All posts by មេគង្គ ប៉ុស្តិ៍

និស្សិតអារាបីតសាអូឌីត មកស្វែងយល់ពីខ្លឹមចន្ទន៍នៅកម្ពុជា

July 13, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជា, សន្តិសុខ/សង្គមមេគង្គ ប៉ុស្តិ៍

ភ្នំពេញ ៖ ខ្លឹមចន្ទន៍ (Santalum album) កម្ពុជា មានឈ្មោះល្បីច្រើនសតវត្សមកហើយ ដែលប្រជាជាតិនៅលើ ពិភពលោកទទួលស្គាល់ ជាខ្លឹមចន្ទន៍មានគុណភាពល្អ។
ភាពល្បីល្បាញនេះបានធ្វើឲ្យប្រទេសដែលនិយមប្រើប្រាស់ប្រេងខ្លឹមចន្ទន៍កម្ពុជា បញ្ជូននិស្សិតថ្នាក់បណ្ឌិតមកពីប្រទេសអារាបីតសាអូឌីត ចុះកម្មសិក្សាពី ដំណាំខ្លឹមចន្ទន៍កម្ពុជា។

និស្សិតថ្នាក់បណ្ឌិតមកពីប្រទេសអារាបីតសាអូឌីត ម្នាក់មកសិក្សាដល់ចំការដំណាំ ខ្លឹមចន្ទន៍ ក្នុងភូមិក្បៀរ ឃុំស្វាយរំពារ ស្រុកបរសេដ្ឋ ខេត្តកំពង់ស្ពឺ ប្រទេសកម្ពុជា។

លោក អាសម៉េត ប៊ិនមហាមេត និស្សិតថ្នាក់បណ្ឌិតមកពីប្រទេសអារាបីតសាអូឌីត ឲ្យដឹង ថា គាត់មកចុះកម្មសិក្សាអំពីខ្លឹមចន្ទន៍របស់ប្រទេសកម្ពុជានេះដើម្បីសរសេរនិក្ខេបបទ។

លោកថានៅតំបន់អារ៉ាប់រួម គេទទួលស្គាល់តែខ្លឹមចន្ទន៍កម្ពុជាទេដែលមានគុណភាពល្អ ច្រើនសតវត្សមកហើយ។ ប៉ុន្តែ៣០ឆ្នាំក្រោយមកនេះ ដំណាំខ្លឹមចន្ទន៍របស់កម្ពុជាមិនសូវផ្តល់ប្រេងខ្លឹមចន្ទន៍ដែលមានគុណភាពល្អដូចមុនទេ។ មូលហេតុនេះទើបគាត់ចុះមកសិក្សា អំពីការដាំដុះដំណាំនេះ នៅខេត្តកោះកុង និងខេត្តកំពង់ស្ពឺ ដើម្បីចង់ដឹងពីខ្លឹមចន្ទន៍ធម្មជាតិ

មេការចំការដំណាំខ្លឹមចន្ទន៍នៅភូមិក្បៀរ ឃុំស្វាយរំពារ ស្រុកបរសេដ្ឋ ខេត្តកំពង់ស្ពឺ លោក ស៊ូ សាវុធ អះអាងថា ដំណាំខ្លឹមចន្ទន៍ក្រស្នានេះ ដាំលើដីទំហំ១០ហិកតា មានចំនួនជាង
៣ម៉ឺនដើម ដុះរយៈពេល១០ឆ្នាំមកហើយ។ ដើម្បីប្រមូលផលខ្លឹមចន្ទន៍នេះឲ្យមាន
ប្រសិទ្ធភាពខ្ពស់ ត្រូវចេះបច្ចេកទេសក្នុងការថែទាំ ឲ្យបានរយៈពេល៥ឆ្នាំឡើងទៅ ។

លោក អាសម៉េត ប៊ិនមហាមេត ឲ្យដឹងថា គាត់ជាអ្នកសិក្សាស្រាវជ្រាវពីប្រេងខ្លឹមចន្ទន៍។ គាត់បានទៅសិក្សា អំពីខ្លឹមចន្ទន៍ នៅប្រទេសឥណ្ឌា ស្រីលង្កកា និយាយរួមប្រទេសដែល ផលិតខ្លឹមចន្ទន៍លក់ទៅដល់តំបន់អារ៉ាប់រួម ដើម្បីប្រៀបធៀបគុណភាពដំណាំខ្លឹមចន្ទន៍និងដើមខ្លឹមចន្ទន៍ដែលដុះដោយធម្មជាតិ។ អ្វីដែលល្បីខ្លាំងនៅប្រទេសអារ៉ាប់ គឺប្រេងខ្លឹមចន្ទន៍កម្ពុជា គុណភាពល្អជាងប្រទេសនានាទាំងអស់៕

ឈ្មួញបន្តជីករករ៉ែថ្មីទៀតនៅចំណុចឧបសម្ព័ន្ធភូមិត្រូន ប្រធានមន្ទីររ៉ែសំងំឈឹង

July 12, 2018ព័ត៌មានគួរចាប់អារម្មណ៍, ព័ត៌មានថ្មីចុងក្រោយ, ព្រឹត្តិការណ៍កម្ពុជា, សន្តិសុខ/សង្គមមេគង្គ ប៉ុស្តិ៍

ខេត្តក្រចេះ ៖ នៅក្នុងចំណុចមួយនៃភូមិសាស្ត្រឧប្បសម្ព័ន្ធភូមិត្រូន ដែលជាកន្លែងធ្លាប់ឆក់យកជីវិតកម្មករីករ៉ែ ៣នាក់យ៉ាងអាណោចអធម្មនាកន្លងមកនោះ បច្ចុប្បន្នទីតាំងភូមិដដែលនេះ បាន និងកំពុងដំណើរការឡើរវិញហើយ ដោយមានក្រុមឈ្មួញឃុបឃិតជាមួយមន្ត្រីអាជ្ញាធរ មួយចំនួន ធ្វើសកម្មភាពជីករណ្តៅរុករករ៉ែយ៉ាងអនាធិបតេយ្យ ដែលតាមសេចក្តីរាយការណ៦មានជាង១០កន្លែង ទាំងតូចទាំងធំ។

ប្រភពដដែលបានរាយការណ៍ថា ក្នុងនោះ មានម្ចាស់អាជីវកម្មធំជាងគេដែលមានកម្មករស៊ីឈ្នួលរាប់សិបនាក់ គឺឈ្មោះ តេង។ កម្មករភាគច្រើន ជាចំណាកស្រុកមកពីខេត្តកំពង់ធំ និងក៏មានជនអន្តោប្រវេសន៍វៀតណាមផងដែរ។ ប្រភពនេះបន្តថា ក្នុងពេលថ្មីៗនេះដែរ ក្រុមទាំងោះកំពុងសំរុកជីករុករកយ៉ងអនាធិបតេយ្យ ដោយមានប្រើថ្នាំគីមីកិនវាយបំបែកបង្ហូរតាមទឹក ដើម្បីធ្វើការវិភាគ(ដេញ) រកសារធាតុរ៉ែមានតម្លៃផងដែរ។

មេគង្គប៉ុស្តិ៍ បានព្យាយាមទាក់ទងតាមទូរស័ព្ទ័ទៅលោក សុខ គីរីរ័ត្ន ប្រធានមន្ទីររ៉ែថាមពល ខេត្តក្រចេះ ដែរ តែទូរស័ព្ទរបស់លោក ចេះតែជាប់រវល់ជាញឹកញាប់មិនអាចភ្ជាប់ប្រព័ន្ធបាន៕

ធនាគារពិភពលោកផ្តល់ហិរញ្ញប្បទានប្រមាណ២០០លានដុល្លារដល់កម្ពុជា

July 12, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជា, សន្តិសុខ/សង្គម, សេដ្ឋកិច្ចមេគង្គ ប៉ុស្តិ៍

ភ្នំពេញ ៖ ធនាគារពិភពលោក នៅរសៀលថ្ងៃព្រហស្បតិ៍នេះ បានចុះកិច្ចព្រមព្រៀងផ្តល់ឥណទានសម្បទានសរុបប្រមាណ ២០០លានដុល្លារ ដល់រាជរដ្ឋាភិបាលកម្ពុជា ក្នុងគម្រោងកចិ្ចសហប្រតិបត្តិការចំនួន២ ចាប់ពីពេលនេះរហូតដល់ឆ្នាំ២០២៣។

