង្កូតទៅបុករបាំងដែកពុះចែកទ្រូងផ្លូវបាក់អស់៤ផ្ទាំងពេញទំហឹង បណ្ដាលឱ្យរថយន្ដបែកកង់ទៅមុខលែងរួច តែសំណាងមិនមានណា ម្នាក់រងគ្រោះឡើយ។
ក្រោយពេលកើតហេតុ រថយន្ដបង្កត្រូវបានសមត្ថកិច្ច ស្ទួចយកទៅរក្សាទុកនៅការិយាល័យចរាចរណ៍ក្រុងភ្នំពេញ ដើម្បីចាត់ការតាមនីតិវធី៕
រាជធានីភ្នំពេញ៖នៅថ្ងៃទី០៦ ខែមិថុនា ឆ្នាំ២០១៦ម្សិលមិញនេះ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន១៥លើក (យប់១០លើក) បណ្តាលឲ្យមនុស្សស្លាប់៥នាក់ រងរបួសធ្ងន់១៩នាក់ និងរបួសស្រាល១១នាក់។ នេះបើតាមការចុះផ្សាយរបស់គេហទំព័រ អគ្គស្នងការនគរបាលជាតិ។
ប្រភពដដែលបន្តថា នៅក្នុងហេតុការណ៍គ្រោះថ្នាក់ចរាចរណ៍ ១៥លើកនេះ បណ្តាលឲ្យខូចខាតយានយន្តសរុបចំនួន២៧គ្រឿង រួមមានម៉ូតូចំនួន១៨គ្រឿង, រថយន្តធុនតូច៧, រថយន្តធុនធំ១គ្រឿង, ថ្មើរជើង១នាក់។ ប្រភពបញ្ជាក់ថា មូលហេតុដែលបណ្តាលឲ្យ កើតមានករណីគ្រោះថ្នាក់ចរាចរណ៍ រួមមានល្មើសល្បឿន៩លើក, មិនគោរពសិទ្ធិ៣លើក, ស្រវឹង១លើក, មិនប្រកាន់ស្តាំ២លើក ។ ក្នុងនោះអ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍២៣នាក់ (យប់១៤នាក់ )។
ជាមួយគ្នានោះម្សិលមិញនេះលទ្ធផលត្រួតពិនិត្យអនុវត្តច្បាប់ចរាចរណ៍ផ្លូវគោកឃើញថា យានយន្តដែលល្មើសសរុបទូទាំងប្រទេសមាន ចំនួន២,៨៦៥គ្រឿង ក្នុងនោះបានធ្វើការអប់រំចំនួន១,២៥៧គ្រឿង និងពិន័យសរុប១,៦០៨គ្រឿង៕
មេគង្គប៉ុស្តិ៍លើបណ្តាញសង្គម
ព័ត៌មានគួរចាប់អារម្មណ៍