អគ្គបណ្ឌិតសភាចារ្យលោក អូន ព័ន្ឋមុនីរ័ត្ន ទេសរដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងលោកស្រី Inguna Dobraja ប្រធានគ្រប់គ្រងការិយាល័យធនាគារ ពិភពលោកប្រចាំនៅកម្ពុជារសៀលថ្ងៃទី១២ ខែកក្កដា ឆ្នាំ២០១៨ បានចុះហត្ថលេខាលើកិច្ចព្រមព្រៀងឥណទានសម្បទានចំនួន២ ដែលមានទឹកប្រាក់សរុបចំនួនប្រមាណ ២០០ លានដុល្លារអាមេរិក ដែលរួមមាន ៖
១ . គម្រោងកែលម្អការអប់រំឧត្តមសិក្សា និងទី២. គម្រោង គ្រប់គ្រងសម្បត្តិផ្លូវថ្នល់ជំហានទី២ ជាហិរញ្ញប្បទានបន្ថែម។

យោងតាមសេចក្តីប្រកាសព័ត៍មានជុំវិញការចុះហត្ថលេខានេះអោយដឹងថា សម្រាប់គម្រោងកែលម្អការអប់រំឧត្តមសិក្សាគ្រោងចំណាយថវិកា សរុបចំនួន ៩២,៥០ លានដុល្លារអាមេរិក ដែលក្នុងនោះឥណទានសម្បទានពីធនាគារពិភពលោកមានចំនួន ៩០ លានដុល្លារអាមេរិក និងថវិកាបដិភាគចំនួន ២,៥លានដុល្លារអាមេរិក សម្រាប់លើកកម្ពស់គុណភាពអប់រំ និងការស្រាវជ្រាវនៅកម្រិតឧត្តមសិក្សា ដោយផ្តោតលើមុខវិជ្ជាវិទ្យាសាស្ត្រ,បច្ចេកវិទ្យាវិស្វកម្ម,គណិតវិទ្យា និងកសិកម្មដែលទាំងនេះគឺជាសកម្មភាពស្នូលនៃ“ផែនការយុទ្ធសាស្ត្រ វិស័យអប់រំ ២០១៩-២០២៣” ព្រមទាំងចូលរួមគាំទ្រដោយផ្ទាល់ ដល់ការជំរុញកែប្រែ និង ធ្វើទំនើបកម្មរចនាសម្ព័ន្ធឧស្សាហកម្មនៅកម្ពុជា ពីឧស្សាហកម្មអតិពលកម្ម ឈានទៅឧស្សាហកម្មផ្អែកលើជំនាញត្រឹម ឆ្នាំ២០២៥ ស្របតាមចក្ខុវិស័យនៃ“គោលនយោបាយអភិវឌ្ឍន៍វិស័យឧស្សាហកម្មកម្ពុជាឆ្នាំ ២០១៥-២០២៥”។

គម្រោងនេះនឹងពង្រឹងសមត្ថភាពបង្រៀន និង ស្រាវជ្រាវដល់គ្រឹះស្ថានឧត្តមសិក្សារបស់រដ្ឋចំនួន៥ ក្នុងនោះមាន ៖ វិទ្យាស្ថានបច្ចេកវិទ្យា កម្ពុជា, សាកលវិទ្យាល័យភូមិន្ទភ្នំពេញ, សាកលវិទ្យាល័យភូមិន្ទកសិកម្ម, សាកលវិទ្យាល័យស្វាយរៀង និងសាកលវិទ្យាល័យបាត់ដំបង ព្រមទាំងគ្រឹះស្ថានឧត្តមសិក្សាឯកជនមួយចំនួន
ដែលនឹងផ្តល់ផលប្រយោជន៍ដោយផ្ទាល់ដល់និស្សិតសរុបប្រមាណ ១៦៣៥៦នាក់។

ដោយឡែក ចំពោះគម្រោងគ្រប់គ្រងសម្បត្តិផ្លូវថ្នល់ជំហានទី២ ហិរញ្ញប្បទានបន្ថែម
លើគម្រោងបច្ចុប្បន្នគ្រោងចំណាយថវិកាសរុបចំនួន ១១៣លានដុល្លារអាមេរិក ក្នុងនោះ ឥណទានសម្បទានពីធនាគារពិភពលោកចំនួន ១១០ លានដុល្លារអាមេរិក និងថវិកាបដិភាគរាជរដ្ឋាភិបាលចំនួន ៣ លានដុល្លារអាមេរិក សម្រាប់វិនិយោគលើការស្តារ និងពង្រីក ផ្លូវជាតិលេខ៤ ពីរាជធានីភ្នំពេញដល់ទីរួមខេត្តព្រះសីហនុ ក្នុងប្រវែងសរុប ២០៦គីឡូម៉ែត្រ ដោយពង្រីកតួផ្លូវបច្ចុប្បន្នពីទំហំ ៧ម៉ែត្រឱ្យដល់ ១១ម៉ែត្រ និងចាក់អ៊ុតកៅស៊ូប្រភេទ AsphaltConcret-AC។

គម្រោងនេះ នឹងរួមចំណែកយ៉ាងសំខាន់ដល់ការពង្រឹងសមត្ថភាព ប្រកួតប្រជែង និងទ្រទ្រង់កំណើនសេដ្ឋកិច្ចរបស់កម្ពុជា តាមរយៈការតភ្ជាប់ផ្ទៃក្នុងរបស់ កម្ពុជាទៅកាន់ខេត្តព្រះសីហនុ ដែលជាប៉ូលសេដ្ឋកិច្ចដ៏សំខាន់ និងលើសពីនេះគឺជាខេត្ត គោលដៅដែលត្រូវអភិវឌ្ឍ និងប្រែក្លាយឱ្យទៅជាតំបន់សេដ្ឋកិច្ចពិសេសគំរូពហុបំណង ដូចបានកំណត់ក្នុងយុទ្ធសាស្ត្រស្នូលរបស់ “គោលនយោបាយអភិវឌ្ឍន៍វិស័យឧស្សាហកម្មកម្ពុជាឆ្នាំ ២០១៥-២០២៥”។

ក្នុងពិធីចុះហត្ថលេខានេះ អគ្គបណ្ឌិតសភាចារ្យទេសរដ្ឋមន្ត្រី អូន ព័ន្ធមុនីរ័ត្ន បានរំលឹកឡើងវិញ អំពីកិច្ចសហប្រតិបត្តការរបស់ធនាគារពិភពលោក ដែលបានផ្តល់ហិរញ្ញប្បទានសហប្រតិបត្តិការសរុបចំនួនប្រមាណ ១.៧៣៤,៤៣ លានដុល្លារអាមេរិក ក្នុង នោះឥណទានសម្បទានមានចំនួនប្រមាណ ១.១៤៨,៩៣ លានដុល្លារអាមេរិក និងហិរញ្ញប្បទានឥតសំណងមានចំនួនប្រមាណ ៥៨៥,៥០ លានដុល្លារអាមេរិក ដែលការចូលរួម យ៉ាងធំធេងនេះ បានធ្វើឱ្យធនាគារពិភពលោក ក្លាយជាដៃគូអភិវឌ្ឍដ៏សំខាន់ និងយ៉ាងសកម្មរបស់រាជរដ្ឋាភិបាលក្នុងបេសកកម្មអភិវឌ្ឍន៍ប្រទេសកម្ពុជា ដែលកំពុងតែបោះជំហានយ៉ាងស្វាហាប់ក្នុងល្បឿនដ៏ឆាប់រហ័ស ពិសេសគឺការក្សាបាននូវស្ថេរភាពសេដ្ឋកិច្ចជាតិយ៉ាងរឹងមាំប្រមាណជិត៧%នៅបណ្តាឆ្នាំចុងក្រោយនេះ៕

រដ្ឋមន្ត្រីពាណិជ្ជកម្ម ៖ កំណើនសេដ្ឋកិច្ចរបស់កម្ពុជា នៅតែមានស្ថិរភាពរឹងមាំ

July 12, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជា, សេដ្ឋកិច្ចមេគង្គ ប៉ុស្តិ៍

ភ្នំពេញ ៖ នាឱកាសចុះយុទ្ធនាការឃោសនាបោះឆ្នោតជ្រើសរើសតំណាងរាស្ត្រ នីតិកាលទី៦ កាលពីព្រឹកថ្ងៃទី១២ ខែកក្កដា ឆ្នាំ២០១៨ លោក ប៉ាន សូរស័ក្តិ ប្រធានក្រុមការងារថ្នាក់កណ្តាលចុះជួយស្រុកព្រៃឈរ និងជាបេក្ខជនតំណាងរាស្ត្រគណបក្សប្រជាជនកម្ពុជា សម្រាប់មណ្ឌលខេត្តកំពង់ចាម បានបង្ហាញជំនឿថា ដរាបណាគណបក្សប្រជាជនកម្ពុជា នៅតែមានឱកាសដឹកនាំប្រទេសកម្ពុជា នោះកំណើនសេដ្ឋកិច្ចជាតិ នៅតែមានស្ថិរភាពរឹងមាំជានិច្ច ។

លោកបន្តថា គណបក្សប្រជាជនកម្ពុជា មានធនធានមនុស្ស និងលក្ខណៈសម្បត្តិគ្រប់គ្រាន់ ដោយមានថ្នាក់ដឹកនាំពោរពេញដោយសមត្ថភាព បទពិសោធន៍ និងចក្ខុវិស័យច្បាស់លាស់ ដើម្បីចងក្រងគោលនយោបាយ និងដាក់ចេញយុទ្ធសាស្ត្ររក្សាស្ថិរភាពម៉ាក្រូសេដ្ឋកិច្ច ហើយកិច្ចការនេះ គណបក្សបានធ្វើដោយជោគជ័យ អស់រយៈពេល ២ទស្សវត្សរ៍ មកហើយ ។ លោកជឿថា បើសិនជាគណបក្សប្រជាជនកម្ពុជា នៅតែបន្តដឹកនាំប្រទេស នោះកំណើនសេដ្ឋកិច្ច នៅតែសម្រេចបានក្នុងរង្វង់ ៧% ហើយភាពក្រីក្រនឹងបន្តធ្លាក់ចុះក្រោម ១០% ។

លោកបញ្ជាក់ថា គោលនយោបាយទាំងអស់របស់ គណបក្សប្រជាជន គឺជាចក្ខុវិស័យ និងទិសដៅផែនការសកម្មភាព រយៈពេល ៥ឆ្នាំ ដែលគណបក្សត្រូវអនុវត្តន៍ ដើម្បីលើកកម្ពស់គុណភាពជីវិត និងជីវភាពរស់នៅរបស់ប្រជាពលរដ្ឋ ព្រមទាំងបន្តដឹកនាំប្រទេសកម្ពុជា ឆ្ពោះទៅរកការអភិវឌ្ឍលើគ្រប់វិស័យ ។

គួរបញ្ជាក់ផងដែរថា កំណើនសេដ្ឋកិច្ចប្រទេសកម្ពុជា ក្នុងរយៈពេលជាង២ទស្សវត្សរ៍កន្លងមកនេះ បានរក្សាក្នុងរង្វង់ប្រមាណ៧ភាគរយក្នុងមួយឆ្នាំ ។

បើតាមការព្យាការណ៍របស់ក្រសួងសេដ្ឋកិច្ច និងហិរញ្ញវត្ថុ ក៏ដូចជាស្ថាប័នហិរញ្ញវត្ថុអន្តរជាតិធំៗ ប្រចាំកម្ពុជា ថា ក្នុងឆ្នាំ ២០១៨នេះ កំណើនសេដ្ឋកិច្ចកម្ពុជានឹងបន្តកើនឡើងទៀត ក្នុងប្រមាណ៦,៩ភាគរយ ដែលធ្វើអោយទំហំសេដ្ឋកិច្ចជាតិកើនឡើងដល់ ២៤,៥ពាន់លានដុល្លារអាមេរិក និងរំពឹងថាកំណើនប្រាក់ចំណូលសម្រាប់មនុស្សម្នាក់គិតជាមធ្យមចំនួន ១.៥៦៨ដុល្លារអាមេរិក ៕

រកឃើញសព47នាក់ដែលបាត់ខ្លួនក្នុងគ្រោះថ្នាក់លិចនាវាទេសចរណ៍ក្នុងខេត្តភូកេត

July 12, 2018ព័ត៌មានថ្មីចុងក្រោយ, ព័ត៌មានអន្តរជាតិ, ព្រឹត្តិការណ៍កម្ពុជាមេគង្គ ប៉ុស្តិ៍

ថៃ ៖ ប្រតិបត្តិការស្វែងរកមនុស្សបាត់ខ្លួនក្នុងគ្រោះថ្នាក់លិចនាវាទេសចរណ៍ក្នុងខេត្ត ភូកេតប្រទេស ថៃ មានរយៈពេល ៤ ថ្ងៃ ចូលរួមដោយកងកម្លាំងមុជទឹកថៃ និង ចិន ដោយបានរកឃើញសាកសពបន្ថែមធ្វើឲ្យចំនួនកើនឡើងដល់ ៤៧ នាក់ ភាគច្រើនគឺ ជាអ្នក ទេសចរជនជាតិ ចិន ។

សាកសពមនុស្សចុងក្រោយត្រូវបាននាំយកចេញពីនាវាកាលពីថ្ងៃពុធម្សិលមិញ ជាប់ក្នុងនាវាដែលលិចក្នុងទឹកជម្រៅជាង ៤០ ម៉ែត្រ ហើយអាកាសធាតុមិនអំណោយផល ដែលមានរលកធំៗ ធ្វើឲ្យប្រតិបត្តិការស្វែងរកកាន់តែ លំបាក ។

លោក វ៉ាង រឹនអ៊ី ប្រធានក្រុមុជទឹកមកពីប្រទេស ចិន និយាយថា បេសកកម្មស្វែងរក និង ជួយសង្គ្រោះនឹងបូមខ្សាច់ក្នុងនាវាដែលលិចក្នុងបាតសមុទ្រជម្រៅ ៤០ ម៉ែត្រ ដើម្បីយកសាកសពមនុស្សម្នាក់ដែលរកឃើញតាំងពីថ្ងៃ សៅរ៍ ប៉ុន្តែមិនអាចយកចេញបាន ។ លោក វ៉ាង រឹនអ៊ី បញ្ជាក់ថា បុគ្គលិកបានត្រៀមនាំយកសាកសពជនរងគ្រោះម្នាក់ដែលជាប់ក្នុងនាវា ក្នុងនោះមានការបូមខ្សាច់ផងដែរ ធ្វើយ៉ាងណាយកសាកសពមនុស្សឲ្យបាន រួចហើយទាញយកនាវាទៅក្បែរឆ្នេរ ។
ចំណែកអភិបាលខេត្ត ភូកេតលោក ណារ៉ាផាត ផ្លូថុង បញ្ជាក់ថា សាកសពមនុស្សដែលរកឃើញឡើងដល់ 47 នាក់ ក្នុងនោះសាកសពមនុស្ស ៥ នាក់ត្រូវបានបូជា និង ពីរនាក់ ត្រូវបានបញ្ជូន ត្រឡប់ទៅប្រទេសចិនតាមសំណើរបស់សាច់ញាតិ ។ អាជ្ញាធរ ថៃ បញ្ជាក់ថា ទូកទាំង ពីរគ្រឿងមានមនុស្ស ១៣០ នាក់ ហើយមនុស្សដែលស្លាប់ និង បាត់ខ្លួនជាអ្នកធ្វើ ដំណើរតាមទូកឈ្មោះ Phoenix ចំណែកទូកមួយគ្រឿងផ្សេងទៀត ដែលលិច ដែរនោះឈ្មោះ Serenata ពុំមានមនុស្សស្លាប់ឡើយ ។

ទូកឈ្មោះ Phoenix មាន ៣ ជាន់ បានលិចក្នុងជម្រៅទឹក ៤២ ម៉ែត្រ ទឹកមានរលកធំៗ ធ្វើឲ្យប្រតិបត្តិការស្វែងរកអ្នកបាត់ខ្លួនជួបការលំបាក ហើយទូកក្រឡាប់ ។ ក្រសួងគមនាគមន៍ ចិន បានបញ្ជូនក្រុមជួយសង្គ្រោះ ទៅកាន់ខេត្តភូកេត ដើម្បីជួយដល់ភ្នាក់ងារក្នុងស្រុក បន្តស្វែងរកក្នុងជម្រៅទឹក និងបាន ចូលក្នុងនាវាដែលលិច ។

ប្រតិបត្តិការជួយសង្គ្រោះប្រើប្រាស់ឧទ្ធម្ភាគចក្រ៥គ្រឿង នាវា ១៣ គ្រឿង និងបានពង្រីកទីកន្លែងស្វែងរកកាន់តែធំ ដោយសារមនុស្ស ជាង១០ទៀត នាក់នៅមិនទាន់រកឃើញនៅឡើយ៕

រូងភ្នំថាមលួងដែលក្មេងៗធ្លាប់ជាប់នៅក្នុងនោះ ត្រូវបានបិទ

ថៃ ៖ មន្ត្រីថៃនិយាយនៅក្នុងសន្និសីទសារព័ត៌មាន បន្ទាប់ពី មនុស្ស១៣នាក់ ជាប់នៅក្នុង រូងភ្នំត្រូវបានយកចេញដោយជោគជ័យថា រូងភ្នំដែលបានធ្វើឲ្យជាប់ក្មេងៗកីឡាករបាល់ទាត់ ចំនួន១២ នាក់ និងគ្រូបង្វឹកបាល់ទាត់ របស់ពួកគេម្នាក់រយៈពេលជាង២សប្តាហ៏ នៅខេត្ត ឈៀងរ៉ៃ ប្រទេសថៃ ភាគខាងជើង ត្រូវ បានបិទ។

យោងតាមអាជ្ញាធរថៃ បានឲ្យដឹងថា ក្រុមបាល់ទាត់ដែលបានជួយសង្គ្រោះនិងគ្រូបង្វឹករបស់ពួកគេសុទ្ធតែមានកាយសម្បទារឹងមាំហើយបច្ចុប្បន្នកំពុងទទួលការព្យាបាលនៅមន្ទីរពេទ្យ។ ប្រធានមន្ទីរពេទ្យខេត្តឈៀងរ៉ៃ ដែល បានទទួលការជួយសង្គ្រោះ បាននិយាយថា យើងប៉ាន់ស្មានថាមនុស្សដែលត្រូវបានជួយ សង្គ្រោះត្រូវការការព្យាបាលនៅមន្ទីរពេទ្យរយៈពេល 7 ទៅ 10 ថ្ងៃ។ បន្ទាប់មកពួកគេ នឹង ត្រលប់ទៅផ្ទះវិញខណៈជាសះស្បើយ។ ក្រុមគ្រូពេទ្យកំពុងយកចិត្តទុក ដាក់ យ៉ាងដិតដល់ជា មួយក្រុមក្មេងៗយ៉ាងហោចណាស់ 30 ថ្ងៃទៀត។

បន្ថែម លើការថែរក្សាមនុស្សដែលត្រូវបានជួយសង្គ្រោះ រដ្ឋាភិបាលក្នុងតំបន់ក៏បានធ្វើការ ដើម្បីបិទរូងភ្នំដើម្បីកុំឱ្យមានមនុស្សកាន់តែច្រើនចូលនិងជាប់នៅទីនោះទៀត។ យោងតាមលោក ចុងក្លៃ វ៉ូរ៉ាពុងសាថន អគ្គនាយករងនៃនាយកដ្ឋានឧទ្យានជាតិ បានឲ្យដឹង ថា អភិបាលខេត្ត បានបញ្ជាឱ្យលោកបិទរូងភ្នំនេះ ហើយវាត្រូវបានបិទរួចរាល់ នៅម៉ោង 10 ព្រឹកថ្ងៃពុធ ដោយមានរបងព័ទ្ធជុំវិញរូងភ្នំ ហើយអ្វីៗទាំងអស់នៅខាង ក្នុងរូង ភ្នំត្រូវទុក នៅទី នោះ។

គ្មាននណាម្នាក់អាចចូលទៅខាងក្នុងបានឡើយ ខណៈយើង មានកម្លាំង ឈរយាម 24 ម៉ោង។ អភិបាលខេត្ត ឈៀង រ៉ៃ លោក ណារ៉ុងសាក់ អូសូតាណាកន បាន ថ្លែងអំណរគុណ ចំពោះក្រុមអ្នកជួយសង្គ្រោះនិងក្រុមជួយសង្គ្រោះមកពីបណ្តាប្រទេសជាង 10 រួមមានប្រទេសចិន សហរដ្ឋអាមេរិក អង់គ្លេសនិងអូស្ត្រាលី។ លោកបាននិយាយថា វាគឺជា កិច្ចខិតខំប្រឹងប្រែងរួមគ្នារបស់អ្នកជួយសង្គ្រោះថៃនិងអន្តរជាតិដែលបានជួយបំពេញបេសក កម្មដែលមិនអាចទៅរួចពីដំបូង៕

គ.ជ.ប បោះពុម្ពសន្លឹកឆ្នោតរួចរាល់ហើយ តម្លែជាង២,៦លានដុល្លារ

July 12, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

ភ្នំពេញ ៖ សន្លឹកឆ្នោតជាង១០លាន៥សែនសន្លឹក តម្លៃជាង២.៦លានដុល្លារអាមេរិក ត្រូវបានបោះពុម្ពរួចរាល់ជាស្ថាពរហើយកាលពីដើមសប្តាហ៍នេះ។ នៅថ្ងៃស្អែក គ.ជ.ប. នឹងដឹកយកសន្លឹកឆ្នោតទាំងនោះ យកទៅរក្សាទុកនៅឃ្លាំងគ.ជ.ប.ដែលមានទីតាំងនៅសង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ។

អ្នកនាំពាក្យ គ.ជ.ប លោក ឌឹម សុវណ្ណរុំ បានបញ្ជាក់ប្រាប់ទូរទស្សន៍អាស៊ីអាគ្នេយ៍ថា សន្លឹកឆ្នោតទាំងអស់ដែលបម្រើឲ្យការបោះឆ្នោតតំណាងរាស្ត្រអាណត្តិ ទី៦ នៅថ្ងៃទី២៩ កក្កដាខាងមុខនោះ បានបញ្ចប់ជាស្ថាពរហើយ ដោយមន្ត្រីគជ បនឹងដឹកសន្លឹកឆ្នោតទាំងនោះយកទៅរក្សាទុកនៅឃ្លាំងរបស់ខ្លួននៅ សង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ។

ការដឹកសន្លឹកឆ្នោតយកទៅ រក្សាទុក្ខនៅក្នុងឃ្លាំងគជប នឹងប្រព្រឹត្តទៅនៅវេលាម៉ោង៩ព្រឹកថ្ងៃទី ១៣ កក្កដា ស្អែក ដោយដឹកចេញពីរោងពុម្ពក្នុងសង្កាត់បឹងកក់ទី១ ខណ្ឌទួលគោក។ អ្នកនាំ ពាក្យគជបនឹងបង្ហាញវត្តមាននៅទីនោះនៅថ្ងៃស្អែកដើម្បីត្រៀមឆ្លើយតបសំណួរ អ្នកកាសែត។ បើតាម លោក ឌឹម សុវណ្ណរុំបានអះអាងថា សន្លឹកឆ្នោត សម្ភារៈ និង ឯកសារប្រើប្រាស់សម្រាប់ការបោះឆ្នោត គ.ជ.ប.នឹងត្រូវបញ្ជូនទៅដល់ការិយា ល័យបោះឆ្នោតទាំង២ម៉ឺន២ពាន់៩៦៧ ការិយាល័យ នៃមណ្ឌលបោះឆ្នោតទាំង ២៥ មិនឲ្យលើសពី៣៦ម៉ោងមុនថ្ងៃបោះឆ្នោត។

គួរបញ្ជាក់ថា គ.ជ.ប បានធ្វើការបោះពុម្ពសន្លឹកឆ្នោតសរុបជាង១០លាន៥សែនដោយក្នុងមួយសន្លឹកតម្លៃ៩៩០រៀល សរុបប្រមាណជាង២,៦លានដុល្លារអាមេរិក សម្រាប់ប្រើប្រាស់ ក្នុងការបោះឆ្នោតជ្រើសតាំងតំណាងរាស្ដ្រ នីតិកាលទី៦ ២៩កក្កដាខាងមុខ។

ក្នុងចំណោមសន្លឹកឆ្នោត១០លាន៥សែនសន្លឹក ក្នុងនោះមានសន្លឹកឆ្នោតគំរូជាង៣សែនសន្លឹក និងសន្លឹកឆ្នោតបម្រុងជាង៦សែន៦ម៉ឺនសន្លឹក។

ការត្រៀមសន្លឹកឆ្នោតបម្រុងច្រើនបែបនេះ ត្រូវបាន ឯ.ឧ ឌឹម សុវណ្ណារុំ អះអាងថា ដើម្បីត្រៀមជំនួសសន្លឹកឆ្នោតដែលខូចដោយសារបញ្ហាប្រធានស័ក្ត និងករណីអ្នកបោះឆ្នោតគូសច្រឡំហើយសុំដូរសន្លឹកឆ្នោតថ្មី។

តាមគោលការណ៍ការសុំដូរសន្លឹកថ្មីបានតែម្តងគត់សម្រាប់អ្នកបោះឆ្នោតម្នាក់ជាមួយនឹងចំនួនអ្នកមានឈ្មោះក្នុងបញ្ជីបោះឆ្នោតមានជាង៨លាន៣សែននាក់៕

សន្និសីទ Nato ក្នុងទីក្រុងប្រ៊ូសែល បានបញ្ចប់កាលពីថ្ងៃ ព្រហស្បតិ៍

ណាតូ ៖ សន្និសីទប្រចាំឆ្នាំរបស់មេដឹកនាំសមាជិកអង្គការសន្ធិសញ្ញាអាត្លង់ទិចខាងជើង ដែលគេស្គាល់ថា Nato ក្នុងទីក្រុង ប្រ៊ូសែល ប្រទេស បែលហ្ស៊ិក បានបញ្ចប់នៅថ្ងៃ ព្រហស្បតិ៍ម្សិលមិញ ដោយមានការខ្វែងគំនិតគ្នា មួយចំនួន ពិសេសរវាង សហរដ្ឋអាមេរិក និង អាល្លឺម៉ង់ ទាក់ទងនឹងការចំណាយសម្រាប់វិស័យការពារសម្ព័ន្ធភាពយោធា និងការចោទរបស់លោក ដូណាល់ ត្រាំ ដែលថា អាល្លឺម៉ង់ ក្លាយជាចំណាប់ខ្មាំងរបស់ រុស្ស៊ី ដោយសារតែកិច្ចព្រមព្រៀងថាមពល ។

អាល្លឺម៉ង់ បានអនុញ្ញាតឲ្យ រុស្ស៊ី សាងសង់បំពង់ប្រេងឆ្លងកាត់ដែនទឹករបស់ខ្លួន ព្រមទាំងទិញថាមពលពី រុស្ស៊ី មានតម្លៃច្រើនពាន់លានដុល្លារ ជាអ្វីដែលលោក ដូណាល់ ត្រាំ អះអាងថា មិនបានជួយឲ្យ Nato កាន់តែខ្លាំង ប៉ុន្តែបែរជាធ្វើឲ្យប្រទេស រុស្ស៊ី ទទួលបានប្រាក់ច្រើនពាន់លានពីប្រទេសដែលជាសមាជិក Nato ។

លោក ដូណាល់ ត្រាំ ចោទសួរថា តើមានគុណសម្បត្តិដូចម្ដេចនៅពេលដែល អាល្លឺម៉ង់ បង់ប្រាក់រាប់ពាន់លានទៅឲ្យ រុស្ស៊ី ដើម្បីថាមពល នៅពេលដែល សហរដ្ឋអាមេរិក ចំណាយច្រើនលើសលប់ទៅលើវិស័យការពារជាតិរបស់សម្ព័ន្ធភាពយោធាធំបំផុតលើពិភពលោកមួយនេះ ដើម្បីការពារសមាជិករបស់ខ្លួន ក្នុងនោះមាន អាល្លឺង់ ផងដែរ ។ ប្រធានាធិបតី សហរដ្ឋអាមេរិក បញ្ជាក់ថា អាល្លឺម៉ង់ ទទួលបានការផ្គត់ផ្គង់ថាមពលប្រមាណ 60% ទៅ 70% ពី រុស្ស៊ី ។

ចំណែកអធិការបតី អាល្លឺម៉ង់ លោកស្រី អង់ជីឡា មឺកែល ការពារគោលនយោបាយថាមពលរបស់ រដ្ឋាភិបាលទីក្រុង ប៊ែកឡាំង ដោយបញ្ជាក់ថា អាល្លឺម៉ង់ គឺជាប្រទេសផ្ដល់វិភាគទាន ច្រើនបំផុតទីពីរសម្រាប់វិស័យការពារជាតិ Nato បន្ទាប់ សហរដ្ឋអាមេរិក ហើយ អាល្លឺម៉ង់ ជាប្រទេសឯករាជ្យ ដែលត្រូវមានការសម្រេចចិត្តដោយឯករាជ្យ ។ ទោះយ៉ាងណា លោក ដូណាល់ ត្រាំ មានគម្រោងជួបទ្វេភាគីជាមួយប្រធានាធិបតី រុស្ស៊ី លោក វ្លាឌីមៀ ពូទីន ក្នុងទីក្រុង ហេស៊ីងស្គី ប្រទស ហ្វាំងឡង់ មុនពេលបន្តដំណើរទៅប្រទេស អង់គ្លេស ។

ក្រោយសន្និសីទ NATO ចេញសេចក្ដីថ្លែងការណ៍រួម 79 ចំណុច ក្នុងនោះមានបញ្ហាប្រទេស អ៊ុយ ក្រែន រហូតដល់គំនិតផ្ដើមបង្កើតកងកម្លាំងប្រយុទ្ធថ្មី ដែលមានឈ្មោះថា 30-30-30-30 គឺទាហានជើងគោក 30 កងពលតូច ទាហានអាកាស 30 ក្រុម ទាហានជើងទឹកមាន30នាវា ហើយបង្កើតឡើងឲ្យបានក្នុងរយៈពេល 30 ថ្ងៃ ។

គំនិតផ្ដួចផ្ដើមនេះ ធ្វើឡើងបំណងទប់ទល់នឹងឥទ្ធិពលរបស់ រុស្ស៊ី ដែលបង្កើនសកម្មភាពយោធាយ៉ាងខ្លាំងក្បែរព្រំដែនអឺរ៉ុបខាងកើត ធ្វើឲ្យប្រទេសជាប់ព្រំដែន រុស្ស៊ី ព្រួយបារម្ភយ៉ាងខ្លាំងចំពោះគ្រោះថ្នាក់ដូចដែលកើតឡើងទៅលើប្រទេស អ៊ុយក្រែន ក្នុងឆ្នាំ 2014 ៕

ប្រធានាធិបតី កូរ៉េខាងត្បូង ទស្សនកិច្ចនៅសិង្ហបុរីផ្ដោតលើទំនាក់ទំនងពាណិជ្ជកម្ម

កូរ៉េ ៖ ប្រធានាធិបតី សិង្ហបុរី លោក លី សេនលុង ទទួលស្វាគមន៍ប្រធានាធិបតី កូរ៉េខាងត្បូង លោក មូន ចេ-អ៊ីន ក្នុងថ្ងៃ ព្រហ្បតិ៍ នៅឯវិមានប្រធានាធិបតី ជាកន្លែងដែលមេដឹកនាំទាំងពីរ សន្ទនាផ្ដោតទៅលើកិច្ចប្រឹងប្រែងបង្កើនសន្ទស្សន៍នពាណិជ្ជកម្មទ្វេភាគីឲ្យកើនឡើងច្រើនជាងបច្ចុប្បន្ន 20 ពាន់លាន ។

លោក មូន ចេ-អ៊ីន បញ្ចប់ទស្សនកិច្ចក្នុងប្រទេស ឥណ្ឌា កាលពីថ្ងៃ ពុធ ជាកន្លែងមានកាចុះហត្ថលេខាលើកិច្ចព្រមព្រៀងចំនួន 11 បំណងបង្កើនពាណិជ្ជកម្មទៅវិញទៅមកឲ្យលើស 50 ពាន់លាននៅត្រឹមឆ្នាំ 2030 ។ បច្ចុប្បន្ន ឥណ្ឌា គឺជាប្រទេសមានសេដ្ឋកិច្ចធំបំផុតទី 6 លើពិភពលោក ចំណែក កូរ៉េខាងត្បូង ស្ថិតនៅលើលេខរៀងទី 11 ចំណែក សិង្ហបុរី ជាប្រទេសមានសេដ្ឋកិច្ចធំបំផុតទី 37 លើពិភពលោក ។

លោក មូន ចេ-អ៊ីន និយាយថា កូរ៉េខាងត្បូង និង សិង្ហបុរី នឹងបង្កើនសន្ទស្សន៍ពាណិជ្ជកម្មទ្វេភាគី ក្នុងនោះមានការចរចាបញ្ចប់ពន្ធខ្ពស់លើទំនិញនាំចូល និងរួមគ្នាក្នុងគំនិតផ្ដួចផ្ដើមមានឈ្មោះថា បដិវត្តឧស្សាហកម្មលើកទី4 ។ ប្រធានាធិបតី កូរ៉េខាងត្បូង បញ្ជាក់ថា កូរ៉េខាងត្បូង និង សិង្ហបុរី នឹងទទួលបានសមិទ្ធិផលធំៗលើវិស័យស៊ើបអង្កេត និង ផ្នែកទិន្នន័យទ្រង់ទ្រាយធំ រហូតដល់បច្ចេកវិទ្យាជីវសាស្ត្រ នៅពេលណាដែលប្រទេសទាំងពីរធ្វើការរួមគ្នាលើផ្នែកទាំងនោះ ។

សូមរំឭកថា សិង្ហបុរី ទទួលធ្វើជាម្ចាស់ផ្ទះសន្និសីទជាប្រវត្តិសាស្ត្ររវាងមេដឹកនាំ កូរ៉េខាងជើង លោក គីម ជុងអ៊ុន និង ប្រធានាធិបតី សហរដ្ឋអាមេរិក លោក ដូណាល់ ត្រាំ កាលពីថ្ងៃទី 12 មិថុនា ជាព្រឹត្តិការណ៍ដែលមេដឹកនាំ កូរ៉េខាងជើង បានសន្យាជាលើកទីពីរអំពីការលះបង់អាវុធនុយក្លេអ៊ែរ ព្រមទាំងចុះហត្ថលេខាលើឯកសារ ដែលមានការព្រមព្រៀងចំនួន 4 ចំណុច ក្នុងនោះមានការលះបង់អាវុធនុយក្លេអ៊ែរផងដែរ ៕

លោក ម៉ា ឈឿន ៖ រដ្ឋាភិបាលមិនលើកលែងចំពោះក្រុមដែលរញុះញង់មិនឲ្យទៅបោះឆ្នោត

July 12, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជាមេគង្គ ប៉ុស្តិ៍

កំពង់ចាម ៖ ក្នុងពិធីសំណេះសំណាល់ជាមួយបងប្អួនប្រជាពលរដ្ឋរស់នៅភូមិចាំនាង ស្ថិតនៅឃុំ ផ្តៅជ្រុំ ស្រុកជើងព្រៃ លោក ម៉ា ឈឿន អ្នកតំណាងរាស្ត្រគណបក្សប្រជាជនកម្ពុជា មណ្ឌលកំពង់ចាម បានថ្លែងផ្តាំទៅកាន់ក្រុមប្រឆាំងក្រៅច្បាប់ ដែលបានរៀបចំផែនទុចរិទ រារាំង និងញុះញង់ប្រជាពលរដ្ឋ មិនឲ្យទៅបោះឆ្នោតនាថ្ងៃទី២៩ ខែកក្កដា ខាងមុខនេះថា អាជ្ញាធរមានសមត្ថកិច្ច ពិសេសរាជរដ្ឋាភិបាលមិនលើកលែងជាដាច់ខាត់ចំពោះផែនការមួយ នេះ។ ឯកឧត្តមតំណាងរាស្ត្រ ម៉ា ឈឿន បានបញ្ជាក់ថា ផែនការរារាំងនិងញុះញង់ប្រជាពលរដ្ឋ មិនឲ្យទៅបោះឆ្នោត គឺជាអំពើខុសច្បាប់ ដែលចែងនៅក្នុងច្បាប់ស្តីពីការបោះ ឆ្នោតជ្រើសតាំងតំណាងរាស្ត្រ រួមនឹងរដ្ឋធម្មនុញ្ញផងដែរ។ ជាមួយគ្នានេះ ឯកឧត្តម តំណាងរាស្ត្រ ក៏បានអំពាវនាវដល់កម្លាំងសមត្ថកិច្ចទាំងអស់ ចាប់ខ្លូនភ្លាមៗ ចំពោះក្រុម ឬជនទាំង ឡាយណាដែលធ្វើសកម្មភាពរារាំង និងញុះញង់ប្រជាពលរដ្ឋ មិនឲ្យទៅបោះឆ្នោតនាថ្ងៃទី២៩ ខែកក្កដា ខាងមុខនេះ។

សូមជម្រាបថា ក្រុមប្រឆាំងក្រៅច្បាប់ ដែលមានទណ្ឌិត សម រង្សី ជាមេខ្លោង បានដាក់ ចេញនូវផែនការទុចរិទជាច្រើន ក្នុងគោលបំណងបំផ្លាញ់ដំណើរការបោះឆ្នោតជ្រើសតាំង តំណាងរាស្ត្រ នីតិកាលទី៦នេះ រួមមានការរារាំង និងញុះញង់ប្រជាពលរដ្ឋ មិនឲ្យទៅបោះឆ្នោតជាដើម ដោយបានរៀបចំផែនការបំភិទបំភ័យប្រជាពលរដ្ឋថា ទឹកខ្មៅច្រឡក់ដៃនៅថ្ងៃ បោះឆ្នោតបណ្តាលឲ្យស្លាប់ ក្រោយ ២៤ម៉ោងជាដើម ដែលផែនការនេះ ត្រូវបានសម្តេច តេជោប្រមុខរាជរដ្ឋាភិបាល ចាត់ទុកជាទង្វើដ៏ថោកទាប និងមិនអាចលើកលែងបានឡើយ។

ដោយឡែកនៅក្នុងពិធីសំណេះសំណាល់នេះដែរ តំណាងរាស្ត្រ ម៉ា ឈឿន ក៏បានជម្រាបជូនបងប្អូនប្រជាពលរដ្ឋថា មានមូលហេតុសំខាន់មួយចំនួនតូចបានធ្វើអោយបងប្អូនប្រជាពលរដ្ឋគាំទ្របោះឆ្នោតអោយគណបក្សប្រជាជនកម្ពុជា ដឹកនាំប្រទេសមកទល់សព្វថ្ងៃក្នុងនោះរួមមាន៖
១)ជាគណបក្សដែលបានរំដោះប្រទេសពីរបបប្រល័យពូជសាសន៍ ដែលបានសង្គ្រោះជាតិពិតប្រាកដ។២)ជាគណបក្សដែលរួមសុខរួមទុក្ខជាមួយពលរដ្ឋ ទោះបីប្រទេសជាតិស្ថិតក្នុងស្ថានភាពបែបណាក៏ដោយ។

៣)ជាគណបក្សដែលបានថែរក្សាសុខសន្តិភាពយូរអង្វែង ដែលកំពុងផ្តល់ក្តីសុខដល់ពលរដ្ឋទូទាំងប្រទេស។៤)ជាគណបក្សដែលផ្តល់ឱកាសដល់យុវជន និងកូនក្មួយកម្មករ។៥)ជាគណបក្សដែលបានប្រែក្លាយកម្ពុជាពីវាលពិឃាតមកជាកម្ពុជាអច្ឆរិយៈ ស្មើមុខស្មើមាត់ជាមួយអន្តរជាតិ ដែលមានការទាក់ទាញបំផុតនៅក្នុងតំបន់។៦)ជាគណបក្សតែ១គត់ដែលដែលសំបូរធនធានមនុស្ស មានសមត្ថភាពពេញលេញនិងមានលទ្ឋភាពគ្រប់គ្រាន់ក្នុងការដឹកនាំអភិវឌ្ឍន៍ប្រទេសអោយកាន់តែរីកចម្រើនយូរអង្វែង៕

រថយន្តដឹកស៊ីម៉ងត៍ជាង២០តោន ក្រឡាប់ធ្លាក់ចូលប្រឡាយទឺកទាំងព្រឹក

July 12, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជា, សន្តិសុខ/សង្គមមេគង្គ ប៉ុស្តិ៍

ភ្នំពេញ ៖ រថយន្តដឹកស៊ីម៉ងមួយគ្រឿង បានបើកបោះពួយ ក្នុងល្បឿនលឿន ក៍បានទាញចង្កូត ជ្រុល ធ្លាក់ប្រឡាយ បណ្តាលអោយក្រឡាប់ចាក់ស៊ីម៉ងត៍ ចំនួន ២៨តោន ចូលក្នុងទឹកទាំងព្រឹក ។

ហេតុការណ៍នេះបានកើតឡើង កាលពីវេលាម៉ោង៤និង៣០នាទីទៀបភ្លឺ ថ្ងៃទី១២ ខែកក្កដា ឆ្នាំ២០១៨ ស្ថិតនៅតាមផ្លូវ ទំនប់កប់ស្រូវ ភូមិស្រែតេជ្ជះ សង្កាត់សំរោងក្រោម ខណ្ឌពោធិសែនជ័យ។
រថយន្តដែលក្រឡាប់នោះ ម៉ាកហ៊ីណូ ចង្កូតស្តាំពាក់ស្លាកលេខ PSHN-0151 សណ្តោងរ៉ឺម៉កពាក់ស្លាកលេខ ភ្នំពេញ 4A-1952 ដឹកស៊ីម៉ង់ត៍ចំនួន១៤យ៉ោងស្មើនឹង២៨តោន បើកបរដោយយុវជនម្នាក់មិនបានប្រាប់អោយស្គាល់ឈ្មោះឡើយ។

តាមសាក្សីបានអោយដឹងថា នៅមុនពេលកើតហេតុ គេឃើញ រថយន្តខាងលើធ្វើដំណើរតាមបណ្តោយផ្លូវទំនប់កប់ស្រូវក្នុងទិសដៅពីត្បូងទៅជើងដោយល្បឿនលឿន។ខណះពេលមកដល់កន្លែងកើតហេតុ ស្រាប់តែមានរថយន្តធុនធ្ងន់មួយគ្រឿង បើកជែងឆ្វេង ស្រាប់តែរថយន្តដឹកស៊ីម៉ងត៍ ភ្ញាក់ក៍បួងចង្កូតទាញគេចទៅស្តាំជ្រុលធ្លាក់ផ្លូវបេតុងអូសលើចិញ្ចើមទៅមុខប្រមាណ៥០ម៉ែត្រក៍ផុងដីក្រឡាប់ផ្ញាជើង ចាក់ស៊ីម៉ងត៍ចូលទឹកតែម្តង ។

តាមព័ត៌មានអោយដឹងទៀតថា បន្ទាប់ពីក្រឡាប់ អ្នកបើកបរ បានប្រាប់ថៅកែអោយដឹងថា មានរថយន្តធំមួយគ្រឿងបើកកៀរ ជាហេតុធ្វើអោយ ធ្លាក់ផ្លូវ ក្រឡាប់។

តាមបុរសម្នាក់ ដែលគេអះអាងថា ថៅកែរថយន្ត បានឲ្យដឹងថា រថយន្តនោះបានដឹកស៊ីម៉ង់ត៍ចំនួន២៨តោន មកពីក្រុងព្រះសីហនុ យកទៅដាក់ក្រុមហ៊ុនក្រឡុកស៊ីម៉ង់ត៍នៅខណ្ឌព្រែកព្នៅហើយ ត្រូវរថយន្តមួយគ្រឿងទៀតបើកគៀរបណ្តាលអោយ ធ្លាក់ផ្លូវ ក្រឡាបចូលប្រឡាយតែម្តង ។នៅព្រឹកនោះម្ចាស់បានជួលរថយន្តមកស្ទួចយករថយន្តនោះទៅជួសជុល។ចំណែកស៊ីម៉ង ត្រូវទឹករងបានខូចខាត៕

ស្ថាប័នគយ ច្រកតំបន់បឹងត្រកួន បិទបាំងទំនិញគេចពន្ធនាំចូលពីប្រទេសថៃ(Video)

បន្ទាយមានជ័យ ៖ ទំនិញជាច្រើនប្រភេទរាប់ទាំងសត្វពាហន:ខុសច្បាប់ផងដែរ ដែលក្រុមឈ្មួញនាំពីប្រទេសថៃ ចូលមកកម្ពុជាតាមច្រកតំបន់បឹងត្រកួនក្នុងខេត្តបន្ទាយមានជ័យ ត្រូវបានគេរាយការណ៍ថា មានការគៃបន្លំបិទបាំងមុខទំនិញមិនបង់ពន្ធចូលរដ្ឋ ឬបង់ពន្ធមិនគ្រប់ចំនួន ដែលដែនសមត្ថកិច្ចនេះ ស្ថិតនៅក្រោមការគ្រប់គ្រងរបស់លោក ញឹក ប៊ុនលេខ ប្រធានការិយាល័យគយ និងរដ្ឋាករ ច្រកទ្វារតំបន់បឹងត្រកួន។

ប្រភពដដែលបញ្ជាក់ថា ច្រកបឹងត្រកួននេះ ក្រៅពីឈ្មួញនាំទំនិញផ្សេងៗចូល នៅមានស្ត្រីដ៏ល្បីឈ្មោះម្នាក់ទៀតឈរធ្វើជាថៅកែនាំជ្រូកក្នុងមួយថ្ងៃៗរាប់រយក្បាលតាមរយៈរថយន្តធុនធំជាច្រើនគ្រឿង។ ស្ត្រីថៅកែជ្រូកឈ្មោះ សុខ លាង មានវ័យជាង ៣០ឆ្នាំ ធ្លាប់បានអះអាងថា ខ្លួនជាតំណាងក្រុមហ៊ុន អង្គរសុខ សារឹទ្ធ ជាថៅកែធំនាំជ្រូកចូលពីប្រទេសថៃ។

ស្ត្រីឈ្មោះ សុខ លាង បានបញ្ជាក់ថា ក្នុងមួយថ្ងៃក្រុមហ៊ុន អង្គរសុខ សារឹទ្ធ
នាំជ្រូកទៅចែកចាយ នៅក្រុងភ្នំពេញ និងតាមបណ្តាខេត្តនានា ។ អ្វីដែលមិនគួរឲ្យជឿនោះគឺ ជ្រូកក្នុងមួយរថយន្តមានចំនួនចាប់120ក្បាល ហើយក្នុងមួយថ្ងៃនាំចូលពី៤គ្រឿង ឡើងទៅ។ ដោយឡែកលោក ញឹក ប៊ុនលេខ ប្រធានការិយាល័យគយ និងរដ្ឋាករច្រកតំបន់បឹងត្រកួន ប្រាប់ ផ្ទុយពីស្ត្រីឈ្មោះ សុខ លាង ដែលម្ចាស់ជ្រូក ទៅវិញ។

ប្រជាពលរដ្ឋចោទប្រកាន់ថា បានស៊ុមគ្រលុំគ្នាគៃបន្លំប្រាក់ពន្ធចំណូលរដ្ឋក្នុងការបិទបាំងតួលេខនៃការនាំចូលជ្រូកពីប្រទេសថៃរាប់រយក្បាលក្នុងមួយថ្ងៃៗ ។ជាករណីនាំចូលមិនប្រក្រតីដែលរថយន្តធុនធំរបស់ថៃ បានដឹកជ្រូកចូលមកកម្ពុជាលក់ឲ្យឈ្មួញខ្មែរនៅទីតាំងមួយកន្លែងនៅក្បែររង្វង់មូល ផ្លូវជាតិលេខ៥៨ ក្នុងឃុំគោករមៀត ស្រុកថ្មពួក ខេត្តបន្ទាយមានជ័យត្រូវបានគេរិះគន់យ៉ាងចាស់ដៃចំពោះមន្ត្រីជំនាញស្ថាប័នគយ បានឃុបឃិតគ្នាបន្លំប្រាក់ពន្ធ យកលុយលម្អៀងពីការបន្លំពន្ធនោះ ចែកគ្នាដាក់ហោប៉ៅ ដោយមិនអើពើចំពោះការខិតខំប្រឹងប្រែងរបស់សាមីក្រសួង និងប្រមុខរាជរដ្ឋាភិបាលក្នុងការប្រមូលពន្ធអាករដើម្បីជាប្រយោជន៍អភិវឌ្ឍន៍សង្គមជាតិនោះឡើយ។

បញ្ហាខាងលើនេះលោក ញឹក ប៊ុនលេខ ស្នាក់ការច្រកតំបន់បឹងត្រកួន មិនអាចសុំការបកស្រាយបាននៅឡើយទេ ព្រោះទូរស័ព្ទចូលជាច្រើនដង គ្មានអ្នកទទួល៕

https://youtu.be/YoWls5ctkY4

គិតត្រឹមឆ្នាំនេះ នៅភ្នំពេញមានយានយន្តជិត២,២លានគ្រឿង

July 11, 2018ព័ត៌មានថ្មីចុងក្រោយ, ព្រឹត្តិការណ៍កម្ពុជា, សន្តិសុខ/សង្គមមេគង្គ ប៉ុស្តិ៍

ភ្នំពេញ ៖ មន្ទីរសាធារណការ និងដឹកជញ្ជូន បានបង្ហាញទិន្នន័យបច្ចុប្បន្នភាពមួយថា គិតមកដល់ត្រឹមខែកក្ដដាឆ្នាំ២០១៨នេះ ចំនួនយានយន្ត នៅរាជធានីភ្នំពេញ មានការកើនឡើងរហូតដល់ជាង២លាន ១៩ម៉ឺនគ្រឿង។

ការកើនឡើងនេះដោយសារ តែកំណើនសេដ្ឋកិច្ចគ្រួសាររបស់ប្រជាពលរដ្ឋ មានភាពប្រសើរឡើង ហើយរាជរដ្ឋាភិបាល អាចរក្សាបាន នូវកំណើនសេដ្ឋកិច្ចថេរមួយក្នុងរង្វង់៧% ជាប់គ្នាជាច្រើនឆ្នាំ
បើតាមការបញ្ជាក់ពី លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញ នៅថ្ងៃទី១១ ខែកក្ដដា ឆ្នាំ២០១៨នេះ បាន បង្ហាញថា គិតត្រឹមខែកក្ដដានេះ នៅក្នុងរាជធានីភ្នំពេញ មានរថយន្តគ្រប់ប្រភេទ មានចំនួន៤៨ម៉ឺនគ្រឿង ម៉ូតូមានចំនួន១លាន៧សែនគ្រឿង និងរឺម៉កកង់បី មានចំនួន១ម៉ឺន១ពាន់គ្រឿង ដែលបានចុះបញ្ជី។

បើប្រៀបធៀបកាលពីចុងឆ្នាំ២០១៦ ចំនួនរថយន្តមានតែ៤០ម៉ឺនគ្រឿង និងម៉ូតូមានចំនួន១លាន៤សែនគ្រឿង ខណៈដែលចំនួនកង់បីក្នុងឆ្នាំ២០១៦ មន្ទីរសាធារណការ និងដឹកជញ្ជូនមិនបានបញ្ជាក់ពីតួរលេខនោះទេ។ ចំពោះចំនួនយានយន្តទាំងនេះ គឺបានចុះបញ្ជីរួចរាល់ហើយ លើកលែងតែ រ៉ឺម៉កកង់បីដែលមានចំនួនប្រមាណជាង១០%ប៉ុណ្ណោះ មិនទាន់បានចុះបញ្ជីការត្រឹមត្រូវ។

ទាក់ទិននិងចំនួនយានយន្តនេះដែរ បើតាមរបាយការណ៍របស់ក្រសួងសាធារណការ និងដឹកជញ្ជូន ចេញផ្សាយកាលពីថ្មីៗកន្លងទៅនេះ បានបង្ហាញថា ចំនួនយានយន្តនៅក្នុងប្រទេសកម្ពុជា បានកើនឡើងគួរឱ្យកត់សម្គាល់ក្នុងប៉ុន្មានឆ្នាំចុងក្រោយនេះ ជាក់ស្តែងពេលបច្ចុប្បន្ន បើគិតចំនួនរថយន្តសរុបនៅទូទាំងប្រទេសកម្ពុជា មានចំនួនជិត ១លានគ្រឿង និង ម៉ូតូមានជាង៦លានគ្រឿង ដែល កំណើននៃចំនួនយានយន្តទាំងនេះគឺបន្ទាប់ពីកំណើនសេដ្ឋកិច្ចប្រចាំឆ្នាំរបស់កម្ពុជា បានរីកលូតលាស់ប្រមាណ៧% ក្នុងរយៈពេលជាង១ទសវត្សរ៍មកនេះ។ ចំណែក អ្នកនាំពាក្យសាលារាជធានីភ្នំពេញ លោក ម៉េត មាសភក្តី ធ្លាប់បានបញ្ជាក់ដែរថា ដោយសារចំនួន យានយន្តមានការកើនឡើងនេះហើយ ធ្វើអោយគ្រប់ផ្លូវក្នុងរាជធានីភ្នំពេញ មានការកកស្ទះចរាចរណ៍ជាខ្លាំង ជារៀងរាល់ថ្ងៃ។

ក្រៅពីនេះនៅមានកត្តាជាច្រើនទៀត ដែលនាំឱ្យមានការកកស្ទះចរាចរណ៍ក្នុងរាជធានី ដូចជា អ្នកបើកបរមិនសូវគោរពច្បាប់ចរាចរណ៍ ប្រជាពលរដ្ឋមួយចំនួន រំលោភយកផ្លូវ និងចិញ្ចើមផ្លូវធ្វើអាជីវកម្មធ្វើជាចំណតផ្ទាល់ខ្លួន ជាដើម។

គួរបញ្ជាក់ផងដែរថា ចាប់តាំងពីខែសីហា ឆ្នាំ២០១៦មក ក្រសួងសាធារណការ និងដឹកជញ្ជូន បានដាក់ឱ្យដំណើរការនូវការចុះបញ្ជីតាមប្រព័ន្ធស្វ័យប្រវត្តិកម្មថ្មីសម្រាប់យានយន្ត ដើម្បីសម្រួលបន្ថែមក្រៅពីសេវាកម្មចុះបញ្ជីដោយផ្ទាល់នៅមន្ទីរសាធារណៈការខេត្តក្រុង។ ដែលដំណើរការនេះ ក៏ជាកត្តាជម្រុញមួយធ្វើអោយចំនួនយានយន្តចុះបញ្ជីត្រឹមត្រូវមានការកើនឡើងជាបន្តបន្ទាប់ដែរ៕

បំបែកសំបុកស្ដុកម៉ូតូចិន កែទៅជាម៉ូតូហុងដាជប៉ុន

ភ្នំពេញ ៖ ទីតាំងស្តុបម៉ូតូរបស់ក្រុមហ៊ុនចិនយីហោ B.D បូឌីង អ៊ីនវេសមេន ខូអិលធីឌី មួយកន្លែង ត្រូវបានគណៈកម្មការប្រយុទ្ធប្រឆាំងផលិតផលក្លែងក្លាយដែលបង្កគ្រោះថ្នាក់ មានហានីភ័យខ្ពស់ ដល់សុខភាព និងសុវត្ថិភាពសង្គម នៃក្រសួងមហាផ្ទៃ ចុះបង្ក្រាបដោយរកឃើញម៉ូតូប្រមាណ៤៤៤គ្រឿង ដែលសង្ស័យថា លួចក្លែងបន្លំ ម៉ូតូម៉ាករហុងដា របស់ក្រុមហ៊ុនហុងដា។

ការចុះបង្ក្រាបទីតាំង លួចលាក់ក្លែងម៉ាកម៉ូតូនេះ បានធ្វើឡើងកាលពីវេលាម៉ោង ១០ និង៤០នាទី ព្រឹកថ្ងៃទី១១ ខែកក្កដា ឆ្នាំ២០១៨ នៅក្នុងក្រុមហ៊ុនខាងលើ ដែលមានទីតាំងស្ថិតនៅក្នុងភូមិត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ។

ប្រតិបត្តិការនេះដឹកនាំដោយលោកឧត្តមសេនីយ៍ទោ ជុត សាម៉ុន អនុប្រធានលេខាធិការដ្ឋាន គណៈកម្មការប្រយុទ្ធប្រឆាំងផលិតផលក្លែងក្លាយដែលបង្កគ្រោះថ្នាក់មានហានីភ័យខ្ពស់ដល់សុខភាពនិងសុវត្តិភាពសង្គម នៃក្រសួងមហាផ្ទៃ ក្រសួងមហាផ្ទៃ។
តាមសមត្ថកិច្ចបានឲ្យដឹងថា ក្រុមហ៊ុនមួយនេះបានបន្លំម៉ាករបស់ក្រុមហ៊ុនហុងដា ដោយតម្លើងម៉ូតូរាប់រយគ្រឿង និងត្រូវបានក្រុមហ៊ុនហុងដាប្ដឹងគណៈកម្មការទើបសមត្ថកិច្ចចុះមកឆែកឆេរ បង្ក្រាបតែម្តង ។

តាមសមត្ថកិច្ចអោយដឹងថា ក្នុងការឆែកឆេរ សមត្ថកិច្ចរកឃើញម៉ូតូក្លែងបន្លំម៉ាកចំនួនជាង ៤៤៤គ្រឿង ក្នុងនោះមានម៉ាក Zoomer-x ចំនួន២២៤គ្រឿង , ម៉ាក MSL-S 1 ចំនួន១០០គ្រឿង ម៉ាក Scoopy ចំនួន៣១គ្រឿង ម៉ាក Ducati ចំនួន៦៦គ្រឿង ,ម៉ាកហុងដា Dream ចំនួន៣គ្រឿង ម៉ូតូធំផ្សេងៗចំនួន២០គ្រឿង, , តែម Zoomer-x MSL-S1 Scoopy Ducati Dream ចំនួន៤កេស ,ប្រេងសម្រាប់លាយប្រេងម៉ាស៊ីន៣៦ប្រអប់ និងគ្រឿងបន្លាស់មួយចំនួនទៀត។

តាមនគរបាលបានអោយដឹងថា ជនជាតិចិនចំនួន ២នាក់ត្រូវបាននាំខ្លួន ទៅសាកសួរ ។ ចំណែកទីតាំង ត្រូវបានកម្លាំងចម្រុះក៏បានប្លុមបេ ទាំងម៉ូតូទុកបណ្ដោះអាសន្ន៕

លោក សម រង្ស៊ី ត្រូវចូលបំភ្លឺសំណុំរឿង«ប្រមាថព្រះមហាក្សត្រ» នៅថ្ងៃទី១២ កក្កដា

ភ្នំពេញ ៖ លោក សម រង្ស៊ី ប្រធានចលនាសង្គ្រោះជាតិ ត្រូវបានតុលាការក្រុងភ្នំពេញ កោះហៅឲ្យចូលបំភ្លឺនៅថ្ងៃទី១២ ខែកក្កដា ឆ្នាំ២០១៨ នេះ ដើម្បីបំភ្លឺករណី« ប្រមាថអង្គព្រះមហាក្សត្រ» ។

តាមហ្វេសប៊ុកនៅពីថ្ងៃទី១០ ខែកក្កដា នេះ លោក សម រង្ស៊ី បានសរសេរថា អ្វីដែលលោកបានលើកឡើងពីលិខិតព្រះមហាក្សត្រ ដាក់កាលបរិច្ឆេទក្លែងក្លាយ មិនមែនជាការប្រមាថទេ ។

យោងតាមច្បាប់ថ្មីប្រឆាំងនឹងការប្រមាថអង្គព្រះមហាក្សត្រ លោក សម រង្ស៊ី អាចប្រឈមជាប់ពន្ធនាគារពី១ឆ្នាំ ទៅ៥ឆ្នាំ និងពិន័យជាប្រាក់ពី ២លានរៀល ទៅ១០លានរៀល ឬស្មើនឹងប្រាក់៥០០ ទៅ២.៥០០ ដុល្លារអាមេរិក ។

គួររំលឹកថា គិតមកទល់ពេលនេះ មានមនុស្ស៤នាក់ហើយ ត្រូវបានចោទប្រកាន់ពីបទ ប្រមាថព្រះមហាក្សត្រ ក្នុងនោះមានលោក សម រង្ស៊ី ប្រធានចលនាសង្គ្រោះជាតិម្នាក់ផងដែរ ដែលកំពុងនិរទេសខ្លួននៅក្រៅប្រទេស ដើម្បីគេចពីបណ្តឹងជាច្រើន៕